Bahaso Ibrani

Bahaso Ibrani (/ˈhbr/) (עִבְרִית ʿIvrit, [ʔivˈʁit] atau [ʕivˈɾit] ) adolah sabuah bahaso Semitik dari cabang rumpun bahaso Afro-Asia nan marupokan bahaso rasmi Israel, dan ditutuakan sabagian urang Yahudi di saluruah dunia. Sacaro budayo, bahaso ko dianggap sabagai bahaso urang Yahudi, walaupun bahaso ko dipagunoan pulo dek kalompok-kalompok non-Yahudi, samisal urang Samaria. Bahaso Ibrani hampia punah sabagai bahaso nan ditutuakan pado Abaik Kuno, namun taruih digunokan sabagai bahaso liturgi Yudaisme jo bahaso sastra sarato hanyo dipakai untuak mampalajari Alkitab jo Mishnah sajo. Tapi pado akhia abaik ka-19 jo mulo abaik ka-20, bahaso ko lahia baliak manjadi sabuah bahaso sejati jo para panutuanyo. Bahaso ko lalu manggantian bahaso Arab, bahaso Ladino, bahaso Yiddish dan lain sabagainyo manjadi bahaso utamo kaum Yahudi sadunia jo di nagara Israel kudian hari.

Bahaso Ibrani marupokan salah satu dari duo bahaso rasmi Israel. Bahaso rasmi lainnyo adolah bahaso Arab. Dalam bahaso Ibrani surang, bahaso ko disabuik עִבְרִית , atau I'vrit (lafaz: [ivr\it] atau [ibr\it]).

Bahaso Ibrani sarupo sangaik jo bahaso Aram dan juo masih sarupo jo bahaso Arab. Bahkan kosakata Ibrani modern, banyak pulo nan maminjam dari bahaso Arab.

Bahaso Ibrani
עִבְרִית Ivrit (Classical: ʕibrit)
Lafal standard Israeli: [(ʔ)ivˈʁit] - [(ʔ)ivˈɾit],
standard Israeli (Sefardim): [ʕivˈɾit],
Irak: [ʕibˈriːθ],
Yaman: [ʕivˈriːθ],
Ashkenazi: [ˈivʀis]
Ditutuaan di Israel
Global (sabagai bahaso liturgis untuak Yudaisme), di Tapi Barat, jo Gaza[1]
Jumlah panutua

Jumlah Panutua < 9,000,000
 Israel
Bahaso utamo 5,200,000 (2009);[2]
Bahaso kaduo 2,500,000 (2009)
 Amerika Sarikat
Bahaso ibu 200,000 (pakiroan) di Amerika Serikat manutuakan bahaso Ibrani di rumah1
1Sensus Amerika Serikat tahun 2000 PHC-T-37. Kemampuan Berbahasa Inggris sebagai bahasa sehari-hari: 2000. Table 1a.PDF (11.8 KB)
Bendera Negara Palestina
Teritori Palestina Bahaso kaduo 500,000 - 1,000,000

Punah sabagai bahaso nan ditutuakan pado abaik ka-4 Masehi, hanyo dipakai sabagai liturgis jo bahaso sastra; pado tahun 1880-an, bahaso ko dipakai baliak sabagai bahaso rasmi  (indak ado tangga)
Rumpun bahaso
Afroasiatik
  • Semitik
    • Semitik Pusat
      • Semitik Barat Daya
        • Kanaan
          • Bahaso Ibrani
Sistem tulisan Alfabet Ibrani
Status rasmi
Bahaso rasmi di Templat:ISR
Star of David.svg Yudaisme
Diatua dek Akademi Bahasa Ibrani
הַאַקָדֶמִיָה לָלַשוֹן הַעִבְרִית (HaAkademia LaLashon Ha‘Ivrit)
Kode-kode bahaso
ISO 639-1 he
ISO 639-2 heb
ISO 639-3 Either:
heb – Modern Hebrew
hbo – Ancient Hebrew
Linguasphere 12-AAB-a

