Haaretz

Haaretz (en ivrit:הָאָרֶץ, "La Tyérra", en referensia a la Tyérra de Israel) es un djurnal yisraeli fondado enel anyo 1919. Se puvlika en ivrit, kon una versiyon achikada en inglez la kuala es distribuyida djunto kon la edisiyon del International Herald Tribune en Israel. En Internet egzisten versiyones en ivrit i en inglez.

La línea editoriala del djurnal fue definida por Gershon Schocken, el su redaktor shefe entre 1939 i 1990. Haaretz pertenese a la famiya Schocken. En la aktualitá el djurnal lo dirijen David Landau i Tami Litani, los kualos tomaron los puestos de Hanoh Marmari i Yoel Esterón en Abril de 2004.

En komparasiyon kon los dos mayores djurnales en ivrit, Ma'ariv i Yediot Ahronot, Haaretz tiene artikolos má lungos, tipo de letra más chiko, menos fotografiyas i má espasio dedikado a siensia i literatura. La su visiyon kon respekto al konflikto arabo-yisraeli es la del zionismo i serkana a la de la siedra polítika de Israel, en espesial en lo ke se refiere a los artikolos de Amira Hass i Gideon Levi. Haaretz apoyó desididamente los Akódros de Oslo con la OLP. La postura del djurnal enel espektro relijioso de Israel es markadamente sekular. Anke se da espasio a menudo a asuntos de djustisia sosyala (komo las kolumnas de Ruth Sinai en lo referente a estos temas), la línea editoriala del djurnal en lo relativo a la ekonomiya es liberala, similar a la kuala sige The Economist. Defiende la privatisasiyon, achikamyénto del gasto del govyerno, libre komersio, menores empuestos i práktikas fiskalas estriktas.

Newspapers
El djurnal Haaretz, en las dos sus edisiyones

Atamientos eksternos

Ar Ertzel

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

El Ar Ertzel (ivrit: הר הרצל, Monte Herzl; tambyen Ar AZikaron, הר הזכרון lit. "Monte del Rekuerdo") es una kolina ande esta el sementeryo nasional en Yerushalayim, kapitala de Yisrael. Su nomvre es dado en onor al fondador del zionismo, Theodor Herzl. Este sementeryo esta destynado a abrigar a los eroes de gerra del Estado de Yisrael i sus Shefs de estato i de Governo, asi komo tambyen de los eks presidentes de la Knesset (parlamento).

Están sepultados enel sementeryo de Monte Herzl, entre otros, los eks primeros minystroz Yitzhak Rabin i Golda Meir, los eks presidentes Yitzhak Navon i Ezer Weizman i el lider liveral Ze'ev Jabotinsky. La tumba de Theodor Herzl, idealizador del Estado de Yisrael, se topa en la parte elevada de la kolina.

Boulevard Rothschild

El Boulevard Rothschild (en ivrit שְׂדֵרוֹ‏ת רוטשילד, Sderot Rothschild) es un boulevard en la sivdad de Tel Aviv, Israel, el kualo tiene el su empesijo en la máale de Neve Tzedek en la su parte sud-oksidentala i ke va verso el nord norte hasta el Teatro Habima. Es una de las ramblas mas konosidas i kostozas de la sivdad, i una de los prinsipales atraktivos turistikos de la misma.

Enerjiya Solar en Israel

La Enerjiya Solar en Israel i la Endustria Solar Yisraeli tiene una istorya ke va desde la fondasion del paez enel anyo 1948. Oy endiya, los enjenieros yisraelis son konosidos en todo el mundo por la su ekspertisa enel dezvelopamyento de sistems de enerjiya solar i las entreprisas yisraelis de enerjiya solar lavoran desinyando muevos sistems en todo el mundo

Esnoga Beit Bella

La Esnoga Beit Bella o la Esnoga de Tallinn, (en estonio Tallinna sünagoog, en ivrit בית הכנסת בית בלה) es la unika esnoga del paez, i esta ubikada en la sivdad kapitala , Tallinn. La esnoga fue fraguáda kon fondos privados i aperturada el 16 de Mayo delanyo 2007. La frágua es una estruktura ultramodierna, yena de ayre, kon kapasitá para 180 personas, kon una kapasitá adisional de asta 230 personas para konziertos i otros eventos publikos. La esnoga a resivido muncha atensiyon déke es la primera esnoga fraguada en Estonia desde la Sigunda Gerra Mondiala. La esnoga fue disenyada por los arkitekos Kaur Stöör, Tõnis Kimmel, Liis Lindvere, Raili Paling i Andrus Kõresaar, de la entreprisa KOKO. Para el aperturamiento de la esnoga, asistieron el antonses Vise-Primer Ministro de Israel, Shimon Peres, el Rabino Shefe Ashkenazi de Israel, Sinyor haham Yona Metzger, el Rabino Shefe de Estonia, Sinyor haham Shmuel Kot, i el presidente de Estonia, Toomas Hendrik Ilves.

