Repuvlika Popular Kina

La Repuvlika Popular de Kina (en lingua kineza 中华人民共和国, Zhōnghuá Rénmín Gònghéguó), yamada jeneralmente Kina (中国, Zhōngguó), es el payis más grande de Asya Oryentala, ansina komo el más povlado del mundo, kon más de 1.300 milyones de avitantes, aproksimadamente la sinkena parte de la povlasiyon mondiala. Kina es una repúvlika sosyalista goviernada por el Partido Komunista de Kina, asigún una rejima de un uniko partido, el kualo administra 22 provinsias, sinko rejiones otónomas (Xinjiang, Mongolia Interior, Tibet, Ningxia i Guangxi), katro munisipalidades (Pekín, Tianjin, Shanghái, i Chongqing) i dos Rejiones Espesialas kon un alto nivel de otogovierno (Hong Kong i Makao). Su sivdad kapitala es Peking i la sivdad más grande del payis es Shanghai.

中华人民共和国
Zhōnghuá Rénmín Gònghéguó

Repuvlika Popular de Kina
רפובליקא פופולאר דא קינא
Flag of the People's Republic of China National Emblem of the People's Republic of China
Bandyera Eskudo

Situasión de Kina

Kapitala: Peking
Mayor sivdad: Shanghai
Linguas ofisialas: Kinezo
Forma de governo: Repuvlika Popular
Moneda: Yuan Renminbi
Şefe de estado: Xi Jinping
Şefe de governo: Li Keqiang
Ekstension: 9 596 961 km2
·% agua: 2.82%
·Frontieras: 22.117 km
·Kostas: 14.500 km
Povlasion: 1 409 517 397
·Densidad: 151.1 ab/km2
PIB: USD 12 237,7 milyardas
Kodigo ISO: CN / CHN
Prefikso telefonika: +86
Dominasion de internet: .cn, .中国, .中國

Atamientos eksternos

Asya Oryentala

Asya Oryentala es una rejión de Asya la kuala puede ser definida jeográfikamente o en termos kulturales. En jeografiya polítika abarka un área de 6.640.000 km², o kaji un 15% del kontinente.

Má de 1.500 milyones de personas, un 38% de Asya i el 22% mondial, biven en Asya Oryentala, lo ke ekivale al doble de Evropa, anke son menos ke en Asya del Sud. Asya Oryentala es una de las rejiones más densamente povladas, la su densidad de povlasion es el triple ke la midia mondial.

Betahayim Huang Shan

El Betahayim Huang Shan, ubikado en los fueros de la sivdad de Harbin, es el betahayim djudio má grande i amijor preservado en Asya Oryentala. El Bet ahayim, ke tiene unas 600 tumbas eskritas en idish i ruso, iva ser aperturado enel anyo 1903 en el sentro de la sivdad i enel anyo 1958 iva ser trokado a los fueros de la sivdad. Enel anyo 1992, dempues del empiese de las relasiones entre Israel i la Repuvlika Popular Kina, se empieso a ser remuevado. El antonses primér ministro de Israel, Ehud Olmert, iva dar respekto al su papú Yosef Olmert, el kualo iva murir enel anyo 1941 en la sivdad.

Bilbao

Bilbao es una sivdad ke se topa al nord de Espanya. Es la kapitala de la provensiya de Vizkaya, i la sivdad mas grande del Pais Vasko Espanyol.

La viya fue fondada en 1300 por Don Diego Lopez de Haro.

Birobidjan

Birobidjan (en ruso: Биробиджан, en idish: ביראָבידזשאן) es la sivdad kapitala de la Provensiya Otonoma Ebrea, en Rusia. Está ubikada entre los rios Bira i Bidján, los kualos son afluentes del rio Amur. La sivdad se ankontra serka de la frontiera kon la Repuvlika Popular Kina i del Tréno Transiberiano. La sivdad, djunto kon todos los povlados de la Provensiya Otonoma Ebrea, fue fondada basho la orden de Stalin de kriar una repuvlika otonoma djudia ande la relijion seya trokada por los valores del sosyalismo i el komunismo. La sivdad tinía 78.500 abitantes enel anyo 2006. Para estar en Siberia, los visitantes a pueden ver una sivdad sorprendentemente védre. Egziste una endustria lijera en dezvelopamiento.

