Padagangan

Padagangan iku kagiyatan ijol-ijolan/silih genti barang utawa jasa utawa kaloroné. Ing mangsa awal sadurungé dhuwit tinemu, silih genti barang dijenengi barter, ya iku ngijolaké barang karo barang. Ing jaman modhèren padagangan dilakokaké kanthi ijolan dhuwit. Saben barang dikerta-aji mawa rega dhuwit. Wong tuku bakal ngijoli barang utawa jasa kanthi rega dhuwit sing dikarepaké wong sing adol.

Wojciech Gerson - Gdańsk in the XVII century
Gdańsk
Accarias de Sérionne - Intérêts des nations de l'Europe, dévélopés relativement au commerce, 1766 - 5790093
Intérêts des nations de l'Europe, dévélopés relativement au commerce, 1766
2 April

2 April punika dinten ingkang kaping 92 utawi 93 ing taun wuntu miturut Kalèndher Grégorius.

Adam Smith

ÁKanggo panggunan séjé mangga mirsani Adam Smith (disambiguasi)John Adam Smith (5 Juni 1723 – 17 Juli 1790), ya iku sawijining filsuf bangsa Sekotlan kang dadi pelopor ngèlmu ékonomi modèren. Karyané kang misuwur ya iku buku An Inquiry into the Nature and Causes of the Wealth of Nations (dicekak The Wealth of Nations) minangka buku pisanan kang nggambaraké sajarah perkembangan indhustri lan padagangan ing Éropah sarta dhasar-dhasar perkembangan perdagangan bébas lan kapitalisme. Adam Smith dadi salah sijiné pelopor sistem ékonomi Kapitalisme. Sistem ékonomi iki muncul abad 18 ing Éropah Kulon lan ing abad 19 wiwit misuwur ing kana.

Kemakmuran Nagara (Wealth of Nations) lan kang luwih cilik prabawané Téyori Moral Sentimen, wis dadi titik awal kanggo mbela lan ngritik wangun kapitalisme, kang paling wigati sajeroning tulisan Marx lan ékonomi. Amarga kapitalisme laissez-faire sok digayutaké karo kaegoisan kang ora kakontrol, banjur ana obahan anyar kang nekanaké filosofi moral Smith, ya iku kanthi fokus simpati marang manungsa.

Ana uga kontroversi bab asli lan orané Kemakmuran Nagara Smith, sawatara ana kang nyangkal yèn karya Smith mung awujud tambahan biyasa marang karya pemikir kaya David Hume lan Baron de Montesquieu. Lan, akèh téyori-téyori Smith mung nggambaraké trend sajarah ngadoh saka mercantilisme, nuju menyang perdagangan-bébas, kang wus tumuwuh ana ing sawatara dekade, lan wis duwé prabawa kang nyata sajeroning kebijakan pamaréntah. Sanajan mangkono, buku iki ngorganisasèaké pamikir-pamikir kanthi luas, lan tetep dadi sawijining buku kang paling berprabawa lan wigati sajeroning babagan ékonomi nganti saiki.

Pirsani uga: Sajarah Pemikiran Ékonomi

Aleppo

Aleppo (Arab: حلب‎‎ / ALA-LC: Ḥalab; [ˈħalab], jeneng liya) wujud kutha gedhé dhéwé kaloro ing Suriah, sawisé Damaskus, kutha krajan Suriah. Gunggung sing ndunungi 2.130.000 jiwa (2005). Kutha Aleppo kalebu kutha tuwa dhéwé ing donya, wis ana wiwit taun 2000 SM. Kutha iki biyèn jenengé Halab. Sajeroning naskah Babilonia Kuna (750 SM), jeneng Halab wis karan, mangkono uga jeneng Aleppo sajeroning inskripsi Mesir Kuna (abad angka 16 SM). Aleppo owah jenengé dadi Beroia déning Seleucus Niktator (312-64 SM) nalika mangsa Karajan Seleukus. Amarga papan Aleppo sing strategis banget minangka pusat padagangan, wis akèh bangsa sing asring nelukaké Aleppo. Wiwit saka bangsa, Hitit (2000 SM), Mesir lan Asiria (abad angka 8 SM), Pèrsi (abad angka 6 SM), Macedonia (332 SM), Romawi (64 SM), Arab (635 M), Tatar (1260), Mongol (1398), Kasultanan Utsmaniyah (1517 M), lan Prancis (1920 M). Kutha Aleppo dadi péranganing nagara Suriah wiwit taun 1944.