La esnoga orijinala de la sivdad, fraguada enel anyo 1883, no fue refraguáda dempues de ser destruyida enel anyo 1944 i antonses Tallinn paso a serla unika sivdad kapitala evropea sin una esnoga. Tartu, una sivdad chika en el Sud-Oryente del paez, tambien tinía una esnoga la kuala fue destruyida durante la Gerra.

Haim Saban

Haim Saban (en ivrit חיים סבן), es un bisnesman de nasionalidad amerikano i yisraeli, el kualo es duenyo de kompanyias en los midios de komunikasiyon i CEO de Saban Capital Group. Es duenyo de una fortuna estimada en 2.5 bilyones de dólares.

Istorya de los djudios en Makedonia

La Istorya de los Djudios en Makedonia tuvo el su empesijo en la epoka de los romanos, kuando los primeros djudios arivaron a la rejion enel syéklo IV antes de la era komun. Oy endiya, unos 183 djudios biven en Makedonia, kaji todos en la kapitala, Skopia.

Jerusalem Post

El Jerusalem Post es un djurnal yisraeli en lingua inglesa, también disponible en la Internet. Egziste endemás una edisiyon semanal internasionala en fransez.

Keren Peles

Keren Peles (en ivrit קרן פלס) es una kantadera yisraeli, kompositora i tanyedora de piano. Eya nasió en la moshava Yavne'el el 11 de Marso de 1979

Lingua djudeo-espanyola

El Djudeo-espanyol (גֿודֿיאו־איספאנײול, /d͡ʒuˈdeo espaˈɲol/, /d͡ʒuˈðeo espaˈɲol/) o ladino (לאדינו, /laˈdino/, /laˈðino/) es la lingua avlada por los sefardim, djudios ekspulsados de Espanya en 1492. Es una lingua derivada del espanyol medieval i avlada por 150.000 personas en komunitas en Israel, la Turkiya, antika Yugoslavia, Gresia, Marroko, entre otros.

Ladino o "Djidio" es una lingua djudeo-romanse, kualo leksiko es derivado prisipalmente del Viejo Kastiyano i del Ebreo. La relasyon del Ladino kon el Espanyol Kastiyano o "Espanyol Halis" es parejida kon la del Idish ke avlavan los ashkenazim kon el Aleman. Los avlantes son aktualmente kaji i solo djudios sefaradim, kualas famiyas, por enshemplo, binieron de Salonika, Sarajevo, Skopia, Rodas, Izmir i de Istanbul. Ama fina empesijos del syeklo XX, munchos goym la avlavan en Salonika, ande era la su lingua prinsipala.

El Ladino ay guadrado la prenunsiasion de los fonemas [d͡ʒ] i [ʒ] del Viejo Kastiyano, kualos se trokaron en [x] en Kastiyano moderno. La "j" en el biervo es prenunsiada komo ח (ḥet) [x] en Espanyol Kastiyano, ansina en el Nord de Afrika, en la hakitia re-kastiyanizada del siekolo XIX, enmientras ke guadrada komo "j franzesa" [ʒ] o "dj" engleza [dʒ], o inda "sh" [ʃ], en muestra lingua. El Ladino tiene ansina un fonema [x] ke mos viene del Ebreo (ḥet segido por kaf final o medial (חכ o חך). Tambien guadra la "z francesa" [z], ke en espanyol kastiyano se troko en [θ] i en el espanyol de Amerika en [s].

En dingunas redjiones ansina se dezveloparon trokamientos mui proprios de muestra lingua i ke la deferensian del Kastiyano Moderno, komo por enshemplo "muestro", "mozotros" i "eshfuenyo" por "nuestro", "nosotros" i "sueño" en Izmir i Estambol.

Su estruktura gramatikala es muncho i bien parejida a la lingua espanyola, ama kon biervos a la orijin en Ivrit, Portugez, Fransez, Turko, Grego, i del Eslavo (Serbocroata i Bulgaro), de akodro a donde moraban los favlantes i por modre de la enfluensya politika i ekonomika de las otras linguas en la vida de kadaldia.

