Frevâ

Frevâ o l'e o segondo meize de l'anno do lûnäio gregorian, o g'ha 28 giorni in te l'anno normâ e 29 in te l'anno bisesto. Segondo a tradiçion zeneise o l'é o meise ciù freido de l'anno: "frevaietto curto e maledetto"

Argentinn-a

Nomme ofiçiâ: República Argentina, o l'è 'n pàize de l'America do Sud. A sêu capitâle a l'è Buenos Aires (in zenéize: Bonesàire).

Bonesàire

Bonesaire a l'é a capitâ de l'Argentinn-a, o nomme ofiçiâ o l'é Ciudad Autónoma de Buenos Aires, oppûre Capital Federal, e o sêu abitante o se ciamma "porteño".

Costantin Barbo

Costantin Barbo (Zena, 12 settembre 1676 – 1741) o l'è stæto o 154° duxe da Repubbrica de Zena e re de Corsega da-o 7 frevâ 1738 a-o 7 frevâ 1740, o çentonœuveximo co-a càrega biennâ. O l'ea fræ do Françesco Maia Barbo.

Domenego Canevâ

Domenego Canevâ (Zena, 5 agosto 1683 – 15 frevâ 1745) o l'è stæto o 156° duxe da Repubbrica de Zena e re de Corsega da-o 20 frevâ 1742 a-o 20 frevâ 1744, o çentunzeximo co-a càrega biennâ.

Fabrizio De André

Fabrizio De André (Zena-Pegi, 18 Frevâ 1940 – Milan, 11 Zenâ 1999) o l'è stæto 'n mûxico ligûre fra i ciû conosciûi e amæ de sempre, de segûo ûn fra i ciû importanti.

O l'è nasciûo a Pegi in Via De Nicolay 12 dove gh'an misso na ciappa picinn-a arregòrdo.

Sò poæ Gioxeppe o l'è stæto o direttô de l'Eridania.

De spirito anarchico e bonn-a coltûa, o l'ha pûbblicòu ciû de vìnti àlbum in quarant'anni d'attivitæ mûxicâ.

Gioxeppe Lomellin

Gioxeppe Lomellin (Zena, 1723 – 1803) o l'è stæto o 175° duxe da Repubbrica de Zena da-o 4 frevâ 1777 a-o 4 frevâ 1779, o çentotrenteximo co-a carrega biennâ.

Guæra de secescion americaña

Guæra de secescion americaña, conflito ch'o l'oppoze da-o 1861 a-o 1865 i stati antiscciavisti (do Nord) a quelli scciavisti (do Sud) di Stati Unii, originao da de numerose e complesse caose de fondo.

L'evento ch'o feççe preçipitâ a scituaçion o fu l'eleçion a-a prescidença di USA, into 1860, do pù moderao A. Lincoln. Allarmâ da l'arrivo de un repubbrican a-a Caza Gianca, o 20 dexembre 1860 a Caroliña do Sud, reünia a Charleston una convençion statâ, a l'indicò espliçitamente o mantegnimento da scciavitù comme condiçion a-o proprio permanei inte l'Union. Into zenâ de l'anno seguente l'esempio da Caroliña do Sud o fu seguio da Misciscippi, Alabamma, Florida, Georgia, Louixiaña e Texas. L'8 de frevâ a Montgomery (Alabamma) i secescionisti proclamon a Confederaçion di Stati Americhen. Nonostante tæ graviscimi avegnimenti, Washington a l'inscisteiva inte un attezzamento prudente e inta riçerca de una soluçion de compromisso, ma o 12 arvî i confederæ rompin i induggi attaccando Fort Sumter dove, in territoio confederao, staçionava de truppe de l'Union.

Co l'inandio di ostilitæ chinò in campo ascì i stati confinanti tra Nord e Sud, quattro di quæ, Arkansas, Tennessee, Caroliña do Nord e Virginnia (tranne a parte occidentâ de quest'urtima, ch'a formò, da pœu, un stato a a parte e a fu ammissa inte l'Union co-o nomme de Virginia Ocidentâ into 1863), passon a-i confederæ.

