Eidade de l Bronze

La Eidade de l Bronze ye un período de la ciblizaçon ne l qual acunteciu l zambolbimiento desta liga metálica, resultante de la mistura de cobre cun stanho. Ampeçou-se ne l Ouriente Médio an torno de 3300 a.C. sustituindo l Calcolítico, ambora noutras regiones esta redadeira eidade seia çcoincida i la de l bronze tenga sustituído diretamente l período neolítico (popularmente coincida cumo Eidade de la Piedra). Na Africa negra, l neolítico ye seguido de la eidade de l fierro.

La data de adoçon de l bronze bariou segundo las defrentes culturas:

  • Na Asia central (Afeganistan, Eiran, etc) l bronze chega por buolta de 2000 a.C.
  • Na China, fui adotado na Dinastie Shang.
  • Ne l mar Eigeu stableciu-se ua ária de antenso comércio de l metal , percipalmente an Xipre adonde eisistian minas de cobre, benido l stanho de las ilhas británicas. Cun esso, ampeçou-se l zambolbimiento de la nabegaçon. L ampério minóico, sustituído apuis pul micénico, apareciu grácias a este grande comércio.
  • Na Ouropa central, este período ampeçou a partir de 1800-1600 a.C., seguido de l período 1600-1200 a.C., caratelizado pul anterro de cadabres an túmulos, prática que amostraba un alto grau de stratificaçon social.
Bronze age weapons Romania
Armas i anfeites de la Eidade de l Bronze

La fin de la Eidade de l Bronze acunteciu antre 1300-700 a.C., caratelizado pula ancineraçon de l cadabres, prática que cuntinou na Polónia até als anhos 500 a.C., yá an plena Eidade de l Fierro, ne l período cultural Hallstatt (700-450 a.C.).

Bronze Marcus Aurelius Louvre Br45
Eimaige de Bronze

Ber tamien

Braga

Braga ye ua cidade pertuesa, fundada puls romanos cumo Bracara Augusta, cun mais de 2 000 anhos de Stória an custante zambolbimiento, crecimiento i spanson. Situada ne l Norte de Pertual, mais propiamente ne l Bal de l Cábado, cunsidrada la terceira cidade Pertuesa, ten 181 894 habitantes ne l sou cunceilho (2011), sendo l centro de la region minhota, cun mais dun milhon d'habitantes.

Scolhida pul Fórun Ouropeu de la Mocidade para Capital Ouropeia de la Mocidade an 2012, ye ua cidade chena de cultura i tradiçones, adonde la Stória i la religion biben lhado a lhado cula andústria tecnológica i cul ansino ounibersitairo.

Canhona

La canhona (Ovis aries) que puode ser chamado ne l masculino por cordeiro ye un mamífero ruminante bobídeo de la sub-família Caprinae , que tamien anclui la cabra .

Ye un animal d'einorme amportança eiquenómica cumo fuonte de chicha, leite, lana i couro. Criado an catibeiro an todos ls cuntinentes, la canhona fui domesticada na Eidade de l Bronze a partir de l muflon (Ovis orientalis), que bibe atualmente nas muntanhas de la Turquie i Eiraque .

Las canhonas son, quaije siempre, criadas an ganados. La cria ye bastante trabalhoso, seia por se tratar dun ganado grande, ó por séren animales sensibles. Nas regiones mais fries l cuidado culas crias recén-nacidas debe ser antenso, yá que la época de partos coincide culs meses d'ambierno, quando se tratar de raças que ténen stacionalidade repordutiba.

Para alhá de l friu, ls criadores dében atentar para raposas i outros predadores, que cércan las fémeas i le rouban ls filhotes.

La lana, tirada ne l'ampeço de l berano, amportante fuonte de renda pa l criador, torna a crecer, garantindo al animal la sue própia defesa al friu.

La canhona (fémea) ye un animal doce, i sin nanhun macanismo natural de defesa; l que debe tener anfluenciado para, na cultura popular, star associada a l'eideia d'einocéncia. Ne l causo de ls carneiros (machos) ye neçaira algun cuidado cun alguns animales mais agressibos, pus estes puoden ousar ls cuornos de forma peligrosa.

