Egeïsche Zie

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Locatie Egeische Zee
Ligking vaan de Egeïsche Zie

De Egeïsche Zie (Grieks: Αιγαίο Πέλαγος, Aigaío Pélagos, Törks: Ege Denizi) is 't deil vaan de Mediterraonse Zie dat ligk tösse Griekeland en Törkije. Ze ligk tösse de zuidkös vaan 't Griekse Oos-Macedonië, de weskös vaan 't Törkse Anatolië, de ooskös vaan 't midde vaan Griekeland en Thessalië, en Kreta. De zie is verneump nao Aegae, e Grieks dörpke dat allewijl Vergina weurt geneump. Dèks, wie in de mieste Slaovische taole en op 't Italiaans, weurt de Egeïsche Zie ouch de Witte Zie geneump.
Wiki letter w.svg  Dit artikel is e sjtumpke. De kans Wikipedia helpe door 't aan te völle

Centraol-Macedonië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Centraol-Macedonië (Ouch wel Middel-Macedonië, Grieks: Κεντρική Μακεδονία, Kentriki Makedonia, Bölgaars: Централна Македония, Tsentralna Makedonija en oppe Macedonische sjrijfwieze: Централна Македонија umtot die de я gebruuk) is 'n periferie (vergeliekbaar mèt de regio's in Fraankriek) in Griekeland. 't Is 't midde vaan 't Griekse Macedonië (vreuger Makednos), neet te verwarre mèt de rippubliek Macedonië, dat door de Grieke dèks oet prottes Rippubliek Skopje weurt geneump.

Dhilos

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Dhilos (Nuigrieks: Δήλος) is e Grieks eiland wat behuurt tot de Zuid-Egeïsche Eilen. 't Eiland ligk in de Zuid-Egeïsche Zie en is oonderdeil vaan de eilengróp Cyclade. 't Oppervlaak vaan 't gans eiland is 3 veerkante kilometer. De lengte is zoe'n 5 kilometer en de breidte 0,25 km. 't Hoegste punt vaan Dhilos is de berg Kynthos, dee 113 meter hoeg is. Volgens de census vaan 2011 gief 't 24 inwoeners op 't eiland. Dhilos behuurt tot 't departemint Mikonos (departemint) same mèt Mikonos en 't eiland vörmp ein gemeinte op ziechzelf. 'n Hoofplaots gief 't eigelek neet. De 24 lui die d'r woene, behiere de slaopgelegenhede aon de kös veur toeriste, veurnaomelek oet 't noorde en weste vaan Europa. 't Gief op Dhilos al besjaoving sins d'n twiede iew v. Chr.. In de aajdgrieksen tied woort 't eiland de heilege straot geneump.

Griekeland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Griekeland (Grieks: Ελλάς, Elláda) is 'n rippebliek op 't zuie vaan de Balkan, Zuid-Europa en 'ne staot vaan de EU. 't Land grens aon Albanië, Macedonië (boemèt 't e conflik euver de naom vaan dat land heet), Bölgarije en Törkije. 't Laand ligk aon de Mediterraonse Zie en aon de Adriatische en Egeïsche Zie en heet wel 1.300 eilen. De Griekse naom veur 't laand is al sins de ajdheid (H)ellas; de Latiense naom Graecia, woort oorsprunkelek inkel veur de Griekse kolonies in Zuid-Italië gebruuk. Neve de benaoming Elláda veur Griekeland, is de historische naom Ellas nog ummer populair. Evels allein in 't gebied in en roond Attika. De zouws de benaomingscultuur vaan Ellas dus kinne vergelieke mèt die vaan Holland veur Nederland.

Historie va Cyprus

Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.

De Historie va Cyprus besjleit de ganse, miensjeleke gesjiedenis van 't eiland Cyprus, oftewaal 't gebeed dat allewiel onger de Cypriotische Rippebliek vilt en de de-facto rippebliek Noord-Cyprus.

Karpathos

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Karpathos (Nuigrieks alfabet: Κάρπαθος) is e Grieks eiland wat behuurt tot de Zuid-Egeïsche Eilen en daomèt ziech ouch bevind in de Egeïsche Zie, tösse Rodos en Kreta in, gaar neet wiet weg vaan 't kleiner eilendsje Kasos, wat in 't zuidweste ligk, vaanoet Karpathos gezeen. 't Eiland steit bekind um zien vreemp dialek, dat ziech neet liet kinmerke es 'n euvergaank vaan twie taole (zoewie dat bij de meiste Egeïsche eilen wel 't geval is, ten opziechte vaan Grieks en Törks), meh es 'n mingsel vaan Nuigrieks en 't aajd Hellinistisch Egeïsch dialek dat hei veur de lèste kier zoen doezend jaor geleie woort gesproke. Nörges aanders es op Karpathos en naobereilaand Kasos kin me nog zoe klaor de spore vaan de Aw Egeïsche spraok hure.