Huruf Ibrani

Huruf Namo bunyi transliterasi
א Alef /'/  
ב Bet /b/ /v/ b
ג Gimel /g/ g
ד Dalet /d/ d
ה He /h/ h
ו Waw /v/ v
ז Zayin /z/ z
ח Het /x/ kh
ט, Tet /t/ t
י Yod /y/ y
ך כ Kaf /k/ /kh/ k
ל Lamed /l/ l
ם מ Mem /m/ m
ן נ Nun /n/ n
ס Samekh /s/ s
ע Ayin /?/ '
ף פ Pe /p/ /f/ p
ץ צ Tsade /ts/ ts
ק Qof /q/ q
ר Resh /r/ r
ש Shin /sy/ /s/ sy
ת Taw /t/ t

Abjaik Ibrani tadiri dari 22 huruf. Abjaik Ibrani pado bagan di ateh hanyo tadiri dari konsonan sajo (tamasuak pulo huruf alef jo ayin). Karano teks Ibrani saisuak hanyo ditulih dalam bantuak konsonan sajo (tanpa vokal), mako palafalannyo manuruik pado tradisi lisan nan turun-tamurun dari generasi ka generasi. Sistem panulisan vokal baru muncua sakitar taun 500 M sampai 1000 M. Sistem panulisan vokal ko diadoan jo tujuan untuak manjago tradisi lisan tasabuik. Teks Ibrani saisuak nan indak jo vokal tu disabuik 'teks tanpa titiak'. Guluangan-guluangan nan ado di sinagoge-sinagoge kini ditulih jo indak mambubuahan vokal bak cando kabanyakan buku-buku, majalah-majalah jo surek-kaba-surek kaba nan dicetak dalam huruf Ibrani modern. Panulisan nan dibubuahi vokal amaik gadang manfaaiknyo untuak pamulo-pamulo nan jolong baraja bahaso Ibrani.

  1. CIA's World Fact Book
  2. Ethnologue: Statistical Summaries
Bahaso Arab

Bahaso Arab (اللغة العربية al-lughah al-‘Arabīyyah, atau singkeknyo عربي ‘Arabī) adolah salah satu bahaso Semit Tangah, nan tamasuak dalam rumpun bahaso Semit dan bakarabaik jo bahaso Ibrani jo bahaso-bahaso Neo Arami. Bahaso Arab punyo labiah banyak panutua daripado bahaso-bahaso lainnyo dalam rumpun bahaso Semit. Inyo ditutuakan dek labiah dari 280 juta urang sabagai bahaso partamo, nan mano sabagian gadang tingga di Timur Tangah jo Afrika Utara. Bahaso iko adolah bahaso rasmi dari 25 nagara, jo marupokan bahaso ibadat dalam agamo Islam karano marupokan bahaso nan dipakai dek Al-Qur'an. Manuruik panyebaran geografisnyo, bahaso Arab lisan punyo banyak variasi (dialek), babarapo dialeknyo bahkan indak dapek saliang mangarati ciek samo lain. Bahaso Arab modern alah diklasifikasikan sabagai ciek makrobahasa jo 27 sub-bahaso dalam ISO 639-3. Bahaso Arab Baku (kadang-kadang disabuik Bahaso Arab Sastra) diajakan sacaro laweh di sakolah jo universitas, sarato digunokan di tampek karajo, pamarintahan, jo media massa.

Bahaso Arab Baku barasa dari Bahaso Arab Klasik, satu-satunyo anggota rumpun bahaso Arab Utara Kuna nan kini masih digunokan, sabagaimano nampak dalam inskripsi paninggalan Arab pra-Islam nan dari abaik ka-4. Bahaso Arab Klasik juo alah manjadi bahaso kasusasteraan jo bahaso ibadat Islam sajak labiah kurang abaik ka-6. Abjad Arab ditulis dari kanan ka kiri.

Bahaso Arab alah maagiah banyak kosakato kapado bahaso lain dari dunia Islam, samo sarupo paranan Latin kapado banyak bahaso Eropah. Samaso Abaik Patangahan bahaso Arab juo marupokan alaik utamo budayo, utamonyo dalam sains, matematika jo filsafat, nan manyababkan banyak bahaso Eropa turuik maminjam banyak kosakato dari bahaso Arab.

