Brasil

Brasil es un pais en la emisfera sude de la Tera, en la continente America Sude. La continente inclui Brasil e des-un otra paises.

La capital de Brasil es Brasilia. La site la plu grande e la sentro economial de la pais es São Paulo. La plu sites en Brasil es multe nonsecur.

188 078 227 persones abita en Brasil. La majoria de los parla portuges.

La area de Brasil es 8 511 965 cilometres cuadrida. En Brasil es la Foresta Amazonas, un foresta pluvosa grande.

La presidente de 2019 ia es sr Jair Bolsonaro.

Brasil es famosa per futbol, cafe e samba. Sua musica es nomida MPB (musica popular brasileiro). La Copa Mundal de futbal ia aveni en la pais en 2014. On ave ance un arte militar nomida capoeira.

Scrivores importante:

  • Paulo Coelho (Rio, 1947 –)
  • Jorge Amado (Stato de Bahía, 1912 – 2001)
Paises de America Sude model
Arjentina | Brasil | Txile | Paraguai | Uruguai | Bolivia | Peru | Ecuador | Colombia | Venezuela | Guiana | Suriname | Guian Franses
Republica Federal de Brasil
República Federativa do Brasil
Flag of Brazil Coat of arms of Brazil
BRA orthographic
Informa jeneral
Capital: Brasilia
Lingua ofisial: Portuges
Dirije
Governa: Republica federal presidental
- Xef de stato: Presidente Jair Bolsonaro
- Xef de governa:
Otras
Area: 8 514 877 km²
Popla: 204 450 649
Densia: 24,01
PIB: US$ 2 346 118 milion
Mone:
Zona de ora: BRT (UTC −5 a −2)
Numero de telefon: +55
Interede: .br
Brazil rel94
America Sude

America Sude es un continente entre la Mar Pasifica a la ueste e la Mar Atlantica a la este. La plu de lo es situada a sude de la ecuator, en la emisfera sude, con un parte relativa peti en la emisfera norde. Lo es situada intera en la emisfera ueste.

Multe areas de America Sude es povre, ma lo ave cultures multe interesante, juntante la cultures de Espania e Portugal con los de la americanes orijinal. La plu de persones parla espaniol o portuges, ma multe parla linguas de la popla orijinal, como cetxua, la lingua de la incas. Ance, la cultures de Africa ia influe tota la Americas. On pote considera lo un sucontinente de America, cual es la model usada par la nasiones cual parla linguas romanica. La refera a America sude en loca de otra rejiones (per esemplo America Latina o la Cono Sude) ia crese en la desenios resente par causa de dinamica jeopolitical (spesial la alti de Brasil).

America Sude ave des-tre paises:

Arjentina

Brasil

Txile

Paraguai

Uruguai

Bolivia

Peru

Ecuador

Colombia

Venezuela

Guiana

Suriname

Guian FransesDes paises es partes de America Latina. Brasil, cual es la pais la plu grande en America Sude, ave un historia con Portugal, e la plu de persones parla portuges. La otra nove paises – Arjentina, Txile, Paraguai, Uruguai, Bolivia, Peru, Ecuador, Colombia e Venezuela – ave istorias con Espania e la plu de persones parla espaniol.

La otra tre paises ave istorias con otra paises de Europa. Guiana ave un istoria con England, Suriname ave un istoria con Nederland, e Guian Franses ave un istoria con, e es un parte de, Frans.

America Latina inclui la paises de America Sude, e ance Mexico, America Sentral, e la paises de la Mar de Caribe.

Amirias Arabi Unida

Amirias Arabi Unida (AAU) es un federa de sete statos autonom a la costa este de penisola arabi. La statos es Abu Dhabi, Ajman, Dubai, Al Fujairah, Ras al Khaymah, Ash Shariqah, e Umm al Qaiwain. Los es a la Golfo Persian, bordante Arabia Saudi e Oman.

La area es sirca 83 600 cilometres cuadrida. La site capital es Abu Dabi.

La plu de abitores de AAU vive en vilas costal o oasises interna. La resta de la area es arenosa e nonproduinte. La clima es estrema calda e umida en estate, con temperatures alta promedia suprapasante 40 grados °C. Invernos es jentil.

