Eksodus

Eksodus yw an nessa lyver Testament Koth y'n Bibel.

Raglavar

An hanow 'Eksodus' diworth treylyans Grew Septuagint a styr 'mos yn-mes'. Yth yw hwedhel dasprenans ha delivrans an pobel Ysrael diworth kethneth yn Ejyp.

Awtour

Haval orth Jenesis, hengov an Yedhewon a lever bos Moyses an awtour lyver Eksodus.

Hwedhel

An lyver a dhalleth gans an bobel Ysrael yn kethneth yn Ejyp. Moyses yw gelwys dhe hembronk an bobel na. Duw a wra dri breus war Ejyp awos Faro a nagha gasa pobel Ysrael gasa Ejyp. Deg pla o gorrys war Ejyp hag an bobel [[Ysrael] a wra treusa an Mor Rudh ha gasa Ejyp. Rag termyn hir, Ysrael a wandra y'n difeythtir. Duw a ros an deg arghadow ha rannow arall system lagha dh'y bobel orth Menydh Sinay.

Bibel

An Bibel yw kuntell lyvrow ha lytherow sans rag Yedhewon ha Kristonyon.

Yma diw rann: An Testament Koth ha'n Testament Nowydh.

An Yedhewon a dhegemmer an Testament Koth (henwys ynwedh an Bibel Ebrow, po an Tanagh) avel skryptour sans. An Gristonyon a wra degemmeres an dhiw rann avel skryptours, mes an Eglos Katholik Romanek a wra keworra 6 lyvrow dhe'n kynsa chenon (66 lyvrow)

Graham Sandercock

Graham Sandercock yw dyskador, kenedhloger Kernewek, ha skrifer y'n taves Kernewek. Ev yw penn asrann doronieth yn Skol Nessa Devonport rag Mebyon.

Sandercock yw person a boes yn Dasserghyans Kernewek y'n eur ma. Ev yw awtour a skrifennow pals y'n taves Kernewek, y'ga mysk lyvrow gramasek (r.e. Holyewgh an Lergh 1999 ha Kernewek Mar Plek 1998, warbarth gans Crysten Fudge), treylyans a dhew lyver an Bibel (Eksodus 2000, An Lyther dhe'n Ebrowyon 1999) , hwedhlow berr (r.e. "An Wedhwes" 1994), ha dyllansow a dekstow hengovek (Passio Christi, Resurrexio Domini, ha "Silvester ha'n Dhragon" dhiworth Vywnans Meryasek: y'n skrifennow ma, Sandercock a dreylys yn Kernewek Kemmyn an vershyons gwrys yn Kernewek Unys gans Mordon).

Ev a bennskrif An Gannas, ha kyns kaderyor Kesva an Taves Kernewek ha Kowethas an Yeth Kernewek yw ev hwath pella. Sandercock re wrug niver a ganow yn Kernewek, hag a dhyllas diw blasenn arghansek (sidi), Poll Pri hag Yn Gwynn ha Du.

Yth esa Sandercock owth ombrofya esedh Senedh Kernow Soth-Est yn dewisyans 2005 rag Mebyon Kernow. Sandercock a waynyas 1.4 % a'n raglevow ow kelli an esedh dhe Golin Breed.

Lien Kernowek

Yma dew vagas a oberow lien Kernowek, herwydh an prys. An kynsa yw an lien hengovek, ha'n nessa yw lien an Dasserhyans. Manahow gatholik ha pronteryon erell a skrifas oberow chyf a'n lien hengovek. An lien arnowyth yw askorras kenedhlogoryon hag erell neb a erviras gul devnydh a'n 'eth. Y'n termyn ma, brassa yw korf an lien arnowyth ages an korf hengovek, hag yma'n lien dasserghys ow tevi.

Gwelewgh ynwedh an rol a skriforyon yn Kernowek yn reyth an lytherennek, ha Studhyansow Kernowek rag rol a levrow gramasek, gerlevrow, h.e.

Yn tavosow erel

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.