Autäör

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'nen Autäör (Letien: auctor, "sjriever") is d'n oearsprunkelike geisteliken eigener van e creatief wirk. Meistes wuuertj dao in 't daacheliks spraokgebroek de sjupper van e book, 'ne bönjel of 'n artikel op 't gebied van litterkónde, kóns, weitesjap of anger non-fictie mit gemèndj, kórtóm 'ne sjriever of journalis. Mer ouch haet beveurbeildj eder meziekstök 'nen autäör: de kómponis of arranzjäör.

Bie anger creatieve wirker wie e sjiljerie, e bild, 'n website, e grafisch wirk of e geboew sprèk me meistes neet van 'nen autäör, ouchal zeen de maekers det juridisch gezeen waal.

d'n Autäör van 'n creatieve sjupping of dem woraan d'n autäör de rechten haet euvergedrage (wie 'nen oetgaever of opdrachgaever) haet daovan 't "ónvervraembaar" autäörsrech, womit t'r veur bepaoldjen tied distributie van 't wirk behieërtj. 't Wirk wuuertj bestreke dore wèttelike regelinge die inne nasjenaal en Europese autäörswètgaeving zeen vasgelag. 't Fenomeen internet haet vanaaf 't ènj vannen twintjigsten ieëf gelèdj toet e nag ummer doorgäöndj procès van herijking en aanpassing van die wètgaeving.

Britney Spears

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Britney Jean Spears (McComb, Pike County, Mississippi, 2 december 1981) is 'n Amerikaanse popzangeres, songwriter, danseres, actrice en autäör. Volgens de Recording Industry Association of America is Spears de op zeve-nao bès verkoupende vrouweleke arties vaan de Vereinegde Staote mèt 31 miljoen gecertificeerde albums. Ouch is Spears ein vaan de bès verkoupende artieste in de wèreld mèt 'ne gesjatte verkoup vaan 83 miljoen albums. Spears is ouch titelhawwer vaan mierdere Guinness World Records.

In augustus 2007 bòtsde Spears tege 'ne geparkeerde wage, ze bleek toen neet in 't bezit te zien vaan e geldeg rijbewies veur de staot Californië. Toen de jury 't neet ins woort euver 't wel of neet sjöldeg zien vaan Spears woort op 21 oktober de rechtszaak geseponeerd.

Conceptueel analyse

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

'n Conceptueel analyse, filosofisch analyse of sömpelweeg analyse is 't academisch proces boe-in e concep of bezej weurt geanalyseerd en gedefinieerd veurtot me mèt d't daodwèrkelek oonderzeuk begint. 'n Conceptueel analyse kin weure gedefinieerd es e systematisch oonderzeuk vaan wat autäörs of sprekers perbere te bereike bij 't gebruuke vaan cpncepte in bepaolde tekste and contexte.

Zoe good es alle discliplines in de humanitaire en sociale weitesjappe, boe-oonder filosofie, zien oonmeugelek te bestudere zoonder 'n analyse. Väöl staanderd academische vraoge zien al opgebouwd volgens zoen analyse, beveurbeeld: "Wat is civilisatie volges Norbert Elias?", "Wat meint Bruno Latour mèt technologie?”, “Wat meint de Europese avant-garde vaan de twinteger jaore mèt de massa?”, “Wat versteit de Europese Unie oonder Europa?” Zoen vraoge höbbe al 'n rudimentaire basis vaan 'n conceptueel analyse. Dèks gebäört 't tot studènte of weitesjappers op 'n oonderzeuk vaan 'n persoen ingaon zoonder ziech wèrkelek aof te vraoge wat noe de exak definitie is die de persoen versteit oonder 't betröffende concep vaan 't oonderzeuk.

Guido Caldarelli

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Guido Caldarelli (8 april 1967, Roeme) is 'nen Italiaonse fysicus dee wèrk veur de universiteit vaan, en hojt in Lucca. Heer is d'n autäör vaan mie es 100 weitesjappeleke artikele en 'nen expert vaan 't netwèrk-dinke, wat oonder aandere is oontwikkeld door Manuel Castells, veural op 't gebeed vaan ikkenemie. Heer is d'n autäör vaan versjèllende belaangrieke beuk op dat gebeed, wie 't teksbook Scale-Free Networks (2007) en 't door Oxford oontwèkkelde Networks: A very short introduction (2012), wat heer mèt ziene laandgenoet Michele Catanzaro heet gesjreve.

