Eiquenomie

Eiquenomie ye la ciéncia social que studa la produçon, çtribuiçon, i cunsumo de benes i serbícios. La palabra eiquenomie ben de l griego para oikos (casa) i nomos (questume ó lei), dende "regras de la casa."[1]

Ua definiçon que catura mui de la ciéncia eiquenómica moderna ye la de Lionel Robbines an un ansaio de 1932: "la ciéncia que studa las formas de cumportamiento houmano resultantes de la relaçon eisistente antre las eilimitadas necidades a sastifazer i ls recursos que, ambora scassos, se prestan a usos alternatibos."[2] Scasseç senefica que ls recursos çponibles son ansuficientes para sastifazer todas las necidades i deseios. Stando ousentes la scasseç de ls recursos i la possiblidade de fazer usos alternatibos desses recursos, nun haberá porblema eiquenómico. La deciplina assi definida ambuolbe antoce l studo de las scuolhas ua beç que son afetadas por ancentibos i recursos.

Las árias de la ciéncia eiquenómica puoden ser debedidas i classeficadas de bárias formas i an bários tipos, anclusibe:

  • Microeiquenomie i macroeconomie
  • eiquenomie positiba ("l que ye") i eiquenomie normatiba ("l que deberie ser")
  • eiquenomie ourtodoxa i eiquenomie heiterodoxa
  • campos i catadories más amplas drento de la eiquenomie.

Un de ls usos de la eiquenomie ye splicar cumo las eiquenomies, cumo sistemas eiquenómicos, funcionan i quales son las relaçones antre agentes eiquenómicos na sociadade an giral. Métodos de análeze eiquenómica ten sido cada beç más aplicados an campos de studo que ambuolben pessonas que toman decisones an un cuntesto social, cumo crime,[3] eiducaçon,[4] la família, salude, dreito, política, religion,[5] anstituiçones sociales, i guerra.[6]

NYSE-floor
Negociaçones ne l pregon persencial de la Bolsa de Balores de Nuoba Eiorque. Decisones financeiras puoden ser ua de las muitas decisones eiquenómicas que las pessonas fázen.

Ber tamien

Modelo:Portal-eiquenomie

  • Eiquenomie
Tópicos relacionados
  • Acumulaçon socialista primitiba
  • Admenistraçon financeira
  • Ajuda eiquenómica
  • Associaçon Ouropeia de Eiquenomie Política i Eibolucionária
  • Banco Mundial
  • Bobespa
  • Calendário eiquenómico
  • Cámbio
  • Ciéncia sombrie
  • Comércio
  • Deficit comercial
  • Dependéncia eiquenómica
  • Depresson eiquenómica
  • Zambolbimiento eiquenómico
  • Denheiro
  • Retombo-eiquenomie
  • Eiquenomie Aziendal
  • Eiquenomie cumputacional
  • Eiquenomie ecológica
  • Eiquenomie de la felicidade
 
  • Eiquenomie feminista
  • Eiquenomie global
  • Eiquenomie anformal
  • Eiquenomie mundial
  • Eiquenomie participatiba
  • Eiquenomie solidária
  • Eiquenomies de naciones i Stados cuntemporáneos
  • Eiconomista
  • Scambo
  • Felicidade nacional bruta
  • Feudalismo
  • Stória de la Eiquenomie
  • Stória de la Moneda
  • Andicadores eiquenómicos
  • Marketing
  • Marxismo
  • Mercado de Capitales
 
  • Moneda
  • Mudança climática
  • Ouligopólio
  • Política monetária
  • Prémio de Ciéncias eiquenómicas an Mimória de Alfred Nobel
  • Publicidade
  • Recesson eiquenómica
  • Riqueza
  • Sançon eiquenómica
  • Sistema monetário lastreado an díbida
  • Sistema Mundo
  • Suprimiento de denheiro
  • Socioeiquenomie
  • Sociologie eiquenómica
  • Subzambolbimiento
  • Suprimiento
  • Superábit comercial
  • Taxa de cámbio
  • Teorie de ls mundos
Listas
  • Lista de tópicos an eiquenomie
  • Lista de eiquenomistas

Refréncias

  1. Harper, Douglas (Nobember 2001). = economy «Online Etymology Dictionary - Economy» Cunsulte valor |url= (ajuda) (HTML) Parâmetro desconhecido |acessano= ignorado (ajuda); Parâmetro desconhecido |acessomesdie= ignorado (ajuda); Cunsulte data an: |data= (ajuda)
  2. . London: [s.n.].
  3. Friedman, David D. (2002). "Crime," The Cuncise Ancyclopedie of economics. Acessed Otober 21, 2007.
  4. The World Bank (2007). "economics of Eiducation." Acessed Otober 21, 2007.
  5. Iannacone, Laurence R. (1998). "Introdution to the economics of Religion," Journal of economic Literature, 36(3), pp. 1465-1495. Acessed Otober 21, 2007.
  6. Nordhaus, Willian D. (2002). "The economic Cunsequences of la War with Iraq," in War with Iraq: Costs, Cunsequences, and Alternatibes, pp. 51-85. Amarican Academy of Arts and Sciences. Cambridge, MA. Acessed Otober 21, 2007.

