Evropa Oksidentala

Evropa Oksidentala o Evropa del Oeste es una rejión jeográfika ke se topa en la parte oksidentala de Evropa, ensima del oseano Atlantiko. El biervo, konsiderado impresiso, tiene sinyifikados kulturalos i polítikos, i endemas puede azer referensia a los payises evropeos no komunistas durante la Gerra Friya. Ansina, el biervo tiene sinyifikados jeográfikos, ekonómikos i kulturalos. Desde la fin de la Sigunda Gerra Mondiala se uza para yamar a los payises dezvelopados de Evropa Oksidentala, los kualos tienen un sistem demokrátiko, ekonomiyas mikstas (mesklando el merkato libbero kon aspektos de intervension o aksion estatal enel estado del bienestar), la aliansa kon los Estados Unidos i la partisipasion en la OTAN. Afilu la definisión polítika kale ser trokada, deke estas karakterístikas no son únikas para la Evropa Oksidentala. La partida de Evropa en dos es mas por razones istorikas ke jeografikas. Dempues de la Sigunda Gerra Mondiala, Evropa kedó partida en dos rejiones politikamente diferentes, d'aki ke Gresia es konsiderada en Evropa Oksidentala, anke está mas al oryente ke Lituania i Estonia. La mayor parte de los payises ke konforman la rejión son myémbros de la Union Evropea.

Western Europe (Robinson projection)
Evropa Oksidentala

Ver endemas

Arkia

Arkia Israel Airlines (en ebreo ארקיע, yo vó ir verso el syelo) es una aerolinea bazada en la sivdad de Tel Aviv, Israel. Opera bolos domestikos e internasionales a Evropa Oksidentala i a destinos en la kosta de la Mar Mediterranea, ansina komo bolos kontratados. La su baza prinsipala es el Ayropuerto Internasional Ben Gurion serka de la sivdad de Tel Aviv, i tiene un sentro de koneksion nasional enel Ayropuerto Sde Dov, tambien en Tel Aviv, ande konekta kon destinos nasionales komo Eilat, Kiryat Shimona, Rosh Pina i Haifa. Desde Tel Aviv Arkia bola regularmente a Larnaka, Amman, Kopenhague i Dublin. Endemas, Arkia opera bolos kontratados a Nairobi, Bangkok, Tblisi, Varna, Antalya, Dubrovnik, Barselona, Venezia, Budapest, Atenas, Rodes i Sharm el Sheikh

Djudios bereberes

Los Djudios bereberes (Udayen Mazighen en tamazight) son akeyos djudios ke avlan linguas bereberes i ke bivían en alkunas rejiones de las montanyas Atlas en Marroko. Egziste una teoria ke dize ke son bereberes konvertidos al djudaismo i otra ke dize ke son djudios asimilados por la kultura bereber. Entre las anyadas de 1950 i 1970, la majorita izieron aliya o fueron a bivir a Fransia. Avlan un lashon del Tamazight de Marroko Sentral i del Tachelhit kon enfluensia del ivrit yamado Djudeo-Bereber.

Espanya

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Espanya (איספאנײה), ofisialmente el Reyno de Espanya (en Kastilyano: Reino de España o España), es un paiz de Evropa Oksidentala, estado soverano konstituido en monarshia parlamentaria ke okupa seis sieten partes de la Peninsula Iberika, i ke djunto a otros 26 Estados soveranos evropeos konforma la Union Europea (UE). Tambien integran la tierra paiz espanyola dos arkipelagos situados en la Mar Mediterranea (las izlas Baleares), enel Oseano Atlantiko (las izlas Kanarias), ansi komo dos enklaves enel norte del kontinente afrikano (las sivdades otonomas de Seuta i Meliya) i el eksklave de Llivia en los Pirineos Fransezos.

En la Peninsola Iberika komparte frontieras terrestres kon Fransia i kon el Prinsipado de Andorra al norte, kon Portugal al oeste i kon la kolonia britanika de Jibraltar al sur. En las sus tierras en Afrika, komparte frontieras terrestres i maritimas kon Maroko. La kapital del paiz es Madrid, una sivdad kon mas de 3.150.000 abitantes.

