Broonstied

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De broonstied (ca. 2000 tot 800 v. Chr.) is in Nederland en Belsj de periode volgend op 't neolithicum of joonge steintied. In Midde-Europa is d'r tösse de joonge steintied en de broonstied nog 'ne kopertied te oondersjeije; in Wès-Europa en ouch in Nederland zien wèl kopere veurwerpe gevoonde (Veluwe), mèh dit waore oetzoonderinge.

De broonstied in Nederland kin oonderverdeild weure in:

  • Vreuge broonstied 2000 - 1800 v.Chr.
  • Middebroonstied 1800 - 1100 v.Chr. (Midde A: 1800 - 1500 v.C., Midde B: 1500 - 1100 v.C.)
  • Late broonstied 1100 - 800 v.Chr.

(De datering volg de Rieksdeens veur archeologie, cultuurlaandsjap en monuminte - R.A.C.M., veurheen Rieksinstituut Aajdheidkundeg bojemoonderzeuk in Amersfoort - R.O.B. http://www.archis.nl/).

Broons verving tiedens de broonstied geleijelek vuurstein es belangriekste materiaal veur gereidsjap en wapes en woort ouch gebruuk veur sierade. De ierste veurwerpe vaan broons waore veurnamelek bijjl, en ouch inkele dolke, hellebaarde (e soort wape) en sierade zoewie ermben. Broons woort langzaam algemeiner, en ummer mie soorte metale veurwerpe kaome in gebruuk.

Bronze age weapons Romania
Wapes oet de broonstied

Inkel veurbeelde vaan veurwerpe die oet broons gemaakt woorte:

  • Wapes: hellebaarde, dolke, zweerd, sjpeerpunte, pijlpunte
  • Gebruuksveurwerpe: bijjl, sikkels, bietels, metser, gereidsjap veur metaalbewerking
  • Seeraode: mantelspelde, èrmben, torques (verseering veur de hals), spirale, kraole

Broons waor in us land sjaars. De groondstoffe veur broons, kopererts en tinerts, käöme namelek neet veur in Nederland. Al 't broons mos dus geïmporteerd weure. Veul geschikte ruijlmiddele waore d'r neet. Waorsjijnlik woort als ruijlmiddel barnstein en zaajt gebruuk, tege kant en klaor broonze producte of broons sjrööt. Vaan opgebruukte veurwerpe woorte lokaal weer nuij veurwerpe gegote. Umdat broons zo sjaars waor, heet 't vuurstein noets compleet vervaange. Vreemd genog zien daoveur in Limburg (nog) gein aonwiezinge gevoonde.

In versjèllende streke voond broons neet tegeliek ingaank en de exacte datering vaan de broonstied kin dus per land versjèlle. De kinnes veur het bewèrke vaan metale, inclusief broons, oontstoond in 't Midde-Oeste. Dao woort broons sinds ca. 3000 v. Chr. gebruuk. Dees kinnes heet z'ch langzaamaon verspreid door Europa tot 't ouch us land bereikde.

Sómmege vaan de aajds bekinde verhaole, zoewie de Ilias, de Odyssee en 't Gilgamesh epos speule z'ch in de broonstied aof.

Nao de broonstied kaom de iezertied.

Extern links

Borger-Odoorn

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Borger-Odoorn is 'n gemeinte in de Nederlandse provincie Drente, gooddeils in de Veenkolonië, tege de grens mèt Groninge, mèt 'n oppervlak vaan 277,92 km2 (daovaan 2,74 km2 water) en per 1 april 2016 25.390 inwoeners. De gemeinte besteit oet de kerne 1e Exloërmond, 2e Exloërmond, 2e Valthermond, Borger, Bronneger, Buinen, Buinerveen, Drouwen, Drouwenerveen, Ees, Eesergroen, Exloërveen, Exloo, Klijndijk, Nieuw-Buinen, Odoorn, Odoornerveen, Valthe, Valthermond, Westdorp en Zandberg.

