Ampério Romano

L Ampério Romano ye la fase de la stória de la Roma Antiga caratelizada por ua forma outocrática de goberno. L Ampério Romano sucediu la República Romana que durou quaije 500 anhos (509 a.C. – 27 a.C.) i tenie sido anfraquecida pul cunflito antre Caio Mário i Sulla i pula guerra cebil de Júlio César contra Pompeu.[1] Muitas datas son quemumente perpuostas para marcar la transiçon de la República al Ampério, ancluindo la data de la andicaçon de Júlio César cumo ditador perpétuo (44 a.C.), la bitória de l heirdeiro de Otábio na Batailha de Ácio (2 de setembre de 31 a.C.), ó la data an que l senado romano outorgou la Otábio l títalo hounorífico Augusto (16 de janeiro de 27 a.C.).[2]

Assi, Ampério Romano tornou-se la zeignaçon outelizada por cumbençon para referir al stado romano ne ls seclos que se seguiran a la reorganizaçon política efetuada pul purmeiro amperador, César Augusto. Ambora Roma possuísse quelónias i porbíncias antes desta data, l stado pré-Augusto ye coincido cumo República Romana.

Ls storiadores fázen la çtinçon antre l prencipado, período de Augusto a la crise de l terceiro seclo, i l domínio ó dominato que se stende de Diocleciano al fin de l ampério romano de l oucidente. Durante l prencipado (de l latin princeps, "purmeiro"), la natureza outocrática de l regime era belada por zeignaçones i cunceitos de la sfera republicana, manifestando ls amperadores relutáncia an se assumir cumo poder amperial. Ne l dominato (de dominus, "senhor"), pul cuntrário, estes redadeiros eisibian claramente ls senhales de l sou poder, usando corona, púrpuras i outros ornamientos simbólicos de l sou status.

La Organizaçon Social

Staba debedida an patrícios, clientes, plebeus i scrabos.

Roma antes de l Ampério

Las ouriges de la cidade de Roma

Çcubiertas arqueológicas andican que la ária de Roma yá era habitada an 1400 a.C..

Ls antigos pobos que habitában la region de l Lácio, nas prossimidades de Roma, zambolbírun ua eiquenomie baseada na agricultura i nas atebidades pastoris. La sociadade, nesta época, era formada por patrícios (nobres propietários de tierras) i plebius (comerciantes, artesones i pequeinhos propietários). L sistema político era la monarquia: la cidade era gobernada por un rei, oureginalmente de ourige latina, mas ls redadeiros reis de l período monárquico fúrun de ourige etrusca.

Ls romanos deste período éran politeístas, benerando diuses semelhantes als de l griegos (ambora cun nomes defrentes). Ls griegos tamien anfluenciában, juntamente cun ls etruscos, las purmeiras formas de arte rializadas puls romanos deste período.

La ourige lhendária

Cunforme la berson lhendária de la fundaçon de Roma, relatada an dibersas obras lhiterárias romanas, tales cumo la Stória de Roma, de Tito Lhíbio, i la Eneida, de l poeta Virgílio, Enéias, príncepe troiano filho de Bénus, fugindo de sue cidade, çtruída puls griegos, chegou al Lácio i se casou cun ua filha dun rei lhatino.

Sous çcendentes, Rómulo i Remo, filhos de Réia Sílbia, rainha de la cidade de Alba Lhonga, cul dius Marte, fúrun jogados por Amúlio, rei de la cidade, ne l riu Tibre. Mas fúrun salbos por ua loba que ls amamentou, tenendo an seguida ancontrados por camponeses. Cunta inda la lhenda que, quando adultos, ls dous armanos boltórun la Alba Lhonga, depusírun Amúlio i an seguida fundórun Roma, an 753 a.C.. La data tradecional de la fundaçon (21 de abril de 753 a.C.[3]) fui cumbencionada bien más tarde por Públio Teréncio Barron, atribuindo ua duraçon de 35 anhos la cada ua de las siete geraçones correspondentes als siete mitológicos reis. Segundo la lhenda, Rómulo matou l armano i se trasformou ne l purmeiro rei de Roma.

Roman Empire
La stenson de l Ampério Romano an 133 a.C., an 44 a.C., an 14 d.C, i an 117 d.C..

Monarquia Romana (753 a.C a 509 a.C)

La Rialeza ó Monarquia romana ye la spresson outelizada para definir l stado romano zde la sue fundaçon a la chimpa de la monarquia an 509 a.C., quando l redadeiro rei, Tarquínio, l Soberbo (redadeiro de ls reis Tarquínios), fui spulso, anstaurando-se la República Romana. La documentaçon disse período ye precária, i até mesmo l nome de ls reis son çconhecidos, citando-se solo ls reis lhendários, apersentados nas obras de Birgílio ("Eneida") i Tito Lhíbio ("Stória de Roma").

República Romana (509 a.C a 27 a.C.)

República Romana (de l latin res publica, "cousa pública") ye la spresson outelizada por cumbençon para definir l Stado romano i sues porbíncias zde l fin de l Reino de Roma an 509 a.C. (quando l redadeiro rei fui deposto) al stablecimiento de l Ampério Romano an 27 a.C..

L surgimiento de l Ampério

Map of downtown Rome during the Roman Empire large
L centro de Roma durante l Ampério.

L surgimiento de l Ampério bino cumo cunsequéncia de l sfuorço de spanson crecente de Roma durante ls seclos III i II a.C.. Segundo alguns storiadores, la populaçon sob l domínio de Roma oumentou de 4 milhones an 250 a.C. para 60 milhones an 30 a.C., l que eilustra cumo Roma tubo l sou poder ampliado nesse período, de 1.5% de la populaçon mundial, para 25%.

Ne ls redadeiros anhos de l seclo II a.C., Caio Mário trasformou l eisército romano nun eisército porfissional, ne l qual la lhealdade de ls suldados dua lhegion era declarada al general que la lhideraba i nun a la sue pátria. Este fato, cumbinado cun las numerosas guerras que Roma trabou ne ls finales de la República (Ambason de l Cimbros i Teutones, Guerras contra Mitrídates, rei de l Punto, antre outras, a culminar nas guerras cebiles de l tiempo de César i Augusto) faboreciu l surgimiento dua série de lhíderes melitares (Lúcio Cornélio Sulla, Pompeu, Júlio César), que, apercebendo-se de la fuorça a la sue çposiçon, ampeçan la outelizá-a cumo meio de oubtener ó reforçar l sou poder político.

Las anstituiçones republicanas ancontrában-se an crise zde l percípio de l seclo I a.C., quando Sulla quebrou todas las regras custitucionales al tomar la cidade de Roma cul sou eisército, an 82 a.C., para se tornar ditador bitalício de seguida. Sulla resignou i debolbiu l poder al Senado Romano, mas inda assi l precedente staba lhançado.

Gaius Julius Caesar
Júlio César (100-44 a.C.).

Esta série de acuntecimientos culminou ne l Purmeiro Triunbirato, un acuordo secreto antre César, Pompeu i Crasso. Tenendo este sido çfeito apuis de la derrota de Crasso an Carrhae (53 a.C.), restában dous lhíderes anfluentes, César i Pompeu; stando Pompeu ne l lhado de l Senado, este declara César inimigo de Roma, al que César respundiu, atrabessando l Rubicon i ampeçando la Guerra Cebil. Tenendo bencido Pompeu an Farsália (Agosto 48 a.C.) i las restantes fuorças oupositoras an Munda (45 a.C.), tornou-se afetabamente la purmeira pessona a gobernar unipessoalmente Roma, zde l tiempo de la Monarquia. L sou assassinato pouco tiempo depuis (Márcio 44 a.C.), a las manos de ls cunspiradores lhiderados por Marco Júnio Bruto i Caio Cássio Lhongino, terminou esta purmeira speriéncia de gobierno unipessoal de l stado romano.

Por esta altura, yá la República tenie sido decisibamente abalada, i apuis de la derrota final de l cunspiradores, l surgimiento de l Segundo Triunbirato, antre Otábio, Marco António i Lépido, i la sue çtruiçon na Guerra Cebil seguinte, culminando na decisiba Batailha de Ácio (31 a.C.), deixou Otábio cumo la sola pessona cun poder para gobernar andibidualmente Roma, tornando-se afetabamente ne l purmeiro amperador romano, fundando ua dinastie (Júlio-Claudiana) que solo la muorte de Nero (68 d.C.) benerie a acabar.

