Arianisme

Arianisme es la crede nontrinialiste cual declara ce Jesus Cristo es la Fio de Dio e jenitada par Dio la Padre a un punto en tempo, un creada distinguida de la Padre e suordinada a el, ma ci es ance Dio, pd Dio la fio. La credes ia es atribuida a Ario (256 – 336 ec), un prete cristian en Alexandria en Egipte. Sua instruis e los de sua suportores ia es oposada a la crede teolojial tenida par otra cristianes, nomida trinialisme o homoousia, pd la crede ce la trinia es composada de tre persones - Padre, Fio, e Spirito Santa - cual es unida como un sola Dio.

Ario ia es la studiante de Lucian de Antioc a sua academia privata en Antioc, e ia erita de el un forma alterada de la instruis par Paul de Samostata. La Fio (Cristo, Logos) ia es un creada divin jenitada par la Padre ante la crea de la universo, e ci es la media tra ci tota ia es creada, ma ci es suordinada a la Padre. La Fio es la creada prima e la plu perfeta, e ia deveni "Dio" sola par la permete e potia de la Padre.

Controversia sur arianisme comensa en a sentenio tre tarda e continua tra la lu de la sentenio cuatro. Lo ia envolve la plu de membros de a eglesa, de credores simple, pretes, e monces a bispos, imperores, e membros de la familia imperia. Du imperores roman - Constantio 2 e Valens, deveni arianes o semiarianes, como gerores xef de la gotos, vandales, e lombardes ante e pos la cade de la Impero Roman Ueste. Ma, de la sirca 300 bispos cual ia antende la Consilio de Nicea, sola du no ia suscrive la Crede Nicean cual condena arianisme. Imperor Constantin ia comanda un puni de moria per los ci refusa sede sua crede en arianisme.

Ariusz
Un depinta de Ario, de icon bizantian de la consilio prima de Nicea
Christian states 495 AD (en)
Un mapa de la statos cristian sirca 495 ec
Dio

En credes monteiste, Dio es comprendeda como un esente suprema, un divin creor, e la ojeto prinsipe de fide. La consetas de Dio como descriveda par teolojistes inclui comun la cualias de omnisientia (tota sabente), omnipotia (tota potiosa), omnipresenti (tota presente, e como avente un esiste eterna e nesesada. Dependente de la tipo de teisme on ave, esta cualias es usada o como metafores o en un modo leteral. Dio es plu comun videda como nonfisical, un spirito; ma alga credores vide el como un tipo de om o fema, con alga cualias de umanas ma multe plu potiosa.

Dio es videda como o personal o nonpersonal. En teisme, Dio es la creor e mantenor de la universo, sempre interatante con la mundo; en deisme, Dio es sola la creor, e ce, pos la crea, el no interfere con la avenis fisical o umana. En panteisme, Dio es la universo mesma, o la aspeta spirital de la mundo material. En ateisme, on ave un asentia de crede en Dio. En agnosticisme, la esiste de Dio es videda como nonconoseda o nonconosable. Dio ia es ance videda como la fonte de tota obligas moral, e la esistente la plu bon consetable. Multe filosofistes notable ia developa razonas per e contra la esiste de Dio.

Per ideas sur dios e divas estra la tradisiones de monoteisme, vide "divines". Per divines consetida en la forma (leteral o metaforal) de femes, vide "diva".

Eresias cristian temprana

Un eresia es un crede cual devia de alga crede ofisial o normal. Cuando autoriosas deside ce un crede es erese, los atenta elimina acel crede, comun incluinte la estrae de la credores ofendente (par esclui o un otra modo an plu mal). Natural, la ortodoxia de person un es la eresia de un otra.

La plu de eresias cristian conserna la du problemes de la natur de la trinia e, plu spesifada, la natur de Jesus Cristo. La crede ofisial per esta du problemes (seguente tota eglesas catolica, ortodox e protestante) es como esta: Dio es un trinia, tre persones ma sola un esense; Jesus Cristo ia es un person, a la mesma tempo umana (Jesus) e divin (Cristo). La fato ce esta du declaras no es multe razonable ia es regardada como nonimportante. La trinia ia es regardada como misteriosa e un caso de fida, no razona.

Lo cual segue es oto eresias, estendente de setas cual vide Jesus Cristo como pur divin, a otras cual vide el como pur umana.

Sabelianisme: Esta eresia es nomida per sua fundor Sabelio (sentenio du). A veses, lo es nomida monarcisme modal. La padre, fio e spirito santa es tre modos, roles o fases de un person unica, Dio. Natural, esta implica ce Jesus Cristo ia es pur divin, sin umania, e donce ce el no ia pote sufri e mori vera.

