Sains


Sains [nb 1] adolah usao sistematik nan maasia, mambangun jo mauruih ilmu dalam bantuak panjalasan jo ramalan bakaik jo semesta nan dapek diuji.[nb 2][2]:58

Sains kontemporer atau masa kini biasonyo dibagian ka ilmu alam (natural science) nan mangaji dunia material, sains sosial nan mangaji manusia jo masarakaik, dan sains formal sarupo matematika. Sains formal acok indak disabuik dalam kato "sains" dek inyo indak bagantaung ka pangamatan empirik.[3] Disiplin (ilmu) nan manggunoan sains, sarupo rekayasa jo parubatan juo dapek dikiro sabagai sains terapan.[4]

The Scientific Universe
Skala semesta manunjuakan cabang-cabang sains jo hierarki sains.[1]

Rujuakan

  1. R. P. Feynman, The Feynman Lectures on Physics, Vol.1, Chaps.1,2,&3.
  2. Kutipan rusak: Tag <ref> indak sah; indak ado teks untuak ref banamo EOWilson
  3. Editorial Staff (March 7, 2008). "The Branches of Science". South Carolina State University. http://www.cnrt.scsu.edu/~psc152/A/branches.htm. Diakses pado 28 Oktober 2014.
  4. Editorial Staff (March 7, 2008). "Scientific Method: Relationships among Scientific Paradigms". Seed magazine. http://www.seedmagazine.com/news/2007/03/scientific_method_relationship.php. Diakses pado 12 September 2007.
  1. From Latin scientia, meaning "knowledge". "science". Online Etymology Dictionary. http://www.etymonline.com/index.php?term=science&allowed_in_frame=0. Diakses pado 20 September 2014.
  2. "... modern science is a discovery as well as an invention. It was a discovery that nature generally acts regularly enough to be described by laws and even by mathematics; and required invention to devise the techniques, abstractions, apparatus, and organization for exhibiting the regularities and securing their law-like descriptions."— Heilbron 2003, p. vii
    • Templat:Cite dictionary
Astronomi

Astronomi, sabuah ilmu alam, iyolah bidang kajian objek samawi (sarupo bintang, galaksi, planet, bulan, asteroid, komet jo nebula, jo proses (sarupo latusan supernova, latusan sinaran gama, jo radiasi latar belakang gelombang mikro kosmik, fisika, kimia jo evolusi objek-objek jo proses-proses baitu, jo labiah umumnyo kasadonyo fenomena nan barasa di lua atmosfera Bumi. Ciek subjek nan takaik tapi babedo iyolah kosmologi fisika, nan mangaji Semesta sacaro manyaluruah.Astronomi marupoan satu dari sains tatua. Tamadun-tamadun awal nan dicatat sijarah, sarupo Babylon, Yunani India, Mesir, Nubia, Parsi, Cino, jo Maya sadonyo mamparatian langit malam jo caro sistematik. Walaupun baitu, pambinoan astronomi sabagai sains moden anyo dapek tajadi salapeh ciptaan teleskop. Dari sagi sijarah, astronomi malipuiki babarapo disiplin nan barbedo bana sarupo astrometri, navgasi samawi, astronomi observasi jo pambuatan kalendar, tapi kini ko ahli astronomi profesional dianggap sinonim jo astrofisika.Di abaik ka-20, bidang astronomi profesional bacabang ka cabang cerapan jo teori. Astronomi cerapan mambari fokus pado maimpun data dari cerapan objek-objek samawi nan sudah tu dianalisis jo prinsip-prinsip dasar fisika. Astronomi teori pulo manjuruih ka pambangunan model-model komputer atau analisis untuak mamarian objek jo fenomena astronomi. Kaduo-dua bidang saliang mambantu, jo astronomi teori mancari caro manjalehan kaputusan jo cerapan dengan kaputusan cerapan pulo digunoan untuak maiyoan kaputusan-kapusan teori.

Astronomi marupoan ciek dari ilmu sains nan mambari ruang pado amatir, tautamo dalam pancarian jo cerapan fenomena fana (transient phenomena). Ahli astronomi amatir alah mambuek banyaik penemuan nan pantiang.

