Siensa

Siensa (de la parola latina scientia, "sabe") es un emprende sistemosa cual construi e organiza sabes en la forma de esplicas esaminable e predises sur la universa.

Istoria

Article xef: Istoria de siensa

Anticia

Ante la inventa o descovre de la conseta de "natur" (elinica antica physis) per la filosofistes presocratal, la mesma parolas ia es usada per descrive la forma natural en cual un planta crese e la forma en cual, pe, un tribu adora un dio spesifada.

Comunia siensal

La comunia siensal es la grupo de siensistes ci interata. Lo inclui multe sucomunias laborante en campos siensal spesifada e en instituidas spesifada.

Clasi

Leteratur

Un cuantia enorme de leteratur siensal es publicida. La jornales siensal comunica e documenti la resultas de la rexerca fada per la universias en otra instituidas de rexerca, servinte como un rejistra arcivida de siensa. La jornal siensal prima, Journal des Sçavans, segueda par Philosophical Transactions, ia comensa es publicida en 1665. De acel tempo la cuantia de revistas periodal ia crese. En 1981, un estima de la cuantia de jornales siensal e tecnical publicida ia es 11 500. La Biblioteca Nasional de Medica de Statos Unida catalogi aora 5516 jornales cual conteni articles con temas relatada a siensas de vive. An si la jornales es en 39 linguas, 91% de la articles es en engles.

La plu de la jornales siensal covre un sola campo siensal e publici la rexerca en acel campo.

Revistas siensal como New Scientist, Science & Vie e Scientific American covre la nesesas de un publica plu vasta e furni un resoma nontecnical de areas popular de rexerca, incluinte descovres e avansas en alga campos de rexerca.

Bibliografia

  • Augros, Robert M., Stanciu, George N. (1984) The New Story of Science: mind and the universe, Lake Bluff, Ill.: Regnery Gateway. ISBN 0-89526-833-7
  • Cole, K. C. (1986) Things your teacher never told you about science: Nine shocking revelations Newsday, Long Island, New York.
  • Feynman, Richard "Cargo Cult Science"
  • Gopnik, Alison, "Finding Our Inner Scientist", Daedalus, Winter 2004.
  • Krige, John, and Dominique Pestre, eds. (2003) Science in the Twentieth Century, Routledge , ISBN 0-415-28606-9
  • Levin, Yuval (2008). Imagining the Future: Science and American Democracy. New York, Encounter Books. ISBN 1-59403-209-2
  • Kuhn, Thomas (1962) The Structure of Scientific Revolutions.
  • Villoro, J. (1982): Creer, saber, conocer, Siglo XXI Editores, México DF, ISBN 968-23-1151-9.
Alfabeta elinica

La alfabeta elinica ia es usada de la sentenio nove aec. Lo es un varia de la alfabeta fenisia, cambiante alga de la consonantes a vocales, e es la alfabeta prima completa. La alfabeta elinica es la fonte de la alfabetas latina, goto, cirilica e otras. Otra ca la usa de lo per scrive la lingua elinica, en sua formas antica e morderna, la alfabeta elinica es oji usada como un fonte de eticetas e simboles tecnical en multe dominas de matematica, siensa e otra campos.

En la formas clasica e moderna de lo, la alfabeta ave 24 leteras, comensa con alfa e fini con omega. Como latina e cirilica, elinica ia ave prima sola un forma per letera; lo ia developa la distingui entre leteras major e minor en paralel con latina en la eda moderna.

La sonas e transcrives normal de alga de la leteras difere entre la usa elinica antica e elinica moderna car la pronunsia de elinica ia cambia sinifiosa entre la sentenio 5 aec e oji. Elinica moderna e antica usa sinietas diferente. La ortografia tradisional, cual es usada per elinica antica e a veses per elinica moderna, ave multe sinietas; per esemplo, sinietas per asentua de tono ("politonal"), la sinietas de respira per la presentia e asentia de la sona inisial /h/, e la iota suindise per la sona final istorial /i/. En spele normal e moderna de elinica, ortografia ia es simplida a un sistem monotonal cual usa sola du sinietas: la sinieta agu e la dierese.

Alfabeta gupta

La alfabeta gupta ia es usada per scrive sanscrito e es asosiada con la Impero Gupta de India cual ia es un periodo de ricia material e developas grande de relijio e siensa. La Scrive ia es desendeda de la alfabeta brami e ia es la asendente de la alfabeta devangari, bangal, e gurmuci per la lingua punjabi e la alfabeta tibetan.

