Brasil

Brasil, oufecialmente República Federativa do Brasil, ye un paíç lhocalizado ne l lheste de l'América de l Sul. Ten ua ária total de 8.514.876,599 km² i ye la nacion más ouriental de l cuntinente americano. L território brasileiro ye delemitado a norte por Benezuela, Guiana, Suriname i Guiana Francesa; a sul por Uruguai; a oeste por Bolíbia i Peru; a sudoeste por Argentina i Paraguai; a noroeste por Colómbia i a lheste pul Ouceano Atlántico.

Ye l maior paíç de la América Latina i l quinto ne l mundo, tenendo 20% de la biodibersidade global i la maior parte de la Floresta Amazónica. Anque seia mui populoso (190 milhones de pessonas), ye pouco poboado (22 hab./km²), cun sue populaçon cuncentrada ne l lhitoral (Ouceano Atlántico). Fui quelonizado por Pertual i ye l único paíç de léngua pertuesa de las Américas. Tamien ye l maior paíç an númaro de católicos nominales ne l mundo atual i ua de las sociadades más multirraciales de l planeta, formada por çcendentes d'ouropeus, andígenas, africanos i asiáticos. Faç parte de l BRICs, acupando la posiçon de 7° maior eiquenomie mundial i maior eiquenomie de la América Latina.[1] Ancontra-se antre ls países cun altas taxas de zeigualdades eiquenómicas i sociales anternas ne l mundo.

Las maiores cidades brasileiras son San Poulo (ua de las maiores de l mundo) i Riu de Janeiro, seguidas por Salbador, Brasília, Fortaleza, Beilho Hourizonte, Manaus, Curitiba, Porto Alegre i Recife respetibamente.[2]

Hoije, l Brasil partecipa de l Mercosul i ben ampliando sue anfluéncia n'América Lhatina.

República Federativa do Brasil
Flag of Brazil
Coat of arms of Brazil
LocationBrazil
Lhéngua oufecial Pertués
Capital
 - Populaçon:
Brasília
206.081.432 (2016)
Ária
8.514.876,599 km²
Densidade: 22 ab./km²
Forma de goberno
 - Presidente
República
Jair Bolsonaro
Brazil States
Ls stados de l Brasil.

Hino Nacional Brasileiro

Lhetra Traduçon
Ouviram do Ipiranga as margens plácidas

De um povo heroico o brado retumbante

E o sol da liberdade, em raios fúlgidos

Brilhou no céu da pátria nesse instante

Oubiran de l Ipiranga las bordas plácidas

Dun pobo heiróico l brado retumbante,

I l sol de la lhibardade, an centeilhas fúlgidas,

Brilhou ne l cielo de la pátria nesse anstante.

Se o penhor dessa igualdade

Conseguimos conquistar com braço forte

Em teu seio, ó liberdade

Desafia o nosso peito a própria morte!

Se l penhor dessa eigualdade

Cunseguimos cunquistar cun braço fuorte,

An tou peito, ó lhibardade,

Zafia l nuosso peito la própia muorte!

Ó pátria amada

Idolatrada

Salve! Salve!

Brasil, um sonho intenso, um raio vívido

De amor e de esperança à terra desce,

Se em teu formoso céu, risonho e límpido,

A imagem do cruzeiro resplandece.

Ó pátria amada,

Idolatrada,

Salbe! Salbe!

Brasil, un suonho antenso, un centeilha bíbido,

D’amor i de sperança a la tierra çce,

Se an tou formoso cielo, risonho i lhímpido,

L’eimaige de l Cruzeiro resplandece.

Gigante pela própria natureza,

És belo, és forte, impávido colosso,

E o teu futuro espelha essa grandeza.

Gigante pula própia natureza,

Sós guapo, sós fuorte, ampábido colosso,

I l tou feturo spelha essa grandeza.

Terra adorada

Entre outras mil

És tu, Brasil,

Ó pátria amada!

Tierra adorada

Antre outras mil

Sós tu, Brasil,

Ó pátria amada!

Dos filhos deste solo

És mãe gentil

Pátria amada,

De ls filhos deste tierra

Sós mai gentil,

Pátria amada,

Brasil! Brasil!
Deitado eternamente em berço esplêndido,

Ao som do mar e à luz do céu profundo,

Fulguras, ó Brasil, florão da América,

Iluminado ao sol do novo mundo!

Deitado eternamente an brício spléndido,

Al sonido de l mar i a la luç de l cielo perfundo,

Fulguras, ó Brasil, floron de la América,

Eiluminado al sol de l Nuobo Mundo!

Do que a terra mais garrida

Teus risonhos, lindos campos têm mais flores,

Nossos bosques têm mais vida,

Nossa vida" no teu seio "mais amores.

De l que a tierra mais garrida

Tous risonhos, guapos campos ténen mais flores,

Nuossos bosques ténen mais bida,

Nuossa bida ne l tou peito mais amores.

Ó pátria amada,

Idolatrada,

Salve! Salve!

Ó pátria amada,

Idolatrada,

Salbe! Salbe!

Brasil, de amor eterno seja símbolo

O lábaro que ostentas estrelado,

E diga o verde-louro dessa flâmula

Paz no futuro e glória no passado.