Kutha Aleppo tau diguncang lindhu nalika taun 1822 lan 1827 sing ngakibataké sapérangan karusakan ing yasan sajarah ing kutha Aleppo.

Batur tukon

Batur tukon utawa ing krama réncang tumbas iku siji fénoména ukum utawa ékonomi ing ngendi prinsip sistim ukum kapamilikan ditrapaké marang manungsa. Dadi manungsa iku éwoning bandha kang bisa diduwèni, didol lan dituku. Banjur wong kang dadi batur tukon ora bisa njabel kaanan iki kanthi sapéhak. Manawa siji wong iku dadi batur tukon, kang duwèni ndarbèni hak kinèrjané si batur tukon tanpa perlu mbayar gaji awaké. Hak-hak lan pangreksané si batur tukon bisa diatur déning undhang-undhang utawa adat ing siji wektu utawa papan, lan siji wong bisa dadi batur tukon sawisé dicekel, dituku utawa wiwit lair.

Saiki iki, kaanan batur tukon wis dilarang ing kabèh nagara sadonya, nanging siji wong bisa kahanggep batur tukon manawa wong iku dipeksa nyambut gawé kanggo wong liya tanpa nduwé daya bisa njabel aturan iki kanthi sapéhak. Kaanan kaya mengkéné iki kerep diarani "praktèk mèmper batur tukon". Wujud mutakir padagangan batur tukon lumrahé diarani slundupan manungsa.

Batur tukon iku wis ana ing mangsa prasajarah lan ugi ana ing akèh kabudayan. Mbiyèn praktèk iki diakoni minangka lembaga absah déning akèhé maskapé utawa masarakat, nanging saiki dilarang ing kabèh nagara. Sing pungkasan nglarang iku Mauritania ing taun 2007. Nanging sanadyan mangkono praktèk iki isih lestari minangka utang, batur kang dikurung, bocah-bocah kang diadopsi lan dipeksa nyambut gawé, prajurit bocat, slundupan manungsa, lan kawin peksa. Diprakirakaké jaman saiki, gunggungé batur tukon paling akèh sajeroning sajarah manungsa, cacahé sadonya ana sakiwa-tengené 45 yuta.

Brawala Jepang-Koréa

Brawala antara nagara Jepang lan nagara Koréa (Koréa Lor lan Koréa Kidul) iku wis lumangsung pirang-pirang taun iki awit saka sawenèh prakara.

Koréa dirèh pamaréntah Imperial Jepang tekan taun 1945. Koréa mungkur merdagang utawa mbuka gayutan diplomatik marang Jepang nganti taun 1965, masiya ing sabanjuré padagangan ngrembaka kanthi temen. Wayah méné, Jepang lan Koréa Kidul iku padha éncon dagang. Akèh siswa, wisatawan, panglipur, lan wong dagang padha lungan antara rong nagara iki. Éwadéné, gayutan pulitik lan ékonomi Koréa Lor karo Jepang ora mundhak.

Tekan sepréné, Jepang nyélaki Koréa Lor minangka nagara.

Harold Wilson

James Harold Wilson, Baron Wilson of Rievaulx, (lair 11 Maret 1916 – pati 24 Mèi 1995 ing umur 79 taun) iku pulitikus wigati Karajan Manunggal nalika abad angka 20. Dhèwèké uga wujud mahamantri Inggris. Wilson lair ing Huddersfield, Inggris taun 1916. Dhèwèké teka saka kulawarga pulitikus, ing endi bapakné, Herbert (1882–1971) pawongan sing aktif sajeroning Parté Liberal lan ing tembé nggabung karo Parté Labour (Inggris). Ibuné, Ethel (née Seddon; 1882–1957) iku guru. Nalika Wilson umur 8 taun, dhèwèké nekani London lan ing tembé sawijining foto bakal dijupuk lagi ngadeg ing 10 Downing Street sing misuwur.

