Suiz

Suiz (deutx: Schweiz, franses: Suisse, italian: Svizzera, rumans: Svizra e latina: Confoedaratio Helvetica) es un pais en Europa. Sua area es sirca 41 290 cilometres cuadrida e la cuantia de popla, en la anio 2006, es sirca 7 523 934 persones.

La site capital es Bern. Lo es un pais federal de 26 statos. La linguas ofisial es deutx, franses, italian e rumans. Lo ave dialetos de Schweizerdeutsch (Suiz-deutx) cual es nonofisial parlada.

Federa Suiz
Schweizerische Eidgenossenschaft
Confédération Suisse
Confederazione Svizzera
Confederaziun Svizra
Flag of Switzerland (Pantone) Coat of Arms of Switzerland (Pantone)
Location Switzerland Europe
Informa jeneral
Capital: Bern
Lingua ofisial: Deutx, franses, italian e rumans
Dirije
Governa: Republica parlamental federal
- Xef de stato: President Ueli Maurer
- Xef de governa: {{{xef de governa}}}
Otras
Area: 41 277 km²
Popla: 8 140 000
Densia: 197
PIB: US$ 431 960 milion
Mone:
Zona de ora: CET (UTC +1)
Numero de telefon: +41
Interede: .ch
Sz-map

Istoria

Suiz esiste como un stato en sua forma presente de pos la adota de la Constitui Federal Suiz en 1848.

En 1863, Henri Dunant de Geneve ia crea la Crus Roja. En 1859, el ia vide la batalia de Solferino entre la osteraiceses e la sardas, en cual 40 000 persones ia mori o deveni ferida. La orijina de la bandera de la Crus Roja es la bandera de Suiz.

Politica

Per 2012 la presidente ia es Sra Evelyne Widmer-Schlumpf (Stato de Graubuenden).

Per 2013 la presidente ia es Sr Ueli Maurer de la Partida de la Popla de Suiz (SVP/UDC) e de la stato de Zürich.

La dia nasional es la prima de agosto. Esta dia recorda la dia suposada en 1291 cuando la Nota Federal (la "Magna Carta" de Suiz) ia es composada.

Linguas

Suiz ave cuatro linguas ofisial: deutx, italian, franses e rumans, un lingua romanica cual es un lingua nasional como la tre otras. La governa federal es obligada a comunica en la linguas ofisial, e en la parlamento federal on ave traduis simultan a deutx, franses e italian.

Balgaria

Balgaria es un pais en Europa.

La area es sirca 110 910 cilometres cuadrida.

La cuantia de popla, en la anio 2006, ia es sirca 7 385 367 persones.

La site capital es Sofia.

La lingua major es balgarsce.

En marto 2013, Marin Raikov ia es asiniada como xef de un governa de "espertas", ante elejes en maio 2013.

Bern

Bern es la capital de Suiz.

Cipros

Cipros (elinica: Κύπρος, Kýpros, IPA: [ˈcipɾos]; Turces: Kıbrıs, IPA: [ˈkɯbɾɯs]) es un isola e pais en la Mar Mediteraneo.

Lo es, par tradision, la isola de Afrodite (Venus), la diva de la ama.

La area es sirca 9 250 cilometres cuadrida.

La cuantia de abitores, en la anio 2006, ia es sirca 1 100 000, con 784 000 persones ci parla elinica.

La site capital es Nicosia o, local, Lefkosia (elinica: Λευκωσία, turces: Lefkoşa). La capital de Cipros Norde es Nicosia Norde. La site capital es divideda (unica en Europe). Lo ave 330 000 abitores.

Otra sites inclui Limassol, con 220 000 persones, e Larnaca, con 70 000.

La linguas major es elinica e turces.

Pos 1974, Cipros es divideda a du partes, Cipros Norde, o la Republica Turces de Cipros (Kuzey Kıbrıs Türk Cumhuriyeti en Turces1), e la Republica de Cipros. Cipros Norde es reconoseda sola par Turcia.

En 2013, un presidente nova (Proedhros) ia es elejeda. En la vota prima, un conserviste ia gania 45% e la candidato AKEL (comuniste), la presidente corente, ia es numero du con 27%. Cipros es nonusual car on pote deveni presidente a un cuantia nonlimitada de veses. En la vota du, Nicos Anastasiades ia gania, 58–42%.