Castro Battle of Actium
La Batailha de Ácio, 2 de Setembre de 31 a.C..

Ua beç que l purmeiro amperador, César Augusto, siempre recusou admitir-se cumo tal, ye defícel deacabar l momiento an que l Ampério Romano ampeçou. Por cumbeniéncia, coloca-se l fin de la República an 27 a.C., data an que César Augusto adquire este cognome i an que ampeça, oufecialmente, a gobernar sin parceiros. Outra corriente de storiadores coloca l percípio de l Ampério an 14 d.C., anho de la muorte de Augusto i de la sue sucesson por Tibério.

Ne ls meios académicos, çcutiu-se bastante la rezon pula qual la sociadade romana, habituada a cerca de cinco seclos de república, aceitou la passaige a un regime monárquico sucessório. La repuosta centra-se ne l stado andémico de guerra cebil que se bibia ne ls anhos prébios la Augusto i ne l lhongo reinado de quarenta i cinco anhos que se seguiu, notable pula paç anterna. Cula spráncia de bida média an cerca de quarenta i cinco anhos, a la data de la muorte de Augusto, l cidadano romano médio nun conhecie outra forma de gobernaçon i staba yá preparado para aceitar un sucessor.

L reinado de Augusto

Hw-augustus
Augusto (63 a.C.-14 d.C.).

L reinado de Augusto ye cunsidrado por todos ls storiadores cumo un período de prosperidade i spanson.[4] La nuoba strutura política criada por Augusto zeigna-se por "prencipado", sendo l xefe de l ampério zeignado por princeps cibiun (l purmeiro de l cidadanos) i a la par princeps senatus (l purmeiro de l Senado). La palabra princeps stá na ourige de la palabra "príncepe", que nun era l títalo de l xefe de l Stado. L títalo era César i fui este que Augusto i sous sucessores adotórun.

Augusto era tamien comandante-xefe de l eisército i decidie la guerra ó la paç i outo-nomeou-se "tribuno por to la bida". Augusto, que nun era specialmente dotado para la estratégia, mas tenie buonos generales cumo Agripa na sue cunfiança, aneixou oufecialmente l Eigito, que yá staba sob domínio romano habie 40 anhos, to la península Eibérica, la Panónia, la Judeia, la Germánia Anferior i Superior i colocou las frunteiras de l Ampério ne ls rius Danúbio i Reno, adonde permanecírun por 400 anhos.

L ampério que Augusto recebiu era basto i heiterogéneo, cun bárias lhénguas i bários pobos. L griego era la lhéngua más falada ne ls territórios ourientales, i l latin progredie pouco nestes territórios, mas ne ls territórios oucidentales era la lhéngua más falada. Augusto passou a tratar todos ls habitantes de l ampério cumo eiguales i bejitou bárias zonas para berificar quales ls porblemas de cada porbíncia, assi estas florescírun i atingiran l mássimo de l sou zambolbimento.

Fuontes subre la era de Augusto

Young Folks' History of Rome illus294
Roma ne l tiempo de Augusto.

La era de Augusto ye más pobremente decumentada que l período republicano que l precediu. Anquanto Líbio screbiu sue magistral stória durante l reinado de Augusto, i sue obra cobriu to la stória romana até 9 a.C., solamente sumários subrebibírun de sue cobertura de la República tardie i de l período de Augusto. Amportantes fuontes purmárias deste período ancluen:

  • Res Gestae Dibi Augusti, la outobiografie (quaije que un testamiento político) de Augusto;
  • Storiae Romanae de Beleio Patérclo, un trabalho desorganizado que permanece cumo ls melhores anales de l período de Augusto.
  • Cuntrobersiae i Suasoriae de Séneca, l Bielho.

Ambora registros purmários deste período séian poucos, trabalhos de poesie, lhegislaçon i angenharie deste período supren amportantes bisones de la bida romana. Arqueologie (ancluindo la arqueologie marítima), pesquisas aéreas, anscriçones an eidifícios i monedas, ténen tamien fornecido eibidéncias baliosas subre la eiquenomie i cundiçones sociales i melitares.

Fuontes secundárias de la era de Augusto ancluen Tácito, Dion Cássio, Plutarco, Suetónio cun sue Bida de l duoze Césares. Flábio Josefo, cun sues Antiguidades Judaicas ye ua fuonte amportante para la Judéia, que se tornou porbíncia romana durante l reinado de Augusto.

Julio-Claudianos

Ls sucessores de Augusto son coincidos cumo la Dinastie Julio-Claudiana (que anclui el própio), debido als casamientos eidealizados por el antre la sue família, ls Julii, i ls patrícios Claudii. Ne ls purmeiros anhos de l reinado de Tibério, nun houbo grandes mudanças políticas ó ourganizatibas an relaçon als percípios stablecidos por Augusto. Inda assi, cul passar de l tiempo, la anstablidade surgiu drento de la própia família amperial. Tibério tornou-se paranóico cun possibles cunspiraçones i tentatibas de golpe de stado, chegando, an 26, a retirar-se para la ilha de Capri de adonde gobernou por percuraçon até al fin de la bida. An cunsequéncia, mandou matar ó eisecutar grande parte de la sue família i senadores de çtaque, probocando ua sensaçon de çconforto generalizada. L sou sucessor Calígula creciu neste ambiente i mostrou-se un amperador eigualmente anstable. Las perseguiçones tornórun-se norma i durante estes reinados muitas de las famílias tradecionales romanas chegórun al fin debido a assassinatos i eisecuçones que se prolongórun puls reinados de Cláudio i Nero. An 68, la classe política tenie chegado al lhemite de resisténcia la tanta ansegurança política. Depuis de alguns erros stratégicos grabes i de tener arruinado las finanças de l stado an abinturas cumo la custruçon de l sou palácio dourado, Nero ye declarado un inimigo de l stado i declarado fura de la lhei. Fugindo de Roma acumpanhado solo pul sou secretairo, l amperador acaba por se suicidar antes de ser apanhado pula guarda pretoriana que iba an sou ancalço. Cula sue muorte, zaparecie la dinastie Julio-Claudiana i Roma acabarie por ancontrar algua stablidade política, mas nun eimediatamente, cumo se berá más ambaixo.

De l punto de bista ourganizatibo, cumo yá se dixe, pouco mudou an relaçon al stablecido por Augusto. Solo Cláudio antroduziu alguas reformas i percurou la prosperidade de l ampério, talbeç porque a la data de la sue ascenson al trono era yá un home maduro. Cláudio fui inda l respunsable pula einiciatiba de la ambason romana de las ilhas británicas an 43, que se saldou pula adiçon de más ua porbíncia al ampério. An 64, durante l reinado de Nero, Roma fui cunsumida por un biolento ancéndio (de l qual l própio amperador ye muitas bezes erroneamente cunsidrado culpado) i ampeçórun las perseguiçones als crestianos. Ls Julio-Claudianos fúrun eficazes an spalhar l culto amperial. Alguns deilhes, cumo Cláudio, fúrun deificados durante la sue bida i eilebórun a la dignidade debina muitos de ls sous familiares (alguns susequentemente assassinados).

Flabianos

Depuis de l suicídio de Nero, Sérbio Sulpício Galba, un bielho senador pertencente als Sulpicii, ua bielha família aristocrática, torna-se amperador por nomeaçon senatorial. L sou reinado nun ampeçou bien. Durante la biaige de la Spánia para Roma, Galba nun heisitou an spalhar l caos i la çtruiçon pulas cidades que nó le prestórun honras amperiales de eimediato. An Roma, sustituiu grande parte de las xefias melitares i depressa se rebelou tan paranóico cumo ls sous antecessores. La sue recusa an cunceder ls prémios monetários a las legiones i guarda pretoriana que l apoiórun serbiu de ampulsionador a la ourganizaçon dun golpe de stado i, an Janeiro de 69, Galba fui assassinado puls pretorianos ne l Fórun, juntamente cul sou sucessor zeignado. An Roma, saudou-se Marco Sálbio Oton cumo nuobo amperador, mas ne l Reno las lhegiones aclamórun Aulo Bitélio que de eimediato ampeçou la marcha para Roma. An Abril, Bitélio derrota Oton i torna-se l solo amperador, ambora pouco tiempo depuis l eisército stacionado na Judeia aclamasse l sou comandante Bespasiano cumo amperador. Durante la segunda metade de l anho, todas las porbíncias fúrun-se declarando por Bespasiano i Bitélio perdiu terreno. Finalmente, la 20 de Dezembre, las tropas de Bespasiano entrórun an Roma i assassinórun Bitélio. Bespasiano tornou-se anton l solo amperador i dou ampeço a la dinastie Flabiana.

