Shah'rit

Shah'rit (ivrit שַחֲרִת) es la tefila ke es dicha demanyana por los djudios, una de las tres vezes del diya en las kualas kale meldar.

Se kreye ke la tefila de Shah'rit fue establesida por Avraam Avinu kuando el meldava demanyana. Se aze la tefila en lugar de matar animales, ansina komo eskrivio el navi Hosea[1], "I vas dezir la tefila de tu boka enel lugar del sakrifisyo del buey", para kumplir la mitsva de azer servisio a El Dio.

En Shah'rit se topan sinko partes prinsipalas: Pesukei dezimra, la Shema i sus berahot, la Amida, Tahanun, i las berahot de la fin[2]; en hagim i otros diyas alkunas tefilot azen parte de Shah'rit, ansina komo Musaf i el meldado de la Tora.

IDF soldier put on tefillin
Un soldado meldando kon tefilin.

Referensias

  1. Hosea 14
  2. http://www.askmoses.com/en/article/287,134/What-is-Shacharit.html
Halel

Hallel (הלל, "Kante de Alavansa") aze parte del Sefer Teilim (113-118) i es kantado kon el buto de alavar i rengrasiar a El Dio en la tefila de Shah'rit de hagim i en Rosh Hodesh. Egzisten dos versiyones:

Halel kompleto: Se melda desde Teilim 113 al 118 i es dicho solo en hagim.

Medio Halel: Se kitan las primeras partes de Teilim 11:1-11 y Teilim 116:1-11. Ansina es meldado en Rosh Hodesh i en Hol Amoed de Pesah.Jeneralmente es kantado kon boz alta komo parte del Shah'rit diskues de la Amida o durante la tefila de Arvit de la primera nochada de Pesah, egzepto por los yekkes i los litaim i por todas las komunitas para rengrasiar a El Dio en la Noche de Agada. Los dos primeros pesukim, el 113 i 114, son kantados antes de la komida i los otros katro pesukim al eskapar.Nunka es meldado en Rosh Ashana ni Yom Kippur.

Shirat Ayam

Shirat Ayam (ivrit: שירת הים, Shirat Ayam, endemas konosida komo Az Yashir Moshe) aparese en Sefer Shemot 15:1-18. Diskues aparese en los pesukim 20 i 21 una kansion kurta kantada por Miriam i las otras mujeres. Shirat Ayam (la kansion de la mar) la kantaron los djudios diskues de krusar la mar Kolorada i fiesta la destruksion de la armada de los Ayifsianos de la mano de El Dio i espera la konkista de Kenaan.

La poeziya aparese en los sidurim i es dicha todos los dias en Shah'rit. Endemas, aze parte de la primera oda de la Iglesia Ortodoksa, en la kuala es yamada La Kansion de Moshe Es uzada tambien en la Iglesia Katolika Romana, en la kuala a vezes es yamada del mismo modo.

En otras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.