Peninsola Iberika

La Peninsola Iberika es una peninsola ke se topa enel Sud-Oeste de Evropa; tiene beiras en la Mar Mediterraneo i el Oseano Atlantiko i endemas se ankontra unida al kontinente por el nordeste. El istmo (la parte de ancho menor) esta konformado por los Pirineos, ke separan a Fransia de Espanya. La pensinsola esta okupada por varios payises: Portugal, Espanya, Andorra i el territorio britaniko de Djibraltar.

España y Portugal
La Peninsola Iberika
Amortamientos de Granada de 1066

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Los amortamientos de Granada de 1066 (30 de Disiembre de 1066 - kalendario djudio: 9 de Tevet de 4827) eran los amortamientos mas grandes de sefardis echa por los musulmanos en la peninsola Iberika kuando muncha djente tomo el palasio real de Granada, en akeyos diyas kuando la sivdad azia parte de Al-Andalus i ke fue amatada kuando el vizir djudio Yosef ibn Naghrela fue amortado, endjuntamente kon la majorita de la komunita djudia de la sivdad: "Más de 1.500 familias judías, es decir, alrededor de 4.000 personas, murieron en un día". Este era el primer amortamiento echo a los djudios de la peninsola Iberika basho el kontrolo de los musulmanos i es konsiderado el primer pogrom echo en la Evropa.

Arabi Andalusi

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

El Arabi Andalusi (العربية الأندلسية, al-arabiya al-andalusīya) es un lashon del Arabi ke era avlado en Al-Andalus, la rejion de la Peninsola Iberika (oy endiya, gran parte de Espanya i Portugal) ke apartenia el Mondo Islamiko entre los syeklos VIII i XV. Oy endiya, malorozamente es una lingua morta diskues de ke los moros eran kitados de la Peninsola Iberika enel syeklo XV, i estos arivaron alas rejiones del Magreb, el kualo izo ke pedrieran el su propio lashon del Arabi, i diskues la Rekonkista kristiana de la penninsola, ke impozo la lingua kastilyana endemas de la relijion. Oy endiya, es ainda uzado en la musika andalusi i trusho munchos biervos en los lashones de sivdades de la Afrika del Nord komo Tetuan, Fes, Rabat, Tanjer, Nedroma, Tlemsen, Mustaganem, Sharshal i Arjel. En la Comunidad valenciana fue la lengua predominante de las regiones interiores hasta inicios del siglo XVII.

Este lashon metio munchos biervos en la lingua romanse avlada en Andalusiya, la lingua kastilyana, la lingua gayega, la lingua portugeza, la lingua katalana, en espesial el su lashon valensiano, i los lashones arabis de Maroko i Arjelia, espesialmente el Orani. Kaji todos los biervos de orijin kastilyano enel Darija yegaron por modre del arabi andalusi.

Aragon

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Aragon (en kastilyano Aragón) es una komunidad otonoma espanyola. Su kapital es Saragosa.

Asturias

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

El prinzipado de Asturias es una komunidad otonoma de Espanya. Su kapitala es la sivdad de Oviedo, la mayor sivdad es Xixon.

Caesar Augustus

Caius Iulius Caesar Octavianus, GAIVS•IVLIVS•CAESAR•OCTAVIANVS), Caesar Augustus, Augustus o endemas Oktavius Augustus (Roma, 23 de Sietembre de 63 AEK - †Nola, 19 de Ogusto de 14 EK) era el suksesor de Iulius Caesar i el primer emperador romano kon el nombre ofisial de IMPERATOR CAESAR DIVI FILIVS AVGVSTVS.

El dechidió ke las provinsias de Hispania Tarraconensis i Lusitania yegasen a ser provinsias imperialas. Entre los anyos 7 i 2 AEK, Augustus troko la division de Hispania; en la provinsia Tarraconensis krio 7 konventos djuridikos: konvento Cartaginensis, konvento Tarraconensis, konvento Cluniacensis, konvento Asturum, konvento Lucensis i konvento Cesaraugustanum. En la division territoryala de la Peninsola Iberika sigio las divisiones naturalas i jeografikas de esta. El konvento Cesaraugustano se topava en gran parte de la Valey del Evro, espesialmente la sentrala, kaji todo el territorio de Aragon de oy endiya, endemas de partes de Navarra, La Rioja i chikas partes del Payis Basko, Burgos, Lleida, Soria i Guadalajara.