La cuantia de abitores, en la anio 2007, ia es sirca 4 444 011 persones. La plu de los es muslimes suni, ma minorias esiste de muslimes xia, indus, e cristianes.

Arabi es la lingua ofisial. An tal, arabis es suprapasada par migrantes nonarabi, xef de India, Pacistan, Bangladex, e Iran. Instrui es obligada, comensante a ses anios e continuante per 12 anios.

Industrias costumal inclui cultiva de datilos, sumerji per perlas, eleva de cameles e pexa.

En la desenios pasada, la industria de petrolio ia deveni un fonte major de emplea e revenu nasional, e la amirias es membros de la Organiza de Paises Esportante Petrolio (OPEC).

Cada stato ave sua renor erital propre; juntada, los composa la Consilia Suprema de Renores. La consilia eleje de sua membros un presidente e un vispresidente. La federa es governada ance par un ministro xef e un asembla consiliante.

Ante la gania de autonomia, la Amirias ia es su la proteje militar de Britan Grande. En 1971, ses de los ia prende autonomia como la AAU. Ra's al Khaymah ia junta se como la stato sete en 1972.

AAU ia es la membro fundinte de la Consilia Cooperante de la Golfo en 1981. Pos cuando Irac ia invade Cuait en 1990, la AAU ia denunsia la ataca iraci, e cuando la Gera de Golfo Persian ia eruta en 1991, la federa ia junta se a la alia multinasional cual ia vinse Irac.

La AAU ave un desacorda continuante con Iran sur la dirije de multe isolas en la Golfo Persian.

Catar

Catar (ofisial la Stato de Catar) es un pais en Asia ueste, ocupante un penisola peti (la Penisola Catar) a la costa norde-este de la Penisola Arabi. Sua sola frontera de tera es con Arabia Saudi a la sude; la resta de sua teritorio es ensircada par la Golfo Persian. Un braso de esta golfo separa Catar de la pais e isola visina Barain.

Pos la rena osmanian, Catar ia deveni un protejeda brites en la temprana de la sentenio 20, asta gania autonomia en 1971. Catar ia es renada par la Casa de Thani de la temprana de la sentenio 19: Xec Jassim bin Mohammed Al Thani ia es la fundor de la Stato de Catar. Catar es un monarcia erital, e sua xef de stato es Amir Xec Tamim bin Hamad Al Thani. On disputa esce on debe regarda lo como un monarcia constitual o asoluta. En 2003, la constitui ia es forte aprobada en un referendo, favoreda par cuasi 98%. En la temprana de 2017, Catar ia ave 2,6 milion abitores: 313 mil sitadanes catari e 2,3 milion sitadanes a stranjer.

Catar es un economia de revenu alta, suportada par la reservas tre de la plu grandes de mundo per petrolio e gas natural. La pais ave la revenu la plu alta de mundo per person. Catar es clasida par la Nasiones Unida como un pais de developa umana multe alta, e es jeneral regardada como la stato arabi la plu avansada per developa umana. Lo es un potiosa notable en la mundo arabi, e on ia reporta ce lo ia suporta alga grupos rebelante en la Primavera Arabi, e finansial, e par sua grupo global cresente de medias, Al Jazeera Media Network. Per sua grandia, Catar ave un influe nonproportial en la mundo e on ia identifia lo como un potiosa media. Lo va ospita la Copa de Mundo de FIFA de 2022, deveninte la pais arabi prima cual fa esta.

En junio 2017, en un alti de tensas esistente, Arabia Saudi, Barain, la Amirias Arabi Unida e Misre, entre otra paises de la Golfo Persian, ia aborta sua relatas con Catar, acusante lo de suporta e finansia terorisme e de manipula cosas interna de paises visina.

La area es sirca 11 437 cilometres cuadrida.

La site capital es Doha.

La lingua major es arabi.

Comori

Comori (ofisial la Uni de Comori), es un nasion de arcipelago en la Mar Indian, locada a la fini norde de la Streta Mosambic, a la costa este de Africa, entre Mozambic norde-este e Madagasicara norde-ueste. Otra paises prosima a Comori es Tanzania a la norde-ueste e la Sexeles a la norde-este.