Docetisme: La nom deriva de un parola elinica "dokesis", cual sinifia "pare". Seguente la mesma linias como sabelianisme, docetisme dise ce Cristo no ia es un umana vera e no ia ave un corpo umana real. El pare mera como un umana a nos. Per corti...

sola Cristo (no Jesus)

Monofisitisme: Esta nom deriva de parolas elinica cual sinifia "un corpo". Esta eresia dise ce Jesus Cristo ia es un junta de la Logos eterna (pd Dio) con la person umana Jesus, cual ia aveni a la tempo de incarne. El es donce du natures juntada en un corpo. Monofisitisme es ancora un crede vivente en alga setas en Egipte e Asia sude-ueste. Per corti...

Jesus

> Jesus CristoCristo

Adotisme: Adotisme dise ce Jesus ia es un umana ci ia es "adotada" par Dio a sua conseti en la utero de Maria, a cual momento el ia developa un natur divin. Varias plu tarda sujesta a veses ce el ia es adotada plu tarda, per esemplo, cuando el ia es batizada par Joan la batiste. Per corti:

Jesus > Cristo

Nestorianisme: Suposada, Nestorio, patriarca de Antioc (sirca 410), ia crede ce Jesus Cristo ave du natures — om e Dio — cual resta separada tra sua vive sur tera. Esta no es vera lo cual Nestorio ia dise (an si el ia nega la idea de conseti virjin), ma la nom ia es retenida. On pote ancora trova alga eglesas nestorianiste en Iran. Per corti...

Jesus...Cristo...

Apolinarisme: Nomida per Apolinaris de Laodicea (sirca 350), esta eresia dise ce Jesus Cristo no ia es un umana vera, ma ance no ia es intera divin. Apolinaristes ia sujesta ce el ia ave un corpo umana e un spirito umana, ma ce sua mente ia es prendeda par la Logos eterna (Dio). Per corti...

Je(Cristo)sus

Arianisme: Esta eresia es nomida per Ario (sirca 250–336), un prete en Alexandria. Arianisme es regardada como la eresia la plu grave. Jesus Cristo ia es regardada como un cosa spesial, creada par Dio per la salva de umania. Arianisme ia es la forma de Cristianisme cual la Gotos ia pratica, e lo ia es popular en tota areas cual los ia concista, incluinte Italia, Espania e Africa norde.

Sosianisme: Un varia de Arianisme es nomida sosianisme (de la parola latina "socius", cual sinifia "acompanior", e dise simple ce Jesus ia es un umana estracomun. Esta eresia vive ancora en du formas multe diferente: la unitarianes e la atestores de Iaue. Per corti...

sola Jesus (no Cristo)

Espania

Espania (España en espaniol), ance nomida Rena de Espania, (Reino de España) es un pais autonom e membro de la Uni European, constituida en un stato sosial e democrata de cual sua forma de governa es la monarcia parlamental. Sua teritorio es organizada en des-sete comunias autonom e du sites autonom, en ajunta a sincodes provinses. Sua capital es la site Madrid.

Esta pais es situada en Europa Ueste e en Africa Norde. En Europa lo ocupa la plu de la penisola iberian (conoseda como Espania penisolal) e la arcipelago de la isolas Baleare (en la Mar Mediteraneo ueste); en Africa es la sites Ceuta e Melilla, la isolas Canario (en la Mar Atlantica norde-este), la Isolas Txafarina (Mar Mediteraneo), la Roca de Vélez de Gomera (Mar Mediteraneo), la Isolas Alhucema (golfo de la Isolas Alhucema) e la Isola de Alboran (Mar de Alboran). La munisipa de Llivia en la Pirineos constitui un enclave ensircada par Frans. Un serie de isolas e isoletas completi la colie a lado de la costas penisolal.

La area es sirca 504 782 cilometres cuadrida, e la pais es la numero cuatro de la plu grandes de la continente, pos Rusia, Ucraina e Frans. Con un altia media de 650 metres, lo es un de la paises la plu montaniosa de Europa. La cuantia de abitores, en la anio 2015, ia es sirca 46 439 864 persones. La teritorio penisolal ave fronteras con Frans e Andora en la norde, con Portugal en la ueste e con Jibraltar en la sude. En sua teritorios african Espania ave fronteras con Maroco. Lo divide con Frans la domina de la isola de la Fasianes en la boca de la rio Bidasoa.

Seguente la constitui espaniol, castelian o espaniol es la lingua ofisial de la stato, e tota la espanioles ave la debe de conose lo e la direto de usa lo. En 2006, lo ia es la lingua madral de la 89% de la espanioles. Otra linguas, ance espaniol, como catalan, galego e euscara es reconoseda como coofisial en diversa comunias autonom, seguente la Leges de Autonomia.

Kurow

Kurow (Kurów [ˈkuruf]) es un vileta en Polsca sude-este, entre Pulawy e Lublin, a la Rio Kurówka. Lo es la capital de un gmina (comunia legal) nomada Gmina Kurów, en la provinsia de Lublin. La vileta ave 2804 persones (en 2007).

