Numeros

Numeros (la numeros de la popla) es un libro de la Biblia.

Figures
Un reimajina de un prete, prete alta, e levi, con mobilas de la baldacin
Alfabeta gudjurati

La alfabeta gudjurati (ગુજરાતી લિપિ Gujǎrātī Lipi) es un abiguda, como tota sistemes derivada de Brami, e es usada per scrive la linguas gudjarati e cutxi. Lo es un varia de la scrive devanagari, sin la linia orizonal cual core tradisional supra la leteras, e par un cuantia de cambias a alga leteras. La numeros difere ance de la formas devanagari.

Alfabeta suri

La alfabeta suri es un sistem de scrive usada xef per scrive la lingua suri de la sentenio prima ec. Lo es un de la abjades semitica desendeda de la alfabeta arami tra la alfabeta palmira, e lo comparti similes con la alfabetas fenisia, ivri, arabi, e [[alfabeta mongol|mongol. Lo es scriveda de destra a sinistra en linias orizonal. Lo es un scrive corente en cual la plu (ma no tota) leteras es liada en un parola. Parolas es separada par spasios. Tota 22 leteras es consonantes, an si on ave marcas diacritica elejable per indica vocales e otra cualias. En ajunta, la leteras pote es usada per numeros en un sistem simil a la numeros ivri e elinica.

Nota ce alga leteras ave varias per cuando los es la letera final de un parola. Estas es la formas clasica (ʾEsṭrangēlā); on ave ance un varia de suri este (Maḏnḥāyā) e un varia de suri ueste (Serṭā) ave alga diferes de formas.

Alfabeta tai

La alfabeta tai es usada per scrive la lingua tai. Lo ave 44 leteras, 15 sinietas per vocales cual pote combina a 28 formas de vocales, e cuatro sinietas per tonos. An si on refere comun a locomo la alfabeta tai, lo no es vera un alfabeta ma un abugida, pd un sistem de scrive en cual cada consonante espresa un vocal, cual es, en tai, un "a" o "o". Otra vocales nesesa un sinieta sur, su, a destra, o a sinistra la consonante. Scrive es orizonal de sinistra a destra. Tai ave sua propre colie de numeros, ma la model ueste de numeros es ance usada.

La alfabeta tai es derivada de la scrive kmer antica, cual es un varia de brami sude. Tai es la scrive prima en la mundo cual ia inventada marcas per indica tonos, cual no apare en la linguas indo-arian o mon-kmer. An si xines e otra linguas sino-tibetan ave tonos, los no ave indicas de los en sua scrives. La alfabeta tai difere ance de otras de Asia sude e sude-este par no ave consonantes liada o pilada (pe cuando la consonante prima no ave un vocal).

Tradisional en Tai, la crea de la scrive es atribuida a Re Ramkhamaeng la grande en 1283.

Eda comun

La eda comun es la eda en cual nos vive aora. Lo ia comensa en la anio 1, la anio prima de la sentenio prima.

La terma "eda comun" es usada per evade asosias relijial. A orijina, esta sistem de numeros de anios es cristian: on ia suposa ce la anio prima es la anio de la nase de Jesus, e on ia refere a anios "ante Cristo" e "pos Cristo" (o "Anno Domini" en latina).

La corti aec sinifia "ante la eda comun" (ante Cristo):

Julio Cesar ia es matada en la anio 44 aec.La corti ec sinifia "de la eda comun" (pos Cristo):

La crusada prima ia comensa en la anio 1096 ec.En situas normal, un numero de anio sin aec o ec indica la eda comun.

Italia

Italia (ofisial Republica Italian, en italian: Repubblica Italiana) es un pais en Europa sude. En la norde el ave la Alpes, do borda con Frans, Suiz, Osteraic i Slovenia. La statos de San Marino e la Site Vatican es du enclaves en la teritorio italian. La site capital, e la site la plu grande, es Roma. Italia es 301,230 cilometres cuadrida e la cuantia de popla en 2016 ia es sirca 61 milion.

La ministro prima es Giuseppe Conte.

El es la pais tre en Europa par cuantia de turistes per anio.

