Galicië (Spanje)

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

Regio van Spanje
Galicië
Galicia
Vaan va Galicië Wape va Galicië
Laag va Galicië
Hoofplaats Santiago de Compostella
Opperflaakde 29.574 km²
Inwoeners
Deechde
2.732.347 (2015)
92,2/km²
President Alberto Núñez Feijóo
Vouksleed Os Pinos,
Taole Sjpaans, Galicisch
ISO 3166-2 ES-GA
Website www.xunta.es

Galicië (Sjpaans: Galicia; Galicisch en Portugees: Galiza) is ee va de 17 autonome regio's va Sjpaanje. Zie ligk in 't noardweste en me kalt hei ing ege sjproak, 't Galicisch. Dees sjproak is mieë verwant aan 't Portugees as aan 't Sjpaans. Zudelig grens de regio aa Portugal en oeëstelig ligke Asturië en Castilië en León. Westelig en noardelig ligk d'r Atlantischen Oceaan. De zieë die noardelig van Galicië ligk, weëd óch de Cantabrische Zieë genumt. Galicië hat ungeveër 2,7 miljoen iwuënesj op 'n oppervlaak va 29.574 km². Höar hoofsjtad is Santiago de Compostella, meh Vigo is de groeëtste sjtad.

Geografie

Paraño
Berg i Galicië
Estaca-de-bares
De Punta de Estaca de Bares

E groeët deel van 't Lank va Galicië behoeët tot 't Galicisch Massief en is doarum bergachtig. Ouw en geërodeerde berg tot 1.000 meter boave zieësjpegel bepale 't lanksjapsbild. In 't zuudoeëste kómme de tóppe tot de 2.000 meter. De regio hat óch de mieëts westelige en noardelige punt va Sjpaanje. 't Guëf twieë westeligste punte: d'r Cabo Finisterre en Kaap Touriñán. 't Noardeligste punt is de Punta de Estaca de Bares dat zich oetsjtik i g'n Cantabrische Zieë. De Peña Trevinca is mit 2.127 meter boave zieësjpegel d'r hoeëgsten berg.

Klimaat

De laag va Galicië zörg vuur e maritiem klimaat, dat ungewoeën is vuur Sjpaanse sjtandaarde. Dit klimaat kint milde zuëmesj en zachte wingtesj mit vöal consjtante nieërsjlaag. De zudelige sjtrieëk, vuural de provins Ourense, hat doateënge e mediterraan klimaat.

Administratieve idelóng

De regio Galicië is ungerverdeeld i veer provincies:

  • A Coruña
  • Lugo
  • Ourense
  • Pontevedra
 
Otonoom regio's in Sjpanje
Vaan van Sjpanje
Otonoom regio's:
Andalusië · Aragón · Asturië · Baleare · Baskeland · Canarische eilen · Cantabrië · Castilië-La Mancha · Castilië en León · Catalonië · Extremadura · Galicië · La Rioja · Madrid · Murcia · Navarra · Valencia
Otonoom sjtae:
Ceuta · Melilla

In anger sjpraoke

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.