Eda de Petra

La eda de petra ia es un periodo larga preistorial, entre cual petra ia es comun usada per fabrica utiles con un borda, un punto, o un surfas de percute. La periodo ia dura sirca 3.4 milion anios, e ia fini entre 8700 aec e 2000 aec con la comensa de utiles metal. La eda de petras es la prima periodo en la sistem de tre edas en arceolojial, cual divide tecnolojia preistorial entre tre periodos:

Fabricadas en la eda de petra inclui utiles usada par umanas moderne e par sua antesedentes en la jenera homo, e posible par la jeneral australopiteco e parantropo. Utiles de oso ia es usada en esta periodo ance ma es rara conservada en la arcivo arceolojial. La eda de petra es divideda entre tre periodos, marcada par la tipos de utiles usada.

La paleolitica (de elinica παλαιός "vea" e λίθος "petra) es la plu temprana parte de la eda de petra. Lo conteni la parte la plu grande de la tempo de umanas (sirca 99% de la istoria de tecnolojia umana, incluinte tota spesies en la jenera homo), estendente de 2.5 milion anios a ante, con la usa prima de utiles de petra, a la fini de la plestosene, sirca 10,000 aec.

La mesolitica ("media-petra") ia comensa a la fini de la eda glasial final de sirca 10,000 anios a ante a 6,000 anios a ante, en cual la mares ia leva e umanas ia nesesa ajusta a un ambiente cambiante e la nesesa de trova fontes nova de comedas. La developa de microlitos, utiles plu refinada.

La neolitica ("nova-petra") ia es (aprosima) marcada par la adota de cultiva. La move de la colie de comedas a produi de comedas, ia es un de la inovas la plu grande en istoria umana. Lo ia es acompaniada par la developa de vasia, utiles de petra briliada, e la construi de vilas plu grande e complicada como Göbekli Tepe e Çatal Hüyük, en un grupo de developas nomida la Revolui Neolitica. La cultures neolitica prima ia comensa sirca 7,000 aec en la cresente fertil e alora estende a otra partes de la mundo. Plu, la cultiva de mais en Mesoamerica e de ris en asia este ia aveni autonom.

Ggantija Temples, Xaghra, Gozo
La templos en Gozo, Malta, alga de la plu vea strutures de la eda de petra
Eda de Fero

La eda de fero es la eda final de la sistem de tre edas, presededa par la neolitica (eda de petra) e la eda de bronze. Orijinal lo ia refere a un eda arceolojial en la preistoria de Europa e Asia sude-ueste, ma ia es estendeda par analojia a otra partes de la mundo.

La dura de la eda varia dependente a la rejion considerada. Lo es definada par la produi de utiles e armas de fero e aser plu bon ca sua egales en bronze. En Asia sude-ueste antica, esta aveni pos la colasa de la eda de bronze en la sentenio 12 aec. La tecnolojia ia sperde rapida tra la rejion de la Mediteraneo e a Asia sude.

La eda de fero en Asia sude-este ia comensa con la descovre de la fonde de fero e la tecnicas de forja en Anatolia, la Caucasos, e la Balcanes en la milenio du aec. La creas de fero ia trovada en la loca arceolojial Kultepe, Azerbaijan, mostra ce la fonde de fero ia es bon conoseda e usada ante la milenio du. La usa de un forno basa per fonde la plu temprana ia es trovada a Tell Hammeh, Urdun, de sirca 930 aec.

Un forno basa es un tipo de forno usada per fonde fero de sua osides. Lo ia es la plu temprana de fornos con la capasia de fonde fero. La produi de la forno ia es un masa porosa de fero e scoria nomida fero reduida. Esta es tipal solidida e plu fondeda a fero forjada. En la eda moderne, la forno basa ia es recambiada par la forno alta, cual produi fero ru.

La spadas de la eda de fero temprana ia es multe diferente de la spadas de aser plu tarde. Los ia es no plu dur e forte ca la spadas de bronze. La spadas ia pote es fasil curvada o contorseda cuando usada.

