Ulvend

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Norbiks, as te dit dialek sjpriks.
Ulvendgrenspaol21wkped
Grenspaol 21, miedde in Ulvend, verdeilt 't gehuchske in Belsj, (gemeinte Voere) en Nederland (gemeinte Mergraote ).
Mergraotegemeintebordwkped05
Gemeinte-grenspaol in Ulvend

Ulvend (Nederlands: Ulvend) ies 'n klein buurtsjap, van Noorbaek in de gemeinte Èèsjde-Mergraote in 't heuvelland van Zuud-Limburg en 'n buurtsjap dat huèrt bie S'n Maeëte, gemeinte Voere op 't Belsj.
't Besjteit oet 'n paar häöf en hoezer, die liegke rónd 'n krusing van waeg, die Noorbeek mèt de Plank en Sjlenake mèt S'n Maeëte (Belsj) verbinge. De grens van Belsj löp dweersj de doorheen. Neve 'n Maria van Banneux - kapelke sjtoon d'r ouch nog twiè veldkruzer. 'nen Haof op Noërbr'ig ies geboewd in baksjtein mèt lieste en dörpele van helle sjtein. In de sjtraotgevel bevingk ziech 'n niske mèt 'n Mariabeeldsje d'r in. In de dörpel van de nis sjteit gebeiteld: de initiale W.T. en 1771.

Trivia

In d'r tied dat de kerncentrale va Tsjernobyl explodeerde zoogs-te hie de keuj an d'r ene kaant van d'r waeg waal boete lope en an d'r aandere kaant neet. Dit waor 't gevolg van 'n versjillende reaktie van de Belsje en de Hollensje uvverighèèd op dizze raamp en dus neet van de wirklik gemaeëte waardes in dit gebied èèges.

 
Gemeinte Èèsjde-Mergraote
Vaan van Èèsjde-Mergraote
Dörper: Bieëmele · Ikkelder · Èèsjde · Groêselt · Keer · Mergraote · Maer · Misj · Norbik · Oêsj-Moarend · Riêkelt · Sjuuëlder · Se-Gietere · Tebannet
Buurtsjappe en gehuchte: Berg · Bergenhoëze · Breusj · Bruusjterbusj · Gastes · Ge Kruuts · Groeët-Welsde · Herkenter · Hoeg-Kâsjtert · Hoontem · Klae-Welsde · Liebik · Lieg-Kâsjtert · 't Mariadörp (De Klonie) · Moarend · Moersjelt · Oêsj · 't Poelveld · 't Roeët · Sjei · Sjilberg · Sint Antoniusbank · Terhoorsj · Terlinne · Termaar · Ulvend · Vroële · De Wesj · 't Withoês · 't Wolfses
 
Gemeinte Voere
Vaan van Voere
Deilgemeintes en dörper: De Plaank · Moelinge · S'n Maeëte · S'n Pieëter · Täöve · Rimmersjdel · Voere
Gehuchte en buurtsjappe: A g'n Eke · Baerg · Brook · De Daal · Dreenk · de Hèj · Katterot · Kètte · Knap · D'r Krindel · Kweente · Maazsjes · Magne Bois · Nurep · Obsinnich · Paerds · Pensool · Roeje Bösj · Rule · Sjilberg · Sjoppemer Hèj · Sjoppem · Ulvend · Vaoësj · Vaoërzjervaeld · Vitsje · Sinnich · Zjwaan
't Mariadörp

Dit artikel is gesjreve (of begós) in 't Èèsjdes. Laes hie wie v'r mit de versjillende saorte Limburgs ómgaon.

Mariadörp of beiter bekind es De Klonie (Nederlands: Mariadorp) is 'n kleng dörp ien de Nederlands-Limburgse gemejnte Èèsjde-Mergraote, ten oeste van 't dörp Èèsjde. 't Weerd van Èèsjde gesjejje doeër de N592 (de Rieksweig) en wurt ten weste nog begrens doeër de A2. Ien 2002 haw de plaots 277 ienwoeners.

De Klonie is gesjtich in 1913 en ien de Iersjte Weireldoerlog opgebowd. 't Waor 'n woenplaots veur arbejjers van de zinkwitfabrik, besjtós oet zieëve zijsträötsjes aon de vuurmalige N592. Sins 1960 is de plaots 'n zelfstandege perochie.

Ien 1960 weerd de Maria Tenhemelopnemingkirk gebowd nao ontwerp van architect Eugène Hoen met z'n eige perochie oan de uuverkant van de Rijksweig. Doer dis sjtraot kint De Klonie zich 'n "Dörp" numme.

Ien 't nuj aongelagte park neive de zinkwitfebriek likt 't nujje crematorium van Walpot. 't Park is aongelag op de aw sjtortplaots.

