Sefaradim

Los sefardis o sefaradis (de la palavra ebrea ספרדי, "espanyoles" i "portugezes") son los desendientes de los djidios ke bivieron en la Peninsola Iberika fina 1492. Bivieron endjuntos i pasifikamente kon los musulmanos i kristyanos por muncho tiempo i su kultura se engrandesió kon reushitá komo en dinguna otra parte. Durante la Edad Media, los sefardim fueron rekonosidos komo los líderes de la fe i kultura djudías en akeyos syéklos. Un liderazgo relijioso, i sovre todo kulturalo, ke se prolongo durante varios siglos diskués del arrondjamiento de los Djudios de Espanya.

Arrondjados en 1492 por los Reyes Katolikos (Elizaveta i Fernando), los djudíos espanyoles se aresentaron enel norte de Afrika i sovre todo, en el antiko Imperio Otomano, ande se establesieron en komunidades i konservaron la su erensia kulturala. Ansina, otras chikas komunitas se aresentaron en Londra, Bordeaux i Bayonne, Amsterdam, Livorno i otras sivdades italianas, i pasaron a Amerika (Kurasao, Djamaika...) desde estas sivdades (espesialmente, Amsterdam).

Es konosido el kudio de la su lingua, yamada espanyol sefardí, haketia, tetuani, djudeo-espanyol o ladino.

Sefaradim
     
Jews mosaic
1era sirá: Ramba"mClaude Cohen-Tannoudji • Jacques Derrida
2ena sirá: Baruch Spinoza • Jacques Attali • Jean-Pierre Bacri
3ena sirá: Alain Chabat • Patrick BruelEnrico Macias.

Sefaradi o Sefaradita

"Sefaradis" es komo se konosen una de las komunitas djudias mas grandes en la diaspora; del Evreo sefarad - Espanya - el paiz ande floresieron i izieron una rika kultura.

Baruch Spinoza

Baruch Spinoza, nasido komo Benedito de Espinosa, mas tarde konosido komo Benedictus de Spinoza; (1632-1677) era un filosofo i eskritor, desendiente de una famiya sefaradi, ke bivio en Olanda.

Nasio en 1632 en Amsterdam, en Olanda, onde se aresento su famiya fuyendo de las persekusiones en Portugal. Baruch Spinoza se eduko en la komunidad djudia de la sivdad olandesa, ma se izo uno de los kritikos de la ortodoksia djudia. El 27 de djulio de 1656 Spinoza hue ekspulsado de la komunidad djudia de la sivdad.

Desde el anyo 1670 i asta su muerte en 1677 el bivio en La Haya.

Sus ovras tienen una grande importansia filosofika. La mas famosa de eyas es sin duda la ke es konosida komo la "Etika", i ke hue publikada en 1677, dempues de su muerte.

Oy Spinoza es konsiderado komo uno de los rasionalistas del sieklo XVII, kon Gottfried Leibniz i Rene Descartes.

Distribusyon dela lingua djudeo-espanyola

El djudeo-espanyol es la lingua avlada por los sefaradim, los djudios ke fueron arrondjados de Espanya en 1492. Luego de su ekpulsion, fueron a varios lugares, de entre los kuales los prinsipales fueron:

El Imperio Otomono

El norte de Afrika

El norte de Europa

AmerikaEsta diversita de lugares a los ke emigraron kauzo la kreasion de varios lashones.

Oy endiya, el numero de avlantes de la lingua es de 150 000. En Amerika Latina ay komunitas onde la lingua i las tradisiones sefaradim an sido parte de la su kultura komo Ekvador, Porto Riko, Chile, Kuba, Meksiko, Kolombia, Bolivia, Arjentina i Brasil.

Las komunitas sefaradim maz numerozas fuera de Israel estan e la Turkia, onde ay 15 000 avlantes. En este paez el numero de periodikos i magazines en muestro espanyol sige syendo emportante.

Egzepto en Israel, el numero de avlantes esta abashando. Los numeros ke aparesen aki azen referensia a las komunitas sefaradim reunidas en torno a una esnoga o otras institusiones ebreas.

