Broeud

El broeud o anca broeu l'è on mangià liquid che 'l vegn foeura quand che se coeus la carna, i verdur o el pess, despess insemma a di spezzi, a la saa o alter aroma.
El vegn drovaa per fà su vari piatt, compagn de menester, sals o risott.

La parolla broeud a l'è de origen germanega[1][2] (de ona radis *bruthan[3]) e la troeuvom in d'on bell poo de lengov neolatinn (it. brodo, cat. brou, sic. vrodu, eml. brod, piem. breu[4]) e germanegh (ing. broth, tod. brühe, luss. britt). El frances bouillon inveci el s'è spantegaa, per via de l'importanza de la cusina francesa, in di lengov germanegh del nord (norv. e sved. buljong) e slav (biel. bulën, bulg. e russ bul'on, ucr. bul'jon).

Készül a húsleves
La preparazion d'on broeud de verdur.

Referenz

  1. Nicola Zingarelli, Vocabolario della lingua italiana, Zanichelli, 2001
  2. etimo.it
  3. eymonline.com
  4. piemonteis.com

Vos corelaa

Arancin

L'arancin (in sicilian arancinu putost che arancina) a l'è ona specialitaa de la cusina siciliana. A l'è on piatt recognosuu, cont el nòmm de "arancin de ris" in de la lista di prodott agroalimentar tradizionaj italian (P.A.T.) del Minister di Politigh Agricoj, Alimentar e Forestaj.

L'arancin a l'è ona palla o on conn de ris impanaa e friggiuu, cont on diameter de 8-10 cm, riempii de solet cont ragô, erbion e caciocavall putost che cont daditt de giambon e mozzarella.

El nòmm el riva da la sò fórma originala e dal color doraa tipigh, che regorden chell d'on orangs (anca se in de la Sicilia orientala, i arancin gh'hann ona fórma compagna d'on con).

Cusina lombarda

La cusina lombarda la gh'ha dent di cusin di provinc divers per la soeu stòria e territori, cont prodott gastronomegh tipegh de la produzion agricola de la region.

Ona ròbba comuna la se ved intra i piatt che riven di prodott agricoi disponibel in funzion di sò risors naturai: i acqu di lagh e fiumm (e donca el pess d'acqua dolza), i pascoi (cont i prodott che riven dal lacc, la carna de boeu e de porscell), el ris e 'l formenton.

Sora i maner de preparà e de cusina quest aliment chì, gh'hann avuu tanta influenza i dominazion che in del cors di secoi a gh'hinn staa in Lombardia: di celt ai roman, fin ai austriegh, spagnoeu e franzes. A l'è propri per questa reson chì, che i savorii polpett de carna coeusuda che i milanes ciamen "mondeghili", ciappen el nòmm di polpett catalan, che in quella lengua se ciamen apont mandonguilles.

La cusina lombarda a l'è caratterizzada di lungh cottur, di less ('me la cassoeula), di stuvaa, di intingoi (faa per compagnass cont la polenta), dal ris e di past repien, dal butter e dal lard.

A hinn specialitaa tipegh de la Lombardia: la busecca cusinada succia putost che in broeud, la luganega, la polenta oncia (ai formai e al butter), el tocch.

A gh'hinn anca dolz e bibit tipegh de cert pòst, 'me i nosciolitt e 'l vespetrò (d'origen savoiarda) de Canz; oltra che i varï tipp locai de fritol, che ciappen nòmm divers (cutiscia, cutizza, miascia, paradèll, tortèll, o alter) in baa ai ingredient e a la manera de preparai.

On alter piatt famos de la Valtelina a hinn i pizzoccher.

Cusina milanesa

La cusina milanesa, che la anòvera on grand numer de piatt, a l'è caratterizzada di element del territori, compagn de la coltura del ris e 'l levament de boeu e porscell. Al temp istess, mersì al roeul de Milan comè center de scambï e capitala d'ona gròssa region, la sò cusina a l'è deventada comè ona sòrta de sòmma di cusin e di tradizion gastronomegh de tutta la Lombardia, cont, in puu, influenz e scambï cont quij di dominador ch'a gh'hinn staa in del cors del temp.

