Рытвыв

Рытвыв — нёль му ладорись ӧтік. Аркмӧ рыт да выв кыввезісь, мӧднёж шуны: ладор, кытӧн шонді овлӧ рытнас.

Коми пас — Р, отиркостись — W (west).

Шаблон:Муюгыдись боккез

Азия

Азия – Му планета вылын квать муторись ӧтік. Ӧтлаын Европакӧт сія аркмӧтӧ мушар вылас медыджыт континент – Евразия. Коми мунымӧс Азиясянь торйӧтӧны Урал керӧссэз.

Америка

Америка – Му планета вылын квать муторись ӧтік. Сія медыжыт мутор, кöда куйлö Рытвыв джыншарын. Америка тэчöм кык континентісь Лунвыв Америкаись да Ойвыв Америкаись. Европаын Америкасö шуöны Виль муюгытöн.

Казахстан

Казахстан нето Казахму (казах кыв вылын: Қазақстан) — казах отирлӧн канму асыввыв Европаын да рытвыв Азияын.

Карьяла

Карьяла (су. Karjala, роч. Карелия) – карел отирлӧн горт му, асъюралан республика, Роч Федерация видзантор, пырӧ Ойвыв-рытвыв федерал кытшӧ.

Канкарыс – Петроскӧй.

Коми Республика

Коми Республика (роч. Республика Коми) — Роч Федерация видзантор. Куйлӧ Европа ойвыв-асыввылын, Урал одзын, Печора, Эжва да Мозын юэз бассейнын.

Коми Республика — коми отирлӧн чужан му. Коми йӧзыслӧн мӧд горт — Перем ладорись Коми кытш, куйлӧ Коми Республикасяняс лунвылынжык.

Коми Республикалӧн мувывтор — 415,9 сюрс км2. Оліссес — 951,2 сюрс морт (2010), ны коласын комиэз — 25,2%. Канкарыс — Сыктывкар, кытӧн олӧ республика йӧзісь нёльӧт тор.

Республика янсалӧ 20 юкӧт вылӧ — 5 каркытш (Сыктывкар, Вӧркута, Инта, Уква, Ускар) да 15 муниципал район: Вуктыл, Изьва, Емва, Емдін, Койгорт, Кӧрткерӧс, Кулӧмдін, Луздор, Мылдін, Печора, Сӧснагорт, Сыктыв, Сыктывдін, Удора да Чилимдін.

Республикаын 10 кар: Вӧркута, Вуктыл, Емва, Инта, Микунь, Печора, Сӧснагорт (Сосногорск), Сыктывкар, Ускар (Усинск), Уква (Ухта).

Нысся эмӧсь 37 карок да 762-а посад кодь оланіннэз: посёлоккез, посаддэз (татӧн нійӧ шуӧны сикттэзӧн) да грезддэз (деревняэз).

Коми Республикаыс аркмӧма 1921' годӧ август 22' лунӧ. Медодз сія статус сьӧрті вӧлӧма асвеськӧтлан лапӧлӧн (областьӧн) РСФСР тэчасын, 1929'—1936' воэзӧ недыр кежӧ сійӧ сюйлӧмась Ойвыв ладорӧ (крайӧ), но 1936 во бӧрын сія лэбтісьӧма Коми АССР-ӧдз, 1990' годӧ босьтіс статус ССР, а 1992' воын нимтіс асьсӧ Коми Республика и лоис Роч Федерация видзанторӧн (субъектӧн).

Медыджыт мортӧн Коми Республикаын лыддисьӧ Мӧсквасянь иньдӧм Юралісь. Туйдӧттэз лӧсьӧтан органӧн лоӧ Каналан сӧвет, кытчӧ баитіссесӧ бӧрйӧны республикаын оліссез. Юралісь да Каналан сӧвет бӧрйӧны Коми Республикалӧ веськӧтлан (правительство), кытӧн пукалӧны министррез. Медодзза юралісьӧн Коми Республикаын 1994'—2000' воэзӧ вӧлі Спиридонов Юрий, сы бӧрын 2001'—2009' годдэзӧ — Торлопов Ладимир. Ӧні, 2010' вося январсянь, юралісьын пукалӧ Гайзер Вячеслав.

Республикаыс олӧ Мӧсква кад сьӧрті: муюгыт (Гринвидз) кад + 3 час (гожумнас + 4 час), Урал кад — 2 час.

Сьӧм туйӧ Коми Республикаын бергалӧ роч шать. 1 шать = 100 ур.

Коми кыв

Коми кыв — коми отирлӧн чужан кыв. Коми кыв аркмӧма Урал вужсянь да пырӧ чудь-йӧгра группаись перым кыввез увтырӧ. Медматын коми кыв дынӧ лоӧ удмурт кыв.

Баитіссезлӧн лыдыс – 311 сюрс гӧгӧр морт.