De gemeinte oontstoont in 1998 oet samevoging vaan de aw gemeintes Borger en Odoorn. Dees twie gemeintes bestoonte al vaanaof de inveuring vaan de Gemeintewèt; de ander dörper in de gemeinte zien noets 'n zelfstandege gemeinte gewees. Ouch de twie aw gemeintes waore dus relatief groet in verglieking mèt de meiste ander Nederlandse gemeintes. Dat verraojt get euver de historie vaan 't gebeed: in 't verleie waor 't veural oontoontgonne veenland. In de negentiende en vreug twintegste iew woort hei op groete sjaol törf gestoke; op de groond dee achterbleef vestegde ziech erm boere. Väöl plaotsnaome oet de gemeinte laote ouch dudelek oondergesjikheid zien: 't veen of 't water (mond) vaan 'n awwer dörp.

't Pläötske Drouwen, wat in de gemeinte ligk, is bekind um häör groet aontal voondste oet de broonstied.

China

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Volksrippebliek China (Chinees 中华人民共和国, zhōng huá rén mín gòng hé guó) is e land in 't ooste vaan Azië. 't Is eine vaan de twie staote die claime de rechmaotege regering vaan China te zien; d'n aandere is de Rippubliek China. Dit land controleert sinds 1949 allein nog mer Taiwan. Sinds de jaore 1970, wie de mieste westerse len de communistische regering gónge erkinne, zien China en de Volksrippubliek China praktisch synoniem.

China is 't groetste land op eerd nao inwoeners en 't daarde of veerde land nao oppervlaakde. Veural 't ooste is hendeg diechbevolk; 't weste, wat veural door etnische minderhede weurt bewoend, is väöl minder bevolkingsriek. Hoofstad en groetste stad is Peking (Beijing), aander groete stei zien Nanking (Nanjing), Sjanghai, Guanzhou, Xi'an en Hong Kong. China grens aon Mongolië, Rusland, Noord-Korea, Vietnam, Laos, Birma, India, Bhutan, Nepal, Pakistan, Afghanistan, Tadzjikistan, Kirgizië en Kazachstan.

Haëmet

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Haëmets, as te dit dialek sjpriks.

Haëmet (Nederlands: Hamont) is 'n plaots in de Belzje provincie Limbörg, gemeinte Haëmet-Achel, tege de Nederlandse grens bij Buul (Budel). De deilgemeinte had op 1 jannewarie 2008 8.607 inwoeners, daovaan 8.115 in de kern Haëmet en 492 in 't gehuch 't Loeë.

Historie va Cyprus

Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.

De Historie va Cyprus besjleit de ganse, miensjeleke gesjiedenis van 't eiland Cyprus, oftewaal 't gebeed dat allewiel onger de Cypriotische Rippebliek vilt en de de-facto rippebliek Noord-Cyprus.