Kurow ia es fundada en 1185. A alga tempo entre 1431 e 1442, on ia dona a la vileta la diretos de la site, diretos fundada en la Lege de Magdeburg. Como un vila privata, lo ia es la sentro per comersa de comedas de la area ambiente. Alga fabricerias de pelo e cuoro ia es ance ala. En la sententio 16, Kurow ia es un de la sentros de Calvinisme, car multe persones de la Frates Polsce veni de ala. A 1660, la plu de la abitantes ia converti a arianisme.

Pos 1660, la istoria de la vila ia es partida con la otra partes de la area. En 1795, pos la parti tre de Polsca, Kurow ia es ajuntada a Osteraic. En 1809, lo ia deveni un parte de la Duxia de Warsawa. En 1815, el deveni parte de la Renia de Polsca. En la Revolta de Novembre, un batalia minor, la Batalia de Kurow, aveni, en cual la militaria polsce su la comanda de Jeneral Józef Dwernicki ia defeta la armada rusce. En 1870, en la Revolta de Janero, la vila ia perde final se carta, ce lo no ia retrae. De 1918, Kurow ia deveni denova un parte de Polsca.

A 9 setembre 1939, en la Gera de Defende de Polsca, cual es la nom en Polsca per la comensa de Gera Mundal 2, la vila ia es bombada multe par la Luftwaffe de Deutxland. Entre la ojetos destruida ia es un ospital nonmilitar (marcada par cruses roja), do multe vitimas ia mori. En Gera Mundal 2, Deutxland ia funda du campos de labora sclaval en la vila. En 1942, un geto minor ia es fundada. An tal, la plu de la polsces ci ia es prisonada en Kurow ia evade e ia junta se a grupos de la Armada Nasional cual ia es operante en la forestas prosima.

Monoteisme

Monoteisme es la crede en un, e sola un Dio. En monoteisme, la Dio normal es omnisiensos (el sabe tota), omnipotios (capas de tota), etc. En monoteisme, la credor normal scrive "Dio" (e otra parolas cual refere a Dio) con un letera major, como un modo de respeta.

Relijios monoteiste es:

Cristianisme – alga persones no considera ce la cristianisme es un relijio monoteiste car cristianes crede en Dio como un Trinia.

Catolicisme

Ortodoxisme

Protestantisme

Anglicanisme

Mormonisme – alga persones no considera ce la cristianisme es un relijio monoteiste car cristianes crede en Dio como un Trinia.

Arianisme

Islam

Suni

Xia

Iudisme

Bahaisme

Sicisme

ZaratustrismeAlga ramos de induisme es monoteiste.

Monoteisme difere de henoteisme, monolatrisme, teisme, e deisme.

Ortodoxisme

En la usa clasica cristian, la parola "ortodox" refere a un colie de dotrinas cual ia es crededa par la cristianes temprana. Un serie de consilios ecumeniste (pd nonramal) ia es conduida tra un periodo de alga sentenios per atenta formali esta dotrinas. La deside la plu sinifiante de esta consilios ia es lo entre la dotrina homousian de Atansio e Eustatio (cual deveni trinisme) e heterousian de Ario e Eusebio (nomida arianisme). La dotrina de la trinia, cual ia defini Jesus como e Dio e om en la canones de la consilio de Efeso de 431 ec, ia susede en la eglesia e ia es refereda como ortodoxia en la plu de contestos cristian. Natural, la minoria de cristianes, la nontriniste, oposa esta termas.

Seguente la Fende Grande de 1054, la eglesas ueste e este ia continua vide se como unica ortodox e catolica. Augustino ia scrive en "Sur la relijio vera": "Relijio pote es trovada sola entre los ci es nomida cristianes catolica o ortodox, per dise, gardas de veria e seguores de coreta." Tra tempo, la eglesa ueste ia comensa identifia con la eticeta "catolica", e la eglesa este con la eticeta "ortodox", an si esta eticetas no es sempre aplicable. Plu temprana, ortodoxisme de la este ia fende de cristianisme calsedonian pos la consilio de Calsedon (452 ec), la resulta de alga diferes en cristolojia, e la eglesas ortodox ia reteni la eticeta.

La eglesa ortodox la plu grande es la Eglesa Ortodox Este (ofisial: la Eglesa Catolica Ortodox), con sirca 200 a 260 milion membros. Lo opera como un comunia de eglesas autosefalo, pd, cada governada par sua bispos en sinodos local, an si sirca dui de los abita en Rusia. La eglesa no ave un autoria sentral de dotrina o governa simil a la bispo de roma]] (la Pape), ma la Patriarcia Ecumeniste de Constantinopoli es reconoseda par tota como primus inter pares (prima entre egales) de la bispos. Como un de la instituis relijiosa la plu vea en la mundo, la Eglesa Ortodox Este ia ave un rol importante en la istoria e cultur de Europa este e sude-este, la Caucasos, e Asia sude-ueste.

En otra linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.