Repuvlika Kipriyota

La Repuvlika Kipriyota (en grégo Κύπρος, Kipros; en turko Kıbrıs) es un paez evropeano uvikado en la adá del mezmo nombre ke es parte de la Union Evropea (UE). Esta Repuvlika es un Estado internasyonalmente rekonosido, ma solo kontrola dos treseras partes del sud de la isola. El tresiyo nord fue okupado por la Turkiya en el anyo 1974, dempues del golpe de estado grego i ke dempues se kreyo la Repuvlika Turkana del Norte de Kibris para estavleser un estado para los turkanos de la isola. Este payis solo esta rekonosido ofisialmente por la Turkiya, ma otros payises komo Azerbaidjan, Bosnia i Hersegovina, Gambia i Paraguay amostraron entereso en estavleser relasyones kon el payis. En la isola tanbyen se ankontran las bazas de la armada del Reyno Unido de Akrotiri y Dhekelia. La isola de Kipre esta uvikada en la Mar Mediterraneo a 113 km al sud de la Turkiya i 120 km al oksidente de Surya.

Agia napa
La plaj en Agia Napa

Kipre ingreso komo membro de las Nasyones Unidas el 20 de septiembro del anyo 1960, dempues de ser kolonia del Reyno Unido.

Organizasion territoriala

Departamento Kapitala Area (km2) Povlasion
[[]] [[]]
[[]] [[]]
Κυπριακή Δημοκρατία
Kıbrıs Cumhuriyeti

Repuvlika Kipriyota
רפובליקה קיפרייוטה
Flag of Cyprus Coat of arms of Cyprus (old)
Bandyera Eskudo

Situasión de Kipre

Kapitala: Nikosiya
Mayor sivdad: Nikosiya
Linguas ofisialas: Grego, Turko
Forma de governo: Repuvlika
Moneda: Euro
Şefe de estado: Nikos Anastasiadis
Şefe de governo: Nikos Anastasiadis
Ekstension: 9242,45 km2
·% agua: 0%
·Frontieras: 0 km
·Kostas: 648 km
Povlasion: 1 141 166
·Densidad: 123.5 ab/km2
PIB: USD 21,65 milyardas
Kodigo ISO: CY / CYP
Prefikso telefonika: +357
Dominasion de internet: .cy

Pertenensiya Internasyonal

La Repuvlika Kipritoya partisipa en: Australia Group, CN, CE, CFSP, EBRD, EIB, EU, FAO, IAEA, IBRD, ICAO, ICC, ICCt, ITUC, IDA, IFAD, IFC, IHO,ILO, IMF, IMO, Interpol, IOC, IOM, IPU, ITU, MIGA, NAM, NSG, OPCW, OSCE, PCA, UN, UNCTAD, UNESCO, UNHCR, UNIDO, UPU, WCL, WCO, WFTU, WHO, WIPO, WMO, WTO, WTO. [1] [2]

Ver endemas

Atamientos Eksternos

 
Paizes miembros de la Union Evropea
Flag of Europe.svg

Almania | Austria | Beljika | Bulgaria | Dinamarka | Eslovakia | Eslovenia | Espanya | Estonia | Finlandia | Fransia | Gresia | Irlanda | Italia | Kipre | Letonia | Lituania | Luksemburgo | Madjaristan | Malta | Paizes Bashos | Polonia | Portugal | Repuvlika Cheka | Reyno Unido | Rumania | Suesia

 
Paizes de Evropa
Europe political map.png

Albania | Almania | Andorra | Austria | Beljika | Bielorusia | Bosnia i Hersegovina | Bulgaria | Dinamarka | Eslovakia | Eslovenia | Espanya | Estonia | Finlandia | Fransia | Gresia | Irlanda | Islandia | Italia | Kazakistan | Kipre | Kroasia | Letonia | Liechtenstein | Lituania | Luksemburgo | Madjaristan | Makedonia | Malta | Moldova | Monako | Montenegro | Norvejia | Paizes Bashos | Polonia | Portugal | Repuvlika Cheka | Reyno Unido | Rumania | Rusia | San Marino | Serbia | Sivdad del Vatikano | Suesia | Suisa | Turkia | Ukraina

Amsterdam

Amsterdam es la sivdad kapitala ofisiala de los Payises Bashos. La sivdad se topa entre el IJ al nord i el rio Amstel al sudeste. Fue fondada enel syéklo XII komo una chika viya de pishkadores, ma oy endiya es la sivdad mas grande del payis i una sivdad de emportansia kulturala i de bisnes grande enel 'olam. En la sivdad biven unos 750.000 abitantes, i en la su área metropolitana se topan aproksimadamente 1,5 milyones. Amsterdam aze parte del Randstad (endjuntamente kon las sivdades de La Aya, Rotterdam i Utrecht), la kuala tiene mas de 6,5 milyones de abitantes.