Colosseum-2003-07-09
Ua de las más notables obras de angenharie clássica, l Coliseu de Roma, mandado erigir por Bespasiano, serbiu para einúmeros spetaclos, ancluindo dramatizaçones de batailhas nabales.

Bespasiano mostrou ser un amperador respunsable i razoable an cumparaçon als scessos perpetrados puls Julio-Claudianos. Anque ser un outocrata que pouca ó nanhue amportança política daba al senado, Bespasiano percurou reorganizar l eisército, las finanças de l stado i la sociadade romana. Oumentou ls ampostos, mas erigiu grandes obras, cumo l Coliseu de Roma coincido na altura cumo Anfitriato Flabiano. Cumo antigo gobernador i general, Bespasiano sabie qual l melhor para las porbíncias i cumo mantener l eisército sastifeito, todo cundiçones andispensables para la stablidade dun reinado. L sou filho, Tito Flábio, sucediu-le an 79. Prometie ser un amperador a la altura de l sou pai, mas l sou brebe reinado fui marcado por catástrofes. La 24 de Agosto de l mesmo anho, l bulcon Besúbio çtruiu las cidades de Pompeia i Heirculano i, an 80, Roma fui de nuobo cunsumida por un ancéndio. An 81, Tito ye sucedido pul armano Domiciano, que haberie de se amostrar pouco a la altura de las capacidades de ls sous familiares. Assi, tal cumo na dinastie Julio-Claudiana, l que ampeçou por ser un período de prosperidade, depressa caiu an anstablidade política. Domiciano rebelou-se tan paranóico cumo Calígula ó Nero i las atrocidades de l sou reinado balírun-le l eipíteto de pior amperador de todos ls tiempos.

Quando an 96 Domiciano ye assassinado, Roma ancontra-se bastante cética quanto a la balidade de l modelo dinástico i la sucesson amperial eiboluiu pa l cunceito de l más ato. Esta mudança dou ourige al período de l cinco buns amperadores.

Antoninos: Cinco buns amperadores

Roman Empire Map
Nesta foto las porbíncias de l Ampério romano an quaije to sue stenson mássima (goberno de Trajano).
Roemischeprovinzentrajan
Agora, nesta foto, las porbíncias de l Ampério Romano an sue mássima stenson (goberno de Trajano).
Fexeiro:Roman Empire under Hadriam.png
L Ampério Romano sob Adriano.

Depuis de l assassinato de Domiciano, l senado nomeou Nerba cumo amperador romano. Anque ser yá de meia eidade i de nun tener çcendentes, Nerba era un home cunsidrado capaç, quier de l punto de bista melitar quier de l punto de bista admenistratibo, mas subretodo racional i cunfiable. La falta de filhos rebelou ser ua bantaige, pus la sue sucesson fui determinada pul balor de l candidato i nun por critérios familiares — ambora yá Trajano tenga sido formalmente aporfilhado por Nerba. Trajano, Adriano i Antonino Pio seguiran la mesma política de nomear l sucessor más ato, l que resultou nun período de stablidade coincido cumo ls cinco buns amperadores. Durante l reinado destes cinco homes, Roma prosperou i atingiu l sou pico ciblizacional, al punto de alguns analistas defendíren que l nible ciblizacional alcançado durante este período solo fui outra beç alcançado na Anglaterra de l seclo XVIII. Trajano fui l respunsable pula stenson mássima de l Ampério an 117, al stender la frunteira ouriental até ancluir la Mesopotámia na alçada de Roma. L sou sucessor, Adriano, soube mantener la einorme ária de l ampério i reconhecer que nun balia la pena stendé-lo más. Dou las cunquistas por terminadas i custruiu la muralha de Adriano ne l Norte de Anglaterra cumo simblo de l fin de l Ampério. Este período de manutençon, por ouposiçon a la cunquista, quedou coincido cumo la Pax Romana.

L ciclo de prosperidade terminou quando Marco Aurélio zeignou, para sucessor, nun l home más ato, mas l sou filho Cómodo, que se sabie pouco a la altura de l sou pai i sous antecessores. Cumo na dinastie Julio-Claudiana (Nero) i Flabiana (Domiciano), un período de prosperidade fui seguido por ua gobernaçon errática por un home paranóico, neste causo Cómodo, que ancentibarie la rebolta de ls sous súbditos. Cómodo fui assassinado an 192, mas l Ampério caiu nua grabe crise dinástica i social.

PtolemyWorldMap
L mapa de Ptolomiu, reconstituído de la sue obra Geographia (ca. 150 d.C.), andicando las naciones "Serica' '" i "Sinae" (China) a la dreita, para alhá de la ilha Taprobana (Sri Lhanka) i la "Aurea Chersonesus" (península de l Suiste Asiático) .

La crise de l seclo terceiro (193 - 285)

L fin de l seclo II fui marcado por más ua guerra cebil de sucesson. Setímio Sebero acabou por assegurar la corona amperial i lhebar l Ampério para un brebe período de stablidade. Ls sous sucessores, inda assi, nun tubírun la mesma suorte. Antre la muorte de Sebero an 211 i l ampeço de la tetrarquia an 285, l Ampério tubo 28 amperadores, de ls quales solo 2 falecírun por causas naturales (de peste) . Cuntemporaneamente, stan registados 38 usurpadores romanos, de ls quales muitos se tornórun amperadores de pleno dreito. Para para alhá de la crise política andémica, l seclo III fui marcado pul ampeço de las ambasones de l pobos bárbaros que habitában las zonas frunteiriças de l Ampério.

Fin de la Era Dourada (193 - 197)

L reinado de Cómodo fui marcado por bários scessos, tenendo sido terminado pul sou assassinato la 31 de Dezembre de 192; fui sucedido pul sou prefeito de l pretório, Pertinax, un home de ourige houmilde i que, al fin de scassos trés meses cumo amperador, acabou por sue beç por morrer a las manos de l pretorianos. Seguiu-se ua situaçon caricata, an que la Guarda Pretoriana puso l Ampério an lheilon, tenendo este sido ganho por Dídio Juliano, al oufrecer un donatibun maior (193).

La situaçon nun durou muito, pul que nas porbíncias bários generales se declarórun eilhes própios amperadores (Clódio Albino na Gália, Pescénio Niger na Síria i Setímio Sebero na Panónia), tenendo sido Sebero quien ganhou apuis de alguns anhos de guerra cebil (197).

Ls Seberos (193 - 235)

Fexeiro:SetimeSévère.jpg
Setímio Sebero (146-211).

Tenendo-se tornado amperador, Setímio Sebero tornou l Ampério afetabamente nua monarquia melitar, an más un passo na direçon de l Dominato; tubo dous filhos, Caracala i Geta que, apuis de la sue muorte (211), degladiórun-se antre si, tenendo Caracala assassinado Geta (Dezembre de 211).

Caracala tornou-se çconfiado, tenendo faborecido ls suldados; fui muorto por un nembro de la sue guarda, presumiblemiente a mando de l sou prefeito de l pretório, Macrino, l qual se declarou amperador (217). Ua armana de la mulhier de Setímio Sebero, Júlia Maesa, cunseguiu subornar ua lhegion i fazer cun que declarassen l sou nieto Heiliogábalo, na berdade primo de Caracala, cumo sou filho i berdadeiro sucessor, tenendo la rebolta sido bien sucedida i Macrino muorto (218).

L reinado de Heiliogábalo fui marcado por scessos que lhebórun la que la sue abó mudasse l sou apoio para un primo, Alexandre Sebero i que Heiliogábalo i sue mai fússen muortos (Márcio de 222).

