Reef

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

E reef is 'n smaal, lankgerekdje óndeepdje in 't water van e maer of 'n zieë.

Meistes wuuertj 't reef gevörmp door rótse die steil oete baom ómhoeag staeke, mer ouch zandjbank kónne mitte term "reef" waeren aangeduudj. Zoea ligk inne Waddezieë tösse Amelandj en Sjiermónnikoug 'n zandjplaat die 't Rif wuuertj geneump. Wen e reef is opgeboedj oet organisme den neump me det e biogeen reef; bekèndj is 't koraalreef.

Australië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Australië (officieel Commonwealth of Australia, 'Gemeinebès vaan Australië') is e land wat 't gans continent Australië besleit en ten zuie vaan Indonesië en ten weste vaan Nui-Zieland ligk. 't Land is in personeel unie mèt 't Vereineg Keuninkriek, boevaan 't tot 1901 'n kolonie waor. Hoofstad is Canberra, aander stei zien Sydney, Melbourne, Brisbane, Darwin en Perth. Australië, e land mèt 'n sterke economie en 'n aonveurende rol binne Oceanië, oondersjeit ziech door 'n gans eige natuur die ziech in mieljoene jaore vaan isolatie heet gevörmp.

Kattegaat

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

't Kattegaat (Deens: Kattegat; Zweeds: Kattegatt) is de zièstraot tösse Hallandj in Zwede en Jutlandj in Denemarke, die deil oetmaak van de verbinjing tösse de Naordziè en de Sont, in de richting van de Oasziè. Dees verlöp via 't Skagerrak, 't Kattegaat en de Sont, Groate Belt en Kleine Belt. De naam Kattegaat is aafkumstig van Nederlandjse zièmen en mèntj nejjen doorgank. Dezelvendje naam weurt ouch gebroek in 't Duutsj, 't Deens en 't Ingels. De Vikinge neumdje de ziè vreuger Jótlandshaf "Jutlandjse Ziè". 't Kattegaat haet väöl reef en óndeepdjes.

In 't Kattegaat mundj de reveer de Göta älv oet, aafkumstig vanoet 't groatse maer van Zwede, de Vänern.

De groatste eilenj die in 't Kattegaat ligke zeen Samsø, Læsø en Anholt. De litste twiè daovan staont bekandj es de Deense weusdjereem, door häör druèg zomerklimaat.

Kingmanrif

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

't Kingmanrif is 'n Oceanisch rif in de naordelike Groten Oceaan en maak 'n óngerdeil van de regio Polynesië. Sjtaatkundig gezeen maak 't deil oet van de Vereinigde Sjtate.

't Rif ligk in de Line-eilenj wotoe ouch de anger Amerikaanse territoria Jarviseilandj en 't Palmyra-atol beheure. De res van de Line-eilenj is óngerdeil van 't zujeliker gelaege landj Kiribati.

t'n Naorde van 't Kingmanrif ligk Hawaï, nao 't zuudooste ligke de Palmyra-atol en de euverige Line-eilenj die tót Kiribati beheure. Nao 't zuje ligk Jarvis en nao 't zuudwèste de Phoenixeilenj die tót Kiribati beheure. Nao 't wèste ligk veur e paar doezjend kilomaeter alein oceaan. 't Eerste landj is dao de Marshalleilenj.

Alein bie leegwater ligke deiler van 't rif baove water. Normaal gesjpraoke ligk 't ónger 't watersjpegel.

Rif

Rif kan verwieze nao:

Reef (óndeepdje in water);

Rif (Engelmansplaat);

Rif (tektoniek);

Rifberg.Dit is 'n verdudelikingspazjena.

In anger sjpraoke

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.