Kon Fransia partaja la izola de los Faisanes en la desembokadura del rio Bidasoa sinko faserias pirenaikas.

Indemas, tiene otra serie de distritos i posesiones minores no kontinentales komo las izlas Chafarinas, el Penyon de Velez de la Gomera i las izlas del Penyon de Alhusemas, todos frente a la kosta de Marroko. La izla de Alboran, las izlas Kolumbretes i una serie de izlas i tambyen izlotes frente a las sus apropiadas kostas kompletan las sus tierras de paiz.

Fransia

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Fransia, konosida ofisialmente komo la Repuvlika Franseza (en fransez République Française), es un paiz evropeo, uno de los fondadores de la Union Evropea. El su nombre deriva de la tribu de los frankos ke invadio Galia. La Fransia inkluye tambien rejiones, izlas i arkipielagos en munchas partes del mundo. La su kapital es Paris. Las sus otras grandes siudades son Lyon, Marseya, Lille, Toulouse, Bordeaux, Nantes, Nice, Estrasburgo, Rennes i Grenoble.

La Fransia kontinental limita a suroeste kon Espanya (623 km) i Andorra (56,6 km), al oeste kon el Oseano Atlantiko; al norte kon el kanal de la Mancha; al noreste kon Beljika (620 km), Luksemburgo (73 km), Almania (451 km) i Suisa (573 km); al este kon Monako (4,4 km) e Italia (488 km); i al sureste kon la Mar Mediterraneo. En su tyerra de paiz de ultramar de Amerika del Sud la Guayana franseza limita kon Brasil (la su mayor frontiera kon un pais vesino: 673 km), Surinam (510 km) i las Antiyas Olandezas (bordeando San-Martin). Los fransezos se refieren komunmente ala tierra del paiz kontinental komo l'Hexagone (el Eksagono) por la su forma jeometrika.

La Republika Fransesa es una demokrasia organisada komo republika semiprezidensial. Es un paiz altamente dezvelopado i está konsiderado la setena ekonomia maz grande del mundo, por lo ke es un paez de primer mundo. Las sus ideales maz emportantes están plazmados en la Deklarasion de los Diritos del Ombre i del Sivdadano.

La Fransia es el mas turistiko paiz del mundo, in 2007 yegaron a eya mas de 80 milyones de turiztos ajenos. Es paiz adelantado ke su ekonomika es de la mas grande del mundo el septimo(seventh) el grande in mundo.

Haredi

Los haredim (en ivrit חרדים), también konosidos komo ultraortodoksos o komo Los ke le temen al Dio, son djudios ortodoksos para los kualos la observansia de la relijion es espesialmente devota. Komo no egziste una avtoridad sentrala enel Djudaismo, los haredim a lo lungo del tyempo an dezvelopado alkunas tendensias diferentes, komo el hasidismo, i kada una de eyas interpreta los preseptos relijiozos komunes a todas las variantes ortodoksas kon alkunas variasiones. En la su gran mayoria, son ashkenazim, anke endagora tambien egzisten haredim sefardim i mizrahim.

Desde los fines del syéklo XIX, los haredim objektan la "modernidad" de Oksidente, tanto en lo kualo se refiere a kostumbras komo a ideolojiya. Antonses, komo no estan fiados de los dezvelopamientos modérnos de la sosyeté, biven en máales separadas de las sosyetés no-relijiozas, afilú de otros djudios, i siempre obeisan a lossus hahamim, los kualos, asigun eyos, son los unikos ke tienen un poder lejítimo i reál. Endemas de esto, son el grupo djudio ke mas se opoza al zionismo.

Oy endiya amostran una huérte presensia i enfluensia en Israel, ande tienen las sus propias máales, i asta sivdades, komo Betar Illit, Bnei Berak, Kfar Habad, Modi'in Illit, Ramat Bet Shemesh i los sus propios partitos politikos, butikas i eskolas. Endemás, egzisten grupos de haredim en munchas komunitas de la Galut, espesialmente en Amerika del Nord i en Evropa Oksidentala. Los haredim tienen el su propio periódiko, yamado Hamodia. Es kolay ubikar a un haredi en la kaleja, déke siempre va vistido de preto, kon kamiza blanka de mangs lungas, kon chapéo i kipa pretos i kaji siempre deshan kreser peyot. Las mujeres kuando kazadas siempre se visten de fustas lungas de kolores oskuros komo preto i grizo, uzan peluka kompleta, sheitel o kisui rosh para kuvrir las sus kavesas; alkunas uzan un chapéo en shabat. Los haredim, al kontrario ke los datim leumim, nunka uzan sandalikas.