Sob Alexandre Sebero l ampério prosperou mas ampeçórun ls purmeiros porblemas: ambason de l persas sassánidas (233), ambasones de pobos germánicos i l amperador, que preferie negociar la paç an troca de tributo de l que trabar la guerra, fui muorto na Mogúncia (Márcio(?) de 235), junto cula sue mai, por tropas reboltadas al bíren tanto ouro ser dado als bárbaros.

Anarquia melitar: ls amperadores-suldados (235 - 285)

Roman Republic Empire map fast
Eiboluçon territorial de l Ampério Romano


Durante ls próssimos 50 anhos, l Ampério eirie sofrer usurpaçones, derrotas i fragmentaçon; amperadores serien assassinados, muortos an batailha ó puls sous ribales, nun desespero para ancontrar ua seluçon i por fin, surgirieb l Dominato, la monarquia absoluta, la qual remoberie ls poucos traços republicanos que Roma inda cunserbaba, por forma a dar al ampério un redadeiro fólego.

Apuis de la muorte de Alexandre Sebero, l ampério caía ua beç más nas manos de l generales. Maximino, l Trácio ye proclamado amperador pulas tropas i durante trés anhos prossegue cula guerra, debastando ls pobos germánicos; cumo este sfuorço melitar eisigie mui denheiro, ampeçórun a oumentar ls abusos por parte de l funcionários amperiales an relaçon als ampostos. An África esses abusos fúrun notórios i porbocórun ua rebolta (238). Proclamórun amperador l senador Gordiano, l qual associou l sou filho, Gordiano II, tenendo l senado de Roma reconhecido la nomeaçon; Gordiano II fui muorto nua batailha, i Gordiano I suicidou-se al saber de la ambora. Maximino Trácio, al tentar dirigir-se la Roma para suprimir la rebolta, deparou-se cun resisténcia inesperada por parte de la cidade de Aquileia, i ls sous suldados, furiosos, matórun nel. L nieto de Gordiano, Gordiano III, fui proclamado amperador i aceite por todos.

Antretanto la situaçon de l ampério cumplicaba-se. Ne l Ouriente, ampeça ua guerra contra ls sassánidas; Gordiano III anfrenta-la, mas morre an batailha ó ye muorto durante la retirada (244). L sou prefeito de l pretório, Filipe, proclama-se amperador.

Usurpadores i derrotas (244 - 253)

Filipe celebra l milénio de Roma (247) cun pompa i fausto. Mas la situaçon buolta a piorar. Generales nas porbíncias reboltan-se i proclaman-se amperadores. Al tentar lhidar cun un deilhes, Décio, l comandante que Filipe çpachara para lhidar cula rebolta, ye por sue beç proclamado amperador; defronta Filipe an batailha i este ye muorto pulas tropas (249).

L nuobo amperador adotou ua política dura i cunserbadora cumo forma de lhidar cun ls porblemas de l Ampério; assi, perseguiu ls crestianos i trabou guerra contra ls godos, na qual acabarie por ser derrotado i muorto (251). Outros usurpadores acupórun brebemente l trono durante este tiempo. An 253, Valeriano I ascenderie por sue beç al trono i, cul, l Ampério eirie çcer al sou punto más baixo.

Baleriano i Galiano: Fragmentaçon i Derrota, Seluçones pa l Feturo (253 - 268)

AV Antgoninianus Valerianus
Moeda cunhada por Baleriano I.

Baleriano I associa al trono l sou filho Galiano, atribuindo-le la parte oucidental de l ampério i reserbando para el la parte ouriental. Durante este tiempo, l ampério staba a ser ambadido por bários pobos, nomeadamente godos i alamanos, i a la par surgian usurpadores. An 258, Póstumo declara-se amperador na Gália, dando ourige assi al Ampério de las Gálias, al qual Galiano, demasiado fraco, nun puode oupór-se cun eficácia. Ne l Ouriente, ls persas abançórun, cun algua resisténcia de Baleriano ne l ampeço, mas cul Eisército Romano dizimado pula peste, tenta negociar la paç cun rei sassánida Shapur I, solo para se ber aprisionado, houmilhado i más tarde muorto (260).

L sou filho Galiano tenta mantener la ambora de la catura i muorte de l sou pai un segredo, mas solo l cunsegue durante un anho; por esta altura, zamcadeia-se ua sequéncia de usurpaçones, an parte cumo repuosta lhocal a las situaçones de necidade perante las ambasones, an parte cumo tentatiba de dar seluçon als porblemas. Galiano, demasiado acupado a derrotar usurpadores i ambasores dibersos, deixa que, ne l Oucidente, l Ampério de las Gálias se zambolba, i ne l Ouriente, que l reino de Palmira se apodere de território romano, mas que Roma yá nun stá an cundiçones de defender.

Als poucos, la situaçon bai melhorando: Galiano cunsegue ir derrotando ó ber assassinados sucessibamente ls sous ribales, reforma l eisército i cunsegue ua grande bitória contra ls bárbaros (268) antes de ser assassinado; ne l Ouriente, l reino de Palmira, einicialmente sob l comando de Odenato, i más tarde, de la sue biúba, Zenóbia, cunsegue detener ls persas, mas apoderando-se cada beç más de território romano. Caberá als sucessores de Galiano recuperáren i reunificáren l Ampério pula purmeira beç an 15 anhos.

Recuperaçon i stablizaçon (268 - 285)

La recuperaçon de l Ampério bino por fases: Cláudio II, l sucessor de Galiano, ampeça por anfligir ua grande derrota als godos (270) mas, atingido pula peste, morre antes de poder restaurar l Ampério. Aureliano, l sou sucessor, será más bien sucedido. An 4 anhos, reincorpora ne l Ampério las Gálias i derrota Zenóbia, recuperando assi l Ouriente. Senhal de l tiempos, dota Roma de la sue purmeira muralha zde las ambasones Gaulesas que habien ocorrido yá fazie más de 650 anhos. Admenistrador duro i cumpetente, starie pristes la ampeçar ua guerra contra ls Persas, quando ye assassinado (275); cul, pula purmeira beç, ls amperadores romanos son adorados cumo diuses an bida.

Após alguns anhos, an que l Ampério mergulha ua beç más na anarquia i na ambason, surge un nuobo i eficaç amperador, Porbo (276-282), que cunsegue stablizar la situaçon. Apuis de l sou assassínio i ls brebes reinados de Caro i de ls sous filhos, eis que surge l home que eirá anfin poner orde ne l ampério, Diocleciano (285).

Tetrarquia

Venice – The Tetrarchs 03
Ls tetrarcas, ua scultura porfíria, saqueada dun palácio Bizantino an 1204, tesouro de San Marcos, Beneza.

La Tetrarquia fui un sistema de gobierno criado pul amperador romano Diocleciano, cumo forma de resulber sérios porblemas melitares i eiquenómicos de l ampério romano.

Diocleciano debediu l sou poder subre l ampério antre ls setores ourientales (pars Ourientis) i oucidentales (pars Ocidentis). Mantebe l cuntrole pessonal de l setor lheste i l sou colega Maximiano cuntrolou l oucidente. Diocleciano nun debediu propiamente l poder cun sou cumpanheiro de armas Maximiliano, pus, na rialidade, Diocleciano staba colocado an posiçon superior a la de Maximiliano. A partir dende, l Ampério passou a tener dous Augustos, cada qual cun eisército, admenistraçon i capital própios, ambora Diocleciano cuntinasse a ser l xefe de l Stado, repersentando la ounidade de l mundo romano.

An 305, Diocleciano retirou-se a la bida pribada i anduziu Maximiano a fazer l mesmo.[5]

L Ampério crestiano

Roman empire 395
Las dibisones admenistratibas de l Ampério Romano an 395, sob Teodósio I.

L Ampério Romano passou a tolerar l cristandade a partir de 313 d.C., cul Édito de Milon,[6] assinado durante l ampério de Custantino I (de l Oucidente) i Licínio (de l Ouriente) , ne l mesmo die an que acunteciu l casamiento de Licínio cun Custantie, armana de l amperador de la porçon ouriental de l Ampério. Cun este édito, l Cristandade deixou de ser proibido i passou a ser ua de las religiones oufeciales de l Ampério.