Edikto de Granada

El Dekreto de la Alhambra o Edikto de Granada fue un dekreto editado en la Alhambra (frágua de la sivdad de Granada, en Andaluziya, Espanya) el 31 de Marso de 1492 por los Reyes Katolikos, Hernando II de Aragon i Izabela I de Kastiya, enel kualo se obliga a todos los djudios de la Peninsula Iberika a konvertirse al katolisismo o ser arrondjados, con data el 31 de Djulio de 1492. Por motivos lojístikos se dechidió ekstender este plaso asta el 2 de Ogusto a las dose de la noche. Hernando el Katoliko firmava otro para el Reyno de Aragon, el kualo endemas inkluía las Dos Sisilias, rejion del sud de Italia. Ambos tenían komo baza un mismo teksto orijinal eshkrito por Tomas de Torkemada, inkisidor jeneral en Espanya.

El diya 2 de Ogusto fue el mismo dia enel kualo salió Kristobal Kolon en la su bushkida del una mueva ruta a las Indias, viaje el kualo akavó kon el dishkovrimyénto de Amerika. Esta konsidensa jeneró la teoriya del orijin djudio de Kolon ekspuesta, entre otros, por Simon Wiesenthal en la su ovra Operación Nuevo Mundo: la misión secreta de Cristóbal Colón (edisiyones Orbis, S.A. ISBN 84-7634-382-5).

Eric Arturo Delvalle

Eric Arturo Delvalle Cohen-Henríquez (nasido en Sivdad de Panama el 2 de Fevrero de 1937) fue presidente de Panama desde el 28 de Septembre de 1985 asta el 26 de Fevrero de 1988.

Estudió en la Universita del Estado de Luisiana. Fue lider del Partito Republikano i visepresidente de la Asamblea Nasionala enel anyo 1968. Dempues fue visepresidente del payis en 1984 i fue nombrado Presidente Konstitusional al anyo dempues de la renunsia de Nicolás Ardito Barletta i kon el apoyo del Djeneral Manuel Antonio Noriega, el kualo en esa époka tinía el kontrol de fakto en Panama. Enel anyo 1988, tentó kitar a Noriega del kontrolo de las huersas armadas, i fue destituido de la Presidensia de la Repúblika. Eric es suvrino de Max Delvalle Levy-Maduro

Françoise Atlan

Françoise Atlan es una kantadera fransesa de musika andalusí i de romansas en ladino nasida en Fransia enel anyo 1964.

Ibn Gabirol

Shelomó ben Yehudá Ibn Gabirol, (en ivrit שלמה בן יהודה אבן גבירול; en arabo سليمان بن يحيى بن جبيرول, Sulaymān ibn Yaḥyà ibn Ŷabīrūl), konosido en lingua kastilyana komo Avicebrón, era un filosofo i poeta djudio de Al-Andalus (Málaga)

Istorya dela lingua djudeo-espanyola

Los djudios fueron arrondjados de Espanya el 31 de julio de 1492 por kauza del Edikto de Granada, ke establesia la obligasyon de abandonar el territoryo espanyol para todos los djudios, menos akeyos ke se konvirtyeran al kristianismo. La mayoria de los sefaradim optaron por el egzilio, i kaji todos eyos fueron resibidos enel Imperio Otomano por el sultan Bayaceto 2. Otra parte se establesio en Maroko, en los Paizes Bashos i en alkunos paizes dela Evropa Sentrala.

Los sefaradim establesidos en tyerras otomanas pertenesian a un nivel i sosyal i ekonomiko superior al de las povlasyones autoktonas, lo kual permitio ke konservaran la lingua i la majoria delas tradisiones espanyolas durante kaji 400 anyos, komo okurrio en Maroko. Sindembargo, el tyempo favoresyo una division dialektala: el djudezmo oriental (avlado en los Balkanes) i la haketia, avlada en Maroko.

David M. Bunis divide la istoria dela lingua en tres periodos:

El periodo antiko, desde el nasimiento dela lingua asta el arrondjamiento delos djudios de Espanya en 1492.

El periodo medio, ke empeso kon la yegada delos sefaradim al Imperio Otomano i al norte de Afrika.

El periodo moderno, kualo empeso en el syeklo XIX i sige oy endiya.

Lashones del djudeo-espanyol

Dientro del djudeo-espanyol se diferensyan dos grandes grupos dialektales: el oksidental (haketia, tetuani), kon mas enfluensya del arabo, mas kontakto kon el espanyol halis i deferensias en biervos komo "leer" ("meldar" sólu para lo relijiozo), i el oryental (djudezmo o djidio), ande pueden distingirse uno turkano i otro italo-balkaniko (kon las isolas de Rodas i Kos), kon mas enfluensia del italiano, el franzes i el turkano, afilu del grego i lenguas eslavas.