Ultima, la fornores ia aprende ce, par ajunta un cuantia de carbono (ajunta en fonde en la forma de carbon de lenio) a la fero, los pote produi un alia plu bon, aora conoseda como aser. Par fria la fero en acua o otra licuida, e tempera lo par recaldi e refria lo, la spadas ta sufri min dana e pote rebondi a sua forma orijinal si curvada. Ma esta tecnolojia ia evolui lente, e an a la fini de la periodo medieval temprana, multe spadas ia es ancora fabricada con fero nondurida. Sola par produi aser pote la prosedes resulta en utiles e armas cual ia es egal o plu bon ca bronze.

Edas de preistoria

La seguentes es la nomes jeneral asetada per la edas de preistoria de umanas:

La Eda de Petra:

Paleolitica

Paleolitica inferior (sirca 2,500,000 – 100,000 anios ante la presente):

la jenero Homo

Homo erectus

controla de foco

Paleolitica media (sirca 300,000 – 30,000 anios ante la presente):

Homo neandertalensis

Homo sapiens temprana en Africa

Paleolitica superior (sirca 40,000 – 10,000 anios ante la presente):

condui moderna

inventa de la lansadardo

doma de canes

Mesolitica (comensante sirca 20,000 aec):

microlites

inventa de la arco e flexas

inventa de la canoa

Neolitica (comensante sirca 10,000 aec):

la Revolui Neolitica

la siensa de cultiva

doma de animales per come

la inventa de seramica

La eda de cupre o calcolitica (comensante sirca 5,000 aec):

inventa de la metalurjia de cupre

inventa de la rota

doma de cavalos

La eda de bronze:

la inventa de la metalurjia de bronze

la inventa de scrive

la inventa de la spada

la inventa de la caron

en Asia sude-ueste: 3300 - 1200 aec

en Asia sude: 3000 - 1200 aec

en Europa: 3000 - 600 aec

en Xina: 3000 - 700 aec

en Corea: 1500 - 300 aec

La eda de fero:

la inventa de la metalurjia de fero

la inventa de la alfabeta

la inventa de leteratur

en Asia sude-ueste: 1300 aec – 600 aec

en India 1200 aec – 200 aec

en Europa 1200 aec – 400 ec

en Xina 600 aec – 200 aec

en Japan 100 aec – 500 ec

en Corea 400 aec – 60 aec

en Nijeria 400 aec – AD 200 ec

Elas

Elas (ance conoseda como Grecia; la nom ofisial es Ellinikí Dhemokratía, o Ellada en elinica moderna) es un pais en Europa. La area es sirca 131 940 cilometres cuadrida e la cuantia de popla, en la anio 2006, ia es sirca 10 688 058 persones. La site capital es Atina. La lingua major es elinica.

Lo ia es un republica ("Dhemocratia") de 1973, ma la bandera es inspirada par la bandera de Danmarc, de do la casa real ia veni ultima. La ministro xef es Antónis Samarís (Nea Dhimocratía / Republic Nova). Presente, la pais es en un crise economial.

La istoria de Elas es un de la plu longas de mundo. On regarda la pais como la cuna de la sivilia ueste, como la loca de nase de la democratia, la filosofia ueste, la Juas Olimpial, la leteratur ueste, la istoriografia, la politica, la prinsipes matematical e siensal e la drama ueste. La elinicas ia es prima unida su Filipo 2 de Macedonia en la sentenio 4 aec. Sua fio Alexandro la Grande ia concista la plu de la mundo vea, estendente la cultur elinica de la Mediteraneo este a la Rio Indo. Ajuntada par Roma en la sentenio 2 aec, Elas ia deveni un parte de la Impero Roman e sua seguor, la Impero Bizantian. La sentenio 1 ec iia vide la institui de la Eglesa Ortodox Elinica, cual ia formi la identia elinica moderna e ia transmete la tradisiones elinica a la mundo ortodox. Cadente en la domina osmanian en la sentenio 15, la nasion moderna de Elas ia emerji en 1830 pos la gera de autonomia.

Linguas paleoeuropean

Linguas paleoeuropean (ance nomida linguas european vea o linguas preindoeuropean) es la linguas cual ia es parlada en Europa, per la plu parte nonconoseda, spesial ante la sperde de la linguas indoeuropean.

La linguas preistorial de xasores-coliores de la paleolitica e mesolitica no es atestada par scrives. Nosa sola asede a los es la nomes la locas, spesial rios, trovada tra Europa sentral e ueste, e alga parolas posible emprestada par linguas plu tarde, o la influes sur sua strutures.

En otra linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.