Cithakan:BritaniaRaya-bio-stub

Indonésia

Indonésia, resmine Républik Indonésia (basa Indonésia: Republik Indonesia), iku sawijining nagara berdaulat transkontinéntal dumunung mligi ing Asia Kidul-Wétan karo sawatara tlatah ing Oséania. Dumunung ing antarané Samodra Hindia lan Pasifik, iku nagara kapuloan gedhé dhéwé ing donya, kanthi punjul telulas èwu pulo. Indonésia nduwé kira-kira populasi liwat 258 yuta wong lan nomer papat nagara paling akèh populasiné ing donya, nagara Austronésia paling akèh populasiné, uga nagara mayoritas Muslim paling akèh populasiné. Pulo paling padhet sa donya Jawa ngandhut punjul setengah saka populasi.

Wangun pamaréntahan republik Indonésia kalebu législatur lan Présidhèn kapilih. Indonésia duwé 34 provinsi, kang lima duwé status administratif mirunggan. Kutha krajan lan paling akèh kang ndunungi yakuwi Jakarta. Nagara duwé tapel wates karo Papua Nugini, Timor Wétan, lan Malaysia sisih wétan. Nagara tanggané kalebu Singapura, Filipina, Australia, Palau, lan tlatah India Kapuloan Andaman lan Nicobar. Indonésia iku sawijining anggota pangadeg ASEAN lan anggota saka ékonomi utama G-20. Ékonomi Indonésia iku peringkat 16 PDB nominal donya lan gedhé dhéwé angka 8 PDB ing PPP.

Kapuloan Indonésia wis tlatah wigati ing padagangan wiwit ing paling ing abad kaping 7, nalika Sriwijaya lan banjur mengko Majapahit dagang karo Tiongkok lan India. Panguwasa lokal nggunakaké modhèl budaya, agama lan pulitik manca saka awal abad Masèhi, lan karajan Hindhu lan Buda ngrembaka. Sajarah Indonésia wis diprabawai déning kakuwasan manca kepincut karo sumber daya alam Indonésia. Pedagang Muslim lan sarjana Sufi nggawa Islam kang saiki dominan, sawatara kakuwasan Eropah nggawa Kristen lan perang siji liyané kanggo monopoli dagang ing Kapuloan Maluku ing Jaman Penjelajahan. Sawisé telung lan setengah abad kolonialisme Walanda wiwit Amboina lan Batavia, lan pungkasanipun kabèh kapuloan kalebu Timor lan Papua Kulon, ing kaping diselani déning kakuwasan Portugis, Prancis lan Inggris, Indonésia mardika sawisé Perang Donya II. Sajarah Indonésia kang wis wiwit ora tenang, karo tantangan bencana alam, raja pati massa, korupsi, separatisme, prosès démokratisasi, lan pèriode saka owah-owahan ékonomi kanthi rikat.

Indonésia dumadi saka atusan golongan ètnis lan linguistik asli. Golongan ètnis gedhé dhéwé – lan dominan ing pulitik – ya iku Jawa. Idèntitas nasional wis dikembangaké, dikukuhaké déning basa nasional, karagaman etnik, pluralisme agama ing populasi mayoritas Muslim, lan sajarah kolonial lan kraman marang iku. Sesanti nasional Indonésia, "Bhinneka Tunggal Ika" ("séjé-séjé nanging ajeg manunggal"), nuduhaké karagaman kang nagara. Sanajan populasi gedhé lan tlatah padhet kang ndunungi, Indonésia duwé tlatah jembar ara-ara samun kang njurung karagaman hayati tingkat paling dhuwur kaping pindho ing donya. Indonésia duwé sumber daya alam kalubèran kaya lenga lan gas bumi, timah, tembaga lan emas. Pertanian mligi mrodhuksi beras, tèh, kopi, bumbon crakèn lan karèt. Partner dagang utama Indonésia ya iku Jepang, Amérikah Sarékat lan nagara tangga Singapura, Malaysia lan Australia.

