Tunesië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Tunesië

Veendel vaan Tunesië

Waope vaan Tunesië

Ligking vaan Tunesië

Basisgegaevens
Officieel taal Arabisch (Frans es twiede bestuurstaal)
Huidsjtad Tunis
Sjtaotsvörm Republiek
Sjtaotshoof ([[{{{lies}}}|lies]]) Mohamed Ennaceur (a.i.)
Premier Youssef Chahed
[[{{{titelhoofregering1}}}]] {{{naomhoofregering1}}}
[[{{{titelhoofregering2}}}]] {{{naomhoofregering2}}}
[[{{{titelhoofregering3}}}]] {{{naomhoofregering3}}}
Religie islam
Opperflaakde
– % water
163.610 km²
5,0%
Inwoeners
Deechde:
10.432.500 (1 juli 2009)
63/km²
Biekómmende gegaeves
Munteinheid Tunesischen dinar (TND)
Tiedzaone UTC +1
Nationale fiesdaag
Vouksleed Humatu-l-Himah
Web | Code | Tel. .tn, .تونس | TN | +216

Tunesië (Arabisch تونس‎ال at-tūnis, Frans La Tunisie) is 'n republiek in noordelek Afrika, aon de Middellandse Zie, grenzend aon Algerije en Libië. 't Land ligk op 't aajd groondgebeed vaan de Carthaagse republiek en heet en cultuur boe-in ziech Arabische en Berberse eleminte verminge. De hoofstad is Tunis, aander groete stei zien Sfax en Ariana. 't Land heet e weusteklimaot, meh aon zie heers e subtropisch klimaot, wat 'n bleujende toeriste-industrie oonderhèlt.

Bestuurleke indeiling

Governorates of Tunisia
Gouverneursjappe vaan Tunesië (zuug de teks).

Tunesië is verdeild in 24 gouverneursjappe. Die zien wijer verdeild in 264 distrikte, die weer bestoon oet gemeintes en sectore.

De gouverneursjappe, geneump nao hun hoofplaotse zien:

  1. Ariana
  2. Béja
  3. Ben Arous
  4. Bizerte
  5. Gabès
  6. Gafsa
  7. Jendouba
  8. Kairouan
  9. Kasserine
  10. Kebili
  11. Kef
  12. Mahdia
  1. Manouba
  2. Medenine
  3. Monastir
  4. Nabeul
  5. Sfax
  6. Sidi Bou Zid
  7. Siliana
  8. Sousse
  9. Tataouine
  10. Tozeur
  11. Tunis
  12. Zaghouan

Cultuur

Religie

De soennitischen islam is de dominante religie in 't land. D'n islam is ouch erkind es staotsreligie, wat de president verpliech moslim te zien. De groondwèt sjrijf evels wel vrijheid vaan religie en secularisme veur: zoe is de plak (hijab) verboje bij euverheidsinstèllinge. Dao is in 't land 'n islamistische factie die dat tegegeit. Oonder 't rezjiem vaan Ben Ali woorte zij vervolg. Oongeveer 25.000 lui zien christelek, dat is e kwart percint vaan de bevolking. De bulk vaan die christene is katholiek. 't Joededom heet roond de 1500 aonhengers, veural op 't eiland Djerba.

Taol

De officieel taol is 't Arabisch, wat in gans 't land in zienen dialectische vörm weurt gesproke. Dit Tunesisch Arabisch, wat väöl Berberse, Franse en Italiaanse lienwäörd kint, is oonderdeil vaan de Maghrebijnse dialekgroop en laog in 'nen awwere vörm aon de basis vaan 't Maltees. Frans, de pos-koloniaol taol, weurt door väöl opgeleide lui es twiede taol gesproke. De Berbertaole, de oersprunkeleke taole vaan Noord-Afrika, zien in 't steidelek en gearabiseerd Tunesië wied trökgedroonge. Ze weure nog gesproke door sommege lui op Djerba en door de inwoeners vaan Matmata; in Sened storf 't in d'n twintegsten iew oet. De Berberdialekte vaan Tunesië stoon bekind es Shelha.

Sport

De belaankriekste sport is hei voetbal. 't Tunesisch voetbalèlftal won de Afrikacup in 2004 en deeg in 2006 veur de lèste kier mèt aon e Wereldkampiónsjap. Ouch handbal is populair.

Historie

Tunesië, Tunisiyyah, is geneump nao zien hoofplaots Tunis, e Berbers toponiem wat milennia trökgeit, meh wat ziech pas in d'n islamitischen tied oontwikkelde tot stad.

