Brasil

El Brasil (parnonzia in del portoghes brasilian: [braˈziu̯]), nomm offizial República Federativa do Brasil, a l’è ona nazion in de l’America del Sud. L’è el paes quell de cinch al mond per grandezza (8.514.876 km2, el 47% del continent) e per popolazion (206.081.432 abitant del ann 2016). L’è l’unegh paes de l’America dova el Portoghes l’è la lengua offiziala e el pussee grand pais al mond de lengua portoghesa; el Brasil l’è però vun di nazion pussee multiculturaj e cont la maggior diversidàa etnega, resultaa de cinch secoj de immigrazion e meticciaa (miscigenação).

El Brasil l’è delimitaa a est de l’Ocean Atlantegh, cont on litoral de 7.491 km, e el confina cont l’Uruguay, l’Argentina, el Paraguay, la Bolivia, el Perù, la Colombia, el Venezuela, la Guyana, el Suriname, e la Francia (Guyana Francesa). Hinn territori brasilian anca di arcipelagh in de l’Atlantegh: el Arcipelagh de São Pedro e São Paulo, l'Atol das Rocas, Fernando de Noronha (l’unegh abitaa), e Trindade e Martim Vaz.

El Brasil a l’è ona republega federala e presidenziala, definida in la Costituzion del 1988; el president, del 31 de agost del 2016, l’è el Michel Temer. El Brasil l’è formaa de 26 staa federaj e on distrett federal. La capital l’è Brasília, in del center del paes, fada su del 1960.

La storia del Brasil d’incoeu la scomincia del 1500, quand ona flotta portoghesa, comandada del Pedro Álvares Cabral, andaa foeura de la rotta per l’Africa e l’India, el arriva in sul litoral de Bahia. El primm nomm offizial daa al Brasil l’è Terra da Santa Cruz, ma el nomm popolar l’era Terra do Pau-Brasil (Terra del Verzin, ona pianta (Caesalpinia echinata) cont legn pregiaa), del qual el vegn su el nomm Brasil. A partì de la metàa del secol quell de sedes i Portoghes fann su insediament e latifond per la coltivazion de la canna de zuccher, del cacao, e del caffè, e l’estrazion de l’or, e per lavorà deporten s’ciav de l’Africa. Del 1808 la cort portoghesa de la regina Maria I, per fuggì a i guerr napoleonegh, la sposta la capital de l’imper de Lisbona a Rio de Janeiro; quand del ann 1822 la cort la retorna in Portogall e el Brasil torna a vess domà ona colonia, i brasilian protesten e el prinzepp reggent Pedro de Alcântara, cressuu anca luu in del Brasil, el proclama l’independenza del paes el 7 de settember de 1822; el 1 de december l’è incoronà imperadô de l’Imper del Brasil. Domà del 1888 i s’ciav devegnen person liber e del 1889 on colp de staa militar el proclama la Republega.

Brasil
Brasil - Bandera Brasil - Stema
(detai)
Brasil - Localizazion
Daits aministrativ
Nom intreg
Nom ofiçal Brasil
Lengue ofiçale portoghese brasiliano, Lingua dei segni brasiliana e Lèngua portoghéza
Capitala Brasilia
Politega
Forma de govern
Capo de Stat Jair Bolsonaro
Capo de Govern Jair Bolsonaro
Superfix
Totala 8 515 767 km²
Popolazion
Totala 208 494 900 ab.(2018)
Densitaa 24.48 ab./km²
Jeografia
Continent America del Süd
Confin Argentina, Bulivia, Gujana Francesa, Gujana, Paraguay, Perù, Suriname, Uruguay, Venezuela, Culumbia, Frància e Üniun Eurupea
Fus orari UTC−2:
Economia
Valuda real brasiliano
PIL (nominal) 2 055 505,5 milion de USD (2017)
PIL pro capite (nominal) 9 812 USD (2017)
PIL pro capite (PPA) 15 553,402 Intl$ (2017)
Varie
Codex ISO 3166 BR, BRA, 076
TLD .br
Prefiss tel. +55
Sigla autom. BR
In nazional Hino Nacional Brasileiro
Evoluzion storega
Proclamazion 1822
 

Geografia

Brazil topo en2
Carta topografega del Brasil

El territori del Brasil l’è traversaa de l’Equador e del Tropegh del Capricorn; el paes el occupa ona vasta area in su la costa orientala de l’America del Sud e la pupart de l’intern del continent; el confina cont tucc i alter nazion sudamerican foeura del Cile e de l’Ecuador. Per la sò estension e soratutt per i sò tant zonn geografegh e climategh different, el Brasil l’è on paes geograficament divers e quell al mond cont la maggior biodiversidàa de flora e fauna.