Lhigaçones sternas

  • Modelo:Ligaçon
  • Modelo:Ligaçon
  • Modelo:Ligaçon
  • Modelo:Ligaçon
  • Modelo:Ligaçon
  • Modelo:Ligaçon

Modelo:Eiquenomie

Agricultura

Agricultura ye l cunjunto de técnicas outelizadas para cultibar plantas cul oubjetibo d'obtener quemido, fibras, einergie, matéria-prima para roupas, custruçones, medicamientos, ferramientas, ó suolo para cuntemplaçon stética.

A quien trabalha na agricultura chama-se agricultor.

L perfixo agro ten ourige na palabra lhatina agru que quier dezir "tierra cultibada ó cultibable".

La ciéncia que studa las caratelísticas de las plantas i de ls suolos para melhorar las técnicas agrícolas ye la agronomie.

Brasil

Brasil, oufecialmente República Federativa do Brasil, ye un paíç lhocalizado ne l lheste de l'América de l Sul. Ten ua ária total de 8.514.876,599 km² i ye la nacion más ouriental de l cuntinente americano. L território brasileiro ye delemitado a norte por Benezuela, Guiana, Suriname i Guiana Francesa; a sul por Uruguai; a oeste por Bolíbia i Peru; a sudoeste por Argentina i Paraguai; a noroeste por Colómbia i a lheste pul Ouceano Atlántico.

Ye l maior paíç de la América Latina i l quinto ne l mundo, tenendo 20% de la biodibersidade global i la maior parte de la Floresta Amazónica. Anque seia mui populoso (190 milhones de pessonas), ye pouco poboado (22 hab./km²), cun sue populaçon cuncentrada ne l lhitoral (Ouceano Atlántico). Fui quelonizado por Pertual i ye l único paíç de léngua pertuesa de las Américas. Tamien ye l maior paíç an númaro de católicos nominales ne l mundo atual i ua de las sociadades más multirraciales de l planeta, formada por çcendentes d'ouropeus, andígenas, africanos i asiáticos. Faç parte de l BRICs, acupando la posiçon de 7° maior eiquenomie mundial i maior eiquenomie de la América Latina. Ancontra-se antre ls países cun altas taxas de zeigualdades eiquenómicas i sociales anternas ne l mundo.

Las maiores cidades brasileiras son San Poulo (ua de las maiores de l mundo) i Riu de Janeiro, seguidas por Salbador, Brasília, Fortaleza, Beilho Hourizonte, Manaus, Curitiba, Porto Alegre i Recife respetibamente.Hoije, l Brasil partecipa de l Mercosul i ben ampliando sue anfluéncia n'América Lhatina.

China

Modelo:Anfo paíç

La República Popular de la China (an chinés, 中华人民共和国; pinyin: Zhōnghuá Rénmín Gònghéguó; acrónimo: RPC) ye l terceiro maior paíç de l mundo an ária (ó l quarto, dependendo de cumo se cuntablízen alguas árias çputadas cun outros paízes) i l más populoso de l planeta, acupando ua parte cunsidrable de la Ásia ouriental. Sues frunteiras al Norte son cul Quirguiston, cul Cazaquiston, cula Mongólia i cula Rússia, la Lheste cula Coreia de l Norte, cul mar Amarielho (de l outro lhado de l qual se ancontra la Coreia de l Sul), cul mar de la China Ouriental i cul streito de Taiwan, que la separa de Taiwan (paíç que reibindica), a Sul cul mar de la China Meridional, cul Bietname, cul Laos, cun Myanmar, cula Índia, cul Boton i cul Nepal i a Oeste cul Paquistan, l Afeganistan i l Tadjiquistan.

Cun ua populaçon de más de 1,38 bilhon de habitantes (la maior de l planeta), la China acupa ua superfíce de 9.640.821 Km² (ó 9.676.801 km², se ancluído l território de Taiwan, que la República Popular de la China reibindica). Sue capital ye Pequin.

