Europa ueste

CartaEuropa
Areas en Europa
Alfabetas completa

Un alfabeta completa es un sistem de scrive en cual la sinias unica per consonantes e vocales, cual represente la fonemes de parolas parlada,an si en multe casos la representes no es esata. La prima alfabeta completa, con consonantes e vocales, es la alfabeta elinica. Otras inclui la alfabeta etrusca, alfabeta latina, alfabeta cirilica, alfabeta haieren, alfabeta cartuli, alfabeta goto, la runas, e la hangul de Corea, e otras. Asi es un lista de alfabetas completa:

Alfabeta Fonetical Internasional

Adlam – Fula

Alfabeta albanian (de la Caucasos – Udi (lingua))

Avestan – Avestan.

Basa vah – Basa

Beria – Beria

Bopomofo - Xines

Borama – Somali

Cadare – Somali

Carian – Carian

Cartuli - Cartuli e otra linguas cartuli

Cirilica – Belarusce, Rusce, Ucrainsce, Balgarsce, Macedonsce, Serbsce, Cazac, Cirgiz, Tadjici, Mongol.

Alfabeta coorgi–cox – Kodava

Copta – Egyptian

Elbasan – Albanian

Elinica – Elinica

Etrusca – Etrusca

Fraser – Lisu

Glagolitica – Slavonica vea de eglesa

Goto – Gotho

Haieren – Haieren (Armenian)

Hangul – Corean

Italica vea – La linguas italica antica

Latina – latina; Linguas de Europa ueste, linguas turcica, linguas de Africa sude, linguas american orijinal, linguas de la isolas de Asia sude-este, la linguas australian orijinal, e la linguas de la isolas de la Pasifica.

Magiar vea – Magiar vea

Mandaia – Mandaia dialeto de Arami

Mandju – Mandju

Mongol – Mongol

Neo-yifinag – Tamazigt

N'Ko – Manding, Bambara, Diula

Ogam – Linguas celta antica

Osmania – Somali

Permica vea – Comi

Runas – Linguas germanica antica

Santali – Santali

Alfabeta de Shaw – Un scrive fonetica per engles

Tai lue – Lue

Turcica vea – Linguas turcica vea

Uajaja – Uajaja (Osage)

Uigur – Uigur

Vithkuqi – AlbanianStenografias:

Stenografia ecletica

Stenografia Gregg

Stenografia Gabelsberger

Stenografia Pittman

Balgaria

Balgaria es un pais en Europa.

La area es sirca 110 910 cilometres cuadrida.

La cuantia de popla, en la anio 2006, ia es sirca 7 385 367 persones.

La site capital es Sofia.

La lingua major es balgarsce.

En marto 2013, Marin Raikov ia es asiniada como xef de un governa de "espertas", ante elejes en maio 2013.

Beljia

Beljia, ofisial de Rena de Beljia es un pais federal en Europa ueste. Lo es un membro fundor de la Uni European e ave la xeferia de la Uni European, la OTAN e otra organizas conoseda. La capital es Bruxelles, cual es ance la capital de la Uni European. La area es sirca 30 528 cilometres cuadrida e la cuantia de abitores, en la anio 2006, ia es sirca 10 379 067 persones.

La major linguas es franses e nederlandes. La pais es divideda en tre rejiones e tre comunias: Flandre (do la abitores parla nederlandes), Ualonia (do la abitores parla franses e ualon) e la Capital (do la abitores parla xef franses ma ance un poca de nederlandes). Lo ave ance un comunia de parlores de deutx en Ualonia este. Sua diversia lingual e la disputas political relatada es refletada en sua istoria political e sus sistem de governa, formida par ses governas diferente.

Oji, Beljia es un monarcia constitual federal con un sistem de governa parlamental.

Cipros

Cipros (elinica: Κύπρος, Kýpros, IPA: [ˈcipɾos]; Turces: Kıbrıs, IPA: [ˈkɯbɾɯs]) es un isola e pais en la Mar Mediteraneo.

Lo es, par tradision, la isola de Afrodite (Venus), la diva de la ama.

La area es sirca 9 250 cilometres cuadrida.

La cuantia de abitores, en la anio 2006, ia es sirca 1 100 000, con 784 000 persones ci parla elinica.

La site capital es Nicosia o, local, Lefkosia (elinica: Λευκωσία, turces: Lefkoşa). La capital de Cipros Norde es Nicosia Norde. La site capital es divideda (unica en Europe). Lo ave 330 000 abitores.

