Cultur

Cultur pote es definida en multe formas. Seguente la antropolojiste E.B. Tylor, lo es "acel intera complicada cual inclui sabe, crede, arte, moralia, lege, costum e cualce otra capasias e abituas otenida par umanas como membros de sosia".

CiceroBust
Un sculta de Cicero

Etimolojia

La parola "cultur" es fundida en la terma usada par Cicero en sua Tusculanae Disputationes, do el ia descrive un cultiva de la spirito o cultura animi, usante la metafor cultival de la developa de un spirito filosofial, teleolojial comprendeda como la ideal la plu alta per la developa umana.

Vide ance

Africa norde

Africa norde es un grupo de paises longo la Mar Mediteraneo en la rejion la plu norde de la continente de Africa. Alga persones dise ce lo estende de la borda atlantica de Magrib en la ueste a la Canal Suais e la Mar Roja en la este. Otras limita lo a la paises de Magrib, Jazair e Tunisia, un rejion conoseda par la franseses en la eda colonial como "Afrique du Nord", e par la arabis como "المغرب‎‎ al-Maɣréb" ("la ueste").

La defini la plu comun asetada inclui Magrib, Jazair, e Tunisia, con ance Libia e Misre. La terma "Africa norde", cuando usada comun en Africa norde e Asia sude-ueste, refere comun sola a Magrib, Jazair, Tunisia, Muritania e Libia. Misre, par causa de sua asosia plu grande con Asia sude-ueste, es comun regardada como separada. La paises de Africa norde comparti un identia cultural e lingual cual es unica de esta rejion.

La berberes ia abita Africa norde-ueste de la comensa de istoria rejistrada, en cuando la parte este de Africa norde ia es la casa de la egipsianes. Pos la concista muslim en la sentenio 7 ec, la rejion ia esperia un prosede de arabi e islami cual continua defini la cultur de la rejion.

La distingui entre Africa norde e multe de Africa susaharan es istorial e ecolojial sinifiosa par causa de la parador creada par la Deserto Sahara tra multe de istoria moderna. De 3500 aec, pos la deserti subita de la Sahara par causa de cambias gradal en la orbita de la Tera, esta parador ia separa cultural la norde de la resta de la continente. Cuando la sivilias de la fenisias, la elinicas, la romanes, la muslimes e otras ci ia pote traversa la mar ia fasili la comunica e migra traversante la Mar Mediteraneo, la cultures de Africa norde ia deveni plu prosima liada a Asia sude-ueste e Europa ca a Africa susaharan. La influe muslim en la area es ance sinifiosa, e Africa norde es un parte major de la mundo muslim.

Africa sude

Africa sude es la rejion la plu sude en la continente de Africa, cual es diversa definida par jeografia o jeopolitica, e inclui alga paises. La terma Africa sude inclui jeneral Botsuana, Lesoto, Namibia, Sudafrica, e Suaziland. Alga fontes inclui ance Angola, Malaui, Mosambic, Zambia e Zimbabue

De un perspetiva political, on dise ce la rejion es unipolar, con Sudafrica como la potia rejional prima.

Asia

Asia es la continente entre la Mar Mediteraneo, la Mar Negra e la Montes Ural a la ueste, la Mar Pasifica a la este, la Mar Artica a la norde, e la Mar Indian a la sude. Asia e Europa es frecuente regardada como un sola continente, Eurasia, e lo comparti la tera continental de Afroeurasia con Europa e Africa. 3720 milion persones abita en Asia, la cuantia de abitores la plu grande en la mundo. La area de Asia es sirca 43,4m km², sirca 30% de la tera e 8.7% de la surfas intera de la Tera. La continente, cual ia es longa la casa de la majoria de la popla umana, ia es la loca de multe de la sivilias prima. Asia es notable per no sola sua grandia e cuantia grande de abitores, ma ance per sua abitadas densa e grande, e per sua rejions vasta con poca abitores en la continente con 4.4 bilion abitores.