Bahaso Arab

Bahaso Arab (اللغة العربية al-lughah al-‘Arabīyyah, atau singkeknyo عربي ‘Arabī) adolah salah satu bahaso Semit Tangah, nan tamasuak dalam rumpun bahaso Semit dan bakarabaik jo bahaso Ibrani jo bahaso-bahaso Neo Arami. Bahaso Arab punyo labiah banyak panutua daripado bahaso-bahaso lainnyo dalam rumpun bahaso Semit. Inyo ditutuakan dek labiah dari 280 juta urang sabagai bahaso partamo, nan mano sabagian gadang tingga di Timur Tangah jo Afrika Utara. Bahaso iko adolah bahaso rasmi dari 25 nagara, jo marupokan bahaso ibadat dalam agamo Islam karano marupokan bahaso nan dipakai dek Al-Qur'an. Manuruik panyebaran geografisnyo, bahaso Arab lisan punyo banyak variasi (dialek), babarapo dialeknyo bahkan indak dapek saliang mangarati ciek samo lain. Bahaso Arab modern alah diklasifikasikan sabagai ciek makrobahasa jo 27 sub-bahaso dalam ISO 639-3. Bahaso Arab Baku (kadang-kadang disabuik Bahaso Arab Sastra) diajakan sacaro laweh di sakolah jo universitas, sarato digunokan di tampek karajo, pamarintahan, jo media massa.

Bahaso Arab Baku barasa dari Bahaso Arab Klasik, satu-satunyo anggota rumpun bahaso Arab Utara Kuna nan kini masih digunokan, sabagaimano nampak dalam inskripsi paninggalan Arab pra-Islam nan dari abaik ka-4. Bahaso Arab Klasik juo alah manjadi bahaso kasusasteraan jo bahaso ibadat Islam sajak labiah kurang abaik ka-6. Abjad Arab ditulis dari kanan ka kiri.

Bahaso Arab alah maagiah banyak kosakato kapado bahaso lain dari dunia Islam, samo sarupo paranan Latin kapado banyak bahaso Eropah. Samaso Abaik Patangahan bahaso Arab juo marupokan alaik utamo budayo, utamonyo dalam sains, matematika jo filsafat, nan manyababkan banyak bahaso Eropa turuik maminjam banyak kosakato dari bahaso Arab.

Daniel Dennett

Daniel Clement "Dan" Dennett III (lahia 28 Maret 1942) adolah saurang panulih, filsuf, dan ilmuwan kognitif Amerika Sarikat. Sumbangannyo ado di bidang filsafat pikiran, filsafat sains, filsafat biologi, biologi evolusioner, dan sains kognitif.

Ekonomi

Ekonomi adolah sains sosial nan mamarian faktor-faktor nan manantuan produksi, distribusi jo konsumsi barang dan perkhidmatan.

Kato ekonomi datang dari kato Yunani οἰκονομία ("rumah") jo νόμος', ("adaik" atau "undang-undang"), jadi kato "ekonomi" bamaksiuk "adaik rumah (untuak panguruihan rancak)". 'Ekonomipolitik' marupoan istilah lamo nan digunoan untuak kajian subjek iko, tapi di akia abaik ka-19 ahli ekonomi mambari pandapek nan kato "ekonomi" (economics) sabagai kato nan labiah pendek untuuak "sains ekonomi". Inyo batujuan untuak mamisahan inyo surang sabagai satu disiplin di lua sains politik jo sains sosial lain.Bidang kajian ekonomi mambari tumpuan ka tingkah laku jo interaksi agen ekonomi jo baa ekonomi batindak. Sasuai dengan fokus iko, buku-buku teks dasar lazimnyo mambedoan ekonomimikro jo ekonomimakro. Ekonomimikro mangaji kalakuan unsua-unsua asas ekonomi, tamasuak agen-agen individu jo pasaran, interaksi mareka, jo asia interaksi tasabuik. Agen individu tamasuak, misalnyo, isi rumah, syarikat, pambali, jo panjua. Ekonomimikro pulo mambuek analisis taadok kasodonyo ekonomi (bamaksuik produksi agregat, konsumsi, simpanan jo investasi) jo isu-isu nan bakaik jo, tamasuak pengangguran sumber (tanago karajo, modal, jo tanah), inflasi, patumbuahan ekonomi, jo kabijakan-kabijakan awam nan mampangaruih isu-isu iko (moneter, fiskal jo kabijakan-kabijakan salainnyo).