Sua capital es Moroni, sur la isola Grande Comore. Lo ave tre linguas ofisial: comori, arabi e franses. La relijio de la majoria de la popla es islam.

A 1660 km², escluinte Mayotte (un isola disputada), Comori es la nasion tre de la plu petis de Africa. La popla, denova escluinte Mayotte, es estimada como 798 000.

Como un nasion formida a un crus de vias entre sivilias diversa, la arcipelago es notada per sua cultur e istoria diversa. Lo ia es prima abitada par parlores bantu ci ia veni de Africa este, aumentada par migra arabi e austronesian.

La pais es composada de tre isolas major e multe isolas plu peti, de cual tota es situada en un arcipelago volcanal. La isolas major es comun conoseda par sua nomes franses: Grande Comore (Ngazidja), la plu norde-ueste; Mohéli (Mwali); e Anjouan (Nzwani).

En ajunta, la pais reclama un isola major cuatro, Mayotte (Maore), la plu sude-este, an si Mayotte ia vota contra autonomia de Frans en 1974, ia es nunca dirijeda par un governa autonom comori, e continua es dirijeda par Frans, corente como un departe ultramar. Frans ia veti desides par la Consilio de Securia de la Nasiones Unida cual ta afirma la autoria comori supra la isola. En ajunta, en 2011, Mayotte ia deveni un departe ultramar e rejion de Frans, pos un referendo aprobante.

La linguas major es arabi, franses, e shicomoro.

Deutx (lingua)

La lingua deutx es un lingua indoeuropean. Lo parteni a la familia lingual germanica, en junta con engles, nederlandes, frisce, dansce, norsce, svensce e islansce.

Deutx es parlada par sirca 100 milion persones como lingua prima, e par sirca 28 000 persones como lingua du.

Lo es parlada como lingua ofisial xef en Deutxland, Osteraic, e (con franses e italian) en Suiz.

On parla deutx ance en Lictenstain e Luxemburg, e en la areas bordal en Italia (Tirol-sude), Frans (Elsas), Beljia e Danmarc.

On ave sirca 20 000 persones en Brasil ci parla deutx como Lingua prima.

La lingua deutx ave multe dialetos, divededa en deutx basa (en norde), deutx media, e deutx alta (en sude).

Espaniol (lingua)

Espaniol (español) es un lingua romanica, orijinal de la parte norde de Espania. Lo es la sola lingua ofisial de Espania e la plu nasiones de America Latina, e un de la linguas ofisial de Gine Ecuatoral en Africa. Intera, 25 nasiones usa espaniol como sua lingua prima. Plu, lo es un lingua importante en 20 otra nasiones.

Espaniol ia orijina como un dialeto de latina tra la via streta e distante entre Cantabria, Burgos, Soria, e la provinses Rioja de Espania norde. De ala, sua usa ia estende gradal en la Rena de Castelia, do lo ia evolui e deveni ultima la lingua xef de la governa e comersia. Plu tarda, lo ia es traeda a la Americas e otra partes de la mundo par esplorores e colonistes de Espania.

Lo es la propre lingua de entre 322 e 400 milion persones, tal ce espaniol es la lingua la plu parlada de la linguas romanica. On estima la cuantia intera de parlores de espaniol, como propre lingua o lingua stranjer, es sirca 500 milion. Lo es la lingua cuatro de la plu parladas en la mundo.

Espaniol es un de ses linguas ofisial de la Nasiones Unida. Lo es la lingua du de la plu parladas en la Statos Unida. En comersia, leteratur, filmas, televisa e musica, espaniol crese rapida tra la mundo.

Esperanto

Esperanto es la lingua desiniada la plu susedosa asta aora.

Filastin

Filastin es un un stato autonom de jure en Asia. En la pasada, lo ia inclui la area aora nomida Israel. Oji, lo inclui du teritorios: La Riva Este (a este de la Rio Urdun) e Gaza (a la costa de la Mar Mediteraneo.)

La area de la Riva Este es sirca 5,860 cilometres cuadrida. La area de Gaza es sirca 360 cilometres cuadrida. En 2007, la Riva Este ia es abitada par sirca 2 535 927 persones, e Gaza par sirca 1 482 405.

La sentro de governa de Filastin es Ramallah, ma Ieruxalim Este es la capital ofisial. La teritorio intera es ocupada par Israel pos la Gera de Ses Dias en 1967.

