Данилова, Раисия Михайловна

Раисия Данилова (Раисия Михайловна Данилова) (1954 сӱрем 28, РСФСР, Марий АССР, Юлсер кундем, Чодыраял ял) — марий мурызо, журналист, радиовӱдышӧ, Россий Журналист-влак ушемын йыжъеҥже (1980), Марий Эл Республикысе тӱвыран сулло пашаеҥже, Марий Эл Республикын сулло артистше (1992).

Раисия Михайловна Данилова
Раисия Данилова
Тыршымаш алан:

мурызо, журналист, радиовӱдышӧ

Шочын:

1954 ий 28 сӱрем (65 ий)

Шочмо вер:

РСФСР, Марий АССР, Юлсер кундем, Чодыраял ял

Гражданство/Подданство:

Совет Ушем Совет Ушем
Россий Россий

Чап пӧлек да премий:

Илыш корныжо

Раисия Данилова 1954 ийын сӱрем тылзын 28-ше кечынже Марий АССР Юлсер кундем Чодыраял ялыште шочын. Йошкар-Оласе сем училищын вокал пӧлкажым тунем пытарымеке (1975), Марий кугыжаныш педагогике институтын филологий факультетыш заочно тунемаш пурен. 1987 ийыште тунеммашым мучашлен.

Усталык паша

1975 ий гыч "Марий Эл" ансамбльын хорыштыжо мура, 1980 ий гыч "Марий Эл" ГТРК-н сем редакторжылан тырша.
Марий эстрадыште ик эн йӧратыме артистка. Усталык пашажым кӱкшын аклен, 1992 ийыште Марий Эл Республикын сулло артистше лӱмым пуэныт. 2010 ийыште Марий Эл Радион "Идалыкысе хит-парадыштыже" калык йӱклымаш почеш "Илаш кӱлеш" муро денже 3-шо верым налын.

Марий Эл Радиошто йоҥалтше мурыжо-влак

  • Аваем
  • Арам йӧратем
  • Вучал, таҥем
  • Илаш кӱлеш
  • Йӧраташ гын
  • Корамас кундем
  • Лийын тиде
  • Нигӧм тыге мый шым йӧрате
  • Ныжыл шомакет ден
  • Ом ӱшане
  • От пале нимат
  • Пеш мӱндыр кайыкла
  • Писте
  • Поро кече
  • Провой вел муро
  • Пӱрен огыл
  • Пӱрымаш
  • Пызлегичке шер
  • Рвезе пагыт
  • Садак пӧртылат
  • Советский вел такмак-влак
  • Тол таҥем
  • Тыгак лийшаш
  • Тый улат гын
  • Тыйым вучем
  • Тыйын шинчат
  • Уна муро

Чап

Кылвер-влак

Негыз

  1. Мочаев В.А./Марий Биографий Энциклопедий - Йошкар-Ола, 2007. - 104-105 лашт.
Чодыраял (Корамас ял шотан илем)

Чодыраял (рушла Чодыраял) — Российыште Марий Элын Юлсер кундемыштыже верланыше Корамас ял шотан илемыш пурышо ял. Калыкчот: 1199 (2003 ий), 1084 еҥ (2010 ий).

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.