Amató la konkista de Hispania i endemas fondó la sivdad de Caesar Augusta kon veteranos de las gerras ala beira del Evro al otro lado de Salduie (aktuala Chuslibol).

El kresimiento de Roma yegó fiska Djermania en las ultimas anyadas de la vida de Augustus. Enel anyo 9 unos djermanos mandados por Arminius amortaron tres lejiones romanas mandadas por Publius Quinctilius Varus en la Batalya de la Selva de Teutoburgo. Ma Augustus mando a Tiberius i Drusus ala Valey del Rin kon reushitá, ma ala fin, la Batalya de Teutoburgo amató el kresimiento romana en Djermania.

Djudeo-aragonez

El Djudeo-aragonez o Aragonit es una lingua muerta djudeo-romanse derivada de la lingua aragoneza ke era avlada en parte de los reynos de Aragón i Navarra desde la sigunda parte del syéklo VIII verso la fin del syéklo XV, kuando por modre del Edikto de Granada, los djudios de la Peninsola Iberika fueron arrondjados. Dempues de la ekspulsion, los djudios aragonezos fueron a bivir en komunitas kon otros djudios de orijin sefardi en sivdades komo Salonika, Sarajevo i Rodes, ande el su lashon fue aziendo parte de la lingua oy konosida komo djudeo-espanyol, la kuala tiene munchos biervos de orijin aragonezo.

Djudios de Maroko

Son yamados djudios de Marroko akeyos djudios ke biven o bivían en la rejion del Maghreb yamada ansina. Munchos de estos djudios arrivaron diskués de la destruksiyon del sigundo Bet Amikdash i otros, los yamados megorashim, arrivaron de la Peninsola Iberika diskués del Edikto de Granada enel anyo 1492, kuando los djudios fueron arrondjados de los reynos de Espanya i Portugal.

En la anyada de 1940, se kreye ke bivían mas de 250.000 djudios en Marroko. Oy endiya, unos 5.000 djudios biven en el payis, espesialmente en la sivdad de Kasablanka. Los djudios de Marroko i sus ijos pueden toparsen en Israel, Fransia, Kanada i Venezuela.

Espanya

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Espanya (איספאנײה), ofisialmente el Reyno de Espanya (en Kastilyano: Reino de España o España), es un paiz de Evropa Oksidentala, estado soverano konstituido en monarshia parlamentaria ke okupa seis sieten partes de la Peninsula Iberika, i ke djunto a otros 26 Estados soveranos evropeos konforma la Union Europea (UE). Tambien integran la tierra paiz espanyola dos arkipelagos situados en la Mar Mediterranea (las izlas Baleares), enel Oseano Atlantiko (las izlas Kanarias), ansi komo dos enklaves enel norte del kontinente afrikano (las sivdades otonomas de Seuta i Meliya) i el eksklave de Llivia en los Pirineos Fransezos.

En la Peninsola Iberika komparte frontieras terrestres kon Fransia i kon el Prinsipado de Andorra al norte, kon Portugal al oeste i kon la kolonia britanika de Jibraltar al sur. En las sus tierras en Afrika, komparte frontieras terrestres i maritimas kon Maroko. La kapital del paiz es Madrid, una sivdad kon mas de 3.150.000 abitantes.

Kon Fransia partaja la izola de los Faisanes en la desembokadura del rio Bidasoa sinko faserias pirenaikas.

Indemas, tiene otra serie de distritos i posesiones minores no kontinentales komo las izlas Chafarinas, el Penyon de Velez de la Gomera i las izlas del Penyon de Alhusemas, todos frente a la kosta de Marroko. La izla de Alboran, las izlas Kolumbretes i una serie de izlas i tambyen izlotes frente a las sus apropiadas kostas kompletan las sus tierras de paiz.

Gran Esnoga de Jibraltar

La Gran Esnoga de Jibraltar o Kal Kadosh Sha'ar AShamayim (en ivrit קהל קדוש שער השמיים), se topa en el territorio britaniko de ultramar de Jibraltar, i es el primer kal fraguado en la Peninsola Iberika dempués de la Ekspulsiyon de los Djudios de Espanya i Portugal en los anyos 1492 i 1497, respektivamente.