Astronomia

Esta es la article sur astronomia. La categoria Astronomia conteni plu articles sur astronomia.

Astronomia (elinica αστρονομία = άστρον + νόμος, astronomia = astron + nomos, leteral, "lege de la stelas") es la siensa de fenomenos sielal, de cual sua orijina es estra la atmosfera de la Tera.

Astronomia es un de la poca siensas do la amatos pote ancora ave un rol importante, spesial en la descovre e oserva de fenomenos tempal. La astronomistes amato ia contribui a multe descovres astronomial importante, como la trova de cometas nova.

Biolojia

Esta es la article supra biolojia. La categoria Biolojia conteni plu articles supra biolojia.

La biolojia es la siensa de la vive. Lo studia la carateres e la partes de organismes vivente o pasada, como los ia deveni esistente, e cual interatas los ave con la ambiente. La biolojia ave alga ramos cual on regarda comun como siensas nondependente.

Cimica

Esta es la article supra cimica. La categoria Cimica conteni plu articles sur cimica.

La cimica es la siensa cual studia la composa, strutur e proprias de la sustantias material, e como los muta a lunlotra.

Cimica ocupa un loca media en la ierarcia de la siensas per un nivel reduinte de fisica e biolojia. Lo es a veses nomida la siensa sentral car lo furni un fundi per comprende ambos disiplinas siensal fundal e aplicada en un nivel fundal. Esemplos inclui cimica plantal (botanica), la forma de rocas magmal (jeolojia), como la ozon atmosferal es formida e como la contaminantes ambiental es degradada (ecolojia), la cualias de la solo en la luna (astrofisica) e como funsiona la medisines (farmacolojia).

Ecolojia

Per plu, vide la categoria ecolojia.

La ecolojia es la siensa cual studia la interelatas entre la vive e sua ambiente fisical (lumina, enerjia, umidia, venta, osijen, carbodiosido, acua, etc) e biolojial (organismes vivente). La ecolojia es un siensa interdisiplinal. Lo combina la biolojia, la sosiolojia, la antropolojia, la climatolojia, la idrolojia, la fisica, la cimica, la jeolojia, tasonomia, matematica, fisiolojia, etc., per acorda plu a la realia natural.

Engles (lingua)

Engles parteni a la grupo anglofrisce en la ramo ueste de la linguas germanica, un sufamilia de linguas indo-european.

Lo es la lingua dominante en comunica, siensa, tecnolojia, comersia, avioni, diverti, radio e diplomatia. Lo es la lingua du (pos xines) en cuantia de parlores nativa, e la lingua prima si on inclui los ci aprende lo como un lingua du. Lo es un lingua ofisial en 53 paises, incluinte Britan, Er, Sudafrica, India, Australia, Zeland Nova, Canada, e la SUA, e ance en organizas como la Nasiones Unida.

Europa

Europa es comun regardada como un de la sete continentes, ma fisical lo es un parte de la continente Eurasia. A la norde lo borda la Mar Artica, a la ueste la Mar Atlantica, a la este Asia, e a la sude la Mar Mediteraneo. La Montes Ural es la borda entre Europa e Sibir, cual on regarda como Asia norde.

La continente no ave la cuantia la plu grande de abitores, o la area la plu grande en la mundo, ma lo es famosa per sua istoria e cultur, e sua nivel grande de developa de siensa. Europeanes parla vera multe de linguas, de cual la plu parteni a la familia indoeuropean.

Fisica

Esta es la article Fisica. La categoria Fisica conteni plu articles sur Fisica.

La fisica (φυσικός (fusikos) "natural" e φύσις (phusis) "natur" en elinica) es la siensa cual studia la materia e sua move, la enerjia e la fortes fundal de natur cual governa interatas entre particulas. Lo ia es nomida filosofia natural asta la fini de la sentenio des-oto. La fisica studia un spetro de fenomenos fisical, de la particulas suatomal (fisica de particulas) a la fisica de la corpos sielal (astronomia) e de la universo como un intera (cosmolojia).

Interglossa

Interglossa es un lingua construida creada par biolojiste Lancelot Hogben en Gera Mundal 2, como un atenta a usa un vocabula internasional de siensa e tecnica, per la plu parte orijinante en elinica e latina, en un lingua con un gramatica pur isolante. Lo ia es publicada en 1943 como un testo ru per un lingua aidante. Hogben aplica prinsipes semantica per furni un vocabula reduida a sirca 880 parolas cual pote sufisi per conversa simple entre persones de nasiones diferente.