Esta continente conteni multe grupos de cultures e linguas, incluinte farsi, arabi, turces, xines, hindi, corean, japanes, viet, e indonesian. Xina e India ia alterna como la economias la plu grande en la mundo entre 1 e 1800 ec. Xina ia es un potia economial major e ia atrae multe persones a la este. Per multe persones, la ricia lejendal de la cultur antica de India ia personi Asia; lo ia atrae comersia, esplora e colonialisme european. La discovre asidental de America par Cristoforo Colombo en cuando el ia xerca per India mostra esta fasina profonda. La Via de Seda ia deveni la via de comersia este-ueste xef en la interna de Asia en cuanto la Streta Malaka ia es la via maral xef.

Car Asia es multe grande, on pote ance considera suareas: Asia norde (Sibir), Asia este, Asia sude-este, Asia sude, Asia sude-ueste, e Asia sentral.

Benin

Benin es un pais en Africa. La area es sirca 112,620 cilometres cuadrida e la la cuantia de abitores, en la anio 2007, ia es sirca 8 078 314 persones. La capital es Porto-Novo.

La major linguas es franses (ofisal), fon and ioruba. La relijio la plu segueda es catolicisme, pos islam e protestantisme. Benin es un membro de la Nasiones Unida, la Uni African e la Organiza de Coopera Muslim entre otras.

Botsuana

Botsuana, ofisial la Republica de Botsuana (setswana: Lefatshe la Botswana) es un pais en Africa sude. A otra tempos la Protejoria Brites de Bechuanaland, Botusana ia adota sua nom nova pos deveni nondependente en la Comnuni Brites de Nasiones en 30 setembre 1966.

La area es sirca 600 370 cilometres cuadrida.

La cuantia de abitores, en la anio 2007, ia es sirca 1 815 508 persones.

La site capital es Gaborone.

La linguas parlada es setswana (78.2%), kalanga (7.9%), sekgalagadi (2.8%), engles (2.1%), e otras (8.6%).

Burundi

Burundi, ofisial la Republica de Burundi, es un pais en Africa este, con fronteras con Ruanda en la norde, Tanzania en la este e la sude, e la Republica Democrata de Congo en la ueste. La capital es Bujumbura. La frontera sude-ueste de juntada a la Lago Tanganyika.

La area es sirca 27 830 cilometres cuadrida e la cuantia de abitores, en la anio 2007, ia es sirca 8 390 505 persones.

Cirgistan

La Republica Cirgiz (cirgiz: Кыргызстан), comun nomida Cirgistan, es un pais sin costa en Asia sentral, con tereno montaniosa. Lo es bordada par Cazacstan a la norde, Uzbecistan a la ueste e sude-ueste, Tadjicistan a la sude-ueste e Jonguo a la este. Sua capital e site la plu grande es Bixcec.

La istoria rejistrada de Cirgistan estende tra 2000 anios, e inclui cultures e imperos diversa. An si lo es jeografial isolida par sua tereno multe montaniosa (cual ia aida lo a conserva sua cultur antica), Cirgistan ia es a la crus de vias de alga sivilias grande como un parte de la Via de Seda e otra vias comersial e cultural. Abitada tra multe tempo par un serie de tribus e clanes nondependente, Cirgistan ia sede a domina par stranjeres a veses, e ia ateni autonomia como un stato-nasion sola pos la desintegra de la Uni Soviet en 1991.

Pos sua autonomi, Cirgistan es ofisial un republica parlamental unial, ma lo sufri ancora geras etnical, revoltas, problemes economial, governas tempora e disputas political. Lo es un membro de la Comunia de Statos Nondependente, la Uni Economial Eurasian, la Organiza de la Trata de Securia Coletiva, la Organiza de Coopera de Shanghai, la Organiza de Coopera Muslim, la Consilio Turcica, la Comunia TÜRKSOY e la Nasiones Unida.

Cirgizes etnical composa la majoria de la 5,7 milion abitores de la pais, segueda par minorias importante de uzbeces e rusces. La lingua cirgiz es prosima relatada a otra linguas turcica, an si rusce resta vasta parlada e es un lingua ofisial, un lega de un sentenio de rusci. La majoria de la popla es muslimes nonramal. En ajunta a sua orijines turcica, la cultur cirgiz conteni elementos de influe irani, mongol e rusce.

La area es sirca 198 500 cilometres cuadrida.

