Arjentina

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Arjentina
     
República Argentina
Republika Arjentina
הרפובליקה ארגנטינה
Flag of Argentina Coat of arms of Argentina
Bandyera Eskudo

Situasión de Argentina

Kapitala: Buenos Ayres
Mayor sivdad: Buenos Ayres
Linguas ofisialas: Kastilyano
Forma de governo: Repuvlika Federala
Moneda: Peso Arjentino
Shefe de estado: Mauricio Macri
Shefe de governo: Mauricio Macri
Ekstension: 2 780 400 km2
·% agua: 1.1%
·Frontieras: 9.665 km
·Kostas: 4.989 km
Povlasion: 44 938 712
·Densidad: 16.3 ab/km2
PIB: USD 637,59 milyardas
Kodigo ISO: AR / ARG
Prefikso telefonika: +54
Dominasion de internet: .ar


La Arjentina (ארגנטינה), ofizialmente Republika Arjentina o Nazion Arjentina para algunos aspektos legales, es un payis del Amerika del Sur, en el Kono Sur i es el sigundo payis mas espandido de Amerika del Sud i el ochen mas espandido del planeta. Sus frontieras son al norte kon Bolivia i Paraguay; al noreste kon Brasil; al este kon Uruguay i el Oseano Atlantiko, al sud i al weste con Chile y al sud con el Oseano Antartiko. La su sivdad kapital es Buenos Ayres. En Arjentina se enkuentra la mas grande komunita djudia de Amerika Latina. En la Arjentina ay una puevlasion de entre 200.000 y 400.000 djudios, konsentrados en la sivdad de Buenos Ayres i en la provensia de Entre Rios. Tanviyen ay komunitas mas chikas en las sivdades de Rosario, Kordova y Tukuman. La komunita djudia arjentina es de alderredor del 1% de la puevlasion nasional. Arjentina es uno de los primeros payizes con la majorita komunita djudia fuera de Israel [1] [2] [3] [4].

Etimolojia

El nombre ofisial del paiz es «Repuvlika Arjentina». El biervo «Arjentina» proviene de la lingua latina argentum (plata) i es asosiado a la leyenda de la Sierra de la Plata, komún entre los primeros eksploradores evropeos de la rejión, tanto espanyoles komo portugezos. Hueron estos kienes denominaron Rio da Prata (‘Río de la Plata’) al grande estuario deskobierto por la ekspedisión portugeza de 1502 en la ke partisipava Américo Vespucio, y al ke endemas yegó Juan Díaz de Solís en 1516, yamándole la Mar Dulse.

Istoria

Los primeros moradores del aktual territorio arjentino se remontan al 12º o al 13er milenio AP, de akordo a los ayazgos de Los Toldos i Piedra Museo, en el vilayet de Santa Cruz. Entre los puevlos originarios, los kazadores i rekolektores avitaron la Patagonia, la Pampa i el Chaco; mientres ke los agrikultores instalaronse en el noroeste, kuyo, las Sierras de Córdoba i, más tadre, en la Mesopotamia arjentina. Tastil, en el noroeste, fue la sivdad prekolombina mas grande topada en el aktual territorio arjentino, kon un nifus de 2000 avitantes.

Los primeros rastros de la vida umana en el territorio ke luego seria Arjentina korresponden a puevlos de un nivel kultural paleolítiko, interkalandose aze unos 3000 anyos los primeros aportes kulturales mesolitikos i neolitikos. Azta la epoka de la konkista i kolonizasión evropea, el aktualo territorio arjentino estuvo okupado por varios puevlos orijinarios kon diferentes organizasiones sosiales, ke se pueden apartajar en tres grupos prinsipalos.

En los sieklos XIV i XV, el Imperio inka konquistó parte de las aktualos vilayetes de Jujuy, Salta, Catamarca, el ekstremo oeste del vilayet de Tucumán, parte oeste de los vilayetes de La Rioja i San Juan, el noroeste del vilayet de Mendoza y, provablemente, el norte de Santiago del Estero, unidos sus territorios al Collasuyo, ke era la parte sud del Tahuantinsuyo o rejiones de tal imperio amerikano.