La Republica (capital Nicosia Sude) es un membro de la Eurozona. La economia es en crise.

1 Esta sinifia leteral: Norde Cipros Turces Republica (Cumhuriyeti es un parola arabi)

Deutx (lingua)

La lingua deutx es un lingua indoeuropean. Lo parteni a la familia lingual germanica, en junta con engles, nederlandes, frisce, dansce, norsce, svensce e islansce.

Deutx es parlada par sirca 100 milion persones como lingua prima, e par sirca 28 000 persones como lingua du.

Lo es parlada como lingua ofisial xef en Deutxland, Osteraic, e (con franses e italian) en Suiz.

On parla deutx ance en Lictenstain e Luxemburg, e en la areas bordal en Italia (Tirol-sude), Frans (Elsas), Beljia e Danmarc.

On ave sirca 20 000 persones en Brasil ci parla deutx como Lingua prima.

La lingua deutx ave multe dialetos, divededa en deutx basa (en norde), deutx media, e deutx alta (en sude).

Deutxland

Deutxland es un pais en Europa sentral. La area de Deutxland es sirca 357 578 cilometres cuadrida. La cuantia de abitores, en la anio 2006, ia es judida como sirca 82,5 milion persones. Lo es formida par 16 statos composante e covre un area de 357 021 cilometres cuadrida. Con un cuantia de abitores de 82 miliones, lo es la stato plu poplada de la Uni European. A pos Statos Unida, lo es la destina de migra plu popular en la mundo. Sua capital es urbe plu grande es Berlin e otra sites importante es Hamburg, Munich, Cologne, Frankfurt, Stuttgart, Düsseldorf, Leipzig, Bremen, Dresden, Hannover e Nuremberg.

La lingua major es deutx.

Europa

Europa es comun regardada como un de la sete continentes, ma fisical lo es un parte de la continente Eurasia. A la norde lo borda la Mar Artica, a la ueste la Mar Atlantica, a la este Asia, e a la sude la Mar Mediteraneo. La Montes Ural es la borda entre Europa e Sibir, cual on regarda como Asia norde.

La continente no ave la cuantia la plu grande de abitores, o la area la plu grande en la mundo, ma lo es famosa per sua istoria e cultur, e sua nivel grande de developa de siensa. Europeanes parla vera multe de linguas, de cual la plu parteni a la familia indoeuropean.

Franses (lingua)

Franses (français, pronunsiada [fʁɑ̃sɛ]) es un lingua romanica, orijinal parlada en Frans, Beljia, Luxemburg, e Suiz, e oji par sirca 300 milion persones sirca la mundo, como un lingua prima o du, con cuantias grande de parlores en 54 nasiones, incluinte Canada, Aiti, e multe nasiones en Africa.

Franses ia desende de la latina de la Impero Roman, como la otra linguas romanica espaniol, italian, catalan, ositan, romanian e portuges. La developa de franses ia es alga influeda par la linguas celta en Galia en la eda roman, e par la lingua germanica de la francos ci ia invade la area cuando la Impero Roman ia disolve.

Franses es un lingua ofisial en 41 nasiones, de cual la plu es en la francophonie (la comunia de nasiones cual parla franses). Lo es un lingua ofisial o dirijal de la Uni African, la Uni European, la Corte Internasional de Justia, la Comite Internasional Olimpial, Interpol, la Organiza de la Trata de la Atlantica Norde, la Organiza de Statos American, la Nasiones Unida e tota sua ofisias.

Italia

Italia (ofisial Republica Italian, en italian: Repubblica Italiana) es un pais en Europa sude. En la norde el ave la Alpes, do borda con Frans, Suiz, Osteraic i Slovenia. La statos de San Marino e la Site Vatican es du enclaves en la teritorio italian. La site capital, e la site la plu grande, es Roma. Italia es 301,230 cilometres cuadrida e la cuantia de popla en 2016 ia es sirca 61 milion.

La ministro prima es Giuseppe Conte.

El es la pais tre en Europa par cuantia de turistes per anio.

Italia es un de la paises la plu industrial de la mundo e el es un pais developada con un cualia de vive alta.

Latvia

Latvia es un pais en Europa. Lo ave un area de sirca 64 589 cilometres cuadrida e la cuantia de abitores, en la anio 2006, ia es sirca 2 274 735 persones. La site capital es Riga. La lingua major es latvisce.

