2019

Aseggas 2019 d aseggas i deg nella tura, d aseggas aḥerfi (365 n wussan). D aseggas wis 2019 deg wakud-agi-neɣ, d aseggas wis 19 deg wagim XXI (lqern 21) daɣen d aseggas wis 10 (d aneggaru) deg umrawseggas 2010 - 2019.

Tira n 2019 : « Sin igiman mraw tẓa »

Aseggas 2019 deg teswast tagrigurit (calendrier grégorien), iwulem i useggas n :

  • 2969 deg teswast n Yimaziɣen (Aseggas amaynut n Yimaziɣen 2969, ad d-yas ass n 12 yennayer 2019);
  • 4716 - 4717 deg teswast n Yicinwaten (Aseggas amaynut n Yicinwaten 4717, ad d-yas ass n 16 furar 2019);
  • 1440 - 1441 deg teswast n Yinselmen (Aseggas amaynut n Yinselmen 1441, ad d-yas ass 1 ctamber 2019).
2015

Aseggas 2015 d aseggas aḥerfi (365 n wussan). D aseggas wis 2015 deg wakud-agi-neɣ, d aseggas wis 15 deg wagim XXI (lqern 21) daɣen d aseggas wis 5 deg umrawseggas 2010 - 2019.

Tira n 2015 : « Sin igiman mraw semmus »

2017

Aseggas 2017 d aseggas aḥerfi (365 n wussan). D aseggas wis 2017 deg wakud-agi-neɣ, d aseggas wis 17 deg wagim XXI (lqern 21) daɣen d aseggas wis 8 deg umrawseggas 2010 - 2019.

Tira n 2017 : « Sin igiman mraw ṣa »

Aburɣas

Aburɣas (Asget: iburɣas), (assaɣ usnan: Insecta) d asmil n iɣersiwen arimtegzaten yeṭṭafaren astirf n teswermin, Dɣa iburɣas yakk i d asismel yellan s waṭas deg ustirf n teswermin. Ɣas akken ass-a yettwassen s yisem n Abeɛɛuc maca awal-a d uzlig acku yettuks-d seg Aburɣas,

Iburɣas tgin-d tagrawt tuggtant deg imuddar yakk yellan deg tegnit acku dges ugar n umelyun n telmas yettugelmen (azgen n imuddar yellan deg tegnit) Maca azal n 30 n imelyan n twaculin zeddiɣ urad (mazal werɛad) ur ttwasismlen-t, ayen id yettgin 90% n imuddar yellan deg tegnit

Ar thura ttwasismlen wazal n 5000 n telmas n temzerɣlin, d 2000 n teslatin n wuccen (tagmart n sidna Sliman), d 20,000 n telmas n yebẓaẓ, d 170,000 n telmas iferṭeṭṭa d ifaylellisen , d 170,000 d telmas n yizan d 82,000 n telmas n tzinfriwin, d 360,000 n telmas n izinzren d 110,000 n telmas n tzizwa d yerẓaẓen d igeṭfen akken daɣen illan wazal n 2 ar 5 n imelyan n telmas ur nettwassen

Azerbijan

Azerbijan, d tamurt n wenẓul-utrim (sud-ouest) n Asya, tezga-d deg tama n yedraren n Quqaz. Tesɛa tilisa d Iran, Tturk, Jurjya d Arminya. Tajumma-nnes 86.600 km2 (yikilumitren imkuẓen). Zedɣen-tt 9.165.000 n yimezdaɣen (Aziriyen). Tamaneɣt-nnes d Baku.

Budapest

Budapest d tamanaɣt n tmurt n Hungri si 1867. Zedɣen deg-s 1 712 210 n imezdaɣ.

Imaziɣen

Imaziɣen d imezdaɣ ineṣliyen deg tefriqt ugafa, d nutni i yellan d amur ameqqṛan deg yimezdaɣ n Tmazɣa, tutlayt-sen d Tamaziɣt, xas ma yella aṭas deg-sen ass-a la ttmeslayen Taɛrabt Tamazɣant.

