Лондон

Ло́ндон (ингил. London [ˈlʌndən], лат. Londinium) — Уллу Британия бла Шимал Ирландияны Бирлешген Королевствосуну эмда Ингилизни ара шахарыды, Британ айрымканлада эм уллу шахарды. Мегаполисни майданы 1706,8 км² чакълы бирди. Халкъы — 8 млн адам. Халкъыны саны бла шахар дунияда 21-чи орунну алады, Европада — 2-чи (Москвадан сора), Европа Бирликде бла Уллу Британияда уа — 1-чи.

Лондон нуль меридианда орналыбды, аннга дагъыда гринвич меридиан дейдиле (ётген районуну аты бла).

Эки ара району: Сити (шахарны ишчи аралыгъы) эмда Вестминстерди (административ аралыгъы).

Лондон
ингил. London
Герби
Байрагъы
Орналгъаны
Координатлары: 51°30′28″ N 0°07′47″ W / 51.507778° N 0.129722° W   
Сагъат бёлгеси: UTC0, UTC+1 джай
Къралы: Уллу Британия Уллу Британия
Административ бёлюннгени: 33 округ
Алгъыннгы атлары: Лондиниум, Люнденбург
Биринчи сагъынылгъаны: 43 джыл
Региону: Уллу Лондон
Картада кёрюнюмю:
##Лондон (Уллу Британия)
Red pog.png
Статистика билгиле
Майданы: 1706,8 км²
Халкъыны саны: 7 556 900 (2007)
Басыннганы: 4 761 адам/км²
Агломерациясы: 12 300 000 — 13 945 000
Миллет къурамы: ингилизлиле (58%), ирландлыла (2,5%)
Дин къурамы: христианла (58,2%), атеистле (15,8%),
муслиманла (8,5%)
Административ билгиле
Башчысы: Борис Джонсон
Официал сайты: www.london.gov.uk/
Телефон коду: +44 20
ISO: GB-LND

Суратла

Oxford.street.london.arp

Оксфорд-стрит

Millennium.bridge.crossingit.london.arp

Миллиениум-бридж

London Eye and Horse Guards from St. James's Park

Лондонну чархы

Big.ben.closeup2.london.arp

Биг-Бенни сагъатлары

Victoria.memorial.london.arp

Виктория королеваны эсгертмеси

Winston Churchill statue in London

Уинстон Черчиллге эсгертме

London.bankofengland.arp

Ингилизни Банкы

Monument.great.fire.of.london.fullview.arp

Уллу Ёртеннге (1666) эсгертме

Trafalgar Square

Трафальгар майдан

Vicandal-sm

Виктория бла Альбертни музейи

Kew gardens greenhouse

Короллукъ Ботаника Терек Бачханы оранжереясы

Green.park.tube.london.arp

Лондонну метрополитени

English-telephone-box

Къызыл телефон будкала

Towerbridge2

Тауэр кёпюр

Houses.of.parliament.overall.arp

Парламентни мекямыны кёрюмю

London from above MLD 051002 001

Лондонну панорамасы

Джибериуле

Wikimedia Commons  Викигёзенде (Wikimedia Commons) бу категориягъа келишген медиа-файлла табарыкъсыз: Лондон.
Flag of England.svg  Бу, Ингилизни юсюнден тамамланмагъан статьяды. Сиз болушургъа боллукъсуз проектге, тюзетиб эм информация къошуб бу статьягъа.
Амстердам

Амстерда́м (нидерл. Amsterdam) — Нидерландланы ара шахары эмда эм уллу шахарыды. Шимал Голландия провинцияда, къралны кюнбатышында, Амстел суу бла Эй сууну аякъларында орналгъанды. Амстердам, Шимал тенгизге канал бла байланыбды.

2010 джылны октябрына Амстердам муниципалитетде джашагъан адамланы саны 767 849 болгъанды. Тийреси бла бирге (шахар округ) шахарда — 2,2 млн адам джашайды. Амстердам, Европада 6-чы болгъан Рандстад агломерациягъа киреди.

Шахарны аты эки сёзден къуралгъанды: Амстел бла дам. Амстел, къатында саркъгъан сууну атыды, дам а уа «дамба» сёздю. XII ёмюрде бу, гитче чабакъчы элчик болгъанды, алай а Нидерландланы Алтын ёмюрлерини заманында, Амстердам дунияны эм магъаналы портларыны бири эмда уллу сатыу-алыу аралыкъ болгъанды.