Italia es un de la paises la plu industrial de la mundo e el es un pais developada con un cualia de vive alta.

Kah

Esta es un corti e reordina de la paje orijinal de kah a http://www.kwesho.com/index.html

Kah es un lingua construida per es un lingua aidante internasional. La vocabula es a priori (nova creada) e la gramatica es isolante e simil a xines. Lo es multe simple e fasil aprendeda. La desinior resta aora anonim.

Kosmos

Kosmos es un proposa per un lingua aidante internasional creada par Eugen A. Lauda e publicida en 1888. Lauda ia critica Volapük per sua artifisia, e ia sujesta ce on pote crea un lingua par combina un gramatica pur lojical con un vocabula de un lingua esistente (e plu comun studiada en sua eda ca oji), latina. En esta modo, on pote aprende rapida la gramatica e ance usa fasil la disionarios de latina. Serta, si Lauda ia crea un gramatica plu reduida, esta lingua ia pote deveni multe plu popular!

Kosmos usa la alfabeta latina con la pronunsia clasica (como Peano ta usa per se "latino sine flexione" de 1903). Lo ave ses vocales (a, e, i, o, u, y [y]) e 17 consonantes (b, c [k], d, f, g [g], h, l, m, n, p, q [k], r, s, t, v, x [ks], z). Lo ave ance tre vocales longa (ā,ō,ū) usada en la sufisas per la sujuntiva. La diftongos ae, oe, (ai, ei, au, eu, ui) es pronunsiada como du vocales separada. Q es sempre segueda par u, e la du es pronunsiada [kv]. Strana, Lauda usa K en la nom de la lingua!

La asentua es a la silaba anteultima (un ante la silaba final) o du ante la ultima (du ante la silaba final), como en latina, e depende de la longia de la vocal anteultima.

Latina (lingua)

Latina (lingua latīna, AFI: [ˈlɪŋɡʷa laˈtiːna]) ia es la lingua parlada orijinal par la romanes e la otra poplas de Latium (en Italia moderna) tra multe sentenios aec, e la popla de la Impero Roman tra multe sentenios ec. Latina ia es parlada en la eda medieval par eruditas e pretes, e es aora la lingua ofisial de la eglesa catolica. Latina es ance la lingua asendente de la linguas romanica, incluinte franses, espaniol, portuges, italian, romanian e rumans. Multe parolas tecnical es composada de radises latina.

Ante fini de la tarda de la Republica Roman (75 aec), latina antica ia es normida a en latina clasica. Latina poplal ia es la forma demotica cual ia es parlada en la mesma tempo e ia es videda en enscrives e la obras de autores teatral como Plauto e Terensio. Latina tarda ia es la lingua scriveda de la sentenio 3, e latina medieval ia es la lingua usada entre la sentenio 9 e la Renase, cual ia usa latina de la Renase. Plu tarda, latina temprana contempora e latina contempora ia evoluida. Latina ia es usada como la lingua de comunica internasional, eruditia e siensa asta la tarda de la sentenio 18, en cuando demoticas ia comensa recambia lo. Latina eglesal permane como un lingua ofisial de la Seja Santa e rituo santa de la eglesa catolica.

Oji, multe studiantes, eruditas e eglesores catolica parla latina fluente como un lingua liturjial. Lo es enseniada en scolas prima, liseos e universias tra la mundo.

Latina es un lingua cual infleta multe, con tre jeneros, sete casos per nomes, cuatro conjugas per verbos, ses tempos, tre persones, tre modas, du voses, du aspetas e du numeros.

Lingua franca nova

Per plu articles sur Elefen, vade a la categoria per elefen.Lingua franca nova (cortida a lfn, cual es comun speleda elefen) es un lingua aidante internasional creada par Dr C. George Boeree e perfetida par multe suportores de la lingua. La vocabulo de elefen es fundida en franses, italian, portuges, espaniol e catalan. La gramatica es multe reduida e simil a la creoles romanica. La lingua es fonetical speleda, con 22 leteras de la alfabeta latina o la alfabeta cirilica.