Jeografia

La Arjentina topa en Amerika del Sud, en el Kono Sur i es el sigundo payis mas espandido de Amerika del Sud i el ochen mas espandido del planeta. Sus frontieras son al norte kon Bolivia i Paraguay; al noreste kon Brasil; al este kon Uruguay i el Oseano Atlantiko, al sud i al weste con Chile y al sud con el Oseano Antartiko. La su sivdad kapital es Buenos Ayres.

Klima

El klima es diverso, en alkunos lugares la temperatura es alta i kalorosa, en otros lugares la temperatura es basha kon inyeve enel inverno ostral. El klima ke kubre el rio dela Plata es umido, al nord es un klima es kálido en la rejion de sharas i en el noroeste es frio y kaluroso.

Camino a las Sierras de Córdoba 2009-11

Pampas

Casa y montaña

Sierras Pampeanas

Yaboti

Mesopotamia

Cordillera Las Leñas

Cuyo

Pilcomayo rio

Gran Chaco

Camino al Cerro de los 14 Colores - Humahuaca Cerro Hornocal

Northwest Puna

Quebrada de Cafayete, NW Argentina (7022624651)

Northwest Valleys

Yungas

Northwest Yungas

Upsala Glacier 3

Western Patagonia

Bariloche view

Northwest Patagonia

Governo i administrasion

La Repuvlika dela Arjentina es una repuvlika representativa, el su major shefe de estado es el prezidente de la repuvlika, kien representa el poder exekutivo de la nasion, ma tambien konta kon la otoridad ledjislativa.

Organizasion territoriala

La Arjentina es apartajada en 23 vilayetes i una sivdad otonoma yamada Buenos Ayres.

Vilayet Kapitala Area (km2) Povlasion
Buenos Ayres La Plata
Catamarca San Fernando del Valle de Catamarca
Chaco Resistencia
Chubut Rawson
Corrientes Corrientes
Entre Ríos Paraná
Formosa Formosa
Jujuy San Salvador de Jujuy
Kordova Kordova
La Pampa Santa Rosa
La Rioja La Rioja
Mendoza Mendoza
Misiones Posadas
Neuquén Neuquén
Río Negro Viedma
Salta Salta
San Juan San Juan
San Luis San Luis
Santa Fe Santa Fe
Santa Kruz Río Gallegos
Santiago de Estero Santiago de Estero
Tierra de Fuego Ushuaia
Tucumán San Miguel de Tucumán
Buenos Ayres

Demografia

Los primeros avitantes del paiz hueron los puevlos indijenas, munchos de eyos aínda moran en la tierra de sus antepasados komo los mapuches, los diaguitas, los guaranties y los mbya.

La sosiedad arjentina se konsidera en si misma, komo un miztura de munchas kulturas venidas de otras partes del olam, los evropeos zon una de las mayoras komunidadades afinkadas en todo el paiz, endemas ay otras migrasiones istorikas venidas de Asia i de otros paizes de Amerika Latina ke tambien se afinkaron en la Arjentina.

Kultura

Arjentina es un paiz ande los manifiestos kulturalos zon emportantes. Uno de los aportes kulturales mas konyesidos es el tango, una danza i muzika de la rejion de el Rio dela Plata kompartida kon el Uruguay, forma parte del folklore portenyo i es afamado en el mundo por el akordeon.

Espor

El espor mas djogado enla Arjentina es el futbol.

