Shelomo Ameleh

Shelomo Ameleh (en ivrit שלמה המלך) fue el tréser i último rey de todo Israel, inkluyindo el Reyno de Yehuda. Fue muy konosido por la su entelijensia, rikesa i poder.

Saabaghiberti
Shelomo Ameleh endjunto a la Reyna de Saba.

Shelomó Ameleh fraguó el Bet Amikdash. La Tora lo konsidera el ombre más sabio ke egzistió en la Tierra.

Se le atribuye la avtoriya de los livros Koélet, Mishlei i Shir Ashirim, todos livros arekojidos en la Tora. Es la imajen de munchas ledjendas posteriores, komo kualo fue uno de los maestros de la Kabala. En el Tanah (libro djudio, el kualo los kristyános yaman Antiko Testamento también se le yama Yedidiya.

En la Tora se dize de Shelomó Améleh ke: Eredó un grande emperio konkistado por el su padre, David Ameleh, el kualo se ekstendía desde el Nilo, en Ejipto, asta el río Eufrates, en Mesopotamia. (1 Reyes 4:21; Bereshit. 15:18; Devarim. 1:7,11:24; Yosef 1:4; 2 Shemuel. 8:3; Divrei Hayamim Alef 18:3)

  • Tinía una gran rikesa i entelijensia. (1 Reyes 10:23)
  • Administró el su reyno a traverso de un sistema de 12 distritos. (1 Reyes 4:7)
  • Tinía un gran harem, el kualo inkluí a «la ija de Paró». (1 Reyes 3:1; 1 Reyes 11:1,3; 1 Reyes 9:16)
  • Dedikó el su reynado a grandes proyektos de fraguamyénto. (1 Reyes 9:15,17–19)
Bet Amikdash

El Bet Amikdash (בית המקדש, kaza de El Kadosh en ivrit) o Templo de Yerushalayim era un grande templo uzado por los djudios i ke se topava enel Ar aMoriya, en la sivdad de Yerushalayim, ande oy en diya se topan la Kupola de la Roka i la mishkita de Al-Aqsa. Fue fraguado dos vezes, la priméra por Shelomo Ameleh i la sigunda por Zerubabel, kon ayudo del rey Koresh i diskues remuevado por el rey Ordos I.

Fue destruyido por los romanos ma asigun la kreeensya djudia, va ser fraguado una treséra vez, kon la arrivada del Mashiah

Haile Selassie

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Haile Selassie I (ge'ez: ኃይለ፡ ሥላሴ, "La Huersa de la Trinitad") (23 Djulio de 1892 – 27 de Ogusto de 1975), nasido komo Tafari Makonnen, era el prens rejente de Etiopia desde 1916 fina 1930 i diskues Imperador de Etiopia desde 1930 fina 1974. Era el eredero de una dinastiya kon el su orijin enel syelo XIII, i de ayi por tradision asta Shelomo Ameleh i Makeda, Reyna de Aksum, konosida en Oksidente komo la Reyna de Saba. Haile Selassie es una figura emportante en la Istorya de Etiopia i de Afrika.

Islam

El Islam (en arabo: الإسلام; al-Islām) es una relijion monoteista abrahámika la kuala tiene el su dogma bazado enel livro del Koran, el kualo establese komo baze fondamentala para los sus kreyentes ke «No ay más Dio ke Ala i ke Mahomat es el mesajero de Ala» La palavra áraba Allāh , yevada al djudeo-espanyol komo Alá, signifika "Dio" i la su etimolojiya es la misma de la palavra semetika El, por la ke se nombra a El Dio en la Tora. Los estudiosos islámikos definen al islam komo: «La sumision a El Dio el Altísimo a traverso del monoteismo, la obeisensa i el abandono de la idolatriya».

El livro sagrado del islam es el Koran, diktado por Alá a Mahomat a traverso de Yibril (el arkandjel Gavriel). Los siguidores del islam se yaman musulmanes (en árabo مسلم). Dan testemunyo ke Mahomat es el último de los profetas enviados por El Dio i el muur de la Navá.Se akseptan komo navis prinsipalmente (pero no limitándose) a Adan Arishon, Noah, Abraham, Moshe Rabenu, Shelomo Ameleh i Yeshu. Endemeás del Koran, los musulmanes de tradisiyon sunnita sigen los hadizes i la sunna del navi Mahomat, las kualas konforman el Enrejistro istóriko de las aksiyones i las ensinansas del Profeta. Se akseptan también komo livros sagrados la Tora, los Livros de Shelomo Ameleh i los Evanjelios (los kualos los kristyanos yaman Muevo testamento).

El islam es una relijión abrahámika monoteísta la kuala adora eksklusivamente a Alá. Se kree ke oy endia egzisten entre 1000 i 1800 milyones de musulmanes en el mundo (i en kresimyénto). Asigún el Vatikano el islam es la relijion má grande del mundo, ya ke resientemente a superado el número de katolikos, i la sigunda relijion del mundo si no se desglosa el número de siguidores del kristyanismo.

El islam empiesó kon la predikasiyon de Mahomat enel anyo 622 en La Meka (en la aktuala Arabia Saudi). Basho el komando de Mahomat i los sus suksesores, el islam se ekstendió pishín por el mundo. Egzisten diferensias de opinion entre los musulmanes i no musulmanes si se egztendió por emposisiyon relijiosa porla huérsa, o por konversiyon de los puevlos al islam.

Makeda

La Reyna de Saba (ivrit: מלכת שבא, Malkaṯ Šəḇâ en ivrit antiko; Malkat Sh'va en ivrit moderno; ge'ez: ንግሥተ ሳባ, Nigiste Saba (Nəgəstä Saba); arabo: ملكة سبأ, Malikat Sabaʾ era una reina del antiko reyno de Saba i ke aparese yamada en la Istorya de Etiopia, el Tanah, el Koran, la Istorya Yoruba i las ovras de Flavius Yosefus. Se kreye ke eya era una reyna asentada, mas no egziste prova de esto; de fakto, eya puede ke era una reyna espoza. El su reyno se kreye ke era parte de Etiopia i de Teman.

Enel Tanah aparese ma el su nombre no aparese. Enel Kebra Nagast, la ovra klasika de la tradision de Etiopia, es yamada Makeda, mientres ke enel Islam (ma no enel Koran) es yamada Bilqis o Balkis. D'akodro kon los akademikos i estudiozos del Tanah, enel Shir Ashirim, un kanto ke Shelomo Ameleh dedika a una mujer, puede estar dedikado a una mujer de kolor preta de Etiopia, la kuala puede ser la reina de Saba; por esto, se kreye ke las promezas de El Dio kon el puevlo djudio son lisionadas en las kreyensias de la Iglesia Ortodoksa Tewahedo de Etiopia; el pasuk 6:13 de Shir Ashirim dize ke eya es una "shulamit".

Menora

Una menora es un kandelabro de siete brazos. Símbolo ofisial del Estado de Yisrael.

Segun la istoria se enkontrava en el Tabernakulo, i luego en el templo de Shelomo ameleh.

Konosemos su apariensia entre otras kosas porke luego ke los romanos okuparon el templo i destruyeron Yerushalayim, se yevaron el kandelabro a Roma.

Se lo puede apresiar en los basho relieves del Arko de la Viktoria del emperador Tito.

En otras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.