La prinsipes gidante:

Un cuantia limitada de fonemes;

Un spele cual refleta clar la pronunsia;

Un gramatica simple e coerente;

Un grupo limitada de afisas produosa;

Un ordina de parolas bon definida;

Un vocabulo prendeda de la linguas romanica moderna;

Un capasia per aseta parolas tecnical internasional;

Un aspeta natural, bela e espresosa.

Matematica

Esta es la article sur matematica. La categoria Matematica conteni plu articles sur matematica.

La matematica es la siensa cual studia la motifes en la strutures de cosas astrata e la relatas entre los. La parola es derivada de μάθημα (mathema, "cosa aprendeda") en elinica.

Matematica es esensal en multe campos, incluinte siensas natural, injenia, medica, finansia e siensas sosial. Matematica aplicada ia gida a multe disiplinas matematical nova, como statistica e teoria de jua. Matematicistes es ance envolveda en matematica pur, sin ave un aplica en mente.

Mundolinco

Mundolinco es un lingua construida creada par la autor nederlandes Jacob Braakman en 1894.

La cambias plu grande a esperanto inclui:

la elimina de diacritos;

la plural en -i;

la elimina de la afisa per nomes acusativa (ojeto direta);

la elimina de la acorda entre nomes e ajetivos;

la uni de ajetivos e averbos con la fini -e;

cambias a la conjugas de verbos;

alga parolas nova per oposantes en loca de mal-;

parolas plu reconosable per alga de la "table de corelatas" (pe ho per tiu);

afisas nova como la sufisa superlativa -osim- en loca de plej;

la numero grande de radises es de latina.La plu de sua ideas ia es adotada en otra esperantidos, incluinte ido.

La testo cual introdui mundolinco ia ave un sita de J. J. Rousseau: "Toutes nos langues sont des ouvrages de l'art". ("Tota nosa linguas es obras de arte")

Mundolingue

Mundolingue es un lingua creada, e es la inventa de Julius Lott (1848 - 1905), un ofisior de artileria de Wien e un esperta de volapuk e se

promover en Osteraic. Ma el nota ce volapuk ia es multe nonnatural, nonpratical, e ce el no segue la rol de la sivilia european en la mundo. Per esta razonas, el ia crea mundolingue, con un funda en la vocabula internasional latina-elinica e la linguas la plu importante de se eda: italian, franses, engles, e deutx. El ia prefere "descovre" parolas en loca de crea los, en un modo cual ia previde la modo usada per la crea de interlingua (IALA). El ia produi sinco libros sur la lingua, de 1888 a 1899, con bonis peti en cada publici.

Neo

Neo es un lingua artifisial per comunica internasional, cual ia es creada par Arturo Alfandari, un linguiste e diplomata de Beljia. Neo combina cualias de esperanto, ido, novial, occidental, e volapuk.

La projeta ia es prima presentada par la autor en 1937, ma no ia atrae multe atende. En 1961 en Bruxelles, Alfandari ia publica se opera major, con la titulo "Cours pratique de Neo, deuxieme langue". La opera ia inclui un gramatica en 44 lesones, traduis de leteratur, leteratur orijinal, testos de siense e tecnica, e disionarios. La opera ia ave 1304 pajes.

Neo ia trae la atende de lejores e la editores de "International Language Review", ci ia developa un edita dedicada a linguas artifisial. En 1962, un asosia "Amis de Neo" ia es establida, e un academia ia es creada per manteni la lingua. Ma pos la mori de Alfandari en 1969, la academia e la "Amis" ia sesa.

Occidental

Occidental (pronunsiada "ocsidental") es un lingua construida par Edgar de Wahl, un mestre e un ofisior de la marina deutx. El publici la lingua en 1922. El ia crea la lingua usante formas de parolas comun en la linguas de Europa ueste. Con un gramatica simple, occidental es fasil lejeda par la plu de europeanes. La lingua ia es multe poplal ante la Gera Mundal Du, con posable sirca du milion parlores. La nom ia es cambiada a interlingue, ma la introdui de interlingua de ALAI, el deveni min conoseda. Oji, a la rede, Occidental deveni de nova plu poplal. El es multe fasil per los ci conose elefen. Occidental es sirca egal fasil lejeda ca elefen per persones european sin preconose de occidental o elefen. Occidental es plu complicada per scrive ca elefen. Per esemplo: en occidental on ave 41 preposadas frecuente, en elefen on ave 22 preposadas frecuente. Occidental no es fonetical e donce min fasil parlada ca elefen.