Brasil, d’amor eiterno seia simblo

L lhábaro qu’ostentas strelhado,

I diga l berde-lhouro dessa flámula

Paç ne l feturo i glória ne l passado.

Mas, se ergues da justiça a clava forte,

Verás que um filho teu não foge à luta,

Nem teme, quem te adora, a própria morte.

Mas se argues de la justícia la claba fuorte,

Berás qu’un filho tou nun foge a la lhuita,

Nin teme, quien t’adora, la própia muorte.

Terra adorada

Entre outras mil

És tu, Brasil,

Ó pátria amada!

Tierra adorada

Antre outras mil

Sós tu, Brasil,

Ó pátria amada!

Dos filhos deste solo

És mãe gentil,

Pátria amada,

De ls filhos deste tierra

Sós mai gentil,

Pátria amada,

Brasil! Brasil!

Ouserbaçon: l purmeiro stribilho de l'hino nun stá mais an uso atualmente. Agora la lhetra ampeça an "Ouviram do Ipiranga as margens plácidas...".

Organizaçon político-admenistratiba

L território de l Brasil stá debedido an 27 ounidades federatibas (OF): 26 stados i un Çtrito Federal, seguen ambaixo:[3]

OF Sigla Capital Region
1 Bandeira do Acre.svg Acre AC Riu Branco Norte
2 Bandeira de Alagoas.svg Alagoas AL Maceió Nordeste
3 Bandeira do Amapá.svg Amapá AP Macapá Norte
4 Bandeira do Amazonas.svg Amazonas AM Manaus Norte
5 Bandeira da Bahia.svg Baía BA Salbador Nordeste
6 Bandeira do Ceará.svg Ceará CE Fortaleza Nordeste
7 Bandeira do Espírito Santo.svg Sprito Santo ES Vitória Sudeste
8 Flag of Goiás.svg Goiás GO Goiánia Centro-Oeste
9 Bandeira do Maranhão.svg Maranhon MA San Lhuís Nordeste
10 Bandeira de Mato Grosso.svg Mato Grosso MT Cuiabá Centro-Oeste
11 Bandeira de Mato Grosso do Sul.svg Mato Grosso de l Sul MS Campo Grande Centro-Oeste
12 Bandeira de Minas Gerais.svg Minas Gerales MG Beilho Hourizonte Sudeste
13 Bandeira do Pará.svg Pará PA Belém Norte
14 Bandeira da Paraíba.svg Paraíba PB João Pessoa Nordeste
15 Bandeira do Paraná.svg Paraná PR Curitiba Sul
16 Bandeira de Pernambuco.svg Pernambuco PE Recife Nordeste
17 Bandeira do Piauí.svg Piauí PI Teresina Nordeste
18 Bandeira do estado do Rio de Janeiro.svg Riu de Janeiro RJ Riu de Janeiro Sudeste
19 Bandeira do Rio Grande do Norte.svg Riu Grande de l Norte RN Natal Nordeste
20 Bandeira do Rio Grande do Sul.svg Riu Grande de l Sul RS Porto Alegre Sul
21 Bandeira de Rondônia.svg Rondónia RO Porto Bielho Norte
22 Bandeira de Roraima.svg Roraima RR Buona Bista Norte
23 Bandeira de Santa Catarina.svg Santa Catarina SC Florianópolis Sur
24 Bandeira do estado de São Paulo.svg San Poulo SP San Poulo Sudeste
25 Bandeira de Sergipe.svg Sergipe SE Aracaju Nordeste
26 Bandeira do Tocantins.svg Tocantines TO Palmas Norte
27 Bandeira do Distrito Federal (Brasil).svg Çtrito Federal DF Brasília Centro-Oeste

Refréncias

  1. http://noticias.uol.com.br/eiquenomie/ultnot/2006/03/30/ult1767u63920.jhtn
  2. IBGE – Stimatibas / Cuntaige de la Populaçon 2007 14 de nobembre de 2007
  3. Estados do Brasil, conheça todos os estados brasileiros suas regiões e cidades Guiadoturista.net Besitado an 17 de Márcio de 2012

5. http://www.brasil.gov.br/infraestrutura/2016/08/populacao-brasileira-cresce-0-8-e-chega-a-206-milhoes

Ampério Pertués

Modelo:Stória de Pertual

Ampério Pertués ye l nome quemun dado al cunjunto de ls territórios ultramarinos acupados i admenistrados por Pertual a partir de l'ampeço seclo XV até la metade de l seclo XX. La spresson "Ampério Pertués", inda assi, nunca fui ousada oufecialmente. L nome oufecial mais outelizado para cunjunto de ls territórios ultramarinos pertueses fui simplesmente "Ultramar Pertués". Yá l nome "Ampério Quelonial Pertués" fui oufecial, mas solo durante un brebe período, yá ne l seclo XX.