De oersprunkeleke bewoeners vaan Tunesië weure geach de Berbers te zien. Zij naome roond 4000 veur Christus de landbouw euver vaan de Egyptenere. Landbouw waor meugelek in de vröchbaar kösstrieke vaan 't land. Roond 't jaor 1000 veur Christus begóste de Feniciërs 't gebeed te kolonisere; koloniste oet Tyrus stiechde in de negenden iew veur Christus Carthago (volges de legende gebäörde dat oonder keuningin Dido in 814 v.Chr.). De Carthagers spraoke e dialek vaan 't Fenicisch, 'n hendeg aon 't Hebreeuws verwante Semitische taol, en verierde Kanaänitische gode wie Baäl en Tanit.

Carthago greujde oet tot 'n groete machsfactor, zeker naotot de concurrentie mèt de Griekse kolonies op Sicilië leide tot 'nen oorlog dee Carthago won. Boete Noord-Afrika bojde de stad zien imperium oet tot in Spaanje. De naom Hispania weurt geach vaan Carthaagse orizjien te zien. Concurrentie mèt 't Romeins Riek veurde tot de Punische Oorloge, boebij Hannibal (in Tunesië nog ummertouw gezeen es nationalen held) de Romeinse Republiek hendeg bedreigde. Roeme won de oorloge evels en Carthago woort oetindelek (nao de Slaag um Carthago, 149 veur Christus) platgelag. Nao de vereuvering góng Tunesië wijer es de Romeinse provincie Africa, wat 'land vaan de Berbers' beteikent. Oonder Romeinse hiersjap woort 't land de graansjuur vaan 't Romeins Riek. In de ierste iewe vaan de jaortèlling verspreide ziech 't christendóm. In de viefden iew vestegde de Vandaole ziech hei, 'nen iew later kaom 't gebeed nog ins in Oos-Romeinse han, wie keizer Justinianus 't inliefde.

Aon de associatie mèt de Latiense en christeleke wereld kaom 'n ind roond 't jaor 700, wie de Arabiere 't land binnevele en d'n islam brachte. Zij stiechde de stad Kairouan, boe de ajdste moskee in de westeleke islamitische wereld steit. Tunesië, wat aonvenkelek Ifriqiyyah hètde, bleujde oonder islamitische hiersjappij, neet wieneg door de inveuring vaan irrigatie. 't Gebeed laog in de vreug middeliewe in versjèllende han; zoe regeerde hei in d'n tienden iew de Fatimide-dynastie. De twiste tösse de Ziride en de Hammadide d'n iew dao-op lete 't land in verval achter. In d'n twelfden iew kaom de Noormanne, die al e keuninkriek op (oets ouch Arabisch) Sicilië hadde, de kös vaan Tunesië kort bezètte. Naotot de Arabiere de Noormanne hadde verdreve, woort 't christendóm actief vervolg. Vaanaof oongeveer 1230 tot 1574 regeerde de Hafside, die vaan Berberse orizjien waore.

Aon 't begin vaan de nuien tied kaom Tunis, wie de res vaan de Maghrib (Barbarije), bekind te stoon es zieruiversnös. Dit kaom door de falende mach vaan de lèste Hafside. Door hun zwaakde vereuverde Spaanje väöl kösstei in Noord-Afrika. Ouch de Ottomaanse Turke droonge aon en oetindelek liefde ze de Maghreb in, boebij ze ouch de mieste Spaonse bezittinge pakde. De sultan delegeerde de hiersjappij aon liemaander (paşalar) en achterlienmaander (beyler). De beyler haolde oetindelek groete otonomie. Vaanaof 1705 regeerde de Husseinide (e Turks geslach wat vaan Kreta aofkumsteg waor). In de negentienden iew kaom 't Turks Riek, ouch Tunesië, in verval en mingde Westerse len ziech ummer mier in de binnelandse politiek. In 1881 bezatte de Fransoze 't, en maakde 't land e protectoraot, boebij de Hoesseinide es keuninge mochte aonblieve.

In 1942 waor Tunesië de buun vaan hevege gevechte. De Geallieerde, die mèt Operatie Toorts in Noord-Afrika aon land waore gekoume, avanceerde tot aon Tunesië vaanoet 't noorde en vaanoet 't zuie (nao de Slaag bij El-Alamein). Veldmaarsjalk Erwin Rommel begós 'n tegecampagne tege de Amerikane, wat in 't begin good lökde. Oetindelek wiste ziech de Geallieerde te vereinege en braoke ze door de Marethlinie heer.

