Bahaso

Bahaso buliah maarah kapado kapasitaih khusus nan ado pado manusia untuak mandapekkan jo menggunokan sistem komunikasi nan kompleks, atau kapado suatu instansi spesifik dari sabuah sistem komunikasi nan kompleks. Kajian ilmiah tahadok bahaso dalam ka sado indo disabuik jo linguistik.

Kiro-kiro 3000-6000 bahaso nan digunokan dek manusia kini ko adolah suatu contoh nan jaleh, tapi bahaso alami buliah juo badasarkan visual daripado rangsangan pandangaran, sabagai contoh pado bahaso isyaraik jo bahaso tulih. Kode jo bantuak lain dari sistem komunikasi artifisia sarupo nan digunokan untuak pamrograman komputer dapek juo disabuik bahaso. Bahaso dalam konteks ko adolah sabuah sistem isyaraik untuak mangodekan jo menarjamahkan informasi. Kato bahaso Inggirih "language" nan diturunkan sacaro lansuang dari Latin lingua, "language, tongue", lewaik Parancih Tuo. Hubuangan metaforih antaro bahaso jo lidah ado dalam banyak bahaso dan manjadi saksi dalam sajarah muncuanyo bahaso lisan.[1] Bilo digunokan sabagai konsep umum, "bahaso" mangacu pado kamampuan kognitif nan mambuek manusia dapek baraja dan manggunoan sistem komunikasi nan kompleks.

Kamampuan bahaso manusia dikecek-an pado dasarnyo babeda dari dan labiah tinggi tingkek karumik-annyo daripado spesies lain. Bahaso manusia sangaik rumik dimano inyo badasarkan sakumpulan aturan bakaitan jo simbul dan makna, sainggo mambantuak sajumlah kamungkinan panyabutan nan indak tabateh dari sajumlah elemen nan tabateh. Bahaso dikatoan barasa sajak hominid partamo kali mulai bakarajo samo, maadopsi sistem komunikasi awa nan badasarkan pado isaraik ekspresif nan maikuik-an teori dari pikiran dan dibagi sacaro sangajo. Parkambangan tasabuik dikatoan batapek-an jo maningkeknyo volume pado utak. Bahaso diproses pado utak manusia dalam lokasi nan babeda, tapi sacaro khusus barado di area Broca dan area Wernicke.

Cuneiform script2
Cuneiform adolah salah satu bantuak bahaso tulisan nan patamo kali dikatahui, tatapi bahaso lisan dipicayo mandahului tulisan paliang indak sajak sapuluah atau ribuan taun sabalunnyo.

Catatan kaki

  1. "language". The American Heritage Dictionary of the English Language (edisi ke-3rd). Boston: Houghton Mifflin Company. 18 Oktober 1992.

Rujuakan

  • Bloomfield, Leonard (1914). An introduction to the study of language. New York: Henry Holt and Company.
  • Baepler, Paul (2003). "White slaves, African masters". The ANNALS of the American Academy of Political and Social Science 588 (1): 90–111. doi:10.1177/0002716203588001007.
  • Chakrabarti, Byomkes (1994). A comparative study of Santali and Bengali. Calcutta: K.P. Bagchi & Co. ISBN 81-7074-128-9.
  • Crystal, David (1997). The Cambridge Encyclopedia of Language. Cambridge: Cambridge University Press.
  • Crystal, David (2001). The Cambridge Encyclopedia of the English Language. Cambridge: Cambridge University Press.
  • Gode, Alexander (1951). Interlingua-English Dictionary. New York: Frederick Ungar Publishing Company.
  • Hobbes, Thomas (2008) [1651]. Leviathan. Forgotten Books. http://www.forgottenbooks.org/info/9781605069777.
  • Holquist, Michael (1981). "Introduction". di dalam Bachtin, Michail M. The Dialogic Imagination: Four Essays. Austin and London: University of Texas Press. http://www.utexas.edu/utpress/excerpts/exbakdia.html#ex1.
  • Kandel, ER; Schwartz, JH; Jessell, TM (2000). Principles of Neural Science (edisi ke-fourth). New York: McGraw-Hill. ISBN 0-8385-7701-6.
  • Katzner, K (1999). The Languages of the World. New York: Routledge.
  • McArthur, T (1996). The Concise Companion to the English Language. Oxford: Oxford University Press.
  • Nöth, Winfried (1995). Handbook of semiotics. Bloomington: Indiana University press.
  • Saussure, Ferdinand de; Harris, Roy, Translator (1983) [1913]. Bally, Charles; Sechehaye, Albert. eds. Course in General Linguistics. La Salle, Illinois: Open Court. ISBN 0-8126-9023-0.
  • Zvelebil, Kamil (1973). The smile of Murugan on Tamil literature of South India. Leiden: Brill.