Коми кыв вылын баитӧны коми отир, кӧдна унажыксӧ олӧны Коми Республикаын, Перем ладорын да Киров лапӧлын. Одзжык этна муэз вӧлісӧ янсӧтӧмӧсь Кардор (Архангельск), Вологда, Вятка да Перем губернияэз коласын. Быдсӧн энія мувывторрез – коми отирлӧн горт. Татӧн и аркмӧмась коми кывлӧн диалекттэз.

Сійӧн, мыля кӧркӧся Кардор да Вологда губернияэзын коми отирӧс роччез шуисӧ зырянаӧн (ойвывся комиэз), а Вятка да Перем губернияэзын – пермяккезӧн (лунвывся комиэз), коми диалекттэсӧ велалӧмась янсӧтны кык ыджыт чукӧрӧ: зыряна коми да перем коми, кӧдна коласын эмӧсь мымдакӧ неӧткоддез кыв ладын да лексикаын.

Гижӧтыс коми кыв вылын аркмӧма XIV векӧ, кӧр Вежа Стефан (Перем Степан) лӧсьӧтӧма медодзза коми анбур да вуджӧтӧма роч да эллин кыввез вылісь вичкося тексттэз. Печатайтӧм небӧггезӧ коми кыввез да тексттэз пырӧны XVIII век пондӧтчикӧ. Медодзза коми грамматика да ыджыт коми кывкуд вӧлісӧ лӧсьӧтӧмӧсь 1785 годӧ Перемланьын. Быдсӧн комиӧн небӧггез пондасӧ лэдзны 1815 восянь (медодз зыряналаньын).

Коми нация аркмытӧдз коми отирыс гижӧмась быдкодь диалекттэз вылын, а 1920-30 воэзӧ Коми лапӧлын (ӧння Коми Республика) да ӧння Перем ладорись Коми кытшын нормируйтӧмась кык торья лыддьӧтан кыв: зыряналӧн коми кыв да перем коми кыв.

Краснояр ладор

Краснояр ладор (рочӧнжык Красноярскӧй край) — веськӧтлан юкӧт Рочмуын, Роч Федерация видзантор. Пырӧ Сибир федерал кытшӧ.

Канкарыс – Краснояр.

Краснояр ладор – Рочмуас ыжда сьӧрті мӧд регион, сысся гырисьжык токö Якутму.

Веськӧтлан юкӧт Краснояр муас лӧсьӧтӧмась 1934' декаб 7' лунӧ, кӧр сэкся Рытвыв Сибир ладорись да Асыввыв Сибир ладорись мукӧд муээз вӧлісӧ ӧтлаӧтӧмӧсь. Одзжык (1822'—1925' воэзӧ) эта жӧ мувывторын вӧлі Енисей губерния.

Краснояр ладорӧ 2007' восянь пырӧны кык кӧркӧся автономия: Таймыр (Долган-Яран) кытш да Ӧвӧнки кытш.

Лунвыв Америка

Лунвыв Америка – Му планета вылын квать континентісь ӧтік. Сія куйлö Рытвыв джыншарын да унажыксö Лунвыв джыншарын.

Лунвыв Америка кыдз континент лыддисьö Америка муторын.

Монако

Монако (фр.: Monaco [moˈnako]) — учӧтичок канму-кар рытвыв Европаын, куйлӧ Франс да Мушӧр саридз коласын.

Ӧні Монакоыс зораммӧ унажыксӧ озыр отир вылын, кӧдна локтӧны татчӧ шоччисьны мӧдік канмуэзісь.

Монако пырӧ: ӦВК-ӧ (1993 восянь), ОБСЕ-ӧ, Ӧтласа Европаӧ (2004 восянь), Интерполӧ, ЮНЕСКО-ӧ, ВОЗ-ӧ. Татӧн видзӧ медшӧрӧт офиссӧ Гидрография сьӧрті йӧзколасся котыр.

Мӧсква

Мӧсква (роч. Москва) — Роч мулӧн канкар, Роч Федерация видзантор.

Роч канму понда Мӧсква – быдӧс. Татӧн чукӧртӧмӧсь роч политика, культура, наука да бизнес зорӧтан медыджыт выннэз.

Норвег

Норвег (букмол вылын: Norge, нюнорск вылын: Noreg, роч. Норвегия) — норман отирлӧн канму Ойвыв Европаын, Скандинав кӧдж рытвыв ладорын.

Мӧдік муэзкӧт Норвег межаасьӧ токӧ асыввылын; татӧн сыкӧт ордчӧн куйлӧны Рочму, Суоми да Шведму. Лунвылас, саридз вис сайын, Норвег вылӧ видзӧтӧ Данмарк. Ойвылын канму петӧ Баренц саридз дорӧ, рытвылын – Норвег саридз дорӧ, лунвыв-рытвылын – Ойвыв саридз дорӧ.