Bahaso Aram

Bahaso Aram adolah bahaso Semitik jo sijarah salamo 3.000 tahun. Bahaso iko panah manjadi bahaso pamarintahan baragam kakaisaran sarato bahaso untuak kagiatan upacaro agamo. Bahaso Aram adolah bahaso asali sabagian gadang Kitab Daniel dan Ezra dalam Alkitab, dan marupokan bahaso utamo nan dipakai dalam kitab Talmud. Bahaso ko juo marupokan bahaso mandeh Yesus Kristus (caliak Bahaso Aram Yesus). Aram Modern kini ditutuakan sabagai bahaso partamo bagi banyak komunitas nan tapisah-pisah, tarutamo dek bangso Asiria dan Chaldea. Bahaso ko dianggap sabagai bahaso nan tarancam.

Bahaso Aram tagolong dalam rumpun bahaso Afro-Asia nan tadiri dari baragam bahaso. Bahaso jo marupokan bagian dalam subfamili Semitik. Aram adolah bagian dari grup bahaso Semitik Barat Laut, nan juo tamasuak bahaso Kanaan (sarupo bahaso Ibrani). Bahaso Aram juo bahubuangan jo bahaso Arab, manjadi bagian dari rumpun bahaso Semitik Tengah; ciek sumber nan kamungkinan gadang untuak aksara Arab adolah aksara Aram Nabatea.

Palestina

Palestina (Arab: فلسطين‎ Filasṭīn, Falasṭīn, Filisṭīn; Yunani, Palaistinē; bahaso Latin: Palaestina; bahaso Ibrani: פלשתינה Palestina) adolah sabuah wilayah geografis di Timua Tangah antaro Lauik Tangah jo Sungai Yordan. Namo "Palestina" digunoan dek panulih-panulih Yunani Kuno, jo kamudian digunoan untuak provinsi Romawi Syria Palaestina, provinsi Romawi Timur Palaestina Prima jo provinsi Umayyah jo Abbasiyah Jund Filastin. Wilayah iko dikenal juo sabagai Tanah Israel (bahasa Ibrani: ארץ־ישראל Eretz-Yisra'el), Tanah Suci, Levant Salatan, Cisjordan, jo sacaro historis dikenal jo namo-namo lainnyo misalnyo Kanaan, Suriah Salatan jo Kerajaan Yerusalem.

Talatak di lokasi nan strategis, di antaro Mesir, Suriah jo Jazirah Arab, jo tampek lahianyo Agamo Yahudi jo Kakristenan, wilayah iko mampunyoi sijarah nan panjang jo riuh sabagai pasimpangan untuak agamo, budayo, padagangan jo politik. Wilayah iko alah dikuasai dek babagai bangsa, yaitu: Urang Mesir Kuno, Urang Kanaan, Bani Israil, Orang Assyiria, Urang Babilonia, Urang Farsi, Urang Yunani Kuno, Urang Romawi, Urang Romawi Timua, Kakhalifahan Arab Sunni, Kakhalifahan Fatimiyah Syi'ah, Urang Salibi, Ayyubiyyah, Mamluk, Turki Utsmani, Urang Britania, Urang Israel modern jo Bangsa Palestina.

Bateh-bateh dari wilayah iko salalu barubah sapanjang sijarah, jo tarakhia kali ditatapkan pado zaman modern dek Pasatujuan bateh Parancih-Britania (1920) jo Nota Transyordania (tanggal 16 September 1922), salamo pariode Mandat Palestina. Kini, wilayah iko tadiri dari Negara Israel jo Negara Palestina.

Paulus dari Tarsus

Paulus dari Tarsus (bahaso Yunani Kuno: Παῦλος; c. 5 – c. 67), (bahaso Ibrani: שאול התרסי; bahaso Yunani Kuno: Σαῦλος Ταρσεύς), adolah surang rasul untuak umat Kristen. Inyo adolah salah satu tokoh nan paliang pantiang pado Zaman Rasul-Rasul.