Bacaan labiah lanjuik

  • Deacon, Terrence William (1998). The Symbolic Species: The Co-Evolution of Language and the Brain. New York: W. W. Norton & Company. ISBN 0-393-31754-4.
  • Polinsky, Maria; Comrie, Bernard; Matthews, Stephen (2003). The atlas of languages: the origin and development of languages throughout the world. New York: Facts on File. ISBN 0-8160-5123-2.
  • Luca Corchia, La logica dei processi culturali. Jürgen Habermas tra filosofia e sociologia, Genova, Edizioni ECIG, 2010, ISBN 978-88-7544-195-1.

Pautan lua

Templat:Spoken Wikipedia

Templat:Philosophy of language Templat:Use dmy dates

Bahaso Arab

Bahaso Arab (اللغة العربية al-lughah al-‘Arabīyyah, atau singkeknyo عربي ‘Arabī) adolah salah satu bahaso Semit Tangah, nan tamasuak dalam rumpun bahaso Semit dan bakarabaik jo bahaso Ibrani jo bahaso-bahaso Neo Arami. Bahaso Arab punyo labiah banyak panutua daripado bahaso-bahaso lainnyo dalam rumpun bahaso Semit. Inyo ditutuakan dek labiah dari 280 juta urang sabagai bahaso partamo, nan mano sabagian gadang tingga di Timur Tangah jo Afrika Utara. Bahaso iko adolah bahaso rasmi dari 25 nagara, jo marupokan bahaso ibadat dalam agamo Islam karano marupokan bahaso nan dipakai dek Al-Qur'an. Manuruik panyebaran geografisnyo, bahaso Arab lisan punyo banyak variasi (dialek), babarapo dialeknyo bahkan indak dapek saliang mangarati ciek samo lain. Bahaso Arab modern alah diklasifikasikan sabagai ciek makrobahasa jo 27 sub-bahaso dalam ISO 639-3. Bahaso Arab Baku (kadang-kadang disabuik Bahaso Arab Sastra) diajakan sacaro laweh di sakolah jo universitas, sarato digunokan di tampek karajo, pamarintahan, jo media massa.

Bahaso Arab Baku barasa dari Bahaso Arab Klasik, satu-satunyo anggota rumpun bahaso Arab Utara Kuna nan kini masih digunokan, sabagaimano nampak dalam inskripsi paninggalan Arab pra-Islam nan dari abaik ka-4. Bahaso Arab Klasik juo alah manjadi bahaso kasusasteraan jo bahaso ibadat Islam sajak labiah kurang abaik ka-6. Abjad Arab ditulis dari kanan ka kiri.

Bahaso Arab alah maagiah banyak kosakato kapado bahaso lain dari dunia Islam, samo sarupo paranan Latin kapado banyak bahaso Eropah. Samaso Abaik Patangahan bahaso Arab juo marupokan alaik utamo budayo, utamonyo dalam sains, matematika jo filsafat, nan manyababkan banyak bahaso Eropa turuik maminjam banyak kosakato dari bahaso Arab.

Bahaso Indonesia

Bahaso Indonesia adolah bahaso rasmi Republik Indonesia. Bahaso Indonesia tamasuak dalam rumpun Bahaso Austronesia.

Bahaso Inggirih

Bahaso Inggirih adolah bahaso nan barasa dari Inggirih nan marupoan bahaso utamo di Baritania Rayo (tamasuak Inggirih), Amerika Sarikat jo banyak nagara lainnyo. Bahaso iko bamulo dari kombinasi antaro bahaso-bahaso lokal nan dipakai dek urang-urang Norwegia, Denmark jo Anglo-Saxon dari abaik ka-6 sampai ka-10.

Bahaso Jawa

Templat:Javanese script

Bahaso Jawa /dʒɑːvəˈniːz/ (tulisan Jawa: ꦧꦱꦗꦮ

bahaso Jawa: basa Jawa; bahaso Indonesia

bahasa Jawa) adolah bahaso nan digunoan dek urang Jawa dari bagian tangah jo timur pulau Jawa di Indonesia. Tadapek juo pamakai bahaso ko di pantai utara bagian barat Jawa. Bahaso ko marupoan bahaso mande untuak labiah dari saratuih juta urang, atau labiah dari 40% total panduduak Indonesia.