Izlas Baleares

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Las Isolas Baleares o Baleares (en kastilyano Islas Baleares o Baleares, en katalan, Illes Balears o Balears) zon una komunidad otonoma de Espanya i un vilayet kompozado por las izlas del arkipielago Balear, ke se topa en la Mar Mediterranea, enjunto de la beira del Levante de la Peninsola Iberika. Las izlas ke kompozan el arkipielago son: Mayorka, Menorka, Ibisa, ansi komo las isolas pichonas de Formentera, Cabrera, Dragonera, Conejera, Isola del Aire, Espardell, Espalmador, Es Vedra, Sa Conillera i Tagomago. El arkipielago se apartaja en dos grupos:

Himnesias: Grupo kompuesto por Mayorka i Menorka.

Pitiusas: Grupo kompuesto por Ibisa i Formentera.La sivdad kapitala de la Komunidad Otonoma i de la provinsia es Palma de Mayorka, en la isola del mesmo nombre.

Kal de Hijar

El Kal de Hijar es un kal ke se topa en la sivdad espanyola de Hijar, en la Komunidad otonoma de Aragon.

Desde la Ekspulsion de los djudios de Espanya, el kal es uzado komo la Kilisia de San Antón en Hijar. Se dize ke la komunita de Híjar era de 32 famiyas en la anyada de 1481, dospués de pogromos i ekspulsiones. Antes de la ekspulsion, en 1492, la komunita era konosida por sus artesanos i sofrim ekspertos en azer livros. Híjar fue endemas un sentro grande kon una de las primeras emprimeríyas djudias. La frágua es una de las amijormente konservadas fráguas de esnogas en la Peninsola Iberika, dospués de las de Toledo, Kordova i Tomar.

Kastiya i Leon

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Kastiya i Leon (en kastilyano Castilla y León) es una komunidad otonoma espanyola. Su kapital es Vayadolid.

Katalanit

El Djudeo-katalan, endemas yamado katalániko o katalanit, en ivrit קאטאלנית, era una lingua djudeo-romanse avlada por las komunitas djudias del nordeste de Espanya, espesialmente de Katalunya i de las Isolas Baleares. Desde un punto de vista linguistiko, tinía muncho en komun kon el antiko lashon de Provensa yamado shuadit, anke desde un punto de vista istóriko, étniko i polítiko, la komunita djudia avlante del katalan era diferente kon respekto a la komunida avlante de shuadit, espesialmente por moder de la okupasiyon musulmana de la Peninsola Iberika. La époka grande del djudeo-katalan fueron los anyos entre los empesijos del syéklo XII i 1492, kuando los djudios fueron ekspulsados de Espanya dempues del dekreto de los Reyes Katolikos.

Komunita de Madrid

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

La Komunita de Madrid es una komunidad otonoma de Espanya topada en el sentro de la Peninsola Iberika, i ariento de akesta, en el sentro de la Meseta Sentrala. Topa kon las provinsias de Guadalajara, Kuenka, Toledo (Kastiya-La Mancha), Avila i Segovia (Kastiya-Leon). La Komunidad de Madrid es uniprovinsial, ansi ke non eksiste Diputasion. La su kapitala es Madrid, es tambien la kapital de Espanya. La su povlasion, estimada en 6.008.000 povladores, se konsentra en el area metropolitana.

Lingua djudeo-espanyola

El Djudeo-espanyol (גֿודֿיאו־איספאנײול, /d͡ʒuˈdeo espaˈɲol/, /d͡ʒuˈðeo espaˈɲol/) o ladino (לאדינו, /laˈdino/, /laˈðino/) es la lingua avlada por los sefardim, djudios ekspulsados de Espanya en 1492. Es una lingua derivada del espanyol medieval i avlada por 150.000 personas en komunitas en Israel, la Turkiya, antika Yugoslavia, Gresia, Marroko, entre otros.

Ladino o "Djidio" es una lingua djudeo-romanse, kualo leksiko es derivado prisipalmente del Viejo Kastiyano i del Ebreo. La relasyon del Ladino kon el Espanyol Kastiyano o "Espanyol Halis" es parejida kon la del Idish ke avlavan los ashkenazim kon el Aleman. Los avlantes son aktualmente kaji i solo djudios sefaradim, kualas famiyas, por enshemplo, binieron de Salonika, Sarajevo, Skopia, Rodas, Izmir i de Istanbul. Ama fina empesijos del syeklo XX, munchos goym la avlavan en Salonika, ande era la su lingua prinsipala.