Istoria

Esta es la article sur istoria. La categoria Istoria conteni plu articles sur istoria.Istoria es la siensa cual studia la fatos e la avenis de la pasada tra testos scriveda (o transcriveda, en caso de atestas parlada) par la comunias e sivilias umana. Lo contrasta con preistoria, cual es la studia de la pasada umana ante la scrive.

En un sinifia plu jeneral, la terma "istoria" es ance usada per nomi tota informas sur la pasada (per esemplo: istoria natural o istoria jeolojial de la tera).

Istoria de siensa

La istoria de siensa es la studia de la developa de siensa e sabes siensal, incluinte siensas natural e sosial. Siensa es la corpo de sabes empirical, teorial, e pratical sur la mundo natural, produida par siensistes ci asentua la oserva, esplica e predise de fenomenos de la mundo real.

Italia

Italia (ofisial Republica Italian, en italian: Repubblica Italiana) es un pais en Europa sude. En la norde el ave la Alpes, do borda con Frans, Suiz, Osteraic i Slovenia. La statos de San Marino e la Site Vatican es du enclaves en la teritorio italian. La site capital, e la site la plu grande, es Roma. Italia es 301,230 cilometres cuadrida e la cuantia de popla en 2016 ia es sirca 61 milion.

La ministro prima es Giuseppe Conte.

El es la pais tre en Europa par cuantia de turistes per anio.

Italia es un de la paises la plu industrial de la mundo e el es un pais developada con un cualia de vive alta.

Jenetica

Per plu, vide la categoria jenetica.

Jenetica, un sucampo de biolojia, es la siensa de jenes, erita e la varia de viventes. La parola veni de γενετικός en elinica antica, un forma ajetival de γένεσις ("orijina").

La fato ce viventes erita cualias de sua jenitores ia es usada de edas preistorial per boni plantas e animales par reprodui distinguinte. Ma la siensa moderna de jenetica, cual atenta comprende la prosedes de erita, comensa sola con la laboras de Gregor Mendel en la media de la sentenio 19. An si el no ia conose la funda fisical per erita, Mendel ia oserva ce viventes erita cualias par unias unica de erita, cual nos nomi aora jenes.

Jenes coresponde a areas en ADN, un molecula composada de un cadena de cuatro tipos de nucleotidos. La segue de esta nucleotidos es la informa jenetical cual viventes erita. ADN aveni natural en la forma de un cadena duple, con nucleotidos a cada lado de la cadena completinte lunlotra. Cada dui de la cadena pote funsiona como un model per la crea de un cadena nova completa. Esta es la metodo per crea copias de jenes cual pote es eritada.

La segue de nucleotidos en un jen es traduida par selulas per produi un cadena de aminoasidas, cual formi protenas. La ordina de aminoasidas en la protena coresponde a la ordina de nucleotidos en la jen. Esta relata entre la segue de nucleotidos e la segue de aminoasidas es nomida la codigo jenetical. La aminoasidas en un protena determina como lo plia per deveni un forma tridimensional. Esta strutur determina alora la rol de la protena en la selula. Protenas esecuta cuasi tota la roles nesesada par la selulas per vive. Un cambia a la ADN en un jen pote cambia la aminoasidas en un protena, cual cambia sua forma e rol. Esta pote fa un efeto dramosa en la selula e en la vivente tota.

An si jenetica ave un rol grande en la apare e condui de viventes, lo es la combina de jenetica con la esperia de la vivente cual determina la conclui ultima. Per esemplo, jenes ave un rol en determina la grandia de un vivente, ma la nuri e otra cosas ave ance un efeto grande.

Latina (lingua)

Latina (lingua latīna, AFI: [ˈlɪŋɡʷa laˈtiːna]) ia es la lingua parlada orijinal par la romanes e la otra poplas de Latium (en Italia moderna) tra multe sentenios aec, e la popla de la Impero Roman tra multe sentenios ec. Latina ia es parlada en la eda medieval par eruditas e pretes, e es aora la lingua ofisial de la eglesa catolica. Latina es ance la lingua asendente de la linguas romanica, incluinte franses, espaniol, portuges, italian, romanian e rumans. Multe parolas tecnical es composada de radises latina.

