Галиси

Галиси (галис. Galicia, Galiza, исп. Galicia) — Испанин йыд-вадывелӹшӹ галисивлӓн исторический регионжы дӓ автономный сообщество (наци). 2012-шы ин тӹштӹ 2 778 913 эдем ӹлен. Территорижӹ 29 574 км². Вуйхалажы: Сантьяго-де-Компостела.

Flag of Galicia
Конго Галисин йолажы
Localización de Galicia
Галисин вӓрлӓнӹмӹжӹ
Галиси йӹлмӹ

Галиси йӹлмӹ (галис. Galego) — Галисивлӓн йӹлмӹжӹ. Индоевропа йӹлмӹвлӓн роман тӹшкӓн дӓ Испаништӹ вӓрлӓнӹшӹ Галисин кугижӓнӹш йӹлмӹжӹ.

Галиси хӹрӓш ышкал

Галиси хӹрӓш ышкал (галис. rubia galega, исп. rubia gallega) — Испанин йыд-вадывелӹшӹ Галиси провинциштӹ шӹлӓн ышкал порода. Галиси хӹрӓш ышкалвлӓн туан мулӓндӹжӹ Галиси ылеш. Шӹшержӹ гӹц ӹштӹмӹ тетилья тара галисивлӓн таравлӓжӹ логӹц сек яргатажы дӓ яратымыжы.

Галисивлӓ

Галисивлӓ (галис. pobo galego) — Испанин Галиси провинциштӹ ӹлӹшӹ халык. Шотышты — 10 млн. эдем якте. Ик миллион нӓрӹжӹ Америкышты ӹлӓ (Аргентинышты, Бразилиштӹ, Венесуэлышты, Уругвайышты, Мексикышты, Кубышты, АУШ-ты). Йӹлмӹштӹ — галиси. Религиштӹ — католицизм. Ӹшкӹмӹштӹм галего маныт. Провинцин вуйхалажы — Сантьяго де Компостела.

Галисиштӹш викингвлӓ

Галисиштӹш викингвлӓ (галис. viquingos en Galicia) — йыдпелвел герман группыш пырышы тошты скандинави йӹлмӹлӓ попышы Скандинавиштӹ, Атланти океанышты дон Мӱлӓндӹ лоштыш тангыжышты ӹлӹшӹ викинг пиратвлӓн IX-шӹ курымын 849 ин август тӹлзӹштӹ Испанин Галиси регионышты вӓрлӓнӹшӹжӹ.

Карбоейро монастырь

Карбоейро монастырь тенгеок Сан-Лоренцо-де-Карбоейро монастырь (галис. Mosteiro de San Lourenzo de Carboeiro, исп. Monasterio de San Lorenzo de Carboeiro) — Испанин йыд-вадывелӹшӹ Галиси автономный регионыштыш Рома архитектура монастырьвлӓ логӹц сек тоштывлӓ лошкы пыра.

Сильеда муниципалитетиштӹ Карбоейро (Santa María de Carboeiro) приходышты вӓрлӓнӹшӹ ти монастырь церкӹ X курымын монастырьжы.

Пинду кырык

Пинду кырык (галис. Monte Pindo) — Испаништӹ вӓрлӓнӹшӹ Галисин сек кого дӓ галисивлӓн мифологи кырыкшы. Карнота муниципалитетӹштӹш Атланти океан сирӹштӹ донышы шимӓкӓ валган гранит кӱӓн кырык. Кӱкшӹцшӹ 627 м якте шоэш.

Рамон Пиньейро Лопес

Рамон Пиньейро Лопес (галис. Ramón Piñeiro López; 31-шӹ май 1915-шӹ и, Ланкара – 27-шӹ август 1990-шы и, Сантьяго-де-Компостела, Галиси) — галиси философ, эссе, сирӹзӹ дӓ политик.

Авӓжӹ Vicenta López Fernández, ӓтяжӹ Salvador Piñeiro García.

Ышкал

Ышкал (Bos taurus taurus Тоныш ӱшкӱж группыш пырыш вольыкын ӓвӓжӹ) — кок кӹчӓн, янгыжшы тоны урдымы вольык. пайлан, шӹшерлӓн дӓ каваштылан урдат. Ти группыш пырышы озывлӓм ӱшкӱж, игӹштӹм — презӹ, кастрируйымы ӱшкӱжӹм — вускы ӱшкӱж, презӹм ӹштӹшӹ агыл ышкалашым туна маныт. Ышкалын презӹм намалмӹ периодшы 9 тӹлзӹ шыпшылтеш. Ышкалвлӓ пай, пай-шӹшерӓн дӓ шӹшерӓн йишеш шелӓлтӹт.

Эсморга

Эсморга (галис. A esmorga) — Эдуардо Бланко Аморын (1897–1979) сек кымдан пӓлӹмӹ романжы. Эсморга Аморын сек яжо романешӹжӹ шотлалтеш. Сек пӹтӓриок 1959 ин Аргентинын вуйхалажы Буэнос-Айрес халашты дӓ вес 1970 ин Испанин йыд-вадывелӹшӹш Галиси провинциштӹ пецӓтлӓлтӹн. Галиси йӹлмӹ дон литературын примервлӓ гӹц яжон пӓлен.

Вес йӹлмӹвлӓ доно

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.