Bahaso Malayu

Bahaso Malayu (diijo dalam dialek Minang lain: Bahaso Malayu; (/məˈleɪ/; Melayu: Bahasa Melayu بهاس ملايو) adolah bahaso gadang dalam rumpun bahas bahaso rasmi Malaysia. Bahaso Malayu tamasuak dalam rumpun bahaso Austronesia nan ditutuakan di Brunei, Indonesia, Malaysia, jo Singapura. Sabuah bahaso nan dipakai dek urang Malayu, dipakirokan mancapai 290 juta urang di sapanjang Selat Malaka, tamasuak pasisia Semenanjung Malaya (Malaysia) jo pasisia timur Sumatera (Indonesia), sarato alah manjadi bahaso asali di pantai barat Sarawak jo Kalimantan Barat di Kalimantan. Bahaso ko juo manjadi bahaso pasa di selatan Filipina, tamasuak bagian selatan Semenanjung Zamboanga, Kapulauan Sulu, jo wilayah jo mayoritas Muslim di Bataraza jo Balabac in Palawan.

Sabagai Bahasa kebangsaan atau Bahasa Nasional di babarapo nagara, Malayu Baku (Standar) mampunyoi baragam namo rasmi. Di Malaysia, banamo bahaso Malaysia atau bahaso Malayu. Di Singapura jo Brunei, bahaso ko disabuik Bahasa Melayu ("bahaso Malayu"); sadang di Indonesia, disabuik Bahasa Indonesia ("bahaso Indonesia") nan dirancang sabagai bahaso Pasatuan/Pamasatu (lingua franca). Namun, pado wilayah tangah inggo selatan Sumatera dimano ado baragam variasi satampek bahaso ko nan masih asali, bahaso Indonesia disabuiknyo sabagai bahaso Malayu sarato mangganggapnyo sabagai salah satu dari bahaso daerah.

Malayu Baku (Standar), juo disabuik Malayu Tinggi, sacaro harfiah manjadi bahaso karajaan Malaka jo Johor, sainggo bahaso ko kadang disabuik bahaso Malayu Malaka, Riau atau Johor (atau baragam kombinasi dari namo tu) untuak mambedakan jo bahaso dalam Rumpun bahaso Malayu lainnyo. Manuruik Ethnologue 16, babarapo bahaso dalam rumpun bahaso Malayu nan lah didaftarkan tadaftar sabagai bahaso-bahaso nan tapisah, tamasuak bahaso Urang Asali sabuah jinih bahaso di Samananjuang Malaya, nan arek jo Malayu baku nan dianggap sabagai dialek. Ado juo babarapo bahaso Malayu pasa jo kreol nan marupokan lingua franca dari Malayu Klasik sarupo Malayu Makassar, nan muncua manjadi bahaso campuran.

Bahaso Malayu ko banyak kamiripan jo Bahaso Minangkabau atau Bahaso Padang. Umumnyo urang Minang mangarati apobilo mandanga urang mangecek mamakai bahaso Malayu.

Bahaso Minangkabau

Bahaso Minangkabau atau baso Minang marupokan bahaso nan tamasuak dalam rumpun bahaso Austronesia. Baso Minang acok disabuik sacaro umum dek etnis lain di Indonesia sabagai Bahasa Padang. Baso Minang dipakai dek urang Minang di Sumatra Barat, sarato urang Minang di rantau baiak di Indonesia atau di lua nagari.

Baso Minang ko mampunyoi banyak dialek, bahkan dialek di duo nagari nan badakekanpun dapek sajo babeda. Pabedaan dialek ko dapek dari intonasi (ado dialek nan agak bairama, ado nan data sajo, bahkan ado pulo nan agak kareh) maupun dari pilihan kato. Tapi sacaro umum baso Minang nan dipakai di pakotaan, utamonyo di Padang atau kota-kota parantauan di lua Sumbar, manjadi bahaso panganta untuak urang-urang Minang nan dari babagai daerah baiak dalam mangecek sahari-hari maupun dalam kasusastraan Minangkabau. Hal iko tajadi dek wilayah pakotaan tacampua sagalo macam dialek nan ado di wilayah Minangkabau sainggo bahaso Minangkabau di pakotaan dianggap sabagai bahaso Minangkabau Umum.Bahaso Minang kini dalam kategori nan cukuik aman dari kapunahan dek karano masih digunoan sabagai bahaso sahari-hari dek masyarakaik Minangkabau. Banyak urang Minangkabau nan marantau ka babagai daerah, namun bahaso Minang masih juo dibaok sarato gunoannyo dalam mangecek sahari-hari jo sasamo urang Minang di rantau.