Jack Goldstone

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Jack A. Goldstone (30 september 1953) is 'nen Amerikaanse professor, socioloog en politicoloog vaan Harvard University, mer is ouch wirkzaom aon de Presidentieel Universiteit vaan Moskou. Heer is gespecialiseerd in sociale beweginge, rivveluties en internationaal polletiek relaties. Heer is d'n autäör vaan o.a. Revolution and Rebellion in the Early Modern World (1991) en Revolutions: A very short introduction (2013).

Dit artikel is e sjtumpke. De kans Wikipedia helpe door 't aan te völle

Molière

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Molière, gebaoren óngere naam Jean-Baptiste Poquelin (15 jannewarie 1622, Paries - 17 fibberwarie 1673, dao) waas 'ne Franse dramasjriever en autäör dae bekèndjheid haet verwórve mit zien satirische komedies. Hae waas verbónjen ane Comédie Française, wo d'r tiejes zie laeve creatief samewirkdje mit kómponiste wie Marc-Antoine Charpentier, Jean Baptiste Lully en Henry Purcell. Zie bekèndjste wirke zeen Don Juan (Tenorio) en L'avare (de vrech).

Molière stórf tiejes 'n uitveuring van ziene litste komedie, Le malade imaginaire. De lokale klerk óntzag 'm 'n begraefenis op gewiejdje gróndj, meh nao bemiddeling van lokaal notabele woort t'r oetènjelik begrave bieje óngeduipdje kinjer.

Nagieb Mahfoez

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Nagieb Mahfoez (Arabisch: نجيب محفوظ, Nağīb Maḥfūẓ) ouch waal gesjreven es Nadjib of Naguib Mahfouz (Caïro, 11 december 1911 – Caïro, 30 augustus 2006), waas 'nen Egyptische sjriever.

Mahfoez begós mit sjrieve nao zien studie filosofie. Nao drie historische romans, die Egypte beleechten innen tied vanne farao's, begós t'r mit 't aafbilje van zien gebaordjestad. Die reeks euver Caïro woort aafgeslaote mitte driedeilige femieljeroman De Caïro-trilogie, det zie bekèndjste wirk zów waere. Veur dees trilogie kreeg t'r in 1957 de hoeagste Egyptische litteraer óngersjeijing: de Staotspries veure litteratuur. In 1988 óntvóng d'r es ieëste Arabische autäör de Nobelpries veure lètterkónde. Op 14 oktoeaber 1994 woort t'r 'ne maordaanslaag op 'm geplach door moslimextremiste: hae woort naergestaoke kórtbie zien weuning in Caïro en euverlaefdje dezen aanslaag. Hae woort in ziene naak getróffen en kreeg meujdje mit zeen en sjrieve; bepirkinge die neet mieë zeen euvergegange. Mahfoez sjreef mieër es dertig romans en verhaolbunjele. Versjillige daovan woorte verfilmp. Toet op huuj is t'r d'n ènsigste sjriever inne Arabische spraok dae oeatj 'ne Nobelpries haet óntvange.

d'n Invlood dae Nagieb Mahfoez haet oetgeuub oppe modern Arabische litteratuur is hieël groeat. Daen groeaten invlood óntlieëntj t'r neet allein anen ómvang van zie romanoeuvre, mer ouch ane väölziejigheid van zie wirk. Mahfoez beuubdje oetereinloupendje litteraer genres en experimenteerdje mit alderlei technieken en stiele. Saer 1996 wuuertj de Naguib Mahfouz Medal for Literature oetgereik: 'ne pries veure bèste huujtiedsje roman gepubliceerdj in 't Arabisch, meh nag neet in 't Ingels.

't Wirk van Mahfoez wuuertj gewuuenlik in twieë houfperiode verdeildj: de periood vanne naturalistische romans, die e gedetailleerdj bild gaeve van 't sociaal en cultureel laeven in Caïro, mit es huuegdjepuntj de Trilogie, enne periood vanne psychologische romans, die aanvóng inne jaore zèstig (nao 'n litteraer stildje van zeve jaor), worin de verstuuerdje verhajing tössen 'n individu en zien ómgaeving centraal steitj. d'n Deef enne hónj, inne Arabische welt mesjiens waal zie meis-gelaeze wirk, markeertj 't begin van dees nuuj periood.

