Cokelat

Artikel iko manganai cokelat sabagai bahan makanan. Untuak panggunoan lain silakan mancaliak cokelat (disambiguasi).
Chocolate
Cokelat batangan

Cokelat adolah sabutan untuak hasil olahan makanan atau minuman dari biji kakao (Theobroma cacao).[1] Cokelat patamo kali dikonsumsi dek panduduak Mesoamerika kuno sabbagai minuman, walaupun dipacayo jikok dahulu cokelat hanyo dapek dikonsumsi dek para bangsawan.[1]

Cokelat umumnyo dibarikan sabagai hadiah atau bingkisan di hari rayo. Dangan bantuak, corak, dan raso nan unik, cokelat acok digunokan sabagai ungkapan tarimo kasih, simpati, atau parhatian bahkan sabagai panyatoan cinto. Cokelat juo alah manjadi salah satu raso nan paliang populer di dunia. Salain dikonsumsi paliang umum dalam bantuak cokelat batangan, cokelat juo manjadi bahan minuman hangek dan dingin.

Sajarah cokelat

Hot chocolate
Sagaleh cokelat angek. Manuruik sajarahnyo Cokelat pado awalnyo diminum dan bukannyo dimakan.

Cokelat dihasilkan dari kakao (Theobroma cacao) nan dipakirokan mulo-mulo tumbuah di daerah Amazon utara sampai ka Amerika Tangah. Mungkin sampai ka Chiapas, bagian paliang selatan Meksiko. Urang-urang Olmec mamanfaatkan batang dan, mungkin juo, mambuek “cokelat” di sapanjang pantai taluak di selatan Meksiko. Dokumentasi paliang awal tantang cokelat ditamukan pado panggunaannyo di sabuah situs pangolahan cokelat di Puerto Escondido, Honduras sakitar 1100 -1400 taun SM [2]. Residu nan diparoleh dari tangki-tangki pangolahan iko mangindikasikan bahwa awalnyo panggunaan kakao indak diparuntukkan untuak mambuek minuman sajo, namun lampisan putiah nan tadapek pado biji kakaao labiah condoang digunokan sabagai sumber gulo untuak minuman baalkohol.

Residu cokelat nan ditamukan pado tambika nan digunokan dek suku Maya kuno di Río Azul, Guatemala Utara, manunjuakkan bahwa Suku Maya maminum cokelat di sakitar taun 400 SM. Paradaban patamo nan mandiami daerah Meso-Amerika itu mangenal batang “kakawa” nan buahnyo dikonsumsi sabagai minuman xocolātl nan bararti minuman paik. Manuruik mareka, minuman iko paralu dikonsumsi satiok hari, antah untuak alasan apo. Namun, tampaknyo cokelat juo manjadi simbol kamakmuran.

Caro manyajikannyo pun tak sambarangan. Dangan mamacik wadah cairan iko satinggi dado dan manuangkan ka wadah lain di tanah, panyaji nan ahli dapek mambuek busa taba, bagian nan mambuek minuman iko bagitu banilai. Busa iko sabananyo dihasilkan dek lemak kakao (cocoa butter) namun kadang-kadang ditambahkan juo busa tambahan. Urang Meso-Amerika tampaknyo mamiliki kabiasoan pantiang minum jo makan bubua nan manganduang cokelat.

Biji dari batang kakao iko surang sangek paik dan harus difermentasi supayo rasonyo dapek diparoleh. Satalah dipanggang dan dibubuakkan hasilnyo adolah cokelat atau kakao. Dipakirokan kabiasoan minum cokelat suku Maya dimulai sakitar taun 450 SM - 500 SM. Konon, konsumsi cokelat dianggap sabagai simbol status pantiang pado maso itu. Suku Maya mangonsumsi cokelat dalam bantuak cairan babuih ditaburi lada sirah , vanila, atau rempah-rempah lain. Minuman Xocoatl juo dipacayo sabagai pancegah latiah, sabuah kaparcoyaan nan mungkin disabokkan dari kanduangan theobromin di dalamnyo.