Partaja kon otros dialektos del Kastilyano (komo Andalus i Amerikano) el yeismo, ke kere dizir ke la diferensia entre LL (ly) i Y se depedrio. Ama, a deferensia del kastiyano andalus i del rioplatense, el fonema para LL i Y es Y (i semikonsonante) i no DJ o J (sonidos ke no se depedrieron en el djidio, dunke no se pueden trokar sin trokar la sinyifikasion).

Partaja tambien kon el espanyol halis la pedrida de la deferensya entre B i V, malgrado ke akorruto se auzan las dos letras en la eskritura, ama sin valor fonetiko. Sus vokales son las del kastiyano, i ansina las del ivrit sefardit de RaDaK: a, e, i, o, u.

El ladino no konose Usted non vuesa / su merced, komo si el espanyol kastiyano: para el tratamiento de respekto, se uza vos en Marroko i el / eya en oriente.

Merkaz ARav

Merkaz ARav (en ivrit, מרכז הרב, sentro del Rav (Kook)) o Merkaz ARav Kook (מרכז הרב קוק), es una yeshiva nasional-relijioza en la maále de Givat Shaul en Yerushalayim, Medinat Yisrael, fondada enel anyo 1924 por el Sinyor haham Avraam Itzhak Kook. Kuando la jente avla del Rav Kook i sus shiurim i ovras, avla de Merkaz ARav. Es la yeshiva mas konosida i emportante del movimento nasional relijiozo en todo el mundo. Los hahamim lideres del movimento, ansina komo munchos roshei yeshiva, hahamim de sivdades i morim en lisés relijiozos, an sido elevos de esta yeshiva, la kuala es sentrala enel dezvelopamyénto del zionismo relijiozo. La yeshiva fue fondada enel anyo 1924, kuando el rav Avraam Itzhak Kook era ainda Rabino Shefe Ashkenazi de Israel i esta konsiderada komo la priméra yeshiva zionista. El Rav Kook la yamava "la yeshiva sentrala mondiala", ubikada en Yerushalayim kon el buto de ser una lampa espirituala i de Tora para Israel i el Galut. El rav Kook konvidó al Rav Avraam Borstein para ser endjuntamente rosh yeshiva kon el, ma murió dos anyos dempués. Kuando el Rav Kook murió, el nombre de la yeshiva fue trokado a "Merkaz ARav" en su onor.

Dempues de la muerte del Rav Kook, su elevo el Rav Yaakov Moshe Harlap fue el Rosh Yeshiva. Dempués de la muerte del Rav Harlap enel anyo 1952, el ijo del Rav Kook, el Rav Zvi Yehuda Kook, tomó el lugar del su padre. En 1982, dempues de la muerte del Rav Zvi Yehuda Kook, el Rav Avraham Shapira pasó a ser el rosh yeshiva asta su muerte enel anyo 2007, kuando su ijo, el Rav Yaakov Shapira shlit"a, tomó el su lugar. Oy endiya, la yeshiva tiene unos 500 elevos, unos 200 de eyos elevos del kollel de la yeshiva.

En las primeras anyadas, la yeshiva tinía pokos elevos, ma en la anyada de los '50, arrivaron munchos elevos de las eskolas relijiozas del movimento Bnei Akiva en buskhida de edukasiyon relijioza i para esos diyas la unika yeshiva zionista era Merkaz ARav; el rav Moshe Zvi Neria, elevo del Rav Kook, enkorajó a sus elevos ambezar en Merkaz ARav.

Musika Mizrahi

La Musika Mizrahi (en ivrit: מוזיקה מזרחית, Muzika Mizrahit) es el jenero Oryental de la musika yisraeli. Kombina elementos i ritmos de la musika araba, musika turkana i musika gréka trayidos a Yisrael por los mizrahim y sefardim. Suele ser kantada en ivrit, mas suele ser kombinada a vezes kon algumas frases en arabo, gréko, turko u otros idiomas de las tyerras a las que los artistas djudios trazan las sus raizes ansestrales má resyentes. El signifikado literal de la palabra Mizrahi en ivrit es "Oryental" o má bien, "del Este".

Las kansiones mizrahim tipikas tienen un instrumento de kuedra dominante, ke suele ser el violin, el oud o el bouzouki. Las kansiones mizrahim típicas suelen ser usualmente de notas altas. Los temas en los ke se bazan las kansiones mizrahim son muncho má simples ke las del pop/rock Israeli, por egzemplo.

Nasreen Qadri

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Nasreen Qadri (arabo: نسرين قادري, ivrit: נסרין קדרי); born 1987) es una kantadera araba israeliana de musika tradisionala de Oryente Medio i Musika Mizrahi. Qadri, es de relijion musulmana, i la majorita de las sus kantikas son en ivrit, anke endemas kanta kantikas tradisionalas arabas, espesialmente akeyas de Umm Kulthum.