Jack Daniel's

Jack Daniel's iku salah sawijining mèrèk ombèn whiskey saka Tennessee whiskey lan sawiji whiskey saka Amérikah Sarékat kang paling laris sadonya iki. Ombèn iki diprodhuksi ing kutha Lynchburg, Tennessee, Dening Jack Daniel Distillery (Pabrik Penyulingan Jack Daniel), diduwèni Brown-Forman Corporation awit taun 1956. Sanajan dadi panggonané pabrik penyulingané kang pusat, Moore County (laladané pabriké Jack Daniel's kang utama) ya iku kalebu kang jenengé dry county (jinising tlatah ing Amérika kang nglarang dagang ombèn-ombèn kang ngamot alkohol), mulané produk asilé ora sadhiya kanggo konsumsi masarakat ing toko-toko utawa restoran-restoran kang ana ing jero daerah iku mau.Produl-produké kalebu kriteria-kriteria paugeran kanggo klasifikasi ombèn jinisé straight bourbon, kumpeniné mungkiri klasifikasi mangkono lan ngadhol produk-produké gur minangka whiskey Tennessee tinimbangé minangka bourbon Tennessee. Kaya kang mau ing North American Free Trade Agreement (Prajanjèning Padagangan Bebas ing Amérika sisih Lor), Whiskey Tennesee kalebu ombèn straight bourbon kang uwis sah diprodhuksi ing jero nagara pérangan Tennessee. Kabungkus ing botol-botol kothak kang khas, gunggung produké kang diarani 'black label' (bungkus jabané warna ireng) kang kasil kadol ya iku 11 yuta kothak, kalapor ing taun fiscalé kumpeni iku mau kang ditutup ing tanggal 30 April taun 2013.

Matématika

Matématika (basa Yunani: μαθηματικά-mathēmatiká, saking tembung μάθημα(máthema) ingkang tegesipun "sains, èlmu pangertosan, utawi sinau" ugi μαθηματικός (mathematikós) ingkang tegesipun "remen sinau") inggih punika studi besaran, struktur, ruwang, lan éwah-éwahan. Para matématikawan pados manéka pola, ngrumusaken konjektur énggal, lan yasa kaleresan liwat métodhe dhédhuksi ingkang kaku saking aksioma-aksioma lan dhéfinisi-dhéfinisi ingkang silih selaras.Dhisiplin ingkang paling utami ing matématika dhasaripun inggih punika kabetahan kanggé pangétangan wonten babagan dedagangan, pangukuran siti, ugi pangétangan kanggé paramalan kadadosan astronomi. Tiga kabetahan punika limrahipun wonten gegandhènganipun kaliyan pambagéyan umum babagan matématika inggih punika: studi masalah struktur, ruwang lan éwah-éwahan.

Pangertosan ingkang prasaja saking matématika inggih punika ngèlmu étang utawi aritmatika, punika wujud pamahaman matématika ingkang paling dhasar.