L Partido Quemunista de la China (PCC) goberna l paíç por meio dun sistema de partido único zde la fundaçon de la República Popular, an 1949. La China stá ambolbida nua longa cuntrobérsia acerca de l status político de Taiwan. L Kuomintang, partido ribal de l PCC durante la guerra cebil chinesa, abandonou la China cuntinental i recuou para Formosa i outras eilhas bezinas apuis de ser derrotado ne l cunflito, an 1949, i reibindica ser l goberno legítimo de to la China i Mungólia, cul nome de República de la China (ambora l goberno de Taiwan cuntrole, de fato, solo Formosa i eilhas menores adjacentes). La República Popular de la China cunsidra la reibindicaçon de la República de la China eilegítima i reibindica, por sue beç, ls territórios sob cuntrole desta redadeira.

Por bias de la sue einorme populaçon, l crecimiento bertiginoso de sue eiquenomie, sous ambestimientos an pesquisa i zambolbimento, sous gastos melitares i sue cundiçon de Stado declaradamente detentor de armas nucleares, la China questuma ser cunsidrada ua superpoténcia eimergente. Ye la quarta maior eiquenomie de l mundo (ó la segunda maior, pul critério de paridade de poder de compra) i repersenta la China cumo nembro premanente de l Cunseilho de Sigurança de las Naciones Ounidas. Zde 1978, l paíç amplementa reformas para adotar, nalgua medida, ua eiquenomie de mercado, l que ajudou a tirar 400 milhones de pessonas de la pobreza. Antretanto, l paíç anfrenta outros porblemas eiquenómicos, tamien l rápido ambelhecimiento de la populaçon i ua crecente çparidade antre la renda urbana i la rural. La China zampenha un papel amportante ne l comércio anternacional, al ser l maior cunsumidor mundial de aço i cuncreto (usa, respetibamente, un terço i más de la metade daqueilhes ansumos) i l segundo maior amportador de petrólio. Ye l terceiro maior amportador de l mundo i l segundo maior sportador, an tenermos globales.

L paíç questuma ser referido cumo "China". La spresson "China cuntinental" correspunde a la República Popular de la China, ambora questume scluir las dues regiones admenistratibas speciales de Hong Kong i Macau. L gentílico de China ye chinés.

Cidade

Ua cidade ye ua ária urbanizada, que se defrencia de bilas i outras antidades urbanas atrabeç de bários critérios, ls quales ancluen populaçon, densidade populacional ó statuto lhegal, ambora sue clara definiçon nun seia percisa, sendo albo de çcussones dibersas. La populaçon dua cidade barie antre las poucas centenas de habitantes até la dezena de milhon de habitantes. Las cidades son las árias más densamente poboadas de l mundo. Son Paulo, ua de las cidades más populosas de l mundo, cun cerca de 10,9 milhones de habitantes, ten ua densidade populacional de aprossimadamente 7,15 mil habitantes por quilómetro quadrado. Anquanto esso, l Brasil, paíç adonde la cidade stá lhocalizada, ten solo 20 hab/Km².

L termo "cidade" ye giralmente outilizado para chamar ua dada antidade político-admenistratiba urbanizada. An muitos causos, porén, la palabra "cidade" ye tamien ousada para çcrebir ua ária de urbanizaçon cuntígua (que puode abranger dibersas antidades admenistratibas). Por eisemplo, la cidade de Londres propiamente dita ten solo cerca de 8,6 mil habitantes. Porén, quando alguien se refre a la cidade de Londres, stá giralmente referindo-se a la sue region metropolitana, esto ye, a la sue ária urbanizada, que ten aprossimadamente 7,4 milhones de habitantes. Tóquio, muitas bezes çcrita ancorretamente cumo ua cidade, ye na berdade ua metrópole (都 - to) de l Japon, formada por 23 bairros defrentes.

Japon

L Japon (an japonés 日本国 (Nippon koku, Nihon koku), Nippon ó Nihon, lhiteralmente "ourige de l sol" ó "tierra de l sol nacente") ye un paíç ansular de l Stremo Ouriente, formado por un arquipélago que queda ne l ancho de la costa nordeste de la Ásia. La sue capital ye la cidade de Tóquio.

L paíç ye formado por quatro grandes eilhas, Honshu, Shikoku, Kyushu i Hokkaido, i l sou arquipélago ye formado por más de trés mil eilhas lhocalizadas antre l mar de Okhotsk la norte, l Ouceano Pacífico la lheste i la sul i l Mar de la China Ouriental i l mar de l Japon la oeste. Atrabeç de l mar de l Japon i de l Mar de Okhotsk, cuntata cula Rússia, l Streito de la Coreia, la sudoeste, fornece lhigaçon a la Coreia de l Sul, i na stremidade sul de las eilhas Riukyu (Okinawa) aprossima-se de eilha de Taiwan. La maior parte de las ilhas ye muntanhosa, cun muitos bulcones. L Monte Fuji, muntanha más alta de l Japon, por eisemplo, ye un bulcon.