Imaziɣen ḥerren-d akal d ameqqran, yewwet seg wemda n Isiwan, deg Utaram (lɣerb) n Maṣer alamma d Targa Zewwaɣen d Muriṭanya, ɣef yiri n ugaraw Aṭlasi. Yuɣ lḥal, d Imaziɣen i d agdud n Tefriqt awḥid id-iḥerren anect-a n wakal, imi amur ameqqran deg yegduden ifriqiyen-nniḍen, tikwal sɛan kan akal d amecṭuḥ, tikwal bitt, cerken-t akked yegduden-nniḍen. Imaziɣen ttuneḥsaben d agdud n yiri (race) amellal, xas ma yella nettaf gar-asen aṭas n yimibriken d yiberkanen.

Aṭas n Yimaziɣen id-mazal la ttmeslayen tamaziɣt, rnu deg yiseggasen-a ineggura, aṭas n trebbaɛ timaziɣin id-yennulfan i wakken ad wtent ad ḥerzent tutlayt-nsent. Xas ma yella tantalyin (dialectes) i ttmeslayen Yimaziɣen mgaradent si tama ɣer tayeḍ, maca kkant-d akk seg yiwen n uẓar, seg yiwet n tutlayt, yernu yeshel ɣef waṭas n trebbaɛ timaziɣin ad msefhament gar-asent s tutlayt-nsent, xas ma yella mgaradent tentalyin-nsent.

Imaziɣen mazal ṭṭfen deg waṭas n wansayen (lɛaddat), ladɣa wid yettidiren di Merruk akk d Uneẓruf (ṣṣeḥra), dacu kan, ass-a, aṭas n wansayen imaziɣen i yellan ɣef yiri n nnger, la ten-ttaǧǧan medden yernu ur d asen-ttgen ara leqrar. Nnig waya, ula d tutlayt tamaziɣt la tettuɣal ɣer deffir deg waṭas n tamiwin n Tmazɣa, medden la d-ttaǧǧan, ilmeẓyen ur ttlemden ara, dɣa yessefk ad yettwaxdem kra n leqdic s lḥir i lmend n ussukkes n tutlayt di tmiwa-a.

Ass-a llan azal n 45 imelyan n imaziɣen deg ddunit merra.

Ipactunen

Ipactunen d isem n wegdud yellan ger Afɣanistan d Pakistan.

Iritirya

Iritirya d tamurt n Tefriqt Tagmuḍant. Tajumma-nnes 117.600 km2. Zedɣen-tt 5.224.000 n yimezdaɣen (Iritiriyen). Tamaneɣt-nnes d Asmara.

Navarra

Navarra d yiwet si tamnaḍin n tmurt n Spanya.

Reykyavik

Tamdint n Reykyabik d tamanaɣt n tmurt n Island.

Tafrikt

Tafrikt (neɣ Tafriqt) d yiwen seg yimenẓawen umi mechur (yettwassen) yisem deg umaḍal. Acku, medden ur tt-ssinen ara dima s wayen yelhan. Aṭas n medden deg umaḍal ur nessin ara ɣef Tefrikt amur ameqran, ttxayalen-tt d akal anda ay yugar ccwal, imgura (war) akk d imenɣan, d akal kan anda ay ttmettaten igerdan si laẓ yernu gten (tuqqten) deg-s waṭṭanen, d akal n lqella n cci anda medden akk d igellilen.

Maca Tafrikt maci ala d anect-a. Tafrikt tteččur d igduden, d agaraw, d ilel (sea) n yegduden neɣ n yemdanen (human), yal yiwen s tutlayt-is, s yedles d umezruy-is. Ar ass-a werɛad ssinen imassanen akk tutlayin ay ttmeslayen di Tefrikt, neɛ mazal ay tent-ɣrin merra akken iwata (ilaq) ad yeli. Ar ass-a, werɛad ur ssinen ara imassanen ansayen (traditions) d yidelsan n yegduden merra ay izedɣen Tafrikt, werɛad ur d-lqiḍen ara seg-sen akk ayen inwamken (imaɛnen), tamussni-nsen d wayen yeffren deg yidelsan-nsen. Ass-a, mi akka ara tkeccem tetrara ɣer yal amkan, ɣer yal axjiḍ deg umaḍal, aṭas seg yegduden n Tefrikt ara yesruḥuyen ansayen d yidelsan-nsen, yernu yessefk ɣef yimassanen ad rren tamuɣli/ d wallaɣ-nsen ɣer waya uqbel ma yezri ukud.