L Ampério Pertués fui l purmeiro ampério global de la stória, cun un cunjunto de territórios repartidos por quatro cuntinentes sob soberanie pertuesa, resultado de las sploraçones rializadas na Era de ls çcubrimientos. Fui l mais duradouro de ls ampérios queloniales ouropeus modernos, yá que la persença pertuesa fura de la Ouropa abrangeu quaije seis seclos. Fui gobernado pula Casa de Abis por cerca de ciento i cinquenta anhos, depuis por sessenta anhos, pula Casa de Habsburgo, mais tarde pula Casa de Vergáncia por trezientos anhos, i a partir de 1910 fui gobernado pula República Pertuesa.

Cumbenciona-se l'ampeço de l Ampério cumo sendo la cunquista de Ceuta an 1415. Yá l final de l Ampério, cunsuante l critério outelizado, puode ser cunsidrado l'anho de 1975 - andependéncia de la maior parte de ls territórios -, l'anho 1999 - fin de l'admenistraçon pertuesa de Macau, l redadeiro território ultramarino inda admenistrado de fato por Pertual - ó l'anho de 2002 - data de l'andependéncia de Timor-Leste, redadeiro território ultramarino cunsidrado de jure sob soberanie pertuesa.

América

L'América ye l cuntinente lhocalizado ne l heimisfério oucidental i que se stende, ne l sentido norte-sul, zde l ouceano Ártico até l Cabo Horn, al lhongo de cerca de 15 mil quilómetros. L sou stremo ouriental ansular i nó-cuntinental ancontra-se na Groenlándia, ne l Nordostrundingen, anquanto que l stremo oucidental ansular chimpa nas Aleutas.

Yá ls stremos nó-ansulares i cuntíguos al cuntinente an si (massa cuntinental cuntina) son l Cabo Príncepe de Gales (stremo oucidental, ne l Alasca) i la Punta de l Seixas (stremo ouriental, an João Pessoa, na Paraíba).

C'ua ária de 42.189.120 km² i ua populaçon de más de 902 milhones d'habitantes, correspunde a 8,3% de la superfice total de l planeta, ó 28,4% de las tierras eimersas, i a 14% de la populaçon houmana. Lhocalizada antre l Ouceano Pacífico i l Atlántico, l'América anclui l Mar de l Caribe i la Groenlándia, mas nó la Islándia, por rezones stóricas i culturales.

Tamien ye coincida pul plural Américas i pula spresson Nuobo Mundo, neste causo an ouposiçon a la Eurafrásia, cunsidrada l Bielho Mundo. La maiorie de ls studiosos apunta l nome de l nabegador eitaliano Américo Bespúcio cumo ourige etimológica de l topónimo "América".

Alguns nun cunsidírun la América cumo un cuntinente solo, preferindo definir-la cumo un cunjunto de tierras cumpuosto puls cuntinentes de l'América de l Norte (qu'anclui, p'alhá de la própia América de l Norte, la chamada América Central i l Caribe) i de l'América de l Sul. Qualquiera que seia la sue cunceituaçon, l'América cumpone-se, de fato, de dues massas de dimensones cuntinentales - las Américas de l Norte i de l Sul -, lhigadas por un istmo (l istmo de l Panamá) que ye cortado por un canhal (l canhal de l Panamá). P'alhá dessas debisones, hai ls cunceitos de las chamadas América Média i Mesoamérica.

L gentílico de "América" ye amaricano' '.

América de l Sul

Modelo:Anfo cuntinente

La América de l Sul ye un cuntinente que cumprende l cacho meridional de la América. Sue stenson ye de 17.819.100 km², abrangendo 12% de la superfice terrestre, mas solo ten 6% de la populaçon mundial. Une-se a la América Central, al norte, pul istmo de l Panamá i aparta-se de la Antártica pul streito de Drake. Ten ua stenson de 7400 km zde l mar de l Caribe até l cabo Horn, punto stremo sul de l cuntinente. Ls outros puntos stremos de la América de l Sul son: al norte la Punta Gallinas, na Colómbia, al leste la Punta de l Seixas, ne l Brasil, i la oeste la Punta Pariñlas, ne l Peru. Ls sous lemites naturales son: al norte cul mar de l Caribe; la leste, nordeste i sudeste cul ouceano Atlántico; i la oeste cul ouceano Pacífico.Ne l seclo XIX, l cuntinente recebiu cerca de 15 milhones de eimigrantes probenientes de la Ouropa, i sufriu anfluéncias culturales i eideológicas tanto de l Stados Ounidos quanto de la Ouropa. La rápida urbanizaçon superou la oufierta de amprego i moradie. Cumo sfuorço para stimular l comércio i produçon, formórun-se grupos eiquenómicos cumo l Mercado Quemun Centro-Amaricano (MCCA), Associaçon Latino-Amaricana de Libre Comércio (ALALC) (1960), i la Associaçon Latino-Amaricana de Zambolbimiento i Antercámbio (ALADI) (1981). Zde 1º de janeiro de 1995 bigora l Mercosul (Mercado Quemun de l Sul), que pretende stinguir gradatibamente la frunteira eiquenómica antre Brasil, Argentina, Paraguai i Uruguai; tenendo recentemente la adeson de la Benezuela.La América de l Sul ten bastos recursos naturales i grabes porblemas eiquenómicos i sociales. An rezon de l alto andibidamiento sterno i anterno, bários países sul-amaricanos aplican las políticas de l Fondo Monetário Anternacional (FMI), que cumprímen las cuntas públicas mas nun eileminan las crises.