L sou poboamento remonta al Paleolítico, quando grupos houmanos chegórun benidos de l cuntinente. La anfluéncia de outros pobos seguidos por períodos de eisolamiento carateliza la stória de l Japon l que tornou sue cultura ua mistura de anfluéncias sternas i criaçones outótones. Zde la pormulgaçon de sue Custituiçon an 1947 l Japon mantubo ua monarquie custitucional cun un amperador i un parlamiento eileito, la Dieta.

Cun ua populaçon de pouco más de 127 milhones de pessonas, l Japon ye l décimo paíç más populoso de l mundo. La Region Metropolitana de Tóquio, que anclui Tóquio (la capital de l paíç) i bárias cidades bezinas, ye a maior cuncentraçon urbana de l mundo cun cerca de 30 milhones de habitantes. L paíç ten la segunda maior eiquenomie de l mundo por PIB nominal, ye l quarto maior sportador mundial i sesto maior amportador. Ye nembro de las Naciones Ounidas i de bários grupos anternacionales cumo l G8, G4 i APEC, cul quarto maior ourçamento de defesa.

Londres

Londres ó Lhondres (an anglés: London) ye la capital de la Anglaterra i de l Reino Ounido. Amportante hai quaije dous milénios, la cidade ye un de ls maiores centros financeiros de l planeta, i sue partecipaçon na política, na cultura, ne l antretenimiento, na moda i nas artes rateficórun sou status de cidade global.

La cidade ye ua de las metrópoles mais poboadas de la Ouropa. Sue populaçon ye uas de las mais cosmopolitas de l mundo, absorbendo la cultura, la religion i l lhéngua de ls mais dibersos pobos. La cidade ye un punto de lhigaçon anternacional de trasporte aéreo i un çtino turístico popular, cuntando ícones cumo la casa de l Parlamiento, la Tower Bridge, l Palácio de Buckingham, l Museu Británico, la Galerie Nacional i, atualmente, l recén reinougurado Stádio de Wembley.

México

L México (de nome oufecial Stados Ounidos Mexicanos) ye un paíç lhocalizado na América de l Norte delimitado al norte puls Stados Ounidos de la América, la lheste pul Golfo de l México i pul Mar de l Caribe, atrabeç de ls quales se aprossima de Cuba, la sul pula Guatemala i por Belize, i la oeste pul Ouceano Pacífico. Para alhá de l território cuntinental i ilhas adjacentes a la cuosta, l México anclui tamien las Ilhas Rebillagigedo, lhocalizadas ne l Ouceano Pacífico, la mais de 400 km la sul de l Cabo San Lhucas, na Baja California Sur.

Ouropa

Ouropa ye la parte oucidental de l supercontinente ouroasiático. Ambora geograficamente seia cunsidrada ua península de la Eurásia, ls pobos de la Ouropa ténen caraterísticas culturais i ua stória specíficas, l que justifica que l território ouropeu seia giralmente cunsidrado cumo un cuntinente.

Oustrália

La Oustrália (an anglés Australia), oufecialmente Quemunidade de la Oustrália (Commonwealth of Australia) ye un paíç de l heimisfério sul, que cumprende la ária cuntinental ("cuntinente Oustraliano") de la Oceanie, la Tasmánia i bárias ilhas adjacentes ne ls ouceanos Índico i Pacífico. L cuntinente-ilha, cumo la Oustrália por bezes ye chamada, ye banhado pul ouceano Índico, a sul i a oeste, pul mar de Timor, mar de Arafura i Streito de Torres, a norte, i mar de Coral i mar de la Tasmánia, a lheste. Atrabeç destes mares, ten frunteira marítima cula Andonésia, Timor-Lheste i Papua-Nuoba Guiné, la norte, i cul território francés de la Nuoba Caledónia, a lheste, i la Nuoba Zelándia a sudeste.

Durante cerca de 40.000 anhos antes de la colonizaçon ouropeia ampeçada ne l final de l seclo XVIII, l cuntinente Oustraliano i Tasmánia éran habitadas por cerca de 250 naciones andebiduales de aborígenes. Passado sporádicas bejitas de pescadores de l norte, i pula çcubierta ouropeia por parte de sploradores houlandeses an 1606, la metade ouriental de la Oustrália fui alegada puls británicos an 1770 i einicialmente colonizada atrabeç de l trasporte de presos para la quelónia de Nuoba Gales de l Sul, fundada an 26 de Janeiro de 1788. La populaçon oumentou de forma custante ne ls anhos seguintes, l cuntinente fui splorado i, durante l seclo XIX outros cinco grandes territórios outogobernatibos fúrun stablecidos.