L Cristandade tornou-se la sola religion oufecial de l Ampério sob Teodósio I (379-395 d.C.) i todos ls outros cultos fúrun proibidos.[7] Einicialmente, l amperador detenie l cuntrole de la Eigreija. La decison nun fui aceita uniformemente por to l Ampério; l paganismo inda tenie un númaro mui seneficatibo de adetos. Ua de las medidas de Teodósio I para que sue decison fusse ratificada fui tratar cun rigideç aqueilhes que se oupusírun a eilha. L massacre de Tessalónica debido a ua reblion pagana deixa clara esta posiçon de l amperador. Un de ls cunflitos antre la nuoba religion de l Ampério i la tradiçon pagana cunsistiu na cundenaçon de la homossexualidade, ua prática quemun na Grécia antes i durante l domínio romano.

La dibison de l Ampério

Custantinopla

L centro admenistratibo de l ampério tendia a tornar-se más pa l Ouriente, por múltiplas rezones. Purmeiro pula necidade de defesa de las frunteiras ourientales; depuis porque l ouriente habie se tornado la parte eiquenómica más bital de l domínio romano; por fin Roma era ua cidade rica de bruxedos pagones, l que agora era anconbeniente nun ampério crestiano: sous eidifícios, sue nobreza senatorial, apegada a la religion tradecional. Assi Custantino decretou la custruçon dua nuoba capital, nas bordas de l Bósforo, adonde habie la antiga fortaleza griega de Bizáncio, nun punto de grande amportança stratégica, nas prossimidades de dous amportantes setores de la limes: la region de l baixo Danúbio i la frunteira de l Ampério Sassánida. La nuoba cidade, que recebiu l nome de Custantinopla, esto ye, "cidade de Custantino", fui cuncebida cumo ua "nuoba Roma" i debrebe tornou-se l centro político i eiquenómico de l Ampério. Sue criaçon tubo repercussones tamien ne l plano eclesiástico: anquanto an Roma la Eigreija Católica adquiriu más outoridade, an Custantinopla l poder cebil cuntrolou la Eigreija. L bispo de Roma pudo assi cunsulidar la anfluéncia que yá possuía, anquanto an Custantinopla l bispo baseaba sou poder ne l fato de ser bispo de la capital i ne l fato de ser un home de cunfiança de l Amperador.[5]

Teodósio i l fin de l ampério solo

Teodósio fui l redadeiro amperador a reinar subre to l ampério.[8] Apuis de sue muorte an 395, sous dous filhos Arcádio i Honório heirdórun las dues metades: Arcádio tornou-se gobernante ne l Ouriente, cula capital an Custantinopla, i Honório tornou gobernante ne l Oucidente, cula capital an Mediolanun (atual Milon), i más tarde an Rabenna. L stado romano cuntinarie cun dous defrentes amperadores ne l poder até l seclo V, ambora ls amperadores ourientales se cunsiderában gobernantes de l to. L latin era ousado ne ls decumientos oufeciales tanto, se nun más, que l griego. Las dues metades éran nominalmente, cultural i storicamente, se nun politicamente, l mesmo stado.

L fin de l Ampério Oucidental

L Ampério Romano de l Oucidente sofriu ambason de l pobos bárbaros (qualquiera pobo cuja lhéngua nun fusse l latin) i, yá anfraquecido anternamente, caiu an 476 cula deposiçon de l amperador Rómulo Augústulo. Outros reis stablecírun-se an Roma, ambora nun más usassen l títalo de "Amperador Romano". L Ampério Ouriental, cun capital an Custantinopla, cuntinou a eisistir por quaije mil anhos, até 1453.

Ber tamien

Refréncias

  1. Durante estas lhuitas, cientos de senadores morrírun, i l Senado Romano fui renobado cun lhegalistas de l Purmeiro Triunbirato i depuis de l Segundo Triunbirato.
  2. Otábio Augusto oufecialmente proclamou tener salbo la República Romana i cun cuidado çfarçou sou poder sob formas republicanas: cónsuls cuntinórun a ser eileitos, tribunos de ls plebeus cuntinórun a serbir la justícia, i senadores inda debatian na cúria romana. Mas, era Otábio, i cada un de sous sucessores apuis del, quien anfluenciaba todo i cuntrolaba las decisones finales i, an redadeira análeze, tenie las legiones para garanti-lo, causo fusse neçairo.
  3. Modelo:Refréncia a lhibro
  4. Suetónio: La bida de l duoze Césares – Augusto. Ounibersidade de Chicago, 2006. Cunsultado an 09/03/2008. (an anglés) Modelo:La,
  5. 5,0 5,1 Modelo:Refréncia a lhibro
  6. .com/Battle-of-Adrianople-Roman-Ampire.eibent.html «World Story Database» Cunsulte valor |url= (ajuda). Cunsultado an 4 de outubre de 2008 Parâmetro desconhecido |lhanguage= ignorado (ajuda); Parâmetro desconhecido |acessyear= ignorado (ajuda)
  7. «World Story Database». Cunsultado an 4 de outubre de 2008 Parâmetro desconhecido |lhanguage= ignorado (ajuda); Parâmetro desconhecido |acessyear= ignorado (ajuda)
  8. La stória de l declínio i chimpa de l ampério romano - Porjeto Gutemberg. Baseado ne l Reb. H.H. Milman – Eidiçon de 1845. Cunsultado an 11/03/2008. (an anglés)

Bibliografie

  • Gibbon, Edward, La stória de l declínio i chimpa de l ampério romano, 1776.
  • Heiather, Petener. The Fall of the Roman Ampire, 2005, ISBN 0-330-49136-9

Lhigaçones sternas

Modelo:Roma Antiga Modelo:Ampérios

Almanha

La Almanha, ouficialmente República Federal de la Almanha, ye un paíç localizado na Ouropa central. Ye lemitado la norte pul Mar de l Norte, Dinamarca i pul Mar Báltico, la leste pula Polónia i pula República Checa, la sul pula Áustria i pula Suíça i l'oeste pula Fráncia, Luxemburgo, Bélgica i Países Baixos. L território de la Almanha abrange 357 021 quilómetros quadrados i ye anfluenciado por un clima temperado sazonal.

Cun 82,5 milhones d'habitantes an 2016, la region chamada Germánia habitada por bários pobos germánicos fui coincida i decumentada puls romanos antes de 100 d.C. A partir de l seclo X, ls territórios almanes formórun la parte central de l Sacro Ampério Romano, que durou até 1806. Durante l seclo XVI, l norte de la Almanha se tornou l centro de la Reforma Protestante. Cumo un moderno Stado-nacion, l paíç fui unificado pula purmeira beç na Guerra Franco-Prussiana an 1871. An 1949, passado la Segunda Guerra Mundial, la Almanha fui debedida an dous stados, la Almanha Oucidental, ouficialmente "República Federal de la Almanha", i la Almanha Ouriental, ouficialmente "República Democrática Almana", al longo de las linhas d'acupaçon aliadas. La Almanha fui reunificada an 1990. La Almanha Oucidental fui un de ls nembros fundadores de la Quemunidade Ouropeia (CE), an 1957, que mais tarde se tornou la Ounion Ouropeia, an 1993. L paíç ye parte de l spácio Schengen i adotou la moeda ouropeia, l ouro, an 1999.

La Almanha ye ua república parlamentar federal de dezesseis stados (Länder). La capital ye la cidade de Berlin. L paíç ye nembro de las Naciones Ounidas, de la OTAN, G8, G20, de la OCDE i de la OMC. Ye ua grande poténcia cula por PIB nominal i la quinta maior an paridade de l poder de cumpra. An tenermos absolutos, la Almanha atribui l segundo maior ourçamiento anual d'ajudas al zambolbimiento ne l mundo, anquanto stá an sesto lugar an çpesas melitares. L paíç ten zambolbido un alto padron de bida i stableciu un sistema global de sigurança social. La Almanha acupa ua posiçon-chabe ne ls assuntos ouropeus i mantén ua série de parceries streitas nun nible global. L paíç tamien ye reconhecido cumo líder científico i tecnológico an bários domínios.