Pos la Gera Mundal 2, en 1947, la Nasiones Unida ia adota un desinia per divide, cual ia suporta la crea de du statos autonom, un arabi e un iudi, con un Ieruxalim internasionalida. Pos la institui de un stato iudi - Israel - a 14 maio 1948, la armadas de la nasiones arabi visina. A pos, la Governa Filastin ia es instituida par la Alia Arabi, reconoseda par tota membros estra Transurdun. Lo ia es intendeda per inclui la tota de la Filastin pasada, sua governa efetosa ia es limitada a la banda de Gaza. Seguente la Gera de Ses Dias, Israel ia catura Gaza e la Penisola Sinai de Egipte, la Riva Ueste de Urdun, e la Montania Golan de Suria en junio 1967.

A 15 novembre 1988, Yasser Arafat, Presidente de la Organiza per Libri Filastin, en Aljazair ia proclama la institui de la stato de Filastin. Un anio pos la Acorda de Oslo en 1993, la Autoria Nasional de Filastin ia es formida per governa la Riva Ueste e Gaza. Du anios pos la retira par Israel de Gaza en 2007, Gaza ta es renada par un otra grupo, Hamas.

La stato de Filastin es reconoseda par 137 membros de la Nasiones Unida, e de 2012 lo ave la state de un oservor nonmembral en la NU, cual ave la implica de reconose de sua statia. Lo es un membro de la Alia Arabi, la Organiza de Coopera Muslim, la G77, e la Comite Internasional Olimpica.

Irac

Irac es un pais en Asia.

La area es sirca 437 072 cilometres cuadrida.

La cuantia de abitores, en la anio 2007, ia es sirca 27 499 638 persones.

La site capital es Bagdad.

La linguas major es arabi, curdi, asirian, armenian.

Lista de linguas

Esta es un lista partal de la linguas de la mundo. Ma plu ca 7000 linguas esiste, seguente la Ethnologue, un catalogo de linguas. 389 linguas (cuasi 6%) ave plu ca un milion parlores. Esta linguas es usada per sirca 94% de la popla de la mundo, an si 94% de la linguas de la mundo es usada par resta 6% de popla!

Misre

Misre (o Egipte) es un pais en Africa norde-este, con un parte en Asia sude-ueste. Misre es un pais de la Mediteraneo. Lo ave un de la istorias la plu antica de la mundo, comensante en la milenio des aec como un de la nasiones-statos prima. Regardada como la cuna de la sivilia, Egipte antica ia ave un de la developas prima en scrive, cultiva, crea de urbes, relijio organizada e governa sentral. Monumentos iconin, como la Sfinje Grande de Giza e la ruinas de la Vale de la Res, refleta esta lega e resta un foca importante de studia arceolojial. La erita cultural rica de Egipte es un parte integral de sua identia nasional, pos tolera e asorbe influes stranjer diversa, incluinte elinica, persian, roman, arabi, osmanian e european. An si lo ia es cristianida en la sentenio 1 ec, lo ia es muslimida par causa de la concista muslim en la sentenio 7.

La area es sirca 1 001 450 cilometres cuadrida.

La cuantia de abitores, en la anio 2007, ia es sirca 80 335 036 persones.

La site capital es Qahira.

La lingua major es arabi.

Muritania

Muritania (ofisial la Republica Muslim de Muritania) es un pais en Africa norde-ueste. Lo es la pais des-un de la plu grandes en Africa e es bordada par la Mar Atlantica a la ueste, Sahara Ueste a la norde, Jazair a la norde-este, Mali en la este e sude-este, e Senegal en la sude-ueste.

La pais deriva sua nom de la rena berber antica Mauretania, cual ia esiste de la sentenio 3 aec asta la sentenio 7 en la norde estrema de lo cual es oji Magrib (Maroco) e Jazair. Sirca 90% de la tera de Mauritania es en la Sahara; par esta causa, la popla es consentrada en la sude, do lo presipita alga plu.