Otra sites inclui Limassol, con 220 000 persones, e Larnaca, con 70 000.

La linguas major es elinica e turces.

Pos 1974, Cipros es divideda a du partes, Cipros Norde, o la Republica Turces de Cipros (Kuzey Kıbrıs Türk Cumhuriyeti en Turces1), e la Republica de Cipros. Cipros Norde es reconoseda sola par Turcia.

En 2013, un presidente nova (Proedhros) ia es elejeda. En la vota prima, un conserviste ia gania 45% e la candidato AKEL (comuniste), la presidente corente, ia es numero du con 27%. Cipros es nonusual car on pote deveni presidente a un cuantia nonlimitada de veses. En la vota du, Nicos Anastasiades ia gania, 58–42%.

La Republica (capital Nicosia Sude) es un membro de la Eurozona. La economia es en crise.

1 Esta sinifia leteral: Norde Cipros Turces Republica (Cumhuriyeti es un parola arabi)

Danmarc

Danmarc es un pais en Europa. La area es sirca 43 094 cilometres cuadrida e la cuantia de abitores, en la anio 2006, ia es sirca 5 450 661 persones.

La site capital es Kobenhavn. La pais ave sola un frontera, con Deutxland. Lo ave ance un ponte con Sveria supra la streta Skaggerak.

La lingua major es dansce.

La scrivor la plu famosa es Hans Christian Andersen con sua istorias per enfantes.

La rea es Margarethe II.

De 2011 la xef de governa es Fru (seniora) Helle Thorning-Schmidt (Democrates sosial) como xef de un governa de uni de sinistra.

La rena unida de Danmarc ia apare en la sentenio 10 como un nasion cual ia luta per gania controla de la Mar Baltica. Danmarc, Sveria e Noria ia es governada en junta su la Uni de Calmar, stablida en 1814. La mali de la Rena de Noria par causa de la peste negra ia permete ce Danmarc erita un impero colonial de esta uni – de la cual la Isola Faroe e Gronland es la resta.

Deutxland

Deutxland es un pais en Europa sentral. La area de Deutxland es sirca 357 578 cilometres cuadrida. La cuantia de abitores, en la anio 2006, ia es judida como sirca 82,5 milion persones. Lo es formida par 16 statos composante e covre un area de 357 021 cilometres cuadrida. Con un cuantia de abitores de 82 miliones, lo es la stato plu poplada de la Uni European. A pos Statos Unida, lo es la destina de migra plu popular en la mundo. Sua capital es urbe plu grande es Berlin e otra sites importante es Hamburg, Munich, Cologne, Frankfurt, Stuttgart, Düsseldorf, Leipzig, Bremen, Dresden, Hannover e Nuremberg.

La lingua major es deutx.

Espania

Espania (España en espaniol), ance nomida Rena de Espania, (Reino de España) es un pais autonom e membro de la Uni European, constituida en un stato sosial e democrata de cual sua forma de governa es la monarcia parlamental. Sua teritorio es organizada en des-sete comunias autonom e du sites autonom, en ajunta a sincodes provinses. Sua capital es la site Madrid.

Esta pais es situada en Europa Ueste e en Africa Norde. En Europa lo ocupa la plu de la penisola iberian (conoseda como Espania penisolal) e la arcipelago de la isolas Baleare (en la Mar Mediteraneo ueste); en Africa es la sites Ceuta e Melilla, la isolas Canario (en la Mar Atlantica norde-este), la Isolas Txafarina (Mar Mediteraneo), la Roca de Vélez de Gomera (Mar Mediteraneo), la Isolas Alhucema (golfo de la Isolas Alhucema) e la Isola de Alboran (Mar de Alboran). La munisipa de Llivia en la Pirineos constitui un enclave ensircada par Frans. Un serie de isolas e isoletas completi la colie a lado de la costas penisolal.

La area es sirca 504 782 cilometres cuadrida, e la pais es la numero cuatro de la plu grandes de la continente, pos Rusia, Ucraina e Frans. Con un altia media de 650 metres, lo es un de la paises la plu montaniosa de Europa. La cuantia de abitores, en la anio 2015, ia es sirca 46 439 864 persones. La teritorio penisolal ave fronteras con Frans e Andora en la norde, con Portugal en la ueste e con Jibraltar en la sude. En sua teritorios african Espania ave fronteras con Maroco. Lo divide con Frans la domina de la isola de la Fasianes en la boca de la rio Bidasoa.