Katiko paradaban Maya klasik runtuh (sekitar taun 900) dan digantikan dek bangso Toltec, biji kokoa manjadi komoditas utamo Meso-Amerika. Pado masao Karajaan Aztec bakuasa (sampai sakitar taun 1500 SM) daerah nan maliputi Kota Meksiko kini dikenal sabagai daerah Meso-Amerika nan paliang kayo akan biji kakao. Bagi suku Aztec biji kakao marupokan “makanan para dewa” (theobroma, dari bahaso Yunani). Biasonyo biji kakao digunoan dalam upacara-upacara kaagamaan dan sabagai hadiah.

Cokelat juo manjadi barang mewah pado maso Kolombia-Meso Amerika, dalam kabudayaan mareka iyolah suku Maya, Toltec, jo Aztec biji kakao (cacao bean) acok digunokan sabagai mato uang [3]. Sabagai contoh suku Indian Aztec manggunokan sistem pahituangan dimano ciek ayam turki saharago saratuih biji kakao dan ciek buah alpukat saharaga tigo biji kokoa [4]

Samantaro taun 1544 M, delegasi Maya Kekchi dari Guatemala nan mangunjuangi istano Spanyol mambaok hadiah, di antaronyo minuman cokelat.

Melted chocolate
Cokelat caia.

Di awal abaik ka-17, cokelat manjadi minuman panyagar nan disukoi di istano Spanyol. Sapanjang abaik itu, cokelat ado diantaro kaum elit Eropa, kamudian lewat proses nan demokratis haragonyo manjadi cukuik murah, dan pado akhia abaik itu manjadi minuman nan dinikmati dek kelas pedagang. Kiro-kiro 100 taun sasudah kadatangannya di Eropa, bagitu takanalnya cokelat di London, sampai didirian “rumah cokelat” untuak manyimpan pasadioan cokelat, dimulai di rumah-rumah kopi. Rumah cokelat patamo dibuka pado 1657. Dan resep es coklat patamo dikatahui barasal dari Inggirih pado taun 1668.[5]

Pado taun 1689 saurang dokter dan kolektor banamo Hans Sloane, mangambangkan sajanih minuman susu cokelat di Jamaika dan awalnyo diminum dek suku apothekari, namun minuman iko kamudian dijua dek Cadbury basaudaro [6].

Sadonyo cokelat Eropa awalnyo dikonsumsi sabagai minuman. Baru pado 1847 ditamukan cokelat padek. Urang Eropa mambuang hampia sadonyo rampah-rampah nan ditambahkan dek urang Meso-Amerika, tatapi acok mampartahankan vanila. Juo mangganti banyak bumbu sahinggo sasuai jo salero mareka surang mulai dari resep khusus nan mamaralukan ambergris, zat warna kaunguan balilin nan diambil dari dalam usus ikan paus, hinggo bahan labiah umum takah kayu manih atau cangkeh. Namun, nan paliang acok ditambahkan adolah gulo. Sabaliaknyo cokelat Meso-Amerika tampaknyo indak dibuek manih.

Cokelat Eropa awalnyo diramu jo caro nan samo jo nan digunokan suku Maya dan Aztec. Bahkan sampai kini, caro Meso-Amerika kuno masih dipatahankan, tatapi di dalam masin industri. Biji kakao masih saketek difermentasikan, dikariangkan, dipanggang, dan digiliang. Namun, sarangkaian teknik labiah rumik pun dimainkan. Bubuak cokelat diemulsikan jo karbonasi kalium atau natrium bia labiah mudah bacampua jo aia (dutched, metode emulsifikasi nan ditamukan urang Balando), lemaknyo dikurangi jo mambuang banyak lemak kakao (defatted), digiliang sabagai cairan dalam gentong khusus (conched), atau dicampua jo susu sahinggo manjadi cokelat susu (milk chocolate).