La capital e site la plu grande es Nouakchott, locada a la costa atlantica, do sirca un tri de la 3,5 milion persones de la pais abita. La governa ia es suvertida a 6 agosto 2008, en un colpa de stato militar gidada par Jeneral Mohamed Ould Abdel Aziz. A 16 april 2009, Aziz ia resinia de la militar per atenta deveni presidente en la vota de 19 julio, cual el ia gania.

Sirca 20% de muritanis vive con min ca US$1,25 per dia. Muritania sufri de alga problemes de diretos umana, incluinte sclavia, car a la min 4% de la popla (155 600 persones) es sclavida contra sua vole. Muritania ia es la pais final cual ia aboli legal la sclavia; lo ia deveni punable como un ata criminal sola en 2007.

La area de Muritania es sirca 1 030 700 cilometres cuadrida. Sua linguas major es arabi (ofisial), pular, sonince, franses, hasania e uolof.

Paraguai

Paraguai (ofisial la Republica de Paraguai) es un pais sin costa en America Sude sentral, bordada par Arjentina a la sude e sude-ueste, Brasil a la este e norde-este, e Bolivia a la norde-ueste. Lo es situada a ambos rivas de la Rio Paraguai, cual flue tra la media de la pais, de norde a sude. Paraguai es un de la du paises sin costa estra Afro-Eurasia (la otra es Bolivia).

La popla guarani ia abita en Paraguai tra a la min un milenio ante la concista de la teritorio par la espanioles en la sentenio 16. Colonistes espaniol e misiones jesuita ia introdui cristiania e cultur espaniol a la rejion. Paraguai ia es un colonia periferial de la Impero Espaniol, con poca sentros urban e colonistes. Pos autonomi de Espania en 1811, Paraguai ia es renada par un serie de tiranos ci ia reali jeneral politicas isoliste e protejiste.

Pos la desastre de la Gera Paraguai (1864–70), la pais ia perde entre 60 e 70 persentos de sua popla par causa de gera e maladia, e sirca 140 000 cilometres cuadrida (un cuatri de sua teritorio) a Arjentina e Brasil.

Tra la sentenio 20, Paraguai ia continua sufri un serie de governas autoritariste, culminante con la rena de Alfredo Stroessner, ci ia gida la tirania militar la plu longa de America Sude entre 1954 e 1989. El ia es desponeda par un colpa militar interna, e elejes libre multipartital (incluinte la legali de partitos comuniste) ia es organizada a la ves prima en 1993. A un anio plu tarda, Paraguai ia junta se con Arjentina, Brasil e Uruguai per fundi Mercosur, un colabora economial rejional.

En 2009, on ia estima la popla de Paraguai a sirca 6,5 milion persones, de ci la plu es consentrada en la rejion sude-este de la pais. La capital e site la plu grande es Asunción, de ci sua area urban casi cuasi un tri de la popla de Paraguai. Contrastada con la plu de nasiones de America Latina, la lingua e cultur nativa de Paraguai, guarani, resta multe influosa. En cada conta, abitores identifia se xef como de raza miscada, refletante anios de intersposi entre la etnicos diversa. On reconose guarani como un lingua ofisial a lado de espaniol, e ambos linguas es comun parlada en la pais.

La area es sirca 406,750 cilometres cuadrida.

Piemontes

Piemontes (Piemontèis) es un lingua romanica parlada en Italia. Lo ave 2 000 000 parlores.

Multe linguistes european e esuan reconose la piemontes como un lingua autonom, an si en Italia lo es considerada ancora un dialeto de italian. Oji lo ave serta state ofisial reconoseda par la governa rejional de Piemonte, ma no par la governa nasional.

La piemontes es la prima lingua de la migrores ci, en la periodo entre 1850 e 1950, ia abandona Piemonte per paises como Frans, Brasil, Statos Unida, Arjentina e Uruguai.

Portuges (lingua)

Portuges (português o língua portuguesa) es un lingua romanica (de la grupo ibero-romanica) cual es la sola lingua ofisial de Angola, Brasil, Capo Verde, Gine-Bisau, Mosambic, Portugal e San Tome e Prinsipe. Lo es un de la linguas ofisial de Gine Ecuatoral, Macau e Timor Este. Portuges e creoles portuges es ance parlada en la India Portuges antica: Goa, Damao, Diu, e Dadra e Nagar Haveli, en la Unia Indian aora e per multe comunias de migrantes ci parla portuges en partes variosa de la mundo. Papiamentu, un creol con influe portuges, es parlada en la Isolas ABC. Creol capoverdean es la creol portuges parlada la plu comun. La state de la lingua en Galisia es controversal, consernante ce un parte de la sosia galisian e alga linguistes considera los parte de la sistem lingual galego-portuges.