Bahaso rasmi

Baso rasmi adolah baso nan dipakai dek pamarintah pado suatu nagara, dalam manabikkan maklumat-maklumat dan juo baso tu dipakai dek panduduaknyo untuak bahubungan jo pentakbir pamarintahnyo sacaro rasmi. Baso rasmi juo dipakai dalam pandidikan di nagari tu.

Hindia-Balando

Hindia-Balando, atau ditulih juo Hindia-Ulando (bahaso Indonesia: Hindia-Belanda, bahaso Balando: Nederlands-Indië) adolah suatu wilayah jajahan Balando nan kudian jadi nagara Indonesia sasudah Parang Dunia II. Wilayah jajahan ko tabantuak dari bakeh wilayah taklukan Parusaoan Dagang Hindia Timua Balando (VOC) nan diambiak aliah jo pamarentah Balando pado taun 1800.

Indonesia

Republik Indonesia (Jawi: إندونيسيا) adolah sabuah nagara kasatuan di Asia Tenggara nan dilintehan dek garih khatulistiwa, barado di antaro banua Asia jo Australia sarato di antaro Samudra Pasifik jo Samudra Hindia. Indonesia marupoan nagara kapulauan paliang gadang di dunia nan tadiri dari 17.466 pulau, dek itulah inyo disabuik juo jo Nusantaro. Salain itu, Indonesia marupoan nagara nan jumlah panduduaknyo paliang banyak kaampek di dunia jo nagara nan jumlah panduduak Muslim paliang banyak di dunia, walaupun sacaro rasmi bukanlah nagara Islam. Bantuak pamarintahan Indonesia adolah republik, jo Dewan Pawakilan Rakyat, Dewan Pawakilan Daerah, sarato Presiden nan dipiliah lansuang. Ibu kota nagaranyo adolah Jakarta. Indonesia babatehan jo Malaysia di Pulau Kalimantan, jo Papua Nugini di Pulau Papua alah itu jo Timor Leste di Pulau Timor. Nagara tatangga lainnyo adolah Singapura, Filipina, Australia, jo wilayah pasatuan Kapulauan Andaman jo Nikobar di India.

Dari Sabang sampai Merauke, Indonesia tadiri dari babagai suku, bahaso jo agamo nan babeda-beda. Suku Jawa adolah kalompok etnis paliang gadang. Samboyan atau motto Indonesia adolah "Bhinneka Tunggal Ika" (Babeda-beda tapi tatok ciek) nan bararti kabaragaman nan mambantuak nagara. Salain populasi padek jo wilayah nan lueh, Indonesia punyo wilayah alam nan mandukuang tingkek kaanekaragaman hayati nan paliang gadang kaduo di dunia.

Jawa

Jawa atau disabuik juo Jao adolah sabuah pulau di Indonesia jo panduduak 136 juta, pulau iko marupokan pulau bapanduduak tabanyak di dunia dan marupokan salah satu wilayah bapanduduak tapadek di dunia. Pulau iko dihuni dek 60% panduduak Indonesia. Ibu kota Indonesia, Jakarta, talatak di Jawa bagian barat. Banyak sajarah Indonesia balansuang di pulau iko. Jawa daulu marupokan pusek dari babarapo karajaan Hindu-Buddha, kasultanan Islam, pamarintahan kolonial Hindia-Belanda, sarato pusek pagerakan kamardekaan Indonesia. Pulau iko badampak amaik gadang tahadok kahidupan sosial, politik, jo ekonomi Indonesia.

Jawa adolah pulau nan sabagian gadang tabantuak dari aktivitas vulkanik, marupokan pulau katigo baleh talaweh di dunia, dan talaweh kalimo di Indonesia. Deretan gunuang-gunuang barapi mambantuak jajaran nan tabantang dari timur hinggo barat pulau iko. Ado tigo bahaso utamo di pulau iko, namun mayoritas panduduak manggunokan bahaso Jawa. Bahaso Jawa marupokan bahaso ibu dari 60 juta panduduak Indonesia, dan sabagian gadang panutuanyo badiam di pulau Jawa. Sabagian gadang panduduak adolah bilingual, nan babahaso Indonesia baiak sabagai bahaso patamo maupun kaduo. Sabagian gadang panduduak Jawa adolah Muslim, namun ado baragam aliran kapicayoan, agamo, kalompok etnis, sarato budayo di pulau iko.