Сэсся Норвег видзӧ Арктикаын Свальбард архипелаг да Ян Маен ді, а сідзжӧ Буве ді Антарктида дорын.

Ойвыв Америка

Ойвыв Америка – Му планета вылын квать континентісь ӧтік. Сія куйлö Рытвыв джыншарын да Ойвыв джыншарын.

Ойвыв Америка кыдз континент лыддисьö Америка муторын.

Перем Коми кыв

Перем коми кыв нето рочӧнжык коми-пермяцкӧй кыв (аснимыс коми кыв) — коми отир кывлӧн öт регионісь стандарт, кӧдӧ видзӧны Перем ладорись Коми кытшын. Коми кывлӧн мӧд регионісь стандарт – зыряналӧн коми кыв – зорамӧ Коми Республикаын.

Перем коми кыв вылын баитӧны 63,1 сюрс морт (2010' во).

Перем комиэзлӧн кылыс, коми кыв да, пырӧ урал кыввезлӧн чудь-йӧгра увтырӧ, перым чукӧрас . Торья кыввезын содтассэз агглютинасьӧны, сёрникузялӧн унажыксӧ номинатив тэчас.

Ассиныс лыддьӧтан кыв перем комиэз зорӧтӧны XVIII вексянь. Кыв вӧлі нормируйтӧм Коми кытшын 1921'–1938' воэз сьӧрна. Ӧння нормаэз кодифицируйтӧмӧсь 1938' годӧ.

Перем коми кыв лыддисьӧ кыв стандартӧн Перем ладорись Коми кытшын, кытӧн коми отирыс (перем комиэз нето коми пермяккез) баитӧны коми кывлӧн кык сёрнитан вылын. Этӧ лоӧны ойвыв перем да лунвыв перем сёрнитаннэз.

Перем коми кыв лӧсьӧтікӧ подыс туйӧ бӧрйӧмась лунвыв сёрнитансис вылісь иньва диалект, кӧда перем диалекттэз коласын баитіссез лыд сьӧрті лоӧ медыджыт. Сэтчӧ пыртӧмась л шы, медбы лыддьӧтан кыв лӧсяліс и лунвыв перем, и ойвыв перем сёрнитана коми отирлӧ.

Перем ладор

Перем ладор (рочӧнжык Перемскӧй край) — Роч Федерация видзантор. Куйлӧ Кама ю бассейнын, Урал керӧссэз одзын. Ордчӧн Перем ладоркӧт куйлӧны: ойланьын – Коми Республика, асыввылын – Свердлов лапӧв, лунвылын – Башкыр Республика, рытвылын – Удмурт Республика да Киров лапӧв.

Мувывторыслӧн ыжда – 160 600 км². Оліссез – 2 708 419 морт (01.01.2009). Перем ладорлӧн шӧрин – Перем кар.

Перем ладор вӧлі аркмӧтӧм Перем лапӧв да Перем комиэзлӧн асвеськӧтлан кытш ӧтлаӧтӧмӧн. Коми кытш эта коста лоис тодильнӧй статуса мувывторӧн Перем ладорын.

Перем ладорлӧн медваж отир – комиэз. Медодз татӧн вӧлі Ыджыт Перем канму. XV векын роч кан вынӧн босьтіс Перем му ас кипод увтӧ. 1781' годö вӧлі аркмӧтӧм Перем губерния, 1923' годӧ вӧлі лӧсьӧтӧм Урал лапӧв (шӧриныс – Свердлов кар), 1934' годӧ – Свердлов лапӧв, 1938' годӧ вӧлі торйӧтӧм Перем лапӧв, кӧда 1940'–1957' воэзӧ шусис Молотов лапӧлӧн. 2005' годся декаб 1 лунсянь – Перем ладор.

Медыджыт юралісьыс Перем ладорын – губернаторыс. Ӧні губернаторын пукалӧ Чиркунов Олег.

Перем ладорись Коми кытш

Пе́рем ла́дорись Ко́ми кытш (рочӧнжык Коми-Пермя́цкӧй о́круг Пе́ремскӧй кра́йын) — ассяма статуса мувывтор Роч Федерацияын, Перем ладорас. Куйлӧ Урал одзын, Кама йыввезын. Коми отирлӧн чужанін. Коми йӧзыслӧн мӧд чужан му — Коми Республика, куйлӧ Коми кытшсяняс ойвылынжык.

Коми кытшыслӧн мувывтор — 32,77 сюрс км². Оліссез — 127 сюрс морт (2009), ны коласын комиэз 60,2%. Веськӧтлан шӧрин — Кудымкар. Кытшас 6 район: Гайна, Кӧс, Кӧч, Кудымкар, Юрла да Юсьва гӧгӧртасын. Кытшас дзир ӧтік кар — Кудымкар, ӧтік карок — Пожва, 30 посад, 66 посёлок да 590 грезд (деревня).