El Brasil l’è el paes quell de cinch al mond per grandezza, dree de la Russia, del Canada, de la Cina e di Staa Unii. L’area total del territori brasilian l’è de 8.515.767,049 chilometer quadraa (km2), di quaj 55.455 hinn acqua. El territori l’è dividuu intra quatter zonn d’orari: UTC-2 in di isol atlantegh; UTC-3, l’orari “offizial” in la pupart del paes (tucc i staa di region Nordeste, Sudeste, e Sul, e Goiás, Pará, Amapá, e el Distrett Federal); UTC-4 in di staa de Mato Grosso, Mato Grosso do Sul, Rondônia, Roraima, e la pupart de Amazonas; UTC-5 in del staa de l’Acre e in del sudovest de Amazonas.

Suddivision

Amazon CIAT (5)
La Foresta Amazzonega la occupa el 49,29% del Brasil.

El Brasil l’è formaa de 26 staa e on distrett federal, ciamaa tucc insema “unidàa federativ”. I unidàa federativ a hinn mettuu insema in cinch grand region statistegh e per ona gestion de politegh pubblegh de interess comun a tucc i staa de on’area. I unidàa federativ cont i sò capitaj a hinn:

  • Region del Nord
    • Acre (capital: Rio Branco)
    • Amapá (Macapá)
    • Amazonas (Manaus)
    • Pará (Belém)
    • Rondônia (Porto Velho)
    • Roraima (Boa Vista)
    • Tocantins (Palmas)
  • Region del Nordest
    • Alagoas (Maceió)
    • Bahia (Salvador)
    • Ceará (Fortaleza)
    • Maranhão (Sao Luís)
    • Paraíba (João Pessoa)
    • Pernambuco (Recife)
    • Piauí (Teresina)
    • Rio Grande do Norte (Natal)
    • Sergipe (Aracaju)
  • Region del Centro-Ovest
    • Distrett Federal (Brasília)
    • Goiás (Goiânia)
    • Mato Grosso (Cuiabá)
    • Mato Grosso do Sul (Campo Grande)
  • Region del Sudest
  • Region del Sud

Popolazion

El Brasil l’è el paes quell de cinch al mond per populazion, dree de la Cina, de l’India, di Staa Unii e de l’Indonesia. La pupart di abitant la viv in di cittàa e la pupart l’è concentrada in su la costa de l’Est, del Sudest, e del Sud o in di montagn visin; al contrari, i dò region del Centro-Ovest e del Nord che hinn el 64% del territori del paes, gh’hann domà el 15% di sò abitant. San Paol l’è la cittàa pussee granda, center de on’area metropolidana cont pussee de 20 million de abitant; alter intra i cittàa pussee important a hinn Rio de Janeiro, Belo Horizonte, Recife, Brasília, Porto Alegre, Salvador, Curitiba, Belém e Manaus.

Sampa Noite
San Paol, cittàa pussee granda del Brasil.

La composizion etnega del Brasil l’è varia, resultaa de secoj de meticciaa intra portoghes, indigen, african, e, de la fin del Vottcent, immigraa de l’Europa, de l’Asia, o del Medi Orient. El 20% de la popolazion la gh’ha origen taliana, la pupart del qual del Venet, del Trentin, o del Friul; la cittàa de San Paol la gh’ha pussee abitant de origen taliana che Roma, la cittàa pussee granda d’Italia.

Religion

Varda anca

 
I stat de l'America del Sud
LocationSouthAmerica
Argentina | Bolivia | Brasil | Cile | Colombia | Ecuador | Guyana | Paraguay | Perù | Suriname | Uruguay
America

L'Amèrica l'è vün di countinent, costituìi de vüna part al Nord, vüna al Sud, e un tuchel al cènter, che l'è en pratica un istmo.