Fisika

Fisika (dari Yunani: φυσική, pangatahuan tantang alam) adolah ilmu alam nan bakaik jo pangajian tantang materi jo gercik malalui ruang-waktu, jo konsep takaik sarupo energi jo daya (kakas).Fisika marupoan ciek dari disiplin sains nan asas, jo tujuannyo adolah untuak mamahami baa alam semesta iko bakarajo jo batindak.

Geografi

Geografi (dari Yunani γεωγραφία, geographia, harfiah "deskripsi bumi") adolah sabuah bidang sains nan bakaik jo panilitian tanah, sipaik, panduduak, jo fenomena Bumi. Tarjamahan harfiah adolah "mambari deskripsi atau gambaran tantang bumi, atau manulih tantang bumi". Uraang partamo nan manggunoan kato "geografi" adolah Eratosthenes (276–194 SM). Ampek tradisi sijarah bakaik dengan panilitian geografi adolah analisis spasial (analisis ruang) alami dan fenomena manusia (geografi sabagai kajian distribusi), kajian kawasan (tampek jo rantau), kajian tantang ubuangan manusia-tanah, jo kajian dalam sains Bumi. Sungguahpun baitu, geografi moden marupoan sabuah displin ilmu nan manyaluruah, nan mancari caro untuak mamahami Bumi jo kasado karumikan manusia jo alam—indak sajo tampek talataknyo obyek-obyek, tapi juo caro sadonyo obyek tu barubah dan tajadi. Geografi disabuik "disiplin (cabang ilmu) dunia" jo "jambatan di antaro manusia jo sains fisika". Geografi dibagi ka duo cabang utamo: geografi manusia jo geografi fisika.

Hadis

Hadis (Arab: الحديث‎, ijoan KBBI: hadis, dangakan ), disabuik juo sunnah, adolah pakatoan (sabda), laku, katetapan, jo pasatujuan dari Nabi Muhammad nan dijadikan landasan syarak Islam. Hadis dijadikan sumber hukum Islam salain Alquran, dalam hal ko kadudukan hadis marupokan sumber hukum kaduo salapeh Alquran.

Haji

Haji (Arab: حج‎ nan dibaco Hajj) adolah rukun Islam nan kalimo sasudah syahadaik, salat, zakaik jo puaso. Manunaian ibadah haji adolah bantuak ritual taunan nan dilaksanoan dek umaik Muslim sadunia bagi nan mampu (material, fisik, jo kailmuan).

Ilimu bumi

Ilimu bumi atau geosains adolah kato nan marujuak pado bidang-bidang sains nan bakaik jo planet Bumi. Inyo dapek dipaham sabagai suatu cabang ilimu planet, tapi ilimu nan mampunyoi sijarah nan labiah lamo. Disiplin formal ilimu bumi tamasuak ilimu atmosfera, hidrosfera, litosfera, jo biosfera. Sacaro biaso ahli ilimu bumi manggunoan alaik-alaik fisika, kimia, biologi, kronologi, jo matematika untuak mambina pahaman tantang baa sistem Bumi bakarajo, jo baa kaadaan bumi kini tajadi.

Ilimu sosial

Ilimu sosial (bahaso Inggirih: Social science (Sains sosial)) adolah ciek jurusan utamo dalam disiplin akademik, nan bakaik jo masarakaik jo ubuangan individu dalam sasabuah masarakaik. Inyo mampunyoi banyak cabang, jo satiok cabang disabuik ciek "ilimu sosial". Ilimu sosial utamo tamasuak ilimu ekonomi, ilimu politik, geografi manusia, demografi, jo sosiologi. Dalam makna labiah laweh, ilimu sosial juo tamasuak babarapo bidang dalam Humaniora (ilimu kamanusiaan) sarupo antropologi, arkeologi, jurisprudensi, psikologi, sijarah, jo linguistik. Kato iko juo kadang-kadang manyuruik ka bidang sosiologi sacaro kusuih, iyolah "ilimu masarakaik" atau science of society asali, nan diasas di abaik ka-19.