Pulau iko sacaro administratif tabagi manjadi ampek provinsi, iyolah Jawa Barat, Jawa Tengah, Jawa Timur, jo Banten; sarato duo wilayah khusus, iyolah DKI Jakarta jo DI Yogyakarta.

Kabupaten Indragiri Hilir

Kabupaten Indragiri Hilir adolah sabuah kabupaten nan talatak di Provinsi Riau, Indonesia.

Lampung

Lampung adolah sabuah provinsi di Indonesia. Provinsi ko babateh jo provinsi Bengkulu jo Sumatra Selatan di sabalah Utara, sarato jo Selat Sunda di Selatan. Ibukotonyo banamo Bandar Lampung.

Minangkabau

Minangkabau nan biasonyo disingkek Minang dapek mangacu kapado :

Suku Minangkabau, salah satu kalompok etnis Nusantara nan babahaso jo manjunjuang tinggi adaik Minangkabau.

Bahaso Minang, bahaso nan umumnyo di pakai dek Urang Minang.Salain itu, namo Minangkabau dapek pulo marujuak ka sabuah nagari nan talatak di kabupaten Tanah Datar, Sumatra Barat, Indonesia.

Provinsi

Provinsi adolah marupoan pambagian wilayah administratif di bawah wilayah nasional. Kato iko barasal dari bahaso Balando "provincie" nan mangadaptasinyo dari bahaso Latin. Bantuak pambagian wilayah ko patamo kali digunoan dek Kakaisaran Romawi.

Rumpun bahaso

Rumpun bahaso adolah sakalompok bahaso nan taubuang malalui katurunan dari suatu niniak muyang nan samo, iyolah bahaso purba dari rumpun bahaso tu. Istilah 'rumpun' bapakai dek karano maniru model batang kayu dalam pandakekan lingustik historis, nan manggunoan metafora dalam mambandiangkan rumpun bahaso jo batang silsilah biologis manusia, atau batang evolusi tumbuahan nan sasuai taksonominyo. Panggunoan metafora tu indak baarati baso pasti ado ubuangan biologis antaro para panutua dari suatu bahaso.

Rumpun bahaso Austronesia

Rumpun bahaso Austronesia adolah suatu rumpun bahaso nan taseba laweh pado pulau di babagai kapulauan Asia Tenggara jo Pasifik, sato pulo saketek di daratan Asia, nan digunoan dek kiro-kiro 386 juta urang. Otto Dempwolff, surang pakar Jerman, adolah pariset patamo nan manaliti sacaro mandalam bahaso Austronesia mamakai metode komparatif. Pakar Jerman lainnyo, Wilhelm Schmidt, adolah nan patamo manggunoan istilah Austronesia (bahaso Jerman: Austronesisch) nan dibantuak dari kato bahaso Latin auster ("angin salatan") jo kato bahaso Yunani nêsos ("pulau").

Rumpun bahaso ko sasuai bana jo namonyo, dek karano sabahagian gadang bahaso Austronesia ko dipagunoan di babagai pulau; ado babarapo bahaso, sarupo bahaso Malayu jo bahaso-bahaso Chamic, nan dipagunoan juo di daratan Asia. Banyak bahaso Austronesia nan saketek sajo panutuanyo, tapi bahaso-bahaso Austronesia nan utamo ditutuaan dek bajuta-juta urang. Salah satu bahaso Austronesia, Bahaso Malayu, ditutuaan dek 180 juta urang, nan mambueknyo sabagai bahaso tagadang ka-8 di dunia. Duo puluah atau labiah bahaso Austronesia marupoan bahaso rasmi di nagara-nagaranyo surang (caliak daftar bahaso Austronesia).