An 1 de Janeiro de 1901, las seis quelónias se tornórun ua federaçon, i de la Quemunidade de la Oustrália fui formada. Zde la Federaçon, la Oustrália ten mantido un sistema político democrático lhiberal stable i cuntina a ser un reino de la Commonwealth. La populaçon ye un pouco mais de 21,7 milhones, cun cerca de 60% cuncentradas an torno de las capitales cuntinentales staduales de Sydney, Melbourne, Brisbane, Perth, Adelaide, i Darwin. La capital de la nacion ye Camberra, lhocalizada ne l Território de la Capital de la Oustrália.

Tecnologicamente abançado i andustrializado, la Oustrália ye un próspero paíç multicultural i ten eicelentes resultados an muitas cumparaçones anternacionales de ls zampenhos nacionales, tales cumo ls cuidados de salude, sperança de bida, calidade de bida, zambolbimiento houmano, la eiducaçon pública, la lhiberdade eiquenómica, bien cumo la porteçon de lhiberdades cebiles i dreitos políticos. Las cidades Oustralianas tamien rotineiramente situan-se antre las mais altas de l mundo an tenermos de habitablidade, ouferta cultural, la culidade de bida. Ye un nembro de la ONU, G-20, Quemunidade de las Naciones, ANZUS, de la OCDE, bien cumo la OMC.

Paíç

Un paíç, dua forma giral, ye un território social, político, cultural i geograficamente delhemitado. La maiorie de l paízes ye admenistrada por un gobierno que mantén la soberanie subre l sou pobo i l sou território, garantindo assi l funcionamiento i la orde de l fluxo de atebidades que ambuolben la sue eiquenomie i la sue sociadade.

La definiçon de paíç nun ye necessariamente cumpatible cun las defeniçones de reino, ampério, república, nacion i Stado, mas, na atualidade, andependientemente de la forma de gobierno adotada, todos ls Stados soberanos son cunsidrados paízes.

Pertual

Pertual, oufecialmente República Pertuesa (República Portuguesa an pertués), ye un paíç localizado ne l sudoeste de la Ouropa, an que l sou território queda na zona oucidental de la Península Eibérica i an arquipélagos ne l Atlántico Norte. Ten ua ária total de 92.391 km², i ye la nacion más oucidental de l cuntinente ouropeu. L território pertués ye delimitado la Norte i la Leste por Spanha i la Sul i Oeste pul Ouceano Atlántico, i cumprende la parte cuntinental i las regiones outónomas: ls arquipélagos de l Açores i de la Madeira.

Durante ls seclos XV i XVI, Pertual fui ua poténcia mundial eiquenómica, social i cultural, custituindo-se l purmeiro i l más duradouro ampério quelonial de amplitude global.Ye hoije un paíç zambolbido, eiconomicamente próspero, social i politicamente stable i cun Índice de Zambolbimiento Houmano eilebado. Ancontra-se antre ls 20 paízes de l mundo cun melhor culidade de bida, anque l sou PIB per capita ser l menor antre ls paízes de la Ouropa Oucidental.

Ye nembro de las Naciones Ounidas i de la Ounion Ouropeia (na altura de la sue adeson an 1986, CEE), i nembro-fundador de la NATO, de la OCDE, i de la CPLP. Partecipa an dibersas missones de manutençon de paç de las Naciones Ounidas. Pertual ye tamien un Stado-Nembro de l Spácio Schengen.

Roma

Roma ye la capital de la Eitália i sede de la quemuna i de la porbíncia cul mesmo nome, na region de l Lhácio. Coincida anternacionalmente cumo La Cidade Eiterna pula sue stória milenar, Roma spalha-se pulas bordas riu Tibre, cumprendendo l sou centro stórico culas sues siete colinas: Palatino, Abentino, Campidoglio, Quirinale, Biminale, Squelino, i Celio. Segundo l mito romano, la cidade fui fundada a cerca de 753 a.C.. (data cumbencionada) por Rómulo i Remo, dous armanos criados por ua lhoba, que son atualmente simblos de la cidade. Zde anton tornou-se ne l centro de la Roma Antiga (Reino de Roma, República Romana, Ampério Romano) i, mais tarde, de ls Stados Puntifícios, Reino de Eitália i, por fin, de la República Eitaliana.

Ne l'anterior de la cidade ancontra-se l stado de l Baticano, residéncia de l Papa. Ye ua de las cidades cun maior amportança na Stória mundial, sendo un de ls simblos de la ceblizaçon ouropeia. Cunserba einúmaras ruínas i menumientos na parte antiga de la cidade, specialmente de la época de l Ampério Romano, i de l Renacimiento, l mobimiento cultural que naciu na Eitália.

