Gewoene chimpansee

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Lightmatter chimp
Gewoene sjimpansee, speulend mèt e stök pepier

De Gewoene sjimpansee (Pan troglodytes) is 'ne hoegoontwikkelden aap oet de femilie Minsape, dee in Middel-Afrika veurkump, en dèks zoonder mie sjimpansee geneump weurt; in dees encyclopedie weurt mèt deen term evels nao alle bieste vaan 't geslach Pan verweze, dus ouch nao de bonobo. Zien leefumgeving zien oerwoude en nate savannes; door oontbossing en bejaoging is hun leefgebeed de aofgeloupe decennia sterk trökgeloupe.

Fysieke kinmèrke

De gewoene sjimpansee waog gemeinlik tösse de 40 en 70 kg; de mennekes weure zwoerder en veural langer es de vruiwkes: ze hole 160 cm tegeneuver 130 cm bij de vruiwkes. Ze zien väöl sterker es lui, en höbbe, zjus wie al aander Ape boete de mins, geliekweerdege han en veu, zoetot ze mèt veer ledemate al kinne pakke. Ze höbbe 'nen draagtied vaan 8 maond en weure mèt naoventrint tien jaor volwasse; hun levesverwachting is oongeveer 50 jaor, tien jaor minder es me eins veur gezoonde lui rekende. Allewel tot de bieste veural fruit en blajer ete zien ze neet gaans vegetarisch: ouch insekte (wie termiete) en klein gewèrvelde bieste stoon op 't menu. Soms goon ze same op jach.

De gene vaan 'ne gewoene sjimpansee koume veur e hiel groet deil euverein mèt die vaan de mins (ongeveer 96% geliek); zoeväöl tot sommege biologe gemeind höbbe tot de sjimpansee in 't zelfde geslach es de mins eingedeild mós weure ("Homo troglodytes" en "Homo paniscus" zouw me daan kriege). 't Veurnaomste versjèl is tot de mins ei paar chromosome mis wat de ander minsape wel höbbe (23 bij de mins tegeneuver 24 bij de sjimpansees dus); veur de rès zien de versjèlle erg klein. Gemiddeld versjèlt 'ne gewoene sjimpansee genetisch tien kier zoeväöl vaan 'ne mins es twie willekäörige lui oonderein.

Sociaal verhajdinge

Gewoene sjampansees zien georganiseerd in gemeinsjappe vaan inkel tientalle bieste, meh bringe väöl tied mètein door in kleiner gróppe. Ze kinne zoewel in buim es euver de groond good veurtbewege en zien op bei plaotse oongeveer eveväöl te vinde. Mennekes en vruiwkes kinne eder hun eige organisatie, meh in principe zien de diere patriarchaal (aanders es bij de bonobo's). Sjimpansees make gein langdurege relaties wie de mins dat deit.

Bonobo

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De bonobo of Dwergchimpansee (Pan paniscus) is 'n klein soort chimpansee, ing verwant aon en uterlek koelek te oondersjeie vaan de Gewoene chimpansee en bekind um zien intelligentie en minselek gedraag. Wie de gewoen chimpansees deile ze naoventrint 96% vaan hun DNA mèt de mins. De bonobo's leve bij de Congo-reveer en weure in hun bestoon bedreig.

Chimpansees

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De chimpansees zien twie soorte minsape oet 't geslach Pan. 't Geit um de groete of gewoene chimpansee (Pan troglodytes) en de bonobo of dwergchimpansee (Pan paniscus). Ze liekene sterk opein en stoon ouch kort bij de mins; ze zien eus ingste verwante. De groete chimpansee leef in e gebeed vaan Wes- tot Midde-Afrika, de bonobo kump allein in Kongo-Kinshasa veur. Tot 1929 woorte ze veur ein soort aongezeen.

Allebei de soorte zien get klein veur minsape en leve 't bèste deil vaan d'n tied op de groond, al kinne ze good klumme. Ze loupe gemeinelek op veer pu, die wie de mieste minsape alleveer wie erm oetzien (mèt han aon veur- en achterpu), meh kinne good rechop goon. Ze zien bezunder intelligent en weure dao ouch dèks op getes; tot aon 't daarde jaor verlöp hun oontwikkeling zelfs snelder es die vaan e minsekeend. Hun dieet is omnivoor. Versjèlle tösse de bei soorte zien tot de bonobo e stök kleinder is (de groete chimpansee kin maanslaank weure, de bonobo noets groeter es e keend), get dèkser rechop löp en minder vleis èt. De belaankriekste versjèlle zitte evels in 't gedraag: de groete chimpansee leef in 'n ing en hiërarchische gemeinsjap mèt 'n alfamenneke wat in de jach veuraon steit, de bonobo evels is matriarchaol, egalitair, minder op vechte en mie op seks geriech.

Minsape

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Minsape of Hominidae zien 'n femilie vaan hoeg oontwikkelde zoogdiere oet de orde Aapechtege. Minsape zien groete ape, mèt veural 'nen oontwikkelde sjedel en rechopstaonde gaank. Vreuger woorte de gibbons, die primitiever zien, ouch tot de minsape gerekend. Ze zien verdeild in twie oonderfemilies: de Ponginae, die oet Azië koume, en de Homininae, die in Afrika hunnen oersprunk höbbe. Umtot de mins ouch tot dees femilie behuurt, is ze hiel intensief door biologe bestudeerd.

Rwanda

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Rwanda (officieel (Rwanda) Republika y'u Rwanda, (Frans) République de Rwanda, (Ingels) Republic of Rwanda) is 'ne binnestaot in midde-Afrika, grenzend aon (mèt de klok mèt) Oeganda, Tanzania, Boeroendi en Kongo-Kinshasa. Hoofstad is Kigali. 't Klein en diechbevolk land heet begin jaore negeteg zwoer te lije gehad oonder 'ne börgeroorlog en genocide.

In anger sjpraoke

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.