Seguente la constitui espaniol, castelian o espaniol es la lingua ofisial de la stato, e tota la espanioles ave la debe de conose lo e la direto de usa lo. En 2006, lo ia es la lingua madral de la 89% de la espanioles. Otra linguas, ance espaniol, como catalan, galego e euscara es reconoseda como coofisial en diversa comunias autonom, seguente la Leges de Autonomia.

Europa

Europa es comun regardada como un de la sete continentes, ma fisical lo es un parte de la continente Eurasia. A la norde lo borda la Mar Artica, a la ueste la Mar Atlantica, a la este Asia, e a la sude la Mar Mediteraneo. La Montes Ural es la borda entre Europa e Sibir, cual on regarda como Asia norde.

La continente no ave la cuantia la plu grande de abitores, o la area la plu grande en la mundo, ma lo es famosa per sua istoria e cultur, e sua nivel grande de developa de siensa. Europeanes parla vera multe de linguas, de cual la plu parteni a la familia indoeuropean.

Latvia

Latvia es un pais en Europa. Lo ave un area de sirca 64 589 cilometres cuadrida e la cuantia de abitores, en la anio 2006, ia es sirca 2 274 735 persones. La site capital es Riga. La lingua major es latvisce.

Latvia es istorial un pais luteran, estra en la sude-este, do la majoria es catolica. La popla rusce es xef ortodox.

La Republica de Latvia ia es fundida a 18 novembre 1918. Sua nondepende ia es interompeda par la Gera Mundal Du. En 1940, la pais ia es ajuntada a la Uni Soviet, invadeda par Deutxland Nazi e reocupada par la sovietes en 1944 tra la 50 anios seguente. Latvia ia deveni denova nondependente a 21 agosto 1991.

Luxemburg

Luxemburg (ofisial la Duxia Grande de Luxemburg) es un pais sin costa en Europa ueste. Lo es bordada par Beljia a la ueste e norde, Deutxland a la este e Frans a la sude. Sua capital, Site Luxemburg, es (con Bruxelles e Strasbourg) un de la tre capitales ofisial de la Uni European e la seja de la Corte European de Justia, la autoria judal la plu alta en la UE. Sua cultur, popla e linguas es multe entretexeda con sua visinas, tal ce lo es vera un misca de cultures franses e germanica. Esta es asentuada par la tre linguas ofisial: letseburges, franses e deutx. Invades repeteda par paises visina, spesial en la Gera Mundal 2, ia causa un desira forte en la pais per arbitra entre Frans e Deutxland e ia gida a, entre otra cosas, la fundi de la Uni European.

Con area de 2586 cilometres cuadrida, lo es un de la paises la plu peti en Europa. En 2016, Luxemburg ia ave un popla de 576 249 persones: un de la paises la min poplada en Europa ma la pais con rapidia de crese de popla clar la plu alta. Como un democrata representante con monarca constitual, lo es dirijeda par un Duxe Grande e es la sola duxia grande restante en la mundo. Lo es un pais developada, con economia avansada e un de la produis interna bruta la plu alta per person de la mundo. En 1994, UNESCO ia declara la Site Luxemburg con sua partes vea e fortreses ia es declarada como un loca de erita mundal.

La istoria de Luxemburg comensa en 963, cuando conte Siegfried 1 ia oteni un promontania rocosa e sua fortreses roman, nomida Lucilinburhuc ("castel peti"), e sua area ensircante, de la Abaderia Imperal de San Maximin en Trier. La desendentes de Siegfried ia estende sua teritorio par sposi, gera e relatas de vasal. A la fini de la sentenio 13, la contes de Luxemburg ia rena un teritorio notable grande. En 1308, Heinrich 7, conte de Luxemburg, ia deveni la re de la deutxes e la Imperor Roman Santa. La Casa de Luxemburg ia produi cuatro Imperores Roman Santa a la apico de la Eda Media.

En 1354, Karel 4 ia alti la contia a la Duxia de Luxemburg. Car Sigismund ia ave no eritor mas, la Duxia ia deveni un parte de la Sirculo Burgunda e plu tarda un de la Des-Sete Provinses Nederlandes de Habsburg. Tra la sentenios, la site e fortres de Luxemburg, con importa stratejial major par causa de sua situa entre la Rena de Frans e la teritorios de Habsburg, ia es gradal aumentada a un de la fortreses la plu conoseda en Europa. Pos parteni a la Frans de Louis 14 e la Osteraic de Maria Theresia, Luxemburg ia deveni un parte de la Republica e Impero Franses Prima su Napoléon.

