Doesedh

Dosedh poblans yw an niver a dus yn enep a vyns sertan. Rag ensampel, yma 10,364,388 a dus ow triga yn Pow Belg, unn wlas a 30,528 km². Ytho, dosedh Pow Belg yw 339 triger rag pub kilometer pedrek.

World population density 1994
Mappa a dhosedh poblans an bes, 1994.
Almayn

Almayn (Almaynek: Deutschland) yw repoblek kesunys yn Howlsedhes Europa. Yma dhodho amal gans Denmark y'n kledh, gans Pow Chek ha Poloni y'n howldrevel, an Swistir hag Awstri y'n deghow, ha Pow Frynk, Luksembourg, Pow Belg ha'n Iseldiryow y'n howlsedhes. Berlin yw an bennsita.

Aswonnys avel tavosow ranndiryel yw Danek, Sorbek, Romek ha Frisek. An Unyans Europek re aswonnis Is-Almaynek (Plattdeutsch) ynwedh.

Armeni

Armeni (yn Armynek, Հայաստան Hayastan, Հայք Hayq) yw gwlas yn Europa.

Ejyp

Ejyp yw stat yn Kledhbarth Afrika, ynter Ysrael ha Konna Gasa y'n Est, Lybi y'n West, ha Soudan y'n Soth.

Estoni

Repoblek Estoni yw stat yn kledhbarth Europa, ryb an Mor Baltek.

Iseldiryow

Iseldiryow (yn Iseldiryek, Nederland) yw rywvaneth werinel yn howlsedhes Europa, ynter Almayn, Pow Belg ha'n Mor Kledh. Iseldiryek ha Frisek yw an yethow soedhogel, mes Is-Almaynek ha Limbourgek yw yethow ranndiryel ynwedh.

Itali

An Repoblek Itali (yn Italek, Repubblica Italiana) yw stat yn deghow Europa.

Kembra

Kembra (Kembrek: Cymru) yw unn a'n powyow Keltek. Rann yw a'n Rywvaneth Unys. Pow Sows yw y gentrevek unnik, mes yn ogas yma Wordhen, Kernow, Alban, hag Ynys Manow (powyow keltek erell) a-dreus Mor Wordhon, an Mor Keltek, po Mor Havren.

Kembra yw konna-tir menydhek yn Howlsedhes Breten Veur. Glow hag owr o poesek yn erbysieth Pow Kembra seulajydh, mes yma an balyow ow nagha a-dhia an blydhynyow 1970.

Hanow usys treweythyow rag an pow yw Prynseth Kembra (Tywysogaeth Cymru yn Kembrek, Principality of Wales yn Sowsnek), mes nyns eus gans Pryns Kembra gweythres marnas arwoedhek yn governans an pow.

Yma omrewl finwedhys dhe'n pow a-dhia 1999, pan omguntellas Kuntelles Kenedhlek Kembra yn Kardydh wostalleth.

Abertawe ha Kasnowydh yw an trevow chyf wosa an benncita. Trevek ha diwysyansek yw glynnow Deghow Kembra, mes nyns eus poblans meur yn menydhyow Kres ha Gogledh Kembra.

An Normanyon a dryghas Kembra dre nebes tonnow, ha'n diwettha yn 1282. Rebellyans Owain Glyndŵr a-dhia 1400 bys 1409 a dhaswrug prynseth anserghek dres termyn. Yn 1536, Kembra a dheuth ha bos rann a Ruwvaneth Pow Sows.

Loundres

Loundres (Sowsnek: London) yw penncita Pow Sows ha'n Ruwvaneth Unys. Yma moy es 7 milvil a dus ow triga yn Loundres Brassa. Fondys yn termyn an Emperoureth Romanek avel Londinium, y teuth an sita ha bos kres an Emperoureth Predennek ha chyf jynn a arghans, gwlasegeth, an artys ha gin yn Breten Veur. Yma Sita Westminster ha Sita Loundres ow kul rann a Loundres arnowydh.

Pennsylvani

Pennsylvani (yn Sowsnek, Pennsylvania) yw stat yn Statys Unys Amerika. Trevesigeth an Grenoryon Sowsnek ha Kembrek o hi a-ji dhe'n Emperoureth Bredennek.

Henedh trevesigoryon almaynek a-dro dhe Evrek a gows hwath Pennsylvaynek, taves germanek unnik dhe Amerika Gledh.

Portyngal

Portyngal yw repoblek yn howlsedhes Europa, war gonna-tir Iberi.

Pow Finn

Pow Finn yw stat yn Kledhbarth Europa, ryb an Mor Baltek ynter Skandinavi ha Russi. Dres niver a gansblydhynyow, Pow Finn o rann a'n Rywvaneth Swedek; mes wosa an breseli Napoleonek y teuth ev ha bos Dugeth a Russi. Repoblek anserghek yw ev a-dhia dermyn an Domhwelans Russek.