Raso cokelat

Raso cokelat masih sulik didefinisikan. Dalam bukunyo Kaisar Cokelat (Emperors of Chocolate), Joel Glenn Brenner manggambarkan riset takini tantang rasonyo. Manuruiknyo raso cokelat tacipta dari campuran 1.200 macam zat, tanpa ciek raso nan jaleh-jaleh dominan. Sabagian dari zat itu rasonyo sangaik indak lamak kalau tagak surang. Dek nyo, sampai kini alun ado raso cokelat tiruan.

Efek psikologis nan tajadi katiko manikmati cokelat dek titiak leleh lemak kakao iko talatak saketek di bawah suhu normal tubuah manusia. Sabagai ilustrasi, bilo sanak mamakan sapotoang cokelat, lemak dari cokelat tasebuik akan lumer di dalam muluik. Lumernyo lemak kakao manimbulkan raso lunak nan khas dimuluik, riset tarakhir dari BBC mangindikasikan jikok lelehnyo cokelat di dalam muluik maningkekkan aktivitas otak jo  debaran jantuang nan labiah kuek daripado aktivitas nan dihasilkan dari ciuman muluik ka muluik, dan juo akan taraso ampek kali labiah lamo bahkan sasudah aktivitas iko baranti [7].

Pamalsuan raso

Pamalsuan raso cokelat acok tajadi dek kakao adolah bahan nan relatif maha dibandiangkan jo gulo atau minyak nabati. Kaduo bahan iko acok digunokan untuak manggantikan kakao.

Lemak kakao acok digantikan minyak nan labiah murah, takah lesitin dari kedelai atau minyak palem. Salain soal harago, jo kaduo bahan iko palapisan cokelat manjadi labiah mudah. Pabandiangan kakao padek (komponen nonlemak pado biji nan digiliang) juo candaruang randah. Dalam cokelat batangan, misalnyo, sakitar 20% gulo-gulo itu diisi cokelat.

Cokelat premium, di sisi lain, biasonyo manganduang sakitar 50 - 70% cokelat padek. Kareno manganduang labiah saketek gulo dan mungkin juo saketek minyak nabati, cokelat pakek iko manganduang labiah saketek kalori dari produk cokelat pado umumnyo. Pantaslah bila para pancinto cokelat acok “protes” gara-gara cokelat disalahkan untuak masalah nan sabananyo disabokkan dek konsumsi gulo balabiahan.

Kanduangan cokelat

Cokelat manganduang alkaloid-alkaloid takah teobromin, fenetilamina, dan anandamida, nan mamiliki efek fisiologis untuak tubuh. Kandungan-kandungan iko banyak dihubungkan jo tingkek serotonin dalam utak. Manuruik ilmuwan, cokelat nan dimakan dalam jumlah normal sacaro taratur dapek manurunkan takanan darah [8] . Cokelat hitam akhia-akhia iko banyak mandapekkan promosi kareno manguntuangkan kasehatan bilo dikonsumsi dalam jumlah sadang, tamasuak kandungan anti oksidannyo nan dapek mangurangi pambantuakan radikal bebas dalam tubuh.

Racun bagi hewan tatentu

Adonyo kanduangan teobromin dalam cokelat dapek manjadi racun untuak sabagian hewan bilo dikonsumsi. Hewan-hewan nan bareaksi keracunan pado kanduangan teobromin di antaronyo adolah kudo, anjiang, buruang kakak tua, tikus-tikus jenis ketek jo kuciang (khususnyo anak kuciang), iko dikaranokan metabolisme tubuah mareka indak  dapek mancerna kanduangan kimia iko sacaro efektif. Bilo mareka diagiah makan cokelat mako kanduangan teobromin akan tatap barado dalam aliran darah mareka hinggo 20 jam, akibaiknyo hewan-hewan iko mungkin mangalami sawan jo kajang-kajang, sarangan jantuang, pandarahan internal, dan pado akhianyo manyebabkan kamatian. Pananggulangannyo adolah jo marangsang hewan-hewan iko bia mamuntahkan cokelat dan sacapek mungkin mambaok mareka ka dokter hewan.