Ilustrasion

La ilustrasion era una tendensia filosofika, politika i sosyala ke tuvo su empesijo en Fransia, Reyno Unido i Almania, la kuala diskués yegó a otros payises de la Evropa Oksidentala enel syéklo XVIII, el kualo es yamado por eso el "Syéklo de las luzes".

La Ilustrasion egzistió desde el Rasyonalizmo i el Empirizmo del syéklo XVII fina la Revolusion Industriala del syéklo XVIII, la Revolusion Franseza i el Liberalizmo. La ekspresion estetika de este movimento intelektualo es yamada Neo-klasisizmo. Es un movimento kulturalo ke yegó a tener grande enfluensia en la ekonomiya, la politika i la sosyeté.

Imperio Bizantino

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Se konose komo Imperio bizantino o Imperio Bisantino al Imperio romano de Oryente. La sivdad kapitala de este Imperio kristiano era Konstantinopla (en grégo, Κωνσταντινούπολις, oy endiya Estambol) i del su nombre antiko, Bizansyo, fue kriado el nombre Imperio bizantino por los akademikos de los syéklos XVII i XVIII.

Anke era la kontinuasion de la rejion oryentala del Imperio Romano, el su dezvelopamyénto en una entidad kulturala diferente de Oksidente se puede ver komo una serie de afitos ke tuvieron el su empesijo kuando el emperador Konstantino I el Grande yevó la kapitala a la antika Bizansyo (a la kuala trokó el nombre por Mueva Roma i dempues se iva yamar Konstantinopla); mas adelántre kon la division definitiva del Imperio Romano en dos partes dempues de la muerte de Theodosios I enel anyo 395, i la fin enel anyo 476 del Imperio Romano de Oksidente; enel syéklo VII, basho el kontrolo del emperador Eraklios I, el kualo izo trokos a las huérsas armadas i eskojió el grégo komo lingua ofisiala, kon lo kualo el Imperio se iso muy diferente al viejo Imperio romano.

Algunos akadémikos, komo Theodor Mommsen, dizen ke asta Eraklios egzistió el Imperio romano de Oryente i dempués de este emperador egiztió el Imperio bizantino, el kualo egzistió asta el anyo 1453. De fákto, Eraklios se kitó el titolo imperialo de «Augustos» para ser yamado basileus (biervo grégo ke sinyifika "rey" o "emperador"), títolo ke los emperadores bisantinos uzaron asta los ultimos diyas del Imperio. Endemas trokó el uso de la lingua latina por la lingua grega enel anyo 620 i dempues del su reinado, el imperio bizantino se izo definitivamente grégo.

Durante los mil anyos ke egzistio, el Imperio defendió al kristianismo i a Evropa Oksidentala de la arrivada del Islam. El Imperio fue endemas uno de los prinsipales sentros komersiales del mundo, teniendo parás bazada enel oro ke era uzada por toda la mar Mediterraneo. Tuvo muncha enfluensia en las leyes, politika i kostumbras de gran parte de Evropa i del Medio Oryente, i shukur a el imperio se guadraron munchas ovras de literatura i sientifikas de la epoka, tanto de Oryente komo se Oksidente.

Lingua turkana

La lingua turkana, (Türkçe o Türk dili) o turko pertenese a la famiya linguistika de las linguas turkanas; ke es avlada desde el oksidente de Kina asta los Balkanes.

Es ofisial en Turkiya, ande se avla desde la epoka medieval, kuando los turkanos prosedentes de Asya Sentrala instalaronse en Anatolia, ke entonses era parte del Imperio Bizantino. Es ofisiyal tanbiyen en la Repuvlika Turkana del Norte de Kibris. En algunas zonas balkanikas se avla una varyedad konosida komo turko otomano (Osmanlı Türkçesi), kue se diferensiya bastante del turko moderno de Turkiya. En varios paizes de Evropa Oksidentala egzisten importantes komunidades de avlantes de turko, emigradas de la Turkiya en datas resyentes.

