Barat

Barat adaloh kato benda atau kato sifaik untuak manunjuakan arah sacaro geografi. Barat juo marupoan salah satu dari ampek arah mato angin utamo atau titiak dalam kompas, lawan dari timur dan tagak luruih ka utara jo selatan. Jiko manggunokan kompas untuak navigasi, barat ko barado pado azimut 270°. Salain tu arah barat ko adaloh arah nan balawananan dari rotasi bumi pado porosnyo atau arah umum laluan matohari.

Dalam agamo Mesir kuno arah barat ko marupoan personifikasi dari Dewi Amunet.[1]

Rujuakan

  1. Campbell, Joseph. The Mythic Image. Princeton University Press, 1981.
Bengkulu

Bengkulu (diijo juo Bangkahulu; bahaso Inggirih: Bencoolen, Aks. Rejang: ꤷꥍꤲ꥓ꤰꥈꤾꥈ) adolah sabuah provinsi di Indonesia. Provinsi ko babateh jo provinsi Sumatra Barat jo Jambi di sabalah Utara, Lampung di sabalah Selatan, sarato Samudra Hindia di sabalah Barat dan Sumatra Selatan di sabalah Timur. Sadangkan ibukotanyo banamo samo, iyolah Kota Bengkulu.

Panduduak provinsi ko di taun 2000 adolah sabanyak 1,567,432. Pulau Enggano tamasuk wilayah administratif provinsi ko.

Daftar kabupaten jo kota di Indonesia

Laman ko baisi daftar kabupaten, kabupaten administrasi, kota, dan kota administrasi di Indonesia. Kabupaten administrasi jo kota administrasi bukanlah daerah otonom, tatapi marupoan kabupaten/kota nan indak punyo DPRD.

Daftar provinsi Indonesia

Kini ko, Indonesia tadiri dari 34 provinsi. Dari 34 provinsi tasabuik, 5 di antaronyo mamiliki statuih khusuih sabagai daerah khusuih atau daerah istimewa yaitu: Aceh, Jakarta, Papua, Papua Barat, jo Yogyakarta. Dari ka-34 provinsi tasabuik, 10 di antaronyo talatak di Pulau Sumatera, 6 di Pulau Jawa, 5 di Pulau Kalimantan, 6 di Pulau Sulawesi, 3 di Kapulauan Nusa Tenggara, 2 di Kapulauan Maluku, dan 2 lainnyo talatak di Pulau Papua.

Jambi

Jambi adolah sabuah provinsi di Indonesia. Provinsi ko talatak di sabalah tangah jo Timur pulau Sumatra, babateh jo provinsi Riau di sabalah Utara, Sumatra Barat di sabelah Barat, Lauik Cino Selatan jo Kepulauan Riau di sabalah Timur, sarato Sumatra Selatan jo Bengkulu di sabalah Selatan. Ibukoto provinsi ko banamo samo jo namo provinsinyo, Jambi.

Jawa

Jawa atau disabuik juo Jao adolah sabuah pulau di Indonesia jo panduduak 136 juta, pulau iko marupokan pulau bapanduduak tabanyak di dunia dan marupokan salah satu wilayah bapanduduak tapadek di dunia. Pulau iko dihuni dek 60% panduduak Indonesia. Ibu kota Indonesia, Jakarta, talatak di Jawa bagian barat. Banyak sajarah Indonesia balansuang di pulau iko. Jawa daulu marupokan pusek dari babarapo karajaan Hindu-Buddha, kasultanan Islam, pamarintahan kolonial Hindia-Belanda, sarato pusek pagerakan kamardekaan Indonesia. Pulau iko badampak amaik gadang tahadok kahidupan sosial, politik, jo ekonomi Indonesia.

Jawa adolah pulau nan sabagian gadang tabantuak dari aktivitas vulkanik, marupokan pulau katigo baleh talaweh di dunia, dan talaweh kalimo di Indonesia. Deretan gunuang-gunuang barapi mambantuak jajaran nan tabantang dari timur hinggo barat pulau iko. Ado tigo bahaso utamo di pulau iko, namun mayoritas panduduak manggunokan bahaso Jawa. Bahaso Jawa marupokan bahaso ibu dari 60 juta panduduak Indonesia, dan sabagian gadang panutuanyo badiam di pulau Jawa. Sabagian gadang panduduak adolah bilingual, nan babahaso Indonesia baiak sabagai bahaso patamo maupun kaduo. Sabagian gadang panduduak Jawa adolah Muslim, namun ado baragam aliran kapicayoan, agamo, kalompok etnis, sarato budayo di pulau iko.

Pulau iko sacaro administratif tabagi manjadi ampek provinsi, iyolah Jawa Barat, Jawa Tengah, Jawa Timur, jo Banten; sarato duo wilayah khusus, iyolah DKI Jakarta jo DI Yogyakarta.

Jawa Barat

Jawa Barat adolah sabuah provinsi di Indonesia. Ibu kotanyo barado di Kota Bandung.