Nuevo Mundo Israelita

Nuevo Mundo Israelita es un djurnal djudio de Karakas, Venezuela. Orijinalmente fondado enel anyo 1943 por Moisés Sananes, fue yamado Nuevo Mundo Israelita enel anyo 1973 diskués de merkarlo Moisés Garzón i Ruben Merenfeld. Es un jurnal publikado una vez por semana sin koste para la komunita djudia de Venezuela. Tiene artikolos yevados de otros jurnales djudios i tresladados al kastilyano, komo Aurora, Haaretz, Jerusalem Post, Iton Gadol i Yediot Ahronot; endemas tiene artikolos echos por jurnalistos propios i artikolos de opinion. El su direktor es Sami Rozenbaum.

Rova Mevo A'ir

Rova Mevo A'ir (en ivrit: רובע מבוא העיר) es un prodjekto para amijorar la entrada a Yerushalayim desde la Otopista 1 ke va konektar endemas a la Estasion de Otobus Sentrala de Yerushalayim, la Estasion Prinsipala de Trenos de Yerushalayim, el Treno ligero de Yerushalayim i el Ponte de las Kuedras ke se topan ala entrada de la sivdad. Endemas de esto, el prodjekto se espera ke de ayudo al dezvelopamyento de munchas kulas residensialas i komersialas, espesialmente dos kulas para engrandeser el Sentro Internasional de de Evenementos Binyanei Auma i esta planifikado mover toda la Autoridad de Radiodifusion de Yisrael a una sola fragua, amijorando i ajustando fraguas en la maale Shaarei Tzedek. Apple Inc. endjuntamente kon la munisipalidad de Yerushalayim tiene entre sus planos dezvelopar la primera biblioteka dijitala del 'olam enel bulvar komersial dezvelopado endjunto ala máale de Mishkenot Auma.

Tahounia Rubel

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Tahounia Rubel (en ivrit: טהוניה רובל; en amariko: ትሁኒ ሩቤል), algunas vezes eskrito Tahuonia o Tahunia; nasida el 20 de Fevrero de 1988) es una modelo israeliana nasida en Etiopia i personalitad de televizyon. Es konosida por ser a primera persona de orijin etiopiko en reushitar AAh aGadol (la versiyon israeliana de Big Brother), en la sinkena temporada, i en reushitar un konkorso de ermozura en Israel.

Talpiot Mizrah

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Talpiot Oryentala (en ivrit: תלפיות מזרח) o Armon Anatziv (ivrit: ארמון הנציב) es una maale de la sivdad de Yerushalayim. Esta maale se krio enel anyo 1973, kuando kresieron munchas komunitas diskues de la Gerra de los Sesh Diyas. Es una maale mayormente hiloni, anke se topan 15 esnogas en eya.

Wadi Abu Jamil

Wadi Abu Jamil, ubikada en el sentro de la sivdad de Beirut en el area de Centre Ville, era la máale djudia de la sivdad.

YNet

YNet es una pajina web de notisias de Israel. Anke la pajina es del djurnal Yediot Ahronot, el djurnal yisraelí de mayor sirkulasión i endemas inkluye artíkolos de la edisión impresa, la mayor parte del kontenido publikado en la pájina web es orijinal, eskrito por djurnalistas semi independientes. Orijinalmente lansado en dos versiyones, una en ivrit i la otra en arabo («YNet» i «ArabYNet»), esta última akabó de fonksionar en Mayo del anyo 2005. Aktualmente egziste también una edisión en inglez, («YNetNews»). Los mayores kompetidores de Ynet son Walla!, Haaretz i NRG, el kualo esta operado por el su kompetidor en la prensa eskrita, el djurnal Ma'ariv.

Yafo

Yafo (en ivrit יָפוֹ‎, Yāfō; en arabo يَافَا‎, Yāfā; en lingua latina Japho o Joppe, del grego antiko Ιόππη, Joppa) es una sivdad de Israel ke se topa al sud de Tel Aviv, kon la kuala konforma, desde 1950, una misma munisipalidad, Tel Aviv-Yafo, ariéntro del distrito de Tel Aviv.

Se topa en la utá ala beira de la mar Mediterranea i se kreye ke es uno de los portos mas antikos del 'olam. Pa su povlasion es kontada endjuntamente kon la de la sivdad de Tel Aviv i es de unos 54.000 avitantes; el 74% son djudios i el 26% arabos yisraelianos, la majorita de los kualos se topa en la máale prove de Ajami.

En otras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.