Bukureshti

Bukureshti es la kapital i la sivdad la mas grande de Rumania. La tradision konekta a Bukureshti kon el nombre de Bucur, kien era un pastor, de akuerdo kon las diferentes leyendas. Pero en verdad el nombre de Bucur es de orijen Trako-Geto-Dazio. El nombre de la sivdad en Rumano (Bucureşti) se parese a la palavra rumana "bucurie" (alegria). La viya fue elegida komo sede de la korte por del prinsipe de Valakia Vlad III i ya desde 1459 se le konozia como "La sitadela de Bukureshti".

Bukureshti no es solo kapital del pais, sino tambien es la unika sivdad avtonoma del paiz, no pertenese a un kondado.

Festival del Kante de Evrovizyón

Ver l'edizyón anteriora: Festival del Kante de Evrovizyón 2018

Ver la edizyón actuala: Festival del Kante de Evrovizyón 2019

Ver l'dizyón seguenta: Festival del Kante de Evrovizyón 2020

El Festival del Kante de Evrovizyón es un konkurso muzikal, ke egziste desde 2003. Konta kon los estatos evropeos, Israel i Australia.

Festival del Kante de Evrovizyón Junior

Ver l'edizyón anteriora: Festival del Kante de Evrovizyón Junior 2018

Ver la edizyón actuala: Festival del Kante de Evrovizyón Junior 2019

Ver l'dizyón seguenta: Festival del Kante de Evrovizyón Junior 2020

El Festival del Kante de Evrovizyón Junior es un konkurso muzikal, ke egziste desde 2003. Konta kon los estatos evropeos, Israel i Australia.

Kipre (izla)

Kipre (Kıbrıs en Turko, Κύπρος (Kipros) en Grego) es una ada en la Mar Mediterranea Oryental, serka de la beira de la Turkia, Libanon, Yisrael i Surya. La ada de Kipre es topada a 113 km al sud de la Turkia i 120 km al oeste de Surya.

Lefkoşa

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Lefkoşa (nombre turko ke provene del gréko Λευκωσία, Leukosía, sivdad de la viktoria o sivdad blanka) es la parte del nord de la sivdad de Nikosiya i la kapitala i la sivdad la mas grande de la Repuvlika Turkana del Norte de Kibris kon un povlasion de 84.890 abitantes. Es el sentro ekonomiko, politiko y kultural del payi. La sivdad turkana esta separada del sektor grego-kipriyota de la isola por la yamada "linea vedre"; al otro lado de la linea vedre establesida por las Nasiones Unidas esta el lado gréko, yamado internasionalmente Nikosiya, ke endemas es la kapital de la Repuvlika Kipriyota‎. Konosida komo Lefkousia, Ledra o Ledrae en tiempos antikos, la sivdad fue la kapital del Reyno de Kipre desde el anyo 1192. Dempues fue parte del Reyno de Venesia en 1489 i paso a ser parte del Imperio Ottomano enel anyo 1571. El nombre kon el ke se le konose en Oksidente, Nikosiya, aparesio kuando yegaron los Lusignan. Los Krusados Frankos no savian dizir Levkosía korrektamente.

Limassol

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Limassol (en lingua grega: Λεμεσός, Lemesós; en lingua turka: Leymosun) es la sigunda sivdad mas grande de Kipre i la kapitala del distrito de Limassol. Se topa ala beira sud de la isola, en la baia de Akrotiri. La sivdad fue fraguada entre dos sivdades antikas, Amathus i Kourion, por lo ke enel Imperio Bizantino, era yamada Neapolis (Sivdad mueva). Oy endiya, en la sivdad biven unas 235,056 personas.

Es uno de los portos mas emportantes de la mar Mediterranea. Por esto, Limassol esta dezvelopado komo el prinsipal sentro de turizmo, komersial i de servis de la rejion. Esta sivdad es konosida por la su tradision kulturala, kon munchos muzeyos i sentros arkeolojikos.Oy endiya, la franja turistika de Limassol yeva por el este verso Amathos i verso el oksidente se topan las bazas de Akrotiri i Dhekelia, las kualas apartienen al Reyno Unito.