La stato presente de Luxemburg ia emerji a la Congresa de Wien en 1815. La Duxia Grande, con sua fortres potiosa, ia deveni un stato autonom, personal poseseda par Willem 1 de Nederland, con un garnison prusen per garda la site contra un plu invade par Frans. En 1839, pos la tumulta de la Revolui Beljes, la parte de Luxemburg do on ia parla franses ia es sededa a Beljia, e la parte letseburges ia deveni la stato presente de Luxemburg.

La pais ia es industrida en la comensa de la sentenio 20 par la industria de aser, esplotante la fero en la Teras Roja. Pos la declina de esta industria en la desenio de 1970, la pais ia foca a institui se como un sentro finansial global, e ia developa a un sentro reputada de bancos. De la comensa de la sentenio 21, sua governas ia foca a developa la pais a un economia de sabes, fundinte la Universia de Luxemburg e un program nasional de spasio, projetante la envolve prima en un mision robotal a la Luna ante la fini de 2020.

Luxemburg es un membro fundinte de la Uni European, la Organiza per Coopera e Developa Economial, OTAN e Benelux, refletante sua acorda political cual favore integra economial, political e militar. La site Luxemburg, cual es la capital e site la plu grande de la pais, es la seja de alga instituidas e ajenterias de la UE.

Monaco

Monaco (ofisial la Prinsia de Monaco, Principatu de Múnegu en monaces, la dialeto local) es un pais e microstato locada a la Costa Azul en Europa ueste. Lo es bordada par Frans a tre lados, e la otra lado borda la Mar Mediteraneo. Lo ave un area de 2,02 km² e un popla de sirca 38 400 persones longo la conta de 2016. Con 19 009 abitores per km², lo es la pais du de la plu petis e la numero du de la plu densa poplada en la mundo. Monaco ave un borda teral de 5,47 km, un costa de 3,83 km e un largia cual varia entre 1700 e 349 m.

La punto la plu alta en la pais es un rueta streta, nomida Chemin des Révoires, sur la inclina de Monte Agel en la rejion Les Révoires, cual es a 161 metres supra nivel de mar. La cuatri la plu poplada de Monaco es Monte Carlo, e la garda la plu poplada es Larvotto/Bas Moulins. Par reprende de tera, Monaco ia crese sua area par 20%: en 2005, la area ia es mera 1,974 km². Monaco es conoseda como un jueria per persones rica e famosa, par causa de sua leges de imposta. En 2014, on ia nota ce sirca 30% de la popla es milionores, plu ca en Zürich o Genève.

Monaco es un prinsia governada su un spesie de monarcia constitual, con Prinse Albert 2 como xef de stato. An si el es un monarca constitual, el ave un potia political enorme. La Casa Grimaldi rena ja Monaco con interompes corta de pos 1297. La lingua ofisial es franses, ma monaces, italian e engles es vasta parlada e comprendeda. La autonomia de la stato ia es reconoseda ofisial par la Trata Francomonacan de 1861, e Monaco ia deveni un membro plen votante de la Nasiones Unida en 1993. An con sua autonomia e sua propre politica esterna, la defende de Monaco es un encarga de Frans. Ma Monaco manteni du unias militar peti.

La developa economial de Monaco ia es speronida en la tarda de la sentenio 19 par la abri de la casino prima de la pais, Monte Carlo, e un lia ferovial a Paris. Pos alora, sua clima temperada, sua vistas bela e sua aposterias ia contribui a la reputa de la prinsia como un destina per turistes e un sentro de recrea per persones rica.

En anios plu resente, Monaco ia deveni un sentro major de bancos e ia atenta diversi sua economia a servis e industrias peti e noncontaminante de valua grande. La stato ave no imposta de revenu e impostas basa de comersia, e es bon conoseda como un paradiso finansial. Lo es ance la ospitor de la Premio Grande de Monaco, un corsa de autos anial sur curso de stradas, un de la Premios Grande orijinal de Formula Un.

Monaco no es formal un parte de la Uni European, ma lo partisipa en alga de la politicas, incluinte impostas de duana e controlas de frontera. Par causa de sua relata con Frans, Monaco usa la euro como sua sola mone; ante esta, lo ia usa la franc monaces. Lo ia junta se a la Consilio de Europa en 2004. Lo es un membro de la Organiza Internasional de Francofonia.