Portuges es un parte de la grupo ibero-romanica cual ia evolui de alga dialetos de latina poplal en la Rena de Galisia medieval, e ia reteni alga fonolojia celta. Con plu ca 200 milion parlores nativa, portuges es la propre lingua ses de la plu popular en la mundo, la lingua european tre en termas de parlores nativa, e la lingua romanica du, sola suprapasada par la espaniol. Lo es un lingua major de la emisfera sude. Lo es ance la lingua la plu parlada en America Sude e la du en American latina, seguente espaniol. Lo es un lingua ofisial de la Uni European, Mercosur, la Organiza de la Statos American, la Comunia Economial de Statos de Africa Ueste, e la Uni African.

Somalia

Somalia es un pais en Africa.

La area es sirca 637,657 cilometres cuadrida.

La cuantia de abitores, en la anio 2007, ia es sirca 9,118,773 persones.

La site capital es Mogadishu.

La linguas major es somali (85%), bantu e otra linguas (15%).

Suriname

Suriname (ofisial la Republica de Suriname) es un pais a la costa norde-este de America Sude. Lo es bordada par Guian Franses a la este, Guiana a la ueste e Brasil a la sude. Con area de pico min ca 165 000 cilometres cuadrida, lo es la pais la plu peti en America Sude. Lo ave un popla de sirca 566 000 persones, de ci la plu abita a la costa norde, en e sirca la capital e site la plu grande, Paramaribo.

Tunis

Tunis (ofisial la Republica de Tunis) es un pais en Africa norde, con area de 165 000 cilometres cuadrida. Sua punto la plu norde, Capo Angela, es la plu norde de la continente african. La pais es borada par Jazair a la ueste e sude-ueste, Libia a la sude-este e la Mar Mediteraneo a la norde e este. On ia estima sua popla como pico min ca 11 milion persones en 2014. La pais ave la mesma nom como sua site capital, Tunis, cual es situada a la costa norde-este.

Jeografial, Tunis conteni la fini este de la Montes Atlas e la partes la plu norde de la deserto Sahara. Multe de la resta de la tera de la pais es fertil. Sua 1300 cilometres de costa inclui la junta african de la partes ueste e este de la Basin Mediteraneo e, par la Streta Sisilia e Canal Sarda, conteni la puntos du e tre de la plu prosimas a Europa en la continente Africa, pos Jibraltar.

Tunis es un republica democrata semipresidental, e on regarda lo como la sola democratia completa en la mundo arabi. Lo ave un indise alta de developa umana. Lo ave un acorda de asosia con la Uni European; es un membro de la Organiza Internasional de Francofonia, la Uni per la Mediteraneo, la Uni Magreb Arabi, la Alia Arabi, la Organiza de Coopera Muslim, la Area Arabi de Comersia Libre, la Comunia de Statos Sahel-Saharan, la Uni African, la Promove Nonaliniada, e la Grupo de 77; e lo ia gania la state de aliada major non-OTAN de la Statos Unida. En ajunta, Tunis es ance un stato membro de la Nasiones Unida e un partisipor de la Lege de Roma de la Corte Criminal Internasional. Relatas prosima con Europa – spesial con Frans e Italia – ia es creada par coopera economial, privati e moderni industrial.

En la eda antica, Tunis ia es xef abitada par berberes. Migra fenisia ia comensa en la sentenio 12 aec; esta migrores ia fundi Cartago. Un potiosa comersial major e un oposor militar de la Republica Roman, Cartago ia es vinseda par la romanes en 146 aec. La romanes, ci ia ocupa Tunis tra la plu de la 800 anios seguente, ia introdui cristiania e ia lasa un lega arcitetal incluinte la amfiteatro El Djem.

Pos alga atentas comensante en 647, la arabis ia concista la intera de Tunis ante la fini de 697, segueda par la osmanianes entre 1534 e 1574. La osmanianes ia domina tra plu ca 300 anios.