Referensias

  1. Tel Aviv University
  2. Banko Interamerikano de Desenvolvimiento (en dossia de MS Word) (en lingua kastilyana)
  3. Jewish Virtual Library (en lingua inglesa)
  4. Jewish Agency for Israel (en lingua inglesa)

Atamientos eksternos

 
Paizes de Amerika
Cartography of the Americas.svg

Antigua i Barbuda | Arjentina | Ayti | Bahamas | Barbados | Belize | Bolivia | Brasil | Chile | Djamaika | Dominika | Ekvador | El Salvador | Estados Unidos | Granada | Guatemala | Guyana | Honduras | Kanada | Kolombia | Kosta Rika | Kuba | Meksiko | Nikaragua | Panama | Paraguay | Peru | Repuvlika Dominikana | Santa Lusia | San Kitts i Nevis | San Vicente i las Granadinas | Surinam | Trinidad i Tobago | Uruguay | Venezuela

Dependensias: Anguilla | Aruba | Bermudas | Clipperton | Izlas Virjenes Amerikanas | Izlas Virjenes Britanikas | Isolas Kaiman | Izlas Malvinas | Groenlandia | Guadalupe | Karibe Neerlandez: Bonaire | Saba | St. Eustatius | Kurasao | Martinika | Montserrat | Guyana Franseza | Saint-Martin | Sint Maarten | Puerto Riko | Turks i Kaikos
Bolivia

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Bolivia (kechua: Buliwya; aymara: Wuliwya; guaraní: Volívia), ofisialmente Estado Plurinacional de Bolivia es un paiz situado en Amerika del Sud, komparte frontiera kon Arjentina, Brasil, Perú, Paraguay i Chile. La su sivdad kapitala es Sukre, mientres ke la su sede governamentala se topa en la sivdad de La Paz.

Brasil

Brasil, ofisialmente Republika Federala del Brasil es un paiz de la Amerika del Sud i es el paiz mas espandido de Amerika del Sud i el sinken mas espandido del planeta. Sus frontieras son al norte kon Venezuela, Surinam, Guyana, i la Guyana Franseza; al noreste kon Kolombia; al este kon el Oseano Atlantiko, al sud kon Uruguay, al oeste kon Peru y Bolivia, al sud-este kon Paraguay y Arjentina. La su sivdad kapitala es Brasilia, sivdad planifikada i aperturada en 1960 por el prezidente Juscelino Kubitschek i disenyada por Oscar Niemeyer. En Brasil se enkuentra la sigunda mas grande komunidad djudia de Amerika Latina. Enel Brasil ay una povlasion de alderredor de 300.000 djudios, konsentrados prinsipalmente enel estado de São Paulo mas tambien ay komunitas en las prensipales sivdades de los estados de Rio de Janeiro, Rio Grande do Sul, Minas Gerais i en Paraná i nordeste.

Buenos Ayres

La sivdad de Buenos Ayres (su nombre ofisial es "Ciudad Autónoma de Buenos Aires" en kastilyano) o yamada Kapitala Federala por ser sede del govierno federal arjentino es la kapitala de la Repuvlika Arjentina. Se topa en la rejion sentro-este del payis, ensima de la beira oksidentala del Río de la Plata, en las Pampas. Es una sivdad de unos 3 milyones de avitantes, la kuala konforma parte de un area metropolitana yamada Gran Buenos Ayres, la kuala tiene kaji 13 milyones de avitantes, la mas grande del payis. Ansina, el Gran Buenos Ayres es una de las sivdades mas grandes del mundo i es un sentro emportante de aktividad kulturala, industriala, intelektuala i akademika. La sivdad es una sivdad otonoma, la kuala es una de las 24 provinsias en las kualas el payis se ankontra dividido.

Chile

La Repuvlika de Chile (en kastilyano: República de Chile) es un paiz ke se topa al sud de Amerika del Sud. Komparte froniteras terrestres kon Peru, Bolivia i Arjentina.

Chile es independiente de Espanya desde el 12 de febrero de 1818.

Ekvador

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

La Repuvlika del Ekvador es un payis ke se topa en Amerika del Sud, komparte la su frontiera kon Kolombia, Peru i el Oseano Pasifiko. La su sivdad kapitala es Kito. Es un paiz kon grandes razines de identidad indijena, krioya i mestiza, paiz riko en istoria i kultura.

Estados Unidos de Amerika

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Los Estados Unidos de Amerika es un paiz grande ke se topa entre los oseanos Atlantiko i Pasifiko en la parte sentrala de Amerika del Norte, kolinda al norte kon Kanada. Es el terser paiz del Olam en terminos de tamanyo i konta kon mas de 301 milyones de avitantes.