Referensi

  1. a b (Inggris) Atkinson, Catherine, Mary Banks, Christine France, Christine McFadden (2010). The Chocolate and Coffee Bible. Hermes House. ISBN 978-1-84477-385-5.
  2. (Inggris) Tes kimia mengkonfirmasikan penggunaan cokelat nan pertama adalah untuk memproduksi minuman beralkohol
  3. (Inggris) Athena Review Vol.2, no.2 Sejarah Singkat Cokelat, Makanan para Dewa (tarakhia diakses 8 Juni 2007)
  4. Catatan Gastronomi: Kejadian Ekstrim Cokelat sebuah Laporan dan Esai: The New Yorker
  5. "Peneliti Temukan Resep Cokelat Tertua di Inggris ", (Antara), 2 September 2013.
  6. (Inggris) Tentang Hans Sloan (tarakhia diakses pada 8 Juni 2007)
  7. (Inggris) Berita BBC untuk Kesehatan: Cokelat Lebih Baik Daripada Berciuman
  8. (Inggris)Keduabelah pihak seri dalam pertikaian tentang cokelat
Acek

Acek adolah binatang pangisok darah, bakarabaik jo caciang tanah, babadan langsiang mangaciak ka muko, barono cokelat kakuniang-kuniangan sampai kaitam-itaman, panjangnyo sampai 50 mm. Pado kapalo ado limo pasang mato jo sabuah alaik sabagai pangisok, di ujuang lakang ado alaik sabagai palakek, bajalan sarupo ulek jariang, dapek mamipihan badan inggo saketek banang.Acek adolah genus dari spesies jo subspesises acek-acekan, dan tamasuak ka dalam upakelas lintah (hirudinea) nan marupokan classis binatang nan basipaik Ektoparasit, acek jo lintah maisok darah induaknyo, yakni binatang nan labiah gadang darupo mamalia, tamasuak manusia. Akan tapi ado pulo acek nan iduik bebas dan mamangsa Invertebrata lainnyo.

Acek/spesies

Acek/spesies atau haemadipsa (') adolah Genus nan di dalamnyo ado babarapo spesies, di antaronyo:

Haemadipsa cavatuses

Haemadipsa cochiniana

Haemadipsa crenata

Haemadipsa hainana

Haemadipsa interrupta

Haemadipsa japonica

Haemadipsa limuna

Haemadipsa moorei

Haemadipsa montana

Haemadipsa ornata

Haemadipsa picta (acek macan)

Haemadipsa rjukjuana

Haemadipsa sumatrana

Haemadipsa sylvestris (acek cokelat)

Haemadipsa trimaculosa

Haemadipsa zeylanica (acek gunuang)

Haemadipsa zeylanica japonica (acek gunuang Japang)

Baribeh itam asia

Baribeh itam asia (Ursus thibetanus), juo dikenal sabagai baribeh bulan atau baribeh dado putiah adolah spesimen baribeh baukuran sadang, sabagian gadang baadaptasi dalam kehidupan arboreal, dan tadapek di selatan Asia, Korea, timur laut Cina, Timur Jauh Rusia, Honshū dan Shikoku, Japang. Baribeh iko digolongkan IUCN sabagai spesimen rentan, tautamo disebabkan dek deforestasi dan paburuan aktif untuak diambiak bagian tubuhnya. Sacaro morfologi, spesimen iko sangek saroman jo babarapo baribeh prasijarah dan dianggap dek babarapo ilmuwan sabagai nenek moyang dari spesimen baribeh lain nan masih ado. Meskipun sabagian gadang herbivora, baribeh itam Asia bisa sangek agresif taadok manusia. Rudyard Kipling manggambaakan baribeh iko sabagai "spesimen paliang aneh dari spesimen ursine."