Intra i piatt pussee famos a gh'hinn el risòtt giald cont el zaffran, la costoletta e la cassoeula; intra i dolz el gh'è el panatton, che, al prinzipi, a l'era nient alter che pan, faa per i fest natalizzi.

Prima che la gh'è stada la "vacca matta", a eren spantegaa comè l'òss bus a la milanesa e la fritura mista a la milanesa (cont zinivella e laccett). La fritura a l'è squas totalment sparida per la dificoltaa de trovà i ingredient de baa e la disabituden al sò us. Oltra, a gh'è staa, a partì da dòpo la segonda guerra mondiala, ona tendenza a vesinass pussee a i us alimentar nazionai: a gh'è staa on bandon progresiv di grass animai, per esempi desmetend de dovrà el butter e scominciand a dovrà l'oli.

Pasta e fasoeu

La pasta e fasoeu a l'è on piatt tipegh talian spantegaa in tant region. In ogniduna di region a gh'è ona diversa manera de fala.

I ingredient poden de solet hinn pasta curta, fasoeu, aj, scigolla, broeud, lard, oli, sedan, e, a segonda di variant, erba savia, timo, erborinn, maggioranna, pever, tomates, giambon putost che panscetta.

La region d'origen a l'è minga certa, si come a l'è consideraa on piatt tipegh di tant post, comè per esempi: Lombardia, Lazzi, Veneto, Campania, Toscana e Friul-Venezia Giulia.

Ragô

El ragô (parnonziaa anca ragò) l'è 'l nomm doperaa per ciamà on rosc de carna tridada insemma, cont anca di alter ingredient che poeuden varià.

Esisten anca di ragô de pess o de tofu. Despess el ragô el ven doperaa per condì la pasta o i lasagn. In tra i ragô pussee famos de l'Italia a gh'è quell de Bologna, quell de Napoli o quell de Potenza.

La parolla l'è on francesism: defatti la vegn de ragoût, sostantiv derivaa del verb ragoûter, che 'l voeur dì "dessedà torna l'apetitt" (leteralment re-gustà). La parolla francesa l'è stada scrivuda ragù in italian, e inscì la s'è spantegada in tutt el mond (spagnoeu ragú, portoghes ragu ecc.).

Risott a la milanesa

El risott a la milanesa o risott giald l’è ona minestra succia de la tradizion milanesa fada cont ris, broeud de manz, formagg de granna e safran.

Risòtt

El risòtt l'è on piatt tipich italian. El se troeuva in vari version in tutt el paes, anca se l'è pussee mangiaa al nòrd. La caratteristica principala l'è 'l mantegniment de l'amid che quand l'ha finii de coeuss el liga intra de lor i grann del ris, in sü'l fà d'ona crèma.

In de la tradizion de la cusina milanesa in de'l fà el risòtt a la milanesa el se droeuva: la scigolla, el broeud, el zaffran e ona voeulta cossuu el se fa mantecà cont on cicininn de butter.

Scumaroeula

La scumaroeula, ciamada anca cazzuu foraa (e variant) o cervis, l'è ona sort de possada doperada in del cusinà.

La gh'ha la forma d'on cugiaron, e la serviss a toeu via i residov proteich de sals, broeud, zupp e via inscì; in alternativa, la serviss per separà de l'aqua sbrojenta o de l'oli de fricciura i mangià gemò cott. Per 'sta reson, la conca del cugiar l'è tutta forada, inscì che i liquid poeuden vess scolaa. Inoltra la scumaroeula la gh'ha on manegh bell longh, per evità de scottàss i man.

A l'è on arnes che l'esist almanch del VI secol.

Alter lenguv

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.