Пиреней зуростров

Пиреней зуростров (гьакIни Ибериядин зуростров лат. Iberia Paeninsula) Европадин кьиблединни - рагъакIидай пата ава. Аравилин гуьлуьн, Алтантик океандинни Бискан заливдин ятари кьунва. Европада авай пуд зуростроврикай виридалай кьиблени рагъакIидай патан зуростров я (Пиреней, Апеннин ва Балкан).

Иберия тIвар, рим бередин вилик и зуростровда яшамиш жезвай иберар халкьдиз талукь я.

Гилан береда Пиреней зуростровда гуьгъуьнин уьлквейри чка кьунва: Испания, Португалия, Андорра, Франция ва ЧIехи Британиядикай аслу ччилер — Гибралтар.

Уьлкве/Майдан км² Зуростровдин пай (в %) Гьал
Испания 493,519 85 зуростровдин чIехи пай кьунва
Португалия 89,261 15 зуростровдин рагъакIидай пад кьунва
Франция 540 менее 1 % зуростровдин кефер пата авай бицIи ччилер Франциядиз талукь я
Андорра 468 менее 1 % зуростровдин кефер патан бицIи ччилер кьунва
Гибралтар 7 менее 1 % Британиядин гьуьлерилай анихъ галай ччилер зуростровдин кьибле къерехда

Шаблон:Зуростроврин сиягь

Испания

Испания (исп., гал. España, кат. Espanya, баск Espainia, окс. Espanha), официал тӀвар — Испаниядин Королвал (исп., гал. Reino de España, кат. Regne d’Espanya, баск Espainiako Erresuma, окс. Reialme d’Espanha) — Европадин кьиблединни рагъакӀидай пата ва са пай Африкада авай аслу тушир гьукумат я.

Испанияди Пиреней зуростровдин чилерикай чӀехи пай (80 %), Канар ва Балеар островар кьунва. Вири санал гьисабайтӀа (Африкадин къерехдал алай чӀехи тушир Испаниядин суверенитет авай чилер — Сеутани Мелилья шегьерар кваз) уьлкведин майдан 504 782 км² я, и къалурзавай лишандал гьалтайла Европада Испания кьудлагьайди я (Урусатдин, Украинадинни Франциядин гуьгъуьна).

Испанияди агъадихъ галай гьукуматрихъ галаз са сергьятра ава:

Португалиядихъ галаз Пиреней зуруостровдин рагъакӀидай пата;

Британиядин гъилик квай Гибралтардихъ галаз Пиреней зуруостровдин кьибле пата;

Кеферпатан Африкада Мароккодихъ галаз (зуранклавар Сеута, Мелилья ва Пеньон-де-Велес-де-ла-Гомера);

Франциядихъни и Андоррадихъ галаз кефер пата.Кефердинни-рагъакӀидай патарихъай ам Атлантик океанди кьунва, кьиблединни-рагъэкъечӀдай патарихъай — Аравилин гьуьлуь.

Испаниядин чилин винел патан юкьван гьалдин кьакьанвал 650 метр гьуьлуьн дережадилай виниз я, Европада авай гьукуматрикай виридалайни сувганди (дагълух) я.

Уьлкве 17 автономиядин жемятдизни 2 автономиядин шегьердиз чара ийизва. Кьилин шегьер — Мадрид.

Маса чӀаларал

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.