Ante fini de la tarda de la Republica Roman (75 aec), latina antica ia es normida a en latina clasica. Latina poplal ia es la forma demotica cual ia es parlada en la mesma tempo e ia es videda en enscrives e la obras de autores teatral como Plauto e Terensio. Latina tarda ia es la lingua scriveda de la sentenio 3, e latina medieval ia es la lingua usada entre la sentenio 9 e la Renase, cual ia usa latina de la Renase. Plu tarda, latina temprana contempora e latina contempora ia evoluida. Latina ia es usada como la lingua de comunica internasional, eruditia e siensa asta la tarda de la sentenio 18, en cuando demoticas ia comensa recambia lo. Latina eglesal permane como un lingua ofisial de la Seja Santa e rituo santa de la eglesa catolica.

Oji, multe studiantes, eruditas e eglesores catolica parla latina fluente como un lingua liturjial. Lo es enseniada en scolas prima, liseos e universias tra la mundo.

Latina es un lingua cual infleta multe, con tre jeneros, sete casos per nomes, cuatro conjugas per verbos, ses tempos, tre persones, tre modas, du voses, du aspetas e du numeros.

Medica

Asi la article sur medica. La categoria Medica conteni plu articles sur medica.

Medica es la siensa e pratica de la diagnose, trata e preveni de maladias. La medica ensirca un varia de praticas de aida medical con la ojeto de manteni e restora la sania per la preveni e la trata de maladia. La medica contempora aplica la biomedica, rexerca biomedical, jenetica e tecnolojia medical per diagnose, trata e preveni feri e maladia, tipal per medisines o sirurjia, ma ance per terapias tan diversa como psicoterapia, agetas esterna e aparatos medical, entre otras.

Politica

Esta es la article sur politica. La categoria Politica conteni plu articles sur politica.Politica es un prosede de desides grupal per governa un sosia. La orijina de la terma es la parola elinica πολις (polis) cual sinifia "site".

La ideolojias es ance parte de la politica:

Monarcia

Tirania

Republica

Democratia

Anarcisme

Sosialisme

Comunisme

Liberalisme

Libertarisme

Conservisme

Faxisme

Nazisme

Psicolojia

Per plu, vide la categoria psicolojia.

Psicolojia es la siensa de la mente e condui, xef de umanas ma ance de animales. Areas de studia inclui...

Psicobiolojia (ance nomida psicofisiolojia) e incluinte neurosiensa.

Sensa e persepi e psicolojia de cognisia.

Emosia e motiva

Aprende, memoria, e pensa.

Psicolojia de developa de enfantes e adultes.

Sosiobiolojia (ance nomida evolui psicolojial) e incluinte jenetica umana.

Psicolojia sosial.

Personalia.

Maladias psicolojial, ance nomida psicopatolojia, e psicoterapia.

Istoria de psicolojia (vide a destra).

Statos Unida de America

La Statos Unida de America (SUA) es un republica federal en America Norde, formida par sincodes statos e un distrito federal. Lo es la pais tre de la plu grandes de la mundo, con 9,83 milion km² e 308 milion abitores. La linguas major es engles e espaniol.

Tra la sentenio 19, la Statos Unida ia desloca la tribus nativa, ia oteni tera de Frans, Espania, Rena Unida, Mexico e Rusia, e ia ajunta la Republica de Texas e la Republica de Hawaii. La disputas entre la sude e la norde sur sclavia e la diretos de la statos ia provoca la Gera Interna American en la desenio de 1860. La vinse par la norde ia preveni la divide de la pais e ia gida la fini de sclavia en la Statos Unida. La Gera Espaniol-American e la Gera Mundal Prima ia confirma la state de la pais como un potia militar. Lo ia emerji de la Gera Mundal Du como la pais prima con armas nucleal e como un membro permanente de la Consilio de Securia de la Nasiones Unida. La resulta de la Gera Fria ia es la disolve de la Uni Soviet, lasante la Statos Unida como la sola suprapotia. La SUA fa 43% de la spende militar global e lo es la fortia prima, cultural, political e economial en la mundo.

Siensa
Siensas naturalAstronomiaBiolojiaCimicaClimatolojiaEcolojiaFisicaJeneticaJeolojiaMatematicaMedicaPaleontolojiaPrirodneNauke
Siensas umana AntropolojiaArceolojiaEconomiaFilosofiaIstoriaJeografiaLegeLinguisticaPoliticaPsicolojiaSosiolojia
Filosofia de siensa • Istoria de siensa

En otra linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.