Taurat

Kitab Taurat (Ibrani: תּוֹרָה, Torah – nan aratinyo "instruksi"; Arab: التوراة‎, Al-Tawrāh) adolah limo kitab partamo Tanakh/Alkitab Ibrani dan bagian Pajanjian Lamo di Alkitab Kristen. Dalam bahaso Yunani kumpulan 5 kitab ko disabuik Pentateukh ("limo wadah" atau "limo guluangan"). Taurat adolah bagian paliang pantiang dari kanon/kitab suci urang Yahudi.Kalimo kitab dalam Taurat adolah:

Kitab Kajadian, bahaso Latin: Genesis, bahaso Ibrani: beresyit (בראשית),

Kitab Kaluaran, bahaso Latin: Exodus, bahaso Ibrani syemot (שמות),

Kitab Imamat, bahaso Latin: Leviticus, bahaso Ibrani wayiqra (ויקרא),

Kitab Bilangan, bahaso Latin: Numerii, bahaso Ibrani bemidbar (במדבר),

Kitab Ulangan, bahaso Latin: Deuteronomium, bahaso Ibrani debarim (דברים).Namo lain untuak kumpulan kitab suci ko adolah "5 Kitab Suci Musa" atau "Pentateukh" (Septuaginta) dalam bahaso Yunani.

Dalam ajaran Islam, Kitab Taurat adolah ciek dari ampek buah kitab Islam. Kitab ko barisi wahyu Allah kapado Nabi Musa nan diutuih sacaro khusus untuak banso Yahudi (Bani Israel). Panurunan kitab dilakukan baansua-ansua dimano sasudah Taurat, diturunkan kitab Zabur kapado Nabi Daud. Kudian dituruikan jo panurunan kitab Injil kapado Nabi Isa, dan tarakhia kitab suci Alquran kapado Nabi Muhammad. Jo turunnyo Alquran, umaik Islam picayo baso sacaro indak lansuang kitab-kitab sabalunnyo lah masuak didalamnyo.

Timur Tangah

Timur Tangah adolah sabuah wilayah nan sacaro politis jo budayo marupokan bagian dari banua Asia, atau Afrika-Eurasia. Pusek dari wilayah iko adolah daratan di antaro Lauik Mediterania jo Taluak Persia sarato wilayah nan mamanjang dari Anatolia, Jazirah Arab, jo Samananjung Sinai. Kadangkalo disabuikkan juo area tasabuik maliputi wilayah dari Afrika Utara di sabalah barat sampai jo Pakistan di sabalah timur dan Kaukasus dan Asia Tangah di sabalah utara. Media dan babarapo organisasi internasional (co PBB) umumnyo manganggap wilayah Timur Tangah adolah wilayah Asia Barat Daya (tamasuak Siprus jo Iran) ditambuah jo Mesir.

Wilayah tasabuik mancakup babarapo kalompok suku jo budayo tamasuak suku Iran, suku Arab, suku Yunani, suku Yahudi, suku Berber, suku Assyria, suku Kurdi, jo suku Turki. Bahaso utamo yaitu: bahaso Persia, bahaso Arab, bahaso Ibrani, bahaso Assyria, bahaso Kurdi jo bahaso Turki.

Kabanyakan sastra barat mandefinisikan Timur Tangah sabagai nagara-nagara di Asia Barat Daya, dari Iran (Persia) ka Mesir. Mesir jo samananjuang Sinainyo nan ado di Asia umumnyo dianggap sabagai bagian dari Timur Tangah, walaupun sabagian gadang wilayah nagara itu sacaro geografi ado di Afrika Utara.

Sajak patangahan abaik ka-20, Timur Tangah alah manjadi pusek tajadinyo paristiwa-paristiwa dunia, jo manjadi wilayah nan sangaik sensitif, baiak dari segi kastrategisan lokasi, politik, ekonomi, kabudayoan, jo kaagamoan. Timur Tangah mampunyai cadangan minyak mantah dalam jumlah gadang jo marupokan tampek kalahiran jo pusek spiritual Islam, Kristen, agamo Yahudi.

Dalam bahaso lain

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.