Bitung

Bitung marupoan kota palabuahan di Propinsi Sulawesi Utara, di tapi Selat Lembeh. Kapa-kapa nan balabuah di sinan talinduang dek Pulau Lembeh dari daburan ombak. Malalui kota palabuahan iko, Propinsi Sulawesi Utara mangekspor, biji cokelat, palo, cengkeh, jo kulik karang mutiaro. Pado taun 1970, ekspor kopra dari palabuahan Bitung mancapai 25 parsen dari saluruah ekspor Indonesia. Kota Bitung mampunyoi banyak objek wisata nan dapek dikunjungi. Salah satunyo objek wisata utama nan tadapek di kota Bitung adolah Monumen Trikora Mandala Sakti. Salain itu disiko tadapek taman marga satwa nan talatak di Aertembaga Bitung. Fauna tanamo dari taman marga satwa iko adolah primata takacaik di dunia nan hanyo tadapek di Sulawesi iyolah Tarsius. Salanjuiknyo tadapek babagai tampek lainnyo sarupo Airprang nan marupoan sumber aia barasiah bagi panduduak sakitar. Airprang nan balokasi di Keluaran Makawidey, Aertembaga. Kamudian salain itu dapek juo bawisata ka Gunung Dua Saudara nan barado di Kecamatan Ranowulu. Tampek nan ciek iko marupoan pilihan nan tapek bagi pangunjuang panyuko wisata alam jo hiking.

Daftar tokoh seniman Minangkabau

Daftar tokoh seniman Minangkabau ko adolah daftar nan barisi namo tokoh-tokoh seniman nan barasa dari suku Minangkabau atau sacaro genetis badarah Minangkabau, baiak nan laia di Ranah Minang atau Sumatera Barat, maupun nan laia di parantauan.

Daftar ko bukanlah suatu daftar nan tatap/statis, tapi akan salalu mangalami parubahan dari wakatu ka wakatu sasuai jo pakambangan. Pakakeh pamantau ko dapek digunoan untuak mancaliak sagalo parubahan nan bahubuangan jo artikel-artikel nan ado di halaman ko. Jikok sanak mancaliak artikel tantang tokoh di Wikipedia nan samestinyo masuak ka dalam daftar ko, silahkan suntiang halaman ko sarato masuak-an namo tokoh tu jo katarangan sarato pautan luanyo.

Kalio

Kalio adolah samba tradisional Minangkabau sahari-hari, samba kalio banyak basobok di rumah urang Minang. Kalio marupokan namo lain dari randang satangah jadi, nan masih bawarna kacoklatan dibandiang randang jadi nan bawarna cokelat kaitaman. Kalio labiah malakek jo basah sarato aroma karamel nan kuek, samantaro randang labiah kariang, teksturnyo kasa, mangaluaan aroma pamasak nan tajam. Umumnyo kalio dijua sabagai randang di Rumah Makan Padang di lua Sumatra Barat karano durasi mamasak labiah pendek sahinggo labiah praktis jo ekonomis untuak disajian. Salain itu, rasonyo indak padeh bana jo dagiang nan dimasak sarato indak pulo sakareh randang.

Samo takah randang, isi kalio biasonyo dagiang jawi, ayam, limpo, hati jawi atau jariang. Hati, limpo, jariang, jo kantang biasonyo labiah banyak dimasak manjadi kalio sabab acok hancua wakatu diaduak dan talampau kareh wakatu alah manjadi randang.

Pamasak nan di pakai untuak mambuek samba kalio adolah lado sirah , bawang sirah , bawang putiah, sipadeh, lingkueh, kunik alah tu garam. Salain dari tu ado dadaunan nan dimasuakan iyolah daun kunik, batang sarai nan batokok, daun limau puruik, jo katumba nan dimasuakan basamo-samo jo bumbu lainnyo dalam kuali sarato jo pati santan karambia. Salapeh santan lah manggalagak, bamasuakan bahan utamonyo nan lah di karek-karek.

Kashmir

Kashmir adolah sabuah wilayah di utara sub-benua India. Istilah Kashmir sacaro sijarah digambaran sabagai sabuah lambah di selatan dari ujuang paliang barat barisan Himalaya. Sacaro politik, istilah Kashmir dijalehan sabagai wilayah nan labiah gadang nan tamasuak wilayah Jammu, Kashmir, jo Ladakh.