Djudeo-espanyolDjudeo-espanyol de Maroko

Haketia

Tetuani

Djudeo-espanyol oriental

Area sentrala en el sur delos Balkanes (este de Makedonia, Gresia, la Turkia i Mitzrayim) i dientro estan las areas de enfluensya de tres grandes sentros kulturales sefaradim: Istanbul, Selanik i Esmirna.

Area periferika europea en la norte i oeste delos Balkanes.

Area periferika ekstra-europea: Israel

Lingua djudeo-espanyola

El Djudeo-espanyol (גֿודֿיאו־איספאנײול, /d͡ʒuˈdeo espaˈɲol/, /d͡ʒuˈðeo espaˈɲol/) o ladino (לאדינו, /laˈdino/, /laˈðino/) es la lingua avlada por los sefardim, djudios ekspulsados de Espanya en 1492. Es una lingua derivada del espanyol medieval i avlada por 150.000 personas en komunitas en Israel, la Turkiya, antika Yugoslavia, Gresia, Marroko, entre otros.

Ladino o "Djidio" es una lingua djudeo-romanse, kualo leksiko es derivado prisipalmente del Viejo Kastiyano i del Ebreo. La relasyon del Ladino kon el Espanyol Kastiyano o "Espanyol Halis" es parejida kon la del Idish ke avlavan los ashkenazim kon el Aleman. Los avlantes son aktualmente kaji i solo djudios sefaradim, kualas famiyas, por enshemplo, binieron de Salonika, Sarajevo, Skopia, Rodas, Izmir i de Istanbul. Ama fina empesijos del syeklo XX, munchos goym la avlavan en Salonika, ande era la su lingua prinsipala.

El Ladino ay guadrado la prenunsiasion de los fonemas [d͡ʒ] i [ʒ] del Viejo Kastiyano, kualos se trokaron en [x] en Kastiyano moderno. La "j" en el biervo es prenunsiada komo ח (ḥet) [x] en Espanyol Kastiyano, ansina en el Nord de Afrika, en la hakitia re-kastiyanizada del siekolo XIX, enmientras ke guadrada komo "j franzesa" [ʒ] o "dj" engleza [dʒ], o inda "sh" [ʃ], en muestra lingua. El Ladino tiene ansina un fonema [x] ke mos viene del Ebreo (ḥet segido por kaf final o medial (חכ o חך). Tambien guadra la "z francesa" [z], ke en espanyol kastiyano se troko en [θ] i en el espanyol de Amerika en [s].

En dingunas redjiones ansina se dezveloparon trokamientos mui proprios de muestra lingua i ke la deferensian del Kastiyano Moderno, komo por enshemplo "muestro", "mozotros" i "eshfuenyo" por "nuestro", "nosotros" i "sueño" en Izmir i Estambol.

Su estruktura gramatikala es muncho i bien parejida a la lingua espanyola, ama kon biervos a la orijin en Ivrit, Portugez, Fransez, Turko, Grego, i del Eslavo (Serbocroata i Bulgaro), de akodro a donde moraban los favlantes i por modre de la enfluensya politika i ekonomika de las otras linguas en la vida de kadaldia.

Partaja kon otros dialektos del Kastilyano (komo Andalus i Amerikano) el yeismo, ke kere dizir ke la diferensia entre LL (ly) i Y se depedrio. Ama, a deferensia del kastiyano andalus i del rioplatense, el fonema para LL i Y es Y (i semikonsonante) i no DJ o J (sonidos ke no se depedrieron en el djidio, dunke no se pueden trokar sin trokar la sinyifikasion).

Partaja tambien kon el espanyol halis la pedrida de la deferensya entre B i V, malgrado ke akorruto se auzan las dos letras en la eskritura, ama sin valor fonetiko. Sus vokales son las del kastiyano, i ansina las del ivrit sefardit de RaDaK: a, e, i, o, u.

El ladino no konose Usted non vuesa / su merced, komo si el espanyol kastiyano: para el tratamiento de respekto, se uza vos en Marroko i el / eya en oriente.