La ária metropolitana ten cerca de 2.546.804 habitantes (2001), i stende-se por ua ária de 1.285 Km², tenendo ua densidade populacional de 1.981 hab/Km², l que a torna na maior cidade de la Eitália i tamien na capital ouropeia de maiores dimensones. L persidente de la cámara (Sindaco) an 2008 ye Gianni Alemanno.

Rússia

La Rússia (an russo Росси́я, trasl. Rossíya), Federaçon Russa ó inda Federaçon de la Rússia (an russo Росси́йская Федера́ция, trasl. Rossíiskaya Federátsiya) ye ua nacion trascuntinental cun un território qu'acupa ua gran ária de la Ásia i de la Ouropa. Alfabeto russo

La Rússia ye territorialmente l maior paíç de l mundo pus ten a maior ária total - 17.075.200 Km² custituída pula parte cuntinental i ilhas a alredor. An termos de populaçon, l paíç ten la sétima maior populaçon de l mundo, cun más de 152 milhones de habitantes, apersentando ua baixa densidade populacional.

La capital de la federaçon ye la cidade de Moscobo.

Para alhá de la capital, outras cidades amportantes son San Petersburgo, Bladivostok, Rostrov, Nobosibirsk, antre outras.

La eiquenomie russa ye de las más ricas de l mundo i an custante crecimiento grácias a las sportaçones de petrólio, gáç natural etc.

L paíç ten ua stória antiga i marcante que anfluenciou l çtino de l mundo i serbiu de refréncia a scritores, cumpositores musicales, i, hai menos tiempo, rializadores de cinema.

Eiquenomie rica i an custante crecimiento, la Rússia faç parte de l G8 i ye uas de las percipales fornecedoras de einergie pa la Ouropa, nomeadamente, la Oucránia, la Polónia i la Bielorrússia; anque, inda tenga porblemas cumo l crime ourganizado, la corrupçon, la pobreza an ciertas regiones i la falta de libardade de spresson.

San Poulo (cidade)

San Poulo (an pertués: São Paulo) ye ua cidade brasileira, capital de l stado de San Poulo i percipal centro financeiro, andustrial i comercial de l Brasil i de la América Lhatina.

Spanha

Spanha (an castelhano: España; [esˈpaɲa] (scuitar )), coincido cumo Reino de Spanha (Reino de España) ye un paíç percipalmente localizado na Península Eibérica na Ouropa. Sou território tamien anclui dous arquipélagos: las ilhas Canárias, na cuosta de la África, i las ilhas Baleares, ne l mar Mediterráneo. Ls anclabes africanos de Ceuta i Melilla fázen de la Spanha l único paíç ouropeu a tener ua frunteira física cun un paíç africano (Marrocos). Bárias pequeinhas ilhas ne l mar de Alboron tamien fázen parte de l território spanhol. La Spanha cuntinental ye lemitada la sul i la leste pul Mediterráneo, sceto por ua pequeinha frunteira terrestre cun Gibraltar; la norte i la nordeste pula Fráncia, por Andorra i pul Golfo de la Biscaia; i l'oeste i noroiste por Pertual i pul Ouceano Atlántico. Cun ua ária de 505.990 quilómetros quadrados, la Spanha ye l maior paíç de la Ouropa Meridional, l segundo maior paíç de la Ouropa Oucidental i de la Ounion Ouropeia (OO) i l quarto maior paíç de to l cuntinente ouropeu. Tamien ye l sesto paíç mais populoso de la Ouropa i l quinto de la UE. La capital i maior cidade ye Madrid; outras grandes árias ourbanas ancluen Barcelona, Baléncia, Sebilha, Málaga i Bilbao.

Ls houmanos modernos chegórun pula purmeira beç na Península Eibérica hai cerca de 35 000 anhos. Las culturas eibéricas, juntamente cun antigos poboamientos fenícios, griegos, celtas i cartagineses, zambolbírun-se na península até l'ampeço de l domínio romano por buolta de 200 a.C., quando la region era chamada Spánia, baseada ne l'antigo nome fenício Spania. Cul colapso de l Ampério Romano de l Oucidente, cunfederaçones tribales germánicas migrórun de la Ouropa Central, ambadiran la Península Eibérica i stablecírun reinos relatibamente andependientes an sues porbíncias oucidentales, ancluindo ls suebos, alanos i bándalos. Eibentualmente, ls besigodos antegrarian a la fuorça todos ls territórios andependientes remanescentes na península al Reino de Toledo, ancluindo las porbíncias bizantinas, l que de cierta maneira unifica politicamente, eclesiasticamente i juridicamente todas las antigas porbíncias romanas ó reinos sucessores de l'antiga Spánia.