Latvia es istorial un pais luteran, estra en la sude-este, do la majoria es catolica. La popla rusce es xef ortodox.

La Republica de Latvia ia es fundida a 18 novembre 1918. Sua nondepende ia es interompeda par la Gera Mundal Du. En 1940, la pais ia es ajuntada a la Uni Soviet, invadeda par Deutxland Nazi e reocupada par la sovietes en 1944 tra la 50 anios seguente. Latvia ia deveni denova nondependente a 21 agosto 1991.

Lictenstain

La Prinsia de Lictenstain (Fürstentum Liechtenstein) es un microstato sin costa en Europa sentral. Lo es bordada par Suiz a la ueste e Osteraic a la este e norde. Lo ave un area de 160 km2 e sirca 37 000 abitores. Lo es divideda entre 11 munisipas. La site capital es Vaduz e la site la plu grande es Schaan (pron. xan).

La plu de la pais es montaniosa. Multe cultiverias peti e campos cultivada es en la sude (Oberland) e norde (Unterland).

La nasion ave un campo finansial forte, sentrida en Vaduz. Lo es un membro de la Asosia European per Comersia Libre e partisipa en la Area de Schengen (pron. Xengen) e la Area Economial European, e lo ave un unia de mone e imposta de duana con Suiz.

La lingua major es deutx. En deutx, la nom es Liechtenstein. La dialeto es simil a la deutx de Suiz.

Lista de linguas

Esta es un lista partal de la linguas de la mundo. Ma plu ca 7000 linguas esiste, seguente la Ethnologue, un catalogo de linguas. 389 linguas (cuasi 6%) ave plu ca un milion parlores. Esta linguas es usada per sirca 94% de la popla de la mundo, an si 94% de la linguas de la mundo es usada par resta 6% de popla!

Lombard

Lombard (lombard: Lombard/Lumbaart/Lombard) es un lingua romanica parlada par 3,5 milion persones en Italia e Suiz.

Rio Reno

La Rio Reno (latina: Rhenus, romanx: Rein, deutx: Rhein, franses: Rhin, italian: Reno, nederlandes: Rijn) es un rio european cual comensa en la canton suiz de Graubunden en la Alpes suiz sude-este, forminte partes de la bordas entre Suiz e Lictenstain, Osteraic, e Deutxland, e entre Franses e Deutxland. Alora, lo flue tra Pais de Reno en Deutxland a tra Nederland e ultima a la Mar Norde.

La site la plu grande sur la Reno es Koln, Deutxland, con un popla de plu ca 1,050,000 persones. Lo es la rio du en longia en Europa sentral e ueste (pos la Danubio) con sirca 1230 km.

La Reno e la Danubio ia formi la plu de la frontera norde de la Impero Roman e, pos esta eda, la Reno ia es un rio esensal e navigable cual porte benes e comersia en Europa ueste e sentral. Sua importantia como un rio en la Impero Roman Santa es suportada par la multe casteles e fortreses construida longo lo.

Rumans (lingua)

Rumans (rumantsch) es un de cuatro linguas nasional de Suiz, con Deutx, Italian, e Franses. Lo es un lingua reto-romanica, desendente de latina comun parlada par la colonistes roman de la Impero Roman. Rumans es parlada par la 35 095 abitores de la canton de Graubünden en la categoria "capas plu bon" e 60 815 en la categoria "capas plu bon" e "la plu parlada". Lo es parlada oji par sirca 0,9% de la 7,5 milion persones de Suiz.

Serbia

Serbia es un pais en Europa.

La area es sirca 88 361 cilometres cuadrida.

En la anio 2006, lo ia ave sirca 9 396 411 persones.

La site capital es Beograd.

La lingua major es serbsce.

Suomi

Suomi (ance nomida Finland) es un republica en Europa.

Sua area es sirca 338 145 cilometres cuadrida.

Sua cuantia de abitores, en la anio 2006, ia es sirca 5 231 372 persones.

La site capital es Helsinki (svensce: Helsingfors).

La lingua major es suomi, un lingua multe difisil.

Linguas: suomi 90% e svensce 5%. Otras: 5%.

Jornales xef: Suomi: Helsingin Sanomat ("Novas de Helsinki"). Svensce: Hufvudstadsbladet ("Jornal de la capital").