El Ladino ay guadrado la prenunsiasion de los fonemas [d͡ʒ] i [ʒ] del Viejo Kastiyano, kualos se trokaron en [x] en Kastiyano moderno. La "j" en el biervo es prenunsiada komo ח (ḥet) [x] en Espanyol Kastiyano, ansina en el Nord de Afrika, en la hakitia re-kastiyanizada del siekolo XIX, enmientras ke guadrada komo "j franzesa" [ʒ] o "dj" engleza [dʒ], o inda "sh" [ʃ], en muestra lingua. El Ladino tiene ansina un fonema [x] ke mos viene del Ebreo (ḥet segido por kaf final o medial (חכ o חך). Tambien guadra la "z francesa" [z], ke en espanyol kastiyano se troko en [θ] i en el espanyol de Amerika en [s].

En dingunas redjiones ansina se dezveloparon trokamientos mui proprios de muestra lingua i ke la deferensian del Kastiyano Moderno, komo por enshemplo "muestro", "mozotros" i "eshfuenyo" por "nuestro", "nosotros" i "sueño" en Izmir i Estambol.

Su estruktura gramatikala es muncho i bien parejida a la lingua espanyola, ama kon biervos a la orijin en Ivrit, Portugez, Fransez, Turko, Grego, i del Eslavo (Serbocroata i Bulgaro), de akodro a donde moraban los favlantes i por modre de la enfluensya politika i ekonomika de las otras linguas en la vida de kadaldia.

Partaja kon otros dialektos del Kastilyano (komo Andalus i Amerikano) el yeismo, ke kere dizir ke la diferensia entre LL (ly) i Y se depedrio. Ama, a deferensia del kastiyano andalus i del rioplatense, el fonema para LL i Y es Y (i semikonsonante) i no DJ o J (sonidos ke no se depedrieron en el djidio, dunke no se pueden trokar sin trokar la sinyifikasion).

Partaja tambien kon el espanyol halis la pedrida de la deferensya entre B i V, malgrado ke akorruto se auzan las dos letras en la eskritura, ama sin valor fonetiko. Sus vokales son las del kastiyano, i ansina las del ivrit sefardit de RaDaK: a, e, i, o, u.

El ladino no konose Usted non vuesa / su merced, komo si el espanyol kastiyano: para el tratamiento de respekto, se uza vos en Marroko i el / eya en oriente.

Madrid

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Madrid es la kapitala i la sivdad mas grande de Espanya. A partir de un enklave arabo konkistado por Alfonso VI de Kastiya en 1083, la viya fue elejida komo sede de la korte kastilyana por Felipe II, en lugar de Toledo. Egzepto un chiko tiempo entre 1601 i 1606 en el que la la sivdad kapitala fue Vayadolid, endenantes, Madrid era la sivdad kapitala de Espanya.

Madrid no es solo la sivdad kapitala del paiz, sino endemas de su provensia i de la Komunidad Otonoma de Madrid. Es una de las majoras aglomerasiones umanas i es emportante sentro metropolitano de Evropa, es la tresera area metropolitana mas avitada deskues de Londra i Paris.

Megorashim

Los megorashim (מגורשים, arrondjados) eran akeyos djudios sefardis ke yegaron a Marroko diskués de fuyir de los pogromos espanyoles en 1391 fina ser arrondjados de la Peninsola Iberika en la anyada de 1492.

Estos djudios, los kualos en su majorita tenían parás i eran de klasa alta i kon una kultura i lingua diferente de akeya de los toshavim, los dudios orijinalos de Marroko, los kualos avlavan arabo o linguas tamazight i kon tradisiones kon influensia del Islam. Los megorashim desharon marka en la komunita djudia del Maghreb, mesklando las sus tradisiones kon akeyas de los toshavim. Kon el tyempo las dos komunitas se mesklaron i oy endiya no es kolay azer diferensia entre una i otra komunita, ma djeneralmente son partajados en dos komunitas enel Maghreb: los sefardis, kon mas tradisiones espanyolas i portugezas i los mizrahis, akeyos kon tradision oryentala. Asigun Jewish Encyclopedia, de los 165000 djudios ke desharon Espanya enel anyo 1492, se kreye ke 32000 yegaron alas beiras de la Afrika del Nord, de los kualos 20000 verso Marroko, 10000 verso Arjelia i 2000 verso Tunesia., ma otros akademikos dizen ke no se puede kontar kuantos djudios bushkaron bivir en Marroko