Pow Frynk

Pow Frynk yw repoblek yn howlsedhes Europa. Yma rannow a Bow Frynk yn Mor Karib, yn Amerika Dheghow, hag yn ynys afrikanek y'n Keynvor Eyndek ynwedh. Stat esel a'n Unyans Europek ha'n Kenedhlow Unys yw hi. Frynkek yw an yeth soedhogel unnik. François Hollande yw Lywydh an Repoblek. An mona kemmyn yw an euro. Yn 2014, yth esa poblans a 63,929,000 a drigoryon y'n gwlas (66,616,416 ow komprehendya an ranndiryow tramor).

Breten Vyghan yw pow keltek war an konna-tir arvorek dhe'n howlsedhes a Bow Frynk.

Kentrevogyon an wlas yw Pow Belg, Luksembourg, Almayn, Swistir, hag Itali y'n howldrevel; ha Monako, Spayn hag Andorra y'n soth. Yma Pow Sows (ha Kernow) a-dreus an Chanel.

Pow Sows

Pow Sows (Sowsnek: England) yw unn a vroyow an Ruwvaneth Unys, war enys Breten Veur. Yma hanow an pow ow talleth gans an sowson, tus ermanek a dheuth y'n pow ma wosa eskerdh an Romanyon yn 410. Yma ganso nebes 50 milvil a drigoryon. An pennsita ha sita brassa yw Loundres. Dowr Humbyr a dreus an pow hag a dhiberth an North a'n Soth. Dowr Havren ha Dowr Tavoes yw diw avon vras arall.

Yma 38 konteth hengovek yn Pow Sows. An or howlsedhes Pow Sows yw avon Tamar.

Pow Sows o gwlaskor unnik a-dhia dermyn Athelstan bys yn 1707, pan unyas ev dhe Alban.

Russi

Russi yw gwlas pur veur – an brassa y'n bys ma – yn Howldrevel Europa ha Gogledh Asi. A-dhia 1922 bys 1991, Russi o an kreffa repoblek y'n UBSS. Russi arnowydh yw kesunyans a rannvroyow, repoblegow omrewlys, h.e.

An gwlasow a-dro dhe Russi yw: Norgagh, Pow Finn; Estoni, Letoni, Lithywani, Poloni, Belarous, Ukrayn; Georgi, Aserbayjan; Kasaghstan, Mongoli, ha China (RWC). Yma amal russek a-dreus an mor a Nihon ha'n Statys Unys. Rannvro Kaliningrad usi pell a remenant Russi ryb an Mor Baltek yntra Lithywani ha Poloni.

Vladimir Poutin a sywyas Dmitrij Medvedev avel lywydh Russi yn 2012. Medvedev a veu pennmenyster.

Spayn

Spayn (Spaynek ha Galijek: Reino de España; Katalanek: Regne d'Espanya; Baskek: Espainiako Erresuma; Asturyek: Reinu d'España; Aragonek: Reino d'Espanya) yw rywvaneth werinel yn Howlsedhes Europa, yntra Pow Frynk ha Portyngal war gonna-tir Iberi. Andorra ha Jybraltar yw hy hentrevigyon ynwedh. Yma sitys Ceuta ha Melilla, war vorrep Marokk, ow perghenn dhe Spayn, ha'n ynysek Canarias yn kres Keynvor Iwerydh.

Statys Unys

Statys Unys Amerika (Sowsnek: United States of America) yw stat yn Amerika Gledh, yntra Kanada ha Meksiko. I yw repoblek ow kesunya hanterkans stat gans omrewl. Dydh soedhogel a fondyans an SUA yw an 4a a vis Gortheren, 1776. A-dhia gres an 20ves kansblydhen, an Statys Unys a's teves kevoeth leun dres materow erbysieth, gwlasegeth, nell lu, skians, teknegolieth ha gonisogeth y'n bys ma.

Yma 94,882,000 a vughes y'n Statys Unys, herwydh Asrann Agrikoleth an SU.Yma 50 stat (pow) y'n Statys Unys, unn ranndir a-barth an bennsita, ha niver a bowyow enesek tramor.

Swedherwyk

Swedherwyk yw ruwvaneth yn kledhbarth Europa yntra Norgagh ha Pow Finn war an konna-tir skandinavek. Yma Denmark a-dreus an Skaggerak.

Turki

Turki yw repoblek yn Asi west hag Europa soth-est. A-dro dhedhi yma Syri, Irak, Iran, Aserbayjan, Armeni, Pow Grousi, Bulgari ha Pow Grek. Kyproes usi ogas a-dreus rann a'n mor.

Vyrjynia West

Vyrjynia West (Sowsnek: West Virginia) yw stat yn Statys Unys Amerika. Vyrjynia West a dorras dhe-ves dhyworth Vyrjynia dres an Vresel Cyvyl Amerycanek hag a vue degemmerys y'n Unyans avel stat dyblans an 20ves a vys Metheven 1863.

Yn tavosow erel

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.