Cornualha

La Cornualha (an córnico: Kernow [ˈkɛrnɔʊ]; an anglés: Cornwall, an latin: Cornubia ó Cornuvia) ye un cundado que queda ne l sudoeste dua península de la Anglaterra, Reino Ounido. Ten frunteiras cul Ouceano Atlántico la norte, al sul cul Canhal de la Mancha i la leste cul cundado de Devon, depuis de l riu Tamar. Juntamente culas ilhas Sorlingas, la Cornualha ten ua populaçon de 534 300 habitantes, cobrindo ua ária de 3563 km². L centro admenistratibo i única cidade ye Truro.L títalo correto de l cundado ye Ducado de la Cornualha. L Duque de Cornualha ye outro títalo de l Príncepe de Gales.

La ária hoije coincida cumo Cornualha fui habitada pula purmeira beç puls pobos de l neolítico i de la eidade de l Bronze i mais tarde, yá na eidade de l Fierro, puls celtas. La Cornualha ye parte de la ária britónica (céltica) de la Grana-Bretanha, apartada de Gales passado la batailha de Deorham, qu'entraba quemummente an cunflito cul reino anglés an spanson de Wessex. Solo an 936 d.C. l rei Athelstan benerie a defenir la frunteira antre ls pobos anglés i córnico pul riu Tamar. Hoije, l'eiquenomie de la Cornualha depara-se cul declínio de las atebidades mineiras i piscatórias, tenendo-se tornado mais dependente de l turismo. La ária ye coincida pulas sues paisaiges salbaiges, la sue bariada i stensa cuosta i l sou clima ameno.

La Cornualha ye lar de l pobo córnico i de la sue diáspora, sendo cunsidrada ua de las seis "Naciones Celtas" por muitos residentes i académicos. L cundado mantén la sue eidantidade çtinta cula sue stória, léngua i cultura própias. Muitos habitantes questionan l'atual statuto custitucional de la Cornualha, eisistindo yá un mobimiento outonomista an busca de maior andependéncia pa la region ne l teta de l Reino Ounido.

Eidade de l Fierro

La Eidade de l Fierro correspunde al período an que acunteciu la metalurgie de l fierro. Este metal ye superior al bronze an relaçon a la dureza i abundáncia de jazidas

La Eidade de l Fierro ben caratelizada pula outelizaçon de l fierro cumo metal, outelizaçon amportada de l Ouriente atrabeç de la eimigraçon de tribos andouropeias (celtas), que a partir de 1.200 a.C. ampeçórun a chegar la Ouropa Oucidental, i l sou período alcança até la época romana i na Scandinábia até la época de l bikings (alredror de l anho 1.000 d.C).

L período de la Eidade de l Fierro ye dibedido an período de la cultura de Hallstatt i período de la cultura de La Tène.

Na Ouropa Central, la Eidade de l Fierro debide-se an quatro períodos:

Cultura de l Túmulos.Cultura de ls Campos de Urnas (1.200-725 a.C.)Cultura de Hallstatt (800-450 a.C.)Cultura de La Tène (de 450 a.C.até a la cunquista romana).Na Almanha ls storiadores defrencian ua Eidade de l Fierro antre pré-romana i outra romana (cultura de Jastorf).

An Pertual, anton parte de la Spánia, la Eidade de l Fierro ye eissencialmente dominada pula acupaçon de l território pul Ampério Romano, anque puodamos depender de la debison de l período an Eidade de l Fierro I i Eidade de l Fierro II, cumo l fizo Armando Coelho na sue obra Cultura Castreija.

Eidade de la Piedra

La Eidade de la Piedra ye l período de la Pré-Stória an que ls seres houmanos criórun ferramientas de piedra, sendo la tecnologie mais abançada naquel tiempo. La madeira, ls uossos i outros materiales tamien fúrun ousados (cuornos, cestos, cuordas, cuiro...), mas la piedra (i, an special, dibersas piedras cun un partir a modo concha, cumo l sílex, l quartzo, l quartzito, la ousidiana...) fui ousada para fabricar ferramientas i armas, de corte ó percusson.

Assi i todo, esta ye ua circustáncia neçaira, mas ansufeciente pa la defeniçon deste período, yá que nel tubírun lugar fenómenos fundamentales pa l ser houmano, quanto als saberes tecnológicos (fuogo, ferramientas, moradie, roupa, etc), la eiboluçon social, las mudanças de l clima, l spalhar de l ser houmano por to l mundo habitable, zde l sou brício africano, i la reboluçon eiquenómica zde un sistema caçador-coletor, até un sistema an parte produtor (antre outras cousas).