Ahli ilimu sosial dari aliran positivisme manggunoan caro nan ampia sarupo ilimu alam sabagai alaik dek mamahami masarakaik, jo mambari definisi manuruik mukasaik sains moden nan labiah sampik. Ahli nan indak positivist, disabuik ahli interpretisme (nan manggunoan tapsia) manggunoan kritikan sosial atau tapsia tando (symbolism) untuak mambuek teori-teori nan alah tu dapek dipalasu (falsifiable) - mareko manggunoan sains dalam mukasuik nan labiah laweh. Dalam praktek akademik moden, ahli kaji salidik labiah condong pado eklektisisme jo manggunoan bamacam-macam metodologi (contohnyo, jo manggabuang teknik kuantitatif jo kualitatif.) Kato "kajian sosial" juo kini lah mandapek saketek otonomi dek banyaik ahli dari bamacam disiplin lah basatu ati tantang tujuan sarato caronyo.

Inggirih

Untuak negara banamo Baritania Rayo nan acok juo disabuik Inggirih, caliak Baritania Rayo.Inggirih (bahaso Indonesia: Inggris) adolah sabuah nagaro nan marupoan bagian dari Baritania Rayo. Nagaro iko babatehan jo Skotlandia di sabalah utara, Wales di sabalah barat, Lauik Irlandia di sabalah barat lauik, Lauik Keltik di barat daya, sarato Lauik Utara di sabalah timur, dan Salek Inggirih, nan mamisahannyo dari banua Eropa, di sabalah selatan. Sabagian gadang wilayah Inggirih tadiri dari bagian tangah dan selatan Pulau Baritania Rayo di Atlantik Utara. Inggirih mancakuik pulo labiah dari 100 pulau-pulau ketek bantuak Pulau Scilly dan Pulau Wight.

Wilayah nan kiniko banamo Inggirih patamo kali diuni dek manusia modern salamo pariode Paleolitikum, tapi namo Inggirih (England) ko barasal dari kato Angles, nan marupoan salah satu suku Jermanik nan manatek di situ pado abek ka-5 dan ka-6. Inggirih manjadi nagaro basatu pado taun 927 M, dan samanjak Zaman Panjalajahan nan dimulai pado abaik ka-15, Inggirih alah mambarikan pangaruah budayo jo hukum nan signifikan ka saluruah dunia ko. Bahaso Inggirih, Gereja Anglikan, dan hukum Inggirih – nan manjadi dasar sistem hukum nagaro-nagaro lain di dunia – barasal atau dikambangkan di Inggirih, dan sistem parlementer nagaro ko lah banyak pulo dicontoh dek nagaro-nagaro lainnyo. Revolusi Industri nan tajadi pado abek ka-18 manjadian Inggirih sabagai nagaro industri partamo di dunia. Royal Society Inggirih baparan pulo dalam malatak an dasar-dasar sains untuak pakambangan ilmu pangatahuan jo teknologi.Topografi Inggirih ampia sadonyo tadiri dari dataran randah dan bukik-bukik, khususnyo di Inggirih bagian tangah dan selatan. Dataran tenggih tadapek di bagian utara (contohnyo di pagunuangan Danau District, Pennines, sarato Yorkshire Dales) dan di barat daya (contohnyo Dartmoor dan Cotswolds). Ibu kota Inggirih dulunyo adolah Winchester, satalah tu digantian dek London pado taun 1066. Kini, London adolah wilayah metropolitan nan paliang gadang di Baritania Rayo dan zona parkotaan nan paliang gadang di Uni Eropa manuruik lueh wilayah. Panduduak Inggirih bajumlah sakitar 53 juta jiwa, atau sakitar 84% dari total populasi Baritania Rayo sacaro kasaluruahan, panduduak-panduduak ko tapusek di London, Inggirih Tenggara, dan di Midlands.