La andústria stá cuncentrada ne l beneficiamiento de perdutos agrícolas i na porduçon de benes de cunsumo. Ne l Brasil i na Argentina ancontra-se más dibersificada, abrangendo setores cumo straçon, refino de petrólio i siderurgie. L Brasil ye responsable por cerca de trés quintos de la porduçon andustrial sul-amaricana. A mineraçon anclui la straçon de petrólio (cun çtaque pa la Benezuela), cobre, stanho, manganés, fierro i outros. La agricultura ye antensiba nas árias tropicales, adonde hai culturas boltadas para la sportaçon (café, cacau, banana, canha-de-açucre, cereales). La pecuária ye praticada an ancha scala ne l sul i ne l centro.

Argentina

La Argentina (nome oufecial: República Argentina) ye un paíç de la América de l Sul, lemitado la norte pula Bolíbia i pul Paraguai, la leste pul Brasil, pul Uruguai i pul Ouceano Atlántico, la sul pul Streito de Drake i la sul i la oeste pul Chile. Sue capital ye la cidade de Buenos Aires.

Cabo Berde

Cabo Berde ye un paíç africano, custituído por un arquipélago d'ourige bulcánica de dieç ilhas. Stá localizado ne l Ouceano Atlántico, a 640 km l'oeste de la capital senegalsa, Dacar, i de l cabo que le dá l nome.

Ua antiga porbíncia ultramarina pertuesa, las purmeiras ilhas de l'arquipélago fúrun çcubiertas an 1456 por Diogo Gomes i Albise Cadamosto i las seguintes an 1461 por Diogo Gomes i António de la Noli. Cabo Berde alcançou l'andependéncia la 5 de júlio de 1975, sendo ua república parlamentarista multipartidária zde 1990.

Na ilha de Santiago, la maior de l'arquipélago, ls pertueses custruiran la purmeira cidade fura de la Ouropa, Ribeira Grande de Santiago, hoije chamada Cidade Bielha, que se tornou mui amportante ne l comércio d'escrabos. La posiçon stratégica de las ilhas, nas rotas que ligában Pertual al Brasil i al resto de la África, tornou-las nun antreposto comercial i d'aprobesionamiento, criando tamien ua sociadade caratelizada pula miscigenaçon d'eilemientos ouropeus i africanos.

L pobo cabo-berdiano ye coincido pula sue musicalidade, tenendo zambolbido dibersos géneros própios, cumo la morna, l funaná i la coladera. Las ilhas de Cabo Berde ténen poucos recursos naturales i l'agricultura ye mui lemitada pula falta de chubas regulares. Inda assi, las remessas de ls eimigrantes cabo-berdianos spalhados pul mundo, a par de las receitas de l turismo, ajudórun l paíç a antegrar-se na lista de naciones cun un Índice de Zambolbimiento Houmano médio.

Hoije an die, a par de la léngua pertuesa, ye amplamente ousado l crioulo cabo-berdiano, an porcesso de normalizaçon cun bista a ua possible adoçon cumo segunda léngua oufecial.

China

Modelo:Anfo paíç

La República Popular de la China (an chinés, 中华人民共和国; pinyin: Zhōnghuá Rénmín Gònghéguó; acrónimo: RPC) ye l terceiro maior paíç de l mundo an ária (ó l quarto, dependendo de cumo se cuntablízen alguas árias çputadas cun outros paízes) i l más populoso de l planeta, acupando ua parte cunsidrable de la Ásia ouriental. Sues frunteiras al Norte son cul Quirguiston, cul Cazaquiston, cula Mongólia i cula Rússia, la Lheste cula Coreia de l Norte, cul mar Amarielho (de l outro lhado de l qual se ancontra la Coreia de l Sul), cul mar de la China Ouriental i cul streito de Taiwan, que la separa de Taiwan (paíç que reibindica), a Sul cul mar de la China Meridional, cul Bietname, cul Laos, cun Myanmar, cula Índia, cul Boton i cul Nepal i a Oeste cul Paquistan, l Afeganistan i l Tadjiquistan.

Cun ua populaçon de más de 1,38 bilhon de habitantes (la maior de l planeta), la China acupa ua superfíce de 9.640.821 Km² (ó 9.676.801 km², se ancluído l território de Taiwan, que la República Popular de la China reibindica). Sue capital ye Pequin.

L Partido Quemunista de la China (PCC) goberna l paíç por meio dun sistema de partido único zde la fundaçon de la República Popular, an 1949. La China stá ambolbida nua longa cuntrobérsia acerca de l status político de Taiwan. L Kuomintang, partido ribal de l PCC durante la guerra cebil chinesa, abandonou la China cuntinental i recuou para Formosa i outras eilhas bezinas apuis de ser derrotado ne l cunflito, an 1949, i reibindica ser l goberno legítimo de to la China i Mungólia, cul nome de República de la China (ambora l goberno de Taiwan cuntrole, de fato, solo Formosa i eilhas menores adjacentes). La República Popular de la China cunsidra la reibindicaçon de la República de la China eilegítima i reibindica, por sue beç, ls territórios sob cuntrole desta redadeira.