Sona

Sona es un lingua aidante internasional creada par Kenneth Searight e descriveda en sua libro publicida en 1935. La parola sona en la lingua sinifia un cosa neutra e aidante, e eco parolas como sona en multe linguas european.

Searight ia crea sona per coreta la eurosentrisme de otra linguas "natural" de sua eda, como esperanto e ido. Ance, el ia intende ce sona es plu pratical ca la linguas "lojical" como solresol e ro.

La lingua ave 375 radises, fundida en la tesoro orijinal de Roget. Otra parolas es creada par junta esta radises. Per esemplo, ra (mas) plu ko (enfante) deveni rako (xico).

La libro par Searight - Sona: an auxiliary neutral language - es la sola esemplo de la lingua. Lo ave un comunia peti a la interede ce es interesada en revive e usa de sona.

Tocipona

Tocipona (toki pona, "la bon parla") es un lingua creada estrema simple, con sola 120 parolas. Multe influeda par dauisme, lo usa la min per espresa la plu. Lo ia es desiniada en 1999 par Sonja Lang (nomida Sonja Elen Kisa a ante), un linguiste e traduor canadian, ci ia publici lo par interede en 2001. La libro ofisial defininte la lingua ia apare final en la media de 2014.

La parolas representa cosas fundal e universal de la vive umana. Combinas de parolas sujesta consetas plu complicada. An si multe frases es ambigua, la lingua es notable espresosa. Parlores nesesa considera multe la situa e redui ideas a sua esenses. Esta pote revela relatas interesante. Per esemplo, "ami" en tocipona es jan pona o "bon person". On vide ce "un mal ami" es un contradise.

Tu pote aprende tocipona con un curso scriveda en elefen.

Universalglot

Universalglot es un lingua aidante internasional, creada par la linguiste franses Jean Pirro e publicida par se en 1868 como Tentative d'une langue universelle, Enseignement, grammaire, vocabulaire. Universalglot es cisa la lingua aidante "natural" prima en la mundo, creada a 10 anios ante volapuk e a 20 anios ante esperanto. La lingua ia ave 7000 parolas fundal e multe afisas per crea plu parolas.

Uropi

Uropi es un lingua creada par Joël Landais, un instruor de engles en Frans.

Biblia
Atesta VeaJeneseEsodoLevitico • Numeros • DeuteronomioJoxuaJudoresRutSamuel 1 e 2 • Res 1 e 2 • Cronicas 1 e 2 • EzraNehemiaEsterTobiJudit • Macabeos 1 e 2 • JobSalmosProverbosEclesiasteCanta de CantasSiracIsaiaJeremiaLamentasBarucEzecielDanielHoxeaJoelAmosObadiaJonaMicaNahumHabacucSefaniaHagaiZecariaMalaci
Atesta Nova Evanjelio (Evanjelio de San Mateo • Evanjelio de San Marco • Evanjelio de San Lucas • Evanjelio de San Joan) • Atas de la Apostoles • Epistolas de San Paul (Epistola a la Romanes • Epistola prima a la Corintianes • Epistola du a la Corintianes • Epistola a la Galatianes • Epistola a la Efesianes • Epistola a la Filipianes • Epistola a la Colosianes • Epistola prima a la Tesalonianes • Epistola du a la Tesalonianes • Epistola prima a Timoteo • Epistola du a Timoteo • Epistola a Tito • Epistola a Filemon) • Epistola a la Ivris • Epistolas Catolica (Epistola de San Jacobo • Epistola prima de San Petro • Epistola du de San Petro • Epistola prima de San Joan • Epistola du de san Joan • Epistola tre de San Joan • Epistola de San Juda) • Apocalipse

En otra linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.