Jawa Tengah

Jawa Tengah adolah sabuah provinsi Indonesia nan talatak di bagian tangahPulau Jawa. Provinsi ko babateh jo Jawa Barat di sabalah Barat, Samudra Hindia jo Daerah Istimewa Yogyakarta di Selatan, Jawa Timur di sabalah Timur, dan Lauik Jawa di utara. Laweh wilayahnyo 32.548 km², atau sakitar 25,04% dari laweh pulau Jawa. Provinsi Jawa Tangah juo maliputi Pulau Nusakambangan di sabalah Selatan (dakek jo pabatehan jo Jawa Barat), sarato Kapulauan Karimun Jawa di Lauik Jawa.

Jorong

Jorong atau korong adolah sabuah pambagian administratif tingkek limo nan barado di bawah tingkek nagari. Macam pambagian ko hanyo ado di Sumatera Barat. Dasa hukum adonyo jorong ko adolah UU 22/1999 tantang Pamarintahan Daerah nan juo balaku pado nagari-nagari. Istilah korong hanyo ado di Kabupaten Padang Pariaman.

Di tampek lain di Indonesia, jorong ko satingkek jo dusun atau banjar.

Kabupaten Agam

Kabupaten Agam adolah salah satu kabupaten nan ado di provinsi Sumatera Barat, Indonesia. Laweh wilayah kabupaten ko adolah 2.232,30 km², dan populasinyo labiah kurang 429.822 jiwa. Ibukota kabupatennyo ado di Lubuak Basuang.

Kabupaten Agam babatas di sabalah utara jo Kabupaten Pasaman Barat, di barat jo Lautan Hindia, di selatan jo Kabupaten Padang Pariaman, sato di timur jo Kabupaten Lima Puluh Kota. Kabupaten ko manguliliangi Kota Bukittinggi, suatu kota nan kini daerah administratif tapisah dari Agam.

Salah satu obyek wisata nan tanamo di kabupaten ko adolah Danau Maninjau, sabuah danau kawah jo bukik-bukik barimbo jo pasawahan nan laweh di tapi-tapinyo.

Kabupaten Padang Pariaman

Kabupaten Padang Pariaman adolah salah satu kabupaten nan ado di provinsi Sumatera Barat, Indonesia.

Kabupaten Pasaman

Kabupaten Pasaman adolah salah satu kabupaten nan ado di provinsi Sumatera Barat, Indonesia.

Kabupaten Tanah Datar

Kabupaten Tanah Datar adolah salah satu kabupaten nan ado di provinsi Sumatera Barat, Indonesia. Ibu kota kabupaten iko iolah kota Batusangkar, nan disabuik juo sabagai kota budaya. Diagia gala sabagai kota budayo dikaranokan di Batusangkar atau nan labiah luehnyo di kabupaten Tanah Datar tadapek banyak paninggalan sarato jo batu-batu basurek jaman dahulu tarutamo paninggalan Istano Basa Pagaruyuang nan dahulunyo marupoan pusek karajaan Minangkabau.

Kapulauan Nusa Tenggara

Kapulauan Nusa Tenggara atau Kapulauan Sunda Kaciak (kini kadangkala digunokan dalam peta-peta geografis dunia), adolah gugusan pulau-pulau di sabalah timur Pulau Jawa, dari Pulau Bali di sabalah barat, hinggo Pulau Timor di sabalah timur. Kapulauan Barat Daya jo Kapulauan Tanimbar nan marupokan bagian dari wilayah Provinsi Maluku sacaro geologis juo tamasuak dalam kapulauan Nusa Tenggara.

Sacaro administratif, Kapulauan Nusa Tenggara tamasuak wilayah nagara Indonesia, kacuali bagian timur Pulau Timor tamasuak wilayah nagara Timor Leste.

Di awal kamardekaan Indonesia, kapulauan iko marupokan wilayah Provinsi Sunda Kecil nan baibukota di kota Singaraja, kini tadiri ateh 3 provinsi (baturuik-turuik dari barat): Bali, Nusa Tenggara Barat, jo Nusa Tenggara Timur.

Kapulauan Riau

Kapulauan Riau adolah sabuah provinsi di Indonesia. Provinsi Kepulauan Riau babateh jo Vietnam dan Kamboja di utara; Malaysia jo provinsi Kalimantan Barat di Timua; provinsi Kapulauan Bangka Belitung jo Jambi di selatan; Singapura, Malaysia jo provinsi Riau di sabalah barat.

Kota Bukittinggi

Kota Bukittinggi (bahaso Minang: Bukiktinggi, Kiktinggi, Gaduang) adolah salah satu kota di provinsi Sumatera Barat, Indonesia. Kota iko pernah manjadi ibu kota Indonesia pado maso Pamarintahan Darurat Repubik Indonesia, di bawah pamarintahan Syarifuddin Prawiranegara.Bukittinggi sabalumnya disabuik jo namo Fort de Kock dan daulunyo pernah juo dijuluki sabagai Parijs van Sumatra salain Kota Medan. Kota iko marupoan tampek lahia babarapo tokoh pantiang Indonesia, diantaronyo adolah Mohammad Hatta dan Assaat, nan masiang-masiang marupuoan proklamator.