Lior Ashkenazi

Lior Louie Ashkenazi (nasido en Ramat Gan, 1969), es un aktor de sinema i de teatro de Yisrael ke a resivido premios de la Akademia del Sinema Yisraeli.

Literatura sefaradi

La literatura sefardi es la produksyon literaria disvelopada en la peninsula Iberika desde el syeklo X por parte de los sefaradim.

Meksiko

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Meksiko o los Estados Unidos Meksikanos es un paiz de Amerika del Norte. Al norte son los Estados Unidos, al sud topa kon la Repuvlika de Guatemala i el Belize, tiene una superfisia totala de 1,964,375 km² de territorio i es partajado en 32 entidades federalas yamadas estados. La kapital es la Sivdad de Meksiko; endemas es la sivdad mas grande del paiz, enjuntamente kon la su zona metropolitana, siendo una delas aglomerasiones mas grandes del Kontinente Amerikano i del olam. Endemas el paiz es atopado entre el Oseano Pasifiko i el Oseano Atlantiko (a la beira del Golfo de Meksiko i dela Mar Karibeana); por la su posisyon jeografika, el paiz topa adentro de un area estratejika para la ekonomia. El paiz es una repuvlika federala, demokratika i representativa ande ay tres puederes de governo, el pueder ledjislativo ke apresenta la Kamara de Diputados i Senadores o Kongreso de la Union, el pueder djudisialo ke apresenta la Suprema Korte de Djustisia i el su shefe de estado ke es el prezidente del exekutivo. La Konstitusion Politika de los Estados Unidos Meksikanos, son las leyes de esta nasyon soberana, ke apresenta la demokrasia del paiz basho las ordenansas de diritos i obligasiones para el nifus nasionalo i ajeno ke mora en el paiz.

En Meksiko ay una povlasion kontada de 119 530 753 moradores (senso del anyo 2015), asegun las leyes del paiz, son meksikanos los hijos nasidos en otros paizes de sivdadanos meksikanos morantes en paizes ajenos. La mayoria delos meksikanos avlan kastilyano, es endemas, el paiz de mayor povlasion de avla kastilyana en el mundo, tambien egzisten meksikanos ke avlan 63 linguas indijenas o nativas amerikanas, komo el nahuatl, maya, mixteko, zapoteko, otomi entre otras.Es una delas nasiones kon una grande rikesa kulturala i es puededora de una erensia istorika i artistika muncho antika ke la UNESCO deklaron Erensia Kulturala dela Umanitad. Es un paiz kon muncha kultura orijinala i una fuerte infuensia iberika, por lo kualo es konsiderado enel mundo komo un paiz multikulturalo, multilingualo i multietniko, endemas de aver una grande biodiversidad en flora i favna, a kavza de klimas distintos en el territorio nasionalo.En Meksiko ay una ekonomia ekstremada, asegun los sus nivelos de vida son komparados a paizes komo Almania i Burundi adentro de un mismo territorio, las desigualdades entre meksikanos son bastante evidentes, el desvelopamiento ekonomiko del Meksiko es paresido al desvelopamiento de Tailandia, Turkia, Indonesia o Sudafrika. Meksiko konta kon rikesas naturalas i mineralas komo petroleo, lo kualo es parte emportante del manadero dela su ekonomia, ansina tambien el desvelopamiento del turizmo por un klima bueno kon galanas i ermozas plajas, una rikesa istorika, kulturala i artistika.

Moshe ben Maimon (Rambam)

Moshe ben Maimon, konosido komo Maimonides (1135, Kordova - 1204, El Kayro) fue el mediko, rabino i filozofo djudio mas famozo de la Edad Media.

Nasio en la kapital de Al-Andalus, es dezir, Kordova, el 30 de Marso de 1135, en una emportante famiya de djuzgos rabinos. En la su chikez inisio los sus estudios biblikos i del Talmud, má en 1148 por modre la intoleransia almohade la su famiya izo pareser la su konversion al Islam i trokó akorruto de kaza. Bivió en la sivdad de Almeria, ande refujio en la su kaza a su maestro Averroes asta irse a Fez con los sus ijos enel anyo 1160. Ayi bivió solo durante sinko anyos ma dempues, por modre la intoleransia almohade otra vez, se fue unos mezes a Palestina i finalmente a Ayifto.