"Vale of Kashmir" utamo relatif randah jo sangaik subua, dikaliliangi dek gunuang nan lua biaso jo dialiri dek banyak aliran dari lambah-lambah. Inyo dikenal sabagai suatu tampek paliang indah spektakuler di dunia.

Srinagar, ibu kota kuno, taletak di dakek Danau Dal, jo takenal karano kanal jo rumah parahunyo. Srinagar (katinggian 1.600 m atau 5.200 kaki) balaku sabagai ibu kota musim paneh bagi banyak panakluak asiang nan mandapekan paneh di utara India. Tapek di luar kota tadapek taman Shalimar nan indah dibuek dek Jahangir, kaisar Mughal, pado 1619.

Wilayah iko tabagi dek tigo nagara: Pakistan mangontrol barat lauik, India mangontrol tangah jo bagian selatan Jammu jo Kashmir, jo Republik Rakyat Tiongkok manguasai timur lauik (Aksai Chin). Walaupun wilayah iko dalam praktiknya diatur dek katigo nagara tasabuik, India indak pernah mangakui sacaro rasmi wilayah nan diakui dek Pakistan jo Cino. Pakistan mamandang saluruah wilayah Kashmir sabagai wilayah nan dipatantangan, jo indak manganggap klaim India ateh wilayah iko. Sabuah pilihan nan disukoi banyak urang Kashmir adolah kamerdekaan, namun baiak Pakistan jo India manantang hal iko.

Kashmir marupaoan salah satu wilayah rabuikan takenal di dunia, jo kabanyakan peta buatan Barat manggambaran wilayah iko jo garih batitiak untuak manandoi batasan nan indak pasti.

Kue sapik

Kue Sapik adolah sabuah makanan tradisional babantuak kue kariang nan caro mambueknyo disapik dalam sabuah cetakan sapik. Makanan ko tabuek dari tapuang bareh, talua, gulo pasia, santan, jo bubuak kulik kayu manih. Ado juo nan tabuek dari tapuang bareh itam, sainggo rononyo coklat kaitaman. Sasudah dipanggang dalam cetakan, kue lansuang dilipek sabalun inyo kariang.

Kue ko biaso disuguahkan satiok hari gadang sarupo hari rayo Idul Fitri jo Idul Adha. Kue sapik dek urang Minang alah manjadi makanan wajib nan musti ado satiok hari rayo. Salain di Sumatera Barat, kue sarupo ko ado pulo di daerah lain. Kue ko biaso ditamukan di Indonesia, Singapura, Malaysia, jo Brunei.

Kuro-kuro sungai

Kuro-kuro sungai (Batagur affinis) adolah sajenis kuro-kuro aia payau anggota suku Geoemydidae. Reptil yang biaso disobokan di sakitar estuaria iko manyebar di Kamboja, Malaysia, dan Indonesia. Namun populasinyo alah demikian langka, sahinggo IUCN mamasuakkannyo ka dalam Daftar Merah yang ditabikkannyo jo status Kritis.

Lintah

Lintah adolah binatang aia sarupo caciang, babadan pipih bagalang-galang, barono itam atau cokelat tuo, pado kepalo jo ujuang badannyo ado alaik untuak maisok darah.Binatang ko tagabuang dalam filum Annelida dalam kelas Hirudinea. Lintah atau Hirudinea marupokan Upakelas nan mambawahi baragam jinih spesies lintah jo acek. Anggota jinih caciang ko indak mampunyoi abuak, parapodia, jo seta.Ado jinih lintah nan dapek iduik di daratan, aia tawa, jo lauik. Sarupo halnyo karabaiknyo, Oligochaeta, mampunyoi klitelum untuak manyimpan talua-talua pado segmen-segmen tatantu. Sarupo Oligochaeta, lintah pun hermafrodit (bakalamin gando). Lintah ubek Eropa, Hirudo medicinalis, alah sajak lamo dimanfaatkan untuak mangaluaan darah (plebotomi) sacaro medis.Binatang sajinih lintah tamasuak pulo pacet. Namun lintah dibedakan dari acek bukan manuruik taksonomi, tapi labiah pado habitat sukaannyo. Lintah saari-ari iduik di aia, sadangkan acek saari-arinyo malakek pado daun atau batang pohon (di lua aia).Sadoalah spesies lintah adolah karnivora. Babarapo marupokan predator, mandapek makanan dari baragam jinih invertebrata sarupo caciang, sipuik, atau larva serangga.Bantuak tubuah lintah ko pipih, basegmen, mampunyoi rono kacokelatan, dan basipaik hemaprodit. Pado musim kawin, klitelum akan kalua. Salapeh tajadi pakawinan, alaik tasabuik mansekresikan kokon untuak manyimpan talua jo sperma. Salain itu lintah pun dapek digunokan untuak pangobatan.