Nederland

Nederland (Nederland [ˈneɪdərlɑnt] en nederlandes; Nederlân en frisce ueste; e Hulanda en papiamento) es un pais en Europa cual es parte de la Rena de Nederland (Koninkrijk der Nederlanden; "der" es gramatica vea per "van de" ("de la")). Nederland sinifia leteral "Tera Basa".

La area es sirca 41 848 cilometres cuadrida.

En la anio 2011 la pais ia ave sirca 16 660 700 abitores.

La site capital es Amsterdam (Holland-Norde), e la seja de la governa es Den Haag (Holland-Sude). La site tre es Rotterdam. (Holland-Sude).

Occidental

Occidental (pronunsiada "ocsidental") es un lingua construida par Edgar de Wahl, un mestre e un ofisior de la marina deutx. El publici la lingua en 1922. El ia crea la lingua usante formas de parolas comun en la linguas de Europa ueste. Con un gramatica simple, occidental es fasil lejeda par la plu de europeanes. La lingua ia es multe poplal ante la Gera Mundal Du, con posable sirca du milion parlores. La nom ia es cambiada a interlingue, ma la introdui de interlingua de ALAI, el deveni min conoseda. Oji, a la rede, Occidental deveni de nova plu poplal. El es multe fasil per los ci conose elefen. Occidental es sirca egal fasil lejeda ca elefen per persones european sin preconose de occidental o elefen. Occidental es plu complicada per scrive ca elefen. Per esemplo: en occidental on ave 41 preposadas frecuente, en elefen on ave 22 preposadas frecuente. Occidental no es fonetical e donce min fasil parlada ca elefen.

Sentenio 1

La sentenio prima es la periodo entre la anios 1 e 100 de la eda comun. La anio 0 no esiste en la sistem de aec/ec.

Sentenio 5

La sentenio sinco es la periodo entre la anios 401 e 500, par la calendar julian, de la eda comun.

La avenis par cual nos conose la plu bon la sentenio sinco inclui la cade de Roma a la tribus Germanica, cual fini la rena de 600 anios de la romanes en Europa ueste. La Impero Roman continua como la Impero Bizantian en la Mediteraneo este a 1453. Otra avenis notable inclui la fundi de Txitxen Itza e la scrive de La Site de Dio par San Augustin.

Serbia

Serbia es un pais en Europa.

La area es sirca 88 361 cilometres cuadrida.

En la anio 2006, lo ia ave sirca 9 396 411 persones.

La site capital es Beograd.

La lingua major es serbsce.

Slovenia

Slovenia (ofisial la Republica de Slovenia) es un pais en la sude de Europa sentral. La pais es locada a la crus de vias cultural e comersial european. Lo es bordada par Italia a la ueste, Osteraic a la norde, Magiar a la norde-este, Corvatsca a la sude e sude-este, e la Mar Adriatica a la sude-ueste. Lo covre 20 273 cilometres cuadrida e ave un popla de 2,06 milion persones. Lo es un republica parlamental e un membro de la Nasiones Unida, la Uni European e OTAN. Sua capital e site la plu grande es Ljubljana.

La teritorio es xef montaniosa con un clima xef continental, con eseta de Primorska do la clima es sumediteranean, e la norde-ueste do la clima es alpan. La pais, marcada par un diversia biolojial major, es un de la plu ricas de acua en Europa, con un rede densa de rios, un sistem rica de acuiferes e cursos de acua suteran. Plu ca un dui de la teritorio es covreda par forestas. La abita umana de Slovenia es sperdeda e noncoerente.

Istorial, Slovenia ia es la crus de vias de la linguas e cultur ueste slavica, sude slavica, germanica, romanica e magiar. An si la popla no es omojen, la majoria es slovenian. Slovenian, un lingua sude slavica, es la lingua ofisial tra la pais. Slovenia es un pais xef secularida, ma sua cultur e identia ia es major influeda par catolicisme e ance luteranisme. La economia es peti, abrida, fundida sur esportas, e forte influeda par la state internasional. Lo ia es grave danada par la crise de la Eurozona cual ia comensa en la tarda de la desenio de 2000. La campo xef de economia es servis, segueda par industria e construi.

