Loor

An Loor yw an loor unnik ow kul resegva a-dro an Nor. Arwodh steroniethek an Loor yw krommenn (Unicode: ☾). Pellder kresek ynter an Loor ha'n Nor yw 384,403 km.

Ynter 1969 ha 1972, towlenn Apollo a dhannvonas dewdhek den rag tira war an Loor; an kynsa tus o Neil Armstrong and Buzz Aldrin.

Mare Imbrium-AS17-M-2444
An Mare Imbrium ha poll Copernicus.

Myns enep an Loor yw 37 930 000 km2, po 7.4% a enep an bys ma.

Yma hanow Latin war an Loor, luna, ow ri hanow Kernewek rag dy' Lun. Y'n gonisogeth romanek, dywes an loor yw Luna po Diana.

Loor
Arwodh steroniethek an Loor
An Loor gwelys gans aspier war an Nor
An Loor gwelys a-dhiwar an Nor.
2 Genver

2a mis Genver yw an nessa dydh y'n kalander gregorek. Yma 363 dedh gesys y'n vledhen (364 yn bledhenyow lamm).

Cabmas an Carrek Loos

Cabmas an Carrek Loos yw cabmas war arvor an Mor Bretadnek yn Kernow. Yma ev owth ystydna yn shap hanter-loor dhort tu est gorenys Pedn an Wlas dhe Lesard, hag ev re beu usys avel porth naturek a-dhia termynyow coth. Yma Carrek Loos y'n Coos orth cres an cabmas. An brassa cabmas yn Kernow yw ev.

Neil Armstrong

Neil Armstrong (5 mis Est 1930 — 25 mis Est 2012) o stervarner Amerikanek omdennys. Yn 1969 ev a dheuth ha bos an kensa den war an Loor.

Northfrisek

Yeth minorita usi kowsys yn Almayn yw Northfrisek (Frasch/Fresk/Freesk/Friisk). Kowsys yw gans 30,000 person yn Frisi Kledh. Keskelmys yw an yeth dhe'n dhew yeth Frisek aral, Saterfrisek usi kowsys yn Is-Saksoni ha Westfrisek usi kowsys y'n Iseldiryow.

An yeth Sowsnek yw keskelmys dhe Frisek keffrys. Klassys yw an dhew yeth yn bagas Anglo-Frisek kemmyn hag Anglo-Frisek yw gorrys yn bagas gans an yethow Jermanek Mor Kledh gans Is-Almaynek.

Planet korr

Na wra kemmyska gans Planet le.

Planet korr, definys gans Unyans Steroniethek Keswlasek, yw korf nevek ow resa a-dro an howl neb yw gronnedhek lowr dhos ha bos pelyek awos gravedh y honan mes na re klerhas y ranndir a planetesimalys, ha nyns yw loor. Yma edhomm dhodho gronnedh lowr dhe fedha y nerth gwaskek ha drehedhes komposter hydrostatyk.

An hanow "planet korr" a veu adoptys yn 2006 yn unn glassans korfow ow resea a-dro an howl yn teyr rann. Yth esa moghheans yn diskudhansow taklennow treus-Nevyon neb a gesstrivyas erbynn Plouton yn braster, hag yn gortiwedh an diskudhans Eris, taklenn gans moy a ronnedh es Pluton. An klassans a lever bos korfow gronnedhek lowr dhe glerhe ranndir aga resekva gelwys "planetys", hag an re nag yw gronnedhek lowr dhe dhos ha bos pelyek awos gravedh y honan bos gelwys "korfow byghan system howlek". Yntredha, yma planetys korr. An styryans adoptys yn sodhogel gans an USK re veu lawa hag arvreusys, ha disputys gans godhonydhyon kepar hag Alan Stern.An USK a aswonn pymp planetys korr y'n termyn ma: Ceres, Pluton, Haumea, Makemake ha Eris. Dew hepken, Ceres ha Pluton re veu mires yn ta lowr dhe brevi aga bos pelyek lowr ha kewera an styryans. Steronydhyon a grys Eris yw pelyek lowr drefenn y vos brassa y ronnedh es Pluton. Diwettha, an USK a erviras res yw taklennow treus-Nevyon heb hanow gans myns pur golowa es +1 (ha dredho braster kalkys gans awrgym moy ages 838 km) bos henwys yn-dann desev planetys korr yns.

Gogrysys yw moy ages dew ugens taklennow aswonnys erell yn system howlek yw planetys korr, ha bys dew kans planetys korr yn ranndir gelwys grogys Kuiper. Ny wrug klassans korfow haval orth planetys korr yn systemow planettys erell bos prederys.

Poldark

Kevres a romansow istorek Sowsnek gans Winston Graham a veu dyllys a 1945 dhe 1953 ha dhana a 1973 dhe 2002 yw Poldark. An gevres a gomprehend 12 romans: an kensa seyth yw gorrys y'n 18ves kansvledhen, ow korfenna dhe Nadelik 1799; an pymp erel a hwer a-varr y'n 19ves kansvledhen hag y holons bewnansow diyskyonnoryon penn-nasow an romansow derowel. Y skrifas Graham an kensa pajer lyver Poldark dres an 1940ow ha'n 1950ow. Wosa powes hir y tewisis daskemeres an gevres ha dyllo The Black Moon yn 1973.

Ross Poldark, an penn-nas, yw sodhek an Lu Bretennek a dhehwel dh'y dre yn Kernow a Vresel Anserghogeth Amerika dhe drovya y krysas y vowes ambosys Elizabeth Chynoweth y vos marow ha parys dhe dhemedhya y genderow Francis Poldark. Ross a assay dasserghi fortunnyow y honan dre dhasygeri onan a valyow kober forsakyes y deylu. Wosa lies bledhen y temedh ev Demelza Carne, gonisoges voghosek, hag yn lent yth yw gwrys bos unverhes gans kolles kerensa Elizabeth.

An BBC re wrug dew aswiwans: onan a dharlesas yn 1975 ha 1977, hag onan a dhallathas yn 2015.

Yn tavosow erel

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.