't Withoês

Dit artikel is gesjreve (of begós) in 't Èèsjdes. Laes hie wie v'r mit de versjillende saorte Limburgs ómgaon.

't Withoês (Nederlands: Withuis) is 'n gehuch ien de Nederlands-Limburgse gemejnte Èèsjde-Mergraote, aon de grens mit Belsj richting Visé (Wezet). 't Is eng van de zujdelikste plaotse van Nederland. 't Hèèt ongevèèr 75 inwoeners.

Tot aon de opheffing van de grenscontroles stongt hie 'n grensposj. Op 10 augustus 1918 vlöchte de Duitse keizer Wilhelm II uëver dis grensposj Nederland ien.

't Wolfses

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Bieëmeles, as te dit dialek sjpriks.

Wolfses (Nederlands: Wolfshuis) ies 'n buurtsjap van 't dörpke Bieëmele (Nederlands Bemelen) in de gemeinte Èèsjde-Mergraote in Nederlands Limburg. 't Gehuchske liek op 't plateau aan 'n sjplietsing van waeg: de ouw route Mesjtreech - Aoke en de weeg van Keer en Terbliet. Neve 'n paar häöf en hoezer liek d'r ouch 'n windmeule. Saer 1957 ies 't Limburgs Landsjap eigenaer van diet mergele monument oet 1855. De naam van Tienhovenmolen geit truuk nao ein van de sjtiechtersj van de Nederlandse natuurbesjerming. Nao restauratie, in 2001, van 't maalwerk functioneert de meule wir es vanouds.

In de moer ies 'n moordkruus ingemetseld oet 1417, dat herinnert aan de maord op 'ne zeker Claes Goltsmet. 'ne Ander, houte veldkruus in 't veld kort bie de meule, dreug d'n dialekteks: Loop neet zoe mer langs, me blief effe bie Mich.

Bies 1982 waor 't Wolfses verdeild tösje de gemeintes Bieëmele, wat 't noordelik deil had, en Wielder, boe 't zujelik deil in laog.

A g'n Eke

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Oos-Voeres, as te dit dialek sjpriks.A g'n Eeke is 'n buurtsjap va S'n Maeëte en liegkt hoeëg op 'n häövel en óp mènstens 'ne kilometer aafsjtand va Ulvend, De Plaank, d'r Krindel en d'r dörpskern. 't Haat dao ene groeëte boerehoof en e klèè hoes geboewd va silexsjtèè, dat lang bewónd is gewes dör 'n VPRO-journalist. Daomèt is dit buurtsjap 'n typisch vörbeeld van de, in 't Laand va Herf gaans gewuuën, versjprèjde bewoning.

Bergenhoëze

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Norbiks, as te dit dialek sjpriks.

Bergenhoëze (Nederlands: Bergenhuizen) ies 'n hoaggelege buurtsjap van Norbik in de gemeinte Èèsjde-Mergraote in Nederlands Limburg. 't Gehuch, mèt óngevaer daartig häöf en hoezer haet 'n wieds oetziech euver 't plateau. In de buurt, riechting Sjei, hingk aan 'ne boum 'n kruuske en get wiejer in 'ne bösj, sjteit 'n geetiezere exemplaar.

Breusj

Dit artikel is gesjreve (of begós) in 't Èèsjdes. Laes hie wie v'r mit de versjillende saorte Limburgs ómgaon.

Breusj (Nederlands: Breust) is 'n (gewiëze) dörp in de Nederlands-Limburgse gemejnte Èèsjde-Mergraote, wat ien de bebowwing van 't dörp Èèsjde is vasjgegreujd en doer de gemejnte neet (mie) es apaorte kern behandeld wurt. 't Ligk te noordoeste van 't ad dörp Èèsjde. De Petroenheilege is Sint-Maarte.

Breusj waor ien vreuger däög 'n hierlekheid die in 965 aon Luuk woert euvergedraoge. 't Waor 'n vrie riekshierlekheid. Breusj waor tot 1828 'n zelfsjtandege gemejnte. 'n Deil van de grongd ging nao de gemejnte Se-Gittere. De gemejnte Èèsjde heit nog ummertow de gespliëte mantel van Sint-Maarte es sjèldvoot in zing blazón.

Twie waeke nao Pinkstere is ien Breusj eder jaor brónk.

Gastes

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Bieëmeles, as te dit dialek sjpriks.

Gastes (Nederlands: Gasthuis) ies 'n buurtsjap van 't dörpke Bieëmele (Nederlands Bemelen) in de gemeinte Èèsjde-Mergraote in Nederlands Limburg. 't Gehuch liek op 't plateau aan de ouw route Mesjtreech - Aoke. De weeg van Keer nao Terbliet kruus die baan en op die sjplietsing bevingk ziech 'n waterpöthuuske mèt 'n zaaldaak en 'ne haof mèt 'n klokketeurentsje.