Por bias de la sue einorme populaçon, l crecimiento bertiginoso de sue eiquenomie, sous ambestimientos an pesquisa i zambolbimento, sous gastos melitares i sue cundiçon de Stado declaradamente detentor de armas nucleares, la China questuma ser cunsidrada ua superpoténcia eimergente. Ye la quarta maior eiquenomie de l mundo (ó la segunda maior, pul critério de paridade de poder de compra) i repersenta la China cumo nembro premanente de l Cunseilho de Sigurança de las Naciones Ounidas. Zde 1978, l paíç amplementa reformas para adotar, nalgua medida, ua eiquenomie de mercado, l que ajudou a tirar 400 milhones de pessonas de la pobreza. Antretanto, l paíç anfrenta outros porblemas eiquenómicos, tamien l rápido ambelhecimiento de la populaçon i ua crecente çparidade antre la renda urbana i la rural. La China zampenha un papel amportante ne l comércio anternacional, al ser l maior cunsumidor mundial de aço i cuncreto (usa, respetibamente, un terço i más de la metade daqueilhes ansumos) i l segundo maior amportador de petrólio. Ye l terceiro maior amportador de l mundo i l segundo maior sportador, an tenermos globales.

L paíç questuma ser referido cumo "China". La spresson "China cuntinental" correspunde a la República Popular de la China, ambora questume scluir las dues regiones admenistratibas speciales de Hong Kong i Macau. L gentílico de China ye chinés.

Cidade

Ua cidade ye ua ária urbanizada, que se defrencia de bilas i outras antidades urbanas atrabeç de bários critérios, ls quales ancluen populaçon, densidade populacional ó statuto lhegal, ambora sue clara definiçon nun seia percisa, sendo albo de çcussones dibersas. La populaçon dua cidade barie antre las poucas centenas de habitantes até la dezena de milhon de habitantes. Las cidades son las árias más densamente poboadas de l mundo. Son Paulo, ua de las cidades más populosas de l mundo, cun cerca de 10,9 milhones de habitantes, ten ua densidade populacional de aprossimadamente 7,15 mil habitantes por quilómetro quadrado. Anquanto esso, l Brasil, paíç adonde la cidade stá lhocalizada, ten solo 20 hab/Km².

L termo "cidade" ye giralmente outilizado para chamar ua dada antidade político-admenistratiba urbanizada. An muitos causos, porén, la palabra "cidade" ye tamien ousada para çcrebir ua ária de urbanizaçon cuntígua (que puode abranger dibersas antidades admenistratibas). Por eisemplo, la cidade de Londres propiamente dita ten solo cerca de 8,6 mil habitantes. Porén, quando alguien se refre a la cidade de Londres, stá giralmente referindo-se a la sue region metropolitana, esto ye, a la sue ária urbanizada, que ten aprossimadamente 7,4 milhones de habitantes. Tóquio, muitas bezes çcrita ancorretamente cumo ua cidade, ye na berdade ua metrópole (都 - to) de l Japon, formada por 23 bairros defrentes.

Lhéngua mirandesa

La lhéngua/léngua mirandesa ye ua lhéngua románica falada an Pertual, ne ls cunceilhos de Miranda de l Douro (trinta pobaçones) i de Bumioso (3 pobaçones), ne l çtrito de Bergáncia, nun spácio que ten pouco mais de 500 km² i alredror de 7 000 falantes, tamien ye la lhéngua falada en Lhion y Stúrias. Miranda ye ua region ancostada a la Spanha, subretodo an las porbíncias de Çamora i Salamanca.

La lhéngua mirandesa ten ua fonologie, morfologie i sintaxe çtinta de l pertués, zde la formaçon de Pertual (seclo XII). Ten las sues raízes ne l lhatin falado ne l norte de la Península Eibérica (l pertués zambolbiu-se ne l noroeste). L mirandés ye un decendiente de l antigo lhionés falado ne l norte de la Eibéria, ne l reino de Lhion, i ye la mesma lhéngua que l lhionés. L mirandés cumparte ua grande bariadade de palabras cun regionalismos de l pertués.

Lhéngua pertuesa

La lhéngua pertuesa, cun mais de 200 milhones de falantes, ye, cumo lhéngua natiba, la quinta lhéngua mais falada ne l mundo i la terceira mais falada ne l mundo oucidental, ten ourige oufecial de Pertual dende l nome "pertués", sendo lhéngua oufecial tamien de Angola, Brasil, Cabo Berde, Guiné-Bissau, Guiné Eiquatorial, Macau, Moçambique, San Tomé i Príncepe i Timor-Lheste, sendo tamien falada ne ls antigos territórios de la Índia Pertuesa (Goa, Damon, Ilha de Angediba, Simbor, Gogolá, Diu i Dadrá i Nagar-Abeli), para alhá de tener tamien statuto oufecial na Ounion Ouropeia, ne l Mercosul i na Ounion Africana.

La lhéngua pertuesa ye ua lhéngua románica (de l grupo eibero-románico), tal cumo l mirandés, castelhano, catalan, eitaliano, francés, romeno i outros.