Kos

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Kos (Nuigrieks: Κως) is e Grieks eiland dat oonderdeil is de Zuid-Egeïsche Eilen. 't Eiland ligk in de Egeïsche Zie en behuurt bij de eilengróp Dodekanesos. 't Oppervlaak vaan 't gans eiland is 290 veerkante kilometer. De lengte is 40 en de breidte ach kilometer. 't Hoegste punt vaan Kos is de berg Dikeos, dee 846 meter hoeg is. Volgens de census vaan 2011 gief 't 33.300 inwoeners op 't eiland. Kos behuurt bij 't departemint Kos (departemint) (same mèt Nisyros) en 't eiland vörmp ein gemeinte op ziechzelf. De hoofplaots is 't gelieknaomeg stedsje. 't Gief op Kos al besjaoving sins d'n elfde iew v. Chr..

Megisti

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Megisti (Griekse alfabèt: Μεγίστη, soms ouch Καστελλόριζο of Kastellorizo geneump, nao 't Italiaonse Kastelorizo, Törks: Meis) — spreek oet Meegiestie mèt de klemtoen op -gie- — is ein vaan de mies oosteleke eilen die nog tot Griekeland behure. Evels ligk 't op nog gein 2 km aofstaand vaan de Törkse kös. 't Vèlt oonder 't departemint vaan Rhodos en de regio Zuid-Egeïsche Eilen en ligk däörum ouch geografisch in de Egeïsche Zie.

Middellandse Zie

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Middellandse Zie (Spaons: Mar Mediterráneo, Frans: Mer Méditerranée, Italiaans: Mar Mediterraneo, Grieks: Μεσόγειος Θάλασσα of Mesógeios Thálassa, Turks: Akdeniz en Arabisch: Al-Bahara' Medala'osit) is 'n zie die gelege is tösse Noord-Afrika, Wes-Azië en Europa in. De Middellandse Zie weurt ummertouw gezeen es de grens tösse Europa en Afrika, zoewel veur de lui die e klein beeld vaan Europa höbbe, es de lui die geluive in 'n groeter geografisch Europa.

Mikonos

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Mikonos (Nuigrieks: Μύκονος) is e Grieks eiland wat behuurt tot de Zuid-Egeïsche Eilen. 't Eiland ligk in de Egeïsche Zie en behuurt bij de eilengróp Cyclade. 't Oppervlaak vaan 't gans eiland is 86 veerkante kilometer. 't Hoegste punt vaan Mikonos is 341 meter hoeg. Volgens de census vaan 2011 gief 't 10.190 inwoeners op 't eiland. Mikonos behuurt bij 't gelieknaomeg departemint es oonaofhenkelek regionaol einheid en 't eiland vörmp 'n gemeinte op ziech. De hoofplaots is 't gelieknaomeg stedsje. 't Gief nog 'n tiental aander dörpkes oppe eiland. 't Gief op Mikonos al besjaoving sins d'n èlfden iew veur Christus. In de Aajdgrieksen tied woort 't eiland nao ziene stiechter Miknos verneump, dee de kleinzoon zow zien vaan de god Apollo.

Naxos

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Naxos (Nuigrieks: Νάξος) is e Grieks eiland wat behuurt bij de Zuid-Egeïsche Eilen. 't Eiland ligk in de Egeïsche Zie en behuurt bij de eilengróp Cyclade. 't Oppervlaak vaan 't gans eiland is 448 veerkante kilometer. 't Hoegste punt vaan Naxos is de Zas, dee 1001 meter hoeg is. Volgens de census vaan 2011 gief 't 25.000 inwoeners op 't eiland. Naxos behuurt bij 't gelieknaomeg departemint es oonaofhenkelek regionaal einheid same mèt Amorgos en 't eiland vörmp twie gemeintes: Naxos en Amorgos. De hoofplaots is 't gelieknaomeg stedsje. 't Gief op Naxos al besjaoving sins 3000 veur Christus. In de Aajdgrieksen tied woort 't eiland ouch wel Portára geneump, nao de bekinde poort die de Awgrieke höbbe achtergelaote op 't eiland. Plan waor de poort oet te bouwe bis e reusechteg gebouw um de God Apollo te iere. Dit is evels nao de val vaan d'n hierser noets gelök. In de Vieftienden iew waor Naxos e bekind hertogdom in Zuid-Europa. 't Eiland is bekind door zien Venetiaonse architectuur, door de lange euverhiersing vaan Venies. Heidoor gief 't ouch nog altijd 'n belaankriek katholieke minderheid oppe eiland, neve de Griekse orthodoxie.