La se estend da la latitùden del 82° parallel N (en Groenlandia) fin al el 56° S (Cap Horn, ent la Terra del Foeg, Patagonia); en loungitùden inves la va dal meridian 29° W (un'isouleta che la fa part del Brasil) al 178° E (la püüsse ucidentala de le ìsule Aleutine, che se tröven per un toc ent l'emisfer est del mont). La so superfis l'è de 42.224.000 km².

Argentina

La Repübliga Argentina a l'è un paes del America del Süd. La cunfina cunt el Brasil, l'Uruguay, el Paraguay, la Bulivia e'l Cile. A l'è na repübliga federala fada de pruinc.

L'Ucean Atlantich al bagna i sò cost. I cità püssee impurtant a hinn la capital Buenos Aires, Rosario, Còrdoba, Santa Fe, San Miguel de Tucuman, Bahìa Blanca, Mendoza (Mendòza) e La Plata.

Asunción

Asunción (nom cumplet: Nuestra Señora Santa María de la Asunción) a l'è la capital del Paraguay.

La gh'ha 515.000 abitant (1.639.000 se cuntum anca l'area metrupulitana).

Barcelona

Barcelona (parnonzia catalana: [bəɾsəˈlonə]; parnonzia spagnoeula: [baɾθeˈlona]; italian: Barcellona; frances: Barcelone) l'è ona città de la Spagna oriental. L'è la capital de la region de la Catalogna.

A Barcelona ghe viven 1.619.337 personn. L'è la segonda città pussee granda de la Spagna (dopo Madrid), e vuna di città europei pussee important e cognossuu e visitaa al dì d'incoeu.

Brasilia

Brasilia (Brasília 'n portoghés) a l'é la capital del Brasil.

La gh'ha 2.333.108 abitant (2004).

Culumbia

La Culumbia (Colombia in spagnöl) a l'é un paes del America del Süd.

La cunfina cunt el Perù, l'Ecuador, Panama, el Venezuela e'l Brasil. Bagnen i sò cost l'Ucean Pacifich e l'Ucean Atlantich (Mar di Caraib).

La capital a l'é Bogotà.

la gh'ha un süperfiss d'1.141.748 km² e una pupulaziun de quas 45 miliun d'abitant.

Frància

La Francia (frances: France, République française) l'è on paes de l'Euròpa ocidentala cont pussee de 60 milion de abitant. La confina cont la Spàgna, l'Itàlia, la Sguìzzera, la Germania, el Lusemborgh ed el Belgi.

L'Avana

L'Avana (La Habana in spagnöl) a l'è la capital de Cuba.

La gh'ha 2.328.000 abitant (2005).

Lengua italiana

L'italian o, de spess in Lombard Oriental taià (nòmm nativ: Italiano), o anca toscan l'è ona lengua latina moderna. L'italian l'è anca, in d'on quaj canton, ona lengua franca, perchè i sò parlant parlen anca lengov different e i doperen l'italian domà per parlà con i gent forest, ma l'era ona situazion pussee spantegaa in del secol quell de 19-20, perchè poeu i politegh de genocidi lenguistegh del Stat italian han portaa la noeuva lengua a la pupart di italian. L'italian l'è lengua offizzial de l'Italia, de San Marin, de la Svizzera (insema al franzes, al todesch e al romanc) e de la Citaa del Vatican (insema al latin). L'è lengua offizzial in Istria insema al Croatt e al Sloven. L'è parlada anca in del Principaa de Monaco, a Malta, in Corsica, a Nizza e provincia, e minga tropp in Albania, Tunisia e in Libia.

I so dialet de spess hinn influenzaa da vari lengov regional e local parlaa in 'sti teritori chì.

Lisbuna

Lisbuna (Lisboa in purtughes; Olisipo in latin; Lisbon in ingles; Lissabon in tudesch; Lisbona in italian; Lisbonne in frances) a l’è la capital del Purtugal.

A l’è anca la prima cità del Purtugal per pupulaziun, cun 509.751 abitant (2006) e püssee de 3 miliun in de l'area metrupulitana.

Madrid

Madrid a l'è la capital del Regn de la Spagna e de la Cumünità Utonuma de Madrid.

A l'è anca la prima cità spagnöla per pupulaziun, cun 3.099.834 abitant (2003).

Paraguay

El Paraguay (Paraguái in lengua guaranì) a l'è un paes del America del Süd.

El cunfina cun l'Argentina, el Brasil e la Bulivia.