Sungai

Sungai, Sei, atau Batang Aia adolah aliran aia nan gadang jo mamanjang nan mangalia sacaro taruih manaruih dari hulu (sumber) ko hilia (muaro)

Sungai juo ado nan ado di bawah tanah nan disabuik underground river. Misalnyo sungai bawah tanah di goa hang soon dong di Vietnam, sungai bawah tanah di Yucatan Meksiko, sungai bawah tanah di goa pindul Filipina

Pado babarapo kasus, sabuah sungai sacaro sadarano mangalia marasok ka dalam tanah sabalun manamukan badan aia lainnyo. Jo malalui sungai marupokan caro nan biaso bagi aia hujan nan turun di darek untuak mangalia ka lauik atau tampuangan aia nan gadang sarupo danau. Sungai tadiri dari babarapo bagian, bamulo dari mato aia nan mangalia ka anak sungai. Babarapo anak sungai akan bagabuang untuak mambantuak sungai utamo. Aliran aia biasonyo babatehan jo saluran batabing di sabalah suok jo kida. Pangujuang sungai di mano sungai batamu lauik disabuik muaro sungai.

Sungai marupokan salah satu bagian dari siklus hidrologi. Aia dalam sungai umumnyo takumpua dari presipitasi, co hujan, ambun, mato aia, limpehan bawah tanah, jo di babarapo nagara tatantu aia sungai juo barasa dari lelehan es / salju. Salain aia, sungai juo mangalirkan sedimen jo polutan.

Utamonyo manfaat sabuah sungai adolah untuak irigasi patanian, bahan baku aia minum, sabagai saluran pambuangan aia hujan jo aia limbah, bahkan sabananyo potensial untuak dijadikan objek wisata sungai. Di Indonesia kini ado 5.950 daerah aliran sungai (DAS).

Tahun

Tahun (diijo juo taun) adolah periode orbit Bumi bagerak dalam orbitnyo mangaliliangi Matoari. Karano kamiriangan sumbu Bumi, satahun mangalami parubahan musim, ditandoi jo parubahan cuaco, jam siang, jo badampak pado vegetasi jo kasuburan tanah. Di daerah baiklim sadang jo subkutub di saluruah dunia, ampek musim umumnyo diakui: musim semi, musim panas, musim gugur dan musim dingin. Di daerah tropis jo subtropis indak ado musim nan jaleh; tetapi di daerah tropis musiman, musim hujan jo kamarau tahunan diakui jo dilacak.

Sabuah tahun kalender adolah pakiroan jumlah hari dari periode orbit Bumi nan dietong dalam sistem kalender tatantu. Di dunia ko pado dasarnyo ado tigo satuan taun:

Tahun Syamsiah atau Taun Matoari

Tahun Kamariah atau Taun Bulan

Kombinasi taun matoari jo bulanKalender Gregorian, atau modern, manyajikan taun kalender untuak manjadi satahun biaso (365 hari) atau tahun kabisat (366 hari), sarupo juo kalender Julian. Untuak kalender Gregorian panjang rato-rato taun kalender di saluruah siklus lompatan lengkap 400 taun adolah 365,2425 hari. Standar ISO ISO 80000-3, Annex C, mandukuang simbol "a" (untuak bahaso Latin annus) untuak mawakili satu taun baiak 365 atau 366 hari. Dalam bahaso Inggirih, singkatan "y" dan "yr" umum dipakai.

Dalam bidang astronomi, tahun Julian adolah satuan wakatu; nan didefinisikan sabagai 365,25 hari (Templat:Val datiak (satuan dasar SI)), jo total tapeknyo Templat:Val datiak dalam satu taun astronomi Julian.Kato "tahun" dipakai juo untuak wakatu nan takait, tetapi indak identik jo taun kalender atau astronomi, sarupo tahun musiman, tahun fiskal, tahun akademik, dll. Demikian pulo, "tahun" dapek baarati periode orbit planet manopun: misalnyo, taun Mars atau taun Venus adolah contoh dari wakatu nan diparaluan planet untuak satu transit orbit langkok. Istilah ko dapek juo dipakai dalam referensi untuak periode atau siklus panjang, misalnyo Great Year.

Wikipedia bahaso Minang

Wikipedia bahaso Minangkabau adolah versi bahaso Minangkabau dari ensiklopedia dariang (online encyclopaedia) Wikipedia. Iko marupoan salah satu dari proyek-proyek Wikipedia babahaso daerah di Nusantara nan didukuang dek Wikimedia Indonesia. Wikipedia bahaso Minangkabau umumnyo maikuik paraturan-paraturan dasar Wikipedia bahaso Indonesia. Wikipedia iko lah disatujui Komite Bahaso pado tanggal 29 Januari 2013, jo situs resminyo lah diluncuaan pado 7 Pebruari 2013.

Dalam bahaso lain

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.