Karajaan Inggirih (satalah taun 1284 tamasuak pulo Wales) adolah sabuah nagaro badaulek sampai tanggal 1 Mai 1701. Satalah tu, Undang-Undang Kasatuan nan manyatokan bahwa Karajaan Inggirih dan Karajaan Skotlandia disatukan sacaro politik untuak mambantuak Karajaan Baritania Rayo disahkan pado taun 1707. Pado taun 1801, Baritania Rayo basatu jo Karajaan Irlandia satalah disahkannyo Undang-Undang Kasatuan 1800 dan kamudian namonyo baganti manjadi Karajaan Basatu Baritania Rayo dan Irlandia. Pado taun 1922, Negara Bebas Irlandia badiri sabagai domini nan tapisah, namun anam county di Irlandia Utara tatek mamiliah untuak manjadi bagian dari Baritania Rayo, nan kamudian mambantuak Karajaan Basatu Baritania Rayo dan Irlandia Utara, yaitunyo konteks Baritania Rayo nan dikenal sampai kini ko.

Kalender Hijriyah

Kalender Hijriah, Kalender Islam, atau Kalender Qamariyah (bahasa Arab: التقويم الهجري; at-taqwim al-hijri) tamasuak dalam manantuan tanggal atau bulan nan bakaitan jo ibadah, atau ari-ari pantiang lainnyo. Kalender ko dinamokan Kalender Hijriah, karano pado taun partamo kalender ko adolah taun di mano tajadi kajadian Hijrah-nyo Nabi Muhammad SAW dari Makkah ka Madinah, yakni pado taun 622 M. Di bara nagara nan bapanduduak mayoritas Islam, Kalender Hijriah juo digunoan sabagai sistem pananggalan sahari-hari. Kalender Islam manggunoan paredaran bulan sabagai acuannyo, babeda jo kalender biaso (kalender Masehi) nan manggunoan paredaran Matoari.

Kimia

Kimia (dari bahaso Arab: كيمياء, transliterasi: kimiya = parubahan benda/zat atau bahaso Yunani: χημεία, transliterasi: khemeia), adolah ilmu nan manaliti atau mangaji komposisi, struktur, jo sipaik sifat zat atau materi, dari skala atom inggo molekul sarato parubahan atau transformasi sarato interaksi materi-materi tasabuik dalam mambantuak materi nan dijumpoi satiok ari. Kimia juo mangaji pamahaman sipiak jo interaksi atom individu dangan batujuan untuak mampagunoan pangatauan tasabuik pado tingkek makroskopik atau gadang. Manurui kimia modern, sipaik fisik materi umumnyo ditantuan dek struktur pado tingkek atau aras atom nan pado giliriannyo ditantuan dek gaya antaratom (dorongan atau tarikan nan ka manggarakan benda bebas (indak taikek) jo ikatan kimia.

Moskow

Moskow atau Moskwa (Rusia, Moskva) adolah ibu kota Rusia jo pusek politik, ekonomi, budaya, sarato sains utamo sakali di nagara tu. Moskow adolah kota bapanduduak tabanyak di Rusia jo Eropa sarato manjadi kawasan urban paliang gadang ka-6 di dunia. Manuruik sensus taun 2010, Moskow bapanduduak sabanyak 11,5 juta jiwa. Samanjak wilayah kota ko dipalaweh ka arah barat daya ka kawasan Oblast Moskow, wilayahnyo batambah laweh 2,5 kali lipek, dari 1.000 km2 manjadi 2.500 km2, jo tambahan panduduak labiah dari 230.000 urang. Manuruik Forbes, pado taun 2011, Moskow marupokan kota nan paliang banyak diuni dek urang-urang paliang kayo di dunia.Kota ko partamo kali disabuik kabaradoannyo pado taun 1147. Sabalunnyo, Moskow juo panah manjadi ibu kota Katsaran Rusia inggo dipindahan dek Pyotr nan Aguang pado maso Kakaisaran Rusia ka Sankt-Peterburg, sabuah kota baru nan dibangun di pasisia Lauik Baltik nan dirabuik dari Swedia sasudah kalah parang malawan Rusia. Pasca-Revolusi Oktober, dek prakarsa Vladimir Lenin, Moskow baliak manjadi ibu kota Rusia jo Uni Soviet sakali sajak 1922–1991.