Tene komo fama la reputasion de ser el primer kolonia Anklosaksona (Inglaavlante) enel Muevo Mundo i el primer de librarse de la su tierra materna, en su kavzo, Gran Bretanya. La Revolusion Amerikana que tomo lukar entre 1775-1783 rezultó con la independensia nasionala de los yamados "trese kolonias" britanikas (i el estado independente de Vermont). Djuntos formaron la primera repuvlika del mundo moderno. En 1789 la republika mueva se iva dotar de una konstitusion eskrita, la primera i la mas sharfa konstitusion eskrita ayinda vijente enel 'olam.

En el pais se topa una mezkla grande de personas de tyerras diversos komo el Reino Unido inkluyendo Inglaterra, Skosia i Gales, Irlanda del Nord i la Irlanda, Almania, Afrika, Polonia, Rusia, Kuba, Meksiko, Guatemala, Filipinas, Kina i munchos otros paizes. Tene la dosena povlasion djudia mas grande del mundo, alderedor de 6 milyones. La su primera sivdad en povlasion, Mueva York, es konosida komo un «krisol de razas.» La su sivdad kapitala es Washington, D.C..

Kolombia

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.La Republika de Kolombia (Kastilyano: República de Colombia) es un payis ubikado al norte de Amerika del Sur. Komparte frontieras terrestres kon Venezuela, Brasil, Peru, Ekvador i Panama. Tambyen komparte frontieras en el Oseano Atlantiko i en el Oseano Pasifiko kon Panama, Kosta Rika, Honduras, Nikaragua, Djamaika i Repuvlika Dominikana. Endemas konforma parte de la tierra kolombiana un arkipelago en el Oseano Atlantiko: Las Isolas de San Andres i Providensia.

Kolombia es independiente de Espanya desde el 7 de agosto de 1819.

Lingua almana

El Alman es el idioma Jermaniko ke se uza komo idioma ofisial en Almania, en Austria, en Suisa, en Luksemburgo, en Liechtenstein i una de las tres komunitas ke forman Beljika. Endemas, es tambien idioma ofisial a nivel rejional en la rejion italiana de Alto Adige i es favlado por una minorias en Fransia (Alsasia) i por otras ma chikas komunitas en Polonia, Repuvlika Sheka, Rumania (Transilvania), Eslovakia i Namibia. Es favlado por unos 105 milyones de personas komo lashon madre, i por unos 80 milyones de personas komo sigundo lashon.

Lingua djudeo-espanyola

El Djudeo-espanyol (גֿודֿיאו־איספאנײול, /d͡ʒuˈdeo espaˈɲol/, /d͡ʒuˈðeo espaˈɲol/) o ladino (לאדינו, /laˈdino/, /laˈðino/) es la lingua avlada por los sefardim, djudios ekspulsados de Espanya en 1492. Es una lingua derivada del espanyol medieval i avlada por 150.000 personas en komunitas en Israel, la Turkiya, antika Yugoslavia, Gresia, Marroko, entre otros.

Ladino o "Djidio" es una lingua djudeo-romanse, kualo leksiko es derivado prisipalmente del Viejo Kastiyano i del Ebreo. La relasyon del Ladino kon el Espanyol Kastiyano o "Espanyol Halis" es parejida kon la del Idish ke avlavan los ashkenazim kon el Aleman. Los avlantes son aktualmente kaji i solo djudios sefaradim, kualas famiyas, por enshemplo, binieron de Salonika, Sarajevo, Skopia, Rodas, Izmir i de Istanbul. Ama fina empesijos del syeklo XX, munchos goym la avlavan en Salonika, ande era la su lingua prinsipala.