Budapest

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Budapest es la sivdad mas grande i la kapitala de Madjaristan. En la sivdad biven unos 1.759.407 abitantes, i en la su área metropolitana se topan aproksimadamente 3.3 milyones (2015).

Idioma shino mandarin

El Shino Mandarin, Shino o Kinezo es una lingua sino-tibetana. Es avlada por aproximativamente 960 milyones de personas komo priméra lingua i por unas 100 más komo sigunda lingua.

Kamino de la Seda

Es yamado Kamino de la seda a una red de rutas komersialas entre Asya i Evropa, desde Chang'an (oy endiya Xi'an) en Repuvlika Popular Kina verso Antakya i Estambol (oy en Turkiya) a las portas de la Evropa i ainda verso los reynados espanyoles enel syéklo XV.

La ekspresion "Kamino de la seda" fue kriada por los jeografos almanos Ferdinand Freiherr von Richthofen & Co., el kualo aparesió en la ovra Viejas i muevas definisiones del Kamino de la seda, en 1877.

El su nombre tiene su orijin enel artikolo mas presyado tresladado enel: la seda, ke era echa en sekreto por los kinezos. Los romanos se plazían de esta tela, ke konosieron por modre de los partios, los kualos lo merkavan. Endemas de la seda, munchos otros artikolos viajavan en este kamino: pinas i metales presiozos, telas de lana o de lino, ambar, marfil, laka, espesias, vidro, artikolos manufakturados i otros.

Komplekso Esportivo de los Djuegos de Asia Oryentala

El Komplekso Esportivo de los Djuegos de Asia Oryentala (en shino tradisiyonal: 澳门东亚运动会体育馆, en shino simplifikado: 澳门东亚运动会体育馆, pinyin: Aomen Dōngyà Yùndònghuì Tǐyùguǎn) es un komplekso esportivo ubikado en Cotai, en la Rejión Administrativa Espesiala de Makao de la Repuvlika Popular Kina.

El lugar fue uno de los lugares má emportantes de los Djuegos de Asia Oryentala del anyo 2005 i en el komplekso endemas se organisaron alkunos eventos para los Djuegos Asiatikos Basho Techo del anyo 2007.

El Komplekso Esportivo de los Djuegos de Asia Oryentalal es el má grande komplekso esportivo kuvijado en la sivdad. Tiene de tres nivelos de varios kompleksos esportivos multipropósito kon una superfisie totala de 45.000 m2 kon dos Pavilyones o Koskos separados, los kualos son ideales para diferentes tipos de esportes de sala i aktividás basho techo. Endemas tiene de una sala de eksposisiones en la kuala pueden atender asta 2.000 personas.

Kosko 1: Con una kapachitá totala para má de 7.000 personas, una de las prinsipalas karakterísticas de este kosko es la pista kuvyerta, la kuala es espesiala para las diferentes aktividás ke van desde las seremonias de los eventos esportivos.Kosko 2: Este kosko puede resivir asta a 2.000 personas i está desinyado kon un esenario sentral el kualo ofrese un troko de konfigurasiyon en forma de U. Esto permite al púvliko tener una vista perfekta del esenario, espesialmente para los esportos de amostramyento komo la dansa esportiva.El komplekso fue aperturado ofisialmente enel anyo 2005. La su primera pyedra fue kolokada por el Shefe Eksekutivo Makaense, Edmund Ho el 28 de Fevrero de 2003.

Korea del Nord

La Repuvlika Popular Demokratika de Korea (RPDK) (en koreano 조선 민주주의 인민 공화국, Chosŏn Minjujuŭi Inmin Konghwaguk), yamada informalmente Korea del Nord para distingirla de Korea del Sud, es un paez de Asya Oryentala. Okupa la porsyón septentryonal de la peninsula de Korea, situada al este de la Repuvlika Popular Kina, entre los mares del Japón i Amariyo.

Kyiv

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Kyiv (en lingua ukrainia Київ, en lingua rusa Киев) es la sivdad mas grande i la kapitala de Ukraina. En la sivdad biven unos 2 845 023 avitantes (1 Jenero 2013).

Makao

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Makau, en kinezo tradisionalo 澳門, simplificado 澳门, en pinyin Àomén; en portugez: Makau, es una chika rejion administrativa especializada en la beira sud de Repuvlika Popular de Kina. Se topa enjunto del vilayet de Guangdong, a 70 km al sudoeste de Hong Kong, en la kara sud del delta del Rio de las Perlas, i a 145 km de la subida de Guangzhou.