Ministro prima (de 2011) es sr. Jyrki Katalainen (Partida de asosia). La governa es un alia de 6 partidos contra sola 2 partidos, la sentrales e la nasionalistes ("Suomis vera").

La parlamento ave sola un salon.

Diferente de Noria, Sveria e Danmarc, Suomi es un republica.

Sporte nasional: hoci a jelo.

Turcia

Turcia es un pais en Europa e Asia sude-ueste.

La area es sirca 780 580 cilometres cuadrida.

La popla, en la anio 2006, ia conteni sirca 70 413 958 persones.

La site capital es Ancara.

La major lingua es turces. 10 miliones parla la lingua curdi. (Vide ance Curdistan.) En Istanbul 15 000 iudis parla iudezmo, un dialeto de espaniol.

La Ministro xef es Recep T. Erdoğan, un islamiste moderada. La presidente es Abdullah Gül.

Ucraina

Ucraina es un pais en Europa este. Lo es bordada par Rusia a la este, norde-este e sude, par Bielarus a la norde-ueste, par Polsca e Slovensco a la ueste, par Magiar, Romania e Moldova a la sude-ueste, e par la Mar Negra a la sude e la Mar Azov a la sude-este.

Ucraina es presente en disputa teritorial con Rusia sur la penisola [[Crim, cual Rusia ia propri en 2014, ma cual Ucraina e la plu de la comunia internasional reconose como ucrainsce. Incluinte Crim, la area de Ucraina es 603 628 km², tal ce lo es la plu grande de la paises cual es intera situada en Europa e la pais 46 de la plu grandes de mundo. Lo ave sirca 42,5 milion abitores, tal ce lo es la pais 32 de la plu popladas de mundo.

La teritorio moderna de Ucraina ia es abitada de 32 000 aec. En la eda media, la rejion ia es un sentro major de cultur slavica este, con ce la stato potiosa Rena de Ciiv ia formi la funda de la identia ucrainsce. Pos sua frati en la sentenio 13, la teritorio ia es disputada, renada e divideda par potiosas diversa, incluinte Lietuva, Polsca, la Impero Osmanian, Osteraic-Magiar e Rusia. Un republica cozac ia emerji e flori en la sentenios 17 e 18, ma sua teritorio ia es ultima divideda entre Polsca e la Impero Rusce, e plu tarda lo ia fusa completa con Rusia.

En la sentenio 20, tre periodos de autonomia ia aveni. La prima ia es corta, en e direta pos la ocupa deutx, prosima a la fini de la Gera Mundal Prima. La numero du ia es ance corta, e ance pos ocupa deutx, en la Gera Mundal Du. An tal, pos ambos de estas, la teritorios de Ucraina ia es final recombinada a un republica soviet en la URSS. La periodo tre de autonomia ia comensa en 1991, cuando Ucraina ia gania sua autonomia de la Uni Soviet en la tempo pos sua disolve a la fini de la Gera Fria. A pos, Ucraina ia manteni sua autonomia.

Ucraina es ja longa un graneria global, par causa de la vastia e fertilia de sua tera cultivada, e lo es un de la esportores major de gran en la mundo. Sua economia diversida inclui un campo grande de industria pesosa, spesial de airospasio e aparatos industrial.

La pais es un republica su un sistem semipresidental con potias divideda a ramos leginte, esecutante e judinte. Sua capital e site la plu grande es Ciiv. Escluinte Crim, lo ave 42,5 milion abitores, de ci 77,8% es etnical ucrainsce e 17,3% es rusce. La lingua ofisial es ucrainsce, e sua alfabeta es cirilica. La relijio major en la pais es la Eglesa Ortodox Este, cual ia fa un influe forte a la arciteta, leteratur e musica ucrainsce.

Europa
Europa nordeErRena UnidaIslandNoriaSveriaDanmarcSuomiEstiLatviaLietuva
Europa ueste NederlandBeljiaLuxemburgDeutxland • Suiz • LictenstainOsteraicFransMonaco
Europa este PolscaTxescoSlovenscoMagiarRusiaBielarusUcrainaMoldovaRomaniaBalgaria
Europa sude PortugalEspaniaAndoraItaliaSan MarinoSite VaticanMaltaSloveniaCorvatscaBosnia e HersegovinaSerbiaCosovoTsernagoraXciperiaMacedoniaElasTurciaCipros

En otra linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.