El Ladino ay guadrado la prenunsiasion de los fonemas [d͡ʒ] i [ʒ] del Viejo Kastiyano, kualos se trokaron en [x] en Kastiyano moderno. La "j" en el biervo es prenunsiada komo ח (ḥet) [x] en Espanyol Kastiyano, ansina en el Nord de Afrika, en la hakitia re-kastiyanizada del siekolo XIX, enmientras ke guadrada komo "j franzesa" [ʒ] o "dj" engleza [dʒ], o inda "sh" [ʃ], en muestra lingua. El Ladino tiene ansina un fonema [x] ke mos viene del Ebreo (ḥet segido por kaf final o medial (חכ o חך). Tambien guadra la "z francesa" [z], ke en espanyol kastiyano se troko en [θ] i en el espanyol de Amerika en [s].

En dingunas redjiones ansina se dezveloparon trokamientos mui proprios de muestra lingua i ke la deferensian del Kastiyano Moderno, komo por enshemplo "muestro", "mozotros" i "eshfuenyo" por "nuestro", "nosotros" i "sueño" en Izmir i Estambol.

Su estruktura gramatikala es muncho i bien parejida a la lingua espanyola, ama kon biervos a la orijin en Ivrit, Portugez, Fransez, Turko, Grego, i del Eslavo (Serbocroata i Bulgaro), de akodro a donde moraban los favlantes i por modre de la enfluensya politika i ekonomika de las otras linguas en la vida de kadaldia.

Partaja kon otros dialektos del Kastilyano (komo Andalus i Amerikano) el yeismo, ke kere dizir ke la diferensia entre LL (ly) i Y se depedrio. Ama, a deferensia del kastiyano andalus i del rioplatense, el fonema para LL i Y es Y (i semikonsonante) i no DJ o J (sonidos ke no se depedrieron en el djidio, dunke no se pueden trokar sin trokar la sinyifikasion).

Partaja tambien kon el espanyol halis la pedrida de la deferensya entre B i V, malgrado ke akorruto se auzan las dos letras en la eskritura, ama sin valor fonetiko. Sus vokales son las del kastiyano, i ansina las del ivrit sefardit de RaDaK: a, e, i, o, u.

El ladino no konose Usted non vuesa / su merced, komo si el espanyol kastiyano: para el tratamiento de respekto, se uza vos en Marroko i el / eya en oriente.

Lingua ebrea

El ebreo/ivrit/ibrit (עִבְרִית) es una lingua semetika avlada en Israel i en otras komunitas djudias del mundo. Se nomina ebreo rabíniko al empiegado en la literatura antika i medievala. Del ebreo klásiko o bíbliko mos ambezimos prinsipalmente por los lívros del Tanah, los kualos en el mundo kristyano se yaman Viejo Testamento. Ebreo es una lingua santa a la relijion Djudaismo ande fueron eskritas las santas leyes de la Tora.

Fuera de la Tora, el más antiko teksto eskríto kon alefbet ebreo data del syeklo IX adC. A esta epoka pertenese la estela de Moab, eskrita en lashon kananeo-moavita, en la kuala Mesa, Rei de Moav, rakonta sus triumfos kontra Omri, el Rei de Israel. Guadra grande paralelismo kon el 2º livro de los Reyes, kapítulo 3.

En la estela de la kaza de David, eskrita en ivrit en mitad del syeklo VIII adC, rakonta las viktorias del Rei siryo Hazael sovre Horam, ijo de Akav, rei de Israel, i sobre Okozías ijo de Horam rei de Yehuda, de la kaza de David Ameleh. Es la mensión eskrita la maz vieja respekto a la kaza de David.

El ivrit deshó de avlarse enrededor del syeklo I a.C., anke se guadró para el su uzo en la literatura i, espesialmente, en la tefila i la meldadura en el Kal. En Yehuda se troko la lingua avlada kadaldia por el arameo. En la galut (diaspora djidia), las linguas vernakulares /de kadaldia fueron espesialmente dos: el idish entre los djidios ashkenazim (sentro i este de Evropa) i el djudeo-espanyol entre los sefardim (ansina djudezmo, djidio, hakitia, espanyolit o espanyol muestro).

El ivrit moderno/israeli, lingua ofisiala de Israel, fue arebivido shukur al lavoro intenso de Eliezer Ben Yehuda al fin del syeklo XIX para auzarse komo lingua nasyonal enel futuro Estado djudio.