Noord-Egeïsche Eilen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Noord-Egeïsche Eilen (Grieks: Βόρειο Αιγαίο, Vorio Ejeo, Törks: Kuzey Ege) is 'n periferie (vergeliekbaar mèt de regio's in Fraankriek) en 'n eilengróp in Griekeland. Soms weurt in Europa de benaoming Noordelike Egeïsche Zie gebruuk. Evels is dit neet de riechteg benaoming.

Oos-Macedonië en Thracië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Oos-Macedonië en Thracië (Grieks: Ανατολική Μακεδονία και Θράκη, Anatoliki Makedonia ke Traki, Bölgaars: Източна Македония и Тракия, Iztogkna Makedonija i Trakija, Törks: Doğu Makedonya ve Trakya) is 'n periferie (vergeliekbaar mèt de regio's in Fraankriek) in Griekeland. 't Is 't ooste vaan 't Griekse Macedonië (vreuger Makednos), neet te verwarre mèt de rippubliek vreuger Joegoslavische Rippubliek Macedonië, dat door de Grieke dèks oet prottes Rippubliek Skopje weurt geneump. Thracië heet evels noets get te make gehad mèt Grieks Macedonië. 't Heet zelfs hiel laank niks mèt de Grieke gehad. 't Waor mie verboonde mèt Albanië, wie 't nog oonder Dracië veel, boe de naom Thracië woersjijnelek vaandan kump.

Pano Koufonisi

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Pano Koufonisi (Nuigrieks: Πάνω Κουφονήσι, Bove-Koufonisi), Koufonisi, Koufonissi of Koefonisia zien twie Griekse eilen die behure tot de regio vaan 't väöl groeter eiland Kreta. De eilen ligke in de Egeïsche Zie en hure bij de eilengróp Cyclade. Puur geografisch gezeen zow 't logischer zien um de Koufonisi te zien es deil vaan de Zuid-Egeïsche Eilen. 't Oppervlaak vaan de twie eilen same is 10 veerkante kilometer. Volgens de census vaan 2011 gief 't 366 inwoeners op 't eiland. De eilen zien gigantisch populair bij 't Europees toerisme door de witte strande en de typisch Cycladische architectuur.

Thessalië

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Thessalië (Grieks: Θεσσαλία, Thessalía) is 'n periferie (vergeliekbaar mèt de regio's in Fraankriek) in Griekeland.

Thira

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Thira (Nuigrieks: Θηρα), Thera of, of vaan 't Venisisch Santorini (Σαντορίνη, aofkomsteg vaan Sant Irini of Sint Irene, die hei in ballingsjap is gehiemeld in d'n daarden iew) is e Grieks eiland dat behuurt tot de Zuid-Egeïsche Eilen. 't Eiland ligk in de Egeïsche Zie en behuurt tot de eilengróp Cyclade. 't Oppervlaak vaan 't gans eiland is 105 veerkante kilometer. Volgens de census vaan 2011 gief 't 18.560 inwoeners op 't eiland. Thira behuurt tot 't gelieknaomeg departemint es oonaofhenkelek regionaal einheid en 't eiland vörmp twie gemeintes: Thira en Oia. De hoofplaots is Fira. Volgens d'n auteur Graham Philips zowwe de völkaonoetbarstinge in de Aajdgriekse tied in Thira zoen duuster wolke achter höbbe gelaote in Zuid-Europa en 't Midde-Ooste tot dit dezelfde duuster wolke waor die Mozes zaog tijdes de Plaoge vaan Egypte.

Tilos

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Tilos (Nuigrieks: Τήλος, Aajdgrieks: Τέλος, Telos, Turks: İlyaki) is 'n eiland in 't Grieks gedeilte vaan de Egeïsche Zie. 't Behuurt tot de regio vaan de Zuid-Egeïsche Eilen en 't departemint van Rhodos. 't Heet 'n oppervlaak vaan 64,525 km² en 'nen umtrèk vaan 61 km. Volges de census vaan 2011 gaof 't in deen tied op 't eiland 790 lui. Heimèt heet 't daan ouch 'n oppervlaaksdeechheid vaan 8 inwoeners per km². De mieste pläötskes op 't eiland zien gehuchte vaan neet mie es tien inwoeners. Ein dörpke heet evels 788 inwoeners en is logischerwies ouch de hoofplaots vaan 't eilendsje: Megalo Chorio. Dit is lètterlek Nuigrieks veur Groet Dörp. 't Gief ouch e bekind kepelleke op 't midde vaan 't eiland. In de aajdheid stoond 't eiland bekind es Agathussa (Αγαθούσσα). Me dink neet tot de naom Tilos hei vaandan kump. Wel stamp de Turkse naom mesjiens devaan aof; ouch dat is evels neet zeker.

In anger sjpraoke

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.