Es lingua ofisiala en la Turkiya i Kibris del Nord. En Kipre tambien es lingua ofisiala de la repuvlika, andjak no es uzada.

En otros paezes ande no es lingua ofisiala a levelo nasyonal, es lingua ofisiala a nivel rejional, komo por enshmplo:

Irak: Los distritos de Kirkuk, Mosul i Tal Afar

Kosovo: Las munisipalidades de Prizren i Mamuša

Bulgaria: Las provensiyas de Kardzhali i Razgrad

Makedonia: Las munisipalidades de Debar, Centar Župa, Kičevo, Vraneštitsa, Mavrovo i Rostuša, Radoviš, Plasnitsa, Gostivar i Resen

Es una lingua aglutinativa ke se baza en un sistema de sufiksos e infiksos anyadidos a la raiz de las palavras ke permiten ekspresar gran kantidad de sinyifikado kon pokos biervos. La su gramatika no suele tener eksepsiyones. No egziste el jendre gramatikal.

El Turkano fue eskrito kon munchos sistemas de eskritura. Se eskriviyo kon alefbet arabo adaptados desde el syéklo XIII asta la reforma ortografika emprendida en los anyos 1920 por el govierno de Mustafa Kemal Atatürk, el kualo emprendiyo varias inisiyatikas de oksidentalizasyon del payis kon la kreensia de ke esto kontriviriya a su modernizasyon. La reforma ortografika vino akompanyada de un intento de "depurasyon" nasyonalista, es desir, de trokar la gran kantidad de prestamos linguistikos en la lingua turkana otomana (sovre todo arabes i persas) por biervos de raiz turkana, objektivo vijyente oy en diya ke no ha koseshado los egzitos esperados.

Esta regulada por la Türk Dil Kurumu (Sosyeté de la Lingua Turkana, TDK)

Egzemplo de teksto: Artikolo 1 de la Deklarasyon Universala de los Diritos Umanos

Bütün insanlar hür, haysiyet ve haklar bakımından eşit doğarlar. Akıl ve vicdana sahiptirler ve birbirlerine karşı kardeşlik zihniyeti ile hareket etmelidirler.

(Todos los benadamos nasen livres e eguales en dinyidad i derechos i, dotados komo estan de razon i konsiyensiya, deven komportarse fraternalmente los unos kon los otros. )

Luksemburgo

Luksemburgo, ofisialmente el Gran Dukado de Luksemburgo (luksemburgez: Groussherzogtum Lëtzebuerg, fransez: Grand-Duché de Luxembourg, almán: Groβherzogtum Luxemburg), es un pekenyo payis de Evropa Oksidentala ke aze parte de la Union Evropea. Se trata de un Estato sin kostas, ke tiene al su deredor a Fransia, Almania i Beljika. Luksemburgo tiene una povlasión de medyo milyon de abytantez sovre un area de 2.586 kilometros katrados.

Relasiones entre Israel i Espanya

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Las relasiones entre Israel i Espanya azen referensia alas liasiones diplomatikas, kulturalas i komersialas entre los dos payises. Israel i Espanya tienen relasiones diplomatikas desde la anyada de 1986. Israel tiene ambasada en Madrid, mientres ke Espanya tiene su amnasada en Tel Aviv, un konsulato de onor en Haifa i otro en Yerushalayim; el kualo es konsiderado komo la mizyon diplomatika para la sivdad de Yerushalayim (tanto Yerushalayim Oryentala komo la parte oksidentala) , la Banda de Gaza i los territorios de la Beira Oksidentala.