Waarsjienlik haet Gastes ziene naam te danke aan 't Sint Servaos- gashoes dat hie waor gevestig um vermeujde reizigersj gasvrieheid te beje. 't Gehuch tèlt óngevaer tachtig inweunersj. De hoezer en boerderieje liegke versjpreid langs de weeg.

Gastes ies besjermp buurtgeziech.

Op 'n aantal kruuspunte sjtoon veldkruzer. Eint mèt 't opsjrief groet mich.

Katterot

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Katterot is 'n buurtsjap va S'n Maeëte en va Norbik. Op d'r Belzje kaant sjtèèt èè hoes en op d'r Hollendsje kaant gènk.

Klae-Welsde

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Mergraotes, as te dit dialek sjpriks.

Klae-Welsde (Nederlands: Klein Welsden) ies 'n buurtsjap van Mergraote op 't plateau in Zuud-Limburg. In 2003 wone d'r vieftig luuj aan de gelieknamige weeg Klein-Welsden. In die lintbeboewing sjtoon mergele häöf en 'n waterpöthuuske mèt zaaldaak.

In de buurt bevingk ziech ouch de buurtsjap Groeët-Welsde, dat wir ónderverdeild ies in 'n Ónder en Bove-gedeilte.

De naam zou 'n verbastering zin van 't Germaanse wippelsdel, wat begraafplaats beteikent.

Kweente

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Oos-Voeres, as te dit dialek sjpriks.

Kweente (Nederlands: Kwinten) is 'n buurtsjap va S'n Maeëte, dat tussje d'r dörpskern en de Pensool en get wieër d'r baerg op, Ulvend, an de Väöësj liegkt.

Mergraote

Dit artikel is gesjreve (of begós) in 't Mergraotes. Laes hie wie v'r mit de versjillende saorte Limburgs ómgaon.

Mergraote, (Nederlands: Margraten) is e dörp in de Nederlands-Limburgse gemeinte Èèsjde-Mergraote, in 't Heuvelland (aoch wal t plateau van Mergraote geneump).

Norbik

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Norbik (Nederlands Noorbeek) is e dörp in de gemèngde Èèsjde-Mergraote in Zuud-Limburg. Norbik liekt in 't Noordal an de brón van de Noor (baeëk). Tot aan de gemingdeleke herindeling in 1982 waor 't 'n zelfsjtendige gemingte mèt de buurtsjappe Sjei, Bergenhoëze, Ge Kruuts (Hoogcruts), Sjilberg, Terlinne, Ulvend, Vroële en de Wesj. In Norbik wonne óngeveer 900 luuj.

Pensool

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Oos-Voeres, as te dit dialek sjpriks.De Pensool is 'n buurtsjap va S'n Maeëte en liegkt tösje Kweente en Ulvend. D'r sjteunt twie hoezer, oevan èèn gerestaureerd hieërehoes. Taegenuvver dat hoes is 'ne klènge park mèt vievere aa-gelach an 't begin van d'r 19de ieëw.

S'n Maeëte

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Oos-Voeres, as te dit dialek sjpriks.

Sint-Martensvoere (plaatselik S'n Maeëte geneump) (Nederlands: Sint-Martens-Voeren, Frans: Fouron-Saint-Martin) ies 'n dörp in de gemeinte Voere in Belsj Limburg. 't Dörp ies gesitueerd aan en in 't dal van 't rivierke de Voor. S'n Maeëte en Rimmersjdel howwe bies 2 juni 1957 'n sjtatie op de Moontzenerlijn, tössje Aoke en Tongere. Vanaaf 1 februari 1921 waor d'r personevervoer op lijn 24 van Visé nao Moontse

.

Sjilberg

Dit artikel is gesjreve (of begós) in 't Voeres. Laes hie wie v'r mit de versjillende saorte Limburgs ómgaon.

Neet te verwarre mit Sjaelberg bie Ech.

Sjilberg, lokaal: Op-'e Sjilbrig (Nederlands: Schilberg; Boileau: ) is 'n buurtsjap van Norbik in de gemeinte Èèsjde-Mergraote en 'n buurtsjap van Sjlennich in de gemeinte Gulpe-Wittem. Alletwieë de gemeintes ligke in Nederlands Limburg. Sjilberg is och 'n buurtsjap van De Plaank (Sint-Martens-Voere) in de gemeinte Voere in Belsj Limburg op 't Belsj. De häöf en hoezer ligke in lintbeboewing langs de ouwe waeg Schilberg van Mestreech nao Verviers en rónd de krusing mèt de waeg van Sint-Martens-Voere nao Sjlennich.