Paries

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Paries (Frans: Paris [pa'ʁi]) ies de hoofsjtad van Frankriek. 't Ies ouch de zetel van de Franse regering. De sjtad haet 2 miljoan inweunersj. Es me de boetewieke (banlieue) mèttèlt zint dat d'rsj zelfs 10 miljoan. Paries weurt in twièje gedeild door de rivier de Seine.

Proza

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Proza, traditioneel gezeen Epiek en dèksgebruik meh foutief literatuur (umtot literatuur väöl mie is es proza allein) is 'n vorm vaan literatuur die bekènd steit es 't genre dat ziech verhaolend oetdrök (in tegedeil bis poëzie, dat ziech emotioneel oetdrök) en daomèt ouch kin weure besjreve es verhaolende literatuur.

Relizjie

Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.

Onger relizjie versjtit me meistal godsdeens, letterlik band mèt (religare) God, ein god, gode, of ein hoëger weze. 'Ein religie' is in dees zin ein van de väöl vörm van zingaeving (zeuke nao beng). In breiere zin is 't 'n mieë algemein vörm van spiritualiteit, geveulens, gedachte met betrèkking tot de zin van 't laeve in relatie tot óf 'n mach of manifestaties van ein mach óf ein (bewus) neet nader gediffinniieëd beginsel of essensie.

Zuug ouch:

Animisme

Atheïsme

Boeddhisme

Christendom

Confucianisme♙

Hindoeïsme

Islam

Jaïnisme

Jäödom

Mithraïsme

Modern heidedóm

Shinto♙

Taoïsme♙

Theologie

Zoroastrisme

Sjriever

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'ne Sjriever is emes dae e gesjreve wirk produceertj wie e book, gezètartikel, skrip, poëzie of blaadmeziek. Trótsdet ederein dae get sjrief zich 'ne "sjriever" kan neume, wuuertj de term inne praktiek veural gebroek veur luuj die (al dan neet beroepsmaesig) litteraer of weitesjappelike tekste publicere, allewiel väölal journalisten en fictie- en non-fictiesjrievers. De term wuuertj es e synoniem gebroek veur "autäör", det aevel rumer van meining is ouch kan slaon op neet-gesjreve wirker wie films.

De populariteit van 't internet äöpendje veur väöl aspirant-sjrievers de meugelikheid häör wirk publiekelik aan te bi-jje. Veurbiljer hievan zeen weblogs en fanfictie.

In vreuger ieëve, doe wiedeweg de meiste luuj analfabeet ware, wore d'r róndjreizendje sjrievers die veur 'n betaling veur klantje die get op sjrif gestèldj mósten höbbe breven en anger correspondentie vervaerdig. Dees kan me es 'n saort aan vreug "freelance"-sikkertaere betrachte.

Sophocles

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Sophocles of Sophokles (Aajdgrieks: Σοφοκλῆς) (Colonus, 496 v.Chr. - Athene, 406 v.Chr.) waor eine vaan de drei groete Attische tragediediechters neve Euripides en Aeschylus.

Tao Te Ching

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Tao Te Ching weurt gezeen es e book dat behuurt bis de twie wiechtegste heilege gesjrifde vaan 't Taoïsme, evels is de Tao Te Ching ieder 'ne filosofischen teks es 'ne relizjieuzen teks. Allewel de groeten taoïstische lieraar Lao Tzu oet allewijl China, dee 'ne contemporain waor vaan 't op de buun versjienenterende confucius in de zèsde iew veur Christus, alle ier krijg veur de Tao Te Ching, weit niemes zoonder mankatie of heer de riechtegen autäör devaan is. 't Gaans book betaomp oet minder es zèsdoezend wäörd, dat meint evels nog neet tot 't e gemekelek book is: d'n teks is cryptisch en 't gief hendeg väöl metafore.

De Tao Te Ching waor oersprunkelek 'ne leidraod veur Chinees hiersers. Op groond vaan 't wèrk is dé meneer um effektief te hierse 't ideaol te achternao gaon vaan de neet-assertief daod. 'tGinnege nierkump oppe idee vaan dao door neet te sjachele. Op groond vaan Tao Te Ching kin aktief neet-sjachele effektiever zien es roond te ketze wie'n kip zoonder kop. 't Book liert dees lèsse via paradoxe: de weeg nao veure beveurbeeld is door me ziech euvergeve of plaotsmake.

Taoïsme

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Taoïsme is 'n relizjie en ein vaan de vernaomste in 't allewijl China.

In anger sjpraoke

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.