Myriam Moscona

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Myriam Moscona (nasida en la Sivdad de Meksiko enel anyo 1955) es una djurnalista, tresladadora i poeta meksikana en kastilyano i djudeo-espanyola de orijen bulgariano sefaradi. Hue eskojida para resevir el galardon Xavier Villaurrutia enel anyo 2012. La su poezia en ladino elude los temas topados de la lirika judeo-espanyola i konsentrase en una propuesta mas atemporada.

Rishon LeZion

El Rabino Shefe Sefardi de Israel tiene el titolo de aRishon LeZion (en ivrit הראשון לציון, "El priméro a Zion"). El orijin del nombre es el titolo del syéklo XVII kon el ke era yamado el rabino shefe de la sivdad de Yerushalayim. El Rishon LeZion era el representante de los djudios del Imperio Otomano. Enel anyo 1921 fue fondado el rabinato prinsipal del antonses Mandato Britaniko, kon dos shefes: el Rishon LeZion i el rabino shefe ashkenazi. Los Rishonim LeZion lavoran 10 anyos en este posto.

Shlomo Amar

El sinyor haham Shlomo Moshe Amar (en ivrit שלמה עמאר‎) era el Rabino Shefe Sefardi de Israel ("Rishon L'Tzion") desde el anyo 2003 jasta 2013. Despues sirve .

El Sinyor Amar nasio en Kasablanka, Marroko, enel anyo 1948 i izo la su aliya enel anyo 1962, kuando tinía 14 anyos. El estaba muy serkano al sinyor Maran Ovadia Yosef, el kualo tambien fue antes Rabino Shefe Sefardi de Israel y "Rishon L'Tzion" i era el lider espiritual del partito relijozo yisraeli Shas. Desde Oktubre 2014, sirve como Rabino Shefe de Yerushalayim.

Antes del su nombramyénto komo Rishon L'Tzion era el Shefe del Bet Din de la sivdad de Petah Tikva i endemas fue nombrado Rabino Shefe de la sivdad de Tel Aviv enel anyo 2002.

El sinyor Amar es el primer "Rishon L'Tzion") ke no es de orijin iraki desde kuando el sinyor haham Ben-Zion Meir Hai Uziel fue nombrado Rav Arashí.

Yaakov Bentolila

Yaakov Bentolila (en ivrit עקב בנטולילה) es un filólogo yisraeliano nasido en Tetuan, Marroko. Es profesor de ivrit en la Universita Ben-Gurion en Beer Sheva i myémbro de la Akademia del Idioma Ebreo desde el anyo 2004.

Yasmin Levy

Yasmin Levy (nasida en Yerushalayim enel anyo 1975) es una kantadera i kompositora sefaradi de muzika tradisional nasida en Yerushalayim. El su padre, Yitzhak Levy, dedikó la su vida toda a investigar la muzika sefaradí, endemas de ser el editor del djurnal en ladino Aki Yerushalayim. Yasmin a trayido una mueva interpretasiyon de la muzika antika en djudeo-espanyol, al unir sonidos orijinales de la kultura sefaradi kon enfluensia mora, araba i espanyola medievala kon elementos má modernos del Flamenko de Andaluziya i otros estilos muzikales de la Turkiya, ansina komo instrumentos tradisionales como el Ut, el violín, el txello i el piano. En el su sigundo disko, La Djuderia, endemas iva inkluir kansiones konosidas komo Gracias a la Vida de Violeta Parra i Nasi en Alamo del filmo Vengo, adirijida por Tony Gatlif, kansion ke en la su versiyon orijinala ganó el premio César del anyo 2001 komo Amijor Muzika para un Filmo.

Enel anyo 2006 Yasmin Levy resivió el Premio Anna Lindh por los sus eshuérsos para kriar un dialog inter-kulturalo

Yosef Karo

Yosef ben Efraim Karo es uno de los más emportantes hahamim de la istorya del puevlo djudio. Nasió en Toledo, Espanya enel anyo 1488; murió en Tzfat, Emperio Ottomano enel anyo 1575. Karo es el avtor del livro Shulhan Aruh, el mas emportante livro relasionado kon la Alaha. Este livro es la mayor otoridad para los djudios i por este, al haham Karo se le yama Amehaber (ivrit: "El Avtor") i Maran (arameo: "El muestro maestro").

En otras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.