Шахар, тюрлю-тюрлю культураланы джыйылгъан джериди — 2009 джылны апрелине шахарда 177 миллетни келечиси джашагъанды.

Амстердам, аны тышында Нидерландланы финанс эмда культура аралыгъыды. Былайда эм мазаллы 500 дуния компаниядан 7-ни офиси барды, сёз ючюн, Филипс бла ING. Аны тышында шахарны арасында дунияда эм эски фонд биржа барды.

Кёб тюрлю белгили джер, сёз ючюн, Рейксмюзеум, Винсент Ван Гогну Музеи, Амстелде Эрмитаж, къызыл фонарланы орамы джыл сайын шахаргъа 4 миллиондан аслам туристни келиуюне себеб болады.

Бейкер-стрит

51.523333, -0.158333

Бейкер-стрит (Baker Street) — оживленная улица в Лондонну Мэрилебон районунда къалабалыкъ орамды (Вестминстерни шимал кесеги), узунлугъу эки бла джарым километрди. А41 шоссени кесегиди.

Артур Конан Дойлну чыгъармаларында персонаж - энчи детектив Шерлок Холмсну аты бла белгили болгъанды. Авторну муратына кёре белгили детектив Бейкер-стритде, 221Б юйде джашагъанды, кертиликде аллай юй болмагъанды.

Орамны аты, орамны къургъан, къурулушчу Уильям Бейкерге багъышланыб аталгъанды. Аллында акъсюек къауум джашагъан джер болгъанды, алай бусагъартда Бейкер-стритде асламысы бла бизнес бла байламлы мекямла бардыла.

Почта коду — NW1/W1.

Биринчи Балкан къазауат

Биринчи Балкан къазауат (Болгарияда «Балка́нская война́» ат бла белгилиди) — Балкан бирликни (Болгария, Греция, Сербия, Черногория) Осман империягъа къаршчы, 1912 джылны 25 сентябрындан (8 октябрь) 1913 джылны 17 (30) майына дери баргъан къазауатыды. Къазауатны чуруму: Сербияны, Болгарияны, Черногорияны эмда Грецияны территорияларын кенгертирге излгенлери болгъанды. Къазауат, Лондон мамырлыкъ кесамат бла тамамланнганды.

Къазауатны биринчи кёзюую (1912, октябрь — декабрь) Балкан бирликни аскерлерини масштаблы алгъа джюрюшлери бла белгиленнгенди. Болджаллы мамырлыкъны заманында аскер операцияланы Тюрк, Сербия эмда Болгария тохтатхандыла, Греция бла Черногория уа къазауатны бардырыб тургъандыла. Къазауатны экинчи кёзюую (1913, февраль — май) позицион сермешиуле бла (Адрианополну (Одринни) штурмун санамай) айырмалы болгъанды. Биринчи Балкан къазауат бошалгъанындан сора Балкан бирликге кирген къралла Лондон мамырлыкъ кесаматха разы болмагъандыла эмда къысха заманны ичинде Экинчи Балкан къазауат башланнганды.

Биринчи дуния къазауат

Биринчи дуния къазауат (28 июль 1914 — 11 ноябрь 1918) — адам улуну тарихинде эм уллу къазауатланы бириди.

Тарихде бу ат 1939 джыл, Экинчи дуния къазауат башланнгандан сора, аталгъанды. Къазауатла арасы кёзюуде «Уллу Къазауат» (ингил. The Great War, фран. La Grande guerre) дегендиле, Россия империяда аннга бир-бирде «Экинчи Ата Джурт (къазауат)»; кечирек СССР-де — «империалист къазауат» дегендиле.

Ачыкъ чурумгъа Сараевода мурдарлыкъ саналады, 1914 джылны 28 июнунда австриячы эрцгерцог Франц Фердинандны 19 джылдагъы серб гимназист Гаврила Принцип бла ёлтюрюую (бютеу къыбыла славян миллетлени бир къралгъа джыяргъа излеген террорист «Млада Босна» атлы организациячы болгъанды).

Къазауатны эсебинде тёрт империя: Россия империя, Герман империя, Австрия-Маджар империя и Осман империя чачылгъандыла. Бютёу къошулгъан къраллада 10 млн адамгъа чакълы бир ёлю, 22 млн джаралы болгъанды.