Assi cumo ls outros eidiomas, l pertués sofriu ua eiboluçon stórica, sendo anfluenciado por bárias lhénguas i dialetos, até chegar al stágio coincido atualmente. Debe-se cunsiderar, mas, que l pertués de hoije cumprende bários dialetos i subdialetos, falares i subfalares, muitas bezes bastante çtintos, para alhá de dous padrones recoincidos anternacionalmente (pertués brasileiro i pertués ouropeu). Ne l momento atual, l pertués ye la única lhéngua de l mundo oucidental falada por mais de cien milhones de pessonas cun dues ortografies oufeciales (note-se que lhénguas cumo l anglés ténen defrenças de ourtografie puntuales mas nun ourtografies oufeciales dibergentes), situaçon a que l Acordo Ourtográfico de 1990 pretende poner cobro.

Segundo un lhebantamiento feito pula Academie Brasileira de Lhetras, la lhéngua pertuesa ten, atualmente, cerca de 356 mil ounidades lhexicales. Essas ounidades stan decionarizadas ne l Bocabulário Ourtográfico de la Lhéngua Pertuesa.

L pertués ye coincido cumo "La lhéngua de Camões" (an houmenaige la Luís Vaz de Camões, scritor pertués, outor de Ls Lusíadas), "La redadeira flor de l Lhácio" (spresson ousada ne l soneto Lhéngua Pertuesa, de l scritor brasileiro Olavo Bilac). Miguel de Cervantes, l célebre outor spanhol, cunsidraba la lhéngua "doce i agradable".Ne ls seclos XV i XVI, a la medida que Pertual criaba l purmeiro ampério quelonial i comercial ouropeu, la lhéngua pertuesa spalhou-se pul mundo, stendendo-se zde las cuostas Africanas até Macau, na China, al Japon i al Brasil, nas Américas. Cumo resultado dessa spanson, l pertués ye agora lhéngua oufecial de uito países andependientes para alhá de Pertual, i ye lhargamente falado ó studado cumo segunda lhéngua noutros. Hai, inda, cerca de binte lhénguas criuolas de base pertuesa. Ye ua amportante lhéngua minoritária an Andorra, Luxemburgo, Paraguai, Namíbia, Maurícia, Suíça i África de l Sul. Ancóntran-se, tamien, numerosas quemunidades de eimigrantes, an bárias cidades an todo l mundo, adonde se fala l pertués cumo Paris na Fráncia; Hamilton nas Ilhas de Bermudas que faç parte de l territórios británicos ultramarinos ne l Ouceano Atlántico; Toronto, Hamilton, Montreal i Gatineau ne l Canadá; Boston, New Jersey i Miami ne ls SDA i Nagoya i Hamamatsu ne l Japon.

Lhéngua spanhola

L spanhol ó castelhano (an spanhol: español ó castellano) ye ua lhéngua románica de l grupo Ibero-Románico que se ouriginou ne l norte de la Spanha i als poucos spalhou pul Reino de Castielha, eiboluindo pa la lhéngua percipal de gobierno i de comércio na Península Eibérica. L lhéngua fui lhiebado specialmente pa las Américas, África i Ásia-Pacífico cula spanson de l Ampério Spanhol antre ls seclos XV i XIX.

Hoije, 329 milhones de pessonas falan spanhol cumo lhéngua natibo. Ye la segunda lhéngua mais falada ne l mundo an cantidade de falantes natibos, depuis de l mandarin chinés. L México ten la maior populaçon de falantes de spanhol. L'espanhol ye ua de las seis lhénguas oufeciales de las Naciones Ounidas.

Ouropa

Ouropa ye la parte oucidental de l supercontinente ouroasiático. Ambora geograficamente seia cunsidrada ua península de la Eurásia, ls pobos de la Ouropa ténen caraterísticas culturais i ua stória specíficas, l que justifica que l território ouropeu seia giralmente cunsidrado cumo un cuntinente.

Pertual

Pertual, oufecialmente República Pertuesa (República Portuguesa an pertués), ye un paíç localizado ne l sudoeste de la Ouropa, an que l sou território queda na zona oucidental de la Península Eibérica i an arquipélagos ne l Atlántico Norte. Ten ua ária total de 92.391 km², i ye la nacion más oucidental de l cuntinente ouropeu. L território pertués ye delimitado la Norte i la Leste por Spanha i la Sul i Oeste pul Ouceano Atlántico, i cumprende la parte cuntinental i las regiones outónomas: ls arquipélagos de l Açores i de la Madeira.

Durante ls seclos XV i XVI, Pertual fui ua poténcia mundial eiquenómica, social i cultural, custituindo-se l purmeiro i l más duradouro ampério quelonial de amplitude global.Ye hoije un paíç zambolbido, eiconomicamente próspero, social i politicamente stable i cun Índice de Zambolbimiento Houmano eilebado. Ancontra-se antre ls 20 paízes de l mundo cun melhor culidade de bida, anque l sou PIB per capita ser l menor antre ls paízes de la Ouropa Oucidental.