La coloni franses de Tunis ia aveni en 1881. Tunis ia deveni autonom su Habib Bourguiba e ia es declarada como la Republica de Tunis en 1957. En 2011, la Revolui Tunisi ia resulta la suverti de presidente Zine El Abidine Ben Ali, pos cual elejes parlamental ia aveni.

La linguas major es arabi e franses.

Venezuela

Venezuela (ofisial la Republica Bolivarian de Venezuela) es un republica federal locada a la costa norde de America Sude. Lo es bordada par Colombia a la ueste, Brasil a la sude, Guiana a la este, la isolas nederlandes Aruba, Curaçao e Bonaire a la norde, e la isolas Trinidad e Tobago a la norde-este. Venezuela covre 916,445 cilometres cuadrida e ave plu ca 31 milion (31 568 179) abitores. La pais ave un biodiversia estrema alta e es la numero 7 en la lista de paises con la plu spesies. On trova abitadas de montania (la Andes en la ueste) asta foresta pluvosa (la Basin Amazon en la sude) tra planos estendosa. En ajunta, on ave la costa caribe en la sentro e la delta de la Rio Orinoco en la este.

La teritorio aora nomida Venezuela ia es colonida par Espania en 1522, resisteda par poplas nativa. En 1811, lo ia deveni un de la teritorios prima espaniol-american cual ia declara sua autonomia – cual no ia es securida asta 1821, cuando Venezuela ia es un departe de la republica federal de Gran Colombia. Lo ia gania autonomia plen como un pais separada en 1830. En la sentenio 19, lo ia sufri tumulta political e autocratia, restante rejional dominada par tiranos militar asta la media de la sentenio 20.

De 1957, la pais ia ave un serie de governas democrata. Xocas economial en la desenios de 1980 e 1990 ia gida a alga crises political, incluinte la tumultas matante "Caracazo" en 1989, du colpas de stato atentada en 1992, e la acusa de presidente Carlos Andrés Pérez per froda de mone publica en 1993. Un colasa de fida a la partitos esistente ia provoca la eleje en 1998 de Hugo Chávez, envolveda en colpas de stato presedente, e la inisia de la Revolui Bolivarian. La revolui ia comensa con un Asembla Composante en 1999, do on ia scrive un constitui nova de Venezuela, cual ia cambia la nom ofisial de la pais a "República Bolivariana de Venezuela".

Venezuela es un republica presidental federal, composada de 23 statos, la Distrito Capital (cual covre Caracas), e dependes federal (cual covre la isolas costal). La pais reclama ance tota teritorio guianan a ueste de la Rio Essequibo, un area de 159 500 cilometres cuadrida nomida Guayana Esequiba o la Zona en Reclama. Venezuela es entre la paises la plu urbanida en America Latina: la majoria vasta de venezuelanes abita en la sites de la norde, spesial en la capital (Caracas), cual es ance la site la plu grande de la pais.

On ia descovre petrolio en la temprana de la sentenio 20, e oji Venezuela ave la reservas de petrolio la plu grande conoseda de mundo. Lo es un de la esportores major de petrolio. En la pasada, lo ia es un esportor sudevelopante de benes cultival como cafe e cacau, ma petrolio ia domina rapida la esportas e la revenus governal. La suprabunda de petrolio en la desenio de 1980 ia provoca un crise esternal de deta e un crise economial durante. La infla ia culmina a 100% en 1996 e la taso de povria ia crese asta 66% en 1995; en 1998, la produi interna bruta per person ia diminui asta la mesma nivel como en 1963, min ca sua apico de 1978 par un tri.

Pos la recovre de la custa de petrolio en la temprana de la desenio de 2000, la governa venezuelan ia institui politicas popliste cual ia aumenta inisial la economia e ia grandi la spende sosial, tempora reduinte la nonegalia economial e la povria. An tal, plu tarda, esta politicas ia deveni nonsufisinte, e on culpa sua esedes – spesial un suporta unica estrema per combustables de fosil – per destabli denova la economia de la nasion. La resulta ia es un iperinfla, un depresa economial, un manca de benes fundal, e creses grave de povria, maladia, mori de enfantes, malnuri e crimin.

La lingua major es espaniol.

En otra linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.