Nao d'n Oorlog naom de oonrös in gans Frans Noord-Afrika touw; ouch in Tunesië. In 1955 woort beslote tot otonomie, ind 1956 woort 't land al oonaofhenkelek. De bey, Mohammed VIII al-Amin, waor neet geleef en heer mós in 1957 al aoftrejje. Daomèt woort Tunesië 'n republiek, 'n einpartijstaot feitelek, oonder Habib Bourgiba. Dezen dictator weurt wel mèt Atatürk vergeleke: heer waor oetgesproke secularistisch en heel 'ne persoenlekheidscultus um ziech op. Heer brach stabiliteit, wat häöm in de Westerse wereld steun oplieverde. In november 1987 trooj heer trök en woort generaol Zine El-Abidine Ben Ali president. Heer veurde e vergeliekbaar beleid wie ziene veurgenger, wat 't land economische veurspood brach meh persoenleke vrijhede minimaliseerde. Wie de economie verslechterde, kierde ziech de bevolking tege häöm. Ind 2010 en begin 2011 kaom 't tot 'ne volksopstand, dee Ben Ali op de vlöch jaogde en de regeringspartij oet 't zaol stoetde. Dees gebäörtenis kaom internationaol bekind te stoon es de Jasmienrevolutie, en zat 't zoegeneump Arabisch Veurjaor in gaank.

Bronne

Dit artikel is gebaseerd op, meh neet vertaold vaan, 't corresponderend Ingels artikel.

Externe link

Lenj in Afrika
Algerieë · Angola · Benin · Boeroendi · Botswana · Burkina Faso · Centraal Afrika · Comore · Djibouti · Egypte · Equatoriaal Guinee · Eritrea · Ethiopië · Gabon · Gambia · Ghana · Guinee · Guinee-Bissau · Ivoorkös · Kaapverdië · Kameroen · Kenia · Kongo-Brazzaville · Kongo-Kinshasa · Lesotho · Liberia · Libië · Madagaskar · Malawi · Mali · Marokko · Mauritanië · Mauritius · Mozambique · Namibië · Niger · Nigeria · Oeganda · Rwanda · São Tomé en Príncipe · Senegal · Seychelle · Sierra Leone · (Noord-)Soedan · Somalië · Swazilandj · Tanzania · Togo · Tsjaad · Tunesië · Zambia · Zimbabwe · Zuud-Afrika · Zuud-Soedan
Betwis en neet-erkèndj: Somalilandj · Westelike Sahara
Aafhenkelike gebejer: Azore · Canarische eilenj · Ceuta · Madeira · Mayotte · Melilla · Réunion · Sint-Helena
25 juli

Heiligedaag van Jacobus de Meerdere

Afrika

Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.

Afrika is 't continent ten zuude van Europa, tusje de Atlantische en de Indische Oceaan. De naam Africa waor in de Oudheid iesjt veurbehoude aan 't gebeed van wat noe Tunesië heit.

Later numde men de ganse kusjstrouk Africa en in de tied van ondikkingsrieze 't ganse continent. In 2000 tilde 't continent ongevier 795 miljoen einwoeners. In Afrika lèk ouch de Nijl, de langste reveer oppe waereld.

Vaak bedoelt men mit Afrika eigenlijk Traupisj Afrika, de leng ten zuude van de Sahara mit oetzondering van Zuud-Afrika. Alle leng in Traupisj Afrika zunt ontwikkelingsleng.

Algerije

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Algerije (officieel الجمهورية الجزائرية الديمقراطية الشعبية) is e land in Noord-Afrika mèt 'n Arabisch-islamitische cultuur. Nao oppervlak is 't 't groetste land vaan Afrika. Algerije grens aon Marokko, de Westeleke Sahara, Mauretanië, Mali, Niger, Libië en Tunesië. Ten noorde ligk 't aon de Middellandse Zie. Hoofstad is Algiers, aander stei zien Oran, Annaba, Biskra en Bechar. 't Noorde vaan 't land heet in Middellandse-zieklimaat; 't zuie, aofgesjeie door de Barbarijse Hoegvlaakde, is ein groete weuste, mèt gans in 't zuie 't Ahaggar-massief.