Reyno Unido

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.El Reyno Unido de la Gran Bretanya i la Irlanda del Nord, má konosido komo Reyno Unido, es un payis ke se topa en la Evropa Oksidentala. La su sivdad kapitala es Londra, ama egzisten otras sivdades komo Birmingham, Newcastle, Leeds i Manchester, en la Inglaterra; Glasgow, Edimburgo i Aberdeen en la Skosia; Cardiff i Swansea en el payis de Gales i Belfast en la Irlanda del Nord. El Reyno Unido no tiene una lingua ofisiala, ma la mas avlada es el inglez. Tambien se avlan eskosez, galez, la unika lingua ofisiala enel payis (ma solo enel payis de Galez), irlandez i korniko, una lingua rekonstruyida.

Selbstemanzipation

Selbstemanzipation (en alman "Otoemansipasión") es un livriko zionista eskrito por el médiko i aktivista djudio de orijin ruso-polako Leon Pinsker enel anyo 1882. El ensayo analisa los orijines del antisemitizmo i popone luchar por un estato djudio i el dezvelopamyento de una identidad i konsiensa nasionala djudia. Pinsker orijinalmente apoyaba la asimilasion, la kuala demandaba un mayor respekto de los diritos umanos para los djudíos en Rusia. Afilú dempues de pogroms i atakoskontra los djudios en la Rusia Zarista enel anyo 1881, i una vijita a Evropa Oksidentala a empieses del anyo 1882, la su opinión trokó por kompleto. Ese mismo anyo publiko anónimamente el ensayo en almán. La mueva perspektiva de Pinsker endemas lo yevó a partisipar enel dezvelopamyento del grup djudio Hovevei Zion, del kualo el era el lider. El ensayo fue inspirado enel grup i djudíos en toda Evropa; fue el empiese del desvelopamyento del zionismo i del Estado djudio. El livriko orijinal en alman fue puvlikado el 1 de Jenero de 1882.

Suisa

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

La Konfederasion Elbetika o Suisa (en alman: Schweiz, en fransez: Suisse, en italiano: Svizzera, en romanche: Svizra) es un paiz federal ke se topa al sentro de Evropa Oksidentala, sin salida a la mar, ma kon coneksiones de portos a traverso del rio Rin. Tiene frontieras al norte kon Almania, al oeste kon Fransia, al sur kon Italia i al este kon Ostria i Liechtenstein.

El paiz a tenido una gran tradision de neutralidad politika i militar, por lo kualo es sede de munchas organisasiones internasionalas. El su nombre provene de uno de los kantones ke fondaron la federasion enel anyo 1291: Schwyz (en almán estandarisado: Schweiz). Es uno de los paizes mas rikos i dezvelopados del mundo.

Theodor Herzl

Theodor Herzl (en ivrit בנימין זאב הרצל, Binyamin Ze'ev Herzl; en ungario Herzl Tivadar), (Budapest, 2 de Mayo de 1860 - Edlach, 3 de Djulio de 1904), fue un djurnalista i eskritor ostro-ungario, fondador del zionismo polítiko moderno.

Tramvay

Un tramvay o tréno lijero es un tréno chiko, kon menos karosas (entre tres i sesh) i muncho menos pishín, el kualo esta desinyado para transportar djente en las kalejas de la sivdad, las kualas tienen una via espesiala ke esta konstruyida dentro de la misma kaleja. Se presisa ke preste servis kon menos prestor ke un tréno, deké viaja por las kalejas del mismo modo ke un otobus, las arabás i el resto del trafik de una sivdad.

En las sivdades de Evropa Oksidentala, Oryentala i la Antika Union Sovyetika, es komun ver el tramvay komo midio de transporto, i ainda estan aparesiendo má sivdades Evopeas kon tramvay. En los Estatos Unitos i Kanada no es tan konosido deké la kultura de estos paezes esta oryentada al uzo de la arabá, ulai deké el presio de la benzin es má barato. Ma afilú en alkunas sivdades de los Estatos Unitos se esta empiesando a uzar, konosiendo ya la su emportansia en kuanto al enchikesimyénto de la kontaminasion del ayre en las grandes sivdades. El tramvay fonksiona kon enerjiya elektrika i por este no produze umo komo el otobus, las motosikletas, la arabá o kualker otro midio de transporto kon motor de benzin o diesel (kombustion enterna). Anke en los sus empesijos, el tramvay se uzaba kon kabayos.