Salain sabagai kota perjuangan, Bukittinggi juo terkenal sabagai kota wisata nan sajuak, dan basudaro (sister city) jo Seremban di Nagari Sembilan, Malaysia. Saluruah wilayah kota ko babatehan langsuang jo Kabupaten Agam. Tampek wisata nan rami dikunjungi adolah Jam Gadang, iyolah sabuah menara jam mirip Big Ben nan talatak di jantuang kota sakaligus manjadi simbol bagi kota nan talatak di tapi sabuah lambah nan banamo Ngarai Sianok. Ado pulo dakek situ Lubang Japang tampek balinduang tantaro Japang sangkek jaman parang daulu.

Kota Pariaman

Kota Pariaman adolah salah satu kota nan talatak di provinsi Sumatera Barat, Indonesia.

Sumatera

Sumatera atau Sumatra adolah sabuah pulau nan kaanam tagadang di dunia nan talatak di bagian barat Indonesia, nan lawehnyosesukamu mau gimana ² dan pakiroan populasinyo sakita 45,000,000 jiwa. Pulau iko tanamo pulo jo namo lain iyolah Pulau Percha, Andaleh, atau Suwarnadwipa (bahaso Sanskerta, bararti "pulau ameh"). Kamudian pado Batu basurek Padang Roco taun 1286 dipahaikkan swarnnabhūmi (bahaso Sanskerta, bararti "tanah ameh") jo bhūmi mālayu ("Tanah Malayu") untuak manyabuik pulau iko. Salanjuiknyo dalam naskah Negarakertagama dari abaik ka-14 juo baliak manyabuik "Bumi Malayu" untuak pulau iko.

Sumatera Barat

Sumatera Barat (Tulisan Jawi: سومترا بارت) nan biaso disingkek Sumbar adolah sabuah provinsi di Indonesia nan talatak di sabalah barat pulau Sumatera nan baibu kota di Padang. Provinsi iko babatehan jo provinsi Sumatera Utara di sabalah utara, Riau jo Jambi di sabalah timur, sarato Bengkulu di sabalah selatan. Kapulauan Mentawai nan ado di Samudra Hindia masuak kadalam wilayah administratif provinsi iko. Sadangkan ibukota dari provinsi iko adolah Padang.

Sumatera Barat bapanduduak sabanyak 4.845.998 jiwa nan paliang banyak baetnis Minangkabau nan kasadonyo baagamo Islam. Provinsi iko tadiri dari 12 kabupaten jo 7 kota jo pambagian wilayah administratif sasudah kecamatan di saluruah kabupaten (kacuali Kabupaten Kapulauan Mentawai) dinamokan sabagai nagari—sabalunnyo pado taun 1979 diganti jo desa, kudian sajak 2001 dibaliakan ka namo samulo, iyolah nagari.

Sumatera Utara

Sumatera Utara adolah sabauh provinsi di Indonesia nan ado di pulau Sumatra. Provinsi ko marupoan provinsi nan paliang padek panduduaknyo di lua pulau Jawa di Indonesia. Provinsi ko babatehan jo provinsi Aceh di sabalah Utara, Riau jo Sumatra Barat di sabalah Selatan, sarato Samudera Hindia di sabalah Barat dan Selat Malaka di sabalah Timur. Kapulauan Nias di Samudra Hindia masuak ka dalam wilayah administratif provinsi iko. Sadangkan Medan adolah ibukota dari provinsi iko.

Turki

Turki. Sacaro rasmi banamo Republik Turki, sabuah nagari parlemen antaro banua nan lataknyo babilaian, sacaro laweh barado bakeh Asia Barat jo sabagiannyo barado di Eropa Tenggara. Ado salapan nagari babatehan jo Turki, iyolah nagari Bulgaria di barat lauik, nagari Yunani di barat, nagari Georgia di puun lauik, nagari Iran, Armenia sarato satuan administratif Azerbaijan banamo Nakhchivan di puun, sarato Irak jo Suriah barado bakeh selatan. Lauik-lauik nan babatehan lansuang jo Turki diantaronyo iyolah Lauik Tangah di selatan, lauik Aegea di barat, sarato Lauik Itam di utara. Lauik Marmara, Bosporus, sarato Dardanella (nan sacaro basamo mambantuak jadi Salek Turki) mambantuak pabatehan di antaro Trakia jo Anatolia nan mamisahkan antaro Eropa sarato Asia. Tampaiknyo Turki nan barado bakeh parampatan labuah Eropa sarato Asia mambuek Turki jadi nagari kapantiangan geostrategis nan amaik gadang.

Dalam bahaso lain

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.