Amperador

Un amperador (de l Lhatin imperatore) ye la zeignaçon dada als soberanos d'alguas naciones. Aquel que rege un ampério. L femenino d'amperador ye amperatriç. Amperadores son giralmente reconhecidos cumo superiores als reis an honra. Sou puosto puode ser oubtido por heireditariadade, ó por fuorça, cumo nun golpe de stado. Para alhá desso, puode ser un puosto cunferido por eileiçon d'outros soberanos, cumo ne l causo de l Sacro Ampério Romano Germánico. Ne l causo d'haber ua amperatriç regente, sou marido nun recibe títalo d'amperador, sendo chamado simplesmente de cunsurte.

L termo an Pertués para amperador deriba de l Lhatin imperatore (lhiteralmente, "alguien que se prepara contra"; algo cumo "comandante").

Giralmente, l termo Ampério zeigna un stado cumpuosto por defrentes naciones i nacionalidades, para alhá dun stado nacional quemun.

Na atualidade l único paíç que ten un amperador cumo xefe d'estado ye l Japon.

Ampério Bizantino

L Ampério Bizantino ó Reinado Bizantino (an griego: Βασιλεία Ῥωμαίων), einicialmente coincido cumo Ampério Romano de l Ouriente ó Reinado Romano de l Ouriente, sucediu l Ampério Romano (cerca de 395) cumo l ampério i reinado dominante de l Mar Mediterráneo. Sob Justiniano I, cunsidrado l redadeiro grande amperador romano, dominaba árias ne l atual Marrocos, Cartago, sul de la Fráncia i de la Eitália, bien cumo sues ilhas, Península Balcánica, Anatólia, Eigito, Ouriente Próssimo i la Península de la Criméia, ne l Mar Negro. Sob la perspetiba oucidental, nun ye errado anserir l Ampério Bizantino ne l studo de la Eidade Média, mas, a rigor, el bibiu ua stenson de la Eidade Antiga. Ls storiadores specializados an Bizáncio an giral cuncordan que sou apogeu se dou cul grande amperador de la dinastie Macedónica, Basílio II Bulgarotonos (Mata-Búlgaros), ne l ampeço de l seclo IX. La sue regresson territorial gradual delineou la stória de la Ouropa mediebal, i sue chimpa, an 1453, frente als turcos otomanos, marcou l fin de la Eidade Média.

Antigo Eigito

Antigo Eigito ye la spresson que define la ceblizaçon de la Antiguidade que se zambolbiu ne l canto nordeste de l cuntinente africano, tenendo cumo frunteira la norte l Mar Mediterráneo, la oeste l deserto de la Lhíbia, la lheste l deserto de la Arábia i la sul la purmeira cachon de l riu Nilo.

La stória de l Antigo Eigito ampeça-se an cerca de 3150 a.C., altura an que se bereficou a ouneficaçon de l reinos de l Alto i de l Baixo Eigito, i tremina an 30 a.C. quando l Eigito, yá anton sob dominaçon strangeira, se trasformou nua porbíncia de l Ampério Romano, após la derrota de la rainha Cleópatra VII na Batailha de Ácio. Durante la sue lhonga stória l Eigito conhecerie trés grandes períodos marcados pula stablidade política, prosperidade eiquenómica i florecimiento artístico, antercalados por trés períodos de decadéncia. Un desses períodos de prosperidade, zeignado cumo Ampério Nuobo, correspundiu a ua era cosmopolita durante la qual l Eigito dominou, grácias a las campanhas melitares de l faraó Tutmés III, ua ária que se stendia zde Curgos (na Núbia, antre la quarta i quinta cachones de l riu Nilo) até al riu Eufrates.La ceblizaçon eigípcia fui uas de las purmeiras grandes ceblizaçones de la Houmanidade i mantubo durante la sue eisisténcia ua cuntenidade nas sues formas políticas, artísticas, literárias i relegiosas, splicable an parte debido als cundecionalismos geográficos, ambora las anfluéncias culturales i cuntatos cul strangeiro tenga sido tamien ua rialidade.

Besigodos

Modelo:Stória PT-ES

Ls besigodos fúrun un de dous galhos an que se debedírun ls godos, un pobo germánico ouriginairo de l leste ouropeu, sendo l'outro ls ostrogodos. Ambos pontuórun antre ls bárbaros que penetrórun l Ampério Romano tardio ne l período de las migraçones. Passado la queda de l Ampério Romano de l Oucidente, ls besigodos tubírun un papel amportante na Ouropa ne ls 250 anhos que se seguiran, particularmente na península Eibérica, adonde sustituíran l domínio romano de la Spánia, reinando de 418 até 711, data de la ambason muçulmana, que sustituirie l reino besigodo por Al-Andaluç

Alguns outores defenden l'ourige de l nome "bisigodo" na palabra Besi ó Wesa ("buono") i de l nome Ostro, de astra (resplandescente). Mas l'oupenion mais cunsagrada cunsidra l'ourige de la palabra na chamaçon de "godos de l oeste", de l'alman "Westgoten", "Wesigoten" ó "Terwingen", por cumparaçon culs ostrogodos ó "godos de l leste" — an alman "Greutungen", "Ostrogoten" ó "Ostgoten"Ls bruxedos besigóticos an Pertual i Spanha ancluen bárias eigreijas i çcubiertas arqueológicas crecentes, mas çtaca-se tamien la notable cantidade de nomes própios i apelidos que deixórun nestas i noutras lénguas románicas. Ls besigodos fúrun l único pobo a fundar cidades na Ouropa oucidental passado la queda de l Ampério Romano i antes de l pontuar de ls carolíngios. Assi i todo l maior legado de ls besigodos fui l Dreito besigótico, cul Liber iudiciorun, código legal que formou la base de la legislaçon ousada na generalidade de la Ibéria crestiana durante seclos passado l sou reinado, até al seclo XV, yá na fin de la Eidade Média.

Carlos Magno

Carlos Magno (c. 2 de Abril de 747 - 28 de Janeiro de 814) ó Carlos, l Grande, an alman Karl der Große, an francés Charlemagne, an Lhatin Carolus Magnus, que dou ourige al adjetibo 'Carolíngio'), fui sucessibamente rei de l Francos (de 771 la 814), rei de l Lhumbardos (a partir de 774), i inda l purmeiro Amperador de l Sacro Ampério Romano (coronado an 25 de Dezembre de l anho 800), restaurando assi l antigo Ampério Romano de l Oucidente.

Cristandade

L crestianismo ye ua religion monoteísta baseada na bida i ne ls ansinamientos de Jasus de Nazaré, tal qual cumo estes se ancontran recolhidos ne ls Eibangelhos, parte antegrante de l Nuobo Testamiento. Ls crestianos acraditan que Jasus ye l Messias i cumo tal refíren-se a el cumo Jasus Cristo. Cun cerca de 2,13 bilhones de crentes, l crestianismo ye hoije a maior religion mundial, adotada por cerca de 33% de la populaçon de l mundo. Ye la religion predominante na Ouropa, América, Ouceaniae i an grande parte de África i partes de la Ásia.

L crestianismo ampeçou ne l seclo I cumo ua seita de l judaísmo, cumpartindo por esso testos sagrados cun esta religion, an cuncreto l Tanakh, que ls crestianos chaman de Antigo Testamiento. De eigual modo al judaísmo i de l Eislan, l crestianismo ye cunsidrado cumo ua religion abraámica.

Segundo l Nuobo Testamiento, ls seguidores de Jasus fúrun chamados pula purmeira beç "crestianos" an Antioquia (Atos 11:26).

Eidade Média

La Eidade Média ó Eidade Mediebal fui un período antermédio nua dibison squemática de la Stória de la Ouropa an quatro "eras", a saber: la Eidade Antiga, la Eidade Média, la Eidade Moderna i la Eidade Cuntemporánea.

Eidade de l Fierro

La Eidade de l Fierro correspunde al período an que acunteciu la metalurgie de l fierro. Este metal ye superior al bronze an relaçon a la dureza i abundáncia de jazidas

La Eidade de l Fierro ben caratelizada pula outelizaçon de l fierro cumo metal, outelizaçon amportada de l Ouriente atrabeç de la eimigraçon de tribos andouropeias (celtas), que a partir de 1.200 a.C. ampeçórun a chegar la Ouropa Oucidental, i l sou período alcança até la época romana i na Scandinábia até la época de l bikings (alredror de l anho 1.000 d.C).

