Sefardi

La iudis sefardi es un etnico iudi desendente de los espulsada de Espania e Portugal, ci conserva la tradisiones iudi de Babilonia en loca de los de Filastin.

Iudis sefardi
יהדות ספרד‎
(Yahadut Sfarad)
Popla 2 200 000
Loca Israel, Frans, Statos Unida
Relijio Iudisme
Lingua

Nom

Sua nom en ivri es סְפָרַדִּים‎, pronunsiada en ivri moderna Sfaraddim, o יְהוּדֵי סְפָרַד‎ Y'hudey Spharad, traduida como "la iudis de Espania".

Distribui

Ante 1492

Ante 1492, comunias importante de iudis ia esiste en provinses espaniol e portuges. Entre la plu grandes ia es la comunias de Lisboa, Toledo, Cordoba, Sevilla, Malaga e Granada. En esta sites, an tal, la iudis ia composa un minoria importante de la popla jeneral. En alga sites plu peti, la iudis ia es la majoria car esta sites ia es instituida o abitada par iudis. Entre esta sites ia es Ocaña, Guadalajara, Buitrago de Lozoya, Lucena, Ribadavia, Hervás, Llerena, e Almazán.

Baruch Spinoza

Baruch Spinoza (24 novembre 1632 a 21 febrero 1677) ia es un filosofiste iudi-nederlandes de un sefardi-portuges orijin. Par construi la funda per la Lumina e critica biblial moderne, incluinte consetas moderne de la person e la universo, el ia deveni un de la razonalistes de filosofia de la sentenio 17. Con Rene Descartes, Spinoza ia es un filosofiste xef de la Eda de Oro de Nederland. Sua nom personal, cual sinifia "bondiseda", varia entre linguas diferente. En Ivri, lo es scriveda como ברוך שפינוזה. Sua nom portuges es Benedito "Bento" de Espinoza. En sua obras latina, el usada latina: Benedictus de Spinoza. Tra la edas, el ia es tan amirada ce tota reconose el par la nom "Spinoza".

Spinoza ia es elevada en un comunia portuges-iudi en Amsterdam. El ia developa ideas multe controversal regardante la autenticia de la Biblia ivri e la natur de la divin. Autorias iudi ia proclama un herem (חרם, "condena") contra el, cual causa ce el ia es espulsada e escluida par la sosia iudi a 23 anios, incluinte par sua propre familia. Sua libros ia es plu tarde ajuntada a la Catalogo de Libros Proibida par la Eglesa Catolica. El ia es nomida un ateiste par sua contemporas, an si Spinoza ia refuta nunca la esiste de Dio. Lo es comun videda como un panteiste, cual no es distante de la veria.

Spinoza ia vive un vive esterna simple como un fabricor de lentes otical, colaborante sur lentes per microscopios e telescopios con Constantijn e Christiaan Huygens. El ia refusa premios e onores tra sua vive, incluinte postos prestijiosa de instrui. El ia mori a 44 anios de un maladia de la pulmones, posible tuberculose o silicose, malida par la enspira de polvo pico de vitro cuando molente lentes. El ia es enterada en la semetero cristian de la Nieuwe Kerk ("eglesa nova") en de Haag, Nederland.

La obra mestral de Spinoza, la Etica, ia es publicada pos sua mori en la anio de sua mori. La obra ia oposa la filosofia de Descartes de dualisme de mente e corpo, e ia resulta en Spinoza gania la titulo de un de filosofistes european la plu importante. Georg Wilhelm Friedrich Hegel ia dise "La fato es ce Spinoza es fada un punto de proba en filosofia moderne, afin lo pote es diseda: Tu es o un spinoziste o no un filosofiste" Sua atenis filosofial e sua carater moral condui Gilles Deleuze per nomi el "la prinse de filosofistes".