Corea Sude

Corea Sude, nomida ofisial la Republica de Corea (e ance conoseda como Tehan en elefen), es un pais en Asia este, e plu spesifada, en la parte sude de la penisola de Corea. Sua teritorio es composada ofisial de la intera de la penisola de Corea e isolas visina, cual es per la plu parte montaniosa. Tehanes ave un cultur distinguida urban, car dui de los abita en construidas alta cual es consentrada en la Area Capital de Seoul; 25 milion persones abita asi. Seoul, la capital de la pais, es la ses de la sites global xef, ave un economia cual es la sinco de la plu grande, e es la sete de la paises la plu sustable en la mundo.

En la sentenio 15, coreanes ia ave un cualia de vive ce ia es un de la plu bon en la mundo, e Sejong la grande ia inventa Hangul per promove alfabetisme entre la popla corean jeneral e ia capasi cualcun per aprende leje e scrive e per envia informa scriveda con fasilia, en loca de pasa anios per aprende xines antica complicada.

La site capital es Seoul.

La lingua ofisial de Corea Sude es corean (hangugo).

La cuantia de abitores en 2015 ia es sirca 50 801 405.

46,5% de coreanes sude no ave un relijio. En la anio 2005, 22,8% ia es budistes, 18,3% ia es protestantes, e 10,9% ia es catolicas roman, con 29,2% como cristianes. La coreanes sude ci no ave un relijio aumenta aora. En la anio 1945, sola 2% ia es cristianes. Otra relijios cual es en la pais es relijios nativa como chondoisme, suunisme, dangunisme, bocheonisme e daesun jinrihoe.

Elas

Elas (ance conoseda como Grecia; la nom ofisial es Ellinikí Dhemokratía, o Ellada en elinica moderna) es un pais en Europa. La area es sirca 131 940 cilometres cuadrida e la cuantia de popla, en la anio 2006, ia es sirca 10 688 058 persones. La site capital es Atina. La lingua major es elinica.

Lo ia es un republica ("Dhemocratia") de 1973, ma la bandera es inspirada par la bandera de Danmarc, de do la casa real ia veni ultima. La ministro xef es Antónis Samarís (Nea Dhimocratía / Republic Nova). Presente, la pais es en un crise economial.

La istoria de Elas es un de la plu longas de mundo. On regarda la pais como la cuna de la sivilia ueste, como la loca de nase de la democratia, la filosofia ueste, la Juas Olimpial, la leteratur ueste, la istoriografia, la politica, la prinsipes matematical e siensal e la drama ueste. La elinicas ia es prima unida su Filipo 2 de Macedonia en la sentenio 4 aec. Sua fio Alexandro la Grande ia concista la plu de la mundo vea, estendente la cultur elinica de la Mediteraneo este a la Rio Indo. Ajuntada par Roma en la sentenio 2 aec, Elas ia deveni un parte de la Impero Roman e sua seguor, la Impero Bizantian. La sentenio 1 ec iia vide la institui de la Eglesa Ortodox Elinica, cual ia formi la identia elinica moderna e ia transmete la tradisiones elinica a la mundo ortodox. Cadente en la domina osmanian en la sentenio 15, la nasion moderna de Elas ia emerji en 1830 pos la gera de autonomia.

Esperanto

Esperanto es la lingua desiniada la plu susedosa asta aora.

Europa

Europa es comun regardada como un de la sete continentes, ma fisical lo es un parte de la continente Eurasia. A la norde lo borda la Mar Artica, a la ueste la Mar Atlantica, a la este Asia, e a la sude la Mar Mediteraneo. La Montes Ural es la borda entre Europa e Sibir, cual on regarda como Asia norde.

La continente no ave la cuantia la plu grande de abitores, o la area la plu grande en la mundo, ma lo es famosa per sua istoria e cultur, e sua nivel grande de developa de siensa. Europeanes parla vera multe de linguas, de cual la plu parteni a la familia indoeuropean.

Frans

Frans es un pais locada xef en Europa ma cual ave ance multe teritorios locada en la mares e en otra continentes. Lo es un republica constitual. Sua capital es Paris, la lingua ofisial es franses, e la mone ofisial es la euro (e la franc pasifica en la teritorios en la Mar Pasifica). La slogan de Frans es Liberté, Égalité, Fraternité (Libria, Egalia, Fratia).