Tiatro de prinçipæ opiaçioin militæ da guæra civî, ch'a duò quattr'anni e a fu aspiamente combatua, fu a Virginia, a valle do Misciscippi e e regioin orientæ. I sudisti se battian con coraggio e abilitæ, ma a-a longa o Nord, superiô pe risorse umañe e materiæ, o finì co-o prevài. A-o prinçippio da guæra l'Union a controllava praticamente tutta a Mariña, o che o reize poscibile a conquista de New Orleans (1863) e o blocco da baia de Mobile (1864) con grave conseguençe pe i aprovixonamenti via mâ di confederæ. E forçe de l'Union a-o comando do generâ U. Grant ebban pù di noteivi succesci inta valle do Misciscippi, mentre a rescistença di eserciti confediæ, comandæ da-i generæ R. Lee e A. Jackson a fu particolarmente forte inta Virginnia. A guæra a l'assonse un'aspieça particolâ into 1863, doppo l'emanaçion da parte de Lincoln (settembre 1862) do “Proclamma d'emançipaçion di scciavi”. Con questo se stabiliva che da-o 1º de zenâ 1863 saieivan stæte libere e persoñe tegnue comme scciavi inti aree in rebellion contra i Stati Unii. Intanto, into luggio 1863, o generâ Lee, battue e forçe de l'Union a Chancellorsville, vexin a Richmond (divegnua into frattempo capitâ confederâ), o l'invaze a Pennsylvania marciando in sce Harrisburg. O fu fermao a Gettysburg e questa sconfita a dette o via a-a fin de spiançe de vittoia di sudisti. Tra l'âtro, mentre e risorse do Sud ean a-o stremmo e a Confederaçion a se trovava inte l'imposcibilitæ de riçeive di rifornimenti da l'estero a caosa do blocco navâ, o Nord o viveiva un periodo de grande florideçça economica, favoiia da l'espanscion industriâ spesso provocâ da-a mæxima guæra.

Doppo Gettysburg e sciorte do conflito gion decizamente in favô de l'Union; l'esercito do Grant o conquistò Vicksburg in sce-o Misciscippi dando o via a una lenta ma inesorabile avançâ in sce Richmond. O 1º frevâ 1865 o generâ W. Sherman ascì o commençò, partindo da-a Georgia, a marcia verso o Nord. O 17 de frevâ fu preizo Columbia, capitâ da Caroliña do Sud; fu da pœu a votta de Charleston ch'a se reize a-a Mariña de l'Union. O 2 d'arvî Lee o l'abandonò a difeisa de Petersburg e Richmond, o 9 arvî a Appomattox l'eroico comandante di confederæ o se reize a-o generâ Grant.

Pe a grande quantitæ de ommi e de mezi impegnæ, a guæra de secescion a l'è consciderâ a primma guæra moderna; a vittoia de l'Union, ch'a l'ea stæta sostegnua da un forte asbrio morâ, a fu ascì a vittoia do nascente industrialismo democratego contra l'anacronistego latifondismo aristocratego do Sud.

Loenço De Mai

Loenço De Mai ò Lorenço De Mari (Zena, 1685 – 16 arvî 1772) o l'è stæto o 157° duxe da Repubbrica de Zena e re de Corsega da-o 1º frevâ 1744 a-o 1º frevâ 1746, o çentodozzeximo co-a càrega biennâ.

Loenço Saolo

Loenço Saolo (Zena 1535 – 1601) o l'è stæto l'82° duxe da Repubbrica de Zena, da-o 22 frevâ 1599 a-o 21 frevâ 1601, o trentesetteximo co-a càrega biennâ.

Lûnäio Gregorian

O lûnäio Gregorian o l'è o ciù doeuviao in to mondo, o so nomme o deriva da o pappa Grigoeu XIII de l'anno 1582 e o l'é unn-a modificaçion do lûnäio Giulian doeuviao primma d'allöa.

O lûnäio Gregorian gha 365 o 366 giorni e o l'è fæto de dozze meixi de diata despægia:

Zennâ

Frevâ

Marso

Arvî

Mazzo

Zûgno

Lûggio

Agosto

Settembre

Ottobre

Novembre

Dexembre

Marçello Duaço (duxe)

Marçello Duaço ò Duraçço (Zena, 1710 – dexembre 1791) o l'è stæto o 169° duxe da Repubbrica de Zena da-o 3 frevâ 1767 a-o 3 frevâ 1769, o çentovintiquattreximo co-a carrega biennâ.

Octave Mirbeau

Octave Mirbeau (Trévières, Calvados, 16 Frevâ 1848 - Pariggi, 16 Frevâ 1917) o l'é stæto 'n çellebre scrittô, narratô e saggista françeise.

O l'è famozo prinçipalmente pe o sêu romanzo Le Journal d’une femme de chambre (1900), molte vòtte adatto a-o cinema (Jean Renoir, Luis Buñuel) e a-o tiatro.

Tra e sêu êuvie ghe son:

Le Calvaire (1886)

L'Abbé Jules (1888).

Sébastien Roch (1890).

Le Jardin des supplices (1899).

Le Journal d'une femme de chambre (1900).