Musajik Jamiak Birugo

Musajik Jamiak Birugo adolah musajik nan talatak di Jalan Sudirman, Birugo, Bukiktinggi. Musajik iko dibangun pado 1956, nan palatakan batu partamonyo dilakukan dek Inyiak Ibrahim Musa Parabek.

Pokat

Pokat, pokaik, atau buah mantega (Persea americana) adolah tumbuahan panghasil buah meja jo namo sama. Tumbuahan iko barasal dari Meksiko jo Amerika Tengah jo kini banyak dibudidayakan di Amerika Selatan jo Amerika Tangah sabagai tanaman parak monokultur jo sabagai tanaman pakarangan di daerah-daerah tropika lainnyo di dunia.

Pohon, jo batang mancapai tinggi 20 m jo daun sapanjang 12 hinggo 25 cm. Bungonyo tasuruak jo rono ijau kakuniangan jo ukuran 5 hinggo 10 milimeter. Ukurannyo bavariasi dari 7 hinggo 20 sentimeter, jo massa 100 hinggo 1000 gram; biji nan gadang, 5 hinggo 6,4 sentimeter.

Buahnyo batipe buni, mampunyoi kulik haluih tak rato barono ijau tuo hinggo ungu kacoklatan, tagantuang pado varietasnyo. Dagiang buah pokat barono ijau mudo dakek kulik jo kuniang mudo dakek incek, jo tekstur haluih.

Saluak

Saluak adolah tutuik kapalo laki-laki nan tarutamo dipakai sabagai pakaian pangulu di Minangkabau. Tutuik kapalo iko tabuek dari kain songket atau kain batiak babahan katun jo warna dasa cokelat atau sirah, bagantuang pado warna pakaian nan digunoan. Saluak dipasang ka kapalo jo mamiriangkannyo ka kida. Ciri khas tutuik kapalo iko talatak pado karuik atau lipatan nan mambantuak janjang, pado umumnyo bajumlah limo, tapi ado pulo sampai tigo baleh karuik.Saluak marupoan salah satu palangkok saurang pangulu dalam upacaro adaik di Minangkabau, sarupo batagak pangulu. Bagi pangulu, karuik atau lipatan pado saluak malambangkan banyak undang-undang nan samustinyo dipatuhi dek saurang penghulu.Salain dipakai dek pangulu, tutuik kapalo iko dipakai dek marapulai pado wakatu upacaro pernikahan.

Tulip

Bungo Tulip adolah bunga nan barasa dari nagara Turki, dimano arti kato Tulip tu sandiri barasa dari Turki, dulband jo sorban nan artinyo kain nan dililik untuak manutuik kapolo. hinggo kiniko masih banyak urang nan baranggapan kalo bungo tulip barasa dari nagari Balando, namun sabananyo bungo tulip ndak barasa dari Balando, malainkan dari wilayah Asia Tengah. Tulip marupoan bungo liar nan tumbuah di kawasan Asia Tengah. Ndak dikatahui pasti bilo wakatu Belanda mulai mambudidayakan bungo tulip, tatapi diparkiroan bungo tulip ko mulai di bawok ka Balando sabagai buah tangan pado tahun 1550-an oleh kapa-kapa nan barasa dari Istanbul, Turki.

Dalam bahaso lain

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.