Frans ia es formida en la eda medieval, prendente sua nom de la francos. De la comensa de la sentenio 17 asta la dui prima de la sentenio 20, lo ia ave un impero colonial grande. De la desenio de 1950, lo es un de la atores xef de la construi de la Uni European. Lo ave un influe political, economial, militar e cultural notable en tota la mundo.

Ides

Ides (ייִדיש yidix or אידיש idix) es un lingua germanica parlada par multe iudis sirca la mundo, scriveda en la alfabeta ivri. Ante la Gera Mundal Du, on ia ave sirca 12 milion parlores de ides, ma pos la gera, on ia ave sola sirca du milion (longo un reporta de la Consilio de Europa en 1996).

La lingua ave sua orijina en la cultur Axkenazi cual ia developa en la sentenio des en la Paises de la Reno. Axkenazi es un nom de la Biblia cual ia sinifia Deutxland per la iudis de la Eda Media. La cultur ia estende a Europa sentral e este, e final a otra continentes.

La testo la plu vea en ides es un bondise de un libro de preas ivri de 1272:

Oji, ides es parlada en multe paises de Europa este, America Norde, e Israel. Lo ia ave un influe grande a la cultur de la SUA, spesial en leteratur e sinema.

Impero Roman

La Impero Roman (27 aec a 476 ec) ia es la periodo tre de sivilia roman en Anticia clasica, pos la Republica Roman (509 a 27 aec). En la tempo de la Impero, la teritorios de Roma ia ave sua estende masima en la rena de Trajano, cuando lo ia estende de la Mar Atlantica en la ueste a la Golfo de Iran, la Mar Caspio e la Mar Roja en la este, e de la Sahara en la sude asta Caledonia en la norde. Sua area masima ia es sirca 6,5 milion km². La site capital ia es Roma.

La slogan ia es SPQR: Senatus Populusque Romanorum, cual sinifia "la parlamento e popla de la romanes".

La Pax Britannica ia es un refere a la Pax Romana ("la pas roman"). Ance, Civis britannicus sum (Palmerston) sinifia "me es un sitizan brites e es un forma prestada de Civis romanus sum.

La periodo imperal ia dura tra 1500 anios comparada con la 500 de la Republica Roman. La du sentenios prima de la esiste de la impero ia es un periodo de ricia e stablia political sin presedente conoseda como Pax Romana o "Pas Roman". Pos la vinse de Octaviano, la grandia de la impero ia crese dramosa. Pos la asasina de Caligula en 41, la Senato ia considera corta restora la Republica, ma la Gardores Pretorial ia proclama Claudio como imperor. Su Claudio, la impero ia invade Britan, sua crese major prima de pos Octaviano. Pos la suiside de Nero, la susesor de Claudio, en 68, la impero ia sufri un serie de geras interna, e un revolta en Judea en cual cuatro jenerales de la armada ia es proclamada como imperores.

Island

Island (islansce Ísland, /ˈistlant/) es un pais nordica en Europa norde, cual es un isola en la norde de la Mar Atlantica. Lo ave un area de sirca 103 000 cilometres cuadrida. La cuantia de abitores ia es plu ca 330 000 persones en 2016, tal ce lo es la pais la min densa poplada en Europa.

La governa es ”roja-verda”. La congresa es la Alþingi. La lingua major es islansce, un lingua norde germanica, o lingua nordica.

Island es locada en la norde de la Mar Atlantica, prosima a la Sirculo Artica. Jeografial, on regarda lo como un parte de Europa, ma jeolojial lo parteni a Europa e America.

Sua capital e site xef es Reykjavík, pronounsiada como Reiciavic. Sua nom sinifia aprosima ”baia de fuma”. Sirca 220 000 persones abita en Reykjavík e la area prosima. Otra sites importante es Akureyri, Reykjanesbær, Kópavogur e Hafnarfjörður.

En la tempo temprana de abita umana en Island, 25 % de la isola ia es covreda par forestas. Aora, sola 1 % de la area es foresta. Arbores nativa inclui betul, cual ia formi forestas en la pasada, e poplo tremante, sorbo, juniper, e otras como salses.