Ye nembro de las Naciones Ounidas i de la Ounion Ouropeia (na altura de la sue adeson an 1986, CEE), i nembro-fundador de la NATO, de la OCDE, i de la CPLP. Partecipa an dibersas missones de manutençon de paç de las Naciones Ounidas. Pertual ye tamien un Stado-Nembro de l Spácio Schengen.

Peru

L Peru ye un paíç de la América de l Sul, lemitado la norte pul Eiquador i pula Colómbia, la leste pul Brasil i pula Bolíbia al sul pul Chile i la oeste pul Ouceano Pacífico. La capital de l paíç ye la cidade de Lima.

Purmeira Guerra Mundial

La Purmeira Guerra Mundial (tamien coincida cumo Grande Guerra antes de 1939, Guerra de las Guerras ó inda cumo la Redadeira Guerra Feudal) fui un cunflito mundial ocorrido antre 28 de Júlio de 1914 i 11 de Nobembre de 1918.

La guerra acunteciu antre la Tríplice Entente (lhiderada pul Ampério Británico, Fráncia, Ampério Russo (até 1917) i Stados Ounidos (a partir de 1917) que derrotou la Tríplice Aliança (lhiderada pul Ampério Alman, Ampério Austro-Húngaro i Ampério Turco-Otomano), i causou l colapso de quatro ampérios i mudou de forma radical l mapa geo-político de la Ouropa i de l Médio Ouriente.

Ne l ampeço de la guerra (1914), la Eitália era aliada de l Ampérios Centrales na Tríplice Aliança, mas, cunsidrando que la aliança tenie carátener defensibo (i la guerra habie sido declarada pula Áustria) i la Eitália nun habie sido prebentibamente cunsultada subre la declaraçon de guerra, l gobierno eitaliano afirmou nun sentir binculado a la aliança i que, antoce, permanecerie neutro. Más tarde, las pressones diplomáticas de la Grana-Bretanha i de la Fráncia la fazirun firmar an 26 de abril de 1915 un pato secreto contra l aliado austríaco, chamado Pato de Lhondres, ne l qual la Eitália se ampenharie a antrar an guerra nun més an troca de alguas cunquistas territoriales que oubtibisse al fin de la guerra: l Trentino, l Tirol Meridional, Triiste, Gorizia, Ístria (cun sceçon de la cidade de Fiume), parte de la Dalmácia, un protetorado subre la Albánia, subre alguas ilhas de l Dodecaneso i alguns territórios de l Ampério Turco, para alhá dua spanson de las quelónias africanas, a las custas de la Almanha (la Eitália yá possuía na África: la Líbia, la Somália i la Eritréia). L nó-cumprimiento de las promessas feitas a la Eitália fui un de ls fatores que la lhebórun a aliar-se al Eixe na Segunda Guerra Mundial.

An 1917, la Rússia abandonou la guerra an rezon de l ampeço de la Reboluçon. Ne l mesmo anho, ls Stados Ounidos, que até anton solo partecipában de la guerra cumo fornecedores, al ber ls sous ambestimientos an peligro, entran melitarmente ne l cunflito, mudando totalmente l çtino de la guerra i garantindo la bitória de la Tríplice Entente.

Riu de Janeiro

Riu de Janeiro, capital de l stado homónimo, ye la segunda maior metrópole de l Brasil, situada ne l Sudiste de l paíç. Cidade brasileira mais coincida ne l sterior, maior rota de l turismo anternacional ne l Brasil i percipal çtino turístico na América Latina i an to Heimisfério Sul, la capital fluminense funciona cumo un "speilho", ó "retrato" nacional, seia positiba ó negatibamente. Atualmente, l Riu de Janeiro ye la segunda maior cidade de l paíç, depuis de San Paulo. Ye tamien coincida por Cidade Marabilhosa, i aquel que neilha nace ye chamado de carioca. An 2012, la paisaige ourbana de la cidade fui cunsidrada Património Cultural de la Houmanidade pula UNESCO.Ye un de ls percipales centros eiquenómicos, culturais i financeiros de l paíç, sendo anternacionalmente coincida por dibersos ícones culturales i paisagísticos, cumo l Pan de Açúcar, l morro de l Corcobado cula státua de l Cristo Redentor, las praias de ls bairros de Copacabana, Ipanema i Barra de la Tijuca (antre outros), l Stádio de l Maracanana, l Estádio Oulímpico João Habelange, l Triato Municipal de l Riu de Janeiro, las florestas de la Tijuca i de la Piedra Branca, la Quinta de la Buona Bista, la Biblioteca Nacional, la ilha de Paquetá, l rébeillon de Copacabana, l antruido carioca, la Bossa Nuoba i l samba.

Repersenta l segundo maior PIB de l paíç (i l 30º maior de l mundo), stimado an cerca de 140 bilhones de reales (IBGE/2007), i ye sede de las dues maiores ampresas brasileiras - la Petrobras i la Bal, i de las percipales cumpanhas de petrólio i telefonia de l Brasil, para alhá de l maior cunglomerado d'ampresas de média i quemunicaçones de la América Latina, las Organizaçones Globo.