La capital a l'è Asunción.

La gh'ha una süperfiss de 406.750 km² e una pupulaziun de quas 6.200.000 abitant.

Perù

El Perù (Perú in spagnöl) a l'é un paes del America del süd.

El cunfina cunt l'Ecuador, la Culumbia, el Brasil, la Bulivia e'l Cile. L'Ucean Pacifich el bagna i sò cost.I cità püssee impurtant a hinn la capital Lima, Cusco, Trujillo, Arequipa, Iquitos, Puno, Piura, Chiclayo, Tacna e Cajamarca.

La gh'ha un süperfiss de 1.285.220 km² cunt una pupulaziun de quas 30 miliun d'abitant.

Rio Negro (Amazonia)

El Rio Negro (Fium negher; parnonzia in portoghes brasilian: [ˈʁiu ˈnɛgɾu]) l'è on fium de l'America del Sud, in del basin amazzonegh. Cont ona lunghezza de 2250 km, a l'è l'affluent de manzina pussee longh del Rio di Amazzon e quell de cinquantun intra i fium pussee longh de la Terra. A l'è el segond fium del mond per volum d'acqua, domà dree del Rio di Amazzon.

El nass in del dipartiment de Guainía in Colombia cont el nomm de Rio Guainía e 'l traversa di territori indigen in del nordest del paes, e el fa su on tocch de la frontera intra Colombia e Venezuela. Denanz de entrà in del staa brasilian de Amazonas, el ciappa el nomm de Rio Negro de la confluenza cont el canal de Casiquiare, connession naturala intra el basin amazzonegh e quell del fium Orinoco. I sò affluent prinzipaj a hinn el rio Vaupés (de dritta) e el rio Branco (de manzina).

El bagna la cittàa de Manaus, la pussee granda de l'Amazzonia, dove el va a finì in del Rio di Amazzon, ciamaa finn a chì Rio Solimões segond la nomencladura doperada in del Brasil.

El Rio Negro a l'è staa e l'è anmò vun intra i fium pussee important del Brasil settentrional. In del Vottcent, dopo l'indipendenza del Brasil, l'è staa percors di imbarcazion a vapor per el trasport di produtt de la foresta, soratutt cont el desvilupp economegh de l'Amazzonia al prenzippi del secol quell de vint, ligaa a l'estrazion de la gomma. Al dì d'incoeu l'è anca ona importanta attrazion per i turist, soratutt la sua confluenza cont el Rio di Amazzon (ciamada Encontro das Águas in portoghes), dova l'acqua negra del Rio Negro e quella fangosa del Solimões corren fianch a fianch per 6 km senza mes'ciass. In tutt el Brasil, el gh'hè domà on pont per traversà el fium, el Ponte Rio Negro intra Manaus e Iranduba, che cont ona lunghezza de 3,6 km l'è el pont fluvial pussee longh del Brasil.

Rio de Janeiro

Rio de Janeiro (che'l vör dì Fiüm de Genar in purtughes) a l'è una cità del Brasil de 6.136.652 abitant (2006).

La cità a l'è famusa per i sò spiagg türistigh (Copacabana e Ipanema), per la statua giganta de Gesü sura el munt Corcovado, e per el sò carneval.

Rio de Janeiro al gh'ha anca la püssee granda furesta dent a un'area urbana.

El sindigh a l'è l'Eduardo Paes.

São Paulo

San Paul del Brasil (in purtughes São Paulo) a l'è la capital del stat federal de São Paulo e la prima cità del Brasil.

Al gh'ha püssee de 11.016.703 abitant (2006).

Uruguay

L' Uruguay a l'è un paes del America del Süd.

El cunfina a nord cunt el Brasil e a ovest cun l'Argentina. L'Ucean Atlantich al bagna i sò cost.

La capital a l'è Montevideo.

El gh'ha una süperfiss de 176.215 km² e una pupulaziun de quas 3.500.000 abitant.

Venezuela

El Venezuela a l'é un paes del America del Süd.

El cunfina cun la Culumbia, la Gujana e'l Brasil. Bagnen i sò cost l'Ucean Atlantich e'l Mar di Caraib.

La capital a l'é Caracas.

El gh'ha una süperfiss de 916.445 km² una pupulaziun de quas 25.750.000 abitant.

Alter lenguv

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.