L anterbalo de tiempo que alcança la Eidade de la Piedra ye pouco claro, çcutido i bariable cunsante la region an question. Por eisemplo, scabaçones amostrórun que anquanto an ciertos lugares cumo la Gran-Bretanha se bibie na Eidade de la Piedra, an outros, cumo Roma, Eigito i China, yá se ousában ls metales i conhecie-se la scrita. Alguns grupos houmanos nunca zambolbírun la tecnologie de l metal fundido i, portanto, quedórun nua eidade de la piedra até se ancuntráren cun culturas cun tecnologies mais zambolbidas .

An giral, acradita-se que este período ampeçou an África hai 2,5 milhones de anhos, cula feitura de la purmeira ferramienta houmana (ou pré-houmana). A este período seguiu-se l Calcolítico ou Eidade de l Cobre i, subretodo, la Eidade de l Bronze, an que las ferramientas desta liga chegórun a ser quemuns; esta transiçon dou-se antre 6000 a.C. i 2500 a.C.

thumb|250px|Biface triangular, ferramienta de piedra talhada

Tradicionalmente debide-se la Eidade de la Piedra an Paleolítico, cun un sistema eiquenómico de caça-coleta i Neolítico, an que se dá la reboluçon pa l sistema eiquenómico produtibo: agricultura i pecuária.

La Eidade de la Piedra ancontra-se debedida ne ls períodos Paleolítico (ou Eidade de la Piedra Lascada), i Neolítico (ou Eidade de la Piedra Polida), cun un período pul meio chamado de Mesolítico, an que ousában, al mesmo tiempo, strumientos de piedra lascada i de piedra polida. Ls trés períodos, por sue beç, son inda subdebedidos.

Quando l clima ampeçou a sfriar na Ouropa oucidental, ls homes cubrírun-se de pieles de animales, buscando cabernas para se abrigar, i an sues paredes deixórun notables zeinhos, cumo ls ancuntrados na Spanha i Fráncia.

Ls bruxedos más antigos de l Neolítico fúrun ancontrados na Mesopotámia i Síria, benindo de arrimado a 4000 a.C. L sílex (peinha sedimentar) cun que ls homes fazien las ferramientas era sacado de minas, cortado i polido, streformando-se an ferramientas. L clima quedara mais ameno, i eilhes habien daprendido a cultibar i a criar animales. Yá custruíen casas, ampeçando a bibir an grupos mais grandes, muita beç an cabeços forteficados. Conhecien l barro, fazien roupas, rumpien caminos i anterrában ls muortos an pequeinhos montes.

Mesmo depuis que l bronze i l fierro se tornórun coincidos, las ferramientas i l modo de bida de la Eidade de la Piedra inda se mantubírun por algun tiempo.

Ls studiosos acradítan que, ua beç que l home de la Eidade de la Piedra inda nun conhecie la scrita, ls zeinhos que grababa nas paredes de las cabernas amóstrann la necidade de l ser-houmano quemunicar.

Faca

Ua faca ye qualquiera oubjeto cortante capaç de ser ampunhado. Las facas son ferramientas primitibas de l'houmanidade.

Las facas puoden ser ousadas pa las mais defrentes aplicaçones, cumo ferramienta, arma ó simples oubjeto de decoraçon i para cada funçon eisisten dibersas cumbinaçones de geometries de láminas, tipos de metales i métodos de fabricaçon, cuja cumbinaçon a torna adequada a detreminado tipo d'uso.

Germánicos

Pobos germánicos ó germanos son un grupo etnolinguístico ando-ouropeu ouriginairo de l norte de la Ouropa i eidantificado pul uso de las lhénguas ando-ouropeias germánicas que se dibersificórun de l proto-germánico durante la Eidade de l Fierro pré-románica.

Ouriginados an cerca de 1800 a

C, a partir de la cultura de la cerámica cordada na prainada norte almana, ls pobos germánicos spandiran-se pa l sul de la Scandinábia i pa l riu Bístula durante la Eidade de l Bronze Nórdica, atingindo l baixo Danúbio an 200 a.C. Ne l sec. II, ls teutones i cimbros entrórun an cunfronto cun Roma. Na época de Júlio César, un grupo de germánicos lhiderados pul xefe suebo Ariobisto spandiu-se pa la Gália, até ser detido por César ne ls Bosges an 58 a.C. Las tentatibas susequentes de l amperador Augusto d'aneixar territórios la lheste de l riu Reno fúrun abandonadas, depuis que l príncepe querusco Armínio aniquilou trés lhegiones romanas na Batailha de la Floresta de Teutoburgo an anho 9.