Lingua kastilyana

El Kastilyano (Kasteyano, Kastiyano) es una lingua romanse. En el anyo 2000 era avlada por aproksimativamente 364 milyones de personas. Aktualmente el numero de avlantes supera los 500 milyones, aziendo del kastilyano la tresera lingua mas avlada del mundo i la segunda mas emportante.

Lingua portugeza

La lingua Portugeza, tambien yamado de Portugez, es una de las Lingua Romanse, es una lingua ke tiene su orijin enel Galego-Portugez avlado enel Reyno de Galiza i enel norte de Portugal. Kon la kriasion del Reyno de Portugal en 1139, la língua se fue a todas las partes dande era de dominasion de Portugal. En akeya epoka el portugez no era solo avlada en las tierras de dominasion portugeza ma tambien entre munchos de los governos del reyno en sus kontaktos kon los ajénos. En espesial en esta epoka fue dande la lingua izó influensa sobre varias otras linguas.

El Portugez es una de las linguas ofisialas de la Union Evropea, Merkosul, Union de Nasiones Sud Amerikanas, Organizasion de los Estados Amerikanos, Union Afrikana i de los paíyzes Luzófonos. Tiene aproksimativamente 280 milyones de avlantes, el Portugez es la 5° (sinken) lingua mas avlada enel mundo, la 3° (terzera) lingua mas avlada enel Emisfério Oksidental i la mas avlada enel Emisfério Sud de la Tierra.

Durante los deskuvrímientos portugezos, eyos yevaron su idióma a los mas leshos lugares. Brasil i Portugal son los unikos paíyzes dande la lingua es avlada komo primera. Aser ke, el idióma es tambien uzado komo lingua franka en las antikas kolonyas portugezas de Mosambiko, Angola, Kabo Védre, Ginea-Bissau, Santo Tomé i Príncipe, todas en Afrika.

Meksiko

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Meksiko o los Estados Unidos Meksikanos es un paiz de Amerika del Norte. Al norte son los Estados Unidos, al sud topa kon la Repuvlika de Guatemala i el Belize, tiene una superfisia totala de 1,964,375 km² de territorio i es partajado en 32 entidades federalas yamadas estados. La kapital es la Sivdad de Meksiko; endemas es la sivdad mas grande del paiz, enjuntamente kon la su zona metropolitana, siendo una delas aglomerasiones mas grandes del Kontinente Amerikano i del olam. Endemas el paiz es atopado entre el Oseano Pasifiko i el Oseano Atlantiko (a la beira del Golfo de Meksiko i dela Mar Karibeana); por la su posisyon jeografika, el paiz topa adentro de un area estratejika para la ekonomia. El paiz es una repuvlika federala, demokratika i representativa ande ay tres puederes de governo, el pueder ledjislativo ke apresenta la Kamara de Diputados i Senadores o Kongreso de la Union, el pueder djudisialo ke apresenta la Suprema Korte de Djustisia i el su shefe de estado ke es el prezidente del exekutivo. La Konstitusion Politika de los Estados Unidos Meksikanos, son las leyes de esta nasyon soberana, ke apresenta la demokrasia del paiz basho las ordenansas de diritos i obligasiones para el nifus nasionalo i ajeno ke mora en el paiz.

En Meksiko ay una povlasion kontada de 119 530 753 moradores (senso del anyo 2015), asegun las leyes del paiz, son meksikanos los hijos nasidos en otros paizes de sivdadanos meksikanos morantes en paizes ajenos. La mayoria delos meksikanos avlan kastilyano, es endemas, el paiz de mayor povlasion de avla kastilyana en el mundo, tambien egzisten meksikanos ke avlan 63 linguas indijenas o nativas amerikanas, komo el nahuatl, maya, mixteko, zapoteko, otomi entre otras.Es una delas nasiones kon una grande rikesa kulturala i es puededora de una erensia istorika i artistika muncho antika ke la UNESCO deklaron Erensia Kulturala dela Umanitad. Es un paiz kon muncha kultura orijinala i una fuerte infuensia iberika, por lo kualo es konsiderado enel mundo komo un paiz multikulturalo, multilingualo i multietniko, endemas de aver una grande biodiversidad en flora i favna, a kavza de klimas distintos en el territorio nasionalo.En Meksiko ay una ekonomia ekstremada, asegun los sus nivelos de vida son komparados a paizes komo Almania i Burundi adentro de un mismo territorio, las desigualdades entre meksikanos son bastante evidentes, el desvelopamiento ekonomiko del Meksiko es paresido al desvelopamiento de Tailandia, Turkia, Indonesia o Sudafrika. Meksiko konta kon rikesas naturalas i mineralas komo petroleo, lo kualo es parte emportante del manadero dela su ekonomia, ansina tambien el desvelopamiento del turizmo por un klima bueno kon galanas i ermozas plajas, una rikesa istorika, kulturala i artistika.