Tafrikt tefka-d aṭas i tudert n wemdan, ama s tmussni-yines, ama s wayen ay tesɛa d cci d teɣawsiwin, ama d akal, ama d imdanen. Ass-a, ur yessefk ara ad qqnen (medlen) medden allen-nsen ɣef waya. Xas ma yella lbaṭel-nni yettwaxedmen deg Yefriqiyen, di tallit n tehrest (colonisation) iɛedda, yekfa, medden yessefk ad walin Tafrikt ad as-rren tajmilt i Tefrikt u ad tt-walin s wallen nniḍen, yessefk ad gren tamawt i wayen d-tefka i ddunit d umaḍal, i ddur ay telṭeb deg umezruy n umaḍal u ad gren tamawt diɣ i wayen ara d-tettak Tefrikt ass-a akk d yigerwaj ay d-mazal ffren deg-s.

Tagduda Tamegdayt n Kungu

Tagduda Tamegdayt n Kungu d tamurt n Tefriqt tasebgast. Tajumma-nnes 2.345.409 km2 (ikilumitren imkuẓen). Zedɣen-tt 70.916.439 n yimezdaɣen (Ikunguliyen). Tamaneɣt-nnes d Kincasa. Aselway-is Joseph Kabila.

Taglizit

Taglizit (En: English language), d tutlayt taẓarant n tmurt Lengliz, tettiki deg twacult n tutlayin tiǧermanin, tewwi-d amur meqqer n wawalen seg tutlayin tilatiniyin (ladɣa si tefransist).

Tutlayt Taglizit d tutlayt tamezwarut n tussna d tdamsa deg umaḍal. Di tmura n lezzayer d Umerruk tutlayt-a ur ttwasselmad ara aṭas deg iɣerbazen iɣelnawen.

Tutlayt Taglizit ssawalen-tt 400 imelyanen n medden di Tamrikt (Marikan), Lengliz (legliz), Kanada, Ustralya, Zilanda Tamaynut, Irland, Tafrikt n Wenẓul i yellan ɣur-nsen d tutlyat tayemmatt (mother tongue), d tmura nniḍen am Sswid d Danmark d Finland i tt-isseqdacen d tutlayt tis snat labeɛda i tɣuri deg yiɣerbazen iɣelnawen.

Tarjentint

Tarjentint (isem unṣib : Tagduda n Terjentint), s tespanyulit : Republica de Argentina [reˈpuβlika aɾxenˈtina]) d tamurt tameqrant ay d-yezgan deg wenẓul n Temrikt n Wenẓul. Tajumma-nnes 2,780,400 km2. Zedɣen-tt 40,677,348 n yimezdaɣen (Arjentinen).

Tokyo

Tamdint n Tokyo d tamanaɣt n tmurt n Japun. Isem-is yettwaru 東京, anamek-is d "Tamanaɣt n Wegmuḍ (tacerqit)" (tamanaɣt n zik tella d Kyoto, yezgan deg utaram).

Urdun

Tamurt n Urdun tella deg wenẓul ataram n Asya: Isem-is unṣib d Tagelda Tahacimit n Urdun (s teɛrabt المملكة الهاشمية الأردنية). Tamaneɣt ines d Ɛemman. Tutlayt-is tunsibt d taɛrabt.

Venezuela

Venezuela d tamurt tameqrant ay d-yezgan deg ugafa n Temrikt n Wenẓul. Tajumma-nnes 916,445 km² (yikilumitren imkuẓen). Zedɣen-tt 30,206,307 n yimezdaɣen (Ivenenzuelaten).

Ɛebdelɛaziz Butefliqa

Ɛebdelɛaziz Butefliqa (s teɛrabt عبد العزيز بوتفليقة, s trumit Abd El-Aziz Bouteflika) yella d aselway n Dzayer seg 1999 ar 2019, ilul ass 2 meɣres 1937 di tmurt n Merruk.

Ḥmed Uyeḥya

Ḥmed Uyeḥya neɣ d Aḥmed Uyeḥya d asertay adzayri. Yella d aneɣlaf amezwaru 4 n tikkwal deg tmurt n ledzayer (Tikkelt taneggarut tella gar 2017 d 2019).

S tutlayin tiyaḍ

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.