Ne l lheste, las tribos qu'habien migrado de la Scandinábia pa la parte anferior de l Bístula fúrun an direçon al sul, pressionando ls marcomanos la ambadir la Eitália an 166. Anquanto esso, ls germanos sofrírun anfluéncia atrabeç de l alfabeto etrusco, qu'acabou ouriginando l sou própio alfabeto rúnico. Por buolta de l Modelo:Sec. III, ls godos gobernórun ua basta ária al norte de l mar Negro, d'adonde cruzórun l baixo Danúbio ó biajórun pul mar, ambadindo la península Balcánica i la Anatólia, na altura de l Xipre. Anquanto esso, las crecentes cunfederaçones de francos i alamanos rompírun las frunteiras i se stablecírun al lhongo de la frunteira de l riu Reno, de forma cuntínua anfiltrando-se na Gália i na Eitália, anquanto ls piratas saxones debastórun las cuostas de la Ouropa Oucidental.

Depuis que ls hunos, ne l sec. IV, ambadiran ls territórios de l rei godo Heirmenerico que, an sou auge, stendian-se antre l riu Danúbio i l Bolga i de l mar Negro al mar Báltico, miles de godos fugiran pa ls Bálcanas, adonde anfligiran ua grande derrota subre ls romanos na Batailha de Adrianópolis i saqueórun Roma an 410 sob la lhiderança de Alarico I. Anquanto esso, bárias tribos germánicas se cumbertírun al cristandade ariano atrabeç de l missionairo Úlfilas, qu'ambentou un alfabeto para traduzir la Bíblia pa la lhéngua gótica.

Tenendo derrotado ls hunos ne ls Campos Cataláunicos i an Nedau, tribos germánicas migrantes ambadiran l Ampério Romano de l Oucidente i trasformórun nel na Ouropa Mediebal. Inda assi, fui solamente cula ajuda germánica que l'ampério fui capaç de subrebibir tanto tiempo cumo l fizo, sendo que l'eisército romano era quaije anteiramente cumpuosto por germanos por buolta de l sec. IV.Por buolta de l'anho 500, ls anglo-saxones stában na Grana-Bretanha i ls burgúndios ne l bal de l Ródano. Regidos por Teodorico, l Grande, ls ostrogodos se stablecírun na península Itálica, anquanto l lhíder bándalo Genserico saqueou Roma i fondou un reino na África.

An 507, ls besigodos fúrun spulsos puls francos de la maiorie de sues posses na Gália i depuis gobernórun un stado na Spánia. An 568, l lhíder lhombardo Alboíno ambadiu la Eitália i fondou un reino andependiente qu'an 774 fui derrubado por Carlos Magno, que fui coronado amperador de ls romanos an 800.

Ne l sec. VIII, marinheiros germánicos scandinabos ampeçórun ua fuorte spanson, fundando amportantes Stados na Ouropa Ouriental i na Fráncia, anquanto colonizórun l Atlántico até la América de l Norte. Mais tarde, las lhénguas germánicas se tornórun dominantes an bários países ouropeus, mas na Ouropa Meridional i na Ouropa Ouriental, l'elite germánica acabou por adotar ls dialetos natibos slabos ó lhatinos. Todos ls pobos germánicos acabórun sendo cumbertidos de l paganismo pa l cristandade. Ls pobos germánicos modernos son ls daneses, scandinabos, eislandeses, finlandeses de lhéngua sueca, lhuxemburgueses, belgas, suíços de lhéngua almana, almanes, houlandeses, scoceses

de las tierras baixas, angleses, amaricanos i outros, qu'inda falan lhénguas deribadas de ls dialetos ancestrales germánicos.

Maia

Maia ye un munecípio pertués de 82,99 km² de ária adonde habítan 135678 habitantes (2015)..

Ten ua densidade populacional de 82.99 hab./km².