Meksiko

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Meksiko o los Estados Unidos Meksikanos es un paiz de Amerika del Norte. Al norte son los Estados Unidos, al sud topa kon la Repuvlika de Guatemala i el Belize, tiene una superfisia totala de 1,964,375 km² de territorio i es partajado en 32 entidades federalas yamadas estados. La kapital es la Sivdad de Meksiko; endemas es la sivdad mas grande del paiz, enjuntamente kon la su zona metropolitana, siendo una delas aglomerasiones mas grandes del Kontinente Amerikano i del olam. Endemas el paiz es atopado entre el Oseano Pasifiko i el Oseano Atlantiko (a la beira del Golfo de Meksiko i dela Mar Karibeana); por la su posisyon jeografika, el paiz topa adentro de un area estratejika para la ekonomia. El paiz es una repuvlika federala, demokratika i representativa ande ay tres puederes de governo, el pueder ledjislativo ke apresenta la Kamara de Diputados i Senadores o Kongreso de la Union, el pueder djudisialo ke apresenta la Suprema Korte de Djustisia i el su shefe de estado ke es el prezidente del exekutivo. La Konstitusion Politika de los Estados Unidos Meksikanos, son las leyes de esta nasyon soberana, ke apresenta la demokrasia del paiz basho las ordenansas de diritos i obligasiones para el nifus nasionalo i ajeno ke mora en el paiz.

En Meksiko ay una povlasion kontada de 119 530 753 moradores (senso del anyo 2015), asegun las leyes del paiz, son meksikanos los hijos nasidos en otros paizes de sivdadanos meksikanos morantes en paizes ajenos. La mayoria delos meksikanos avlan kastilyano, es endemas, el paiz de mayor povlasion de avla kastilyana en el mundo, tambien egzisten meksikanos ke avlan 63 linguas indijenas o nativas amerikanas, komo el nahuatl, maya, mixteko, zapoteko, otomi entre otras.Es una delas nasiones kon una grande rikesa kulturala i es puededora de una erensia istorika i artistika muncho antika ke la UNESCO deklaron Erensia Kulturala dela Umanitad. Es un paiz kon muncha kultura orijinala i una fuerte infuensia iberika, por lo kualo es konsiderado enel mundo komo un paiz multikulturalo, multilingualo i multietniko, endemas de aver una grande biodiversidad en flora i favna, a kavza de klimas distintos en el territorio nasionalo.En Meksiko ay una ekonomia ekstremada, asegun los sus nivelos de vida son komparados a paizes komo Almania i Burundi adentro de un mismo territorio, las desigualdades entre meksikanos son bastante evidentes, el desvelopamiento ekonomiko del Meksiko es paresido al desvelopamiento de Tailandia, Turkia, Indonesia o Sudafrika. Meksiko konta kon rikesas naturalas i mineralas komo petroleo, lo kualo es parte emportante del manadero dela su ekonomia, ansina tambien el desvelopamiento del turizmo por un klima bueno kon galanas i ermozas plajas, una rikesa istorika, kulturala i artistika.

Sefaradim

Los sefardis o sefaradis (de la palavra ebrea ספרדי, "espanyoles" i "portugezes") son los desendientes de los djidios ke bivieron en la Peninsola Iberika fina 1492.

Bivieron endjuntos i pasifikamente kon los musulmanos i kristyanos por muncho tiempo i su kultura se engrandesió kon reushitá komo en dinguna otra parte. Durante la Edad Media, los sefardim fueron rekonosidos komo los líderes de la fe i kultura djudías en akeyos syéklos. Un liderazgo relijioso, i sovre todo kulturalo, ke se prolongo durante varios siglos diskués del arrondjamiento de los Djudios de Espanya.

Arrondjados en 1492 por los Reyes Katolikos (Elizaveta i Fernando), los djudíos espanyoles se aresentaron enel norte de Afrika i sovre todo, en el antiko Imperio Otomano, ande se establesieron en komunidades i konservaron la su erensia kulturala. Ansina, otras chikas komunitas se aresentaron en Londra, Bordeaux i Bayonne, Amsterdam, Livorno i otras sivdades italianas, i pasaron a Amerika (Kurasao, Djamaika...) desde estas sivdades (espesialmente, Amsterdam).

Es konosido el kudio de la su lingua, yamada espanyol sefardí, haketia, tetuani, djudeo-espanyol o ladino.

En otras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.