Kota ko dilayani dek jaringan transportasi nan taseba di saluruah panjuru kota, tamasuak di dalamnyo ampek labuahan udaro internasional, sambilan stasiun kareta api, jo sistem kareta api bawah tanah nan jumlah panompangnyo anyo kalah dari Tokyo jo Seoul. Sistem kareta api bawah tanahnyo ko juo marupokan salah satu markah tanah kota ko salain Kremlin jo Katedral Santo Basil dek arsitektur 194 stasiunnyo nan baragam.

Muslim

Muslim (bahaso arab:مسلم) sacaro harafiah baarti "saurang nan baserah diri (ka Allah SWT)", tamasuak sadoalah makhluak nan ado di langik jo bumi.

Seni

Seni marangkuah bamacam-macam kagiatan manusia maasiaan artifak visual, pandangaran bia patunjuakan – lukisan, kapandaian pangarang mambuek ungkapan tantang bahan imaginasi atau teknikal, nan dibuek dek dapek kuaso emosi atau kacantikannyo diaragoi. Dalam bantuak paliang, kagiatan-kagiatan tamasuak mambuek karajo-karajo seni, kritik seni, mangaji sijarah seni jo panyebaran nilai estetik seni.

Bantuak seni nan paliang tuo adolah seni visual nan malipuiki pakarajoan mambuek imej atau objek di bidang-bidang sarupo seni lukisan, arca, cetak jo fotografi. Arsitektur acok dimasuakan sabagai satu seni visual; tapi sarupo seni hiasan, inyo malibaikan ciptaan objek-objek nan dapek diguno, balain jo lukisan nan indak dapek diguno sacaro praktek. Musik, lakonan, filem, tari, jo seni pentas (pangguang). Salain tu literatur jo media interaktif kini tamasuak dalam definisi seni labiah laweh. Inggo abaik ka-17, seni biasonyo marujuak pado apo juo jinih kapandaian jo indak dibedoan dari patukangan atau sains. Sasudah abaik ka-17, wakatu nilai estetik paralu bana, seni aluih dipisahan jo dibedoan dari kapandaian nandibaraja, sarupo seni hiasan atau seni terapan.

Sumbayang

Sumbayang atau sholat (bahaso Arab: صلاة) suatu ibadah nan ado dalam agamo Islam untuak manyambah Allah, nan dimulai dari Takbiratul Ihram alah itu diakhiri jo Salam. Sacaro bahaso, salat barasa dari bahaso Arab nan aratinyo do'a.

Tim Berners-Lee

Sir Timothy John Berners-Lee OM KBE FRS (lahia 8 Jun 1955), juo jo gala TimBL, iyolah surang ahli sains komputer babanso Inggirih. Inyo tamasua sabagai pambuek Jaring Jagad Jemba (World Wide Web). Inyo mambuek cadangan buek sistem mangaruih maklumaik pado Mac 1989, jo inyo mambuek implementasi komunikasi nan partamo dapek mangubuangan klien jo server Protokol Pemindah Hiperteks (HTTP) malalui Internet di patangahan November taun samo.Berners-Lee adolah direktur World Wide Web Consortium ("Konsortium Jaring Jagad Jembar, W3C), nan mangaruih pambangunan Jaring atau WWW (singkek, Web). Inyo juo parintih World Wide Web Foundation ("Yayasan Jaring Jagad Jembar), jo manjadi ahli jo paniliti jo mamacik kursi Profesor di MIT Computer Science and Artificial Intelligence Laboratory (CSAIL) ("Makmal Sains Komputer jo Kecerdasan Buatan MIT").

Inyo marupoan direktur Web Science Research Initiative (WSRI) ("Inisitif Panyalidiakan Sains Web"), jo ahli panitia panasiaik MIT Center for Collective Intelligence ("Pusek Kecerdasan Kolektif MIT"). In 2011 he was named as a member the Board of Trustees of the Ford Foundation.

Zakaik

Zakaik adolah jumlah harato tatantu nan wajib dikaluaan dek umaik muslim nan diagiah ka urang-urang nan ado hak untuak manarimonyo (contohnyo fakir jo mihkin). Salain itu, zakaik marupoan rukun islam ka tigo dari 5 rukun nan ado

Dalam bahaso lain

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.