Arabisch Veurjaor

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

't Arabisch Veurjaor (Arabisch الثورات العربية ath-Thawraat al-'arabiyyah 'de Arabische opsten') is de bijnaom vaan 'n serie proteste en opsten in de Arabische wereld, bedoeld um rivveluties of wiedgoonde hervörminge aof te dwinge en democratie tot stand te bringe. De proteste begóste in december 2010 in Tunesië en höbbe ziech sindsdeen euver bekans alle Arabische len oetgebreid. Ouch zien ze nao 'n aontal neet-Arabische len euvergeslage. 't Arabisch Veurjaor waor in 2011 bekans doorloupend wereldnuits en heet tot noe touw (haafweeg oktober 2011) geleid tot rivvelutie in Tunesië en Egypte, 'ne börgeroorlog rizzelterend in rezjiemwissel in Libië, börgeroorloge in Syrië en Jeme en substantieel hervörminge in oonder mie Marokko en Jordanië.

De revoluties woorte euver de ganse wereld verwelkomp es veraandering de goje kant op, meh hadde ouch hunnen duustere kant. In sommege lan leek oetindelek niks te zien veraanderd, in aandere braoke börgeroorloge oet. In die börgeroorloge naome regionaol en mondiaol machte 't dèks indirek tegenein op; wijer zörgde dees oorloge veur de opkoms vaan extremistische terreurgróppe wie IS.

De naom Veurjaor is 'n metafoor veur 'n verzachting vaan repressief bewind; vergeliek oonder mie 't Praags Veurjaor en d'n Doej vaan Chroesjtsjov.

Bani Hilal

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Taghribat Bani Hilal (تغريبة بني هلال, ooch bekaand es Sirat Abu Zeid Al Hilali سيرة ابي زيد الهلالي) is e Arabisch epos dat vertèlt över Banu Hilal's rees van Egypte nao Tunesië en de verovering van 't lètste. In 2003 is 't verhaol oetgerope töt Waelterfgood dör de UNESCO.

Ceuta

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Ceuta (IPA: [ˈθeuta]), in Marokko gespèldj en oetgespraoken es Sebta (سبتة), is aevenes de 300 kilomaeter wiejer oeastelik gelaengen autonoom stad Melilla 'n exklaaf van Spanje.

Ceuta ligk ane Naord-Afrikaanse kantj vanne Straot van Gibraltar, ane Middellandjse Zieë. Vreuger vool de stad ónger bestuur vanne Spaanse pervinsje Cádiz, saer 1995 is 't 'n Ciudad Autónoma, 'n autonoom stadsgewès binnen 't Spaans keuninkriek. Ceuta grens ane snel-greujendje Marokkaanse kusstad Fnideq. Marokko betrach Ceuta, de oeasteliker gelaenge vestingsstad Melilla en zeve ónbewóndje eilenj veure Naord-Afrikaanse kus, same de zoeageneumdje Plazas de soberanía, es bezatte Marokkaans gróndjgebied.

Ceuta is 'n vriehave. Es Spaans gróndjgebied is 't waal lid vanne Europese Unie, mer oetgezunjerdj vanne Europese belastingswètgaeving. Daodoor is Ceuta in trèk bie Spanjaarde, veural Andalusiërs, es bestumming veur daaguutjes. Jäörliks kómme nao sjatting ei miljoen toeriste nao Ceuta veur dao belastingvrie te winkele. De wichtigste winkelstraot van Ceuta is 'n lang aaneinsjakeling van winkele veur parfums, sigarette, alcohol en veural lektronica.

De mieëderheid vanne bevölking is van Spaanse aafkóms, mer ouch 'n groeate minderheid van Marokkaanse aafkóms wóntj dao en anger klein minderheje, wie jude en hindoes, guuef 't ouch.

Vanoet Algeciras veurtj óngevieër eder oer 'ne snel vaerboeat in fieërtig menuut euvere Straot van Gibraltar nao Ceuta. Vanoet Málaga is vief kieër d'n daag 'n liendeens mitte helikopter.

Egypte

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Egypte (مصر, Misr of Masr in Egyptisch dialek), officieel de Arabische Rippebliek Egypte (جمهوريّة مصرالعربيّة) is e land in 't uterste noordooste vaan Afrika. 't Land bevat ouch de Sinaï-weuste, die al tot Azië gerekend weurt. Hoofstad is Caïro. De naom Egypte is vaan Griekse origine (op zien beurt weer 'n vervörming vaan Hu-ka-Ptah) en stamp al oet de aajdheid; 't land herbergde daan ouch ein vaan de ierste minseleke besjavinge. 't Land steit bekind es ein hoonderde kilometers lang oase in de Sahara-weuste die weurt gevörmp door de Niel.