Wonten pasulayan perkawis: punapa objèk-objèk matématika kados ta wilangan lan titik dhateng kanthi alami, utawi namung damelan manungsa. Satunggiling matématikawan Benjamin Peirce nyebat matématika minangka "èlmu ingkang nggambaraken simpulan-simpulan ingkang wigatos". Déné tiyang sanèsipun, Albert Einstein nélakaken bilih "satebihipun ukum-ukum matématika tegesipun kasunyatan, sadaya wau boten mesthi; lan satebihipun sadaya wau mesthi, sadaya wau boten tegesipun kasunyatan."Langkung pangginaan panalaran logika lan abstraksi, matématika ngrembaka saking pancacahan, pangétangan, pangukuran, lan pangkajian sistematis dhumateng bangun lan pagerakan bendha-bendha fisika. Matématika praktis sampun dados kagiyatan manungsa milai wontenipun rekaman kaserat. Argumèntasi kaku sepindhah muncul ing salebetipun Matématika Yunani, mliginipun ing salebetipun karya Euklides, Èlemèn. Matématika tansah ngrembaka, upaminipun ing Cina nalika taun 300 SM, ing India nalika taun 100 M, lan ing Arab nalika taun 800 M, dumugi jaman Rénaisans, nalika pamanggihan énggal matématika silih interaksi kaliyan pamanggihan èlmiah énggal ingkang ngarah dhumateng paningkatan ingkang rikat ing salebetipun laju pamanggihan matématika ingkang teras dumugi sepriki.Sapunika matématika dipun-ginakaken ing saindhenging donya minangka piranti wigatos ing manéka babagan, kalebet èlmu alam, tèknik, kadhokteran/mèdhis, lan èlmu sosial kados ta ékonomi, lan psikologi. Matématika terapan, cabang matématika ingkang nglingkupi panerapan pangertosan matématika dhumateng babagan-babagan sanès, ngilhami lan damel panggunaan pamanggihan-pamanggihan matématika énggal, lan sok-sok ngarah dhumateng pangembangan dhisiplin-dhisiplin èlmu ingkang sapenuhipun énggal, kados ta statistika lan téyori permainan. Para matématikawan ugi sinau ing salebetipun matématika murni, utawi matématika kanggé pakembangan matématika punika piyambak, tanpa wontenipun panerapan ing salebetipun pikiran, sanadyan panerapan praktis ingkang dados latar munculipun matématika murni kasunyatanipun asring kapanggih ing tembé wingking.

New Amsterdam

New Amsterdam/Amsterdam Anyar (basa Walanda: Nieuw Amsterdam) iku jeneng saka laladan pamukiman mawa bètèng ing koloni Provinsi Walanda Anyar nalika abad angka 17 sing saterusé dadi New York City. Kutha iki diyasa nalika taun 1625 déning Perusahaan Hindhia Kulon Walanda, manggon ing pojok kidul pulo Manhattan sing strategis lan dimaksudaké kanggo ngreksa jalur mlebu usaha padagangan wulu sing dikuwasani perusahaan mau ing Lembah Hudson. New Amsterdam ngrembaka dadi laladan pamukiman kolonial Walanda gedhé dhéwé ing Amérika Lor lan ana ing kakuwasané nganti taun 1664, nalika tiba kanggo sauntara wektu menyang tangan Inggris. Walanda ngrebut manèh nalika taun 1673 lan dijenengi "Nieuw Oranje" (basa Inggris: "New Orange"), nanging ora suwé sabanjuré dipasrahaké manèh kanthi permanèn menyang tangan Inggris nalika taun 1674. Taun diadegaké kutha iki 1625 dipèngeti sajeroning Lambang Resmi Kutha New York (sadurungé katulis taun 1664, taun pambentukané déning pihak Inggris).

Delengen: Kolonisasi Walanda ing Amérika, Sajarah Kutha New York

Osaka

Kanggé kagunan sanès saking ', mangga mriksani [[]].Kutha Osaka (大阪市, Ōsaka-shi?) rungokna iku kutha katelu-gedhé dhéwé ing Jepang, kanthi populasi 2,7 yuta wong.

Kutha iki ana ing pulo Honshu, ing cangkem Kali Yodo ing Lempongan Osaka. Kutha iki wujud salah siji pusat indhustri lan pelabuhan utama, uga kutha krajan Prefektur Osaka lan pérangan pusat saka laladan metropolitan Osaka-Kobe-Kyoto. Ing sisih wétan, Osaka wewatesan karo Kyoto lan Nara, lan ing sisih kulon karo kutha Kobe. Osaka wujud péranganing wewengkon Kansai.

Osaka wujud sawijining metropolis banyu, mawa kali-kaliné lan gunggung kreteg paling akèh ing Jepang nganti ora kaétung gunggungé. Miturut wong Jepang, ana "808 yasan kreteg" ing Osaka. Konon kanggo wong Jepang, angka "808" wujud gunggung kang akèh banget, lan padha tegesé karo ora kaétung. Sejatiné gunggung kreteg kang ana ing Osaka ya iku 790, ing antarané, 761 kreteg kang dikelola déning pamaréntah kutha Osaka.