Бирлешген Миллетлени Организациясы

Бирлешген Миллетлени Организациясы (къысхасыча — БМО) 1945 джылны 24 октябрында къуралгъан дунияны мамырлыгъын, къоркъуусузлугъун сакълар ючюн эмда халкъла арасында экономика, джамагъат эмда маданият ишбирликни бегитир ючюн къуралгъан халкъла арасы организацияды. БМО кесин «адиллик эм къоркъуусузлукъну, экономика айныуну эм социал тенгликни халкъла арасында бютеу къраллада сакълауну нюзюр салгъан бир глобал къуралышды» деб танытады.

Организацияны къуралгъан джылда 51 члени, бюгюнде, Черногорияны къошулуу бла, 192 членнге дери ёсгенди. Организацияны оноуу, Нью-Йоркда орналгъан аралыгъындан этиледи эмда къошулгъан къралла бла хар джыл бардырылгъан олтуруулада мында ётедиле.

Организация талай органнга юлешинеди: Генерал Ассамблея, Къоркъуусузлукъну Кенгеши, Секретарият эмда Генерал Секретарь. Бирлешген Миллетлени Организациясыны къураргъа мадар Экинчи дуния къазауат битгенден сора келгенди.

БМО-ну аллында тамалын салгъан Биринчи дуния къазауатдан сора къуралгъан Миллетлени Лигасыды, алай а БМО-ча болмай ол салгъан нюзюрлерин тындыралмагъанды, Экинчи дуния къазауатны башланыууна тыйгъыч болалмагъанды.

«Бирлешген Миллетле» атны АБШ-ны президенти Франклин Делано Рузвельт теджегенди. Эмда биринчи кере Бирлешген Миллетлени Декларациясында 1942 джыл хайырланнганды, бу декларациягъа кёре 26 къралны келечиси кеслерини правительстволарыны атындан Фашист къралланы блогуна къаршчы кюреш бардырыргъа борчланнгандыла.

БМО-ну Уставыны ахыр тексти Сан-Францискода бардырылгъан конференицияда 1945 джылны 26 июнунда къабыл этилгенди. Ол уставха 50 къралны келечиси къол салгъанды, кючге 1945 джылны 24 октябрында, Польшаны да къошулуу бла киргенди. Бу кюн Бирлешген Миллетлени Кюню кибик байрамланады.

Британ империя

Британ империя (ингил. British Empire) — тарихде эм уллу, бютеу континентледе колониялары болгъан къралды. Империяны территориясы эм уллу ёлчеми ХХ ёмюрню 30-чы джылларында болгъанды, ол заманда аны джери 30 млн км² болгъанды. Адам саны 458 миллиондан артыкъ болгъанды (ол заманда адам улуну тёрт этиб бири). Бусагъатда ингилиз тилни оруну эмда магъанасы да аны бла байламлыды. «Британ империя» деген терминни I Елизаветаны астроному, алхимиги эмда математиги Джон Ди къурагъанды.

Бродвей (театр)

Бродве́й — дунияны тюрлю-тюрлю шахарларында театрланы атыды:

«Бродвей» — Нью-Йоркда, АБЩ.

«Бродвей» — Нью-Йоркда 1925 джылгъа дери болгъан.

«Бродвей» — Маунт-Плезантде, АБШ.

«Бродвей» — Саскатунда, Канада.

«Бродвей» — Буэнос-Айресде, Аргентина.

«Бродвей» — Луишемде, Лондон, Уллу Британия.

«Бродвей» — Баркингде, Лондон, Уллу Британия.

«Бродвей» — Прагада, Чехия.

Вашингтон (Колумбия округ)

Вашингто́н (ингил. Washington, D.C.) — АБШ-ны 1800 джылдан башлаб ара шахарыды. Энчи шахар статусну Вашингтондан 1873 джыл административ реформадан сора сыйыргъандыла, ол себебден АБШ-ны ара шахары официал Колумбия округ (ингил. District of Columbia атны джюрютеди, къысхартылса — D.C., ол себебден американлыла, аллай атлы штат бла аджашдырмаз ючюн, тюз сёлешиуде шахаргъа «Ди-Си» неда «Вашингтон Ди-Си» дейдиле).

Джоуль

Джо́уль (ингилизча: Joule; белгиленнгени: Дж, J) — иш бла энергияны ЁС-де ёлчем биримиди. Джоуль, ньютоннга тенг кючню салыныу нохтасыны, бир метр аралыкъгъа кёчюрген ишге тенгди. Электричествода 1 ампер электрика токну 1 секундну ичинде, 1 Ом къаршчыланыуну юсю бла ётюуде ишге тенгди.