Malta

Modelo:Info país

La República de Malta ye un pequeinho paíç ouropeu, cumpuosto por un arquipélago de cinco ilhas mui próssimas, situadas a 93 Km al sul de l'ilha de la Sicília, la sudoeste de la Eitália, i a 290 Km al norte de la Líbia, na África. L'arquipélago maltés stá ancrabado ne l centro de l Mediterráneo. Las tierras mais próssimas son todas sicelianas / eitalianas: la grande ilha de la Sicília la norte, las ilhas Pelágias l'oeste i la ilha de Pantellerie la noroiste. Sue capital - situada na ilha de Malta - ye La Baletta. Las cinco ilhas de l'arquipélago maltés son: Malta, Gozo, Comino i dues ilhotas zabitadas Cominotto i Filfla, las quales, ne l total, ténen superfice de 316 Km² i abrigan ua populaçon stimada an 400 214 habitantes (agosto 2006).

Malta passou a fazer parte de la Ounion Ouropeia a partir de 2004.

Metalurgie

Metalurgie zeigna un cunjunto de procedimientos i técnicas para straçon, fabricaçon, fundiçon i tratamiento de l metales i sues ligas.

Zde mui cedo, hai mais de dieç mil anhos, l home aprobeitou ls metales para fabricar ferramientas, cumo l cobre, l chombo, l bronze, l fierro, l ouro i la prata tubírun amplo uso na antiguidade.

Ls purmeiros altos-fornos aparecírun ne l seclo XIII. La andústria metalúrgica tubo nuobo ampulso ne l seclo XVIII cula reboluçon andustrial.

Mitologie griega

Mitologie griega ye l studo de ls cunjuntos de narratibas relacionadas als mitos de l griegos antigos, de sous seneficados i de la relaçon antre eilhes i ls países ó pobos — cunsidradas, cul adbindo de l Cristandade, cumo meras fiçones alegóricas. Para muitos studiosos modernos, antender ls mitos griegos ye l mesmo que lhançar luç subre la cumprenson de la sociadade griega antiga i sou cumportamiento, bien cumo sues práticas ritualísticas. L mito griego splica las ouriges de l mundo i ls pormenores de las bidas i abinturas dua ampla bariadade de diuses, diusas, heiróis, heiroínas i outras criaturas mitológicas.

Al lhongo de l tiempos, esses mitos fúrun spressos atrabeç dua stensa coleçon de narratibas que custituen la literatura griega i tamien na repersentaçon de outras artes, cumo la pintura de la Grécia Antiga i la pintura burmeilha an cerámica griega. Einicialmente dibulgados an tradiçon oural-poética, hoije esses mitos son tratados solo cumo parte de la lhiteratura griega. Essa lhiteratura abrange las mais coincidas fuontes lhiterárias de la Grécia Antiga: ls poemas épicos Eilíada i Odisséia (ambos atribuídos la Homero i que focan subre ls acuntecimientos an torno de la Guerra de Tróia, çtacando la anfluéncia de diuses i de outros seres), i tamien la Teogonia i Ls Trabalhos i ls Dies, ambos porduzidos por Heisíodo. Ls mitos tamien stan preserbados ne ls Hinos homéricos, an cachos de poemas de l Ciclo Épico, na poesie lhírica, ne l ámbito de ls trabalhos de las tragédies de l seclo V a.C., ne ls scritos de poetas i eruditos de l Período Heilenístico i an outros decumientos de poetas de l Ampério Romano, cumo Plutarco i Pausanias. La percipal fuonte para la pesquisa de detalhes subre a mitologie griega son las eibidéncias arqueológicas que çcubren i çcubriran decoraçones i outros artefatos, cumo zeinhos geométricos an cerámica, datados de l seclo VIII a.C., que retratan cenas de l ciclo troiano i de las abinturas de Hércules. Sucedendo ls períodos Arcaico, Clássico i Heilenístico, Homero i bárias outras personalidades aparecen para cumpletar las probas dessas eisisténcias lhiterárias.A mitologie griega ten atribuído ua seneficante anfluéncia na cultura, nas artes i na lhiteratura de la ceblizaçon oucidental i inda cuntina a fazer parte de la ardança i de la lhenguaige de l Oucidente. Poetas i artistas — cumo tamien anteletuales, studiosos i outros ambolbidos cun houmanas — de las épocas mais remotas até las mais persentes ténen se adquirido de las anspiraçones que a mitologie de la Grécia antiga possuían cumo método de çcubierta de las einúmeras relebáncias i seneficados que ls temas mitológicos clássicos possuen cul sou cuntemporáneo.