Linea vedre (Kipre)

La Linea Vedre es la linea ke parte a Nikosiya, la sivdad kapitala de la isola de Kipre, en dos partes; una ke se topa al nord, basho kontrolo de la Repuvlika Turkana del Norte de Kipre y la otra, ke se topa al sud, basho kontrolo del governo de la Repuvlika Kipriyota, rekonosida internasionalmente. Para ken tiene menester de krusar la linea, puede azerlo a traverso de "Ledra Palace Check Point", lugar basho kontrolo de las huérsas de seguridad de ambos sektores de la isola i de la UNFICYP.

Enel anyo 1960, Kipre yegó a ser un payis independiente, konformado por dos komunidades, kon una majorita de orijin grégo i una minoria turkana. En Diziembre de 1963, la sivdad de Nikosiya bivió konfrontamyentos entre las dos komunidades, lo kualo kavzó ke la sivdad de fakto se partajase en dos. El Sekretario Britániko para las lisiones de la Commonwealth, Duncan Sands, vijitó la isola kon el buto de restorar la kalma. Se organizaron unos enkontros entre las dos komunidades, basho el kudio de Sands. Durante estos enkontros, el jeneral Young, el kualo era el komandante de las huérsas británikas arrivadas para kudiar el afito, markó una línea vedre el 30 de Diziembre de 1963 ensima del mapa de los konfliktos en Nikosiya. Esta linea gano huérsa diskués de ke la Turkiya invadiese la isola en Djunio de 1974 i yego a ser una frontiera de fakto kuando enel anyo 1983, la parte de la isola basho kontrolo turkano deklaró su independensia komo Repuvlika Turkana del Nord de Kipre, un payis ke solo aksepta la Turkiya.

Nikosiya

Nikosiya (en gréko Λευκωσία, Leukosía, sivdad de la viktoria o sivdad blanka) es la kapital i la sivdad la mas grande de la Repuvlika Kipriyota‎ kon un povlasion de 224.500 abitantes. Es el sentro ekonomiko, politiko y kultural del payis. La sivdad gréka esta separada del sektor turko-kipriyota de la isola por la yamada "linea vedre"; el nombre turko de la sivdad es Lefkoşa, ke endemas es la kapital de la Repuvlika Turkana del Norte de Kibris, ke se topa al otro lado de la linea vedre. Konosida komo Lefkousia, Ledra o Ledrae en tiempos antikos, la sivdad fue la kapitala del Reyno de Kipre desde el anyo 1192. Dempues fue parte de la Repuvlika de Venezia en 1489 i paso a azer parte del Imperio Otomano enel anyo 1571. El nombre kon el ke se le konose en Oksidente, Nikosiya, aparesio kuando yegaron los Lusignan. Los Krusados Frankos no savian dizir Levkosía korrektamente.

Repuvlika Turkana del Norte de Kipre

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

La Repuvlika Turkana del Norte de Kipre (RTNK) (en turko: Kuzey Kıbrıs Türk Cumhuriyeti (KKTC) es un estado de fakto, ke kontrola el tersiyo nord de la adá de Kipre, en la Mar Mediterranea Oriyentala, serka de la kosta de la Turkiya, Libanon, Yisrael i Surya. La adá de Kipre esta ubikada a 113 km al sud de la Turkiya i 120 km al oeste de Surya.

La Turkiya es el uniko payis ke la rekonose ofisialmente komo un paez independiente, endemas, Bosnia i Herzegovina i Azerbaidjan rekonosen la su soverania komo un payis distinto al sektor grégo, má no tienen ambasada en Lefkoşa, la sivdad kapitala, i Paraguay i Gambia tienen intensiones de rekonoser a la RTNK en un futuro serkano; todos los demas governos i las Nasiones Unidas rekonosen la soveranya de la Repuvlika Kipriyota sovre toda la adá. La Organizasion de la Konferansa Islamika rekonose a la Repuvlika Turkana del Nord de Kipre komo un estado konstituyente, basho el nombre de Estado Turko Kipriyota. El resto del mundo rekonose la isola komo la Repuvlika Kipriyota, una isola-nasyon, i myembro de la Union Evropea. La RTNK deklaro la su independensia enel anyo 1983, ma la su deklarasyon de independensia era deklarada "ilegal" por las Nasyones Unidas, al ekstremo de ke solo konsidera al presidente elekto de la "Komunita Turkana de la Repuvlika Kipriyota" komo un partner para las negosiyasyones ensima del futuro de la isola.

En la isola endemas se topan las bazas de la armada del Reyno Unido de Akrotiri i Dhekelia.

En otras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.