Jeneralmente el tramvay se uza komo un otobus, kon paradas espesialas en la kaleja, anke a vezes uza las mismas paradas del otobus. Endemas es komun ver ke el tramvay uze una via separada dentro de la misma kaleja, la kuala separa al tramvay del kusúr del trafik. Este aze ke el tramvay pueda viajar un poko má pishín.

Vino

El vino (del biervo latino vinum) es una bevida kitada de la uva (Vitis vinifera) por modre de la fermentasiyon del su mosto o suko. Esto se aze kon la aksion de levaduras ke trokan el asukar kontenida en la fruta en alkoól etíliko i gas en forma de dióksido de karbono. El asukar i los ázidos ke tiene la fruta de la Vitis vinifera aze ke se dezvelope la fermentasion, afilu el vino es una suma de un kondjunto de faktores: klima, latitud, altitud, oras de luz, ets. Se kreye ke un 66% de la produksiyon mondiala de la uva es uzada para produsir vinos; anke sólu 0,5% del suelo kultivable enel mondo es uzado para kultivar uvas para azer vino.

Yekke

Yekke (en alman:Jecke ) es el termo uzado jeneralmente para referirse a los djudios de Almania ke sigin el minhag de Evropa Oskidentala. Es alkunas vezes uzado de forma lijeramente ofensiva.

Oy endia, no ay munchos Yekkes biviendo en Almania, má ainda egzisten komunitas chikas en Suisa, Fransia Oryentala (Alsasia i Lorena) i en Luksemburgo. Una parte de la komunita de Frankfurt eskapó de la sivdad dempues de la Kristallnacht i se mudó a la máale de Washington Heights de la sivdad de Mueva York, ainde ainda egziste una komunita, K'hal Adass Jeshurun, la kuala sige estriktamente el minhag Yekke, kon todas las sus kansiones, rituales i manera de meldar. Endemas, un grupo establesió el Kibbutz Chofetz Chaim en Gedarim, Israel, al sud de Tel Aviv. Resyentemente, se aperturaron muevas komunitas Yekkes en Yisrael por el "Machon Moreshes Ashkenaz", i una de las komunitas má emportantes es K'hal Adas Yeshurun de Yerushalayim, la kuala esta aziendo un proyekto yamado "Nusach Project", para preservar las melodiyas i kantikas Yekkes.

Egzisten alkunas teoriyas en kuanto al orijin de la palavra. La má konosida es la kuala asigun la palavra se orijina en las diferensias kulturalas en los vistidos uzados por los má oksidentalisados djudios de la Evropa Oksidentala, los kualos trokaron los abrigos lungos por las djaketas, má kurtas ("yekke"), mientras ke los ashkenazim de Evropa Oryental uzaban má lungas, komo las bekishes. Otra teoriya es ke la palavra se deriva de "Yekkef", la kuala es la pronunsiasiyon del nombre "Jakob" o "Jack", la kuala es distinta a la pronunsiasiyon oryentala, la kuala es 'Yankef" or "Yankev".

El termo es endemas uzado de manera un poko ofensiva alkunas vezes, anke endemas kon muncho onor i orgolyo. Esta muy relasionado kon la atensiyon ledjendaria de los djudios almanes al detalyo i la ponktoalitá. Este sentido para el detalyo se ekstiende asya los minhagim. Los Oberlanderim—Djudios de partes de Ostria, la Repuvlika Cheka i Eslovakia—son a vezes konfondidos kon Yekkes déke tienen un minhag paresido.

Yeshiva

Una Yeshiva (en ivrit: ישיבה, yeshivot en plural) es un sentro de estudios de la Tora i de la Gemara jeneralmente para ombres en el djudaismo. Para las mujeres se yama ‘’’Midrashá’’’

Kada yeshivá esta dirijida por un haham, yamado "Rosh Yeshivá" (la "kavesa de la yeshivá"). En alkunas yeshivot a veses egziste más de un Rosh Yeshivá. A los maestros se les yama Rebeim (en idish) o Rabanim (en ivrit i en djudeo-espanyol). En la mayoria de las yeshivot egziste un madrih o konseshero espiritual ken adjuda a los elevos kon los sus problemas personales i un Meshiv, ken responde las demandas akademikas.

En otras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.