Paraguay

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

La Republika del Paraguay (en guaraní: Paraguái) es un paiz ke se topa en Amerika del Sud, komparte la su frontiera kon Arjentina, Bolivia i Brasil. La su sivdad kapitala es Asunsión i es una delas dos nasiones sudamerikanas ke no tienen kavida a la mar.

Peru

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.El Peru o la Repuvlika del Peru (en kechua i en aymara Piruw), es un paiz ke topa en Amerika del Sud. En la su tierra komparte frontieras terrestres kon Chile al sud, Bolivia i Brasil al este i Ekvador i Kolombia al norte. La kapital del paiz es Lima, una sivdad kon mas de 7.500.000 moradores.

Es una de las nasiones amerikanas kon emportantes afinkamientos antikos, ande kulturas aborijinalas komo la kultura Caral amostra vestijios.

Surinam

La Repuvlika de Surinam es un paiz ke se topa en Amerika del Sud, komparte la su frontiera kon Guyana, Brasil i el Oseano Atlantiko.

La su sivdad kapitala es Paramaribo.

Trinidad i Tobago

La Repuvlika de Trinidad i Tobago es un paiz ke se topa en Amerika, komparte la su frontiera kon Venezuela, Brasil i el Oseano Atlantiko.

La su sivdad kapitala es Porto Espanya.

Uruguay

La Repuvlika Orientala del Uruguay es un payis ke se topa en Amerika del Sud, komparte frontieras terrestres kon Arjentina al oksidente i Brasil al oriente. La kapital del paiz es Montevideo, una sivdad kon mas de 1.500.000 moradores.

Es una de las nasiones amerikanas kon pokos afinkamientos antikos, ande kulturas aborijinalas kaji desaparesieron del territorio uruguayo.

Vilayet

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.Un vilayet (en arabo ولاية; en lingua turka i farsi, vilayet; en lingua madjar: vilájet) es una basho-division administrativa de alkunos payises musulmanos. La pronunsiasion del biervo arabo, wilāyah, en turko, es vilayet i era uzada para yamar a las provinsias del Imperio Otomano. El biervo es tresladado komo provinsia o governasion.

En los Payises Bashos i Beljika las unidades administrativas son yamadas provinsias. En Rusia el biervo óblast se uza komo sinónimo de provinsia. En Arjentina se yama "provinsia" a todo estado federado ke konforma la repuvlika, ansina komo en Kanada, anke Québec tiene un poko mas de otonomiya por modo de sus diferentes karakteristikas etnikas (predominio de los quebecoises o "frankokanadianos del Québec"); en Chile se yama llama provinsia a una unidad administrativa, las kualas asta la anyada de los 70 eran subordinadas direktamente al goviernos entral, ma dempues de esta data munchas de eyas se reunieron en rejiones.

En Bolivia se yama "provinsia" a una unidad administrativa de treser orden ariéntro de un departamento, al kontrario de Arjentina, anke el govierno del payis es sentralista. Endemas, anke no se uze el biervo "provinsia" ni un biervo paresido en una lingua romanse, son traduizidas kon la kateggoría de "provinsia" las prinsipalas divisiones jeografiko-politikas de payises grandes, komo las vilayas o vilayatos de los payises musulmanos.

En otras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.