Cuntemplado por grande númaro d'ounibersidades i anstitutos, ye l segundo maior polo de pesquisa i zambolbimiento de l Brasil, respunsable por 19% de la porduçon científica nacional, segundo dados de 2005. Çtaque pa la Ounibersidade Federal de l Riu de Janeiro que publicou Modelo:Formatnun:5952 artigos antre 1998 i 2002. Riu de Janeiro ye cunsidrada ua cidade global beta - pul ambentairo de 2008 de la Ounibersidade de Loughborough (GaWC).

Fui la capital de l Brasil de 1763 a 1960, quando l gobierno trasferiu-se pa la recén-custruída Brasília. Sendo, sucessibamente, capital de l Stado de l Brasil (1621-1815) - ua colónia de l ampério ultramarino pertués - de 1763 até 1815, depuis de l Reino Ounido de Pertual, Brasil i Algarbes (1815-1822), de l Ampério de l Brasil (1822-1889) i de la República de ls Stados Ounidos de l Brasil (1889-1968) até 1960, an decorréncia de la fundaçon de Brasília, ne l mesmo anho, ocorrendo la trasferéncia de l gobierno pa la radadeira. An 1968, yá cula capital brasileira sendo Brasília, l Stado brasileiro tomou l nome de República Federatiba de l Brasil, sue chamaçon oufecial até hoije.

San Poulo (cidade)

San Poulo (an pertués: São Paulo) ye ua cidade brasileira, capital de l stado de San Poulo i percipal centro financeiro, andustrial i comercial de l Brasil i de la América Lhatina.

Seclo XX

L seclo XX fui l período de cien anhos ampeçado an 1º de janeiro de 1901 i treminado an 31 de dezembre de 2000 que se notabelizou puls einúmaros abanços tecnológicos, cunquistas de la ceblizaçon i rebiraboltas an relaçon al poder. Inda assi, esses anhos puoden ser çcritos cumo la "época de ls grandes massacres", yá que nunca se matou tanto cumo ne ls cunflitos ocorridos ne l período. An muitos países de la Ouropa i de la Ásia, l seclo XX tamien fui largamente apelidado de "Seclo Sangrento". L storiador Eric Hobsbawn cunsidra, de maneira figurada, l seclo XX cumo l período antre l'ecloson de la Purmeira Guerra Mundial, an 1914, i l Colapso de la Ounion Sobiética, an 1991. Hobsbawn chama esse período de "Era de ls Stremos".

Segunda Guerra Mundial

Na Segunda Guerra Mundial (1939–1945) oupós ls Aliados a las Poténcias de l Eixe, tenendo sido l cunflito que causou más bítimas an to la stória de la Houmanidade. Las percipalTesto eitálicoes pTesto eitálicooténcias aliadas éran la China, la Fráncia, l Reino Ounido, la Ounion Sobiética i ls Stados Ounidos. L Brasil se antegrou als Aliados an agosto de 1942. La Almanha, la Eitália i l Japon, por sue beç, perfazian las fuorças de l Eixe. Muitos outros países partecipórun na guerra, quier porque se juntórun a un de l lhados, quier porque fúrun ambadidos, ó por haber partecipado de cunflitos lhaterales. An alguas naciones (cumo la Fráncia i la Jugoslábia), la Segunda Guerra Mundial probocou cunfrontos anternos antre partidários de lhados çtintos.

L lhíder alman de ourige austríaca Adolf Hitler, Fuhrer de l Terceiro Reich, pretendia criar ua "nuoba orde" na Ouropa, baseada ne ls percípios nazistas que defendian la superioridade germánica, na scluson — i supostamente eiliminaçon física ancluída — de alguas minories étnicas i relegiosas, cumo ls judius i ls ciganos, bien cumo deficientes físicos i homossexuales; na supresson de las lhiberdades i de l dreitos andebiduales i na perseguiçon de eideologies liberales, socialistas i quemunistas.

Tanto la Eitália quanto l Japon antrórun na guerra para sastifazer ls sous perpósitos spansionistas. Las naciones aliadas (cumo la Fráncia, la Grana-Bretanha i ls Stados Ounidos de la América) oupusírun-se a estes deseios de l Eixe. Estas naciones, juntamente cula Ounion Sobiética, apuis de la ambason desta pula Almanha, custituíran la base de l grupo de l Aliados.

Tierra

La Tierra ye un planeta de l Sistema Solar, sendo l terceiro a cuntar de l Sol i l quinto an diámetro. Ye l maior de ls quatro planetas rochosos. Antre ls planetas de l sistema, la Tierra ten cundiçones únicas: manténen grandes cuntidades de auga an stado líquido, ten placas tetónicas i un fuorte campo magnético. La atmosfera anteraige cun ls sistemas bibos. La ciéncia moderna pon la Tierra cumo único cuorpo planetário coincido que ten bida de la forma la qual conhecemos. Alguns cientistas cumo James Lobelock cunsidran que la Tierra ye un sistema bibo chamado Gaia.

L planeta Tierra ten mais ó menos ua forma sférica, mas la sue rotaçon faç ua pequeinha deformaçon para la forma eilipsóidal. La forma rial de la Tierra ye chamada de Geóide, apersenta forma mui eirregular, ondulada, matematicamente cumplexa.

Noutras lhénguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.