Ana loro pusat kutha ing Osaka, ya iku Umeda ing sisih lor, lan Namba ing sisih kidul. Kaloro pusat kutha iki dihubungaké déning dalan utama kang jenengé Midosuji. Kantor-kantor padagangan, bank, lan konglomerat Jepang lumrahé kapusat ing saubengé Dalan Midosuji. Pasawangan Dalan Midosuji mawa godhong-godhong wit Ginkgo kang nguning ing mangsa palastra éndah banget.

Pagedhangan, Adiwerna, Tegal

Pagedhangan iku désa ing Kacamatan Adiwerna, Kabupatèn Tegal, Jawa Tengah.

Plabuhan Shanghai

Plabuhan Shanghai, mangggon ing kutha Shanghai, ya iku plabuhan kang ana ing segara ucul lan uga plabuhan kali.

Taun 2010, Shanghai wis ngluwihi Singapura dadi plabuhan kontainer paling sibuk ing donya. Plabuhan Shanghai nangani 29,05 yuta TEU, déné plabuhan Singapura kalah setengah yuta TEU saka plabuhan Shanghai.

Prajanjian Padagangan Gegaman

Prajanjian Padagangan Gegaman (basa Inggris: The Arms Trade Treaty , ATT) iku prajanjian internasional sing ngatur babagan padagangan gegaman internasional. Prajanjian iki disahaké déning Majelis Umum Perserikatan Bangsa-Bangsa nalika tanggal 2 April 2013 ing New York, Amérikah Sarékat. ATT ngupaya kanggo ngrégulasi lan matesi padagangan internasional sajeroning gegaman konvènsional, wiwit saka gaman ènthèng tekan tank perang lan kapal perang sing regané 70 milyar. Saka 193 nagara anggotané, ana 154 nagara sing nyengkuyung, telu nentang, lan 23 abstain.

Roberto Azevêdo

Roberto Carvalho de Azevêdo (pangucapan ing basa Portugis: [ʁoˈbɛʁtu azeˈvedu]; lair 3 Oktober 1957; umur 62 taun), iku sawijining diplomat lan wakil Brasil ing Organisasi Padagangan Donya (WTO) wiwit taun 2008. Nalika sasi Mèi 2013, dhèwèké kapilih minangka Dirèktur Jèndral Organisasi Padagangan Donya nggantèkaké Pascal Lamy.

Tèh

Tèh (basa Cina: 茶, Chá), iku ombénan tein. Yoiku salah siji infusi kang kagawé saka godhong garing semak Camellia sinensis kanthi banyu panas. Ing basa Cina Amoy diarani Te kang tegesé tèh. Basa nasional Cina tembung tèh ya iku Cha. Yèn ing basa Inggris tèh diarani tea. Akèh wong kang seneng ngombé tèh anget utawa panas. Kadhangkala diwènèhi gula.

Teh kang kagawé saka tuwuhan tèh dipérang dadi 4 (patang) golongan: tèh ireng, tèh oolong, tèh ijo, lan tèh putih.

Istilah "tèh" uga dipigunakaké tumrap ombènan kang kagawé saka woh-wohan, bumbon crakèn utawa tuwuhan obat liya kang diseduh, kaya ta, tèh rosehip, camomile, krisan lan Jiaogulan. Tèh kang ora ngandhut godhong tèh ingaran tèh hèrbal.

Tèh minangka sumber alami kafein, teofilin lan antioksidan kanthi kadar lemak, karbohidrat utawa protéin amèh ngancik nol persèn. Tèh yèn diombé krasa rada pait malah dadi ciri sedhepe ngombé tèh.

Tèh kembang kanthi campuran kuncup kembang mlathi kang mau tèh mlathi utawa tèh wangi mlathi dadi tèh kang populèr ing Indonésia. Konsumsi tèh ing Indonésia watara 0,8 kilogram per kapita per taun isih adoh ing sangisoré nagara-nagara liya ing donya, sanadyan Indonésia kagolong nagara kang ngasilaké tèh paling akèh nomer lima ing donya.