L período de la Eidade de l Fierro ye dibedido an período de la cultura de Hallstatt i período de la cultura de La Tène.

Na Ouropa Central, la Eidade de l Fierro debide-se an quatro períodos:

Cultura de l Túmulos.Cultura de ls Campos de Urnas (1.200-725 a.C.)Cultura de Hallstatt (800-450 a.C.)Cultura de La Tène (de 450 a.C.até a la cunquista romana).Na Almanha ls storiadores defrencian ua Eidade de l Fierro antre pré-romana i outra romana (cultura de Jastorf).

An Pertual, anton parte de la Spánia, la Eidade de l Fierro ye eissencialmente dominada pula acupaçon de l território pul Ampério Romano, anque puodamos depender de la debison de l período an Eidade de l Fierro I i Eidade de l Fierro II, cumo l fizo Armando Coelho na sue obra Cultura Castreija.

Grécia Antiga

Grécia Antiga ye l termo giralmente ousado para çcrebir, an sou período clássico antigo, l mundo griego i árias próssimas (cumo Xipre, Anatólia, sul de la Eitália, de la Fráncia i cuosta de l mar Eigeu, para alhá de assentamentos griegos ne l litoral de outros países —; cumo l Eigito.

Nun eisiste ua data fixa ó sequiera acordo quanto al período an que se ampeçou i terminou la Grécia Antiga. L uso quemun situa to stória griega anterior al ampério romano cumo pertencente a esse período, mas ls storiadores usan l termo Grécia Antiga de modo más perciso. Alguns scritores ancluen l período minóico i l período micénico (antre 1600 i 1100 a.C.) drento de la Grécia Antiga, anquanto que outros argumentan que essas ceblizaçones éran tan defrentes de las culturas griegas posteriores que, mesmo falando griego, deben ser classeficadas a la parte.

Tradicionalmente, la Grécia Antiga abrange zde ls purmeiros Jogos Oulímpicos an 776 a.C. (alguns storiadores stenden l ampeço para 1000 a.C.) até a la muorte de Alexandre, l Grande an 323 a.C. L período seguinte ye l de l heilenismo.

Estas datas son cumbençones de l storiadores i alguns outores[sin fuontes?] chegan mesmo a cunsiderar la Grécia Antiga cumo un período persente até l adbento de l cristandade, ne l terceiro seclo de la era cristiana. Ls antigos griegos outodenominában-se heilenos, i la sou paíç chamában Hélade. Nunca chamórun la si mesmos de griegos nin a la sue ceblizaçon Grécia, pus ambas essas palabras son latinas, tenendo sido-les atribuídas puls romanos.

Hunos

Nota: Huno redireciona eiqui. Se percura por Átila, bei Átila l Huno

Ls Hunos fúrun ua antiga cunfederaçon de la Ásia central de nómadas ó seminómadas eiquestres, cula aristocracie de núcleo Altaico. Alguas dessas tribos Eurasiáticas mobírun-se pa la Ouropa ne l seclo IV probabelmente debido la mudanças climáticas. Eilhes éran eicelentes criadores de cabalhos i adetos de cumbates a cabalo (cun lanças i arco).

Mobendo-se cun sues famílias i grandes ganados de animales domesticados i cabalhos, eilhes migrórun an busca de nuobos pastos para se stablecíren. Debido la sue proeza melitar i deciplina, amostrórun-se eimbatibles, tirando todos de l sou camino. Eilhes ampeçórun ua corriente migratória anterior a deilhes pus outros pobos mudórun-se para salir de l camino de ls Hunos. Esse eifeito dominó de grandes populaçones cuntornou Custantinopla i l Ampério Romano de l Ouriente i chegou als rius Danúbio i Reno i resultou na tomada de l Ampério Romano de l Oucidente an 476, puls hérulos xefiados por Odoacro.

Ancontrando tierras la sou gusto, ls hunos stablecírun-se nas prainadas húngaras, ne l leste ouropeu, tomando la cidade de Szeged, ne l riu Tisza, cumo sou quartel general. Eilhes percisában de bastas árias de pasto para oubter forraige pa ls cabalhos i outros animales. Dessas árias de pastaiges, ls hunos cuntrolában,atrabeç d'alianças ó cunquistas, un ampério que se stenderie de ls Montes Urales (na Rússia) al riu Reno (na Fráncia) i de l Báltico al Danúbio.

Cumo nun custruían casas, bebian an sues carroças i tamien an barracas qu'armában ne ls caminos que percorrian.

Júlio César

Caio Júlio César (an lhatin: Caius ó Gaius Iulius Caesar ó IMP•C•IBLIBS•CÆSAR•DIBBS; 13 de júlio de 100 a.C. – 15 de márcio de 44 a.C.), fui un patrício, lhíder melitar i político romano. Zampenhou un papel crítico na trasformaçon de la República Romana ne l Ampério Romano. Mui de la storiografie de las campanhas melitares de César fui scrita por el própio ó por fuontes cuntemporáneas del, la maiorie, cartas i çcursos de Cícero i manuscritos de Salústio. Sue biografie fui mais tarde melhor scrita puls storiadores Suetónio i Plutarco. César ye cunsidrado por muitos académicos cumo un de ls maiores comandantes melitares de la stória.

== Refréncias ==

Ouropa

Ouropa ye la parte oucidental de l supercontinente ouroasiático. Ambora geograficamente seia cunsidrada ua península de la Eurásia, ls pobos de la Ouropa ténen caraterísticas culturais i ua stória specíficas, l que justifica que l território ouropeu seia giralmente cunsidrado cumo un cuntinente.

Porbíncia

Porbíncia ye la debison territorial de nible superior outelizada an muitos países.

An Spanha, inda assi, corresponde a la debison secundária, sendo la percipal la de las quemunidades outónomas.

Reino Besigodo de Toulouse

L Reino Besigodo de Toulouse apareciu ne l'ampeço de la Eidade Média na parte mais oucidental de l Ampério Romano de l Oucidente, quando este ampeçou a definhar delantre de las ambasones bárbaras.

De 407 a 409 ls bándalos, cun sous aliados alanos i tribos germánicas cumo ls suebos, ambadírun la península Eibérica. An repuosta a esta ambason de la Spánia, l'amperador Honório, de l Ampério Romano de l Oucidente, tubo l'ajuda de ls besigodos para retomar l cuntrolo de l território. An 418, Honório recumpensou sous foederati besigodos dando-les tierras na Gália Aquitánia nas quales eilhes se stablecírun. Esto fui feito sob hospitalitas, las regras para pagar suldados de l eisército. Este assentamiento formou l núcleo de l feturo reino besigótico qu'eirie depuis spandir-se atrabeç de ls Pirineus i até la península Eibérica.

Roma

Roma ye la capital de la Eitália i sede de la quemuna i de la porbíncia cul mesmo nome, na region de l Lhácio. Coincida anternacionalmente cumo La Cidade Eiterna pula sue stória milenar, Roma spalha-se pulas bordas riu Tibre, cumprendendo l sou centro stórico culas sues siete colinas: Palatino, Abentino, Campidoglio, Quirinale, Biminale, Squelino, i Celio. Segundo l mito romano, la cidade fui fundada a cerca de 753 a.C.. (data cumbencionada) por Rómulo i Remo, dous armanos criados por ua lhoba, que son atualmente simblos de la cidade. Zde anton tornou-se ne l centro de la Roma Antiga (Reino de Roma, República Romana, Ampério Romano) i, mais tarde, de ls Stados Puntifícios, Reino de Eitália i, por fin, de la República Eitaliana.

Ne l'anterior de la cidade ancontra-se l stado de l Baticano, residéncia de l Papa. Ye ua de las cidades cun maior amportança na Stória mundial, sendo un de ls simblos de la ceblizaçon ouropeia. Cunserba einúmaras ruínas i menumientos na parte antiga de la cidade, specialmente de la época de l Ampério Romano, i de l Renacimiento, l mobimiento cultural que naciu na Eitália.

La ária metropolitana ten cerca de 2.546.804 habitantes (2001), i stende-se por ua ária de 1.285 Km², tenendo ua densidade populacional de 1.981 hab/Km², l que a torna na maior cidade de la Eitália i tamien na capital ouropeia de maiores dimensones. L persidente de la cámara (Sindaco) an 2008 ye Gianni Alemanno.