Historie vaan Nederland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Historie vaan Nederland is de ganse gesjiedenis vaan 't gebeed wat allewijl oonder 't Keuninkriek vaan de Nederlen vèlt of wat dao oets oonder heet gevalle. Veur de 19e iew gaof 't nog geine Nederlandsen einheidsstaot en tot deen tied hadde alle geweste, die al 'n tiedsje de polletiek, en nog väöl langer de semi geo-cultureel Nederlen vörmde, hunnen eige regeringsvörm. Ouch gaof 't regio's, wie Limbörg, die noets werkelek e Nederlands gewes höbbe gevörmp. De Nederlandse Historie kin nao väöl mie wieze es allein de allewijl term Nederland. Bis de oonaofhenkelekheid vaan 't Belsj, maakde 't deil oet vaan Nederland en daorum ouch deil oet vaan de Nederlandse historie. Daonao góng 't zienen eige weeg mer Nederlandse cultuur bleef 'n groete invlood höbbe op de historie vaan 't Belsj en visa versa. Veur de term Nederland (of Nederlen) woort geïntroduceerd, woort gesproke vaan de Lieg Len; oongeveer de allewijl Benelux (same mèt Noord-Fraankriek). Dèks vörmde zie allein e geografisch gegeve, mer zie höbbe ouch 'ne polletieke en ikkenomische force gevörmp. Zie make daorum ouch deil oet vaan de Nederlandse historie. Väöl gebiede, wie Limbörg en Gelderland, woorte bis de staotsvörming vaan Nederland ieder gezeen wie Hoegduits es wie Nederduits. Aandersum gief 't gebiede in allewijl Duitsland die veur 't groetse deil vaan de historie mie verboonde waore mèt Nederduitse es mèt Hoegduitse cultuur. E klaor versjèl tösse de Nederlandse historie en de historie vaan Duitsland is daorum ouch al neet zoe gemekelek te teikene. Op groeter sjaol, späölt dat perbleem ziech aof in eder nationaol historiografie binne de Historie vaan Europa, zoe ouch de gigantisch antieken invlood vaanoet de Historie vaan Griekeland en Historie vaan Cyprus op praktisch eder Europees land. Zoe waor 't gaans gebeed wat noe "Nederlands" is, veur e groet deil vaan de Napoleontische tied deil oetmakend vaan Fraankriek. Daodoor loupe de historie vaan Fraankriek en de Nederlandse historie ouch flink doorein. Die discussie zal 't ummertouw geve in nationaal historiografie; en weurt ouch zeker neet oontkind (mèt oetzundering vaan nationalistische). Neettemin perbeert me zoe coherent en realistisch meugelek e realistisch beeld te sjetse euver 't historisch oontstoon vaan 't fenomeen Nederland, zoe ouch in dit artikel.

Houten

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Houten is 'n greujstad (veurmaoleg dörp) en gemeinte in de Nederlandse provincie Utrech, te zuidooste vaan de stad Utrech. 't Oppervlak bedreug ongeveer 59 km² (inclusief water); 't aontal inwoeners löp tege de 50.000. Neve de hoofplaots Houtem umvat de gemeinte nog de dörper 't Goy, Schalkwijk en Tull en 't Waal en de naobersjappe Oud-Wulven, Honswijk, Den Oord en Molenbuurt (Loerik en Schonauwen zien intösse in de Houtense bebouwing opgenome). Naobergemeintes zien Utrech (noorde), Bunnik (noordooste), Wijk bij Duurstede (ooszuidooste), Culemborg (zuidzuidooste), Vianen (zuidweste) en Nieuwegein (weste); de gemeintes Culemborg en Vianen zien allein euver de Lek te bereike. Houten is sinds de jaore 1970 oetgegreujd vaan e landbouwdörp tot 'n veurstad vaan Utrech.

Iezertied

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

D'n iezertied (Iezertied in Europa vaan ca. 750 v. Chr. tot de Romeine nao de lage landen kaome - roond 't begin vaan us jaortèlling) is de periode in de prehistorie die volgde op de broonstied. De naom kump vaan het väöle gebruuk vaan iezer bij 't make vaan metale veurwerpe.

Iezertied in Europa

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Kelte

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

De Kelte zeunt 'ne groep zelfsjtendige sjtamme in d'r Iezertied in Europa die 'n Keltische taal kalde. Van èè volk is evvel noeëts sjprake gewes ömdat d'r noeëts e centraal machscentrum waor. De Kelte howwe hunne oorsjprong in e gebied ten noorde van de Alpe mèt de Hallstatt-cultuur en óp hun hooeëtepeunt in de La Tène periode waoërt de taal in bekaans gaan Europa gekald. De versjprèjjing van de taal zów vólges de golftheorie plaatsj ha voonde. De later romanisering en germanisering ooch.