Ethiopië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Ethiopië is e land in d'n Hore vaan Afrika. 't Grens aon Eritrea, Djiboeti, Somalië, Kenia, Zuid-Soedan en Soedan. Hoofstad is Addis Abeba. 't Land kint gein köslijn en besteit veur e groet deil oet hoegland. Ethiopië is e cultureel divers land. De dominante cultuur is Semitisch, meh nog diverse aander taolgróppe (veural Koesjitische) zien in 't land te vinde. De iewenaw cultuur dreug väöl unieke eleminte in ziech: zoe heet 't land 'ne gans eige vörm vaan 't christendom, e gans eige sjrif en 'ne gans eige kalender.

Ethiopië is de plaots vaan diverse aw besjavinge, boe-oonder 't keuninkriek Aksum. Um en bij 't jaor 1137 woort 't keizerriek gestiech, wat 't land iewelaank zouw regere. Tegen 't ind vaan de negentienden iew naom d'n Europesen invlood touw, meh op 'ne korten tied vaan Italiaanse bezètting nao is 't land noets gekoloniseerd gewore. Ouch heimèt is Ethiopië uniek in Afrika. 'n Revolutie tegen 't keizerlek rezjiem, chaos oonder 't communistisch bewind en 'ne börgeroorlog dee indegde mèt 'n nui revolutie höbbe 't land deep in de ermooj en hoongersnoed geduid. Sinds 1990 heet 't ziech bitteke bij bitteke herstèld.

Dit artikel is e sjtumpke. De kans Wikipedia helpe door 't aan te völle

Libië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Libië (Arabisch: ليبيا, lībiyyā) is 'n Arabisch land in Noord-Afrika. 't Land grens in 't weste aon Tunesië en Algerije, in 't ooste aon Egypte, in 't zuie aon Niger en Tsjaad, in 't zuidooste aon Soedan en in 't noorde aon de Middellandse Zie.

Lies van continente en lenj

Hei volg 'n lies vaan continente en de len die dao-op ligke.

Madeira

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De Autonoom Regio van Madeira is ei vanne autonoom gebiede van Portugal. De regio steitj geliek ane archipel van Madeira. De autonoom regio van Madeira is opgenómmen inne Portugese gróndjwèt en maak deil oet vanne Europese Unie.

De eilenj Madeira en Porto Santo, die deil oetmake vanne archipel van Madeira, woorte volges sómmige historici al óntdèk dore Romeine, mer hieveur is gei kónkrieët bewies gevónje. In 1418 woort Porto Santo (her)óntdèk dore Portugezen en Madeira volgdje in 1419. De regio is de op ein nao riekste regio van Portugal. 't Is 'n hieël populair bestumming ónger toeriste vanwaengen 't gemaotig klimaat, zowaal inne zómmer es inne wintjer. Daonaeven is 't bekèndj veure madeirawien, dae oppe archipel wuuertj verboedj.

Marokko

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Marokko is e land in 't uterste noordweste vaan Afrika. 't Grens aon Algerije, de Westeleke Sahara (wat 't claimp en bezat hèlt) en aon de Spaonse exclaves Ceuta en Melilla. Rekent me de Westeleke Sahara mèt, daan grens 't land ouch aon Mauritanië. Hoofstad is Rabat, twie groete stei zien Casablanca en Marrakech. De Marokkaanse cultuur vermingk Arabische en Berberse eleminte.

Mayotte

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Mayotte (Shimaore: Maore of Mahoré; Malagasj: Mahori) is e Frans euverzieëdepartement, gelaengen inne Indische Oceaan tösse Madagaskar en Mozambique. De valuta is d'n euro. Mayotte gebroek de Franse driekluuer es de vaan.

Mayotte haet .yt es eige topleveldomien.

Melilla

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Melilla is 'n Spaanse exklaaf en ein vanne twieë autonoom stej van Spanje, naeve Ceuta. Melilla ligk in Naord-Afrika, ane Middellandjse Zieë, en haet 'n inwoeaneraantaal van get mieër es 80.000.

De economie vanne stad drejtj oppe aeteswaarindustrie, visserie enne visverwirkendje industrie (conserve). Wiejer is 't toerisme 'n wichtige brón van inkómste veure stad.

De aaj stad is door zèsdjenieëfse moeren ómgaoven en ligk zoeaget dertig maeter hoger es de nuuj stad. 't Steielik museum bevatj archeologisch vónjste vanne stad.