Джоуль биринчи кере, Джеймс Джоулну ёлген джылында бардырылгъан (1889) Электриклени экинчи халкъла арасы конгрессинде джюрютюлюб башланнганды.

Электрика биримле бла эталонланы юсюнден халкъла арасы конференция (Лондон, 1908) «халкъла арасы» электрика биримлени, аны ичиндеда «халкъла арасы Джоульну» бегитгенди. 1948 джылны 1-чи янаврындан башлаб абсолют электрика биримлеге къайтыудан сора: 1 халкъла арасы Джоуль = 1,00020 абсолют Джоулгъа марда бегитилгенди.

Копенгаген сермешиу

Копенгаген сермешиу (ингил. Battle of Copenhagen, дан. Slaget på Reden) — ингилиз эм дания флотланы арасында, 1801 джылны 2-чи апрелинде болгъан тенгиз урушду.

Эртденликде, сагъат 9:30 бола тенгиз джагъагъа джууукъда якоргъа салыннган дания кемеле бла аланы джагъа артиллерияларына аладан аслам болгъан ингилиз кючле чабхандыла. Талай сагъатны артиллерия атышыу болгъанды, андан сора ингилиз флотну башчысы адмирал Паркер кемелени ызларына ыхтырыу буйрукъну бергенди, алай а аннга бойсунмай Нельсон сермешиуню андан ары бардыргъанды. Ингирге атышыу тохтагъанында, ингилизлиле Данияны кронпринци Фредерикге келечиле иеди. Келечилери даниялыланы кеслерин хорлатханларыны къабыл этиулерин излейдиле. Биринчи 24-сагъатлыкъ атышыу кесиу ингирде Лондон атлы британ флагманда дания генерал-адъютант Линдхор бла къабыл этиледи. 3-чю апрелде Нельсон Копенгагендеги Амалиенборг къалада Фредерик бла эки сагъат кёрюшеди. Вице-адмирал даниялыладан флотларыны сауутсузландырыуларын неда ингилизлилеге берирлерин излейди. Узун заман кёрюшюуден сора 8-чи апрелде 14 ыйыкълыкъ атышыу кесиуге къол салынады, дания флотну бир бёлеги батдырылады, бир къаууму эсе Ингилизге джибериледи.

Кюнбатыш Европа

Кюнбатыш Европа — Европаны, политика неда культура-география ышаннга кёре бирикген бир къауум къралыны белгилеген терминди. Сууукъ къазауатны заманында Кюнбатыш Европагъа НАТО-ну членлери болгъан къралла саналгъандыла, Кюнчыгъыш Европаны къралларына уа Варшава кесаматны организациясын къурагъандыла. ВКО-ну чачылгъанындан сора Европада шимал, къыбыла эм ара регионла айырылгъандыла. Бусагъатда кёбюсюне Кюнбатыш Европаны къралларына Австрия, Бельгия, Германия, Люксембург, Монако, Нидерландла, Франция, Уллу Британия, Ирландия эм Швейцария саналадыла.

Миллетлени биригиую

Миллетлени биригиую (ингил. Commonwealth of Nations) — Уллу Британия бла аны алгъынгы доминионлары, колониялары эмда протекторатлары къошулгъан къралла арасы къуралышды. Алгъын Уллу Британия бла къатышлары болмагъан, алай а Биригиуге къошулгъан къралла къуру экидиле — Мозамбик бла Руанда.

Рапалло кесамат (1920)

Рапалло кесамат — Италия королевство бла Серблилени, Хорватлыланы эмда Словенлилени королевствосуну арасында Адриатика тенгизни шимал джагъасында, Далмацияда, Венеция-Джулияда территория дауларын тюзетир мурат бла алыннган кесаматды.

СХС королевство бла Италияны арасында тиклик Биринчи дуния къазауатдан сора башланады. Ол заманда Австрия-Маджар чачылады, Италия эсе уа аннга 1915 джылны Лондон пакты кёре аннга джораланнган территорияланы кючлейди. Проблема бу территорияланы миллет къурамында болгъанды, былайыны джарымындан асламысы къыбыла славянла (хорватлыла бла словенлиле) болгъандыла.

1920 джылны 12-чи ноябрында Италия бла СХС королевство Рапаллода бу сорууну тюзетген кесаматха къол саладыла.

