Гулаб гривнаш

Гулабот гривнаш (науч. Columba palumbus) е птица од фамилијата на гулабите која ја има и во Македонија.

Гулаб гривнаш
Columba palumbus -garden post-8

 Пеење на гулабот гривнаш 
Научна класификација
Царство: Животни
Колено: Хордови
Класа: Птици
Ред: Гулабовидни
Семејство: Гулаби
Род: Columba
Вид: Гулаб гривнаш
Биномен назив
Columba palumbus
Linnaeus, 1758

Распространетост

Во северните и источните постудени делови на Европа и западна Азија, гулабот гривнаш е птица преселница, но во јужна и западна Европа е постојан жител.

Опис

Трите западноевропски гулаби од родот Columba , гривнашот, планинскиот и дивиот гулаб, се многу слични, но имаат свои разликувачки карактеристики. Гулабот гривнаш е карактеристичен со својата големина од 38-44.5 см и тежина 300-615 грама, како и со белото на вратот и крилјата.[2] Инаку, во основа е сива птица со портокаловести гради. Има распон на крилјата од 68 до 80 см, опашката му е долга 13.8-15 см, а клунот 1,9 до 2,2 см.[3] Младенчињата немаат бели дамки од страните на вратот, дури на 6-месечна возраст почнуваат да се појавуваат мали бели дамки кои постепено се зголемуваат додека птицата целосно да се оформи на 8-месечна возраст. Тие имаат посив клун од возрасните и целосно делуваат посветло сиви.

Однесување

Columba palumbus -nest in tree-8
Возрасен во гнездо на дрво
Pigeon ramier MHNT
Јајце
Columba palumbus -Quinton, Birmingham, England -head-8
Возрасен гулаб гривнаш во Англија

Летот на гулабот гривнаш е брз, изведуван со обични замавнувања на крилјата и повремено остро плескање, карактеристично за сите гулаби. Слетува со гласно клепање. Стои на високи гранки и кабли, а кога се додворува оди по хоризонталната гранка испрчувајќи го вратот, со крилјата малку спуштени надолу и подраширена опашка. За време на додворувачкиот лет, птицата се вивнува нагоре со удари на крилјата како камшик, и се спушта надолу со укочени крилја. Звукот на камшикување повеќе го произведува кога ги шири крилјата, отколку кога ги собира. Оваа птица е дружењубива и формира големи јата вон сезоната на парење.

Размножување

Common Wood Pigeon with newly hatched young
Возрасен со пиле

Се размножуваат на дрвјата од шумите, парковите, градините и несат 2 бели јајца, во едноставно право гнездо, а пилињата се изведуваат по 17 до 19 дена. Се чини дека претпочитаат гнездото да се наоѓа близу патишта и реки. Гнездата се ранливи на напади, особено од гаврани и повеќе порано во годината кога крошните со лисја не се дооформени. Малечките почнуваат да летаат по 33-34 дена, а ако гнездото е вознемирувано некои младенчиња се во состојба да преживеат и ако го напуштат по 20 дена.

Исхрана

Поголемиот дел од исхраната е зеленчук, округли, месести листови од каранфили, главоцветни растенија и мешункаст зеленчук, земени од отворени полиња или градини и тревници; фаворизира млади ’ркулци и саден материјал, жито, борови семиња, некои овошја и бобинки. Наесен, јадат смокви и желади, а зиме пупките од дрвјата и грмушките. Тие јадат и ларви, мравки и мали црви. Имаат потреба од отворена вода за пиење и за капење во неа. Овој вид може да претставува аргикултурен штетник и често е убиван, а во повеќето европски земји е легален дивеч за лов. Често е присутен во руралните средини и е питом ако не го гонат. Малечките гулапчиња многу брзо стануваат дебели од „млекото“ со кое ги хранат нивните родители. Тоа е екстремно богата, слатка течност која ја произведуваат возрасните птици во својата гуша за време на сезоната на парење.

Огласување

Огласувањето му е карактеристично гукање.

Wood Pigeons near Sandringham House
Два гулаба гривнаши во Англија

Подвидови

  • Columba palumbus azorica (Hartert, 1905);
  • Columba palumbus casiotis (Bonaparte, 1854);
  • Columba palumbus excelsa (Bonaparte, 1856);
  • Columba palumbus iranica (Zarudny, 1910);
  • Columba palumbus maderensis (Tschusi, 1904, изумрен);
  • Columba palumbus palumbus (Linnaeus, 1758).

Наводи

  1. BirdLife International (2012). Columba palumbus. Црвен список на загрозени видови на МСЗП. Верзија 2012.1. Меѓународен сојуз за заштита на природата. конс. 16 July 2012. (англиски)
  2. CRC Handbook of Avian Body Masses by John B. Dunning Jr. (Editor). CRC Press (1992), ISBN 978-0-8493-4258-5.
  3. David Gibbs, Eustace Barnes & John Cox (2001). A Guide to the Pigeons and Doves of the World Yale University Press, ISBN 0-300-07886-2.

Надворешни врски

На други јазици

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.