Ne l'ampeço de l seclo VIII, l Reino Besigótico caiu delantre de ls mouros, que chegórun a gobernar la maior parte de la península ne l'anho de 726 (cun duraçon d'até siete seclos ne l Reino de Granada), deixando solo un punhado de pequeinhos reinos crestianos ne l norte. Esto lebou la muitas guerras durante un longo período, l que culminou na criaçon de ls reinos de Lhion, Castielha, Aragon i Nabarra, que se tornórun las percipales fuorças crestianas contra ls árabes. Passado la cunquista mourisca, ls ouropeus ampeçórun un porcesso gradual de retomada de la region coincido cumo "Reconquista", que ne l final de l seclo XV fizo cun que la Spanha surgisse cumo un paíç unificado sob l domínio de ls Reis Católicos. Ne l'ampeço de la Era Moderna, la nacion tornou-se l purmeiro ampério mundial de la stória i l paíç mais poderoso de l mundo, deixando un grande legado cultural i lenguístico qu'anclui mais de 570 milhones de spanófonos al redror de l mundo, l que tornou l spanhol la segunda léngua mais falada ne l mundo, depuis de la léngua chinesa. Durante l Seclo de Ouro Spanhol tamien houbo muitos abanços nas artes, cun pintores mundialmente famosos, cumo Diego Belázqueç. La mais famosa obra literária spanhola, Don Quixote, tamien fui publicada durante este período. L paíç abriga l terceiro maior númaro de sítios classeficados cumo Património Mundial pula UNESCO.

La Spanha ye ua democracie parlamentar secular i ua monarquia custitucional, sendo que l rei Filipe VI sirbe cumo xefe de Stado. Ye un de ls percipales países zambolbidos i un paíç d'alta renda, cula 14.ª maior eiquenomie de l mundo por PAB nominal i a 16.ª maior por paridade de l poder de cumpra. Ye nembro de las Naciones Ounidas (ONU), Ounion Ouropeia (OO), Zona Ouro, Cunseilho de la Ouropa (CoE), Organizaçon de ls Stados Ibero-amaricanos (OEI), Ounion pa l Mediterráneo, Ourganizaçon de l Tratado de l Atlántico Norte (OTAN), Organizaçon pa la Coperaçon i Zambolbimiento Eiquenómico (OCDE), Ourganizaçon para la Sigurança i Coperaçon na Ouropa (OSCE), l Spácio Schengen, la Ourganizaçon Mundial de l Quemércio (OMC) i muitas outros ourganismos anternacionales. Ambora nun seia un nembro oufecial, la Spanha tamien ye un "cumbidado permanente" de las cúpulas de l G20, participando de todos ls ancuontros de l grupo.

Stados Ounidos de la América

Ls Stados Ounidos de la América, SOA (an anglés United States of America) son ua república federal pursidencialista, cun cinquenta stados i un Çtrito Federal. L nome de l paíç ye muita beç chamado pulas siglas USA ó US (an anglés).

La maior parte de ls Stados Ounidos localiza-se na region central de la América de l Norte, tenendo frunteiras terrestres cul Canadá i cul México, sendo que l restante de l paíç lemita-se cul Ouceano Pacífico, l Mar de Bering, l Ouceano Ártico, l Golfo de l México i l Ouceano Atlántico. De ls 50 stados, solo l Alasca i l Habaí nun son pegados culs outros 48 Stados, nin antre si. Ls Stados Ounidos tamien ténen muitos territórios, çtritos i outras posses an torno de l mundo, purmariamente ne l Caribe i ne l Ouceano Pacífico. Cada Stado ten un alto nible d'outonomie local, d'acordo cul sistema federal.

Ls Stados Ounidos celebran l sou die de l'andependéncia la 4 de Júlio de 1776, quando las Treze Quelónias británicas na América de l Norte faziran la Declaraçon de Andependéncia, reijeitando l'outoridade británica, a fabor de la política de outodeterminaçon. Esta andependéncia fui oufecial mente reconhecida pelo Reino Ounido ne l Tratado de Paris. Ls Stados Ounidos adotórun sue atual Custituiçon an 1789, que stabeciu la strutura básica de l goberno amaricano. Zde anton, la nacion gradualmente zambolbiu-se, tornando-se ua superpoténcia apuis de la fin de la Segunda Guerra Mundial, passando a eisercer grande anfluéncia eiconómica, política, científica, tecnológica, melitar i cultural ne l mundo.