Кесаматны шартларына кёре Италия Далмациягъа дауларын къойагъанды. Эки къралны арасында чек Соча бла Сава сууланы суу джыйыу айрылыуры бла баргъанды. Аны тышында Италиягъа чачылгъан Австрия-Маджардан Истрияны асламысы, Опатия, Риека (Фиуме) бла байлам болур ючюн тенгиз джагъада бёлге, далматин джагъаны къатында Црес, Лошинь, Ластово эм Палагружа айрымканла Зара порт (Задар). Риека бла аны тёгереги бёлге эки джаны бла бойсунмагъан кърал кибик танылады.

Бу кесаматха кёре Италиягъа халкъыны 70 % славян болгъан территория кёчгенди.

1947 джылны Париж мамырлыкъ кесаматына кёре бу территорияла (Триестни территориясындан тышында), Экинчи дуния къазауатда хорланнган Италиядан сыйырылыб, Югославиягъа кёчюрюледи.

Рутмастер

Рутмастер (ингил. Routemaster — «джолланы иеси») — эки къатлы автобусну (Даблдекерни) типиди, 1954 джылда AEC компания джаратханды эмда Лондонда 1956 джылны 8 февралындан 2005 джылны 9 декабрына дери эксплуатацияда болгъады. Ол заманны ичине «Рутмастер» Лондонну символу эмда дунияда эм бек танылгъан автобус болгъанды.

Сагъат бёлге

Сагъат бёлге — джер джюзюню белгили бир кесегинде, белгили бир джорукъ бла бегитлен бёлге заманды. Бир-бирледе сагъат бёлге ангыламгъа датаны бир-бирине келишиуюда къошулады, сёз ючюн UTC-10 бла UTC+14 бёлгеледе сутканы заманы бирча болсада кюнле башха болгъаны себебли башха сагъат бёлгелеге саналадыла.

Сагъат бёлгелени къуралыуу бир джаны бла Джерни кесини тёгерегине айланнганы, бир джанынданда бирча джерли заманлары болгъан территорияланы белгилеу бла байламлыды. Сагъат бёлгелени бир-бирлеринден башхалыкълары 1 сагъатдан артыкъ болмазгъа керекди. Ол себебден, 24 сагъат бёлге къураргъа оноу этилгенди, хар бирини 15° чакълы бир кенглиги болургъа керекди (орта меридианына кёре эки джанына ± 7,5°). Башлам нохтагъа гринвич меридиан, ноллу сагъат бёлгени орта меридианы саналады.

Бусагъатда заман координация этилген дуния заманны (UTC) болушлугъу бла белгиленеди, ол Гринвичге кёре заманны (GMT) орнуна хайырланады. UTC-ни шкаласы тамалын атом замандан (TAI) алады, эмда адамланы хайырланыууна тынчыракъ болады. Сагъат бёлгеле UTC-ден позитив эмда негатив тайыу кибик белгиленедиле. UTC-де заман не къыш, не джай кёчюрюлмейди, ол себебден джай заманнга кёчген джерледе UTC-ге кёре тайыу тюрленнген этеди.

Уллу Британия

Уллу Британия (ингил. Great Britain; толу аты — Уллу Британия бла Шимал Ирландияны Бирлешген Королевствосу, ингил. United Kingdom of Great Britain and Northern Ireland, ингилизча кёбюсюне «United Kingdom» — «Бирлешген Королевство» деб къысхартылынады) — Кюнбатыш Европада орналгъан айрымкан къралды, кърал оноу формасы — парламент монархияды. Ара Шахары — Лондонду. Аты ингилизча Great Britain («Уллу Британия») деген сёзледен келеди, «Британия» уа — бритт тайпаны атындан.

Британ айрымканла бла Ирландия айрымканны шимал-кюнбатыш кесегинде орналгъанды. Дагъыда кёб тюрлю ууакъ айрымканла бла архипелаглада киредиле, Атлантика океан бла, аны тенгилзери джууады. Бютеулей территориясы — 244 820 км², джери — 240 590 км², ич суулары — 3 230 км². Эм мийик джери — Бен-Невис тау (ингил. Ben Nevis гаел. Beinn Neibhis(1343 м) — Шотландияны шималындады (Грампиан таула), эм тёбен джери — Фенланд (−4 м).

Шимал бла кюнбатышда асламысы бла тау рельефди — Шимал-Шотланд таула (1343 метрге дери), Пеннин таула бла Кембрий таула; къыбылада эмда къыбыла-кюнчыгъышда — дуппурлу тюзледиле. Климаты орта океанлыкъды, мылыды. Январны орта температуралары 3-ден 7-ге дери чыгъадыла, июлну 11—17 °C; джауум — кюнбатышда джылгъа 3000 мм, къыбыла-кюнчыгъышда 600—750 мм. Баш суулары: Темза — 334 км, Северн — 310 км, Трент — 298 км, Мерси — 109 км, Клайд — 170 км. Эм уллу кёллери: Лох-Несс (56 км²), Лох-Ней (396 км²). Чегетлери (чынар, эмен, къайын) джерини 9 % алады.