De grens tusje de twieë Nederlandse gemeintes en mèt Belsj lupt d'r deurheen. 'n Daartig jaor truuk gonge de keender of nao Norbik of nao Sjlennich of nao de Plaank nao de lieëger sjoeël.

In 2003 liegke d'r ca. 35 häöf en hoezer.

In de buurt van Ech lik ouch 'n buurtsjap Sjaelberg (Nederlands: Schilberg).

Termaar (Mergraote)

Dit artikel is gesjreve (of begós) in 't Mergraotes. Laes hie wie v'r mit de versjillende saorte Limburgs ómgaon.

Termaar is de naam van 'n buurtsjap in Mergraote, gemeinte Èèsjde-Mergraote, lièger gelege es 't plateau. De naam sjienk truuk te goon nao mare in de beteikenis van pool of plas (sjtilsjtaond water). Termaar is de nate plaats van Mergraote. Langs de waeg sjtoon versjillende ouw boerehäöf en hoezer.

Midde-n in dit gehuch bevingk zich de Bauerkoel, 'ne viè drinkpool, mit daoneve 'n pöthuuske mit zadeldaak en 'n waegkruus tegen 'n ling (Lindeboum). 't Woord koel geuf ouch aan dat de plek lièger gelaege is.

Op 'n sjplitsing sjteit 'n kapelke gewiejd aan Maria Sjter van de Ziè. Ins in de drie jaor functioneert de kapel es rösaltaor in de brónk. 't Gebuuwke is van mergel en aafgesjlaote door 'n sjmeediezere breer. Rónd de pool sjtaon ouw boerderieje.

In 2001 zint d'r Ingelsje tuine ge-eupend woa miè es 2000 versjillende buim en sjtruuk en 500 versjillende plante te bezichtige zunt.

Termaar haat 'n eige carnavalsvereiniging, geneump de Nachdravers.

Bie Klumme lik ouch 'n gehuch mèt de naam Termaar.

Voere (gemeinte)

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Voeres, as te dit dialek sjpriks.Voere (Nederlands: Voeren, Frans: Fourons) is 'n gemèngde in Belsj Limburg, die es Vlamsje enclaaf mèt 'n oppervlakte van 5000 ha in Wallonië liekt. Voere grenst in 't noorde an Nederlands Limburg en in de ander weendrichtinge an Luuk. 't Is 'n facilitètegemèngde mèt facilitète veur Franstalege. Vlaandere besjowt die facilitète saer 1997 mèt d'r Róndsjtuurbreef-Peeters, es oetdovend. 't Assimilatiebeleid - kiek de Voerkwestie - wert saer doe krach biegezat mèt nuuj decrete of Rondsjtuurbreve.

Voere liekt in d'r kern van e ecologisch överlappingsgebied tösje 't Midde-Europese, 't Atlantische en 't Submediterrane District. Dit haat es gevolg dat d'r 'n enorm variatie is an habitats en niches, en es gevolg daovan, 'n rieke biodiversiteit m.a.w. väöl versjillende saoërte plaante en dere.

De gemèngde ontlieënt häöre naam an 't dörp Voere dat langs de Voor liegkt. Moelinge liegkt an de Berwien en Teuve an de Gulp. D'r naam de Voerstreek is 'n toeristisch maerk. Bies in 1963 de taalgrens in 't Belsj officieel vasgesjtèld woort, huurde Voere bie de provincie Luuk. Bies in 2000 Huub Broers börgemeister woort, woort Voere ummer door Franstalege bestuurd.

Vroeële

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Vroeële (Nederlands: Vroelen) is e gehuchske va Norbik in de gemèngde Èèsjde-Mergraote in 't Zuud-Limburgse mergelland. Vreuger waoërt d'r naam es Vroulen gesjraeve oeëbie de Fraanse ou sjtóng vör de Hollendsje oe van allewiel. Bies nao d'r Twiede Waeltkreeg waor Norbik en Maer, zoewal economisch es kultureel es historisch verboonde mèt Voere en 't Laand va Herf, m.n. Aubel. De ongevaer vieftien häöf en hoezer liegke an de grens mèt Belsj.

Bezeunder zeunt versjèjje vakwerkhoezer, gesjlaoëte en aoëpe hól waeg en versjèjje grenspäöl.

Èèsjde-Mergraote

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Èèsjde-Mergraote (Nederlands Eijsden-Margraten) is sinds 1 januari 2011 'n fusiegemeinte in de Nederlandse provincie Limbörg. Ze woort gevörmp bestoon oet de aw gemeintes Èèsjde en Mergraote. Ze heet 24.839 inwoeners (per 1 janauri 2010, bei gemeintes same) en 't oppervlak bedreug 78,46 km², daovaan 1,01 km² water.

In anger sjpraoke

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.