Tecnologie

Tecnologie (de l griego τεχνη — "oufício" i λογια — "studo") ye ua palabra qu'ambolbe l coincimiento técnico i científico i las ferramientas, porcessos i materiales criados i/ó outelizados a partir desse saber. Cunsante de l cuntesto, la tecnologie puode ser:

Las ferramientas i las máquinas qu'ajudan a resolber porblemas;

Las técnicas, conhecimientos, modos, materiales, ferramientas, i porcessos ousados para resolber porblemas ó al menos facelitar la seluçon deilhes;

Un método ó porcesso de custruçon i trabalho (tal cumo la tecnologie de manufatura, la tecnologie d'anfra-strutura ó la tecnologie spacial);

L'aplicaçon de recursos para la resoluçon de porblemas;

L termo tecnologie tamien puode ser ousado para çcrebir l nible de coincimiento científico, matemático i técnico dua cultura;

Na eiquenomie, la tecnologie ye l stado atual de nuosso coincimiento de cumo cumbinar recursos para produzir perdutos deseiados (i l nuosso coincimiento de l que puode ser porduzido).La tecnologie ye, dun modo giral, l'ancontro antre ciéncia i angenharie. Sendo ua palabra que ten zde las ferramientas i porcessos simples, cumo ua cuchara de madeira i la fermentaçon de l'uba, até las ferramientas i porcessos mais cumplexos yá criados pul ser houmano, cumo la Staçon Spacial Anternacional i la remoçon de l'auga de l mar. Muitas bezes, la tecnologie entra an cunflito cun alguas preocupaçones naturales de nuossa sociadade, cumo l zamprego, la poluiçon i outras muitas questones eicológicas, filosóficas i sociológicas.

Ásia

La Ásia ye l maior cuntinente de la Tierra, cun 8,6% de la superfíce planetária (ó 29,5% de las tierras emersas). Parte ouriental de la Eurásia, la Ásia ye tamien l cuntinente más populoso, cun más de 60% de la populaçon mundial.

Localizada percipalmente ne ls heimisférios ouriental i setentrional, la Ásia questuma ser definida cumo l cacho de la Eurafrásia (l cunjunto África-Ásia-Ouropa) que se ancontra la leste de l mar Burmeilho, canhal de Sueç i montes Urales, i al sul de l Cáucaso i de ls mares Cáspio i Negro. Ye banhada a leste pul ouceano Pacífico (mar de la China Meridional, mar de la China Ouriental, mar Amarielho, mar de l Japon, mar de Okhotsk i mar de Bering), al sul pul ouceano Índico (golfo de Áden, mar Arábico i golfo de Bengala) i al norte pul ouceano Ártico.

Índia

La Índia (an hindi भारत, transl. Bharat; an anglés India), ye un paíç federal asiático qu'acupa la maior parte de l subcontinente andiano i inda las ilhas Laquedibas i Andamon i Nicobar. Lemita al norte cula República Popular de la China, l Nepal i l Boton, a leste cun Mianmar, al sul i a leste cul Bangladesh i la Baía de Bengala, al sul cul Streito de Palk, defronte la ilha de l Ceilon (Sri Lanka), cul ouceano Índico i l mar das Laquedibas, l'oeste cul mar Arábico i l'oeste i norte cul Paquistan. La sue cuosta litoránea atinge 7.517 Km. Ye l segundo paíç mais populoso de l mundo (apuis de la China), cun mais dun bilhon d'habitantes, i l sétimo maior por ária. L nome oufecial de l paíç ye República de la Índia, i la capital ye Nuoba Délhi.

Berço de la Ciblizaçon de l Bal de l Ando i ua region de rotas de comércio stóricas i d'ampérios bastos, l subcuntinente andiano fui eidantificado cun sue riqueza comercial i cultural durante grande parte de sue stória. Quatro de las percipales religiones de l mundo, hinduísmo, budismo, jainismo i sikhismo ampeçórun alhá, anquanto l zoroastrismo, l judaísmo, l crestianismo i l slamismo chegórun ne l purmeiro milénio de la era crestiana i dírun forma a la dibersidade cultural de la region. Aneixada al poucos pula Cumpanha de las Índias Ourientales Británica zde l'ampeço de lseclo XVIII i quelonizada pul Reino Ounido zde ls meados de lseclo XIX, la Índia tornou-se ua nacion moderna an 1947 apuis dun sfuorço para l'andependéncia que fui marcada pula difundida rejisténcia nó-biolenta.

La Índia ye ua república parlamentar que cunsiste an 28 stados i an 7 territórios federales. Ten la décima segunda maior eiquenomie de l mundo an termos de taxas de cámbio de mercado i la quarta maior an poder de cumpra. Las reformas eiquenómicas transformórun-na na segunda grande eiquenomie de mais rápido crecimento; antretanto, inda sufre d'altos nibles de la pobreza, analfabetismo, i malas nutriçon. Ua sociadade pluralista, multiléngua, i multi-étnica, la Índia ye eigualmente l berço dua dibersidade d'animales salbaiges an ua bariadade d'habitates portegidos.

Noutras lhénguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.