Кытшыс аркмӧма 1925' годӧ февраль 26' лунӧ. Медодз пырӧ вӧлі Урал (Свердловск) лапӧлӧ (областьӧ), а 1938 во бӧрын — Перем (Молотов) лапӧлӧ. 1993'-2005' воэзӧ вӧлі Роч Федерациялӧ субъектӧн, шусис Перем комиэзлӧн асъюралан кытш. 2005' годся декаб 1' лунсянь, асъюралӧмыс вӧлі вештӧма да, Коми кытшыс лоис ассяма статуса мувывторӧн вились аркмӧтӧм Перем ладорын.

Медыджыт мортӧн Коми кытшын лыддисьӧ Перемсянь иньдӧм министр. Сылӧн эм аслас веськӧтлан, рочӧн шусьӧ Перем ладорлӧн Коми кытш делоэз сьӧрті министерство. Медодзза министрӧн 2005'-2008' воэзӧ вӧлі Баяндин Валерий. Сэсся, 2008' год помсянь, Коми кытш сьӧрті уджалісь министрын пукаліс Быкариз Игорь, а 2012 во юньсянь Рычков Виктор.

Кытшыс олӧ Урал кад сьӧрті: муюгыт (Гринвидз) кад + 5 час (гожумнас + 6 час), Мӧсква кад + 2 час.

Сьӧмнас Коми кытшын лыддисьӧ роч шать (руб). 1 шать = 100 ур.

Унажык отир олӧны вӧр лэдзӧмӧн, тшак-ягӧд да йӧв-яй вузалӧмӧн, мукӧдыс уджалӧны кысъялан сфераын.

Коми кытшын абу кодя кӧрттуйез. Кудмыкарсянь кӧрттуй дынӧдз (Менделеёв нима поз дынӧдз) колӧ мунны 100 км.

Пожум

Пожум (лат. Pinus) — пожум котырись лысъя пу увтыр.

Португал

Португал (порт.: Portugal, роч. Португалия) — важынся канму лун-рытвыв Европаын, Ибер кӧдж вылын.

Межаасьӧ ойвылас да асыввылас Эспаннякӧт, рытвылас да лунвылас петӧ Атлантика океан дорӧ.

Канму пырӧ ӦВК-ӧ, Ӧтласа Европаӧ да НАТО-ӧ.

Тюркия

Тюркия (тюрк. Türkiye) – тюрк отирлӧн канму асыввыв Европаын да рытвыв Азияын. Аркмис 1920 воэз пондӧтчикӧ, Осман империя разьсьӧм бӧрын.

Тюркиякӧт ордчӧн куйлӧны сэтшӧм канмуэз: рытвылас – Бӧлгария да Эллада, лунвылас – Ирак да Сурия, асыввылас – Иран, Азербайджан, Аястан да Картвелму. Тюрккезлӧн республика куйлӧ Мушӧр саридз (лунвылын), Сьӧд саридз (ойвылын) да Эгеида саридз (асыввылын) коласын. Ыджытжык торыс – Учӧт Азия (Анадолу) кӧджын, неыджыт торокыс – асыввыв Фракияын

bölge (бёльге = регион) : 7 бёльге.→ il (иль = ладор, провинча) : 81 иль.

→ ilçe (ильче = район) : 957 ильче.

→ bucak (буджак = уезд) : 634 буджак.

→ belde (бельде = карок) : 2254 бельде.

→ köy (кёй = посад) : 34 247 кёй.

Франс

Франс нето Франсузму (фр. France, роч. Франция) — рытвыв Европаын ыджыт канму. Тыр нимыс — Франсуз Республика.

Ордчӧн Франсыскӧт куйлӧны сэтшӧм канмуэз: Белгия ойвылас, Лецебург, Немечму, Швейцарму, Италья да Монако асыввылас, Эспання да Андорра лунвылас. Рытвылас Франс петӧ Биская курья дорӧ, ойвылас — Ла Манш вис дорӧ, а лунвыв-асыввылас — Мушӧр саридз дорӧ.

Эспання

Эспання (эсп. España, кат. Espanya, баск Espainia, роч. Испания) – мезмыт канму лунвыв-рытвыв Европаын, Ибер кӧдж вылын.

Межаасьӧ рытвылас Португалкӧт, ойвылас Франскӧт да Андорракӧт, лунвылас брит колония Гибралтаркӧт да Магрибкӧт (Ойвыв Африкаын). Рытвылас Эспанняыс петӧ Атлантика океан дорӧ, асыввылас – Мушӧр саридз дорӧ.

Канму пырӧ ӦВК-ӧ, Ӧтласа Европаӧ да НАТО-ӧ.

Мöдiк кыввез вылын

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.