Op 't Belsj is 't gebroek öm de bevolking van d'r late iezertied ooch te ömsjrieve es Kelte. Nederlandse archeologen vólge dis gewuuënte neet en behelpe zich hoeëgoet mèt Keltisch-Germaanse bevolking. Oet Romeinse bronne weet v'r dat 't gebied van 't Belsj en Nederlands Limburg en Luuk van allewiel in d'r late iezertied waoërt bewónd dör de Eburone. Zoewaal d'r naam van d'r sjtam es de name van de aanveurders die Julius Caesar in 50 v.Chr. versjloog - Ambiorix en Catuvolcus - zeunt Keltisch. Dao keumt bie dat versjèjje archeologische vondste wieze óp nauw cultureel contacte mèt 't Duutsje midde-Rien gebied en mèt 't noordooste van Fraankriek. Die sjtrieëke waore oonmiskenbaar Keltisch. Saer de vondst va meunte in Amby in 2008 geet me d'r sjtilaan ooch in Nederland vanoet dat Limburg in d'r Romeinse tied Keltisch waor.

Wat v'r van de Kelte wete haant v'r van de duiding van archeologische materiaal en oet de besjrievinge van de Romeine. De Kelte èges howwe 'n oraal traditie en sjraeve bekaans neet.

Latien

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

't Latien waor de taol vaan de aw Romeine. In 't westelek deil vaan hun imperium woort hun taol es handelstaol gebruuk en in 't groetste deil devaan is ze ouch de volkstaol gewore. 't Frans, Spaons, Portugees, Italiaans en de ander Roemaanse taole stamme aof van 't Latien.

Na 't oetereinvalle vaan 't Romeins Riek bleef 't iewelaank de taol vaan de Roems-Kathelieke Kèrk en vaan de wetensjap. Nog ummertouw weurt op gymnasia in Nederland en 't Belsj Latien oonderweze, veural veur de werke vaan de klassieke Latiense sjrievers te kinne leze. 't Aajdgrieks heet 'n zelfde positie, allewel tot daoraon get minder tied besteid weurt.

Mäölesjpèl

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

't Mäölesjpèl is 'n ieëwenaod, abstract, strategisch bordsjpèl. Van d'r 12de bis d'r 18de ieëw waor 't mäölesjpèl 't mits geleefde bordsjpèl in Europa. Vanaaf 't begin van d'r 19de ieëw wert 't laangsem verdronge dör 't sjaaksjpèl.

Nederland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Nederland is e land in Wes-Europa. In 't bezunder is 't dit deil vaan 't Keuninkriek vaan de Nederlen wat in Europa ligk; ouch Caribisch Nederland (of de BES-eilen) maak evels deil devaan oet. De grens is 1027 kilometer laank en sjeit Nederland vaan 't Belsj en Duitsland. In 't noorde en weste weurt Nederland door de Noordzie begrens; de kös is 451 kilometer laank. 't Totaal landoppervlak bedreug 41.526 km²; de bevolking besteit oet good 17 miljoen lui. Daomèt is Nederland eint vaan de diechsbevolkde len op Eerd.

De hoofstad is Amsterdam, meh de regering zit in D'n Haag.

Paolhoes

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

e Paolhoes is e hoes dat op päöl geboewd is. D'r zeunt in Europa voondste va reste van dit saoërt hoezer bekaand vanaaf 't neolithicum of jonge sjtèètied. In Sint-Lambrechts-Herk, bie Hasselt zeunt reste va 'n paolhoes aa-getroffe.

Paolhoezer waoërte geboewd in vöchtège sjtieëke, wie beemde en moerasse. De hoezer besjermde taege 't water mae ooch taege roofdere of vijandelek gezinde aander sjtamme.

't Paolhoes op 't plaetsje leenks is 'n reconstructie van zoe'n hoes oet d'r broonstied in 't Duutsje Unteruhldingen an de Bodensee.

Prehistorie

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

De prehistorie is de periode die an de historie väöraafgèèt. Oet dae tied haant v'r gèng sjrifteleke bronne en me besjtudeert de prehistorie dan ooch an de haand van materieel reste of artefacten. De archeologie is naeve de geologie, 'n vakgebeed dat de prehistorie oonderzeukt.

