Коковцов Павел Константинович

Коковцов Павел Константинович (19.6.1861, Павловск шаары — 1.1.1942, Ленинград) — чыгыш таануучу, семитолог, эпиграфист, ординар профессор (1902). Петербург ИАнын ординар академиги (1902), академиги (1912). Орус гебраистика, ассириология мектебин негиздөөчүлөрдүн бири. Санкт-Петербург гимназиясын (1880), Санкт-Петербург университетинин чыгыш тилдери факультетин (1884) бүткөн. университетте араб-фарстүрк-татар тилдери боюнча лекция угуп, санскрит менен иштеген. 1893-ж. еврей тили боюнча окумуштуу магистр даражасын алат. Коковцов семит тилдеринин дээрлик бардыгын жана алардын жазууларын билгенетикалык Эмгектери семит тилдерине жана жазуу эстеликтерине, семит жана эллиндик Чыгыштын элдеринин эпиграфикасына, археографиясына, тарыхына арналган. Сирология жаатында Ысык-Көлдүн түштүк жээгинен табылган сиро-түрк жазууларын биринчи жарыялаган. Чүй өрөөнүндөгү Пишпек менен Токмоктун жанынан табылган несториан-христиандардын эстелик таштарындагы жазууларды окуп, «К сиро-турецкой эпиграфике Семиречья» деген макала жарыялаган. Семитолог-энциклопедист катары ал орус чыгыш таануу илиминде өчпөс из калтырган. Ленинградда блокада учурунда каза болгон. Эмгектери: Христианско-сирийские надгробные надписи из Алмалыка // ЗВОРАО, Т. XVI, 1905; Несколько новых надгробных камней с христианско-сирийскими надписами из Средней Азии // Изв. Имп. Акад. наук, 1907, №12; К сиро-турецкой эпиграфике Семиречья // Изв. Имп. Акад. наук, 1909.

Колдонулган адабияттар

Башка тилдерде

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.