Cuasi tota de la eletrica de Island veni de recursos renovable.

Italia

Italia (ofisial Republica Italian, en italian: Repubblica Italiana) es un pais en Europa sude. En la norde el ave la Alpes, do borda con Frans, Suiz, Osteraic i Slovenia. La statos de San Marino e la Site Vatican es du enclaves en la teritorio italian. La site capital, e la site la plu grande, es Roma. Italia es 301,230 cilometres cuadrida e la cuantia de popla en 2016 ia es sirca 61 milion.

La ministro prima es Giuseppe Conte.

El es la pais tre en Europa par cuantia de turistes per anio.

Italia es un de la paises la plu industrial de la mundo e el es un pais developada con un cualia de vive alta.

Macedonia Norde

Macedonia Norde (macedonsce Северна Македонија) es un pais en la Balcanes en Europa sude-este. Lo es un de la statos seguente de Iugoslavia, de cual lo ia declara sua autonomia en 1991. Lo ia deveni un membro de la Nasiones Unida en 1993, ma, como resulta de un disputa corente con Elas su la usa de la nom "Macedonia", lo ia es asetada la nom Republica de Macedonia Norde, un nom usada par organizas internasional como la Uni European, la Consilia de Europa e la OTAN.

La area es sirca 25 333 cilometres cuadrida e la cuantia de abitores, en la anio 2006, ia es sirca 2 050 554 persones. La site capital es Skopje, e la lingua major es macedonsce.

Roma

Roma es la site capital de Italia de 1870. Lo ia es ance la capital de la area Lazio – Latium en la tempo antica. Lo ave cuasi 3 000 000 abitores. Tra sua istoria, cual ia dura tra tre milenios, lo ia susede estende sua domina sirca la Mediteraneo, la sentro de un de la sivilias antica la plu importante. Lo ia influe la sosia, la cultur, la lingua, la leteratur, la arte, la arciteta, la filosofia, la relijio, la lege e la vestes de la sentenios seguente.

Slovenia

Slovenia (ofisial la Republica de Slovenia) es un pais en la sude de Europa sentral. La pais es locada a la crus de vias cultural e comersial european. Lo es bordada par Italia a la ueste, Osteraic a la norde, Magiar a la norde-este, Corvatsca a la sude e sude-este, e la Mar Adriatica a la sude-ueste. Lo covre 20 273 cilometres cuadrida e ave un popla de 2,06 milion persones. Lo es un republica parlamental e un membro de la Nasiones Unida, la Uni European e OTAN. Sua capital e site la plu grande es Ljubljana.

La teritorio es xef montaniosa con un clima xef continental, con eseta de Primorska do la clima es sumediteranean, e la norde-ueste do la clima es alpan. La pais, marcada par un diversia biolojial major, es un de la plu ricas de acua en Europa, con un rede densa de rios, un sistem rica de acuiferes e cursos de acua suteran. Plu ca un dui de la teritorio es covreda par forestas. La abita umana de Slovenia es sperdeda e noncoerente.

Istorial, Slovenia ia es la crus de vias de la linguas e cultur ueste slavica, sude slavica, germanica, romanica e magiar. An si la popla no es omojen, la majoria es slovenian. Slovenian, un lingua sude slavica, es la lingua ofisial tra la pais. Slovenia es un pais xef secularida, ma sua cultur e identia ia es major influeda par catolicisme e ance luteranisme. La economia es peti, abrida, fundida sur esportas, e forte influeda par la state internasional. Lo ia es grave danada par la crise de la Eurozona cual ia comensa en la tarda de la desenio de 2000. La campo xef de economia es servis, segueda par industria e construi.

Slovenia ia es un de la ses republicas de ex-Iugoslavia. Lo ia deveni un stato autonom en la anio 1991.

Somalia

Somalia es un pais en Africa.

La area es sirca 637,657 cilometres cuadrida.

La cuantia de abitores, en la anio 2007, ia es sirca 9,118,773 persones.

La site capital es Mogadishu.

La linguas major es somali (85%), bantu e otra linguas (15%).

En otra linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.