Euver 't exak indspunt en definitie vaan dees periood besteit hendeg väöl discussie. In ruim zin weurt de term gebruuk veur de historie die gans laank geleije is, allewel dat natuurlek e vaag begrip is. In princiep kin daan mèt de term de gans historie vaan de Eerd sinds häör oontstande weure gemeind, meh dèks weurt es me euver prehistorie praot allein geriech op dat gedeilte vaan de historie sinds dat 't leve oontstande is, of zelfs sinds dat de mins oontstande is. Es indspunt vaan de prehistorie weure in de kal ouch versjillende markante punte oet de historie gehanteerd, zoewie 't oontstande vaan de Europese cultuur, de geboorte vaan Christus, of 'n aander markant gebäörtenis zoewie de ierste gesjreve brón.

De weitesjappelek en meis gengbaar definitie vaan de prehistorie is de periood oet de historie boevaan veer gein gesjreve brónne höbbe gevoonde, of dees brónne neet verstaon. Zoe geïnterpreteerd is 't umslaagpunt dat es indspunt vaan de prehistorie weurt gedefinieerd, dus 't jaor vaan oersproonk vaan de aajdst bekènde gesjreve brón die v'r verstaon. Dat gegeve, en daomèt 't ind vaan de prehistorie, kin evels per cultuur of gebeed versjille. Oet China en Egypte zien väöl awwer gesjreve brónne bekènd es oet Europa; de Egyptische hiërogliefe woorte euvereges pas in 1822 oontcieferd. Veur deen tied waor de Egyptische besjaoving dös prehistorie, vaanaof 1822 betaomp zie ziech bis de 'historie'.

Paul Tournal bedach de term Pré-historique oersproonkelek um de voondste die heer in grotte in Zuid-Fraankied had gedaon te besjrieve. 't Woord woort in 1830 opgenomme in 't Frans um de periood veur de oetvinding vaan 't sjrif aon te duije en in 1851 door Daniel Wilson in 't Ingels geïntroduceerd.

Rije

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Rije is 't ziech voortbewege op de rögk vaan e bies. Dit gebäört gemeinelek mèt peerd, ezele, kemele of dromedarisse, meh weurt ouch wel gedoon op moelezele, jaks, lama's, olifante of zelfs struusveugel. Iemes wat rijt neump me 'ne ruter; 'ne vrouweleke ruter weurt dèks amazone geneump (al kump dees benaoming allein in de peerdewereld veur).

't Is oondudelek wienie de mins perceis rijbieste is goon domesticere, meh väöl wijs trop tot dat roond 3500 veur Christus veur 't iers mèt 't peerd gebäörde (in de steppe vaan Eurazië), roond 4000 v.Chr. mèt d'n dromedaris en roond 2500 v.Chr. mèt de kemel. Me kin 't daomèt datere tot de late steintied daan wel de vreuge broonstied. De meugelekheid veur ziech te verplaotse op loupende bieste die daobij väöl gewiech aonkinne heet volker mèt 'n nomadische of haafnomadische levesstijl good geholpe ziech euver groet gebeed te verspreie, en um aanders oonbegoonbaar gebeed wie de weuste door te koume. Later is me goon menne, d.w.z. vare mèt veural peerd veur de kaar.

Tot aon de koms vaan gemotoriseerd verkier waore rij- en trèkbieste vitaol veur de economie vaan alle e bitteke oontwikkelde volker. Sinds ind negentienden iew góng de behoefte aon rijbieste evels sterk achteroet. Toch zien ze nog neet verdwene. Alleries in nog neet gans economisch oontwikkeld gebeed. Wijer in roeg gebeed wat veur oto's neet gans touwgenkelek is (wie ummer nog de weuste of 't huuggebergde). In de westerse wereld zuut me hei en dao nog de berijde pelitie (agente te peerd). Gans in 't bezunder weurt allewijl evels gerijd veur de sport of plezeer (zuug ouch peerdssport).