Melilla is 'n vriehave saer 1863. 't Woort vereuverdj in 1497 dore Spanjaard Don Pedro de Estopiñán veur 't Hoes van Medina Sidonia, en ligk oppe Fenicische hanjelsplaats Rusadir. Marokko betrach Melilla, de wiejer wèstelik gelaenge vestingsstad Ceuta en zeve ónbewóndje eilenj veure Naord-Afrikaanse kus, same de zoeageneumdje Plazas de soberanía, es bezatte Marokkaans gróndjgebied.

Naord-Afrika

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Naord-Afrika is 't deil van 't Afrikaans kóntinent t'n naorde vanne Sahara. Hie ligke de lenjer Marokko, de Wèstelike Sahara, Algerieje, Tunesië, Libië, Soedaan, Zuud-Soedaan en Egypte. Bie oetbreijing waeren ouch Eritrea, Ethiopië en Mauretanië waal 'ns opgenómme in Naord-Afrika.

Noord-Afrika is het gedeelte van het Afrikaanse continent ten noorden van de Sahara. Hier liggen de landen Marokko, Algerije, Tunesië, Libië, Soedan en Egypte.

't Naord-Afrikaans kösgebied woorte vreugere dore Europeane Barbarieje geneump, nao 't dao-laevendj Berbervouk.

Sardinië

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Sardinië (Italiaans: Sardegna) is 'n Italiaans eilandj inne Middellandjse Zieë. 't Ligk drek t'n zuje van 't eilandj Corsica, t'n wèste vanne Italiaanse bot en t'n naorde van Tunesië. Mit 24.090 km2 is 't nao Sicilië 't grótste eilandj vanne Middellandjse Zieë. 't Haet óngevieër 1,65 miljoen inwoeaners. De houfstad van Sardinië is Cagliari, det op 't zuje van 't eilandj ligk. Sardinië is 'n autonoeam regio binne Italië.

't Eilandj haet e subtroeapisch, mediterraan klimaat. De zómmers kónne hieël werm zeen enne wintjers zeen normaal gespraok mildj.

De spraok die op Sardinieë wuuertj gekaldj is 't Sardiens. Dit is ein vanne archaïschste Romaanse spraoke en steitj dus betrèkkelik kórtbie 't Klassiek Letien.

Sicilië

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Sicilië (Italiaans: Sicilia) is 'n eilandj en 'n autonoeam regio van Italië inne Middellandjse Zieë. 't Ligk t'n zuudwèste vanne op 't Italiaans vastelandj gelaenge regio Calabrië en t'n naordoeaste van 't Naord-Afrikaans landj Tunesië. d'n Officiëlen Italiaansen en Siciliaanse naam is Sicilia. d'n Aad-Griekse naam Trinakria beteikentj "eilandj mitte drie puntje". Dit is ouch de naam van 't vaan.

De oppervlakdje van 't eilandj is 25.709 km². 't Eilandj is maximaal 230 km lank en 170 km breid. De kuslien is zoeaget 1000 km.

Toete autonoeam regio Sicilië behuueren ouch de (Liparische of) Eolische eilenj, 't eilendje Ustica, de Egadische eilenj, 't eilandj Pantelleria enne Pelagische eilenj. De litste twieë ligke veure kus van Tunesië en huuere geologisch toet 't Afrikaans kóntinent. d'n Eilandjstaot Malta ligk t'n zuje van Sicilië.

Tanzania

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Tanzania (Swahili: Tanzanía), volledege naom Vereinegde Rippubliek Tanzania, is 'n oonaofhenkelek land in Oos-Afrika en grens aon Kongo-Kinshasa, Roeanda, Boeroendi, Oeganda, Kenia, Mozambique, Malawi en Zambia. 't Is 'n rippubliek mèt 'n federaole structuur (Tanganyika en Zanzibar). De naom Tanzania is 'n sametrèkking vaan de twie stamme Tan en Zan.

Dit artikel is e sjtumpke. De kans Wikipedia helpe door 't aan te völle

Zuid-Afrika

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Zuid-Afrika is 'n federaal democratische rippebliek aon de zuidpunt vaan Afrika. In vergelieking mèt aander len oet zuielek Afrika is 't etnisch divers: me vint hei lui vaan diverse hoedskleure en taolgróppe. 't Land heet èlf officieel taole en drei hoofstei: 't Parlemint resideert in Kaapstad, de regering in Pretoria en 't hoeggerechshoof in Bloemfontein. Groetste stad vaan 't land is Johannesburg. Zuid-Afrika is ein vaan de sterkste economieë vaan 't continent.

In anger sjpraoke

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.