Les affaires sont les affaires (1903).

Farces et moralités (1904).

La 628-E8 (1907).

Le Foyer (1908).

Dingo (1913).

Combats esthétiques (1993).

Combats littéraires (2006).

Patti Lateranensci

I Patti Lateranénsci (in italiàn: Patti Lateranensi) son di acòrdi, firmæ da Benito Mussolini e da Pietro Gasparri l'11 frevâ 1929, co-i quæ o Regno d'Italia e-a Santa Sêde se son reconosciûi l'un l'âtro e àn misso fin a-a Question Romann-a. Son l'atto de nascita da Çittæ do Vatican.

Son stæti reformæ into 1984.

Primma Goæra Mondiâ

Primma guæra mondiâ, conflito de dimenscioin intercontinentæ, combattúo da-o 1914 a-o 1918. Innescâ da-e prescioin naçionalisteghe e da-e tendençe imperialisteghe cortivæ da-e potençe eüropee a partî da-a segonda meitæ do 19° sec., a l'ingugette 28 paixi e a vidde contrapposte e forçe de l'Inteiza (França, Gran Bretagna, Ruscia, Italia e so alliæ) e i Impei Centræ (Aostria-Ungaja, Germania e so alliæ). A l'assonse una dimenscion mondiâ da-o punto de vista di tiatri di scontri ascì: se combattè, oltre che in Œüropa, inte l'Impeo ottoman, inte colonnie tedesche in Axia e in sce tutti i moæ. E battagge decixive se desgugettan in Œüropa, in sce 5 fronti: quello ocidentâ, tra França e Germania, longo a Marna e a Somme; l’orientâ, ò russo, esteizo e privo de barree naturæ; o meridionâ, ò serbo; l’aostro-italian, in sce-e Alpi orientæ e inta Carnia; o grego, a nòrd de Salonicco.

Segonda Guæra Mondiâ

Segonda guæra mondiâ, conflito into quæ fu coingugeito squæxi tutti i paixi do mondo, combattúo da-o 1939 a-o 1945. I prinçipæ contendenti fun Gran Bretagna, França, Stati Unii d’America e Union Sovietica da una parte, Germania, Italia e Giapon da l'âtra. A fu una guæra totâ sotta diversci aspetti: giograffego, perché a l'interessò tutti i continenti; economico, perché a costrinse i paixi coingugeiti a un sforço produttivo sença precedenti; idiologgico, perché combattua pe di idiæ radicalmente contrapposti; demograffego, perché a coingugette a popolaçion civî in pâ mezua de forçe militæ.

Tomaxo Fregoso

Tomaxo Fregoso (Zena 1370 – San-a frevâ 1453), figgio do duxe Peo Fregoso (1330-1404) o l'è stæto o 24° duxe do Comun de Zena da-o 4 luggio 1415 a-o 23 novembre 1421, o 26° da-o 3 arvî 1436 a-o 24 março 1437, e o 28° da-o 24 março 1437 a-o 18 dexembre 1442.

Wikipedia

Wikipedia a l'è 'n'ençiclopedia lìbera online e 'n'òrganizaçión non-profit.

Fondâ da Jimbo Wales, co-a colaboraçión de Larry Sanger, o progetto o l'è comensòu o 15 de zenâ do 2001, comme complemento de l'ençiclopedia scrîta da asperti Nupedia. Òua a dipende da a Wikimedia Foundation.

'St'ençiclopedia a l'è fæta con l'agiùtto de tùtti i membri, che pêuan creâ, modificâ e scassâ e vôxe, e caregâghe de inmàgini e di archivi.

Gh'è de verscioìn in 288 léngoe.

Wikipedia a gh'aiva in totâle into meize d'arvî do 2008 ciù de 10 milioìn d'articoli, e in frevâ do 2006 a l'à aciapòu a cîfra de 1.000.000 d'utenti registræ.

Inta Wikipedia de lengoa ligure e vôxe son òua 3 606.

E Wikipedie ciù grendi:

Ingleise - 5 652 886 vôxe.

Tedesca - 2 182 881 vôxe.

Françeise - 1 984 814 vôxe.

Polacca - 1 281 230 vôxe.

Giapponeise - 1 107 170 vôxe.

Italiann-a - 1 438 358 vôxe.

Olandeise - 1 931 660 vôxe.

Portogheise - 997 687 vôxe.

Spagnòlla - 1 411 647 vôxe.

Svedeise - 3 783 864 vôxe.

Rûssa - 1 473 854 vôxe.Vanni a vedde a lista de tùtte e Wikipedie: inta Meta-Wiki

In ätre lengue

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.