Ivri corente

Ivri corente (ivri: כתב עברי רהוט‎ ktav ivri rahut) es un nom per un colie de stilos de scrives par mano per la alfabeta ivri. Ivri moderne, spesial usada nonformal en Israel, es scriveda par mano con un scrive corente cual ia developa en Europa sentral ante la sentenio 13. Lo es ance la forma usada per scrive ides par mano. Lo ia es presededa par solitreo, un scrive corente sefardi, ancora usada per ivri-espaniol e comunias iudi en Africa

Como en tota scrives par mano, ivri corente mostra multe varia individua. La formas en la table a su represente los usada oji. La table es organizada destra a sinistra, como la usa en ivri.

Nota: Formas final es a la lado sinistra de la formas comensante/media.

Nacmanide

Rabi Moses ben Nahman (מֹשֶׁה בֶּן־נָחְמָן‎ Mōšeh bēn-Nāḥmān, "Moises fio de Nahman"; 1194–1270), conoseda como Nacmanide (elinica: Ναχμανίδης Nacmanides), ia es un scolor medieval iudi, rabi sefardi, filosofiste, mediciste, cabaliste e comentor biblial. El ia crese, studia e pasa la plu de sua vive en Girona, Catalunia. El es ance regardada como un figur importante en la reinstitui de la comunia iudi en Ieruxalim pos la ruina de esta par la crusadores en 1099.

Scrive de Rashi

La scrive de Rashi es un tipo de leteras per la alfabeta ivri. Lo es nomida per Rashi, un autor de comentas rabial sur la Tanakh (biblio ivri) e la Talmud (comentas sur la tanakh), e es usada xef per primi sua comentas. La tipo (cual no ia es usada par Rashi mesma) es fundida sur un scrive de mano semicorente de la comunia sefardi de la sentenio 15. Lo ia es prendeda como un model par tipografores ivri temprana como Abraham Garton, la familia Soncino e Daniel Bomberg, un primor cristian en Venezia, en sua editas de testos comentada (como la Micraot Gedolot e la Talmud, en cual la comentas par Rashi es importante).

La developa comensante de la tipos de leteras per la primador es comun ancorida en la cultur pre-esistente de manoscritos. En la caso de la primerias ivri, la tradision axcenazi ia domina e leteras cuadrida ia es moldida per biblios e otra obras importante. Testos plu minor, como comentas de rabis, ia es comun primida con un semicorente forma cual ia es normalida como la scrive de Rashi.

A tipo de leteras corespondente ma distinguida ia es usada per primi ides. Lo ia es nomida vaybertaytsh, de ia parolas vayber (femes) e taytsh (deutx ides), car obras primida en esta tipo ia es xef intededa per lejores fema.

Solitreo

Solitreo es un forma corente de la alfabeta ivri. Lo ia es tradisional un scrive sefardi, ma es ance la presedente de la ivri corente moderne axcenazi usada per scrive par mano en Israel moderne e per ides. La du formas difere de lunlotra prima en ce solitreo usa multe plu lias tipografial ca la scrive axcenazi, creatente un stilo plu fluinte cual sembla la alfabeta arabi.

En istoria, solitreo ia es usada en du modos paralel. In iudi-espaniol de la Balcanes e Turcia, lo ia servi como la forma model de scrive par mano, con la scrive de Rashi usada per primi. En comunias sefardi en Magrib e la Levante, lo ia es usada per documentos manuscrital en ivri e la linguas iudi-arabi. An si ambos scrives es nomida solitreo, los es distinguable e lejores cual conose la un tipo pote trova la otra tipo difisil per leje.

Con la declina de iudi-espaniol e la sperde de la sentros de la popla sefardi, esemplos de solitreo ia deveni rara. La dijitali en febrero 2012 de un autobiografia de un mercator iudi de Tesalonici en la Impero Osmanlian (aora Elas) en la sentenio 19 tarde,par eruditas de la universia de Stanford ia furni un recurso nova e de un cualia alta per studiantes de iudi-espaniol e solitreo.

En otra linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.