Desde el 20 de disiembre de 1999, Makao es una de las dos rejiones administrativas espesialas de la República Popular de Kina. La otra es Hong Kong. Azta esa data avia estado basho administrasión portugeza (la kuestión de la soberanía es muncho más confusa) durante kaji 450 anyos. Komo en Hong Kong, la Ley Básica de Makao garantisa el mantenimiénto del systema ekonómiko kapitalista i de una otonomía muy grande durante al menos 50 anyos. Se mantiene el systema djudisial establesido por Portugal, y el portugez, afiliado apenas avlado, tiene estatus de lengua oficial enjunto al cantonez.

Mao Tse-tung

Mao Tse-tung (kinezo simplifikado 毛泽东; kinezo tradisional 毛澤東; pinyin Máo Zédōng) era un politiko, i poeta kinezo (Shaosan, Hunan, 26 de Disiembre de 1893 – Peking, 9 de Sietembre de 1976). Era uno de los fondadores enel anyo 1921 del Partito Komunista de Kina. Organizó una revolta entre los lavorantes de la tierra i un alevantamiento en Hunan, ama sin reushitá. Diskués, impozó los sus kriterios ariéntro del partito, tomando el kontrolo del movimento komunisto enel anyo 1935. Enel anyo 1949, diskués de una lunga gera interna, deklaró la Repuvlika Popular Kina.

Yegó a ser presidente del Politburó del Partito Komunista de Kina desde 1943 i presidente del Komité Sentralo del Partito Komunista de Kina desde 1945, fina la su muerte. Mao dezvelopó un marxizmo-leninizmo konosido komo maoizmo, paresido ala ideolojiya politika del stalinizmo; endemas, mientres kontroló Kina, trokó en kolektiva la agrikultura mientres izo el Gran Salto Adelántre. Kió i diskués amato la aliansa kon la Union Sovyetika i la Revolusion Kulturala.

Mao es konosido komo el kriador de una Kina unifikada, en paz i sin kontrolo de otros payises por primera vez desde la Gerra del Opio; anke kon munchas kritikas por la fambre entre 1958–1961 i por la violensya afitada durante la Revolusion Kulturala.

Peking

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Pequín (lingua kineza: 北京, pinyin: Běijīng, kinezo tradisional: Peking) es la sivdad kapitala de la Repuvlika Popular Kina; es endemas una de las 4 munisipalitades de la Repuvlika Popular Kina, las kualas tienen un status de provinsia i se topan basho el kontrolo direkto del govierno sentral. Peking es una munisipalitad desde la kriasion de la Repuvlika Popular Kina.

Es una de las sivdades mas grandes de Kina, solo avantajada por Shanghai i endemas un ponto de transporto emportante, ande yegan munchas lineas de trenos, otopistas i kaminos. Tiene un ayroporto internasional i es akseptada komo el korason kulturalo, politiko i sosyal de Kina.

Shanghai

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Shanghai (en kinezo: 上海, pinyin: Shànghǎi) es la sivdad má grande de la Repuvlika Popular de Kina, kontando kon 18.450.000 de abitantes (2008). Esta ubikada al sud del delta del rio Yangtze. En kinezo, las abreviaturas de Shanghai son Hù (tradisional: 滬 , simplifikado: 沪) i Shēn ( 申 ).

Administrativamente, Shanghai es una de las katro munisipalitas de la Repuvlika Popular de Kina, todas eyas administradas direktamente por el governo sentral del payis. Shanghai es la kapital ekonomika de Kina i tyene má de 4.000 kulás (raskasyelos). La sivdad okupa una superfisie de 6.340 km².

Taipei

Taipei (en Khinezo 台北) es la kapital i sivdad mas emportante de Taiwan (Repuvlika de Kina). Se ankontra ubikada kaji al ekstremo Nord de la isola de Taiwan, en las riberas del rio Danshui, a unos 25 kilometros de la sivdad de Keelung, ke es el su puerto en el Oseano Pasifiko. El su estatus ofisial es el de kapitala provisionala de la Repuvlika de Kina. La su povlasión es de 2.630.872 abitantes (Jenero de 2007). Taipei es una munisipalidad espesiala administrada direktamente por el Governo Sentral de Taiwan. la sivdad esta dentro del distrito de Taipei, anke no forma parte de este.