Чарли Чаплин

Чарльз Спенсер «Чарли» Чаплин (ингил. Charles Spencer "Charlie" Chaplin; 16-чы апрель 1889 — 25-чи декабрь 1977) — ингилиз киноактёр, сценарист, композитор эмда режиссёр, кинону эм белгили джулдузларындан бири, дуниягъа эм белгили бир сыфатны — айланма Чарлини къурагъанды.

Шерлок Холмсну музейи

51.523333, -0.158333

Шерлок Холмсну Музейи (ингил. The Sherlock Holmes Museum) — Лондонда сэр Артур Конан-Дойль джаратхан персонаж, белгили детектив Шерлок Холмсну музей юйю.

Артур Конан-Дойлну чыгъармаларына кёре, Шерлок Холмс эмда аны шоху доктор Ватсон Бейкер-стрит, 221b (221b, Baker street) адресде 1881 — 1904 джыллада фатар тутхандыла. Бу чыгъарма джазылгъан заманда Лондонда аллай адрес болмагъанды. Алай а кечирек Бейкер-стритни шималгъа созулгъанындан сора, бу номер 215 бла 229 номерлени арасында санда болгъанды, ол адрес эмда Abbey National къурулшчу джамагъатны адреси болгъанды. Ол себебден кёб джылны ичинде Abbey National Baker street, 221b адресге Шерлок Холмсха келген мектубла бла башха конференцияны джарашдырыр ючюн энчи секретар тутаргъа керек болгъанды. Музей къурулгъан заманда юйню адреси 239 болгъаны себебли, чыгъармадагъы адресча болур ючюн «221b Baker Street» атлы фирма къураб, аны атын тагъаргъа керек болгъандыла. Алай а кечирек бу юй официал халда 221b, Baker Street, London, NW1 6XE, почта адресни алгъанды, эмда бютеу корреспонденция музейге келиб башлагъанды.

Музей метрону станциясындан узакъ болмай, Бейкер-стритде орналгъанды. Мекямы тёрт къабатлы викториячы стилде юйдю. 1815 джыл къурулгъанды эмда 2-чи класслы архитектура эмда тарих къыйматы болгъан мекямланы тизимине къошулгъанды.

Музейни биринчи къабаты сувенир тюкенди. Экинчи Холмсну отоуу, ючюнчюде Ватсонну эмда миссис Хадсонну отоулары. Тёртюнчюде персонажланы къаууздан скульптуралары барды.

Музей хар кюн сайын сагъат 09:30 бла 18:00 арасында ишлейди. Кириш билетни багъасы уллулагъа 8 стерлинглени фунту (2013 джыл). Музейде тёлеусюз фото- эмда видео алыргъа болады.

Экинчи дуния къазауат

Экинчи дуния къазауат 1939 джылны 1-чи сентябрында башланыб — 1945 джылны 2-чи сентябрында бошалгъанды. Эки аскер-политика коалицияны сауутлу урушу, адам улуну тарихинде эм уллу, эм къанлы къазауатха саналады. Бу къазауатха 62 кърал къатышханды. Сермешиуле юч континент бла терт океанны сууларында болгъандыла.

Европаны ара шахарлары
БМО-ну членлерини ара шахарлары:

Амстердам • Андорра-ла-Велья • Анкара • Астана • Афинле • Белград • Берлин • Берн • Братислава • Брюссель • Будапешт • Бухарест • Вадуц • Валлетта • Варшава • Вена • Вильнюс • Дублин • Загреб • Киев • Кишинёв • Копенгаген • Лиссабон • Лондон • Любляна • Люксембург • Мадрид • Минск • Монако • Москва • Никосия • Осло • Париж • Подгорица • Прага • Рейкьявик • Рига • Рим • Сан-Марино • Сараево • Скопье • София • Стокгольм • Таллин • Тирана • Хельсинки

Башха территорияланы ара шахарлары: Ватикан • Гибралтар • Дуглас • Епископи • Лонгйир • Мариехамн • Сент-Питер-Порт • Сент-Хелиер • Торсхавн

Танылмагъан неда джарым танылгъан къралланы ара шахарлары: Приштина • Тирасполь

Башха тилледе

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.