Télévisi

Télévisi utawa TV ya iku médhium tèlèkomunikasi medium kanggo nyaluraké swara karo gambar-gambar kang obah ing monokrom / sak warna (ireng-putih), utawa ing warna-werni, lan ing dhiménsi loro utawa dhiménsi telu. TV bisa ngrujuk marang saprangkat télévisi, sawiji acara télévisi, utawa médhiumé transmisi télévisi. télévisi iku sawiji média massa, kanggo klangenan, pangajaran, pawarta, lan pangiklanan.

Télévisi uwis sadhiya ing akir taun 1920an awujud èkspèrimèn kang isih kasar. Sawisé Perang Donya II, wujud panyiaran TV ireng-putih kang uwis luwih apik dadi kaloka ing Amérikah Sarékat lan Karajan Manunggal, lan prangkat-prankat télévisi dadi barang wajib ing omah-omah, padagangan, lan institusi-institusi. Nalika ing taun 1950an,télévisi iku medhium utama kanggo mangaribawani opini publik. Ing tengah-tengahing taun 1960an, Panyiaran warna kawanuhaké ing Amérikah Sarékat lan akèh-akèhé nagara-nagara kang uwis maju. Sadhiyaning médhia panyimpenan kaya ta tép VHS (1976), DVD-DVD (1997), lan blu-ray discs HD (2006) ngolèhaké para pamiyarsa bisa nonton acara-wujud acara kang uwis direkam sadurungé ing omahé dhéwé-dhéwé, kaya ta filem-filem. Ing akhiré dékade kapisaning taun 2000an, kawentarané panyiaran-panyiaran télévisi digital mundhak kanthi gedhé. Pangembangan liyané ya iku pindhé saka standard-definition television / SDTV (TV dhèfinisi standard) (576i, kang garis-garis interlaced résolusiné 576 lan 480i) dadi high-definition television / HDTV (TV dhèfinisi tingkat dhuwur), kang nyedhiani resolusi kang luwih dhuwur banget. HDTV bisa kasiaraké ing sawerna format kaya ta: 1080p, 1080i lan 720p. Awit taun 2010, pangrékaning smart television (télévisi pinter), Internet television (télévisi nganggo internét) mundhakaké sadhiyaning acara-acara télévisi lan filem-filem nganggo Internèt kanthi leladèn-leladèn kaya ta Netflix, iPlayer, Hulu, Roku lan Chromecast.

Ing taun 2013, 79% somah ing sadonya dhuwé prangkat télévisi. Panggantining layar saka cathode ray tube (CRT) kang lemu, setrumé gedhé dadi téknologi alternatif kang wujudé ringkes lan lètèr, ora butuh setrum kang gedhé, kaya ta plasma displays (layar plasma), LCD ( fluorescent-backlit lan LED), lan OLED display iku revolusi piranti kasar kang kawiwitan kanthi parèkaning monitor-monitor komputer ing akir taun 1990an. Akèh-akèhé prangkat TV kang didol ing taun 2000an saiki uwis kang layar lètèr, racaké LED. Pabrik-pabrik kang gedhé mbiwarakaké prangkat-prangkat kaya CRT, DLP, plasma, lan fluorescent-backlit LCD ora bakal digawé manèh ing tengah-tengah taun 2010an. TV jinisé LEDs dilit engkas dikarepaké bakal diganti déning OLED sithik mbaka sithik. Pabrik-pabrik iku mau uga uwis mbiwarakaké manawa bakal mundhakaké produksi prangkat-prangkat smart télévision ing tengah-tengahing taun 2010an. Smart TVs kang uwis gabung karo internét lan gunané Web 2.0 dadi format paling lumrahé télévisi ing akir taun 2010an.

Uni Arab Maghribi

Uni Arab Maghribi (basa Arab: إتحاد المغرب العربي‎ , Ittihad al-Maghrib al-Araby, basa Perancis: Union du Maghreb arabe dicekak UMA) ya iku sawijining organisasi pasetujon padagangan Pan-Arab kang duwé tujuan ngundhakaké integrasi ékonomi lan pulitik ing Afrika Lor antara Maroko, Aljazair, Tunisia, Libya, lan Mauritania.

Ing basa liyané

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.