El alkalde aktual de la sivdad de Taipei es Ma Ying-jeou, del partito Kuomintang. Sólu desde el anyo 1994 el alkalde de Taipei es nombrado por eleksiyon popular, dempues de munshos anyos de ser un kargo designado por las avtoridades sentralas. La sivdad endemas alberga la kulá Taipei 101, la frágua má alta de todo el mundo.

Por su la alta proporsion de povladores de orijin kinezo kontinental i la su dependensia del komersio, la sivdad de Taipei es munsho má partidaria de la reunifikasiyon con la Repuvlika Popular Kina ke otras sivdades de Taiwan. El lashon má avlado es el Idioma shino mandarin, mientras ke en el resto de la adá predominan los dialektos kinezos Minnan i Hakka.

Tokio

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Tokio (en japonezo 東京都, Tōkyō-to, kapitala del Oryente) es la sivdad kapitala de fakto de japon, topada enel sentro-este de la isola de Honshu.

Tokio es oy endiya la sivdad mas povlada del mundo, kon unos 38 milyones de avitantes, anke el Instituto Mondial de Povlasion muchigua ke enel anyo 2020 Mumbai (India) pasará a ser la sivdad mas grande del mundo.

Vilayet

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Un vilayet (en arabo ولاية; en lingua turka i farsi, vilayet; en lingua madjar: vilájet) es una basho-division administrativa de alkunos payises musulmanos. La pronunsiasion del biervo arabo, wilāyah, en turko, es vilayet i era uzada para yamar a las provinsias del Imperio Otomano. El biervo es tresladado komo provinsia o governasion.

En los Payises Bashos i Beljika las unidades administrativas son yamadas provinsias. En Rusia el biervo óblast se uza komo sinónimo de provinsia. En Arjentina se yama "provinsia" a todo estado federado ke konforma la repuvlika, ansina komo en Kanada, anke Québec tiene un poko mas de otonomiya por modo de sus diferentes karakteristikas etnikas (predominio de los quebecoises o "frankokanadianos del Québec"); en Chile se yama llama provinsia a una unidad administrativa, las kualas asta la anyada de los 70 eran subordinadas direktamente al goviernos entral, ma dempues de esta data munchas de eyas se reunieron en rejiones.

En Bolivia se yama "provinsia" a una unidad administrativa de treser orden ariéntro de un departamento, al kontrario de Arjentina, anke el govierno del payis es sentralista. Endemas, anke no se uze el biervo "provinsia" ni un biervo paresido en una lingua romanse, son traduizidas kon la kateggoría de "provinsia" las prinsipalas divisiones jeografiko-politikas de payises grandes, komo las vilayas o vilayatos de los payises musulmanos.

Wuhan

Wuhan (kinezo simplifikado: 武汉, kinezo tradisyonal: 武漢, pinyin: Wǔhàn) es la kapital de la provinsya de Hubei y la sivdad más povlada en la sona sentral de la Repuvlika Popular Kina. Está en la konflvensya del ryo Yangzi y del ryo Han. Tyene una povlasyón de 7 miyones de avitantes en un área de 8.467 km².

Ürümqi

Ürümqi o Urumchi (en lingua uygur: ئۈرۈمچى, Ürümchi; kinezo simplifikado: 乌鲁木齐, kinezo tradisional: 烏魯木齊, pinyin: Wūlǔmùqí) es la sivdad kapitala de la Rejion Otonoma Uigur de Sinkiang en la Repuvlika Popular Kina. Se topa al nord-este del payis, en la rejion de la Dzungaria i tiene una povlación de más de 2,7 milyones de avitantes. El su nombre, en lingua mongola Үлэмжийн Хот sinyifika “pastizal ermozo”. Es la mayor sivdad ke se topa en la rejion oksidentala de Kina. Aparese en el Livro Guinness de los Records komo la sivdad grande ke se topa más serka del punto del mundo mas alejado de la mar, a una distansia de 2.500 kilómetros. Es una prefektura kon rango de sivdad; la sivdad en vedrad tiene 828 Km² de area i 4.422 Km² la su area metropolitana. Serka de la sivdad se topan kampos de petroleo, ansina komo endemas de karbon i plata.

Anke la majorita de la povlasion fina la anyada de 1980 era uygur, la povlasion aktualmente es de majorita kinezos han, kon minoriyas uigura, kazaka, mandjú i hui, entre otras. La sivdad se topava enel Kamino de la Seda i oy endiya es un emportante sentro de komunikasiones.

En otras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.