Slovenia ia es un de la ses republicas de ex-Iugoslavia. Lo ia deveni un stato autonom en la anio 1991.

Suomi

Suomi (ance nomida Finland) es un republica en Europa.

Sua area es sirca 338 145 cilometres cuadrida.

Sua cuantia de abitores, en la anio 2006, ia es sirca 5 231 372 persones.

La site capital es Helsinki (svensce: Helsingfors).

La lingua major es suomi, un lingua multe difisil.

Linguas: suomi 90% e svensce 5%. Otras: 5%.

Jornales xef: Suomi: Helsingin Sanomat ("Novas de Helsinki"). Svensce: Hufvudstadsbladet ("Jornal de la capital").

Ministro prima (de 2011) es sr. Jyrki Katalainen (Partida de asosia). La governa es un alia de 6 partidos contra sola 2 partidos, la sentrales e la nasionalistes ("Suomis vera").

La parlamento ave sola un salon.

Diferente de Noria, Sveria e Danmarc, Suomi es un republica.

Sporte nasional: hoci a jelo.

Turcia

Turcia es un pais en Europa e Asia sude-ueste.

La area es sirca 780 580 cilometres cuadrida.

La popla, en la anio 2006, ia conteni sirca 70 413 958 persones.

La site capital es Ancara.

La major lingua es turces. 10 miliones parla la lingua curdi. (Vide ance Curdistan.) En Istanbul 15 000 iudis parla iudezmo, un dialeto de espaniol.

La Ministro xef es Recep T. Erdoğan, un islamiste moderada. La presidente es Abdullah Gül.

Ucraina

Ucraina es un pais en Europa este. Lo es bordada par Rusia a la este, norde-este e sude, par Bielarus a la norde-ueste, par Polsca e Slovensco a la ueste, par Magiar, Romania e Moldova a la sude-ueste, e par la Mar Negra a la sude e la Mar Azov a la sude-este.

Ucraina es presente en disputa teritorial con Rusia sur la penisola [[Crim, cual Rusia ia propri en 2014, ma cual Ucraina e la plu de la comunia internasional reconose como ucrainsce. Incluinte Crim, la area de Ucraina es 603 628 km², tal ce lo es la plu grande de la paises cual es intera situada en Europa e la pais 46 de la plu grandes de mundo. Lo ave sirca 42,5 milion abitores, tal ce lo es la pais 32 de la plu popladas de mundo.

La teritorio moderna de Ucraina ia es abitada de 32 000 aec. En la eda media, la rejion ia es un sentro major de cultur slavica este, con ce la stato potiosa Rena de Ciiv ia formi la funda de la identia ucrainsce. Pos sua frati en la sentenio 13, la teritorio ia es disputada, renada e divideda par potiosas diversa, incluinte Lietuva, Polsca, la Impero Osmanian, Osteraic-Magiar e Rusia. Un republica cozac ia emerji e flori en la sentenios 17 e 18, ma sua teritorio ia es ultima divideda entre Polsca e la Impero Rusce, e plu tarda lo ia fusa completa con Rusia.

En la sentenio 20, tre periodos de autonomia ia aveni. La prima ia es corta, en e direta pos la ocupa deutx, prosima a la fini de la Gera Mundal Prima. La numero du ia es ance corta, e ance pos ocupa deutx, en la Gera Mundal Du. An tal, pos ambos de estas, la teritorios de Ucraina ia es final recombinada a un republica soviet en la URSS. La periodo tre de autonomia ia comensa en 1991, cuando Ucraina ia gania sua autonomia de la Uni Soviet en la tempo pos sua disolve a la fini de la Gera Fria. A pos, Ucraina ia manteni sua autonomia.

Ucraina es ja longa un graneria global, par causa de la vastia e fertilia de sua tera cultivada, e lo es un de la esportores major de gran en la mundo. Sua economia diversida inclui un campo grande de industria pesosa, spesial de airospasio e aparatos industrial.

La pais es un republica su un sistem semipresidental con potias divideda a ramos leginte, esecutante e judinte. Sua capital e site la plu grande es Ciiv. Escluinte Crim, lo ave 42,5 milion abitores, de ci 77,8% es etnical ucrainsce e 17,3% es rusce. La lingua ofisial es ucrainsce, e sua alfabeta es cirilica. La relijio major en la pais es la Eglesa Ortodox Este, cual ia fa un influe forte a la arciteta, leteratur e musica ucrainsce.

En otra linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.