Storiografie

Storiografie (de "storiógrafo", de l griego Ιστοριογράφος, de Ιστορία, "Stória" i -γράφος, de la raiç de γράφειν, "screbir": "l que scribe, ó çcribe, la Stória") ye ua palabra polissémica. Zeigna nun solo l registro scrito de la Stória, la mimória establecida pula própia houmanidade atrabeç de la scrita de l sou própio passado, mas tamien la ciéncia de la Stória.

Stória de l mundo

La stória de l mundo son ls registros de ls feitos de l home na Tierra zde que passou a tener la capacidade neçaira para fazer esses registros atrabeç de la scrita. Este sfergante ye cunsidrado cumo l marco de la dibeson antre la stória i la pré-stória, era an que ls homes yá eisistian mas inda nun éran capazes de mantener ls registros de ls acuntecimientos.

Esta era coincido cumo stória yá se stende por cerca de mais de quatro mil anhos. La stória de l mundo diç-mos çcubiertas, ambençones i ls grandes feitos de la houmanidade. Tamien stan registrados ls questumes de cada época an cada lugar bien cumo la mudança deilhes atrabeç de reboluçones, guerras i catástrofes. Diç-mos tamien la spanson de l coincimiento houmano subre mundo alredror i l abanço tecnológico que deste modo fui possible.

Stória de la Índia

Este artigo apersenta las lhinhas gerales de la stória de la Índia, que ten ampeço cul registro arqueológico de la persença de l homo sapiens hai cerca de 34 000 anhos. Ua ceblizaçon de la Eidade de l Bronze eimergiu an época aprossimadamente cuntemporánea a las ceblizaçones de l Ouriente Médio. Cumo regra, la stória de la Índia abrange to l subcontinente andiano, correspondente als atuales República de la Índia, Paquiston, Bangladesh, Sri Lhanka, Nepal i Buton.

La ceblizaçon de l Bal de l Ando surgiu ne l seclo XXXII a.C. i atingiu la maturidade a partir de l seclo XXV a.C. Seguiu-se-le la ceblizaçon bédica. La ourige de l ando-arianos ye un punto de relatiba cuntrobérsia. La maiorie de ls studiosos acradita an algun tipo de heipótese de migraçon ando-ariana, segundo la qual ls arianos, un pobo semi-nómade possiblemente de la Ásia Central ó de l norte de l Eiran, tenerien migrado pa l noroeste de l subcontinente antre 2000 i 1500 a.C. La natureza de tal migraçon, l lhocal de ourige, i até mesmo la própia eisisténcia de ls arianos cumo pobo çtinto, son fuortemente çcutidos. La fuson de la cultura bédica cun las culturas drabídicas que le éran anteriores (presumiblemente ls çcendentes de la ceblizaçon de l Bal de l Ando) aparentemente resultou na cultura andiana clássica, ambora ls detalhes specíficos de l porcesso son cuntrobersos. Alguns antenden, por outro lhado, que la ceblizaçon de l Bal de l Ando era eissencialmente bédica i que se tenerie spalhado para partes de la Ouropa antre l sesto i l segundo milénio a.C. Ls nacimientos de Mahabira i de Buda ne l seclo VI a.C. marcan l ampeço de la fase más bien registrada de la stória andiana. Puls 1500 anhos seguintes, la Índia porduziu la sue ceblizaçon clássica i, segundo alguns storiadores, la maior eiquenomie de l mundo antigo antre ls seclos I i XV d.C., al cuntrolar antre un-terço i un-quarto de la riqueza mundial até la época mogol, apuis de l qué declinou debrebe sob domínio británico.

A las ancursones por eisércitos árabes i centro-asiáticos ne ls seclos VIII i XIII seguiran-se las de comerciantes de la Ouropa, a partir de l final de l seclo XV. La Cumpanha Anglesa de las Índias Ourientales fui fundada an 1600 i ampeçou, zde 1757, la colonizaçon de partes de la Índia. Na altura de 1858, apuis de derrotar ua cunfederaçon sique ne l Panjabe an 1849, la corona británica assumira l cuntrole político de birtualmente to l subcontinente. Tropas andianas ne l eisército británico zampenhórun un papel bital an ambas las guerras mundiales. La resisténcia nó-biolenta al quelonialismo británico, xefiada por Mahatma Gandhi, Ballabhbhai Patel i Jawaharlal Nehru, lhebou a la andependéncia frente al Reino Ounido an 1947. L subcontinente fui partilhado antre la República de la Índia, secular i democrática, i la República Islámica de l Paquiston. Cumo resultado dua guerra antre aqueilhes dous países an 1971, l Paquiston Ouriental tornou-se l Stado andependiente de Bangladesh. Ne l seclo XXI, la Índia ten oubtido ganhos spressibos an ambestimiento i porduçon eiquenómicos, custituindo-se na maior democracie de l mundo, cun ua populaçon de más de 1 bilhon de pessonas, i na quarta maior eiquenomie de l planeta (critério PPP) .