't Liere rije vereis 'n intensief oefening, die me beter es keend al begint. Umtot rijbieste 'nen eige wèl höbbe, kin me neet zoonder mie vaan ze opaon goon; daobij kump tot ze belierd mote weure. Wee veur 't iers op de rögk vaan e rijbies zit, zal zeker eve zien evewiech mote zeuke. E wijer evewiechsprobleem oontsteit wienie 't bies geit loupe; dravers (peerd, ezele etc.) goeje op, dewijl tèllers (kemelechtege, olifante etc.) de ruter deit slingere. Veur 't besture vaan e bies zien hölpe nujeg, die vertèlle boe heen moot goon of tot 't snelder daan wel laankzamer moot. Hölpe gief me mèt de bein, de zit en mèt de teugele.

Steintied

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Mèt steintied weurt de periode aongeduid boe-in lui gebruuksveurwerpe oetsletend vaan stein, zoewie vuurstein, maakde, en nog neet vaan metaol. V'r kinne aonnumme tot ze de gansen tied ouch wel houte gebruuksveurwerpe maakde meh die zien natuurlek noets bewoerd gebleve. De doer vaan de steintied varieert mèt de plaots die weurt bekeke: veur bepaolde stamme op Borneo of Nui-Guinea is 'r nog mer zjus aofgeloupe!

Miestal weurt (in Europa) de steintied oonderverdeild in:

paleolithicum of awwe steintied, vaanaof oongeveer 700.000 veur Christus tot oongeveer 8000 jaor v. C.

mesolithicum of middesteintied , vaanaof 8000 v C. tot oongeveer 5000 v. C.

neolithicum of jonge steintied, vaanaof 5000 v.C. tot roond 4000 v. C.Nao de steintied kaom 't koper es ierste metaal op en d'r is spraoke vaan de kopertied (aeneolithicum) en daonao de broonstied en d'n iezertied.

De datering en doer vaan de steintied zien oonderwerp vaan discussie en hange ouch aof vaan de gehanteerde diffiniesies en locaties. D'n awwe steintied begint örges tösse 2 en 5 miljoen jaor geleije in Afrika, wie de ierste minsechtege gereidsjappe oet stein begóste te make. 't Is evels oetzunderlek lestig mèt zekerheid te zègke of 'ne losse stein ('zoonder contex') mèt e breukvlak en 'ne sjerpe kant 't resultaat is vaan 'n bewuste bewerking of vaan 'n touwvallige gebäörtenis; zoe'n beslissing weurt dèks gemekeleker door 't vinde vaan groete aontalle vaan zoe'n stein in 'n lokaal concentratie boe ze op ander, wijer vergeliekbaar plaotse oontbreke. De aajdste voondste zien daorum altied controversieel. D'n euvergaank nao koper en broons vond plaots in de periode tösse 6000 en 2500 veur Christus, in us streke ieder roond 't lèste tiedstip.

Voorburg

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Voorburg of Veurburg is 'n plaots in de Nederlandse provincie Zuid-Holland, gemeinte Leidschendam-Voorburg. 't Deit deens es veurstad vaan D'n Haag, boe 't gans aon is vasgegreujd. Voorburg, al in de prehistorie bewoend en in de Romeinsen tied 'n plaots vaan beteikenis, waor tot 2002 'n zelfstandege gemeinte.

Vroendaal

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Vroendaal is 'n wiek vaan Mestreech. De wiek grens aon de wieke Hier in 't noorde, De Heeg in het weste.

Zwede

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Dit artikel geit euver 't land Zwede; veur 't Zweeds volk, zuug: Zwede (volk).Zwede (Konungariket Sverige) is e land in Scandinavië. 't Grens aon Noorwege en Finland en ligk aon de Ooszie. Hoofstad en groetstse stad is Stockholm; aander stei zien Göteborg, Helsingborg, Luleå en Malmö.

In anger sjpraoke

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.