Roma Antiga

Roma Antiga ye l nome dado a la ceblizaçon que se zambolbiu a partir de la cidade de Roma, fundada na península Itálica durante l seclo VIII a.C.. Durante ls sous duoze seclos de eisisténcia, la ceblizaçon romana transitou de la monarquia para ua república ouligárquica até se tornar nun basto ampério que dominou la Ouropa Oucidental i al redror de to l mar Mediterráneo atrabeç de la cunquista i assimilaçon cultural. Inda assi, un rol de fatores sócio-políticos causou l sou declínio, i l ampério fui debedido an dous. La metade oucidental, adonde stában ancluídas la Spánia, la Gália i la Eitália, antrou an colapso definitibo ne l seclo V i dou ourige la bários reinos andependientes; la metade ouriental, gobernada a partir de Custantinopla passou a ser referida, puls storiadores modernos, cumo Ampério Bizantino a partir de 476 d.C., data tradecional de la chimpa de Roma i aprobeitada pula storiografie para demarcar l ampeço de la Eidade Média.

La ceblizaçon romana ye tipicamente anserida na chamada Antiguidade Clássica, juntamente cula Grécia Antiga, que mui anspirou la cultura deste pobo. Roma cuntribuiu mui para l zambolbimiento ne l mundo oucidental de bárias árias de studo, cumo l dreito, teorie militar, arte, literatura, arquitetura, lenguística, i la sue stória persiste cumo ua grande anfluéncia mundial, mesmo ne ls dies de hoije.

Sacro Ampério Romano-Germánico

L Sacro Ampério Romano-Germánico (an alman Heiliges Römisches Reich; an latin Sacrun Romanun Amperiun) fui la ounion de territórios de la Ouropa Central durante la Eidade Média i l ampeço de la Eidade Moderna sob la outoridade de l Sacro Amperador Romano. Ambora Carlos Magno seia cunsidrado l purmeiro Sacro Amperador Romano, coronado an 25 de Dezembre de 800, la lhinha cuntina de amperadores ampeçou solo cun Oto l Grande an 962. L redadeiro amperador fui Francisco II, que abdicou i dissolbiu l Ampério an 1806 durante las Guerras Napoleónicas. A partir de l seclo XV, este stado era coincido oufecialmente cumo l Sacro Ampério Romano de la Nacion Germánica.

La stenson territorial de l Ampério bariou durante sue stória, mas ne l sou ápice anglobou ls territórios de ls modernos stados de la Almanha, Áustria, Suíça, Liechtenstein, Luxemburgo, República Tcheca, Slobénia, Bélgica, Países Baixos i grande parte de la Polónia, Fráncia i Eitália. Na maior parte de la sue stória, l Ampério cunsistiu de cientos de pequeinhos reinos, prencipados, ducados, cundados, Cidades lhibres amperiales, i outros domínios. Anque sou nome, na maior parte de la sue eisisténcia l Sacro Ampério Romano-Germánico nun ancluiu la cidade de Roma an sous domínios.

Spanha

Spanha (an castelhano: España; [esˈpaɲa] (scuitar )), coincido cumo Reino de Spanha (Reino de España) ye un paíç percipalmente localizado na Península Eibérica na Ouropa. Sou território tamien anclui dous arquipélagos: las ilhas Canárias, na cuosta de la África, i las ilhas Baleares, ne l mar Mediterráneo. Ls anclabes africanos de Ceuta i Melilla fázen de la Spanha l único paíç ouropeu a tener ua frunteira física cun un paíç africano (Marrocos). Bárias pequeinhas ilhas ne l mar de Alboron tamien fázen parte de l território spanhol. La Spanha cuntinental ye lemitada la sul i la leste pul Mediterráneo, sceto por ua pequeinha frunteira terrestre cun Gibraltar; la norte i la nordeste pula Fráncia, por Andorra i pul Golfo de la Biscaia; i l'oeste i noroiste por Pertual i pul Ouceano Atlántico. Cun ua ária de 505.990 quilómetros quadrados, la Spanha ye l maior paíç de la Ouropa Meridional, l segundo maior paíç de la Ouropa Oucidental i de la Ounion Ouropeia (OO) i l quarto maior paíç de to l cuntinente ouropeu. Tamien ye l sesto paíç mais populoso de la Ouropa i l quinto de la UE. La capital i maior cidade ye Madrid; outras grandes árias ourbanas ancluen Barcelona, Baléncia, Sebilha, Málaga i Bilbao.

Ls houmanos modernos chegórun pula purmeira beç na Península Eibérica hai cerca de 35 000 anhos. Las culturas eibéricas, juntamente cun antigos poboamientos fenícios, griegos, celtas i cartagineses, zambolbírun-se na península até l'ampeço de l domínio romano por buolta de 200 a.C., quando la region era chamada Spánia, baseada ne l'antigo nome fenício Spania. Cul colapso de l Ampério Romano de l Oucidente, cunfederaçones tribales germánicas migrórun de la Ouropa Central, ambadiran la Península Eibérica i stablecírun reinos relatibamente andependientes an sues porbíncias oucidentales, ancluindo ls suebos, alanos i bándalos. Eibentualmente, ls besigodos antegrarian a la fuorça todos ls territórios andependientes remanescentes na península al Reino de Toledo, ancluindo las porbíncias bizantinas, l que de cierta maneira unifica politicamente, eclesiasticamente i juridicamente todas las antigas porbíncias romanas ó reinos sucessores de l'antiga Spánia.

Ne l'ampeço de l seclo VIII, l Reino Besigótico caiu delantre de ls mouros, que chegórun a gobernar la maior parte de la península ne l'anho de 726 (cun duraçon d'até siete seclos ne l Reino de Granada), deixando solo un punhado de pequeinhos reinos crestianos ne l norte. Esto lebou la muitas guerras durante un longo período, l que culminou na criaçon de ls reinos de Lhion, Castielha, Aragon i Nabarra, que se tornórun las percipales fuorças crestianas contra ls árabes. Passado la cunquista mourisca, ls ouropeus ampeçórun un porcesso gradual de retomada de la region coincido cumo "Reconquista", que ne l final de l seclo XV fizo cun que la Spanha surgisse cumo un paíç unificado sob l domínio de ls Reis Católicos. Ne l'ampeço de la Era Moderna, la nacion tornou-se l purmeiro ampério mundial de la stória i l paíç mais poderoso de l mundo, deixando un grande legado cultural i lenguístico qu'anclui mais de 570 milhones de spanófonos al redror de l mundo, l que tornou l spanhol la segunda léngua mais falada ne l mundo, depuis de la léngua chinesa. Durante l Seclo de Ouro Spanhol tamien houbo muitos abanços nas artes, cun pintores mundialmente famosos, cumo Diego Belázqueç. La mais famosa obra literária spanhola, Don Quixote, tamien fui publicada durante este período. L paíç abriga l terceiro maior númaro de sítios classeficados cumo Património Mundial pula UNESCO.

La Spanha ye ua democracie parlamentar secular i ua monarquia custitucional, sendo que l rei Filipe VI sirbe cumo xefe de Stado. Ye un de ls percipales países zambolbidos i un paíç d'alta renda, cula 14.ª maior eiquenomie de l mundo por PAB nominal i a 16.ª maior por paridade de l poder de cumpra. Ye nembro de las Naciones Ounidas (ONU), Ounion Ouropeia (OO), Zona Ouro, Cunseilho de la Ouropa (CoE), Organizaçon de ls Stados Ibero-amaricanos (OEI), Ounion pa l Mediterráneo, Ourganizaçon de l Tratado de l Atlántico Norte (OTAN), Organizaçon pa la Coperaçon i Zambolbimiento Eiquenómico (OCDE), Ourganizaçon para la Sigurança i Coperaçon na Ouropa (OSCE), l Spácio Schengen, la Ourganizaçon Mundial de l Quemércio (OMC) i muitas outros ourganismos anternacionales. Ambora nun seia un nembro oufecial, la Spanha tamien ye un "cumbidado permanente" de las cúpulas de l G20, participando de todos ls ancuontros de l grupo.

Noutras lhénguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.