Fura de l sul de la Ásia, la stória, la cultura i la política de la Índia frequentemente se subreponen als países bezinos. La cultura, eiquenomie i política andianas eisercírun anfluéncia al lhongo de milénios na stória i na cultura de países ne l sudeste asiático, ne l lheste i ne l centro de la Ásia, cumo Andonésia, Cambodja, Tailándia, China, Tibete, Afeganistan, Eiran i Turqueston. Apuis de ancursones árabes na Índia ne l ampeço de l segundo milénio d.C., missones semelhantes an busca de la lhendária riqueza andiana anfluenciórun fuortemente la stória de la Ouropa mediebal, a partir de la chegada de Basco de la Gama. Cristófe Colombo çcubriu la América quando percuraba ua nuoba rota para la Índia, i l Ampério Británico oubtebe grande parte de sous recursos apuis de la ancorporaçon de la Índia (la "Jóia de la Corona") de l final de l seclo XVIII até 1947.

Para la stória de la Índia apuis de la andependéncia an 1947, ber Stória de la República de la Índia.

Terceiro milénio antes de Cristo

L "Terceiro milénio antes de Cristo" ocorre de l'antiga pa la medie Eidade de l Bronze.

Repersenta un período de tiempo an que l amperialismo, ó l zeio de cunquistar, creciu nas cidades-stados de l Ouriente Médio i tamien an to la Eurásia, cula spanson indo-ouropeia na Anatólia, Ouropa i Ásia Central.

Stima-se que la populaçon mundial chegou al númaro de 30 milhones nesse milénio.

Terras de Bouro

Tierras de Bouro (an pertués: Terras de Bouro) ye ua bila pertuesa ne l Çtrito de Braga, region Norte i sub-region de l Cábado, cun cerca de 700 habitantes.

Ye sede dun munecípio cun 276,17 Km² de ária i 7 253 habitantes (2011), subdebidido an 17 freguesies. L munecípio ye lhemitado a norte pul munecípio de Puonte de la Barca i pula Spanha, a lheste por Montalegre, a sul por Biera de l Minho, a sudoeste por Amares i a oeste por Bila Berde.

Até 2005 l munecípio de Tierras de Bouro tenie la particularidade de nun star sediado nua lhocalidade cul mesmo nome que l munecípio ne l sou to, cumo ye regra an Pertual: la sede situaba-se na Bila de Fóias, lhocalidade de la freguesie de Moimenta. Por Lhei de janeiro de 2005, essa ouriginalidade acabou, sendo la bila redesignada Bila de Tierras de l Bouro.

Vila Pouca de Aguiar

Bila Pouca de Aguiar (an pertués: Vila Pouca de Aguiar) ye ua bila pertuesa ne l Çtrito de Bila Rial, Region Norte i sub-region de l Alto Trás-los-Montes, cun cerca de 3 300 habitantes.

Ye sede dun munecípio cun 432,68 Km² de ária i 13 187 habitantes (2011), subdebidido an 18 freguesies. L munecípio ye lhemitado a norte por Chabes, a lheste por Balpaços i Murça, a sul por Alijó, Sabrosa i Bila Rial, a oeste por Rieira de Pena i a noroiste por Boticas.

Zoroastrismo

L zoroastrismo, tamien chamado de masdeísmo, matismo ó parsismo, ye ua religion monoteísta atiradeirada na antiga Pérsia pul profeta Zaratustra, la quien ls griegos chamában de Zoroastro. Ye cunsiderada cumo la purmeira manifestaçon dun monoteísmo ético. D'acordo culs storiadores de la religion, alguas de las sues cuncepçones religiosas, cumo la crençla ne l paraíso, na ressurreiçon, ne l juízo final i na benida dun messias, birian a anfluenciar l judaísmo, l cristianismo i l islamismo.

Ten sous fundamientos fixados ne l Abesta i admite l'eisisténcia de dues debindades (dualismo), repersentando l Bien (Aúra-Masda) i l Mal (Arimana), de cuja luta bencerie l Bien.

Noutras lhénguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.